رواية وعصفت بنا الاقدار الفصل السادس وسبعون 76 - بقلم Rozaya1122

وعصفت بنا الاقدار... البارت الثاني والسبعون
للكاتبه زهراء ( روزايه)...

من تشوف تآليتك صرت مآ تسوه ..
و الچآن يسميك آبو عيون الحلوه
رهمتله غير عيون وشآفك نزوه
ساعتهآ رآح تحس بـ أذيتي و فقري !!
.....

لبابه.. من شدة صلابه الخيبه اتمنى لو اكدر ابلع حنجرتي
اتمنى لو عمت عيني ومتوقف الزمن بيه ولا انحط بهيج موقف عيني عليهه هي وبس اذاني تسمع توسل عقيق وهي
دكله تعال شوف شتحجي مروه...

ماجنت واعيه على حالي بس الي اعرفه اني جنت واكفه
كدام مروه واعيد بكلامهه ماجنت اعرف شصار وشسويت
لحد الان من اعيد اللحظه وعبالك اليوم صارت ارجع على نفس  وكفتي واني اعيش الخيانه والخذلان..

عقيق.. لبابه وجهه صار اصفر حيل وشفايفهه ترجف
ايدهه ضاغطه على ثوبهه وتعصر بي ومروه بكل اريحيه
كاعده ولا ارتبكت ولاخافت من انفتح الباب ودخلوا

اني من يمي خفت وتمنيت عندي سلطه واني رجال
واسوي السوايات بجراح لزمت ايد لبابه اريدهه تكعد
صارت مثل الخشبه صوت بلعة ريگهه الناشف والغصه
القويه سمعتهه ..

السبع.. السلام عليكم خير شكو ؟؟
عقيق.. هاي مروه اجت وحدهه فتحت باب الشقه وعدهه مفتاح ودكول اني متزوجني جراح بالسر
السبع.. التفت على جراح بعصبيه وكاله صدك هالحجي

جراح مايعرف شيسوي عينه على لبابه حته من سأله السبع مارد علي بس عيونه شاخصه عليهه ويريد يتقدم خطوه ويوكف بمكانه

لزمت لبابه بقوه كعدتهه ماانطت اي ردة فعل عينهه بالفراغ  ومروه رجل على رجل اجه السبع كعد واشر لجراح بايده اياك تحجي حرف واحد اريد اسمع وساعتهه ياابن عمي  تشوف العمرك ماشفته مني..

وجه كلامه لمروه شنو دليلج ؟؟
مروه .. ماما وخالو واختي كلهم يدرون اتزوجنه على سنه الله  وزواجنه حلال بس ظل سر عنكم وهسه من انلح علي يعلن ميقبل وكام يتهرب بحجه لبابه متقبل وهاي اني اجيت اما يطلگني اما يعلن زواجنه

السبع.. من شوكت تزوجج
مروه.. صار 4 اشهر
السبع.. خالج ما كال شلون تاخذين واحد بالسر لو هالشي
عادي عنده
مروه .. هو كال مده واعلن زواجي لان زوجتي هسه مريضه وتعبانه وهسه غير رأيه لايقبل يطلك ولايقبل يعلن

وهو حذرني مااجي لهنا لان كال لبابه جايه بالشقه واني
كسرت كلامه واجيت لان مايقبل يشوف صوره حل
وهاي كل القصه ...

السبع.. انتي هسه تروحين لاهلج والدرب الجابج يردج
وبعدين نلكالج حل وياريت هاي الشقه ماتجيهه وتعوفين
المفتاح هنا هي شقه مو خان جغان

مروه.. تمام راح ارجع اعذريني لبابه مثل ماحبيتي
اني حبيته هو زوجي وماراح افرط بي..

عقيق.. شالت جنطتهه وطلعت السبع دنك يفرك براسه
جراح مانزل وراهه بس يترقب ردة فعل لبابه
صاح السبع بصوت يمكن العماره كلهه سمعتنه لاول مره
اشوف عصبيته كدامه جانو يحجولي بس ماشايفتهه

السبع... جرررراااااااح شسويت ولك شسويت انت مودست على لبابه انت دست عليه انه اخوك تدري شسويت هنا طعنتني  واشر على كلبه ..تعرف شراح اسوي بيك تدري شلون  اطلع هاي الايام من عيونك 4 اشهر وانت تضحك علينه وعليهه

