رواية وحوش بشريه الفصل الأربعون 40 - بقلم Rozaya1122

#البارت الواحد والأربعون
#وحوش بشريه
#روزايه

ﺑﻜﻴﻒ ﺍﻟﻨﺴﻮﻧﻲ ﻋﺸﺖ !
ﻣﺎ ﻋﺎﻳﺶ ﺑﻜﻴﻔﻲ !
ﺍﻟﻤﺎﺟﺎﻧﻲ ﻟﻤﻦ ﺫﺑﺖ
ﻓﺎﻟﺢ ﻳﺠﻲ ﺑﻄﻴﻔﻲ !!

شمه: وكفت على حيلي من الصدمه لا اخذ ولا انطي شكد فشله واني اشوف وسام واكف وفاتح عيونه على كبرهن وهن منا اكبار وسود حته يخوفن..

قيصر: شعندك صافن ماتعرف ادك الباب يله تفوت موتدري شمه بالغرفه..

وسام: والله ياحضره الدكتور نسيت شمه متعود افوت ما ادري حضرتك هنا

قيصر: امشي اطلع وبعدين تعال

وسام: اوو اني اسف ارجعوا كملوا

قيصر: امشي لك لا اجي اشمرك من فوك..

وسام: فضه نايمه ورجليج بالشمس ابنج الي يعلمنه ويقره براسنه محاضرات مختلي بهالمسكينه هي منا بعدهه مهبوطه من علاهن ويريد هبطهه بعد الدكتور

شمه: عزاا بعيني نزل فضحني هذا الشرقيه منو يسكته بعد التفتت على قيصر وحجيت بعصبيه..

كله من وراك شلون تسوي هيج والباب مامقفول؟؟

قيصر: اقفلي وتعالي انكمل...

شمه: قيصر اليوم شبيك هسه شحجي كدام عمه فضه كوم لا احد يشوفك فوكاهه بعده امدد وماخذ راحته ...

قيصر: روحي غسلي واني راح انزل جوه اني اعلمه وسام

شمه: ركضت للحمام الفوك غسلت عزا بعينج شمه اثر لحيته طابع بكل مكان وشفتي منفوخه ..

غسلت وجهي وانشف بي جان اشهك على الاثر الي بركبتي صخام الصخمني وين اودي وجهي شكول عليك قيصر صدك ماشايف ...

رحت للغرفه استحي انزل ضليت لثاني يوم بالغرفه حته اكل ما اكلت من الموقف المحرج..

ثاني يوم كعدت ناسيه السالفه نزلت صبحت عليهم جانوا كلهم مجتمعين على الريوك..

اشو الوجوه موطبيعيه وكل واحد بوجهه ابتسامه بس قيصر خزرني واشرلي براسه معناتهه كومي...

ماعرفت عليمن ردت اكوم وكعدتني عمه فضه اشوف حسام مبتسم ومدنك وضرغام هم ووقار وشهد صافنات عليه ...

اجت عيني بعين قيصر وجان يخزرني حيل بسرعه كمت بدون اي عذر...

رحت للمطبخ واني حايره شبيهم وعليمن هالخزرات ..

اتذكرت سالفه البارحه معقوله وسام نشرهه عزا بعيني اذا صدك بعدني واكفه وصافنه اجت وقار وهي تضحك..

شمه: شكو شبيكم تضحكون وقيصر يخزرني
وقار: يمعزايه ماانتبهتي على شفتج شلون زركه ومنفوخه

شمه: سحبتني دحكت بالمرايه الي مال الباب عززا يافشله الفشله يولي وقار وين اضم نفسي من الفشله يمه والله راح ابجي...

وقار: هههه يله ع اساس اخوته مايسوون هيج والله اكثر من هذا مالج علاقه روحي لغرفتج وهم راح يطلعون للدوام...

شمه: حته استحي افوت كدامهم مشيت ع السريع وصعدت دحكت على شفتي زركه نيل ومنفوخه شجاني صايره ثوله وما انتبهت شكول عليك قيصر

من الفشله احس الحراره صعدت لراسي شكد عيب من الولد اكول قيصر معصب...

بعدني الوم بقيصر جان يفتح الباب حيل ومخنزر عليه عبالك اني السبب..

قيصر: شلون تنزلين هيج ما انتبهتي لحلكج

شمه: اسأل نفسك انت السويت هيج شمدريني مورمه وزركه..

