رواية ودي بدفا صدرك اصيح لين يهلكني البكا و أتعب و أنام الفصل الاول 1 - بقلم HaboOoshy

بقلم استباحوا عبرتي
مدخـــل ~


واليوم يارفيقْ ~
أين أنا؟! ...
........وأين أنتْ؟!
أخشى الفراق وأن أواصل المسير وحيدْ !
وحيد .... بـ/قلب كسير حزين !




***********************************

طلع من الطيّارة الخاصة و هو في حالة صدمة !
إلى الآن مـا يحس بـ أي شي حوله .. جرّته رجوله لـ مكان كان يوم من الأيام يـهـوآه بس الحيـن ....!
يحس كل شي من حوله غريب مو قادر يستوعب أي شي !
دخل لـ المستشفى و هو يجرّ رجوله جر .. دخل بـاب " قسم الطوارئ " .. لمح ناس كان يحسب الثواني لـ يشوفهم بس الحين كل شي فيه جـامد !
مر من بينهم و عدّاهم و دخل على بـاب " ممنوع الدخول " من غير وعي .. بـ خطوات ثقيلة راح لـ الغرفة اللي دلّها عليه قلبه ..
رغم محاولات من الممرضين و و الممرضات بس مـافي مجــــآل !

جسد مغطّى بـ الشاش الأبيض و ملطخ بـ اللون الأحمـر .. صعب صعب مرة عليه يتحمّل هذا المنظر .. أغلى و أعز شخص على قلبه
بـ حالة أقرب لـ الموت.. تحرّك بـ بطء و الدموع بدت تلمع بـ عيونه ..
رمى كل ثقله على الجثّة الهامدة اللي قدامه .. بمجرد ما طاح على صدر أغلى إنسان .. دموعه طاحت معه بدون سابق إنذار ..
بجهة ثانية بنفس الغرفة .. [وليد ] واقف و المنظر اللي يشوفه يهزّه .. [ بندر ] القوي المغـرور يبكـي .. يبكي مثل الطفل !

لآ و أقوى من هذا كله .. هذي أوّل مرة يشارك في عملية لـ إنسان يعزه حيل بجد بجد موقف صعب على أي إنسان
تحرّك بـ هدوء .. وقف ورى [ بندر ] و بـ همس بـ الكاد يطلع منه :
بندر يكفّي خلاص ... " وانقطع صوته بشهقة كتمها "
بندر و هو يهز [ بدر ] : بـدرر أنا رجعت .. بدر بليـز كلمني .. بـدر لآ تروح .. تكففى من لي غيرك ؟!.. أنـآ محتـاجك حييل ..
" و بصرآخ " ..بــــدر كلمنـي ليش كيذا سآفهني ؟.!!
" رمى راسه على صدر [ بدر ] اللي مو وآعي باللي حوله ..
بندر " من بين دموعه و شهقاته : صحيح بدر أنا اليوم حققت حلمي .. مو انت كنت تقول تبي تشوف هاليوم ؟!.. تبي ترفع رآسك فيني ؟!..
" و بصوت عـالي و هو يهز بدر " .. طيب يـللآ كلمني .. ليش سآكت ؟!.
يقطـع صـوت بندر
" طـــــــــــو و و و ط .. " .. صوت نبض القلب
بـ هاللحظة وليد تحرّك بسرعة عند بدر و كل الطاقم الموجود توجهوا للاجهزة ..
عند " بندر " .. لآآآآآ هالششي صعب يستوعبه .. رفع راسه و الدموع جفت بعيونه .. : بـدر .. لآ بـدر لسسى عآيش ..
ركض لعند " د. نـآيف " و هو يهزه بقوة جنونية : بدر لسى عايش .. بدر توأمي و أنا أحس فيه ..
وليد و هو يجر رجوله جر : بندر .. خلآًص يكفّي بـدر رآح .. رآآآآآآآح .. انت ما تفهم ؟!..
هنـآ " بندر " الزمن وصل إلى هذا الحد و وقف فيه .. طللع من الغرفة أو بـ الأصح من المستشفى بـ كبره
و بــدا شـريط الـ ذكريآت يمر قدّام عيـونه ...

