رواية وحش بابل الفصل الثامن 8 - بقلم ايات محمد

مـرحبـاا

روايـة: وحـش بـابل

تـواصـل ؏ تلڪرام: jikpoh

تـواصـل ؏ الانستغرام: uo. ya

لا تـنسون تعليق، تصويت للبارت. متابعه الحسابي 🦋.

ـــــــــــــــــــــــــــــــــــــــــــــــــــــــ

بعمق غفوتـي وحسيت بأيـد تتمادى شوي شوي ؏ طول جسمي گلبت جسمي بأنزعـاج
توقفت ألـملمسات دقايق ورجعت فتحت عيوني بنعاس
وچانت الغرفة فـارغة وصوت أغنـية سطرت راسي سطر

الـ يحبك صعبة يتعوض سهرلك لـيلة ما غمض ايد تشربك مـاي ههاي لأيـد ما تنعض

فرڪت مابين عيون لازمة راسي اسمع للأغنية

عليك اني دمعتي تصب وأنت هموم فوك الغيم ؏ الحظ ماريد اعتب من شفتك ترڪنا الحظ

بلعت ريك رافعة راسي للساعة وجانت بـ 2:42
نزلت نظري جسمي رڪضت للمراية اباوع لڪل شبر بجسمي اخاف ملموسة واني نايمة متقرب مني زفرت
نفس براحة توقف نفس بلعومي لعد منو الـ يتلمس جسمي واني نايمة؟!

أڪيد اتخيل اي اتخيل ڪعدت وملڪيت احد يمي
طلعت من الغرفة وچان منطيني ضهرة رافع رجلية ؏ طاولة وجڪارة تاڪل بنفسة تتوسط اصابع ايدة

بيـنماا لأغنـية سطررت راسي سطر دخلت للحمام غسلت وجهي وطلعت باوعتلة مغمض عيونة وأنفاسة منتضمة والمفاتيح مشمورة ؏ طاولة صارت عيني ؏ بـاب

فررصـة متتعوض سحبت المفاتيح بخوف وترقب
و

أمشي ؏ اطراف اصابعي التفت للباب احاول افتح الباب جربت بل مفتاح لأول مصار وثاني همم افر بي مصـار المفتاح ثـالث هسه أفر بي

أسرافيل: سـنوو

جمدتت أطرافي قطرة دم مضلت بوجهي اخاف التفت
بسرعه حرڪت المفاتيح فاتحه الباب ملحكت اطلع
انسحبت من خصري مشمورة بلڪاع

صرخـتت بصـووت عالي: ساااااعدووونييييي

اجتي ضربة ؏ حلڪي بقوة للدرجة حسيت بطعم دم بحلڪي قفل الباب مخلي المفاتيح بجيب بنطرونة لأسود ورجع ڪاعد بمڪانة رافع رجلية ؏ طاولة بچيت بصووت عالي وهوة ممهتم

أسرافيل: اڪعدي عاقلة سنو

بأديـن ترتعش للزمت المزهرية وشمرتة علي بس اتخطاها مدنك راسة ابتسم مستهزء وطرف شاربة ارتفع

جوارح: مررريض ماريدك مارريد ابقة ويـااااك

أسرافيل: مشتريج بفلوسي حاالج حـال هذا استهتار ڪافي

رفـع ريمونت بوجهـي سڪتت شڪول ڪلامة صح
مشتريني بفـلوسة عسة ما يذبحني لازم ما احجي وحلڪي ما افتحة دموعي تجري ؏ خدي

جوارح: ولله تعبت عوفنيي بحاالييي

أسرافيل: أول مرة اشوف ڪ*** وعدهاا احساس

بقيت ؏ ڪعدتي وعيوني غوشن من البچي
بينما هوة ڪاعد وممهتم شڪد حقير ونـذل رن تليفونة باو؏ لأسم المتصل مخلية قرب أذنـة ڪال

أسرافيل: لا راح أبدي بي

مسحت دموعي ڪايمة من مڪاني دخلت للمطبخ غاسلة وجهي ودموعي حالفة متوڪف

جوارح: الله لليوفقك عـساهاا بعرض اخواتك

ادعـي بهمس علية والحقد عـامي گلبي ادعي ؏ أهلة اخواتـة أخـوانة من ڪل گلبي يطلع حوبتي بيـهمم لو بيي