قيصر: رحمه لوالديج شمه انتبهي مره ثانيه اخوتي شباب وعيب انحط بموقف كدامهم

شمه: اشو جاي عليه هي بوسه لزقوم بعد لا تبوسني من البارحه لليوم ماكو موقف مو وكعت بي..

قيصر: اشش لا تصيحين انتي لو منتبه ماصار هيج

شمه: قيييصر لاتذبهه براسي انت السبب

عصبت علي لان ذب الصوج براسي تقرب عليه وسحبني من خصري طخيت بي وصرت ملاصقه لجسمه دفعته من صدره بس لزمته جانت قويه ما انطاني مجال افلت..

شدسوي بعد ماكفاك هالموقف المحرج..

قيصر: ميصير اطلعين هيج لازم اساويهن بما انو هاي الجهه زركه ومنفوخه لازم انفخ الجهه الثانيه..

شمه: يمعود وخر عني شبيك ماشايف بوس

قيصر: لا وين شايف بس هالشفايف كدامي من زمان ابالي وهسه صارن ملكي..

شمه: قييصر الله عليك ابتعد هسه تجي عمه وانفضح والله عيب

قيصر: خلي تجي عمه خاله ما اروح منا اذا ما اخذ حقي

شمه: قرب راسه اكثر وباسني من ركبتي قشعر جسمي وضميت راسي ..

بحركه سريعه اخذ شفايفي وهو يلتهم بقوه اريد اتماسك ما اكدر انتهيت بين ايديه ...

سمعت صوت عمه وهي تصيحه دفعته حيل وطلعت اركض للحمام ..

عزاا بعينكم ولد عمي كلهم عنيفين شجاكم متوحشين بوسو برقه وحنان يلتهمون لهم...

ضليت كاعده بلغرفه شويه واجت يمي شهد سولفنه شويه وضلت اداهر بيه على البوسه ...

ورا يومين صادفت جمعه سوت عمه فضه عشا شكر لوجه الله على سلامتي وعزمن اخوتهه واخواتهه كلهم....

شويه بديت استعيد صحتي ورجعت طبيعيه قيصر بده يداوم بمستشفى مدينه الطب ومنتظر اجازته حته يفتح عياده...

ايام حلوه عشتهه رغم الحزن المسيطر عليه بس صوتهم وضحكاتهم تزيل اكبر همه خاصه ضحكه عمه فضه من تضحك من كل كلبهه ...

عايشين حياه سعيده خلال هذا الشهر الا ضرغام وشهد الحزن مخيم عليهم ...

بيوم صدفه مريت من يم بابهم واسمع صوت بجي شهد وضرغام عصبي ويحجي بصوت عالي..

ضرغام: كافي شهد مليت من هاي الوضعيه راح يصير سنتين وانتي على نفس الوضع مجرد جثه كدامي لاتصيرين انانيه وتفكرين بس بنفسج

فكري بيه اني رجال والي احتاجاتي اذا مرتي ترفضني وين تريدين اروح ما اريد اضغط عليج ومقدر وضعج

بس مثل ما قدرت وضعج حاولي تغيرين من نفسج الف مره كتلج خلي انراجع طبيب ومحد يعرف بالموضوع ورفضتي كل الطرق جبتهه وياج ومافاد كافي طفح الكيل عندي...

لوتحسبيهن هاي  المره الالف الي رفضتيني بيهه كلما اجيج تصديني بس قسما بالله ياشهد اطلع كلب ابن كلب اذا طلبت منج وتقربتلج..

انتي مشكلتج وياي مو مشكلتج ويه الماضي لان قدرت وضعج وكل هاي السنين صابر وماحجيت بس لهنا وبس عيشي الحياه الي تعجبج واني اعيش الي يعجبني ولاتلوميني بأي تصرف يبدر مني...

شمه: ركضت للغرفه شفته طلع والعصبيه واضحه علي ياربي هدي سرهم خطيه مايستاهلون..

رحت على شهد اشوفهه لكيتهه لابسه دشداشه ربع ردن وحاضنه نفسهه ومكرفصه وخايفه انقهرت عليهه ...

حضنتهه وهي ترعش احجي شبيج احجيلي وهي بس ترجف وتبجي...

شمه: شهد اهدي على كيفج ماكو شي يستاهل ..