شخصيـآت الروآية
*( الجد سـالم .. " أبو عمر " ..)
متزوج 3 .. " أم عمر .. أم يوسف .. أم تركي "
الزوجة 1 - منيرة
1 / ولدهـآ الكبير " عُمر " .. ( أبو رائد ) مطلق ..أولآده ..
رآئد .. - 26
ميرا .. - 19 سنة
2 / حمـد .. " أبو بدر " متوفي هو و زوجته
أولادهم /
بدر -بــندر 27 سنة
شادن .. 19 سنة ..
3/ مـريم ..( أرملة )
رامي 34سنة (متزوج من سهى - عنده بنت ليان )
رآكـآن 23 سنة
مـلاذ ..20 سنة ..
4/ أحمـد .." أبو تالا" أرمل
تـآلآ .. 17 سنة ..
الزوجة 2- موضي..
* حصة
بنتهـا ( مرام - 23)
* يوسف متزوج مريم
الزوجة 3 - نورة ( متوفيه )
تركي .. 27 سنة ..
~
* أبو فهد ( جار أبو عمرَ )
زوجته الاولى متوفيه .. عندها
- فهد 29 .. متزوج مشاعل 22 ..
- سهى ..28 ..زوجة رامي
- جواد .. 24 سنة ..
- سحر .. 18 سنة ..
زوجته 2 ( أمل ) .. عندها ثامر 8 .. ريم 9
كنتم مع تعريف بسيط بـ الروآية (^_^)
تحيّتي
بعض الحكايات يجب آن نغلقهآ بـ/ آقوى الاقفآل ولا نفتحهآ ابداً
لا يحق لنا العوده لهآ , لا يحق لنآ الحنين اليهآ
لا يحق لنا السؤال عنهآ .. او البكاء عليهآ ..
لا يحق لنا حتى آن نكتب اسمائنآ على غلافها حتى وآن كانت لنآ ..
يجب آن نحترم قرارنا بختمها لـ الأبد ..
لايحق لنآ فتح قبور الحروف الميته ونهتك حرمتهآ ..! *

دخل المكتب اللي رح يصير له بالمستقبل و هو متضايق مرررة .. لمح " وليد " جالس يشتغل على أوراق و ملفات
بس طنشه و لا حتى سلم عليه ..راح لعند الشباك الكبيــر و فتحه كله .. و طلع ضوء مزعج .
عقّد "وليد" حواجبه .. بشوف آخرتها مع بندر اللي مو راضي هالايام يتركه يشتغل على راحته ..طنشه ..يعرف
بندر كثير لو كان متضايق لاحد يقرب له
بندر و يتأمّل حديقة المستشفى الكبيرة بدآخله "رح أفقدك كثير ياهالمستشفى ..بس يللآ هـآنت كلها كام شهـر و يكون هالمكتب لي"
صـوت البـآب ينفتح بـ دفآشة و يتقفل بنفس الطريقة .. طل من ورآه "بدر" و البسمة شاقة وجهه .. دخل ناظر لوليد
بدر :ســـلآم..كيفو الحلو اليــوم ؟!..
وليد : الله جـابك ..وش رايك تشيل توأمك ذا قبل لا يجيه شي مني !
بدر بضحكته اللي تميزه :هههههههههههههههه ليش شسوا لك بعد ؟!..
وليد و هو متنرفز : مايترك احد يشتغل براحته
بدر تنهّد : آه ..لآ تشيل بخاطرك عليه تعرفه لو كان متضايق
وليد يرد لأوراقه : الله يعينه على نفسه
بندر "رغم انه كان يسمع كل الكلام بس ما تحرك من مكانه .. حس بإيد تحاوط رقبته .. التفت شاف بدر وهو يبتسم
بدر : تعال خل ننزل شوي نتمشى
بندر وهو يلف وجهه عن بدر : رآيق وربي
بدر : يللا عاد بندورة ..كلها كم يوم و تفتك من خشتي
بندر ابتسم : منجججد والله رح افتك من وجهك ذا اللي مدري وش يحس فيه ..
بدر يمثل انه زعلان : مقبولة ..مقبولة منك .." ضرب ظهر بندر بدفاشة " يـللا عاد اعطيتك وجه
نزل بدر و بندر للـ سيآرة
بدر و هو يسوق : صحيح اليوم عيد ميلاد ليونة ..مسوين جمعة ببيت جدك ..
بندر : بس لا يكون ذيك المقرودة موجودة ؟
بدر : هههههههههههههههه ..عيب عليك يا ولد ذي عمتك
بندر : مع نفسسسها والله
بدر يفتح باب السيارة : أقول بلآ كثرة هرج و انزل ..
أوّل ما وقفت سيارتهم ..وقفت معها سيارة ثانية
بندر : ذول راكان و رئود بروح لهم ..
طلع من السيارة و توجه لـ سيارة رائد ..
راكان شايف بندر متوجّه لهم .. راح ركض لعنده .. و ضمّه بـ قوة و مسوي نفسه يبكي :جد جد الحين خلآص بتسـآفر ؟!.. ما صدق بندورتي

