رواية وحش بابل الفصل الثاني وثلاثون 32 - بقلم ايات محمد

مـرحباا گليباتي..

لا تنسون الـ تصويت، تعليق متابعه الحسابي 🖤🦋..

#وحش_بابل

" البـارت برعاية أسرافيل "

ـــــــــــــــــــــــــــــــــــــــــــــــــــــــــــــــ

فـي العراق وتحديداً في محافظة
بابـل،قبـل سنـوات عديـدة..

زفرت أنفاسي اباوعلة دعس البسكت بحلكة ڪايل بحقارة

-حسن: امي دكول روح جيب بيض

-أسرافيل: خوو روح انتَ اشتغل عندك وعند امك اني

-حسن: انچببب لا تحجي ؏ امي

-أسرافيل: ديلة ولي

-حسن: والله اكول الأبوي عليك سافل ابو حالة نفسيه

ضربتة راشدي وأعصابي فايرة اڪرهة ههل كلمة ودائماً ينعتوني بية "ابو حالة نفسيه" بچة بصوت عالي
ويشيل روحة ويركعهاا بلكاع

-أسرافيل: دخل اكتلك عدل حتى تنزل دموعك ؏ وجع حقيقي مو عيارة

دفرتة برجلي وجبتة براشدي ثاني، يصرخ بصوت عالي
أبتسمت بنشوة أباوعلة، سمعت صوت عمي يصيح بأسمة للزمت نعالي بيدي وشردتت

أركض بدون ما ألتفت، وصوت أنفاسي عالي، وكفت ساند ضهري ؏ حايط ومن يمشي يباوعلي بستغراب للبست نعالي واحس برجلي تجرحتت،

ضليت افترر بل سوك مناا للحد ما صارت الساعة 12:00 الضهر والناس بدتت تطش وسوك فرغ بينماا صوت الأذان عالي ينبة للناس انو أجة وقت الصلاة، مشيت راجع للبيت وشمس تصكع براسي صكع

امشي مترهي وأصوفر وعبالك ممسوي شي، دخلت للبيت سديت باب شارع ودخلت للصالة چانو مجتمعين
وأمي تفرك أدية بتوتر مبالغ بي

-أسرافيل: سلام عليڪم يبـاا

باوعلي عمي ابو حسن، متحلف لأن كتلت أبنة يستاهل
للزمني من أذني ويعت بية عت

-ابو حسن: ليش كتلت ابني عاار
-أسرافيل: يستاهل

وكعت بلكاع أثر الراشدي من عندة أيدة عبالك هاون شڪبرهاا خدي بعد ما احس بي رفعت عيوني لأمي واڪفة وتريد تدخل بس ما تكدرر، دفرني برجلة وجابني براشديات

انسطررت سطر من ورا راشدياتة، وخشمي طك دم طرف شفتي أنجرحت من ورا ايدة الهاون،

جمعت للعاب بحلكي وتفلت بوجهة، أتخبل ضحكت من شفت ردة فعلة وقبل لا يدفرني دخل من باب الصالة سحبني ورا ضهرة

-عباس: شبييك صدك تحجيي؟!!

-ابو حسن: دكول لأبنك شسواا

-عباس: حتى لوو سوا هوة طفللل مخلي عقلك وي طفل؟؟

كومني وهوة يستغفر بهمس، فتح الحنفية وغسل وجهي بأيدة ڪال يلومني

-عباس: شسويت بابا انتَ ما تتوجع ما توب؟

هزيت راسي للجهتين بمعنى " لاء " تنهد يباوعلي بعدم رضاا، دخلت للغرفة سحب ڪومة كلكنس وخلاهم ؏ خشمي الـ ينزف،

حضتني أمي ودموعة تجري ؏ خدهاا، وآدم يباوعلي ويتنهد أيهم واكف ؏ صفحة وخديجة نايمة، كعدتني گبالهة ڪايلة وابوي طلع ؏ أساس يحجي وي اخو

-رحمة: يمة فدوة أروحلك كافي اكعد تووب

-أسرافيل: هسه انتِ عليمن تبچين؟؟

-رحمة: عليكك ولك عليك ما يرحمونك عمامك والله اكعدد وأسكتت

-أسرافيل: دخيوليي الكو***

-رحمة: استغفرالله ربي كافي يووم كافيي

-أسرافيل: هوة شنوة الكافي؟؟

تنهدت بصوت عالي ماسحة دموعهاا بأثنين ادية، كلبت عيوني بتملل، والله تبالغ!!

