رواية ودي بدفا صدرك اصيح لين يهلكني البكا و أتعب و أنام الفصل الثامن 8 - بقلم HaboOoshy

ما حطّوا سهى و شوق السسحورْ

شوق : البنـآت لسسى نايمـآت !

سهى : إي بروحْ أصحيهمْ و انتي نادي أحد من الرجـآل يشيل السحور لهمْ

شوق : اوككيْ و لا تنسسوا تصحوا جدآتي

طلعتْ سهى فوقْ تصحي البنـآتْ . . و شوق رآحت للمطبخْ أخذت بعضْ الصحونْ

شـآفتْ ليـآن جالسةْ عالتلفزيونْ و تغنّي [ كتييـرْ كتييـر بحبكن آد الغيـم العـآلي .... الخ << حقت طيور الجنّة

شوق : ليووونْ تعالي شيليهْ عند بابا

ليـآن مندمجة و لآ هيَ بحولهـآ

ششوق : ليوووووووون

ليـآنْ التفتت و بعصبية : اووووووووس حليني اسسمع يا مزعزة

.....: احــم احــمْ

شوقْ حطّت اللي بيدّها و عدّلت حجـآبهاْ .. : ادخل

دخلْ بندرْ . . وعيونه على ليان : هيييي انتي يالبزر صوتك ما يعلى عاللي أكبر منّك فآهمة !

ليـآن : انت سدحلك ! [ انت شدخلك ]

بندرْ أوّل مَ سمعْ هالكلمةْ رفع طرف ثوبهْ و مستعدْ ينقضّ عليها .. و هيَ أوّل ما شافتهْ كذا ما بيّن غير غبـآرها

بندرْ وهو ينزل ثوبه : بزآرين آخر زمن . .

شوق كانت عيونها تنـآظر كل مافيهْ . . رجـّآل بـ معنى الكلمةْ .. تحبّه تعشقــهْ مجردْ وجوده بنفس المكـآن يربكها

اوّل مَ لف عليها نزّلت عيونها بسرعةْ

بندرْ بلهجةْ صارمة : وين السحـور !

شآلت الصحن و قرّبت لهْ وهي مرتبكة مـرّة و يدينها ترجفْ و عيونها تحتْ

أمّـا هوَ فشاله بكل سهولة و برودْ و عطاها ظهرهْ

وهيَ أوّل ما أبعد عنّها تنفّست بعمقْ و كأن وجودهْ كآبت عليها الاكسجينْ . .

بس ما أمداها تزفرْ إلا و هوَ يلف عليها : صحيحْ شوقْ أخذتِ دوآكْ

همستْ : ايوهْ

كمّل طريقه و هو يقول : بس كنت أبي أذكرك

طلعْ وهيَ تتآبعْ ظلّه . .

حسّت بشيْ قويْ يقسمْ ظهرها نصينْ : آآآآآآآآآآآآآآي

تالا بنصْ عين وصوتها مبحوح من النوم: وش كاان يقولك !

شوق : ولا شي . .

تالا جلست على طاولة الطعام و حطت رآسها عليها : اي اي وآضح . . والله مدري وش اللي عجبكْ بذاك الزفت هو و اخوهْ

شوق : انا نفسسي أعرف الحين شدخل بدر بالسالفة !

تالا رفعت راسها و هي متنرفزة : مدري مدري إنسسـآن يررفع الضغط لو بيدي أقوم و أقتلهْ اففففف

شوق بإستنكار : حرام عليكْ و ربي مافي أطيب منّه

تالا رجعت راسها عالطاولة و بنفسها " بلاك مَ تدرين بشي ! . . "

شوي و نزلوا البناتْ و جدّآتهمْ راحوا يآكلون مع الشبابْ

.

شقّة فهدْ . .

هوَ و وآئِـل كانوا جالسين مع بعضْ بالمجلسْ يـتسحرون و مشـآعلْ و ريتـآجْ دآخلْ

مشـآعل : يا غبيّة بما انّه جاب معه عمّه يعنيْ في وآردة خير .. ليشْ ما عدلتوا الامور مع بعض !

ريتـآج : لآ لآزم أبوه يجي

مشآعل : هوْ صحيح منجدْ أفضل أهله خلآص يعرفون كلْ شيْ بس . .

ريتاج : بس شنو ! . ,

مشاعل هزّت راسها : امممم لا و لا شي

و بعدْ فترةْ هدوء غير صوتْ الملآعقْ و الصحونْ

مشـآعل فزّت : إييي صح

ريتـآج وايدها على قلبها : بسسم الله كنتي بتطيحين اللي ببطنيْ

مشاعل : المهمْ .. شصـآير على ذآك ابن عمه او ابن خاله اللي تفآهمْ معه وائل !

ريتـآج : يا ربييييهْ توّك تذكرينْ ! . . أصلاً عارفة مححد غير ذا الفهد اللي غيّركْ

مشاعل ابتسمت : أقول بلآ هبـآل يللا تكلّمي

ريتـآج بجدية : تدرين أشك ان السالفة فيها إنّ . . كل ما سألت وائل عنّها قالي انسي انسي

مشاعل : غريبة ! . . خاطري ادري شالسالفة !

ريتاج هزّت كتوفها بمعنى مدري

بالمجلسْ ~

فهدْ : طيب الحينْ مَ عرفت اللي ورا السالفة ذي كلها !

وائلْ تغيّرت ملآمح وجهه و كأن ماله نفس يحكيْ

فهد ما حب يضآيقه سكتْ . .

وائل : مابي أضايقك بمشآكلي و اللي عندكْ كافيك

فهد : وائل . . يشهد ربي انك انتْ أكثر وآحد بعدْ مشاعل وقّف معي و سآعدني أتخلّص من البلآ اللي انا فيهْ . . و الحين انا مستعدْ أوفيك

كل اللي سويتهْ عشـآنيْ . .

وائل ناظر لفهد لمدّة . . بعدين ابتسم على خفيف : تصدّق فهدْ اني مَ كنت أطيييق أشوف رقعت وجهك !

فهد ضحك وهو يتذكر شي : هههههههه معليك مو أوّل مرة أسمعها . . خويي وليد بعد قال نفس حكيك

وائل : بس بجد الحينْ وربي مرتـآح لكْ . . تدري انا عادتي إنسان إنطوائي ماحب أدخل مع أي أحد بس سبحان الله انتْ مدري وش سويت فيني !

فهد يعدّل ياقته : إي وش رآيك اللي قدآمك فهد الـ ....

وائل : أقول بس روّقنـــا

فهد : المهمْ كمّل الحين حكيكْ

وائل بهم وآضح : أهل زوجتيْ ياخي وربي ما شفت نـآس أحقر منهم

فهد : !!!!!!!!!!!!!!!!!!!!!!!!!!!!!!!!

وائل : وش فيك تنآظرني كيذا !

فهد بصدمة : انت . . انت متزوج !!!!!!!!!!!!

وائل بإبتسامة : إي متزوج .. ليش توّك تدري !

فهد : إي وربي توّني أدري . . مالت عليك و انا معكْ على طولْ و توني أعرف !

وائل : غريبة مشـآعل مَ خبرتك !

فهد : لآ والله . . " و بحمق " طيّب حسآبها بعدينْ . .

وائل : لي متزوّج سنة و نصْ

فهد : أمممممممن عاد ! . . طيب ليش منت عآيش مع أهلك

وائل : كنت معهمْ بس قبل سبع شهورْ جيت هنـآ

فهد : آهــآإ . .

وائل : أهل زوجتيْ هم سبب مشكلة ريتاج و رآئد

فهد عقّد حوآجبه : شلون !