الحلوة بتروح و تخليني و .." جا بيكمل بس بندر قطعه "
بندر : وجععع يوجعك قل آميــن ..ابعد عني خنقتني
رائد و توه جاي لهم : شفت ما قلت لك بندر مو وجه احد يبكي علششانه !
بندر : هييي انت أعصابك .. أنـا " وهو يعدل ياقته " بندر الـ ....
رائد : ياشينك ياخي و انت شايف نفسك .. إلآ صحيح منجد خلاص الأسبوع الجاي رحلتك ؟
بندر : ايه .. و هالاسبوع مو راضي يمشي و يفكني منكم
راكان و هو مسوي نفسه يمسح دموعه : آآآآآآآخ و انا من لي غيرك يا حبيبي ؟
بندر ناظر له برفعة حاجب : يللا بلا مصخرة و امششوا
كان بندر اول واحد فيهم دخل للـ صالة .. وبعده مباشرة راكان و رائد
بندر وهو داخل شاف وحدة كنّها مهرج ..ملطخة نفسها بالمكياج ..
بندر بخرعة و هو يرجع لورى وحاط ايده على قلبه: بسسم الله الرحمن الرحيم
راكان اللي كان لاهي مع رائد خبط فيه بندر .. وراكان خبط في رائد .." طالعة أشكالهم تحفففة"
بندر و هو يلتفت لبدر الواقف مع تركي و احمد .. و هو لسسى بطور الصدمة : بدر انتم عازمين مهرج ؟!.
هنا ما حس بغير " قرصة على فخذه "
بندر بـ صراخ من ألم القرصة : آآآآآآآخ وجع رائد ..وش فيك علي
راكان و توّه يستوعب ان المهرج اللي يتكلم عنه بندر هي " خالته حصة " ..تصير عمة " بندر " :
هههههههههههههههههههههههههههههههههههه "يضحك من اعماق قلبه"
تالا ما قدرت تمسك نفسها فطست من الضحك اولاً علشان كلام بندر و ثانياً علشان ضحكة راكان :
هههههههههههههههههههههههههههههههههههههه
أمّا رآئد و بدر قلبت وجوهم حمــرآ من الإحرآج .. و مطلّعين عيونهم لـ بندر و راكان بعصبيــة
الجدّة " أم عمر " : راكان خـلاآص بسسسك ضحك
حصصة معصبة حدها ..
راكان و تالا إحتراماً لـ جدتهم سكتوآ
بندر جلس بجنب بدر و لاكنّه سوّا شي
بندر و هو حاط رجل على رجل : شلونكم شباب ؟
تركي بصوت محد يسمعه غيرهم : وجعع بندر وش سويت ..قم اعتذر على الأقل
بندر برفعة حاجب : وششش ؟ .. عيـد ! مَ سمعت.. تبيني أنـآ " ويأضر على نفسه بغرور " بندر أعتذر؟
بدر بـ هيـآم :فديتكْ يا خوي .. سمعتني ضحكتهـا
أحمد يضرب بدر على كتفه :عييب يا ولد ..قدّامي بععد تقول !
بدر على نفس حالته : وهـ وهـ بس فديتكْ يا بو حميـد ..يكفي انك أبوهـا
تركي : شف شف .. نـاس آخر زمن والله !
بدر بتكشيرة مصطنعة : امّـ(ن) انت أبد ما فديتك ..وجع دايماً تقهرني
تركي : يـاهوووه أنـآ عمها و عممك بععد
رائد وبدر : مع نفسسسسك
" عند راكان و هو ما زال يقاوم ضحكته لا تطلع .. طاحت عينه على تالا ..شافها نفس حالته تقاوم
الضحك .. مع بعض بصوت واحد :
هههههههههههههههههههههههههههههههههههههههههه
وطلعوا الحديقة يكمّلوا ضحكتهم ...
العمّة " حصة " وهي معصبـة : الشرهة مو عليهم ..الشرهة لأن ما عندهم ام تربيهم
ملاذ اللي حست ان الوضع بدا يتكهرب حبت تهديه : شباب مو ناويين تطلعوا و تتركونا ناخذ راحتنا
" طلعوا كل الرجـال متوجهين لـ الخيمة "
عند البنات ..
سحر : بنات وينها شوق ماشفتها من يوم جيت !
شادن وهي تقوم : جد والله حتى أنا .. بروح أشوفها وين
تالا : لالا حالفة عليك ما تقومين انا بروح لهـا
شادن : لا خلاص انا طالعة اشوفها
تالا وهي تضرب شادن على ظهرها : وجع أبي أكلمها بـ موضوع افهميها عاد !
ميرا : ههههههههههههه طيب قوليها من اول
شادن : عاد انا أبي أعرف وش ذا الموضوع ؟ تعرفين عرق اللقافة فينا احنا

