رواية وجوه مختلفه الفصل التاسع عشر 19 - بقلم دانيا

رواية وجوه مختلفه

الفصل التاسع عشر19والاخير

بقلم دانيا

طلعت الزاكرة من العلبه ختيتها في التلفون وبقيت احضر في الفيديو ،، كان ابوي م ظاهر بس صوتو واضح كان في الفيديو ابوي مصور بيت اول مرة اشوفو ومع التصوير كان بتكلم " قال بتي عدن لو لا قدر الله انا حصل لي اي شيء البيت دا في الحي الغربي قريب للسوق ومفتاحو بتلقيهو عند عمار صاحبي الساكن جنب الجامع تمشي ليهو تقولي ليهو عاوزة الأمانه وهو ح يسلمك المفتاح وفي البيت دا في غرفه في نهاية البيت عباره عن مخزن مفتاحها بتلقيهو في نفس الظرف حق الزاكره دا لمن تفتحيها بتلقي فيها صناديق دهب واسلحه سلموها للشرطه "

قبل اخلص الفيديو شلت التلفون ومشيت ل حسام وريتو ،، قال لي لكن هم م ح يخلونا ياعدن لو قلنا نسلم الدهب والأسلحه اتزكرت كلام عمك العجوز قال لي عشان تتخلصو من اثر الجن لو وجدتو الدهب رجعوهو ليهو عشان م يأزيكم ، قلت ل حسام م ح نسلم الدهب ح نسلم الأسلحه بس ، اتصلنا لأيوب جانا قعدنا نفكر نعمل شنو ، ايوب قال لينا عندي فكره قام اتصل لعم عادل قال ليهو لو عاوزين تأخدو الدهب والأسلحه تعالوا كلكم انت وشركائك المشغل حق عمي فتح الرحمن خلال نص ساعه عدن قبل تختفي خلت اشياء كتيره وراها ومن ضمنها عرفنا مكان الدهب يلا اسرعو وقفل الخط.

قلت ليهو ح تعمل شنو ؟ قال لي اوثقي فينا بس يلا يا حسام ورح ، طلعو وانا فضلت قاعده في البيت محتاره....بعد نص ساعه اجتمعوا كلهم في المغشل عم عادل قال لأيوب اختصر سريع ولو طلعت كذاب يا ويلك ياولد ،، قال ليهم اهدأؤ واقعدو كدي ، بقى يعاين ليهو بعين حاره وبعدين قعدوا كان في مسجله شغاله قرآن بصوت متوسط ،، التلاته بقوا يعاينو لبعض عم عادل قال لأيوب ممكن تطفي المسجله دي ؟ ايوب بقى يعاين ليهم حساهم انزعجوا او يمكن خافوا ،، ايوب قال ليهم هسي دي موضوعكم م تركزوا معاها ، عم عادل قال ليهو انجر .

قام طلع تلفونو واتصل ل حسام قال ليهو جيبهم ، هنا الجماعه وشوشهم نورت فكروا ح يجيبوا ليهم صناديق الدهب والأسلحه ،، بعد شويه جاء حسام وشايل في يدو كيس وقف جنبهم وطلع من جوا الكيس مصحف مظاهو لعمو عادل طوالي من غير ما يحس على كلامو قال ليهو دا شنو ؟ حسام عاين ليهو ورفع حاجبو قال ليهو دا ما مصحف انت شايفو شنو ،، امسك كل واحد اداهو مصحف قال ليهم فتشو مفاتيح الكنز حقكم بين الصفحات ،، عم عادل قام على حيلو قال ليهو انت بتهظر ياولد ول شنو ؟ ايوب عاين ليهو بغضب قال ليهو نهظر لشنو لو م مصدق اسمع دي رساله صوتيه من عدن ،، سمعو مقطع صوتي بصوتي عامله فيها خايفه وخلاص نهايتي قربت قلت لأيوب لو حصل لي شيء وم رجعت في بيتنا في كم مصحف وفي نصهم في المفاتيح امشي شيلهم وبتلقى غرفه جوا بيتنا في الدهب طوالي قفل المقطع الصوت وقال ليهم لو م عاوزين تفتشو خلوهو يلا ورح يا حسام واتزكرو نحن م غالبنا نأخذ الدهب دا لنفسنا بس نحن م عاوزين نعاديكم.

طلعوا مشوا خلو عادل وشركائه ماسكين المصاحف وبقلبو بين الصفحات لو جيت لقيتهم بتفكرهم بقروا ،، فتشوا لمن فتروا م لقوا شيء سبوا لأيوب وقالوا غشانا قوموا ورح وراهو....اثناء ماهم سايقين عرباتهم وجاريين يحصلو ايوب هنا شركائهم اتغلبو ضدهم والتلاته عملوا حادث وماتو،، انتظرنا لحد بكره والخبر انتشر في الحله ودققوا الصيوانات بتاعت العزاء بعدها جهزت ومشت ل رحيق في بيتهم عشان اعزيها من شافتني اتصدمت لا عرفت تبكي على روح ابوها ولا عرفت تستوعب انا كيف عايشه لحد الآن خليتها في حالة زهول وطلعت منهم .