وائل تنهّد بألم : أسمع السالفة من البدايةْ . . ابن عم زوجتي الكبيرْ تقدّم لـ ريتاج قبل زوآجها . . و انا بحكم انّه كبير و متزوّج كم وحدة و يطلّق كثيرْ رفضتهْ

مآبي أظلمْ بنت اختيْ مع وآحدْ مثلهْ و هي لسى بعزْ شبابها

فهدْ رفع إيده وكأنه طالب : لحظةْ ممكن مقآطعة !

وائل ابتسم غصب عنّه : تفضّل

فهد : انتْ وش دخلكْ ترفض و لآ توآفق !.. أبوها و انا مدريْ !

وائل : أبوهمْ شدرآه عنّهم . . والله لو بيموتن هو آخر من يدريْ عنهنْ و المشكلة أمهن مثله

فهد هز رآسه بتفهم .. " حكت له مشآعل عن أبوها و تعآمله معهم ..سبحـآن الله هوَ و زوجتهْ نفس الشي ! " : طيب كمّل

وائل : المهمْ . . و أهلها طبعاً سووا سـآلفة شلون وآحد مثله ينرفض من وآحد على قدْ حاله مثلي ! .. أصلاً ما كان يمضي ثلاث أيام و احنا عايشين بسلآم

دآيم ينغصون علينـآ حيـآتناْ . . و بعدْ ما عرفوا انها تزوجتْ حبْوا ينغصون حيـآتها و أرسلوا وحدةْ تآخذ صورها و تكلّم ابن عّمّه مدري ابن خاله و صار اللي صار

فهد بسخرية : أكيدْ انهمْ عيال فلـوسْ

وائل بنفس السخرية : من أتجر التجـآر لو تدريْ

فهد : لآ تكون زوجتك بس مثلهم !

وائل : لا العكس أبد مو مثلهمْ بس أشين شي فيها ما تقدر توقف ضدهم

فهد : حلو بما انها مو مثلهم ! . . و انت ليش حضرتكْ مو معها !

وائل : بس خل تهدا المشـآكل اللي بينا بعدينْ أرجع لها . .

فهدْ سكت ما حب يتدخل أكثرْ . . شوي و وطلع صوت مسجْ من جوّال " وائــل "

ابتسم إبتسامة خفيفة بعد ما شاف المسجْ : سبحـآن اللهْ لآ ذكرت القط جآك ينط

بعدْ الصلآة رآح هوَ و ريتـآجْ للشقتهمْ

.

بمكـآنْ مليء بـ الضحكـآت و الدموعْ و الذكريـآتْ و العتـآبْ

لمـآر : هههههههه خلآص وليدْ الله يخليكْ وربيْ مو قـآدرة أتنفّس

وليد ابتسم بهدوء : تصدقينْ . . اشتقت لضحكتك كثيــــــرْ

لمـآر ترمش عيونها: اثتحي

وليد بصدق . . و بإبتسـآمة وآسعة : يَ فديتهــــــــآ أنا اللي تستحيْ

لمـآر قآمت و شآلتْ شهد النآيمةْ و حطتها بحضنها و هيَ تمسحْ على شعرها : حبيبة قلبي والله

وليد قـآم :مووريْ ما ودكْ تنـآمين !

لمـآر بسرعة : لأ ..

وليد : حـرآم عليكِ وربي تعبـآنْ و ما أقدر أتركك وحدكْ

لمـآر : لأ حتى انتْ لآ تنـآمْ . .

وليد برجا : مــــــووريْ

لمـآر وقفت و على وجهها إبتسامة حلوة و حطّت شهدْ على الكنبةْ ..

وقفت قدّآم وليدْ و مسكت إيده : جهزْ نفسكْ بوريكْ مفآجأة

وليدْ رفع حآجب : مفآجـــأة !

لمـآر : اعتبرها هديّة العيــــدْ

وليدْ رآح لغرفتهْ يجهزْ و هو مستغربْ و بخآطره 1000 فككـرة !

ثوآني و هو لآبس و كـآشخْ طلع لها و هي بدورها .. صفّـرت : اوهووووْ وش ذي الكشخةْ !

وليدْ ابتسمْ و أخذ منّها [ شهدْ ] : يـللا ترى حمستيني لـ هديتكْ

تقدمت عندهْ و شبكت يدها بيدّه و طلعوآ . . .

.

بندرْ بعد مَ رجعوا من الصلآة كان جالس بالصالة

رائد مر من جنبه : لآ تقول بعدْ انك بتضل جـآلس !

بندرْ ناظرهْ بعين قويّـة : أقول انت انطمْ . . آخر من يتكلّم

رآئد بتعجب : أنــآ ..آفــآ ليش !

تركي ضربه بخفيف على ظهره : هههههه يالاهبل لأنك زبدت لهْ قدام الكل

رآئِد تذكر و رآح بسرعة عندْ بندرْ و بآسه على رآسه : أوووووه وربي حقكْ عليّ معلش كنت معصّبْ

بندرْ : إي إي خلآص فهمنـآ .. روحْ نـآمْ

رآئد : مآلتْ عليكْ محد يعتذر لكْ

بدرْ : صحيح ليش جـآلسْ !.. ورا مَ تنامْ !

بندرْ تنهّد : مدري جدتيْ تبينيْ بموضوعْ

بدرْ بإهتمـآم : موضوع !... "بمزح " تبيني أكون معك !

بندرْ ضحك : ههههههههه لا و اللي يسلمْ عمركْ أوّل شي نبهتني عليهْ انك مَ تكون معيْ

بدر : آفــآ ما هقيتها من جدتيْ .. " وهو طالعْ لملحق الشباب " بس مرديْ أعرف وش بيصير

وطلعْ الكلْ ورآه ينـآمْ

و بندرْ جلس لوحدهْ يفكّر وش الموضوع !

ثوآني وجت لهْ جدّتهْ موضي : تعال ادخلْ و انا أمّك

بندرْ : ما يصير يعنيْ نحكيْ هنـآ !

موضي : لا يا وليدي ادخل مو حلوة و هم نآيمينْ نزعجهمْ

بندرْ استغربْ إي إزعـآج و ملحق الشبـآب برى الفيلآ و جنـآح البنـآت فوق .. رآح بإستسلآم لغرفة جدّه بعد ما شافت لهْ طريق

دخلْ للغرفة الصغيرةْ المتوآضعة و شـآف جدتّه الثـآنية " منيـرة " و معها جدّه

زآد فضوله : السلآم عليكمْ

ردوا عليه : و عليكمْ السلام ..

منيرة : حيـآك يا ولديْ تعال هنا بجنبيْ

جلس بجنب جدّته : هـآ وش عندكمْ !.. والله خوفتونيْ

ابو عمر "الجد " ..: شف يا ولدي انا ببدأ بالموضوعْ مبـآشرةْ

بندرْ وكل حوآسه مع جده : تفضل وانا أسمعكْ

أبو عمر : انا وجدآتك مَ قررنا هالقرآر إلا لأننا نشوفكْ الرجـآل الوحيدْ اللي يمكن نقدر نعتمدْ عليهْ . .

بندرْ هزْ رآسه يحث جده عالكلآم

منيرة :

شف يا وليديْ شوق بالنسبة لي أكثر من بنتيْ .. وهي يتيمة أبوها رآح و تركها تسمعْ و تحارب كلآم النّـآسْ .. وانتْ تدري انها مريضة و انا يا ولديْ اخافْ انّي أروحْ انا وجدآنك و نتركها لوحدهاْ لا سندْ و لا عزوةْ

بندر قآطعها : الله يطوّل بعمركمْ .. و شوق مثلها مثل شآدنْ كلنْ معها

موضي : والله اني ادري انكمْ بتحآظفون عليها بس علشـآن نضمنها

و بعدها كلّهم سكتوآ . . .

بندرْ ناظرهم : إي و بعدينْ . !