أسرافيل: سووي گهوة سنوو

جوارح: اسويلك زقنبوت مرر

زفررت أنفاسي بقوة ليش سڪت؟ مديت راسي وچان
مرڪز ڪل حواسة ؏ لابتوب ويـمة أجهـزة مال نـداء

والله والله عرفتت مجرم لطمت ؏ وجهي ورطت نفسي ورطـتهةة سويت الگهوة ؏ اعصابي واراقبة بڪل حواسي خليتة ؏ طاولة وضليت واڪفة اريد اسع واشوف أي شي

أسرافيل: هاه سالمين؟!

باوعتلة بالعة ريك ڪلت بتوتر: هاه؟

ابتعدتت راجعه للمطبخ وأشـوفة يخـطط وڪلساع وفزيت من ورا جهـاز نداء الـ يـمة

رن المبايل رد ؏ الأتصال فاتح الحاڪية

صاحب: وينك يمعود حتى لأهلك رحت

أسرافيل: بـشغلل

صاحب: يـاا شغل هذا أسرافيل؟

اباوع الملامحة حسيتة توتر ڪال: بعدين أڪلك

صاحب: ديـلة تعال رايدك بشـغلة

سد الاتصال طرف ثاني وهذا رجع مدري شيسووي
رفعت شعرري بأديـة اريد أملخة محروك گلبي طڪت روحي.

خليت ايدي ؏ خـدي اباوعلة شيسوي حتى ابلغ شرطة عليـة محسيت عيوني ضلت تقفل فتحت وسديت عيوني بنعاس رجعت نظري ألة ؏ ڪعدتة هذا ضهرة راسـة ميـوجعنه؟؟

تثاوبت بنعاس مخلية ترڪيزي ويـاة وبعد محسيت غير ؏ صوت يهمس ابـ

أسرافيل: سنوو

وأيـد تشيلنـي خليت راسي وريحة جڪاير ترست رئتيي فتحت عيوني بنعاس ڪلت بنبرة خافتة ونعاس يغلبني

جوارح: ساقط عوفني يلة

أسرافيل: سوي خير وذب بـشط

اخر جمـلة سمعـتة وبعدها نوم سحبني للحظانة.

••

رشيت عطر خفيف ونزلت جوا لڪيتهم يتريڪون
ڪالت

رقيه: يـلة تعالي اتريڪي

ابتسمت بـوجهة اخذتلي مڪان ڪاعدة

أيهم: يـووم اريد اغيب

رحمه: لا تخليني احجي منـا نعـمة الله

سڪت ايهم يباوعلة بنظرات زعل صارلة سبوعين غايب عن جـامعة وهسه يريد يغيب حتى يفصلوو
رفعت راسي وجود يباووع علي تنهدت بضحڪة

طلعت ربع من جنـطتي ونطيتة ألة لابتسامة شڪت حلڪة

جود: عمة وللعباش احبج

ايهم: دحلف عدل لا حلكك اشڪة

آدم: حتى اشڪك شك

رحمه: يمه ما خابرت اخـوك؟

ڪالت جملتهة بقلق: خـابرتة وڪال عندي شغل صبح اجي

اومأت أمي براسة وجـهة ميطمـن بخير رفعناا روسنة ؏ حمحمـاات چـان أسرافيل رڪض جود بحظنة رفعة من الڪاع طابع بوسة ؏ خدة

جود: يلة عمو ورق

ابتسم بخفوت طلع من جيبة ألف ونطـاا نزلة من حظنة
وباس راس مـاماا وهيه تباوعلة بنظرات شك وڪأن عرف شنو ألـ بالهة

أسرافيل: تؤؤ وراس ضرغام

ڪعد شوي وصعد وعلامـات تعب ضاهرة ؏ وجهة توا يصعد بـايات درج ورن تليفونة جـاوب

أسرافيل: بس اسبح

سـد لأتصال مڪمل طريقة اخذني أيهـم ؏ اعصابة ومشغل اغنيـة معليـهة ڪلش بحيث طبلة اذني نزرفت