عيال حمد
تالا : سبحان الله طالعة على أخوانك .. اقوول بلا هرج انا طالعة لـ شواقة
في غرفة " كلها أسود و فوششي " غرفة هادية و باردة .. غرفة كلها أنوثة
جالسة على السرير و شعرها الطويل يغطي دموعها .. ضامة صورة قديمة مررة " فيها شاب بكامل
وسامته وابتسامته شاقة الوجه وبين أحضانه "بنت" ببدآية عمرها ..كل معاني الأنوثة فيها و حمرة
صغيرة على خدها "
....: وينــكم ؟ تركتوني ورحتوا ؟ لآ أب يحتويني و لآ أم تضمني !
بـ هدوء دخلت تـالا : شوق ! وش فيك جالسة لـ حالك ؟ ليش ما تنزلين معنا ؟
شوق و توّها انتبهت لوجود تالا ..مسحت دموعها بظهر كفها والتفت على تالا وهي تصطنع الابتسامة :
بسم الله ! من متى وانتِ هنـا ؟
تالا : توّني داخلة
راحت وجلست بـ جنب شوق بـ السرير و مسكت يدها : شوّاقي في أحد مزعلك ؟
شوق اكتفت بـ انها تلف وجهها عن تالا
تالا : حصة الزفت قالت لك شي صح ؟
شوق : ما يهم .. أصلاً تعوّدت على كلامها
تالا: طنشيها يختي .. " حبت تلطف الجو" وبعدين فاتك ..ياليتك كنتِ معنا ..بندر ..."جلست تحكيلها اللي صار"

