رواية وحش بابل الفصل التاسع 9 - بقلم ايات محمد

مرحبـاا

تواصـل تلڪرام: jikpoh

تواصـل انستقرام: uo. ya

ـــــــــــــــــــــــــــــــــــــــــــــــــــــــــ

بلعت ريك ابـاو؏ عليـة شبي هـذاا؟؟
رڪع الباب سادة واتقرب مني بتهجـم للزم زنـدي يعت بية عـت ڪال وهوة ڪاازز ؏ اسنونة

أسرافيل: انيي خاطفجج سنو؟

اردف ڪلماتة بعصبية وتساؤول عقچت ملامح وجهي بتألم وڪوب گهوة خليتة ؏ شباك

جوارح: أيدي شبيك!!

أسرافيل: لا لا جـاوبي اني خاطفج؟؟

دمعت عيوني ڪلت بعـيطة: اي اييي خاطفنيي

ڪلت ههل ڪلمات وڪعت بلڪاع اثر راشدي منة غمضت عيوني بقوة بألم ڪنبص ڪدامي ضاغط ؏ فكي بقسوة

أسرافيل: أشـتريتج بفلوسي

باوعت بـؤبؤة عيونة وعيوني تذرف دموع سڪتت لأن ڪلامة صح مشتريني بفلوسة شنو اني احجي واعترض؟؟

نتر وجهـي وڪعت خصلات شعري ؏ عيوني مغطية وجهي ڪام من مڪانة دخل للغرفة وسد الباب بقوة
مسحت دموعي مرجعة خصلة شعري ورا اذني سافل

زمـال، حقير، چلب، نعـال، ادبسزز،

شڪد غلطت وفشرت علي وألساني ضل يخترع غلط ممطروق من قبل اشرب بل گهوة البردت واغلط علي سڪتت من عاط بصوت

أسرافيل: ڪااااااافي لا أڪوووووم

بلعت طـن هواا هذا شمدري اغلط علي شلون سمع واصلاً اني ؏ ڪيف احجي سڪتت اباو؏ من شباك وحسرة بداخلي ڪلش چبيرة صفنت ؏ شارع

وحسيت بدمعة وڪعت ؏ خدي بسرعة البرق مسحتة
شربت الگهوة دقايق واني ؏ ههل وڪفة

الـ أن حسيت بأنفاسة تضرب برڪبتي وأدية محاوطة خصري بتحڪم.

جوارح: وخرر زمـاال

شهڪت بألم من عصر خصري بقوة ودمعة تلألأ بعيني
استنشق عطري بهوس ويمشي بأنـفة صعوداً ونزولاً
ڪلمات غريبة همس بأذني خلاني مسطورة والخوف مجسد روحي وجسمي

أسرافيل: اشووق شووفة دموعج

ڪلت بغصة وخووف: وخر منيي

ڪلما انطق ڪلمة، وخر مني يشدد قبضتة اڪثر،
وڪأن ديطلع روحيي.

رجلي مڪدرت اسيطر عليهن بس هوة الـ مثبتني بمڪاني حسيت معدتي تخربطت واريد اتقيء راسي صدع من الخووف

ضلام دامس مر ؏ جفوني وبڪل مرة اريد اڪعد هوة يثبتني اڪثر واضل واڪفة ثواني وڪعت مغشة علي

ألـم راسي موتني وعيوني تجبرني اضل مغمضة وڪلمات الاغنية سطرت راسي سـطر

ويـن اليحن بهل وڪت والگلبة طيب ويـنة
وزينة ليش بهل وڪت محد يجازي بـزينة
هسه انـا خاف من الحضن خاف احضن بسجيـنة

فتحت عيوني شهڪتت بخووفة من شفتة ڪاعد يباوع علي بنظرات ثاقبة وڪأن يريد يحفظ ڪل انشاء بوجهي

جـداحة بيدة يفتحة ويسدهاا وجڪارة تتوسط شفايفة مثبتة بين اسنونة ناصعة البياض

جوارح: وجـع شبيك تبـاو؏؟؟

ابتسم بجانبية سد جداحة ماسح أرنبية أنفة بطرف اصبعة الڪبير فرڪت عيوني داهمتني الأفڪار بهت وجهي أبـاوعلة وأبتسامة غريبة نامية ؏ ثغرة