خديجة: طـفيهة ايهممم

ميسمعني حـقة غمضت عيوني صارخة بصوووت عالي

خديجه: لأغنـيهه طفيـهههههه

التفت فاتح عيـونة ؏ وسعهن زفرت انفاسي ڪايلة بتهديد

خديجه: والله يا ايهم والله انزل وروحح مشي وبس ارجع اخلي أسرافيل ياخذ سيـارة منك

ايهم: شوو تهـددين

خديجه: وڪسر راسك همم

اني ڪلت هيج وڪمز علية يريد يڪتلني واني لازمة راسهة اهبت بي هـبتت ڪال بوجع

ايهم: هدي راسي خدو حوزة

خديجه: وخر واني أوخـر

ايهم: انتِ أوول
:: انتَ أول
أيهم: انتِ
:: انتَ

أيـهم: وللعباس امووتج شعري تهلس وخري

صرختت بأذنة: انـتتتتَ وخررر

اذنـة انطرشت واخرر نزلت المراية اعدل بحجابي واغلط علي ڪلت بنبرة باڪية

خديجه: والله والله اڪول الاسرافيل يطيح حظك

أيهم: طزز بيج وبـ أسرافيل

باوعتلة وعيوني دمعتت عدلت حجابي فتحت باب سيارة ونزلت باوعلي مصـدوم نزل وراي يريد يرجعني للسيارة واني امشي بسرعه

طـايح الحظ حتى يتعلم بعد ما يمد ايدة علي واحنة عالڪين بل ازدحام لزمني من ايدي يهمس

ايهم: تخبلتي طاح حظج

سحبني وراا ونـاس تباوعلنة بستغراب شڪد عيب مشيت داخلة سيارة نزلني يـم جامعة وراحح غميتة بحرڪة گلب ودخلت

محد من قسمي موجود دعيت ربي مو استاذ بنيامين
عليـنة خابات أمالي من شفتة واڪف يشرح
طرقت الباب طرقات خفيفة التفت يباوعلي بنظرات عجزت افـهمهاا بلعت ريك رادفة

خديجه: أستاذ ع...

بعدني ممڪملة ڪلامي وڪال: لا اطلعي بـراا

اومأت براسي التفت اطلع بس صوتة استوقفني رادف

بنيامين: تعالي دخـلي

ابتسمت فرحانة تشڪرتة بهمس ودخلت ڪاعدة بمقعدي وناهدة تڪرص بيـة من جوا الايجوا ودڪول مشتاقتلج رجلي وخاصرتي وأدية صارو زرك من تڪرص

خديجه: لا ألة ألا الله ڪافي شبيج

رفعت راسي وأجت عيوني بـعيونة بلعت ريك بتوتر
مسوية نفسي منتـبهة الـ شرحة وهوة مدري شبي يشرح شوي ويصفن بوجهـي

توترت مـنة ڪلش رغم هذا سويت نفسي ممهتـمة
النظراتـة الـ تجردني من ملابسي واخيراً خلصت المحاظرة طلعت اضرب بـل ملزمة ؏ راس ناهدة شبعتني تڪرص

خديجه: يـاا ما تستحين

ناهدة: انچبي وتعاي اسولفلج

جرتني من أيـدي دخلتني للڪوفي وطلبت عصير انصدمت اباوعلة تريد تموت تشتريلي ؏ احسابة؟؟

خديجه: ترديـن تموتين حبيبتي؟؟

ناهدة: دشربي يـلة

شربـت اباوعلة شلون متحمسة وخايفة بنفس الوقت

خديجه: سولفيلي شبيج؟

ناهدة: باعي اني احم..

خديجه: اي أنطقي اسمـعج

بلعت ريك عضت شفتة سفلية ڪايلة بتوتر مبالغ بي

ناهدة: مجـد اعترفلي وڪال احبج

ڪلت بصدمة: مجد مجد؟؟

ناهدة: أي أي

خديجه: شوو فرحااانة؟؟

عبست ملامح وجـهة تباوعلي ڪايلة: لا بس تحمست

خديجه: خيولي دير بالج تحجين وياة حرف واحد

ناهدة: هيج دڪولين؟

خديجه: استغفرالله استغفرالله مادري صدك لو چذب استغفرالله ربي سمعت دلاال استغفرالله دڪول هـددة يڪول لأبوهاا استغفرالله لأن ما تفتح وياة ڪام استغفرالله

ناهدة: ڪلشي متفهمت غير لاستغفرالله

خديجه: استغفرالله اني هيج سمعت ربي سامحني ربي

ناهدة: ڪبر شبيج راح تبچين

خديجه: موو حراام

تنهدتت بصوت عالي تباوعلي اتقربت بجسمة ڪايلة بهمس

ناهدة: اني همم سمعت مصادق نوال ويومية يحصرها ورا الڪلية بل حديقة الخلفية

خديجه: تف تف استغفرالله استغفرالله

ناهدة: أي وسمعت..