( شــــوق - 17 سنة )
طويلة بيضا مرة شعرها طويل يوصل لآخر ظهرها أو أطول شوي .. أسود مرة و ناعم ..جسمها ولآ في الخيال
مثل اليابانيات ..عيونها واسعة وسودا و رموشها كثيفة ..شفايفها صغيرة و مليانة توتية ..كنها
ملاك نازل على الأرض ..نعومة مرة و دلوعة و حساسة بمعنى الكلمة .. وكلها أنوثة صارخة ..
قصتهــــا :
الجد أبو عمر يكون عم أبوها ..أمها توفت من بعد ما ولدتها و أبوها من ذاك الوقت اختفى ولاحد
يدري عنه شي .. اللي يقول عنه مسحور ..واللي يقول صار مجنون بعد وفاة زوجته واللي يقول مايبي
يشيل هم بنته !
واللي يقول و يقول و يقول ..الخ ! من كـلآم النـآس اللي مَ ينتهي
علشان كذا ربّاها الجد ابو عمر ببيته ..ام عمر بـ النسبة لها امها ..رضعت مع تالا بس أبد ما تحب
تعيش ببيت غير بيت ابو عمر ..الكل يعتبرها وحدة منهم و متعودين عليها بـ استثناء"حصة"

..............

عند الشباب بـ الخيمة
رائد جالس على البـلآك .. وراكان يطقطق على اللاب "يكلم حبيبته" و جواد يسولف ويا باقي الشباب
بندر بملل : اففففف ..ذا رامي متى بيوصل للرياض ؟
بدر بـ لقافة يجلس جنب راكان :
الله الله ذي خويتك ؟
راكان يبعد اللاب عن بدر : اقول ياخي انقلع وش جابك ؟
بدر يحاول يطل : بس ابي أشوفها ..وريني صورتها
راكان رافع حاجب : خيـــييير !
جواد : يعني حلال عليك و حرام علينا ؟
بندر " راقت له السالفة " :إلا صحيح منجدك تحبهـا ؟
راكان ابتسم : وهـ فديتها .. أعشقها
بندر : واحد قليل الأدب .. تحبها و تكلم 100 غيرها !
بدر : صحّ لسـآنـــك يا خوي .. ذي تسمى خيـانة
بندر : وشو خيـانته ؟!... هذا كله أصلاً مَ يصير
راكان: والله هي تعرف اني أكلم غيرها .. بس واثقة اني أحبها لوحدها
تركي : عمـــى ذي مـاكلة خنزير ؟
راكان بـ قرف : وعععع وش خنزيرة ؟؟ ..شايفها مسيحية تاكل خنزير !
جواد : طيب وراها ما تغار عليكْ ؟