جراح.. السبع افتهم موهيج الحجي
السبع.. صاح بي شنو الحجي كل واحد بيكم يدك دكته ويصيح موهيج الحجي ذاك طلع حجه انسانيه وانت هسه شنو حجتك انه اكلك حجتك مايسويهه غير الحيوان والزلمه يجي يوكف كدام مرته ويكلهه مو يستغلفهه

جراح.. انطينه مجال ناكل... لاتزودهه شتردون احجوا
بس خلي افهم لبابه السبع بروح ابوك انطيني مجال

لبابه.. اطلع بره اذا ماطلعت اني اطلع جمره خلي يطلع
اذا ماطلع والله مااخليك تلكاني حجتهن كلهن بهدوء وراحت للغرفه

ركضت وراهه والسبع هو وجراح بره ماادري شيحجون
بس لبابه جاي تنهار وماتدري شتحجي بس صافنه
واطرافهه ثلج كعدت على الجربايه ولادمعه وكعت منهه
لزمت اديهه واحاجيهه لبابه وجهج اصفر بس على كيفج

لبابه.. اني التحملته هيج يجازيني؟؟ اني العاملني معامله
بنات الليل هيج يسوي بيه واكول مريض؟؟
يباوع بعيني ويكول احبج وهو يخوني؟
جراح خاين وخاني ومتزوج 4 اشهر ؟؟

اريد امي عقيق اريد ماما وكامت ترجف دموعهه عبالك
جمدت بطرف عينهه بس حمر ومدمعات بس ماجاي تبجي تهتز مثل غصن مكسور بهوه عالي ومتشبث باخر عود جذر عنده...

سمعت صوت الباب انضرب حيل طلعت اركض السبع
كاعد ومدنك وجراح طالع شسوي اكعد يم السبع
المرتفع ضغطه لو اركض على لبابه الماجاي تنطي ردة فعل ...

كعدت يمه كتله جمره لبابه ماجاي تحجي وحته ماتبجي
السبع.. من الصدمه خلي اشوفهه وينهه
عقيق.. هياتهه بالغرفه كام وياي جانت على كعدتهه
وتهز برجلهه كعد بصفهه وكالهه تثقين بيه موو؟؟
ادري كل الكلام مايواسيج ولاراح يرد خاطرج بس مدامني وياج الكسرج مره اخلي ينكسر الف مره ...

لبابه.. السبع خاني اني ماسويت شي والله اتحملته
هواي هواي هاك شوف ايدي وطلعت ايدي يشوف اثر
الربط مال اديه هاك شوف ليش هيج سوه بيه؟؟

السبع.. لادكولين ليش لان ماراح تحصلين جواب منه
كولي شلون راح يدفع ثمنهه وشلون راح تطلع
حوبتج بي صدكيني يالبابه ماراح تعدي حرگه
هذا اليوم على خير على طول عمره..

كام وكف وصاح تعاي عقيق طلعت وراه كال عينج
عليهه هسه اجي راح اخابر رانيا تجيهه عافنه وطلع
واني مااعرف شلون اواسي كعدت يمهه وافرك بايدهه

نص ساعه واندك الباب حيل رانيا دفعته وطبت تركض
بس شافت لبابه ويمكن هاي جانت منتظره ايعاز
بس شافت رانيا صرخت وطلعت هاي الساعه مال الصدمه والانهيار كامت تملخ بشعرهه هيج تشلعه من جذره وتخلي كدامهه على وفاه امهه ماسوت هيج تضرب بصدرهه حيل  وكانو يستغيث ارحميني من قوة الضربه وهي تصيح خاني ضحك عليه !!!

ماكدرت اتحمل واظل اتفرج طلعت بالصاله كعدت ابجي
وصوتهه وهي تصرخ وتبجي يرن باذاني جانت بس تصيح اريد ماما ورانيا شابگتهه وتريد تهديهه ماتكدر..

فوك الساعه هي هيج لحدماخلصت طاقتهه طلعتهه تسحل بيهه حته تغسل كمت وياهه غسلت ورجعناهه
للغرفه نامت على رجل رانيا واني كاعده كدامهه مغمضه
عيونهه ودموعهه تنزل بغزاره

رانيا.. كل مني الله ياخذني شلون هيج فهيت عن الموضوع بس والله حجيت وياهه وكالت خاله اتشاقه
وحجيت ويه امهه شمدريني هيج يصير لان ماشفت شي منهه بعد ولاحته جراح اشوفه شلون الواحد يشك

لبابه.. كل مره اشك واكله يكوم يصيح ويكلي انتي
اتشكين ماكو هيج شي وارجع الوم بنفسي البارحه
يجذب عليه ويكلي بس انتي حبيتج وهو يطلع متزوج
واثارهه على جسمه