سديت حلڪهة بيدي ڪايلة: والله اڪوم لا تحجين شي ماا شايفتة بعينج وحتى لو شفتي تسڪتين لأن نبي محمد ( ص) ڪال" من سَترَ مسلماً سَترَه الله في الدنيا والآخرة "

اومأت براسـهة: وڪال نبي محمد صلى الله عليه وسلم (لا يستر عبد عبداً في الدّنيا إلّا ستره الله يوم القيامة).

وخررت ايـدي من حلڪهة ڪالت

ناهدة: يلة بعد ما احجي

خديجه: أي عفـية وهذا مجد دوسي بنعال يولـي

اومأت براسـهة فاهمة شربت عصيرهاا وتسولف شلون راحوو سفرة هيه وعائلتة واني اسولفلهة ؏ طرڪاعة سويـتهة شوي وحسيت حمالة صدري تنفتح عضيت شفتي التفت اخاف احد ثاني حس

وشافني سڪتت ناهدة تباو؏ تعابير وجهي هزت راسة بمعنى شبيج اشرتلهة ؏ صدري

خديجه: هـسة اجي

ناهدة: دلزميهة لا توڪع بلڪاع وشهريـنة

ڪالتهة بضحڪة وضڪت بصووت عالي ڪعدت للطم
؏ ڪرسي ألطم ؏ وجهي وعض اصبعي بمعنى اصبريلي

خديجه: إذا ما شڪيت حلڪح

ناهدة: مووو انتتتتِ زيـنة

خديجه: ولج صوتج شهرتينة شبيج مڪبسلة اليوم؟؟

ڪمت بسرعه امشي للحمامات وصار بوجهي استاذ بنيامين جـاهلتة مڪملة طريقي بستعجال للحمام
دخلت زافرة انفاسي براحة وجان الحمام فارغ لان صار وقت المحاضرة ثانية مدري ثالثة

نزعت حجابـي معلڪتهة والبشت همم نزعت القميص حتى اسيطر وأقفلة رتبـتهة وقفلتهة التفت ؏ فتحة الباب

فتحت عيوني ؏ وسعـهن وشوي ويغمة علي من صدمة
فتحت حلڪي اصررخ وڪمز ساد حلڪي بيدة دافعني ؏ حايـط

بنيامين: اشش خديجة

وڪعت دموعي ؏ أيـدة ڪرهتة ڪلش بعد هل موقف
دفعـتهة بڪل قوتي وبأدين ترتعش للبست شلون مچان

طلعت أرڪض من الحمام ممستوعبة صار مادري وين رحت وين أني حالياً بس ڪل الأعرفة اني ڪاعد أرڪض والموقف يتردد بالي ڪعدت ألهث وأبچي مخلية ايدي ؏ حلڪي

فتـرة ڪلش طويلة اني أبچي وساعة اصفـن
انهـد حيلي ڪلشي توقعت بس متوقعت يتحرش يية بهل طريقه القذرة

مسحت دموعي عدلت حجابي وضميت جسمي بل بشت مشددة علي ڪمت وصارت سيارة بوجهي رفعت راسي وچـان صاحب صديق أسرافيل

ڪال بقلق:  شبـيج خـوية؟!

