رواية نيران أبو ذيبه الفصل الثالث 3 - بقلم علي العراقي

''نيـران أبـو ذيبـة'''

"بقلم:نبـأ السـلطان

الحلقة الـ ٢

حيـاة :مرت ايامي ويا الشيخ بين حلوة ومرة وبين شماتنه ، والكل تنتظر مني الغلط بس لا جان الشيخ الهم بلمرصاد هو وخالتي خطية ادافع عني وما تقبل واحد يمسني  بحجاية مو زينه حيل تحبني وتحب وليدي
، مرت السنين واني اسعد انسانه بذيبي وليدي
وكبر وصار عمره  سبع سنوات  والشكل يختلف اكبر من العمر

جان متفوق حيل بلدراسة درجاته عالية ، وهذا أكثر شي جان مفرحني وفرحان بية أبـو بس هو المدلل من حبوبته وابو عبن هو ابن الشيخ كلهة تسأل عنه وتحبة

اذا جاب نتيجه عالية لازم تجي هدية تخلي الناس تضوج منه ، وحبوبته تموت ومدللته جان كلها تموت منه وجهال ما ترضى تلعب وياه والسبب جان النسوان وتفكيرهن الي عبنه براس جهالهن

مرات يجي يكُولي ماما اريد اطلع العب

حياة :ابقى يمي يمـه وين طالع اخاف عليك ؟

غضب :لا يمـة شني انه مو جاهل ابوي يكول عني زلمتي ذيب ؟

حياة :براحتك اطلع العب بس لا تروح بعيد ابقى هنا بلباب بين ما اكمل تنظيف ..

طلع واني اباوع واكف وحيد وليدي والجهال تضوج جانوا ميضربوا ولا يغلطون علية يخافون من حبوبتهم والشيخ بس مجرد يطردونه. بكلمات " روح لا تلعب ويانه ما نحبك "
" روح مدلل جدتك "

تأثرت نفسيته من هو طفل والسبب الأكثر نسوان وزلم التمشي بحجيهن هو طفل تخلن جهالجن هيج تحقد علية بلا سبب

رجع للبيت مكتأب بس ما نزلت دموعه ، مغندب وضايج ماحاجيته سكت وراح فتح باب حجرة حبوبتة وكعد يمها تحجيله على سوالف حلوة ..
ماجان عنده غير اصدقاء اثنين واني مرتاحه الهم لان اعرف تربيتهم شنو اهاليهم خوش ناس ابن جيرانه بيت ابو حسن
زوجتة صديقتي ، ووالد حسن هم صديق الشيخ وبيناتنه واجب .

بسنة ١٩٩٨بشـهر الرابـع

غضب:يمه انه طالع ؟

حياة:وين رايح هو حسن وراح لـ خواله من يجي العب وياه امي

غضب:يمـه مو انه من اكعد وحدي بلبيت شني مراه ؟

حيـاة:شوكت كاعد وحدك بلبيت ابو لسان ،اشو ابوك من يجي مجاز ياخذك للديوان ما اشوفك نصاص الليالي من يروح الدوامـه انتة تكضيها ويا حسن

رجع الشيخ مجاز من دوامه استراح شوية واجانه خبر صادم
رجع للبيت ضل يفتر على غراضه،

حياة:بس احجيلي شصاير

خيـون:اجاني خبر بيت ابو حسن مسوين حادث كلهم ماتوا بس حسن نجى من الحادث وحالته خطرة ؟؟

حيـاة:طلع الشيخ من البيت مسرع ، وجلب بية غضب يريد يروح وياه

خيـون:رفيجك مابية شي وليدي بلمسشتفى انه اخذك اله بعدين خلني اروح للوادم ؟

طلع من البيت مستعجل وراح ويا ناس ،، ما رجع غير الثاني يوم ،

حسن حالته الصحيه نوعٱ ما تحسنت جان عمر ٦ سنوات صغير ،

نجاة حسن من الحادث صارت معجزة بأعجوبة نجى من الحادث ، ضل الشيخ على عمـامه وخواله الطفل اتبروا منـه كالوا ما نريدنه صار مقطوع من شجرة

حيـاة:حسن صار وليدي ثاني حاله حال غضب ، ابد مو بسهولة تجاوز موت اهله ليل نهار جان يبجي وانه من اشوفه ما اتحمل اكعد ابجي امه جانت مثل اختي ما شفت منها شي موزين