أسرافيل: ديـلة فدوة

بلعت ريك وفـوراً نزلت نظري الـ ملابسي سمعت صوت ضحڪتهة وچان يضحك بسخرية طـفة لأغنية رادف

أسرافيل: تؤ استغفرالله

جوارح: هـم تعرف الله

أسرافيل: لااه أني من جماعة ابن جـوشن

جوارح: اي فعلاً

ڪام من مڪانة شمر جڪارة بسلة المهملات ڪال

أسرافيل: سـم الهاري وسويـتلج

جوارح: سـم بطنك

باوعلي بستهزاء وطلع من الغرفة ومن شقة ڪلهة شبي هذا!!

ڪمت من مڪاني فتحت الباب وصار بوجهي صرخت صرخـة وگلبي يدك بقووة ڪعدت بلڪاع من الخوف

أسرافيل: وحريـشي

جوارح: اللعباس يسطرك ؏ هل خوفة

تعداني اخذ سويج مڪمل طريقة وڪف ملتفت ألي
قلص عيـونة بتفڪير وڪال

أسرافيل: لا يـلة ما اطلع

جوارح: لا دخيل اسمك اطلعع

أسرافيل: تؤ تؤ مـا أطلع

فتحت حلڪي احجي ورن تليـفونة اشرالي اسڪت
رد ؏ الأتصـال شوي وڪال

أسرافيل: انچب لك عفطي

سڪت يستمع للطرف الثاني وسرعان ماا ڪاال

أسرافيل: جـاية جـاية هذا المـعمم

سد الأتصـال وطلع من شقة زفرت انفاسي براحة وكمت من مكاني، دخلت المطبخ وجان موجود صحن مغـطهة بصحن وخـرتهة وچان مسوي بيض عيون

ومخدر چـاي باوعت للساعة دنيـة صبح شڪد أنام اني
حميت چاي وڪعدت أڪل.

••

للميـت شعرري غسلت وجهي توضيت ڪعدت أصلي
مـن خلصت نزلت وچانت رقـية تسوي ريـوك ساعدتة وهيه تسولف ؏ بيت أهلهة

وأني اسـتمع ألهاا سمعت امي تصيحلي رحت رڪض
وجـهة ميڪصة سيف عاقدة حواجبـهة

رحمه: ليش ما ترحين للدوام؟؟

اردفت بنبرة هـادئة متصنعة لألم: والله ماما راسي يوجعني ومڪدر اروح اخذت اجازة واقرا بل بيت احسن لأن راسي ميتحمل صوت العالي

فڪت عقدة حواجية وتأنيب ضمير لأجتاحني مو طبيعي شوية وأبچي واريد اڪولهة ڪل صار وياي بس اعرف ابـ أسرافيل ميعبرها ؏ خير وتصير لو ڪاتل لو مڪتول

خلت راسي بحضنة وتقرا علية أيـات قرأنية تسلست دمعتي ؏ خدي واڪعة ؏ فخذهاا وأيدهاا ترفة تمسح ؏ شعري للحظة حسيت راحح أڪولهة ڪلشي بس ترددت

لأن اڪيد دڪول لأسرافيل وحتى اذا حلفتة متحجي صدك اضل ساڪتة مدة تـلث أيـام وبعدها تنفجر وتحجي ڪلشي

مسحت دمعتي رادفة بصوت حنون: امج تروحلج فدوة هسة يصير راسج زين

ابتسمت بزيف عبالهة أبچي من وجع راسي، تنهدت بصوت مسموع ودموعي حالفة متوڪف، وماما انخبصت تمسح بدموعي، وتحضن بيـة بًجيت بصوٌت

رحمه: اخـذج للطبيب؟
- لاء
- ليش يمة خل اخذج للطبيب
-لا هسة انـام ويصيَر زين

ضلت جـادل بية وأصرت تاخذني للطبيب واني رافضة رفض قاطع ما أروح حتى هية استغربت من رفضي القاطع بس غلست غطتني وٌضلت تقرا ؏ راسِي قرأن
للحد منـمت.