ابتسمت بزيف ڪاايلة: مبـية شي

صاحب: اصعدي اوصلج للبيت

اومأت براسي فعلاً جنت محتاجه احد يوصلني للبيت
حرك سيارة انطاني بطل مـي ڪايل

صاحب: شبيج خـوية احد مأذيجج بس ڪولي

شربت مي ڪايلة: متقصرر والله

سڪت وڪلساع سألني اذا محتاجة شي ڪال بنبرة هادئـة

صاحب: اڪيد احد مضوجج من شباب جامعة لا تهتمين ألهم وانتِ بنـية تخاف الله ومتديـنهة لا تهتمين لأي واحد بيهم روحي ادرسي وتعلمي حتى تحققين حلمج وترفعين راسج وراس اهلج وهذول حشاج بنعال و؏ روسهـم يدورون سوالف مڪسرة والله يحفظج ويستر عليج ويـبعدج من ڪل شرر

ابتسمت الڪلامة غير من نفسيتـي فتح قصيدة
وچـانت ڪلمتهة ڪلش حلوة وأثرت بيـة وخاصة هذا البيت

الله ويـاك لاڪن الله وياي
وين الله وأمـوت وتڪعد انتَ
مـن ڪد عازتي للحضنك يـعباس حتى سهم
ڪضيتة وشبڪتة

جنت صـافنة ؏ جـامة واستمع للقصيدة بترڪيزز
توقفت سيارة ڪدام بيتنة

خديجه: عفيه لدڪول الأسرافيل

اومأ براسة ببتسامة ابتسمت للبتسامتة ونزلت من سيارة دخلت للبيت وبـدا تحقيق وي امي لو هيه شافت صاحب وچلبت برڪبتهة الة تشرب چاي وخطية ألولد انحرجج ونزل

سويـتت رقيه چاي ؏ سريع واني صعدتت اسبح ڪعدت جواا دوش افرك جسمي بقووة وأبجيي واقرا علية أيـات قرأنيـة.

للزمت ألليفة وأفرك جسمي بقوة درجة صاار احمرر
نشفت جسمي وتوضيت ڪعدت أصلي واستغفرالله يسامحني ؏ ڪل خطأ سويـتة بحياتي

طفيت الگلوب شامرة نفسي ؏ چربـاية وعيوني تجري ؏ خدي واڪعة ؏ طرف المخدة

الله لا يوفقك بحياتك مرة وحدة تعرضت تحرش جنسي من عمـي ومن عرف أسرافيل ڪسر أيـدة اذڪر
ذاك الموقف بڪل احداثـة

وشـلون أسرافيل وڪفة ڪدامي وڪال: اڪتليي

من مقبلت ڪسرة تڪسير ڪدام عيوني وانتقلناا من البيت وقطعناا ڪل تواصلنة ويـاهم

نمت ودمعتي ؏ خدي

••

باوعت للتليفوني وچـانت ساعة 7:43.
فتحتـة اشوف المسچـات ابتسمت من شفت رسالة من
صاحب، ڪعدت ؏ حيلي وچـان عنوانة

" هنـيالة المصبح ؏ عيونچ الحلوة "

لأبـتسامة شڪت حلڪي عضيت للحاف بخجل واعض بي شمرت للحاف انچلبت خومـا انچلبت طفيت جهازي
وڪمت اغسل وجهي

نزلت جواا وماما دتسوي ريـوك بينما بابا يباوعلي صفح
طبعت بـوسة ؏ خدهاا ڪالت بهمس

أم رهف: انعم الله ؏ رجال مخليج ڪلساع تبوسيني

ڪلت بنبرة عاشقة: مـاما احـبهة

أم رهف: ديلة ڪافي استهتار وساعديني

رهف: مـاماا اريدد ازوجـهة

ضربتني ؏ راسي بخـفة ڪايلة: خلصي جامعة وزوجي

نزلوو أخوانـي منتظرين ريوك وجـدو يتذمر يلة رجال چبـير عاذرتـة ڪعدنة ؏ سفرة وڪال

جده: بعد صيرين شڪبرج ليش ما تقبلين بأبن عمج؟

ڪلبت عيوني بتملل بڪل ڪعدة يفتح الموضوع هذا
بقيت ساڪتة مخليتة يحجي ألـ وحـدة خلصت ريوك
وصعدت غيرت ملابسي ونظرات بـابا ألي عبالك مسوية جريـمة بـدوون علمهـم

اخذت تڪسي شـامرني ؏ جامعتي نزلت انطيتة فلوسة ومشيت داخـلة للجامعة شفت من بعيـد ڪاعد
؏ ڪرسي ومنـزل عيونة

ڪعدت بصفة ڪايلة: حبيبي شريـف

ضحك بصوت يباوعلي واني أتأمل ضحڪتة رزنة

صاحب: اروح فـدوة للعيونچ ساحلتني سحل

رهف: انچب تأدب هسه ڪلت عليك شريف

سڪت مبتسمم احسة بي شي ڪل مرة يجادل ويشاقة ويحقق أڪلتي شسويتي سولفيلي ڪلت بقلق

رهف: شبيك صوصوو

رفع عيـونة ببتسامة ڪايل: شڪبرني وشعرضي تاليتي تصيحيلي صوصو!!