منيرة و موضي نقلوا نظرهمْ لزوجهم ( أبو عمر )

أبو عمر : اسمع يا ولديْ . . انا مو من اللي يرمون بنتهمْ بوجه أحد ..وانتْ أدرى بعيآل عمك طآيشين و مايآخذون المسوؤولية بجد.. بس والله لأنيْ عارفن محد غيركْ بيوقف معها ضد كلام الناس لآخر عمرهاْ

بندرْ و يتمنى ان اللي ببآلهْ خطأ بخطأ.. رغم ان كل شي وآضحْ .. تغيّر لونه تدريجياً.. بس حآول يسمك نفسه شوي

أبو عمر و عينه بعينْ بندر : أبي أشوف شوق ببيتكْ يا بندرْ ..وتأكّد اني ما غصبتك بشي.. الخيـآر رآجع لكْ

كانت عيون الكل عليه ينتظرون ردة فعله.. وهو ما طلعت منه أي ردة فعل ..الهدوء و البرود كان عنوآنه

وقف و بخطوآت وآثقة توجّه للباب و هو ماسك قبضة الباب لف عليهم: أشوف إذا كنت قد المسؤولية أو لا و أرد لكم

طلع و سكر البآب.. سند رآسه عليه و هو يحس بـ تفاهة الموقف !

كأنه بنت قدموا له شوق و هو لسى بيشوف !!

طلع للحديقة و بهالوقت ما في أي صوت غير أصوآت العصـآفير و الشمس توّها تشرق..

جلس عالكرسي الخشبي و هو سـآرح بتفكـيره .. !!

معقولة !!

معقولة أنــآ و شــوق !! ضحك باستخفآف و هو يتخآيل نفسه معها .. شوق الدلوعة أم دميعة تكون شريكة حيـآته !!

تلآشت كل أحلامه .. كآن يتمنى شريكتهْ بـ " موآصفآت تعجيزية على قولة بدر "[ وحدة بنفس عمرهْ أو أكبر منه بكم سنةْ .. شهآدآتها نفس شهآدآته مسؤولة و رآعية بيتْ مو وحدةْ عآيشة حيـآتها كلها بروآيـآت مثل اللي تتسمى"شوق "!! ]

نفض هالأفكار من رآسهْ مايبي يفكر بأي شي حالياً غير النوم رغم ان ذآ مستحيلْ

دخلْ لـ ملحق الشبـآب ..و فتح الغرفة اللي عادةً ينـآم فيها..

شآف" راكانْ و بدرْ" نآيمين بكل إسترخـآءْ

تقدّم نآحية سريرهْ اللي بجنب سرير بدرْ .. حطْ رآسه على أمل انّه ينـآم .. وهوَ يتقلّب طاحت عيونه بعيون بدر النآيمةْ و جسمهْ اللي شوي و يطيحْ من نومته الدفشة

إبتسم ابتسامة جانبية و بنفسه" هه شفت يَ بدر !.. أنا أنا خطبولي قبلكْ انت العـآشق الولهـآن !"

قلبْ نفسهْ و هو يبعدْ كل الأفكـآر عنّه .. و فعلاً مَ مرت غيرْ ثلث سآعة إلا وهوَ غآط بنومْ عميقْ من أثر السهر

.

بأرقى فنادق الرياض ~

يزوي : صقرررر لا تنااااام !

صقر عالصوفا متمدد : انتي و ربي أزعجتينا جايبتنا من أبو ظبي لهنا وإلى الآن ما شفنا شي ! . . لا والمشكلة ما تبينا ننام !

يزوي بزعل مصطنع : حرام عليك انت أخوي الوحيد لازم تتحملني

صقر : والله الشرهة مب عليك علي انا اللي رضعت من أمك !

حمد كان جالس في باحة الفندق يتصفح الجريدة . . والنظارة الشمسية مثبتة على شعره

و من جهة ثانية كانت لمار مع وليد يسولفون . .

لمحت حمد على طول طلعت جوالها أرسلت مسج له

وليد يمرر أصبعه بخفة على خد شهد : شودي صحيتي ؟ . . خلاص بلاش نوم !

شهد عفست وجهها : هممم

وليد : يللا عاد اصحي شوفي مين هنا !

بس شهد أول مافتحت عيونها و أبعدت عن كتفه طاحت عيونها على اللي جالس بعيد

حمد فتح المسج و هو مازال مسترخي [ طالع مين واقف على يمينك ]

عدل جلسته وهو يلتفت لليمين . . أول شي طاحت عليه عيونه . . ( طفلة صغيرة تطالع فيه )

وليد لف بعيونه عالمكان اللي تطالع فيه أخته . .

شـآف عيونْ تطـآلعة بدهشـةْ !.. بالبدآية هوَ مَ استوعب الوضعْ . . حسْ انه بس مجردْ أوهـآمْ

لف بعيونه على [ لمـآر ] اللي تطـآلعْ بإبتسـآمةْ

رجعْ عيونهْ المفتوحة لـ حمدْ و سرعـآن ما ارتسمتْ عليهْ إبتسـآمة صـآدقة كبيـرةْ و كأن " الحيـآة رجعت تبتسم له "

شهدْ ابعدت عنّه و رآحت تركضْ بسرعة باتجـآه حمدْ و هي تضحكْ بصوت مرحْ مسموعْ

أما وليدْ و حمد بنفس مكانهمْ ينآظرون بعض بصدمة !

حمد حسْ بثقلْ يرتميْ على صدره بقوّة . . ضحكْ وهو مو مستوعب بقوّة : ههههههههههههههههههه " وهو يشدْ شهد بقوّة لهْ "

وليدْ سنّد إيدهْ على الكرسي اللي ورآه و هو يتنفّس بعمق مو مستوعبْ وجودْ لمـآر بجنبهْ و الحينْ يجي حمـد !!!

حمدْ نطْ فوقْ وليـدْ و هو يضحكْ بمرحْ و شهد بحضنهْ و اتنينهمْ مو مستوعبينْ !!

السآعة وحدة الظهرْ . .

تركيْ وهو يمرّ من جنب بدرْ اللي يقرآ قرآن : أستغفر اللهْ ..والله رمضـآن السنة ذيْ مدري شفينيْ

بدرْ بعد ما صكر القرآن وحطه عالطآولة اللي بحنبه : أنا عآد لحد يلومنيْ إذا ما ختمتْ !

رآئد : قول بندر ما شاء الله عليهْ أتوقع ختمه 100 مرة

راكان : والله منجد ..لمّا كنت بغيبوبة كل ما أدخل عليكْ ألقاه جنبك يقرآ

بدر : فديتهْ أخــويَ

رآئد : غريبة الى الآن مَ صحى ! مو من عـآدتهْ !

تركي : حتى الصلآة ما قام يصليها

راكان : لالا شفته صحى و صلى و رجع ينـآم

بدرْ عدّل جلسته بقهر : وجععع ما يبي يقومْ .. رجولي تحكنيْ نفسي أعرف وش تبي منه جدتي !

تركي : إي وربي اني مثلكْ

رآئد وهو يقوم : أقول خل عنككمْ اللقـآفة

بهالوقتْ طلعْ بندرْ من الملحقْ وهو يرتبْ شعره بعشوآئية وبيدّه الثانية مفآتيح سيآرته. . وعيونه منفخة من كثر النومْ

تركي : وينْ رآيــــح !

بندرْ لف عليهمْ و هو معقد حوآجبه : همممممم !

تركي : وين طـآلع !!

بندرْ عطآه ظهره يتهرب من نظرآت بدر التقييمية : بروحْ مشوآر و رآجع

راكان : أجل جيبْ معك ثيـآبنا من الخياط

بندر يقفل الباب : اوكي " وطلع "

بدرْ حس ان فيهْ شي بس ما حبْ يروحْ له لينْ هوَ يجيْ و يكلّمه

.