راكان يرجّع السماعة بـ أذنه : أقول .. انزلع انت و هو .. ماحد يعطيكم وجه
جواد : إي وش وراك .. صرفنـآ
راكان : جوادوه أعــقل ولا ما رح أوصل لك سلام ملاذوه
بندر يصفق : بـرافو عليك .. العاشق و المعشوق ما عندهم غيرة ! ..ياخي عيني عينك توصل لاختك سلامه ؟
جواديضرب بندر بـ كوعه : وجع تعبّي راسه الحين !
تركي بـ مزح : عاد تخيلوا واحد يقول لـ بندر سلم لي على أختك شادن
راكان : عزّ الله راح فيهـا الرجّال
جواد : أصلاً مين ذا الأهبل اللي بيروح لبندر .. بدر أقرب له
بدر : عادي مافي مشكلة بوصل لها سلامه
بندر مفتّح عيونه على الآخر : شف شف ! أصلاً مافي أحد بيضيعنا غيرك
بدر : ياخي حرام عليك ..انت ما تحس شكثر هذا " وهو يأشر على قلبه" يتعذّب .. جرب تحب مارح تخسر شي !
بندر : لآ والله مو مستغني عن عقلي ..
جواد عدّل جلسته و بـ حماس : جد جد بندر ليش ما تحب ؟!..
بندر : والله أخوي الغالي محذرني ما أجرب هالتجربة .. بعدين افرض انك مارح تتزوجها !.. زوجتك مارح
تكون الأنثى الأولى بـ قلبك ..وانا عنّي مارح أحب إلا بعد زواجي .. و أخيراً ..قفلّوا السالفة
شوي يرن جوّال "رائد " ..:
اوووووف مو وقتك والله .. ألو .. هلا..نعم شتبغين ؟..ليش ..؟ ..رايقين وربي ..اوكي على راحتكم باي
اتصل على شخص ثآني : هلا رامي ..شلونك ؟ كلنا تمام ..اسمع وينكم ؟..خلاص يعني الحين جايين ؟ اوكي باي
بدر : متى رح يوصلوا ؟!..
رائد:خلاص بطريقهم للبيت ..على فكرة يقولون البنات لحد يستقبلهم ..
جواد : وليش ان شاء الله ؟!..
رائد : يستعبطون ..يبون يسوون مفاجأة لليون عند الباب
بندر : الحمدلله والششكر .. طيب انت وين رايح ؟
رائد طالع من الخيمة : طالع أجيب الكاميرا أبي أصورهم عند الباب " وطلع"
تركي : ما تلاحظون ان رائد تغيّر ؟
بدر : إيجابي و لا سلبي ؟
تركي: امممم نص نص ..يعني صاير 24 ساعة يا جالس على البي بي ..او طالع برى لوحده ..وكمان أحسه
صاير مروق شوي مو مثل أول 24 ساعة معصب !
جواد:صحيح حتى انا ملاحظ .. " وبغمزة لراكان" بس لا يكون صاير مثل ركون لعّاب بنات
راكان يقفل اللاب : أصلاً أنا مو لعّاب بنات..ترى بس حدّي الجوال او المسن .. و بعدين رئود تغير
علشان ...... "انتبه لنفسه و بتر كلمته" امممم مو عشان شي بس علشان حال امه و أبوه
بندر بنص عين : لا واضح مرة انكْ ما تدري
بدر : وبعدين وش فيهم عمي و مرته ..على نفس حالهم مافي شي جديد
راكان يصرفها: لا بس رضى بـ الواقع
بندر: إي صح صح ..صدقتك .."التفت على تركي " متى بيحي وليد ؟
تركي: قال بعد ما يخلص من شغله
بندر : حـرام رفعت ضغطه اليوم ..حسيت نفسه يقوم و يشوتني
بدر : منجد رحمته حيل و هو معصب ..
بندر : وش أسوي والله ما كنت رايق لشي أبد ..
شوي و يطلع صوت تصفير و إزعاج و البخاخات برى "