مشينا بيت خالي وناس عمي جونا هناك اجتمعنا كلنا وحكينا ليهم الحاصل ،، خالي اتأثر شديد ايوب وحسام قالوا الدهب ح نختو بالليل في نص الحوش الجنون براهم بجوا بشيلوهو أما الأسلحه عشان م يطلع لينا عدو تاني فالأحسن نسلمها لمكان جات منو لأنو هي اصلاً جابوها مقابل الدهب وكانوا ح يعملو إستبدال ،، عمي قال انا بسلم الأسلحه تاني م ح اسمح للشباب ديل يدخلو في امور زي دي عشان م ينأزو انا كان متا مامشكله

وزي ما اتفقنا ختينا الدهب في الحوش الصباح لقيناهو مافي.

وعمي طلع بدري مشى يسلم الأسلحه لأهلها بقينا قاعدين وبنفكر في الزول الرابع دا منو ؟ الباب دق مشت بت خالي الصغيرة فتحت الباب رحيق جات داخله وكلها غضب وشر وقبل تسلم قالت لي انا م كنت عندي معاكي مشكله وم كنت عاوزة ليكي الشين ، بس اعرفي إنو كدا الموضوع م انتهى العدو الحقيقي في بيتكم ،، قلت ليها عاوزة شنو انتي يابت مجنونه انتي امشي كملي حذنك على ابوكي بعيد عننا م ناقصنك نحن ، حسام قام على حيلو قال إلا يدقها خالي مسكو ، قال ليها اطلعي من هنا يا تافهه عاينت ليهو بعين حاره وختت لينا ظرف في التربيزه وطلعت .

ايوب قام شال الظرف فتحو عاين ليهو فجأة ملامحو اتغيرت ،، قلت ليهو في شنو م رد عيونو حمرت وطلع برا شلت الظرف طلعت الجواهو كان عبارة عن صور ، قلت يعني الزول الخامس كان عمي للحظه حسيت الدنيا ضيقه خالي شالهم مني وبقى يتكلم ويجوط انا من الصدمه الناس بقولو في شنو م فاهمه فجأة الباب دق طلع دا عمي رجل ، واستلمو خالي في الباب بمشاكل بقينا نحجز فيهم ،، بعد مرور اسبوعين اتصل لي خالي وانا جايه من الجامعه قال لي ناس عمك عندنا الليله م تمشي بهناك تعالي بيتنا طوالي ،، جيت لقيتهم لامين ونسه وضحك قعدت معاهم ، قلت في نفسي ياسلام والله اللمه العائليه دي ناقصها امي وابوي بس ،، بعد الغداء عمي ناداني قال لي تعالي الصالون جيت لقيتهم قاعدين قالوا لي عاوزنك في موضوع وبعد مقدمه طويله من خالي قال لي عاوزين نخطبك لواحد من اولادنا وانتي البتختاري ،، بقيت مبلغه عيوني كبار من الخجل دنقرت وم عرفت اقول ليهم شنو .

عمي قال لي لو عاوزة زمن تفكري فكري مافي مشكله ، قلت ليهم م مسألة زمن بس انا م بقدر اختار بيناتهم اسألوهم هم يمكن نحن هسي نكون معتبرين نفسنا اخوان ،، خالي قال لي مافي خيار تاني م بنقدر نثق في المامننا ، قلت ليهم خلاص القرار عندكم وعندهم اعملوا البتشوفو مناسب ،، لبعد المغرب كدا تاني نادوني جيت قالوا لي عملنا قرعه وياهم الأوراق في التربيزة اختاري ورقه ،، دنقرت بكل خجل

دقرت بكل خجل شلت ورقه مديتها ل عمي ونسحبت طلعت منهم مشيت الغرفه ،، بعد شويه جاتني بت عمي مبسوطة قالت لي مبروك بقيتي حقتنا قلت ليها قصدك شنو؟ قالت لي الورقه طلع فيها إسم ايوب ، وبقت تتكلم معاي وتضحك قالت لي واخيراً دا المن زمان متمنايهو ليكم والله .