قسـمه:يمه انتي سمعتليج واحد عار مات

حيـاة:لا يبقى بس الي مثل أحلام والناس الزينه تمشي من وكت وتخلي بكلوبنا جرح جبير ما ينسي ،،
جان المهون على حسن هو غضب يشجع بية ويكول اله انتة صرت اخوي وامي امك وابوي ابوك

جان الشيخ خيون ,مثل مو مدلل ذيب مالته مدلل حسن ,ويحبه ما يفرق بيناتهم ابد اثنينهم من ينجحون يجيبلهم هدايا وكل وحده تختلف عن الثانيه جان دوم يشجع بيهم على دراسة وما قصر وياهم بشي ولا حتى انه ما تغفى عيني اذا ما اشوفهم اثنينهم نايمين خاف بردانين اذا شتاء اضل رايحه راجعه للغرفه بالي يمهم واذا جوعانين اخاف عليهم من كلشي وخالتي ، تكول خليهم وحده يتعلمون بس كلبي ما ينطيني ؟

_- حسن خجول ومؤدب حيل عكس غضب جان عصبي وحرك ولسان هذا لا يختلف من هما صغار علمهم الشيخ على الصلاه صاروا يتسابقون هما .

احلى شي صار انو تنافس قوي بيناتهم على الدراسه وصاروا معروفين بشطارتهم واخلاقهم ،

غضب (ابو ذيبه):
كننا ما محتاجين شي خير ابونه مكفي وموفي  ،بس يكلي نطلع  نشتغل ، وفعلا اشتغلنا وتعبنه

يوم من الايام كاعدين اني وحسن ،،حسن كال ذيب شتكول لو نشتغل.ونكون نفسنا احنه صرنا كبار شوف انت عمرك 8 سنوات

ابو ذيبة : تههههههه حبيبي بعدك كتكوت ،تتحمل الشغل
حسن : انجب ذيب شنو ولك وعلي اكول لامي

ابو ذيبة : كون يلا صلي يالمؤمن

حسن : اني راح اكول لامي عليك ترى مو وضعية هاي

ابو ذيبة :ههههههه خوش خوش هسه صلي بعدين نكول

بعد مدة من الزمن :ابو ذيبة. يمه يمه اريد احجي وياج

حياة:ها يروح امك احجي شتريد كول وليدي

ابو ذيبة : يمه اني وحسن قررنا نشتغل،احنا كبار صرنا ونعتمد على روحنه بعد كافي ابوي يصرف علينه

نجاة :طكتها بضحكه عالية وجهه صار احمر من الضحك ،ااي وشتشغلون بالله

ابو ذيبة : كواويد ؟؟

حياة : انجب لك وضربته راشدي متحملت كلامه نفرزني حيل بعده فصمه ويحجي هيج

ابو ذيبة :لزمت خدي ما نزلت مني ولا دمعه انه جبير انه ذيب ابوي وغضب امي ميخالف واذا ضربتني ..هااااا شبيج هسه شگلت اني ؟

حياة:تنجب وتاكل تبن انطيتك عين منو علمك هالسوالف الطايح حظها.

ابو ذيبة  : يمة اني كبرتت اووووف يا الله مو عيشة زهر مر ترى مليت طكت روحي .
.التفت على حسن ساكت ما يحجي .طكيته براشدي .كتلة
  ما تحجي لالك قندرة مو بس اني

حسن:هاي شبيك اني مو مثلك اجادل يمعود شكو لا طكني هيج

ابو ذيبة: ضجت وضليت احجي بصوت عالي ..مو عيشة والله زهر مر طكت روحي منا نسوانكم ومنا انتوا ، وين اولي وين انطي وجهي

حياة:نفذ صبري منه ومن كلامه اعرفه جبير وكلامه مو مال عمره بس اخاف علية من كلشي ..خير ابوة مكفي وموفي ما محتاجين الحمدلله ،
،امشي لك روح اقرة يلا امشي كدامي لضل واكف كدامي مزنبر هيج

الذيب : اهووووووو غير خرة عطلة شنو اقرة ماليش مال طيحان حظي

حياة : والله وطالعلك لسان انتة

حسن : فقير صم حلكك وانجب

الذيب : انت تاكل تبن وتنجب...طلعنا اني وحسن من البيت ضايج طالعه روحي

غضب: تلاكينا احنه صديقنا كركان بشارع كاعد وحده يبجي موت نفسه من البجي

لزمتة من ايدة كومته وحسن نفض التراب الي على ملابسة

-_شبيك شكو تبجي

كركان: امـ.. امي راح تزوج وتعوفني

غضب: لا يا گح...، يلا سبحه وكملت تعال امشينا للبيت

حسـن: عمامك وين مو موجودين

يبجي ويشهك وكوة يجر النفس،

كركان: محد يريدني طردوني كلهم من بيوتهم ُ

غـضب: كوم ويانه للبيت انعل ابوهم لابو منين ماطلعوا هالكواويد

اخذنا للبيت دخلت لامي وكتلها... يمـه

حياة: ها يبعد امك

غضب: صديقي كركان مو تعرفينه

حياة: اي حبيبي شبية

غضب: امه راح تزوج وطاردته من البيت ما تريده وعمامه هم طاردينه محد يريده لكيناه كاعد بلشارع فاطس من البجي