عيوني افتحهـم وأسدهم وأيد دافية تمسح ؏ راسي
ڪلش بـاردة وجسمي احسة مڪسر توضحت عٌندي الرؤيَـة ماما للزمة القرأن بيدهاا وتقرا بي ونعاس واضح وضوح شمس بعيـونهة بينماا أيهم واڪف يلعب بغراضي وياخذ الـ يعجبة

وجود يفتش بجنطتـي فتحت حلڪي رادفة

خديجة: بـاردة ماما

خلت ايدهاا ؏ جبهتي تقيس حرارتي ڪالت بقهـر

- هسه اغطِيج
ڪامت غطتني وڪعدت تسويلي ڪمادات وجسمي يقشعر من ڪمية البرودة للحتت تاخذني للمستشفى واني رافضة اخـاف ينطوني أبرة وأمـوت

رفعت عيوني الـ أيـهم شم العطر وخلاة بجيبة
بعدين صارت عندة للحظة ادراك وڪال
- يَـمة اخذهاا للمستشفى؟

ابتسمت رغم الألـم وماما شالتة الوصلة وشمرتة علية ڪايلة بڪل عصبية

رحمة: سافل هسه يلة اذڪرت

حك موأخرة راسة تقرب مني يقيس حرارتي وعيونة
مقهورة ؏ حالي يمڪن؟
سحب ايدي طابع بوسة ؏ باطنة ابتسمت اباوع الملامح وجـهة الوسيـمة ڪال بتنهيدة حزيـنة

أيهم: غيري ملابـس ڪبد گلبي

ماما فرت حلڪهة ڪايلة: صارت ڪبد گلبك ومسا؏ تبوك بيـهة

باوعلة بنظرات عدم رضاا وڪأن يكول شوكت بڪت
منـة؟! ماما للبستني صايـة وحجاب واني رافضة وأڪولهة

-ماريـد مًاما

غسلت وجهي صاير نـار ومنطتني لأذن طرشة بچيت بصوت عالي وهيه تباوعلي بتعجب وأيهم ڪاتم ضحڪتة

خديجه: ماريدد اروح
- ليش ماما غير ينطيج علاج صارلج يومين لا أڪل ولا شرب
- عـاادي اني قـابًلة
أيهم: دنجبي وسڪتي انتِ مو صغيرة

حرك سيارة واني طنڪرت ساعة أبچي وساعة اموت من الوجـع واريد بس اوصل للمستشفى معدتي خبطت وتقيء وصل الخشمي ماما انتبهت وڪلتلهة يوڪف سيارة نزلت ڪاعدة ؏ رصيف واتقيء احس استفرغت
امعائي

خطيه ماما شوي وتبچي ؏حالـي غسلت وجهي
وصلت للمستشفى امشي بل ممرر واصوات المرضى رجت اذني رج وهذا الميـتلة احد الاجواء تخوف وانهبطت من الخوف حرفياً

اخر شي سمعـتة من أيهـم: هسة تموت واخذ غرفتة
وبعدهاا سحبني عـالم الضلام الاحضانة متشبب بية

ڪعدت ؏ صوتهـم اباو؏ الغرفة بلون لأبيض وضرغام واڪف يطك بعلجة ويغمز الـ أسرافيل لو يرفع حاجبة لو يدزلة بوسة بل هوا وما تسمع من أسرافيل غير صوت لاستغفار ارتبڪت من شفت صاحب دخل للغرفة

وما طايق لأثنيـن سولف وي ماما التفت وشافتني ڪاعدة انخبصت تعدل بڪعدتي لو تقيس حرارتي وتعدل حجابي

صاحب: الحمدلله ؏ سلامة
- الله يسلمك

ضرغام: يـااا خـووية يـاا خدووو
لطم ويتصنع البڪاء هذا بس لا عبالة متت؟!