جالسةْ على سريرها الأبيضْ وهيَ ضآمة ولدها الصغيرْ " فهدْ " همست بأذنه : ربي يخليك لي و لا يحرمنيْ منكْ .. ماتدري شكثر تعبتكْ عشـآنك انت و أخوكْ

حست بالباب ينفتحْ لفّت شآفت "سطّآم يدخل و البسمة شآقه الوجه " : هـآ بشّر !

سطّآم جلس بجنبها و شآل فهد : الحمدلله وآفقوآ بعد ما طلعتْ روحيْ ..

جوري بحمـآٍس : جـــــِد !

سطآم : والله . . " التفت عليها و مسك إيدها " : بس انتِ متأكّدة انّك بخيرْ ؟

جوري تهزْ رآسها : أنا الحينْ بأفضل حآلآتي مَ عمري حسيت بهالرآحة كثر الحينْ . . وش أبي دآمك انت و وأولآدي معي !

سطّـآم : الله لآ يحرمنيْ منّك . . " لف إيده حول كتفها " إن شـآء الله أعوضك عن كلْ اللي فـآتْ . .

جوري ابتسمت بحبْ : أجلْ يللا الحينْ بجهزْ الأغرآض

قآمْ و سآعدها يشيل الأغرآض .. و بعد فترةْ : امممم ما عندكِ فكرةْ ليش تبينا لمار نجي للريـآض !

جوري هزّت كتوفها : لآ والله مدريْ . .

سطآم : بس تدرين أفضلْ . . لأنو إحتمـآل نستقرْ بالريـآض

جوري لفّت عليه متفآجئة: ليش !

سطّآم ابتسمْ : أبو صقر الله يخليهْ .. عيّني مدير لفرع شركته بالريـآضْ

جوري و الفرحة مو سآيعتها مو مصدّقة تغيّر زوجها خلآل يوم و ليلة !.. رآحت له و ضمّته بقوووووووووووةْ

سطّآم اكتفى بإبتسآمة حلوة ~

عالسآعة 10 بالليلْ .. بعد مَ أعلنوآ انو بكرى العيدْ

كآنت كل العائلة متجمعةْ بالخيمة .. و الحوسة مآلية المكـآن

بدرْ حاط إيده على خده و هو مكشر ..

رآئِـد : ياهووهْ وينكْ وشفيك مكشر !

بدرْ : أوووووف قسسم قهرْ !

رآئد : ليش !

بدر : وشش ذآ و الله ما حسيت برمضـآن ! . .

رآئد : قول الحمد للهْ يا ولدْ . . و بندرْ وينه !

بدرْ يتأفف : الحين جآي كلمتهْ

رآئِد : أقول بس بلاها ذي التكشيرة .. شف مين دخل !

بدرْ لف يشوفْ مين دخلْ .. و سرعـآن مَ تغيّر وجهه 280 درجةْ .. واتسعت إبتسآمته و بهمس مَ يسمعه غير رآئد : يالبيييهْ

رآئِد ضربه بخفة على كتفه : أقووول غض النظرْ

بدرْ : آآآآآه يا رآئد بالله قلي وش أسوي !

رآئد : الحمدلله أحسك متخلف ..شلون مجنون عليها وهي يومياً قدّآم وجهك !

بدرْ وهو دآيخ : ذي تالا يا رائد .. " نسى نفسه و قال بصوت عاـآلي " تــــآآآلآ تفهم !

لفتْ تالا على ورا : مين ينآدينيْ

رائد : لالا ماعليكْ بس كنا نخكي عن وحدة ثانية اسمها تالاْ

تالا ماعطتهمْ أدنى وجه لفّت ورجعت تسولف مع البنـآتْ

ميرا : لآآآآآ انا عنديْ لكم إقتـرآح ..

كلّهم نـآظروها ..

ميـرآ توقف قدّآمهم : وش رآيكمْ بأوّل يومْ نروحْ بالصبحْ للمخيّم

كلهمْ طلعت أًصوآتهم بين مؤيّــد و معـآرضْ

ميـرآ تكتفت بعصبية : أجل بالله وين تبون !

منيرة : هـآوو أول يومْ لآزم الذبيحة بالبيتْ " وهذا طبعاً كان رأيي كلْ الكبـآر "

شآدن : لالا وشو !.. عـآدي مافي مشكلة نذبح بالبر !

ارتفتعت أصوآت البنـآت : إي صح صحْ

ميـرآ : وبعدينْ اللي يسمعكمْ بيقول أحد بيزورنـآ .. !

رآكـآن : والله منجـــــدْ عليكِ نورْ يا الدوبـآ

ميـرآ تنآظره بطرف عينها : أترّفع عنْ الردْ

تالا : إي منجدْ لآ و بعــدْ بنـآديْ خوآل ميرا و وو امممم أي أحد أهمْ شي نكونْ كثيرْ

ميــرا بحمآس : وآآآآآآآآي ونـآسسة " وقامتْ تركضْ "

رآكـآن : على ويـــن !

ميـرآ : بروحْ أجهزْ لحفلة العيدْ يلا شدون و تروكــ..أووه أقصد تلول تعالوا سآعدوني

تالا ذآ الوقتْ قآمت تدعيْ بقلبها على ميـرآ لأنها بالغلطْ نآدتها " تروك " و عيون عمامها بدت تنآظرها نظرة تكرهها .. بس مثل العادة تبيّن اللآمبـآلآة مسكتْ البي بي حقها : مب رآيقة لكِ .. ما شاء الله شوق و دانة وسهى يكفون و يوفونْ

ميرآ وهي طالعة : على رآحتِـــكْ " وطلعتْ مع شآدن "

[ عادةْ عندهمْ بكل ليلة عيدْ من الساعة وحدة بالليلْ يجتمعونْ كلهمْ و أنوآع الحلويـآت و الجـآتوهْ و يكشخوآ ..يعني بالمختصر يبدأ العيدْ ]

.

بعدْ شويْ دخل بندرْ للخيمة و جلس بجنبْ أحمدْ و هوَ يحآول يبينْ طبيعيْ

بدرْ : ما كـآن جيت !!

بندرْ : وش أسويْ والله انشغلتْ

بدرْ : فآتكْ من بكرى الفجر بنطلع نخيّم

بندر طالعه بإستغرآب : أممممن عـآد !.. وش ذآ استخفيتوا !

رآكان : وجع انتْ اسسكت الحين تقلبْ رآس جديْ ..ما صدقنا يوآفقونْ

بندرْ : الحمدلله متخلفين " وطلع جواله " طيب وليدْ ما قالكمْ وين بيعيد !

رآئد : بالريـآض أكيدْ

بندرْ : آهـآ أجلْ بكلّمه يجي معنا بكرى

اتصلْ على وليد و ثوآني و وصله صوته :كح كحْ تصدق بندرْ والله انّك مغبّــرْ

بندرْ : اول سلّم

وليد : السلآم عليكمْ

بندرْ : و عليكم السلآم .. كل عـآم وانتْ بخير

وليد : وانتْ بسسعآدةْ و سلآمة يَ ربْ . .

بندرْ : شعندكْ كنك مستآنسْ !

وليد : أووووه خلها على اللهْ .. بحكيلك بعدينْ

بندر : طيب شكلك مشغولْ .. بكرى طآلعين للمخيّمْ تيجي معنا !

وليـد : المخيّم !... والله فكرة مو بطّآلة يمكنْ أروحْ بكرى مع الشبـآبْ

بندر : أي شبـآب !

وليد : أقولك خلها على الله يحتآج وقتْ عشـآن أحكيلكْ

بندرْ : والله مدري وش سآلفتك انتْ .. طيب خلآص إذا رحت للمخيمـآت عطنا خبرْ عشـآن نتلآقى

وليد : أووووووكـــييْ

بندر : يللا سلآم

وليد : سلآمْ

قفّل من بندرْ و هو يبتسمْ

صقر : مين !