حياة: يا يمـه، صدك تحجـي شمالها العالم تسودنت...... طلعت من البيت..

ها يمه كركان تعال  بعد عيني فدوة اغديلك 

كركان: يبجي ويحجي،، خاله امي طفتني من البيت ما تريدني؟

حياة: يابعد عيني خالتك،  شني تعيش بيتي حالك حال غضب وحسن انه امك يبعد روحي، هسه انه اروح لامك. وافتهم منها

وباجر اخلي عمك خيـون روح العمامك

غضب: اذا عمامه رعنان

حسن: اسكت يمعود

حياة: احنا اهلك حبيبي كافي تبجي مو كطعت كلبي اسكت يمه

-_هدئ كركان شوية وسكت، كعدنا نتغدى ذاك الطبخ الزين من ايدين الوالده،

صار العصر ولبست وتحضرت اروحن الها،

وصلت بيتهم والله مارايدة اشوفها بس الخاطر هالولد هذا

طلعتلي رادتنه ندخل ماقبلت

حياة: خية انه زعلانه عليج ليش اليوم وليدج طاردته من البيت والولد مهضوم واجانه يبجي

سهام: يا يا جا شلون بلـه

حياة: شنو شلون خيـه هذا وليدج وضناج غيرج تتحسر على ريحته

سهام: حياة شتردين الفرخ ما اريده والرجال عنده بنات وكال ماريده بيتي

زوجي كال بس يجي للبيت اطردج انتي وياه واني ماريد اتطلك

حياة: ولج يا معزاية طفل حرام عليج

سهام: ماريده لا تلحون عليه هيج صرتي حنينه علية خلي يمج اذا تردي اخذي ربي ماريده اني

حياة: انه ما اكول غير بس حسبي الله ونعم الوكيل عليج بش راح يفيدج الرجال باجر عكبه اذا كبر يسندج بكبرتج منو بحالج انتي غيره، بس جيب اليفهم طفل من دمج ولحمج هيج تسوين بية

راح اخذه واعيشه يمي خيرنا جازي احنه لا. بحالج ولا بحال امثالج حاله حال ولدي هذوله، 

بس كلام شرف يا سهام وتذكرينه بعدين وحق هو امير المؤمنين راح يجي يوم وتندمين على فعلتج هاي

اخذت مستمكات كركان وطلعت من يمها، شلون نسوان علمود رجل تكتل روحها

غضب: رجعنا للبيت وجان ابوي موجود وسمع بسالفة كركان كال

هذا الشيخ. خيون الكم واحد ضايكه بيه الدنيا لكل واحد محتاج لكل واحد ماعنده سند

امي انخبصت اتحضر بلاكل وترتب بلمطبخ فرحانه ب كركان

حياة: يمه ولكم فقير ذيب

حسنن وغضب: هااا يمه نحن هنا

حياة: يلا يمه كدامي طببوا اسبحوا تعالوا اسبحكم

ذيب: لا شنوووو تسبحينييي عييييب يمه انه اسبح

حسن: اسبح واسكت لتخبصنا،

حياة: انلصم ابو العيب يلا يروحي اسبح دشداشتك وغترتك

طلعنا من الحمام بدلنا ملابسنا

وكركان عصت براسه المربع دشداشه

ذيب: ههههه هذا ماا يرهم ويا االا شليف يمه

حياة: ولكم ششبيكم

كركان: انتة ضل بسوالفك هاي. شوف ياهو يفيدك

ذيب: خووش يبو راس مربع

حياة: يمه انه اخلي الشيخ يفصلك احلى تفصال مالك خص بحجي هذا

ذيب: ههههه كول انه سعيد الحظ

كعدنا نتغدى وسط اجواء مريحه وضحك وسوالف

خيون: انه احبج يا حوية

حياة: فدوة اغديلك يبعد عمري

يتبع....

نـبـأ الـسـلطان 🌺