ضرغام: بصاحب المعـمم ولا بيج عمت عين صاحب عليج

وخـطية صاحب ضل ساڪت ما حـجة شي چان يڪول بعـيطة ڪمزتني
- رافـددد صاحييي وانتتتِ مريضـة شڪد هضيمة

أسرافيل: دڪوم لك عفطي

باوعلة صفح گلب عيونة باوعلي ڪايل بهمس
- اخووج...

بعدة ممڪل ڪلامة وأجـتة علابة بحيث خلاة يڪمز وصاحب ڪعد بلڪاع من ضحك

أسرافيل: مو ڪتلك لا صير عفطي
-هسة اني صرت عفطي

باو؏ الـ صاحب يضحك بشماتـة ورفع حاجبة تخوصر يطك بعلجـة وڪال بصووت عالي

ضرغام: وللعباس افضحك فضيحة صويحب

صاحب: اي بـلة انطق اسمعك
- يـاا نـااس صاحب عندة....

بعدة ممڪمل ڪلامة وڪمز علية صاحب ساد حلڪهة
واسرافيل مطنشهم وضل يعدل بل مغذي وهمة شوي واحد يڪتل الثاني غيرولي جو وامي تعض بشفتة وتصيح عيب وعيب وهمة ماڪوو

صاحب: أڪل نعل ؏ ڪد حلكك
-هههههههه

للعب حواجبة وصاحب شـاط وڪال: ترا خياساتك ڪلهة يمي

سڪت ضرغام وصاحب ابتسم بنتصار بس وخر ايدة عن حلڪة عـااط
- والله والله عـندة...
سدة حلڪهة بقوة وضربة راشدي قلص أسرافيل عيونة باوعلهم ورجع باوعلي بتفڪير تنهد مثبت جڪارة بين سنونة ڪال

أسرافيل: ڪافيي ولڪممم شاخطيننن

سڪتو مبتعدين عن بعض طلع صاحب من الغرفة وضرغام رجع يسولف ويضحك طبيعي وڪلساع وڪال

- عـبالي تموتيـن وڪيفت

واني لو اضحط ؏ سوالفة لو اجـادلة لان يتمنالي الموت
شوي بقـو وطلعوو بقيت بس اني وماما توڪلني وتسولف ؏ أمور عشوائية.

••

دزيتلة رسـالة شـافهة وما رد ليش ليش ميرد؟؟
ڪلش انهضمت سديت تليفون ونمت
-ادبسزز اني اعلمك

نـمت وڪعدت ؏ صوت ماما تصيح حتى اڪعد ميحتاج منبـة صوت ماما موجود بڪل وقت وبأي مڪان، غسلت وجهي غيرت ملابسي، رتبت وجهي وشلت شعر بشفرة رطبت وجهي وخليت مڪياج

الـ شعـر يسوي الوجهة اسود عطرت نفسي ونزلت
تريڪت ؏ سريع اخذت تڪسي

انطيتة فلوسة ودخلت للجـامعة للمحتة من بعيد واڪف يدخن اذڪرت سالفة البارحه وگلبت وجهي من شافني أجـة يرڪض

توقفت من صار ڪدامي وأردف ببتسامة تذوب گلبي

صاحب: صباح الـ خـير
- أمـمم

عقد حواجـبة يباوعلي بخوف ڪال: بيج شي؟؟
- لاء
مرر عيونة ؏ وجهي بقلق خطيه بس ليش شاف رسالة ومـرد ؏ اساس ثڪيل؟

صاحب: شبيج رهف؟
-ليش ليش البارحه تشوف الرسائل ومترد هاه هاه؟؟
صاحب: وداعتج ما شايفة

رهف: شڪد حقير وچـذاب

طلعت الـ مبـايل من الجنطة دخلت واتساب وشوفتة
- والله ما شايفة يمڪن غيري شافة!!
رهف: منو يعني غيرك؟؟

سڪت يباو؏ الملامح وجهي بلع ريك ونظراتة نظرات تفڪيرر عقد ما بين حواجـبة ڪايل

صاحب: المبايل البارحه بيد ضرغام هوة شافة
-وشلون يدخل محادثتنة!!
صاحب: ليش مڪبرة الموضوع يروحي شخسران اذا چان بيدي وما أرد عليج

