الفصل الاول1
بقلم دانيا
بعد وفاة امي وابوي بالحادث قبل بشهر كانو ناس عمي وناس خالي قاعدين معاي في بيتنا مدة الشهر دي كلها ،، لحد بعد اربعين يوم كنت قاعده مع نسوانهم وكل واحدة فينا شارده بأفكارها جاء ود خالي قال لي بنادوكي في الصالون....قمت مشيت لقيت عمي وخالي قاعدين وساكتين مافي واحد بتكلم مع التاني.
خالي قال لي اتفضلي تعالي يابتي عدن اقعدي جيت قعدت ،، عمي عاين لي وقال لي يابتي نحن ناديناكي عشان نتناقش معاكي في موضوع....بعد وفاة اخوي الله يرحمه فضلتي انتي وحيدتو امانتنا وطبعاً البيت دا براكي م بتقعد ليكي عشان كدا عاوزين نشوف رايك ح تختاري تقعدي مع منو من بيناتنا.
عاينت ليهم بحيره واسف وبقيت افكر بيني وبين نفسي انا كيف اطلع من بيتنا الأتولدت واتربيت فيهو ، وفيهو كل زكريات اهلي حسيت العبره خنقتني ومن دون ما احس لقيت نفسي ببكي ،، خالي قال لي عارفها صعبه عليكي شديد يا بت اختي لكن نعمل شنو م بنقدر نخليكي براكي هنا....بقوا يتكلمو معاي ويهدو فيني لمن رقت شويه ،، قلت ليهم انا م بقدر اختار بينكم وقبل دا كله اعرفوا إنو بيت اهلي ما ببيعوا ولااا حتى بأجرو .
قالوا لي م عندك مشكله ، عملوا قرعه وطلعت القرعه لخالي....خالي كان مبسوط إنو ح اسكن معاهم إما عمي م اتكلم لكن كان باين عليهو إنزعج ،، بعد يومين قفلت البيت ومشيت مع ناس خالي بيتهم وناس عمي طلعوا مشوا بيتهم ؛؛ اصلاً كلنا في نفس الحي بس الحي كبير وناس عمي بعاد شويه ساكنين جنب السوق إما ناس خالي ساكنين طرف منهم إلا المزارع.
تميت اليوم الأول في بيت خالي طبيعي اما في اليوم التاني بالليل وانا نايمه في الغرفه مع تماضر بت خالي الصغيره فجأة...
اضغط
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!