وليد وهو حدّه مستآنس : والله انت شكلك ما بطلت عآدتكْ القديمة للآن ملقوفْ

سطام "اللي وصل قبل ساعة للريـآض " : ههههههههه وانت الصآدقْ اذا ما كان ملقوفْ ما يكون صقر اللي نعرفهْ

صقر مسوي نفسه زعلآن : إي إي تكلم عليّ عاديْ مو انا اللي كنتْ ميت على شوفتك

وليدْ : هههههههه خلاص كله و لا زعلك ..هذا بندرْ دكتورْ أشتغل بمستشفى تبع عائلته .. بس ياهمْ ناسْ !.. وربي ينحطونْ عالجرحْ و يبرى " التفتْ على حمد " ابن عمته اسمه رآكان متأكّد انه بيعجبكْ

حمد : والله حمستنيْ أتعرف عليهمْ

وليدْ : بكرى بيروحون للمخيمـآت وش رآيكم حنا كمـآن !

الشبـآب عجبتهمْ الفكرةْ و تحمسوا وآجد لهـآ

[ وليد كآن مستآنس حدّه .. حآسس انه رجعْ لأيـآم خيآلية !.. ما كان يتصور انه رح يقآبل حمد و صقر و سطام مرة ثـآنية !.. و أثناء ما هو معهمْ

كان حاسس بشيء نآقص .. كانوآ زمـآن خمسة .. بس الحينْ أربعة !.. وآحِد نآقصْ .. و بغيـآبَه ما تكتمل الفرحةْ .. حبْ يطلعْ يتنفسْ هوآ بعيد عنهمْ علشـآن لآ يضآيقهمْ

قام من مكآنه : شبآب دقآيق و بجيْ

طلعْ لبرى الفندقْ .. و كان قدّآمه حديقة صغيرةْ .. دخلها و العبرة خآنقتهْ [ ويييينك يا فهد !.. وين رحت !.. كأن الأرض انشقت و ابتلعتك ]

جلسْ على وآحد من الكرآسيْ و هو يشوفْ السيـآرآت قدّامه بوضوحْ .. خرج من جيبه باكيت السجاير و أخذ حبّة لعلٍ و عسى تنسيه شويْ ..

حسْ بإيد تسحبْ منّه السجـآرةْ .. رفع رآسهْ شآف سطآم يرميها بأقرب زبآلة " أكرمكم الله " : وش صـآر عليكْ ما كنت تدخّن !

وليدْ تنهّد بألم : الدنيـآ ياخوي تغيّر و تجبرك تسوي أشيـآء ما تبيهاْ

سطّآم جلس بجنبهْ وبهدوء : بس احنا نقدرْ نتغلّب على كلْ شي قدّآمنا

وليدْ ونفسه يفضفض : ما أسهلها و انت تنطقها

سطّآم لف عليه و بجدية : وليــدْ . .

وليد ركزْ بعيونه عليه

سطّـآم و هو يبي يوصّل لوليد شيء مبهم : عارف شي عن فهد !

وليدْ خنقته العبرةْ .. لهمْ حقْ يتفآجئوا بعدم وجودْ فهد معه !.. كيف لآ و همْ كـآنوا دآيماً مع بعضْ من أيّـآم الثآنويْ حتى ان فهدْ كانْ عآيش ببيتْه !

سطّآم : تدري وليد.. من أوّل يوم شفتك فيه مع فهدْ كنت أتصورْ انو مستحيلْ أشوف وآحد منكم بدون الثآنيْ

وليد نزل رآسه و عيونهْ تملآها الغشآوة نفسه يصررررخ خلآآآآآآآآص يكفي يا سطام

سطآم بسخرية : هه شفتْ شلونْ وصّل له خوينا كله بسببك !

وليدْ ناظره بعلآمة إستفهام !... : !!! وش صار

سطآم ناظر له بصدمة : معقوووول !... الرآيح و الجآي يتكلّم عنّه و انتْ ما تدري !

وليدْ قبضة قلبه : وش صـآر على فهد !.. تكلمْ سطـآم

سطآم كره نفسهْ ..كان يتوقع انْ وليد عارف عنْ فهدْ ..ماحب انه هو اللي يقوله

وليدْ : سطآم احكي !

سطّآم نزل رآسه :....

.

وائل غاط بنوم عميق ( ما يحب السهر )

عكر نومته صوت الجوال . . قام و هو يتأفف و بالكاد وصلت إيده له . . بعين وحدة شاف الاسم . . رد بصوت ناعس : مسا الخير

لمار : مسا النور . . كيفك !

وائل : تمام وانتي ؟

لمار : بخير . . وش فيه صوتك نايم !

وائل : لمار . . تبين شي أو أرجع أنام !

لمار تنهدت : لا بس كنت آبي أسولف ووو

وائل بنفاذ صبر : و وش !

لمار : لا بس كنت بقولك اني بالرياض

وائل عدل جلسته و صحصح معها : وش تقولين!

لمار : اللي سمعته

وائل بعصبية خفيفة : تستهبلين حضرتك و لا وشو !

لمار بهدوء : ماينفع نحكي كذا .. تعال بمطعم .......

وائل صكر السماعة بوجهها و قام يجهز نفسه و هو معصب

.

وليد بصدمة وقف : انت كذااااب " بعصبية ممزوجة بدموع " شلون تحكي كذا عن فهد ! . . ما أسمح لك . . فهد مستحيل يسوي كذا !

سطام يحاول يهديه : وليد اهدى .. اذكر الله

وليد دفه بعيد عنه و توجه لسيارته و بأسرع ما عنده ترك المكان . .

سطام ما لحقه و لا سوى شي مصيره بالنهاية يرجع

حمد شاف سطام جالس لوحده راح له : سطام وش فيه وليد !

سطام : اتركه براحته . . بيستوعب اللي قلت له عن فهد و بيرجع

سطام دخل لداخل الفندق و أرسل مسج للجوري يبيها تطلع هي و باقي البنات يشمون هوا

.

وليد كان يسوق بسرعة و صوت سطام يتردد بأذنه " فهــــد سكير !

فهــــــد راعي شقق و بنات

فهــــــ.... صرخ بقوة : لااااااا

وقف السيارة على جنب وحط راسه عالدركسون و بكــى ندم على حالة أخوه . .

مضت ربع ساعة و هو على نفس حالته . . رفع راسه و دموعه مبلله وجهه .. مسحه بيدينه و هو يتنهد الظاهر الدنيا مب راضية تبتسم لك !

حاول يهدي من نفسه و صورة لمار و صقر و .. وكل الشباب التمعت فيه .. هو ماصدق يشوفهم فــ ليش يخرب على نفسه بعد ما صاروا عنده

رجع للفندق و صورة فهد ما انمحت من باله

لمحهم من بعيد كلهم متجمعين و ضحكة شهد واصلة بوضوح لمسامعه.. رسم ابتسامة على وجهه و قرب لهم

كانت الجوري شايلة بيبي بحضنها و صقر يلعب بيبي ثاني

استغرب بس ماترك فضوله يطول . . قرب لعندهم : مين ذول الكتاكيت !

صقر قرب له : تتوقع وش اسم ذا الفار !

سطام : بعينك فار

وليد بضحكة هادية : هههههه شسمه ! . . . وابن منو !

صقر : هذا وليد سطام محمد الــ . . . . .

وليد ناظر لسطام و الجوري بصدمه : ابنــــكم !

الجوري بإبتسامة : إي ليش تناظر لنا كذا ! ما يناسب !

وليد و هو يضم وليد الصغير : هههههههه لا بس مب مستوعب

. . والثاني ابن مين لا يكون ابنك يا صقر !

كلهم ضحكوا : هههههههههههههههه

وليد !!!!!!!