باوعتلة اعرف بي ميچذب ابتسمت بحب رادفة
رهف: بس تشوف ضرغام اڪتلهة
ضحك ماسح أرنبية أنفة بطرف اصبعة شڪد احبة
تحرك وڪال امشي

صعد سيـارتة ڪعدت بصدر: افرفج؟
- تسوي فضلل
صاحب: خـادم اني
ضحڪت ڪايلة: خادم ربك عيني

ضـل يسووق بسيـارة وأي مڪان حلو يطبك انشتري منة ويرجع يفـرفر طبك سيارة قـرب محل
اڪسسوارات للزم سوار ڪلش حلوو مدة ألي ببتسامة

اعـرف بي يستحـرم يلبسة ألـي ودائماً يڪول
- بـل حلاال يصير احلى

امـوت علي صاحب احسة شي عظيم بحياتي وڪل ما اصفن اڪول شسويت حتى رب العالمين يرزقني بهيج أنـسان؟؟

للبستة وأبتسامة شاڪة حلڪي ابتسم للبتسامتي وڪال

صاحب: يخبل هوة وصاحـبتة

ضحڪت بخجل دفع فلوس الاسوار صعد سيارة وحرڪهة باوعت للسوار بعيون للامعة شهڪت من ذڪرت الجامعه

رهف: عزا عزا عزا

صاحب: هاي شبيجج؟؟
- الجاااامعة
صاحب: شبيههه؟؟
- لتخبلنيي باوعع للساعة عزاا ؏ يوم اموت من وراك

صاحب: صدقاً من ڪالو سوي خير وذب بشط
- ماريد خيررك رجعني للبيت هسهه باباا تلاڪا يدور علي عزاا العزاك صاحب

باوعلي ورجف باوع للطريق: طااح حظج
- مقبوولة منك
صاحب: صوتج هسه عبالهم خاطفج!!
-رجعنيييي للبيييت
صاحب: رهفف طاح حظج هسه اشمرج من شباك

رهف: مسااع تتغزل وهسه تشمرني من شباك
- اي مو طيحتي حظي

سڪتت اباوع الملامح وجـهة ڪلش حلو صاحب يجنن
شفت نفسي اتأمل جـمالة وهـايمة بـي بڪل تفاصيلة
ڪال قاطع صمت الغريب

صاحب: باچـر راحح ألتحق

عقدت حواجبي بضووجة ڪايلة: انتَ ويـامن؟؟
-إني وضرغام واسرافيل ورافـد
رهف: مملاحظ أسرافيل ههواي يلتحق؟؟

اومأ براسة ڪايل: هوة هيج يلة ترتاح نفسيتة

استغربت ڪلش هواي شلون ترتاح نفسيتة وهوا بنص الموت؟؟

طبك سيارة بعيد عن بيتنة ابتسمت ڪايلة بـدلع

رهف: احبك حبيبي صااك
- اشتعلو اهلج
ضحڪت نازلة من سياره دخلت للبيت وهمزين جاية بل وقت المناسب.

••

تأفأفتت بـتملل من سمعت صوت لأغنـية العالي هرجني
هرجج بهل أغنـية

ويـن اليحن بهل وڪت والگلبة طيب ويـنة
وزينة ليش بهل وڪت محد يجازي بـزينة
هسه انـا خاف من الحضن خاف احضن بسجيـنة

يوصـل لهل مقطع ويضل يطك اصبع والله ؏ يوم اموت من وراا ههل أغنية رفعت جسمي افرك بعيوني
طلعت من الغرفة

وچـان ڪاعد ؏ ڪرويتة ورافع رجلية ؏ طاولة بڪل
أريحة ڪلت بتذمر

جوارح: عفية شنو هاي طفـي لأغنيـة

باوعلي ابتسم بجانبية ڪايل: تمبل مال نوم سنوو!!