عقيق.. احنه ماافتهمنه شلون اتزوجهه وين لكاهه هي من اجت يمنه حته ماجان يلتقي كل نهاره دوام وبليل هي ماتطلع والله انصدمنه جنه خايفين من نوال تطلع هاي

رانيا.. لعد اني ردت اوكع من خابرني ضرغام ويكلي بنت
اختج متزوجهه جراح بالسر لطمت على وجهي وهسه عيني تحركني طبه مرض هو وياهه بس لبابه الكسرت
ظهرنه

عقيق.. لبابه اذا ظليتي هيج حته ماتكدرين تواجهي
قوي حالج وافتهمي السالفه
لبابه.. شفتهم اي عذر مااسمح اذا ماطلگوني مني
والله اشرد ومااخليكم تلگوني ..

عقيق.. سمعت الباب انفتح كمت اشوفه دخلوا تلاثتهم
ضرغام بملابسه مال الدوام وجراح وجهه مطعون طعن
كعدوا وصاح السبع لبابه تعاي احجي اخر كلام عندج

كامت لبابه كالت بس اغسل وطبت للمطبخ واحنه كعدنه
اجت كعدت بصف السبع وكالت اذا انتو زلم وعليكم
العتب مايمرني ليل اذا ماطلكتوني

السبع.. التريدي يجرالج بس لازم تسمعين حته خاف الج
نيه تسامحي انه اكلج موبس انتي اطلعي من حياتج
حته انه كدام الكل اتبره منه وماعندي ابن عم ويصير حاله من حال ولد جبار

اخذ نفس عالي جراح صوته وصلنه ومدنگ توتر موطبيعي عنده يفتح ويسد بايده مسحت دموعهه لبابه
وكالتله ليش تزوجتهه؟؟

جراح.. غلطه
لبابه.. ليش ماكتلي؟
جراح.. شلون اكلج ادري ماراح تبقين وياي
لبابه.. وهاي دريت اني جنت اتجذب عليه اني مره
واحساسي ماخاب من اشك بيك

جراح.. لبابه انطيني مجال وشتردين اسوي والله اطلكهه
لبابه.. لعبه بنات الناس وطلكهه واساسا صوتك ينرفزني
ماراح ادعي عليك ولاحته اتحسب بس اكلك شي
واحد

مسلمتك بيد الله من ايدي الضعيفه لأيد الله القويه
انت بالذات واذا هي جانت نيتهه تهجم بيتي الله كفيلي واذا هم ضحكت عليهه انت هم الله يجازيك
عمري ماراح ابريك الذمه على فراش الموت وتطلب ماابريك ولو اشوفك تتعذب كدامي مايرفلي جفن
الله يسمع ويشوف شلون ماقصرت وياك ولازم مايجي
يوم وينصر المظلوم

جراح.. موهيج الحجي والله مااعرف شحجي
السبع احجي وياهه وفرك وجهه وركبته اوردته
كلهه بينت

السبع.. ياجراح الله يكول مابيني وبين العبد اغفره
بس الظلم المرهون بالعباد ماينغفر وراح ينرد عليك لو بعد سنين طويله انه اذكرك ياابن عمي انت مو ظلمت
انسانه عاديه انت دست وكسرت على يتيمه ابوين
تتوقع الله يخلي دمعتهه تروح هدر

بلله عليك لو اختك تقبلهه واحد مثلك هيج يكسرهه
تريد تزوج الثانيه والثالثه من حقك اذا عندك عذر
تعال كللهه وروح ليش هيج طعنتهه انت رجال وهي مره
هي مشاعرهه تفوق مشاعرك تقبلهه تباوع لغيرك لو بساعتهه دكول خاينه وبنت حرام ضايع الحجي وياك

وانه كدام الكل اكول تستاهل كلشي يصيبك ولك النبي
وصه بيهن كال واستوصوا بهن خيرآ وانت تجي ببروده اعصاب تخليهه تتواجه ويه مرتك شنهي من ظلم
هو الله بس نهانه عن القتل والزنا مانهانه عن الظلم وهذا الظلم بعينه وين تروح من دمعتهه

ضرغام.. جراح انطينه عذر واحد ليش اتزوجت
جراح.. ماادري هي هواي تودد الي ماادري حلت بعيني
وخالهه كال اتزوجهه وجان مطلوب وكال انطيني فلوس
وازوجهه الك وصار الصار ماادري لاتسال

عقيق.. جانت كاعد لبابه ومدنگه وهو يحجي ومانحس
غير لبابه هي كمزه من مكانهه هي هجمه على جراح
وضربته بسجينه حاده بنص صدره بس تحرك وفاتت
صفح...