جهزوا كل الترتيبات وبعد شهر كان العرس ،، في آخر يوم منها وبكره العرس كنت قاعده في بيت خالي قمت بالليل الساعه كانت اتنين صباحاً ،، وبهناك في بيت عمي ايوب صحى قال نمشي نشرب مويه ونجي طلع من الغرفه قال عدن الجاب عدن هنا شنو في الوقت دا ؟ تاني قال لا يمكن بتخيل....الصباح صحى على صوت مرت عمي كانت بتصرخ بصوت عالي جاء جاري عشان يشوف الحاصل شنو ، عاين لقى عمي قرقان في دمو ودوهو المستشفى بس كان ميت للأسف وسبب الوفاة طعن بسكين ،، ونحن في بيت خالي ما دريانين بشيء جهزنا وقاعدين راجنهم يجوا وحسام اتصل لأيوب كم مره م رد.

بعد كم مكالمه رد وبصوت مرتجف قال ليهو حسام ابوي مات وقفل الخط ،، حسام جاء ورانا من الصدمه حسيتو كأنو دا حلم طلعنا بسرعه مشينا بيت عمي لقيناهم جابو الجثمان قدامنا ،، دخلنا مخلوعين وم مصدقين وبقينا نسأل الحاصل شنو مرتو بقت تبكي وتحكي لينا ،، ايوب من جاء داخل عيون جات علي اتزكر امبارح لمحني وانا طالعه من بيتهم جاء قال لي اطلعي من بيتنا يا مجرمه ،، انا بقيت اعاين ليهو مخلوعه حسيت حيلي كله مات قلت ليهو قصدك شنو انت ؟ سكت وم رد لي بعد مشو الدفنه وجو ، قال لي انتي لسه هنا؟ انا مش قلت ليكي اطلعي عارفك انتي القتلتيهو ماانا شفتك امبارح طالعه .

حسام قرب يدقو قال ليهو دا كلام شنو انت جنيت قال ليهو ااي جنيت انا بقول ليكم شفتها ، خالي قال ليهو اهدأ وفهمنا براحه الحاصل شنو؟ بقى يحكي ليهم قال ليهم انا قمت بالليل عطشان عاوز اشرب مويه شفت عدن طالعه من هنا ،، حسام قال ليهو الساعه كم ؟ قال ليهو اتنين قال ليهو كذاب الساعه اتنين انا سمعت لي حركه في البيت قمت عاوز اشوف دا شنو طلعت برا لقيت عدن قايمه تصلي قيام الليل لمن صورتها بدون ما تحس وقلت انت محظوظ بيها ووراهو الصورة .

خالي جراني من يدي وقال لي ورح يابتي م ليكي قعده هنا تاني ،، وبعد اسبوعين جاتني رسالة تعزيه من الشبح وحكى لي إنو هو ما كان من المنظمه بس هو كان ود الزول المات في البير ، ولمن عرف إنو عمي مات قال لي اصلاً الجن م بخلي شريك ليهو عايش ،، قلت ليهو قصدك شنو ؟ قال لي يعني ح يكون قتلو منو غيرهم اكيد الجن هم القتلوهو وبكدا هو بكون قتل كل شركائه وتاني م ح يقرب عليكم بس هو اختار كدا عشان يكون في تعادل.

كلامو صدمني شديد بصراحه قمت وريتو ل حسام طوالي قال لي الكلام دا لازم يعرفو ايوب عشان يشيل الأوهام دي من راسو ،، قلت ليهو لا مش هو ظن فيني كدا انا م ح ابرر ليهو وم عاوزة اشوف وشو ، قال لي لا م تقولي كدا لازم نصفي ضمائرنا نحن فضلنا شنو غير بعد وبعدين ايوب من دون ابوهو ومن دونا بضيع لازم نقيف مع بغض.....كلمنا خالي ومشو خالي وحسام مع بعض بيت عمي وساقوا معاهم الشبح دا شرحوا كل شيء لأيوب واهلو وبعد يومين جاتني مكالمه من ايوب بس من جواي م قدرت ارد وكأنو م حصل شيء .

المساء جانا في بيت خالي واعتذر وندم قلت ليهو مسامحاك لأنك في يوم كنت ابن وسندي وحالياً نحن امانات بعض من عمي وابوي ،، بس وانا عفيتك وم شايله عليك وقبل تمشي انا في بيتنا لقيت اوراق المشغل حق ابوي وكان مسجلو بإسمك يعني من هسي اعتبر المشغل حقك ، وبالنسبه لموضوع الزواج انساهو دا شيء ماممكن ،، خالي عاوز يتدخل قلت ليهم لا مع احترامي ليكم بس الموضوع دا انا قفلتو.

وبعد خمسه شهور اتزوجنا انا وحسام وعشنا في بيت اهلي والبيت الفي الحي الغربي عملناهو مستوصف بعد اتخرجتا ،، وايوب عرس بت خالو وبعد سنتين انا اصبح عندي فتح الرحمن صغير سميتو على ابوي ، وبنوته سميتها فرح على عمتي مرت خالي عشان م تزعل ،، وايوب مرتو جابت بت سموها عدن .

تمت

اضغط