عند مدخل الباب
ليان تصارخ و تنطط متحمسة مرة و رائد نازل فيها تصوير والكل متحمس ..طلعوا الشباب من الخيمة
جواد فاتح يدينه : ليــون يا عيون خالوو ..
" ليان راحت ركض له شالها و هو يبوسها :وحششتنيني يا دوبـــا
رائد موجّه الكـام لهم : لحظة لحظة ..بوسة كمان .. عيدوها عشان أصوركم
سلموا ع بعــض و دخلوا لـ داخل
بعد ما رجع الشباب من المسجد "صلاة العشا"..
كان " أحمد توّه راجع " .. شـآف سيارة وليد ..
وليد شـآيل أخته الصغيرة " شهد - 5 سنوات "
( وليــــــــــد - 27 سنة ) [ بحريني أمه سعودية ]
...................
دخل وليد مع اخته
أحمد : شهّـــودة يا عنوني انتي هنـــا ؟
شهد : أهلين خـالووو .. " راحت له و باسته"
أحمد : فديتك يا عيون خالك .. تعالي أوصلك لعند خالاتك ..
وانت وليد شف الشباب بالخيمة رح لهم
وليد مكتّف يدينه : احلــف بس !
أحمد : والله أضنك تدل الطريق و حافظ الفيلا مو لازم أوصلك
وليد : و أخيراً شفتني .. ما كني موجود !
أحمد : أقول بس يللا انزلع .. يعني مثلاً تبيني أشيلك و أبوسك ؟!..والله مليت منك وانت مقابلني 24 ساعة
وليد ضحك وراح لـ عند الشباب
أحمد عند باب الفيلا اللي يوصل لـ الصالة : احم احم
تالا وهي بالصالة : لآ تـــدخل
أحمد : طيب تعالي
راحت تالا عند أبوها .. و أوّل ما شافت شهد : شهههد ! وينك من زمــان عنّك !
أحمد : من زمان وانتي توّك شفتيها بالمستشفى قبل أمس ؟
تالا : حرام عليكْ متعودة أشوفها يومياً
أحمد : الحمد والشكر لك يا رب على نعمة العقل !
تالا برطمت " مسوية نفسها زعلانة"
أحمــد : ههههههههههههه فديتها انا حبيبتي الزعلانة
" وحط إيده على رجولها و شالها "
تالا: لآآآآآآآ يا بو حميد ..نزّلني ..
أحمد : أبو حميد هــآ ؟
تــالآ : بــآبــآ حبيبي نزّلني
أحمد : لآ ما في و بعدين ..." قطع كلامة صوت رنين الجوال بس على طول انقطع "
تالا بعد ما نزلها أحمد : من ذا اللي ينغم عليك ؟
أحمد طل على شـآشة الآيفون : يوووء هذا جواد يبي يشوف أخته .. شوفيله طريق
تالا راحت عند البنـآت و دخلوا غرفة ثـآنية ..
" عند البنـآت بـ الغرفة "
ملاذ رازة راسها عند الباب .. وتطّل من فتحة صغيرة ..
شادن : هههههههه ملاذ دايم عاقلة ..بس لا جا طاري جواد تنقلب خخخخ
سحــر : يحقلّها .. أخوي يجنن
شادن : والله عاد أخواني صوآريخ ما في مثلهم .. كل واحد أحلى من الثاني ..
تـآلآ : لآآآآآآآع وجع شـآدن أخوانك أمــلــق اثنين
شادن : أموت و أعرف ليش تكرهينهم ؟
تالا : سبحان الله مدري ! .. كذا من ربّي .. بندر شايف نفسه على الله أعلم ! ..و بدر هذا الانسان مدري
ليه أكرهه ..يرفع الضغط و ينزله .. أزفت من بندر
" و جلسوا يسولفوا سوآلف مالها أول و لآ آخر "

بـ الصالة عند * سهى و جواد *
سهى : إلا شخبار فهد ؟
جواد: لآ تسأليني ..تصدقين أشوفه في الاسبوع مرة وحدة
سهـى بـ عتاب : جواد ما يصير هذا أخوك ..حاول تتقرب له
جواد تنهّد : والله ياليت
سهى : بتصل عليه يجي
جواد : احلمـــي .. مستحيل يجي
سهى تطقطق على رقم فهد : بـ نشوف .. ألــو
فهـد : هـلا
سهى : أهليـن .. شخبـارك ؟ .. وكيفها مشاعل ؟
فهد " اوووه ذي سهى ..<< على باله وحدة من خوياته : كلنا بخير شخبارهم اهل جدة ؟
سهى : الحمد لله تمام ..اممممم فهد انا بالرياض ..اليوم مسويين حفلة ميلاد ليون لازن تجون
فهد : اليــــوم ؟!.. تصدقين عندي شغل لـ راسي ..ورايح بعد ساعتين للبحرين
سهى : لآآآآآآآآ ..طيب بس سلام
فهد : خلاص اوكي بس مسافة الطريق و انا عندك
سهى: بس لاتنسى مشاعل هي كمان تجي
فهد : اوكي من عيوني
سهى : طيب يللا باي انتظركم
فهد : باي

عند " فهــــد " ..اللي كان مخطط يسافر للبحرين علشان صاحباته اللي هناك علشان " الحرية" اللي بالـ بحرين
مثل ما هو يسميهــا !
بعد ما حاس جواله ارسل مسج لـ " مشاعل " [ دقايق وتكونين جاهزة رايحين عند سهى اذا مالقيتك
عند الباب بروح ]
" مشـــاعل " جالســة بـ ملل عند التلفزيون حاسة نفسها بتنفجر ..سمعت صوت مسج ..
أكبر علامة تعجب ارتسمت فيهــا لمّا شافت المرسل " أكرهك".. عقدت حواجبها " غريبة يبيني أطلع"!