سطام : لا ذا فهد توأم وليد

وليد ترك وليد و بهدوء أخذ فهد و هو يتأمله.. باسه على جبينه و هو يدور بعيونه على فهد الطاهر.. فهد اللي يعرفه !

وقف وائل قدام المطعم . . زادت عصبيته و هو يشوف سيارة سواقها قريبة منه . .

هي كانت بالسيارة تنتظره لين يجي و يدخلون مع بعض

فجأة سمعت صوت دق على زجاج السيارة . . لفت شافته مميل جسمه باتجاه السواق الهندي . .

حست بدموع متجمعة بعيونها

آخر مرة شافته قبل سبع شهور !

فتحت باب السيارة و الإبتسامة مالية وجهها

عدل من وقفته و لف عليها " صحيح كان معصب و متنرفز حده بس ماحب يخرب عليها لهفتها و شوقها الواضح " : أهليـــن

ماقدرت تمسك نفسها . . جت بترتمي عليه . . بس هو بسرعة نطق : لا لا حنا بالشارع " وبعصبية ما قدر يمسكها " ليش كاشفة وجهك !

هي ما كان عندها أي نقاش كل اللي تبي تقوله انها مشتااااااااااااقة له حد الموت

سحبها من يدها بعصبية و نزل راسه للسواق : خلاص صديق انتا روح

وسحبها لين وصلها لسيارته

حرك السيارة بعد ماركبت وهو حده متنرفز أولآ لأنها جاية مع سواق لوحدها و بعد كاشفة وجهها !

قال و هو يحاول يهدي نفسه : غطي وجهك !

سحبت طرف طرحتها و رمتها على وجهها . . ماحبت يبتدي لقاءهم بخصام و مشادة

وبعد مدة من الهدوء غير أنفاسهم المتضاربة : لمار

لمار لفت عليه : هلا !

وائل بهدوء : ماكنت آبي يبتدي يومنا بهالشكل بس بصراحة انتي نرفزتيني

لمار بسرعة : لا عادي انا الغلطانة . ." وبهمس " آسفة

وائل تنهد : ماله داعي . . متى وصلتي !

لمار : أمس بالليل

وائل : ليش ما خبرتيني !

لمار وعيونها على برا والعبرة خانقتها من بروده مقابل شوقها : ما حبيت أضايقك

وائل : تضايقيني ؟

لمار : اي تحسبني مو حاسة بضيقتك الحين !

وائل تنهد : لمار انا كنت متنرفز هذا أولآ بعدين انتي تعرفين اني مارجعت للرياض و تركتك الا علشان مشاكل

لمار : أي مشاكل ! . . مو انا زوجتك ! شريكتك ! مفروض تقاسمني همومك

وائل وقف السيارة : يللا انزلي

طالعت للمبنى الكبير قدامها : ويـــن !

وائل : البيت يعني وين !

طلعت و تبعته لداخل

وقف قدام شقته و هو يفتح الباب

لمار : هذي شقتك !

وليد : إي بس لا تنفجعين فيها تراها صغيرة و مكركبة شوي

ابتسمت و هي تدخل وراه : واااااو عالعكس حلوة و مرتبة

وائل و هو يصك الباب وراها : ذي مرتبة الحين !

لمار و هي تفصخ طرحتها : بالنسبة لشقة وليد تعتبر شقتك قمة

حست فيه يسحبها لورا وإيده محاوطة رقبتها

باس شعرها . . وأبعد عنها : يعني قابلتيه !

لمار ابتسمت من حركته : إي

وائل لف عليها : ماتبين تنامين !

لمار : امممم

وائل : تعالي اوريك غرفتي . .

راحت تمشي وراه فتح لها باب غرفته : هذي هي

تقدمت ولأن الأنوار ما كانت مشغلة تعثرت بشي و مسكت بظهره : أوووووه

وائل لف عليها وهو يشغل النور : بسم الله شفيك ؟

لمار ترفع راسها : لا بس تعثرت . . " شهقت وهي تشوف الفوضى " هييي وائل وش ذا!

وائل وأصبعه السبابة على فمه : اووووص بتصحين ريتاج !

لمار بهمس : ريتاج و مشاعل هنا !

وائل : لا مشاعل عند زوجها بس ريتاج

لمار : آهـــا . .

وائل ارتمى عالسرير : فسخي عباتك و تعالي نامي

لمار فسخت عبايتها و هي ميتة نوم لها يومين مواصلة : وائل

وائل بصوت ناعس : هممم

لمار تحك راسها بإحراج : اممم أبي أتروش شسوي !

وائل وإيده على عيونه : شوفي الحمام قدامك و أي شي تبينه بتلاقيه بالدولاب

لمار : إي أدري بس المشكلة ملابسي بالفندق عادي اتصل على السواق يجيبها ؟

وائل : لا البسي من ملابسي لين أصحى بجيبها لك . . تراني زوجك عادي

لمار : تستهبل !

وائل تقلب : منجد مشي حالك لين الصبح . . والحين صكري الانوار ابي انام

لمار تأفأفت على الحل الغبي ماتدري ليش معارض فكرة السواق ! !

أخذت لها تيشرت و بنطلون ضيقين و دخلت تتروش

كلها ربع ساعة و هي طالعة تجفف شعرها . . شافت وائل بسابع نومة . . راحت للتسريحة تجفف شعرها بالفوطة الصغيرة . . ضحكت بخفة على شكلها بملابسه . .

طاحت عيونها على برواز صورة مرمي عالتسريحة رفعته تبي تعدله بس سرعان ما غمرتها فرحة كبيرة و هي تشوف صورتها متوسطة البرواز

قربت للسرير وانسدحت عالطرف الثاني و إبتسامة حلوة على شفايفها و قبل لا تنام ارسلت مسج لوليد تخبره انها ببيت وائل

.

بعد مارجعوا من صلاة العيد

رائد يشخص نفسه قدام المرايا الطويلة بنص الصالة : يللا عاد بسرعة

تالا و بيدها كيس كبير : اقول بدل ما تشخص تعال و شيل هالكيس للسيارة

رائد أخذه منها : هـــآ باقي شي !

تالا : مدري بشوف

ميرا و جاية طيران من برا: وااااااااو تلو تعالي شوفي سيارة بندر تجنننننننن

تالا : جـــد !

طلعت هي و ميرا لبرى و كان كل الرجال موجودين حتى " جواد و أهل رائد من أمه "

تالا بهمس و هي متلثمة : وينهـــا ؟

ميرا تسحبها بدفاشة : تعالي خلينا نحجز لنا مكان فيها " وهي تأشر عالسيارة " شفيها ذيك

تالا انبهلت : يووووووه وش ذا ! . . انا لازم اجرب أسوقها

شادن من وراها : تسوقين وش !

تالا : سيارة بندر شوفي شلون تدوخ

شوق : توها جديدة صح !

شادن: آهـــا ذيك هدية من بدر

ميرا : آآآآخ مالت علينا يا هيك الاخوان يا بلا

دانة و ملاذ ضحكوا بخفة عليها

بالنهاية تقسموا لمجموعات " كل البنات جمعوهم مع تركي وأحمد و الشباب تقسموا بالسيارات "

الوقت بالسيارة كان يمشي بسرعة خاصة عالبنات اللي فالينها آخر فلة

.

رائد بعد ما أنهى مكالمته مع وليد : يقول انه سبقنا من زمـــان !

بدر : زيـــن بس أهم شي يكون مخيمهم قريب منا

راكان متمدد ورا : كم باقي و نوصل !

بدر يناظر ساعته : لنا تقريبا ساعة إلا ثلث

رائد : يعني مابقى شي

راكان : طيب انا بنام إذا وصلنا صحوني

.