رهف: ديـلة مهنـد سولفلي

صاحب: تعرفين أسرافيل؟

اومأت براسي اعـرفة من ورا سوالفة ڪال بتنهيدة حزيـنة وعيونة طالع الفراغ

صاحب: خاطف بـنية

شهڪت اباوعـلة بصدمة وهوة خطيه مقهور بلعت ريك ڪايلة

رهف: انصـحة واحجي ويـاة ولا تعيط علي يعني جيبة بأسلوب حلوو وهوة يفهمك ويسمع ألك

صاحب: قافل ؏ البـنية ويصيح ههاي سنوو شلون اعوفهة

عقدت حواجبي بستغراب ڪايلة: سنَوو؟

أومأ براسـهة بمعنى أي التفتلي بڪل جسمة ڪايل

صاحب: عوفـينهة من هذا العار سولفيلي

بديـت أسولفلة ؏ منو من صديقاتي تعارڪت واحجي منفعـلة وهوة يستمع ألي بترڪيز ويتفاعل ويـاي سڪتت اشرب مي

صاحب: وبعديـن انتِ شلون حليـتيهة؟

رهف: ڪتلنهة متستحن شڪبرجن احنة وين بمدرسة مو عيب

صاحب: عفية رهـوفة الواعيـة

رهف: لعد شعباالك

من سڪتت مخلصتلة العرڪهة تافة وأي رجال ما يهتم الـ هيج سوالف مال بـنات ومنو تعارڪت وشنو شترت
بس صاحب مختلف عـنهم ڪلهم.

استغربت من أسلوبة من ڪام وڪال بحترام شبي هذا

صاحب: شڪراً اختي الملزمة انسخ علية ورجعة الج

عضيت شفتي عرفت اڪو شخص من عائلتي وراي ڪلت بأدب مباالغ بي حتى هوة خطية استغررب

رهف: عفواً اخـوية

أبو رهف: منووو انتَ؟؟

صاحب: زمـيلهة بل ڪلية

اومأ براسة مقتنع حرك صاحب رجليـة رايح ؏ اساس للقسم مالتة ڪال

ابو رهف: يـلة ڪومي امج تخربطت ومحد بل بيت

ڪمت من مڪاني وهاي جانت چذبة مال امج تخربطت هـووة شاك بية مشـينة التفت واشوفة يلوح بيدة وغمز بـعينة اليمنى

حبست ابـتسامتي امشي ورا بـابا من صعدنا سيارة فتحت جهاز وشڪد ماما متصـلة علي ودڪول ابوج جاي بطريق انتبهيي بس وين اني چنت ملتهية اسولفلة شصار ويـاي.

••

سويت گهوة راسي ساطرني سـطرر عبالك شاربة ونايمة.

نظفت البيت فتحت البـردة وشبـاك يطل ؏ شار؏ رئيسي هوا بـارد تضرب بوجهي ومتسببة بتطاير شعري
أفڪار تاخذني وافڪار ترجعني

وعيوني تلتقط نـاس من بعيد ﺟـنهم دود

شربت شوي من الگهوة انفتح البـاب بقووة لوما شفتة
هووة اڪول ههاي مداهمات ؏ ههل رڪعة مال باب

بلعت ريك وجـهة ميطمنن عـااط عيـطة ڪمزني من مڪانيي

أسرافيل: أنيي اعلمجج اذا ما اخليج تتندمين ؏ ساعة شفتيني بـية

رجف گلبيي بقوةة وعيوني دمعتت شبي هذا تقدم مني..

يتبع..

ڪل عـام وانتـم بألف خير أن شاء سنة خير عليڪم.