شهد: ضرغام شمه ضرغام راح يعوفني..

شمه: لا مايعوفج هسه عصبي شويه ويرجع بس اهدي وفهميني شكو

شهد: اجه يريد يتقربلي وصديته ودفعته ماقبلت وهو صار عصبي..

شمه: اهدي شهوده ضرغام يحبج وانتي هم تحبي لازم تتحملين علموده شنو ذنبه فكري بي خطيه هو اتحمل هوايه لازم تغيرين من نفسج..

ماضي وراح واخذ بثارج وكلمن اذاج شبع موت بعد عليمن هاي الرجفه هو شنو ذنبه رجال واله حقوق يمج تقبليهه ياخذهه من غيرج...

شهد: لااااا لاااا لادكوليهه اموت والله

شمه: هدي نفسج حبيبتي هسه يجيج ضرغامج هذا صبر كل هاي السنين ومايصبر هسه..

خطيه حيل منهاره غطيتهه وطلعت كلمن همه شكل وحاير بروحه قيصر ماموجود اليوم عنده خفاره خابرته شويه ونمت ...

مرت ايام طبيعيه قيصر يشتغل برجوعي للكليه والاستضافه حته اكمل وجنه مقررين الزواج ابدايه الشتا...

ضرغام بارد اتجاه شهد وهي ضعيفه ليل نهار تبجي وهو ابد ماله علاقه بيهه حياته بارده غير سؤال وجواب..

دكول حته مايحضني مثل قبل ولا يبادر هو دائما لوشغل لو طالع...

انقهر عليهه هوايه حته حجيت ويه قيصر علمودهه وكال ما اندخل يحلون مشاكلهم بنفسهم...

بيوم منهن جان عرس صديقه اسماء وتوسلت لقيصر اروح وياهه وطلعت روحي يله وافق..

لبست نفنوف قصير جوا الركبه وبي احزام من ورا لونه نيلي وبي ورد وكصه الصدر تفاحه...

رفعت شعري ذيل حصان طلعت اصغر من عمري بهوايه كعدت اتمكيج ومندمجه خاف اخربط المكياج ...

ما احس غير قيصر فوك راسي وهو صافن على رجليه جنت حافيه مالابسه شي والثوب رافعته وهو يدحك بكل جرأه...

شمه: عينك قيصر اشو بدون استئذان دخلت

قيصر: منين استأذن من مرتي شو تعالي خلي اشوف هذا الكيك شنوو

شمه: قيصر اسماء هنا لاتجي وتشوفنه

قيصر: وماتجي قابل شمسوي ترى انتي مرتي على البدله البيضه بعد

شمه: قيييصر حباب اطلع والله استحي منهم

ماخلاني اكمل كلامي سحبني بين احضانه وايده ترفع بالثوب على كيف...

بالي يم ثوبي لا يرفع اكثر هو يرفع واني انزل بس انفاسه وبوساته القويه خربطت احوالي ماكدرت اسيطر بادلته البوسه واني حاضنته من ركبته...

دفعته بهدوء اريد ابتعد عنه بس التفتت سحبني صار ضهري ملاصق لصدره وراسه بركبتي لحيته ادغدغني وشفايفه ترسم منحنيات على عظمه ركبتي ...

انتهيت بهاي اللحظه لمسته صارت اكثر جرأه ومد ايدي على صدره ابعد بي بس هو عنده رأي اخر ماسكني بقوه ...

احس رجليه بعد ماتشيلني مغمضه عيوني ورايحه بعالم قيصر وهو يترك بكل مكان اثر ملكيته...

فززنه صوت اسماء وهي تصيح من جوا وينج شمه؟؟؟

بسرعه ابتعدت عنه حالته ابد ما اطمن اول مره اشوفه هيج عافني وراح واني كملت وطلعت سمعت صوت الدوش معناتهه راح يسبح...

رحت ويه اسماء للحفله تونست بيومهه ورجعت مرتاحه بعدني اباب المطبخ واسمع صوت مو غريب عليه ...

اااي اعرفه هذا الصوت ياما وياما ذلني وخلاني ابجي للصبح هذا الصوت طابع بذاكرتي بكل كلمه كالهه ابد ما انسه هذا...

تلكتني شهد وعيونهه تحجي ماتريدني اطب جوا اشرتلهه براسي بمعنى اني زينه...