بندر كان متأخر عنهم بـ كثير

و لوحده ما معه غير العفش هو فضل يجلس لوحده

وكل تفكيره بكلام جده

وأثناء ماكان سارح بتفكيره

السيارة اللي قدامه فجأة وقفت و لأنهم بخط سريع واثنينهم مسرعين بندر تلخبط و كان متأكد انهم بيصدمون بعض بس قدرة الله وقفت سيارة بندر ورا السيارة الثانية بالضبط

بندر على طول نزل من سيارته و هو ناوي على صاحب السيارة بنفس الوقت طلع صاحب السيارة اللي هو صقر : آســـف أخوي حقـــ. . . .

قاطعه بندر بعصبية : انت صاحي ! ! . . في أحد يوقف بالخط السريع . . مجنــووون ! مجنـــــووون !

صقر : أقول انت مو وجه أحد يعتذر لك

تدخل واحد من المارة : خلاص خلاص حصل خير

بندر بعصبية : وشو اللي حصل خيـــر تدري انـــ

قاطعه شايب : خلاص ياولادي حنا بعيد مايصير والله ما يصير

بندر رجع لسيارته و هو متنرفز : نـــاس آخر زمن والله !

و من جهة ثانية ركب صقر ببرود و حرك باتجاه المخيم.

.

فهدْ يسوق بسيّـآرته مع مشـآعلْ : خلآص يكفيْ وانتِ تآكليــنْ حلآو

مشـآعلْ و بيدها حلآوة العيد [ جلكسي ] : وش أسوي والله ما أحس بطعم العيد إلا بها

فهد : شوفي بالله خلصتيْ نص العلبة . .

مشآعل تمد يدها اللي فيها حلاوى جديدة و بإيدها الثـآنية شوكولاته مأكول نصها: تبي !!

فهد : لآ أخاف تلوع كبدي عالطريق

مشآعل قربت يدها زيـآدة و بنبرة رجا : عشــآن خـآطريْ

فهد : علشان خاطرك بس

مشاعل جت بتفتح كيس الحلاوى .. بس فهد قآطعها : لالالالا مآبي ذي

قربت له علبة الحلاوى : طيب اختـآر

فهد بخبث : لا آبي ذيك السايلة بيدك

مشآعل نقلت نظرها بينه و بين الشوكولاتة اللي نصها ماكلتها و ربعها سآيل على أصبعها . . وقالت علشان تبعد الإحرآج : لآآآآ ذي حقتي

فهد بإبتسآمة : والله لآكلها غصب عننننكْ

مشآعل : أتحدآك ما تقــــــدررر

فهد وقف السيـآرة عالطرف وحط عينه بعينها : تتحديــــــــن !

مشـآعل : إي أتحــ .. " وقبل ما تكمّل صرخت بضحكة وهي تشوفه ينقض على إيدها بشرآسة .. وبحركة سريعة منها جت بتآكلها قبله بس هو مسك إيدها

و ألتهم الحلاوة كلها "

مشآعل : ههههههههههههههههههههـ ... " قطعت ضحكتها بشهقة وهي تحسّه يعض أصبعهآ " آآآآآي

فهد أبعد عنّها وحرك السيـآرة: علشـآن ما تتحديني ثـآني مرة . . المرة الثـآنية بعلمك ان الله حقْ

مشـآعل : بس عورتنيْ

فهد مطْ خدها : محد قآلك انك دلــوعة !

مشآعل : أنـآ دلوعة !!.. حرآم عليكْ العكس الكل يقول انا وين و الدلع وين !

فهد : عـآرف بس اللي ما تعرفينه انتيْ انّك معي وحدي دلوووووو " قطع كلامه نغمة جواله "

شآف الاسم "جواد " : هلا جوآد

جواد : أهلينْ . . هـآ وينك انت !

فهد : لسى ما دخلت لمكان المخيمات .. بآقيلي شويْ

جوآد : انزينْ متى ما دخلتْ خبرنيْ

فهد : اوووكي .. صحيح جوآد أبوكْ موجود !

جوآد : لآ أبوووك مو موجودْ [ وشدد على كلمة أبوك ]

فهد : يكون أحسن .. مين موجود !

جوآد : يوووه خلها على الله كثيــرْ ..

فهد بخيبة أمل : لآآآآ لآ تقول

جواد : فيه أبو عمر و كل عائلته و كمان أبو عادل وعائلته [ خوال رائد ] و ابو محمد وعائلته [ عمام راكان ] و مين كمـآن امممم تقريباً بس ذول

فهد : افففففففف يا ربي .. كل ذوول !!

جواد : و قبل لا أنسى كمان يقولون نادي أهل زوجتك

فهد : اليوم ما حيجون إحتمـآل بكرى

جواد : اوكي طيب اتركك الحين

فهد : يللا سلام

ريتـآج و لمـآر كانوا مع بعضْ يسولفونْ

دخل وآئل وهو متشخصْ بالثوبْ و الشمـآغ الأبيض : يللا ما ودكم تطلعون !

لمـآر انبهرت من شكله .. أوّل مرة بحيـآتها تشوفه بالثوب و الشمـآغ بحكم عيشتهم أول سنة باإيطآليا

ريتـآج فتحت عيونها بكبرها : وششو! بهالصبح !

وآئل : ما يحلى العيدْ إلا بصبـآحهْ

ريتـآج ماحبت تضآيقهم : لا خلاص انتوآ اطلعوآ .. انا مآلي خلقْ

وآئِل : لاآآ مالنا روحة إلا معكْ

ريتآج : والله ماني قـآدرة أقوم ماتشوفنيْ بالسـآبعْ !

لمـآر : بليـز تعـآلي يعنيْ بتحرمينْ نفسك حتى بيوم العيدْ

ريتآج : جرّبي بالأول علشـآن تحسسين بالمعآنآة بعدين تكلمي

وآئل : خلاص مافي مشكلة بشيلك

ريتـآج : وآئــــل بليز والله تعبـآنة

وآئل تضآيق كثيرْ حس ان وجود لمآر بيبعده عن ريتـآج و مشآكلها .. سكت ما حب يضآيقها أكثرْ .. التفت على لمآر : يللا البسي عبآتك

لمآر بهدوء : لا بجلسْ مع ريتـآج وآضح انها تعبآنة

ريتـآج بسرعة : والله ثم والله لو ما رحتي بزعل .."وبمزح" أنا أبيكم تفكوني ما صدقت ان البيت يفضى و انتم تبون تنشبون لي

وآئل : ما رح نتركك تتهنين شوي و رآجعينْ

لمآر راحت غرفة وائل تلبس عبآيتها وهي حيييييل متضآيقةْ

لحقها للغرفة : انا طالع اشغل السيارة و انتي جهزي بنطلع لشقة " وطلع " هي حست بفرحة و أخيرآ رح تختلي به

ثوآني و طلعتْ عندْ وآئل

ركبتْ السيـآرةْ و بالغلطْ صكتها بقوّة ..

وآئل : عسسى ما شر !.. كنّك مغصوبة عالروحة !

لمـآر : ........

بعد فترة من السكوت ~

لمار : وائل

وائل : همممم

لمار بعبرة : ممكن أعرف ليش صرت كذا ! . . أول شهرين من زواجنا ما كنت كذا !

وائل و عينه عالطريق : ليش وش شايفة مني الحين و ماعجبك يا ست الحسن !

انقهرت مرة من بروده : يعني بالله انت مو حاسس بتغيرك !

وائل : لأ . . انا أشوف اني الحين على طبيعتي و شي طبيعي اني ببداية زواجنا أعاملك غير لأننا عرسان . .

تنهدت بألم من حبها البارد ولفت راسها عالزجاج

وائل بجدية : لمار . . انا لما خطبتك كنتي عارفة اننا بكل شي نختلف . . من ناحية العادات و التقاليد . . الطبقة الإجتماعية . . الأفكار كل شي مافينا نقطة وحدة نجتمع فيها . . فلا تستغربين مشاكلنا

لمار نزلت راسها لحضنها و دموعها متحجرة : بس كنت أتوقع ان اللي بالقلب يقدر يغيرنا

وائل حس بضيقتها و قرر يغير الموضوع لف لهاوبإبتسامة : ماقلتيلي .. ماودك نجيب عيال !