گلبت عيوني بتملل متجـنبة ههل دلع الغريب
سـنوو!! غسلت وجهي اخذت تفاحة ومدري شنو طخ بعقلي وخلاني اگابلة وأڪعد قضمت تفاحة رادفة

جوارح: انتَ معندك أهل؟
- عندي
- لعد ليش مگابلني وڪاعد؟
- بڪيفي

سڪتت هذا مجهز ردودة قبل لا أحجي وافتح حلڪي

جوارح: زيـن ليش تشغل هاي لاغنية؟
- احـبهة
- ليش تحـبهة؟
- بڪيفي

بلعت تفاحة اباوع الملامح وجـهة امتص تبغ جڪارة
بعمق نافث دخان بتملل وڪعت عينة علي

أسرافيل: حقج وين شايفة بجمالي

ضحڪت بصوت عالي اضرب ؏ فخذي عيوني دمعت من ضحك عبالة من جمالة وأبـاوعلة

جوارح: الثقة عندك مبالغ بية
- مبالغ لو مال

ضحڪت ؏ تفـاهتة وهوة بارد حتى ابتسامة بلگوة يبتسم

- شهـل سَفاهة
- سَفاهة وين تنبـاع؟

معقولة ميعرف شنو يعني سَفاهة؟؟
- يعني سخافة
أسرافيل: هسه صرت اني سخيف؟

شفت ملامحة جديـة ڪلت بسرعه: لا اشـاقة وياك
رفع حـاجبة وأبتسامة جانبية نمت ؏ ثغرة

جوارح: ليش متروح يم أهلك؟
- اروحَ
- لعد ليش ڪاعد بهل شقة ليل ونهار؟
- بڪيفي
- انتَ وأهلك متفڪڪين لو طاردينك؟
- معليج

سڪتت قاضمة تفاحة شبي هذا هسه اني شڪلت وصاح معليج جوارح بعد ما فشلة الف مرة تسڪت؟
اڪيد لاء

جوارح: يعني اخوك طردك لأن عندك مڪسرات؟
- شبيج بـابا مو أڪلج معليج؟!!
- هسه اني شڪتلك!!
- ديـلة فدوة بس لا صيرين عفطـية

جوارح: شهل مصطلاحات عفـطية شنو!؟
- اسڪتي ڪافي
- لا لا ڪول عفطـية شنو؟؟

أسرافيل: مو اخذج الواهس وضليتي هواي تمسلتين؟؟

نزل رجليـة من فوك طاولة نز؏ البوت لأسود شامرة
؏ جـهة والبوت الثاني ؏ غير جـهة شمر جڪارة بسلة المهملات رجع ضهرة اليورا يباوعلي بتمعاً

ونظـراتة صارت غريبة ڪلش بلعت ريك اردف من بين شفـايفة

- اريـد اعذبچ

فتحت عيوني ؏ وسعهن شيقصد بلعت ريك مسح أرنبية أنفة بطرف اصبعة الكبير ڪايل

- مختلفة، جذابـة، عنيدة، راح تتونسين

گلبي وڪع بين رجلية من الخوف شيقصد اردفت بصوت متلعثم

جوارح: شقصدك بهل ڪلام؟

- نوعي المفضل سنوو

ڪمت من مڪاني وجسمي يرجف من الخوف واحس عيوني تلاحقني دخلت الغرفة قفلت الباب وڪعدت بلڪا؏ بينماا دڪات گلبي تنبض بقوة وڪأن گلبي يريد يطلع من مڪانة مسحت وجهي

احـاول اهداء من دڪات گلبي وارتعاش جـسمي
معدتي خبطت وحسيت نفسي راح استفرغ بمڪاني
رڪضت للحمام وسديت الباب مديت راسي

بـل سطل اتقيء ڪل الأڪلتة من صبح ولي هـسهة
احشاء جسمي تڪطعت حسيت بأيد تربت ؏ ضهري
وترفع شعري عن وجهـي

أسرافيل: بـل معـمم ولا بيج

مچنت مرڪزة ويـاة دقايق طويلة استفرغ ضليت أبچي اباوعلة بخووف غسل حلڪي ماسح شفايفي وجهي رطب أيدة بل مي ومسح رڪبتي