اول مادخلت صارت بوجهي امي واخواتي الي ذلني ذله محد يعرف بيهه امي الي تهمتني اني حراميه

اخواتي الي التمن عليه وكعلي ضرب كدام بيت عمي وكسرتي بهذاك اليوم ما انساهه...

جانت عيني تحجي كومه سوالف اريد اسألهه وين جنتي وين عفتيني كل هاي السنين بس كبريائي منعني...

فضه: تعالي شمه سلمي على امج واخواتج

شمه: ماعندي ام ولا اخوات انتي امي واسماء اختي منيلي اخوات...

فضه: تعالي حبيبه اكعدي يمي وخلي نسولف سوالف حبايب

شمه: كعدت يم عمه لان ما اكدر اكسر كلامهه هاي الانسانه ادين الهه بحياتي...

امي: شلونج شمه الحمدلله ع سلامتج

شمه: الله يسلمج

امي: اعرف يابنتي قصرت بحقج هوايه بس صدكي مجبوره رجلي مايقبل احاجيج وما اريد اهدم حياتي...

شمه: اذا جايه تسمعيني هاي الاعذار التعبانه فأني ما مستعده اسمع تبريرات نهائيا

هذا لو بيتي ما استقبلكم  ابد ولا اريد اشوف حته خيال منكم عوفيني بحالي ورجاءا لاتجين بعد لان تسببيلي ازعاج واني هستوني بديت اتعافى...

امي: يمه شمه وين انروح اخواتج اثنينهن ترملن وعدهن جهال واني وين اروح رجلي انطاج عمره واحنه يوميه ابيت وحته اكل مالكينه ناكل...

شمه: هااا وجايه ننطيج فلوس والله اعذريني ماعندي لا متعينه ولاشي...

فضه: شمه عيب هالحجي ما ادفع لسناء واني شاهده على كل الي سوته بس مثل ماربيت ولدي ربيتج ما اريد شماته ابد

شمه: العفو عمه بس...

فضه: ماكو بس هسه يجي قيصر وانشوف شيكول  يبقن بناتنه ومن دمنه ولحمنه شلون انذبهن بالشارع

شمه: ماشي على راحتج عمه عجل اني راح اصعد لغرفتي ومن يرحن يله تصيحوني ما اريد اشوف اشكالهن...

صعدت للغرفه كعدت بالكاع كمت ابجي اكرهم كلهم هم سبب دماري ماسألت عليه ابد ولا حسستني بحبهه وهسه جايه تريد مأوى حته ما اعتذرت واخذتني بحضنهه ....

شهد ووقار يمي ماعافني كالن انطتهن عمه غرفه وكعدن بيههه

اااخ يافضه ادري بكلبج طيب بس هذني عقارب ويلدغن بسرعه...

بليل اجه قيصر ومانزلت بس صعد يمي وحجه عليه راح يضلن يمنه شكم يوم بين مايشوفلهن حل من باب هن بنات عمهم ومرجعهن عليهم...

مرن يومين احساس غريب عندي ماينوصف احس على شعره وانفجر اكو شي راح يصير ياربي بس هالمره خيب احساسي ويطلع جذب ...

مرات احس قيصر ضام عليه شي هو وعمه فضه ومرات بس اشوفه يجيني هالاحساس الموحلو ...

نزلت الساعه ب12 بالليل اريد اشرب مي الكل نايم بس تليفون قيصر على شحن شفته مفتوح اضاءه رحت شفته اكو رقم يتصل...

مع العلم اني ابد ما ادخل بخصوصياته بحكم شغله اكيد يتعامل ويه دكتورات بس ما ادري ليش فكرت اجاوب ...

فتحت خط وخليته على اذني اجاني صوت بنيه ناعم حيل ودلوع ..

قيصر حبيبي وينك صار شكد ادوك عليك موكلت بس اوصل اخابرج....

هنا ما اعرف اوصف اي شعور عندي من الم وخذلان وكسرة كلبي وكلمه حبيبي قيصر ترن باذاني....

سديته وضليت ادحك على شاشه التليفون واني بحاله صدمه ما اريد اصدك اريد اكعد من هذا الحلم ...

#يتبببع

حبايبي باجر ماكو بارت من هسه انطيكم خبر حته متنتظرون لان باجر معزومه بعرس ادري اعذاري هوايه صارت بس شسوي اتحملوني راح تخلص ماضل شي....
احبكم....