كلنه كمنه لزمهه السبع ووخرهه دفعت السبع ورجعت
تريد ادخل السجينه اكثر بس رانيا اخذتهه تشحط بيهه
للغرفه وجراح مال على الجهه الثانيه ولازم كتفه والسجينه منبته بي وينزف ..

اخذوا للمستشفى وهنا صحت لبابه لو مسولفيلي
عنهه مااصدك بس الشفته بعيني فعلا لو كالو لاتجرح
النساء كامت غسلت وكعدت عينهه مفتوحه بالكامل
جافه من اي اثر دمع نفسهه منتظم تباوعلنه ونظرتهه
ماتتفسر ...

انريد نحاجيهه انخاف تنهار بس هي جانت بقمة هدوئهه
تباوع لايدهه اللابسه الحلقه بيهه نفسهه الايد الضربته سجينه نزعت الحلقه تگلب بيهه وترجع تخليهه باصبعهه
ظلت على هذا الحال ساعات لحد المغرب يله رجعوا

ضرغام والسبع جراح رايح لبيت ضرغام
هدوء محد تعشه رادوا يحجون وياهه كالت
باجر اريد ارجع للبصره هم سكتنه وثاني يوم
رجعنه ضرغام كال اجي وراكم بس للصبح ماغمضت عينهه...

من وصلنه تلكتنه ام جراح تدري ام رانيا مخابرتهه
حضنت لبابه وبجت مابادلتهه بس تغمض وترمش
وتزفر النفس بعصبيه فجر حضنتهه بادلت اختهه
صارت سالفتنه بس انراقب بيهه ...

ماصعدت فوك طبت بغرفه امهه لليل اجتمع بينه
السبع ضرغام ورانيا وامهه اجو الجو متكهرب
جراح رجع بس فوك مانزل السبع ماخلاه ..

السبع.. كل مره انكول ان شاء الله جمعة خير بس
هالمره مااعتقد راح تكون خير لبابه سمعيني
اتريدي شنو ؟؟

لبابه.. اريد التقي بمروه
السبع.. ليش؟؟
لبابه.. اريد احجي وياهه
السبع.. خابريهه رانيا وخلي تحاجيهه
لبابه.. من احجي وياهه ابلغكم قراري..

كامت وكالت تعالي وياي عقيق رحت وياهه
للغرفه رانيا اتصلت بمروه وانطتهه التليفون
بس اني خلتني يمهه حته اسولف للسبع

لبابه.. اريد تحجيلي شلون تزوجج وثقي بالله وروح
اهلي اعوفه الج
مروه.. زواج عادي حالي حال البنات بس انتو ماتدرون
لبابه.. شلون عرض عليج الزواج؟ومنو التودد لمنو؟؟

مروه.. من اليوم الشفته. بي حبيته وظليت وراه وخاصه
من اجيناكم ويوميه اشتري خط واخابره واراسله وماينطي مجال شكد حاولت ويرفضني ماكتله اني
مروه بس كتله وحده تعرفك وتحبك

وظليت وراه فوك السنه لحدما بيوم كتله اني
مروه وهم ماانطه مجال وظليت الح ويحضرني
من الخط ماما تدري وراحت حجت لخالو وكالتله
عدهم فلوس اعرض علي يتزوج مروه وشينطيك
فلوس هن الك بحجه دين...

وراح خالو حجه وياه وهم ماقبل كاله اساعدك
بس مااتزوج وخالو جان يغري بي هو خالو كال مالكم
علاقه عليه اجيبه سحل اصلا ايسنه بس لان جان بيهه
فلوس مااعرف خالو شلون بذل جهد بحيث جان كل همه
جراح واصلا ماميت علينه يخلينه نسكن يمه بس علمو
الفلوس ..

وبالاخير وافق يتزوجني بالسر بس ينطي فلوس لخالو
مال مهر وهم شي قليل بس اني جنت مامفكره باي شي
المهم جراح ماما كالت بس تحصلي هاهي مايطلكج
لان هذوله ولد شيوخ وعيبه بحقهم ..