لمار بسرعة و كأن أحد قارصها : لللللأ . . .

وائل هز كتفه : اوكي على راحتك . . بس حبيت أسألك علشان نشيل المانع

لمار حست انها غبية مفروض عالأقل أخذت رأيه : ليش انت تبغى !

وائل : لا العكس انا أبد ما أفكر بالموضوع بس قلت لا أحرمك من حقك . .

~ صوتْ موسيقى حزينـةْ ورآيقـــة ~ [ جوالْ لمـآر ] .,. شآفت الاسمْ ( وليـدْ قلبيْ ) حستْ انها طلعتْ لولهة من حزنها ردّت بصوتْ حمـآسي : ولووود !!

وليدْ بصوت مبحوح : يَ هلا والله لوري وينك

لمـآر : وليييد شفيهْ صوتك !

وليد ببحة : لآ و لا شيْ بس تعبـآن .. شفتي ششلون حظيْ بأول يوم بالعيد !

لمـآر بحنان : يَ قلبي علييييكك ليش شفيك !

وليد : مدري شفييني بعد الصلآة جتني حرآرة .. إلا انتي وينك !

لمـآر تنآظر وائل بطرف عينها : أنا معْ وآئل

وليـد : وعععع ماحبيته

لمـآر بتمثيل: آيــوى جنبيْ

وليد : منو اللي جنبك !

لمـآر : اوككي الحين أعطيكْ ياهْ

وليد متوهق : لوووري مابي أكلمـ ....

قآطعه صوت رجولي : أهلينْ

وليد عدّل صوته و هو يسب لمار بدآخله : يَ هلا واللهْ

كـآن يرآقبهـآ من بعيدْ وهيَ جايّة باتجآهه بعدْ ما انهت مكالمتها من خالتها [ ام صقر ]

حمد رآفع حاجب و متكتّف : كنتي تكلمين مين !

يزوي بنفس حركته و إبتسامة خفيفة مرسومة على شفاتها: و بحكم انكْ مين تسألني !

حمـد : بحكمْ انّــي هذا " وهوَ يأشر بإيدهْ على موضع قلبها "

يزوي حمّرت خدودها . . : تـرآك حيييل وآثق من نفسكْ

حمد : و تــرآكي حيييييل ذآبحتيني

يزوي : حمــــــــــــد !!!!!!!!

حمد ضحك ضحكة خفيفة و قرّب لها : هههههههههه وربي وحشتينيْ من يوم ما ولدت جوري و ما جلسنا مع بعضْ

يزوي بخجل : وانتْ بعد وحشتنيْ

حمد بإبتسآمة : الله لا يحرمني منّك . . " شبّك يده بيدها " خـآطري ألف الكككونْ كلّه معكْ

سمعوآ صوت من ورآهم : لفّــوآ الكون كلّه بس ما تبعدونْ

حمدْ لف اتجاه الصوت : صقـــــــر !.. وينك تأخرت !

صقر : كنت بسسوي حـآدث . .

حمد : أوووووووووووف

صقر : خلاص تلآيط انتْ . . وووو " هو يأشر على يديهمْ و عيونه عليها " ذيْ تبعد عن بعضْ

يزوي جت بتبعد يدها بس حمد شدّها أكثرْ : انتْ اخطبْ بعدينْ تكلّم

صقرْ طنشهم و دخل دآخل الخيمةْ

.

بأقربْ مخيّــم لهمْ .. [ بس المسـآفة بينهمْ جداً طويلة ]

سيـآرة فهدْ وقفت بجنب السيـآرآت الثـآنية

مشـآعل بوهقة : فهـــــــــــد وش أسسوي الحين !

فهد يضحك عليها : ههههههههههههههه تستآهلين محد قآلك تآكلينْ شوكولاته

مشآعل شوي و تبكي : لا تضحك عليّ .. دبر لي حل !

فهد أشر على عبآيتها اللي كلها شوكولاته و بنبرة سخرية و هو يحآول ينرفزها : بالله هذا منظر وحدة متزوجة !! .. والله انّك بزرة ! [ فتح باب السيارة و نزل ]

مشآعل : فهـــــــــــد لا تروحْ و تتركني كذا ! .. الله يخليك طلع لي حلْ عيب ادخل عالحريم كذا !

فهد : شدخلني فيك .. دبري نفسكْ يا بزرة

مشآعل بعبرة و بوزها مشكّل قوس : الله يخليييييييييييكْ

فهد رحمها و لف عليها : لاآآآآ عاد كلّه و لآ تبكين .. " و بإبتسامة خبيثة وهو يطبطب على شفاتها بإصبعه السبابة " و هذا عدليه قبلْ لآ أتهوّر

مشآعل لفّت منه : سخيييييييييييفْ

فهد : طيب خلاصْ بنآديلكْ سهى تدبر لك صرفةْ

مشآعل : لاآآآآآآآآ يعني تشوفني كذا !!

فهد : بقولها تجيب لكْ عبآية ثـآنية يالبززززززززززر

مشآعلْ سكتت لأن هذا أفضل حلْ

فهد مسك جواله و أرسل مسجْ لـ أخته سهى .. و ثوآني وهيَ قدّآمهم معها عبآية سحرْ

فهد أشر لها : سوووسووو تعالي هناْ

لفت عليهمْ و جتْ و هي تبتسم : يَ هـــــلآ والله بالغــــــآليْ

فهد بآسها على رآسها : هلآ بكْ زووودْ .. من العآيدينْ

سهى : من الفـآيزينْ .. " وهي تتلفت تدور مشآعل " غريبة وش تبي من العبـآية !

فهدْ فتحْ باب مشآعل : شسوي يختي !.. متزووووج لي وحدة بزرة

مشاعل ناظرت له بزعل و سحبت منه العباية و لبستها داخل السيارة و طلعت و هي جداً منحرجة من سهى

سهى سلمت عليها " و بعد السلام و المعايدة و و الخ . ..

أخذتها لخيمة البنات علشان تعدل مكياجها [ مخيمينْ للحريم و مخيمين للرجـآل ]

.

و فهد توجه لخيمة الرجال

تأفأف بداخله و هو يشوف [ الخرفـآن ] قدام الخيمة و الشباب كل 4 معهم واحد يستعدون يذبحونه . .

راح للرجال الباسطين قدام الخيمة يسلم عليهم و كره نظراتهم له [ كون سمعته شينة ] بس يللا كل شي يهون لعيون فرحة مشاعل

أبو رائد قدام الشباب : هآ مين بيذبح منكم ؟

راكان تراجع ورا : من الحين اقولكم انا بس بمسك

أحمد مسك الساطور و هو رافع ثوبه :انا بذبح واحد و انتوا عاد لا تصيرون خكر . .

بندر مسك خروف : يللا أحمد اذبح و بدر بعدك

بدر : و انت بعدي

بندر : لا رائد بعدك

تركي : جد مفروض بندر هو اللي يذبح بما انه جراح

احمد : خلاص بعدين نشوف مين يذبح بس أول نخلص من ذا

بدر انضم لبندر يساعده و جوآد رآح يذبح مع تركي وآحد راكان مسك كاميرا رائد و بدا يصورهم فيديو أما رائد ابتعد عنهم بحكم انه يكره ريحة الدم و شكله و طلع خارج حدود مخيمهم

مو قادر يمحي صورة ريتاج من باله . . جلس تحت شجرة بعيدة و فتح جواله عالصور لعل و عسى ينطفي شوقه . . بدون شعور فتح عالأسماء و ضغط زر الاتصال رغم انه متأكد انها مارح ترد . .