- تؤ سنوو عود هذا بس ڪلام اذا صارت افعال شلون

بچيـت خايفة منة ومـن انفصامة مدري شبي ههل رجال غريب، غريب للزمت ايدة اليغسل بية ويبلل شعري وجهي

جوارح: فدوة للتأذيني
- أأذي المعمم وما أأذيج
- فُـدوة والله اموت
- تؤ استغفرالله يـوم ضرغام قبل يومج سنوو

سحب أيـدة مسح دموعي اخذ مي بيدة ههواي خلاني ادنك راسي قرب المي من حلڪي رادف

أسرافيل: تمضمضي سنوو

سويـت الڪالة سد الحنفية جر خاولي مسح وجهي وأدي ورڪبتي ألـ للطخهة بل مي امشي ورا بدون صوت دخلني للغرفة سحب الغطة اشر بعيونة أنـام
غطاني ربت ؏ شعري بڪل للطف

- سنوو راحح ألتحق بذيلج لا تلعبين تمام؟؟
من مجـاوبتة سحب خصلة من شعري ڪلت بألم

جوارح: تمام تمام
- عفيه ابـ سنوو الحبابـة

طفـة الگلوب وشغل تيبلام سد الباب وطلع بچيت بصمت ودموعي تتسابق ؏ خدي وڪعات ؏ مخدة شهل حالة يربي

ڪلت لوما ڪلت بي انفصام؟؟.

••

أمطار غزيرة تتساقط ؏ لأرض مڪونة بقعة من المياة
وشمسً ذات ضوء خفيف وبرودة شديدة تحتل هذا المنطقة صـووت الراديو سيارة يڪوول

- سنجعل هذا المنطقة منطقة الأسلام ونجعل النساء أسيرات لدينا والرجال مذبوحين لديناا

ضرغام: طفي الـ اشك حلكك

صاحب: دنعل أبوك لا الطلعك سافل ابن سافل

أسرافيل: خلي يڪمل مضرطة

- سيدي يحرك الگلب

صاحب: ديـلة هسهه وأنزل ورجال أبن رجال يجي ويذبحني

أسرافيل: لك اذڪرت ريحتهمم

ضرغام: خرب أعراضهم شڪد وصخين

توقفت سيـارة بوسط منطقة مهجورة ثبت أسرافيل جڪارة بحلڪهة سحب أقسـام نازل ألق نظرة سريعة ؏ مڪان واصلاً قبل لا يحجي اني نازل باوعلي ڪايل

- طبعك زفر هذا بطلة
- عود الله ڪريم

نمشي بڪل حذر وترڪيز المنطقة متأڪدين ما خالة من دواعش بيـة ومتختلين ڪل واحد ماخذلة زوية
اني وصاحب واسرافيل ورافد نمشي وي بعض والباقي مطشرين

اقتربنة من بيت أشر أسرافيل بيدة نلتزم الصمت ونمشي، ؏ ڪيف طلع بأصابع أيدة، واحد، اثنين، طلع رقـم الثالث وداهمنـة المڪان

وبل فعل چـان موجود اثنين دواعش ڪتفناهم ورافد يضرب بيهم چلاليق وڪلساع عايط بأذنة مطورشة واسرافيل مبتعد أمتار من ريحتـهم

أسرافيل: مييييي أبلاااااااش
- ههههههههه اعصاابك

صاحب جـابة براشدي طير مخـة يمڪن وڪلهة

- انتَ التڪول نذبح رجالهم ونسأهم اسيرات؟؟

داعشي: ڪلا ڪلا لست أنـا

رافد: هوة هوة صاحب هووة

ضرغام: شبيك تعيد بلڪلمة ترا يسمع مو أطرش

شمرناهـم بل سـاحة وطلع اعـدادهم ههواي طكطك أسرافيل رڪبتة ورث جڪارة مثبتة بحلڪهة فتح رافد التصوير يصور بأسرافيل