لبابه.. وين اتزوجتوا؟؟
مروه.. بالشقه
لبابه.. الله عليج مروه وروح امي اعوفه الج وحته
مااخلي يطلكج بس احجيلي كلشي
مروه.. ليش احجيلج اكو وحده تريد تسمع عن رجلهه
لبابه.. ااي اني حته اكرهه ومااحن اله وحته هم تعيشين
وياه بالحياه التريديهه

مروه.. شتردين تعرفين؟
لبابه.. شلون تزوجتوا؟
مروه.. رحت صالون واجه اخذني للشقه وظلينه 4 ايام
ورجع للبصره وظل هيج يروح ويجي وبطلني من المدرسه حته لااحد يدري

لبابه.. تعرفين حالته ووضعه مو؟.
مروه.. اااي طبعا واساسا هو ليش متخبل عليه
لان اتحمله يكول لبابه ماتتحمل بس اني من يجي
يمي يظل يوم كامل مايطلع

لبابه.. كلامهه مسامير وادك بكلبي
اغمض عيوني واتخيل كل حركه سواهه وياهه
مااتحملت اسمع سديته وطلعت بقرار مستحيل
ارجع بي كتلهم يطلكني ولو هو يشيل من البيت لو
اني اطلعوني من هنا ..

كامت تبجي امه وتتوسل بيه دكلي هو يطلع
وانتي تظلين بس جنت مختنكه كارهه المكان
الموجود بي مااتحمل اعيش يوم واحد بعد بنفس
المكان...

قاطعهم السبع وكال هاهي التريدي يصير
هو يطلع انتي مااطلعين
ضرغام.. هذا البيت اله يعني راح يبيعه لو يجيبهه
هنااا..

السبع.. انه اشيل اذا ماطلع جراح واحترم قرارهه
انه اطلع من البصره كلهه
ضرغام... هسه مبدئيا هو يطلع لحد مايطلك

ام جراح.. ليش تحجون بالطلاك يمه استهدوا بالرحمن
السبع .. جاا بيمن نحجي تريدين نحلهه ونكلهه تحملي
وهو رجال وهو حيوان لو شنو المطلوب كل حل ماكو
من زعلت وكتلهه كتله اقل دمعه من لبابه تحرم عليك
شسوه هو داس علينه ونفذ حسب اليريده

عقيق.. ايام صعبه حيل مرت السبع فدمره منفعل مااكدر
احجي وياه كلمه وحده لبابه ماتقبلت حته تسمع صوته
اخر ماتوصلوا اله يطلگون ومن سمع تريد تطلع من البيت
وعلى اساس تكعد يم ضرغام هو طلع اجر قريب على دوامه بالمركز وطلع وهي ظلت

ماتحجي ابد ولاتعبر ليل نهار نايمه لو صافنه
حته فجر شكد حاولت وياهه بدون نتيجه
مر شهر وهم بعدهم ممطلگين كلما تجي للسبع
ويكلهه هو يروح يطلك مااخليج انتي اطلبي حته
تاخذين حقوقج وجراح مايقبل يطلك ...

رانيا وضرغام رجعوا وسمعنه رانيا هاده على سهاد
وضاربتهه وحسام اساس المصيبه كلهه بس الصار
صار وانكتب جراح خاين كلما يريد يحاجي لبابه
ويشوفهه ماتخلي من يوم الضربته السجينه ...

كلنه مالنه خلك وواحدنه كئيب لان البيت حزين
وطفت ضحكه لبابه وفجر اثنيهم صرت من اروح
يمهن ارجع راسي يوجعني من البجي وحده مخليه
راسهه على راس الثانيه ويبجن

مبينات مكسورات ويتيمات جانن شامخات بعز امهن
بس هسه مبين اليتم عليهن وتتوسل بيهن
ام جراح حته ياكلن ومايقبلن بالتواسيل ...

جنت واكفه بالمطبخ اسوي عصير لفجر عدهه هبوط
واسمع ام جراح تخابر بالاستقبال وصوتهه عالي
وتصيح ليش ياربي ليش هيج المصايب على راسنه

رحت دخلت يمهه الباب مفتوح وتأشرلي بايدهه اسكت
وهي تحجي ويه رانيا وتمسح دموعهه بحجابهه ودكلهه
اله حكمه بيهه رب العالمين..

سدته منهه كتلهه شكو خاله جان دكول مروه حامل
ولج حامل ياكسرتج يالبابه اذا سمعتي
بعدهه تحجي وجان صوت لبابه كالت انكسرت
كسرني ابنج وهسه بهالخبر خلاني فتات الزجاج

.
.
.
يتبببببببع......... متابعه شيقه