للزم أول داعشي وڪسر رڪبتهة ولثاني وثالث وجڪارة هية هـية بحلڪهة

أسرافيل: انڪسر ارڪابڪم وضلع زهرة

سـد تصوير وفتح تصوير ثاني أجـة بتجاهي ڪايل

رافد: شنو شعورك؟؟

ضرغام:*** عليك و؏ شعوري
- ههاي شبيك عصبي بيبي
جـر ڪلمتة بتنعوص ضحڪت وهوة ضحك بصوت عالي وهوة شلوون ضحڪتة مو شهـيرة تجيب تايهة
راح بتجـاه صاحب أول ما شافة ابتسم

رافد: شنو تتمنى؟
- أتمنى انحقق النصر واتمنى الله يحفضڪم من ڪل شر ويرجعڪم سالمين غاالمين الأهاليڪم

رافد: عووف ههاي سوالف اريد أمنية أمنية

ضحك صاحب بخجل ڪايل وهوة يحك موأخرة راسة
- اتمنى أزوجـهة

صوفررت بصووت عالي وصارلتك الهلاهل عبالك ازوج وهوة بس حجي راد يروح يسأل أسرافيل بس نظرة منة ڪفيلة ترجعة اامڪانة

فرر الشباب ڪلهم ويسأل بيهم شنو أمنيتك لو شنو شعورك مررت لأيـام هيج متعبـة ڪلش.

ڪاعدين ناڪل بل بيت المهجور ضحك وسوالف ونحشش ؏ هذا وذاك

ضرغام: وليش ما تعزل بيت وحدك
- لا خوية مرتي مللعبة
ضرغام: ليش احسة ؏ نيـاتة

صاحب: ولك شدخلك بـ رجال
- لا يخوي خـلي
ضرغام: أي وبعدين من ڪتلهة روحي لأهلج؟؟

- يول موتتني أڪلة روحي يـمين تروح شماال أڪله روحي شمال تروح يمين

ضرغام: خووب طلڪة وأخلص
-يخوي مڪدر عندي سرب مال جهال ياهو يربيهم
ضرغام: هم صحيح

ڪل واحد ڪاعد بزويـة يسولف لو ياڪل لو نـايمم
التفتت الـ صاحب ڪايل

ضرغام: وانتَ شوڪت تزوج الخاتون؟
- أن شاء الله بس تخلص جـامعة

ڪعد أسرافيل حك طرف حاجبة يباو؏ الـ صاحب وجهة ثڪيل علي

ضرغام: هسة انتَ شبيك محروك گلبك علي
صاحب: يمعوود حررام وخطية الأبـنية شبيڪم انتم شڪو بعقولڪم؟؟

-ترا يطبك مرض واعرف بروحي ما مسوي شي غلط

صاحب: چـا اذا سوي الغلط شلون تخطف أبـنية وتخلية بشقة والله أعلم شمسوي بـية وهذا ما مسوي شي غلط

- يـابة وداعتك ما مسويلة أي شي
صاحب: أي بس لا تحجي ويـاي ولا أحجي ويـاك
- لا ألة ألا الله

غلس صاحب ودار وجـهة منة واسرافيل فار دمة يريدة
بس يحجي ويـاة ماڪوو ڪلش قاافل شڪد حاولنة نحجي وياة وهوة أبـد ولا يحجي

انطرق البـاب طرقات قوية لڪل ڪام ؏ حيلة موجهة لأسلحة ؏ بـاب انفتح الباب ودخل طفل ما يجاوز العمر
15 سـنة

دموعـة تجري ؏ خـدة وصدم الڪل چـان لابس احزام ناسف توترر صاب البعض بأي ثانـية ڪلنة نموت

تقـدمتت انزع منة الحزام بس أيد دفعتني بقوة ؏ حايط وهذا چـان أسرافيل وهوة الـ تقدم بدالي لڪل راد هوة ينزعة ههل حزام

ضابط: أسرافيل ارجع المڪانك

صاحب: ولككككك اسرررررافيلللل

طلع بـراا الغرفة وقفل الباب ثواني وسمعناا لأنفجار الهـدم قسم البيوت،

- مـاات مـاات

يتبع...

هلاو يـابة شلونڪم اخبارڪم!!