كعدت خديجه ؏ أصواتنة فركت عيونهاا بنعاس فتحت حلكة تثاوب، ابتسمت ؏ شكلة باوعتلي تحاول تستوعب، من استوعبت كمزت من مكانة وأجت ناحيتي، كعدت گبالي بالعة ريكة

-خديجه: شنو هذا؟؟

طبعت بوسة ؏ خدهاا وكمت جريت غطة خفيف ومخدة، شمرتهم بلكاع

-رحمة: اكل ونام من صبح ممخلي شي بحلكك

-أسرافيل: ماريد

نمت وبس غمضت عيوني غطيت بل نووم، حقي اذا فريت السوك فرر ورجلية صارت اخيوط من تعب نمت بسرعة..

تثاوبت بنعاس امرر عيوني ؏ الغرفة الضلمة توقف نظري ؏ الساعة بل 12:50 ڪلهة نايمة هسه اكيد شمرت الغطة وطلعت من الغرفة، البيت سنطاا، بس صوت البنكة تفترر وتصدر صوت مزعج مشيت ناوي أنزل جوا

لڪن صوت ما اعرف شلون أوصفة بلعت ريك متقدم ناحية الصوت او بل أحلى ناحية الغرفة.

يصدر من عندهاا صرير الچرباية، وصووت أهاات وأنين متألمة!!

مشيت بحذر وترقب، الباب چان مردود اقتربت اكثر باوعت من فتحة الباب، فتحت عيوني بصدمة بلعت ريكِ اباوعلهم،

ليش أبوي هيج يسوي؟؟
ليش يـمارس الـ سادية وي أمي؟؟

بقيت أباوع فاتح عيوني ؏ وسعهم، دقايق طويلة وأحتضنة الصدرة معتذر ألهاا عن ألي يسوي!!

رجعت للغرفة وتغطيت وحتى راسي غطيتة بلعت ريكِ للمرة المليون، والصارر يتكرر بعقلي مراراً وتڪراراً ماكدر افكر أو امحي الصارر أبداً

تضاهرت بل نووم ونمت، ما كعدت ألة ؏ أيد امي وهيه تهزز بية حتى اكعد، فتحت عيوني باوعتلة وتكرر الصار بعقلي..

سبحت وللبست ملابس المدرسه، و آدم سابح ولابس قبلي، والله مادري بيش الساعة يكعد الـ سچاچ

طلعنة نمشي و آدم ساكت يمشي بهدوء، وأني امشي بخبال شنو اشوف ڪدامي اشمرة برجلي، وأطلع صوت من أطلع اسحب بل حذاء سحب بحيث الحذاء يخرب من جواا يتشكك

دخلنة للمدرسة هوة راح الصفة وأني للصف مالي
دخل المعلم يشرح مركز وياة واكتب ملاحظات وأدونهن،

من خلص شرح دق الجرس ضميت الكتب بل جنطة وطلعت افرفرر بل ساحة، شفت ادم من بعيد وويا ولد كلساع وسطرة راشدي انووب شكبرة چنه بعيرر

ركضت ودفعتة عنة بكل قوة كورت ايدي وجبتة ببوكس ؏ وجهة، لزمتة كطعتة تكطع ذيج الكتلة زينة وحيلل فار دمييي صيحتت بصوت عالي

-أسرافيل: انتتتتتت شلووون تمد اييييدك علييي؟؟

-: وخررر منيي

-أسرافيل: شلوون تمد ايدج ؏ اخوووووي؟؟

دفرتة بطنة وسحبني آدم، اللهث بصوت عالي اباوعلة بحقد وهوة مدد بلكاع، ويصرخخ عبالك كاعد يطلك
ابو راس،

وطبعاً المدير انبعص وڪال بصريح العبارة ويصرخخ

-مدير: باچرر تجيبون أولياء أمورڪمم!!!

أومأت براسي بملل وطلعنة من المدرسة بعد ما انتهى الدوام

-آدم: آسف

-أسرافيل: دنجب عليمن تعتذر

استمر يمشي ساكت وصلنة للبيت وطبعاً آدم كال لأمي وأبوي امي ضلتت تلطمم

-رحمة: انت ؏ يوم تجلطني

-عباس: ليش يجلطج مو زين دافع ؏ أخوو لازم تشجعينة

-رحمة: وأشجعة اني ؏ طيحان الحظ!!

-عباس: طيحان حظ شنو بطل أسرافيل عفيه عليك من دافعت ؏ اخوك

-أسرافيل: اشكة شك الي يمد ايدة ؏ خوتيي

ابتسم أبوي بفخرر وعمامي البعران يشيلون برواحتهم ويدكونة بلكاع، ويريدون يكتلوني بس أبوي سكتهمم ضلو ينافخوون،

ثاني يوم أجوي عمامي وياي وأبوي عبالهم راح اصير عشائرياً،. دخلنة للمدير واهل ابو راس هم جاين عمامة
وضلو يحجون ڪال أبو

-: اعتذرو البعض لأن اثنينكم غلطانين

باوعتلة بسخرية اني اعتذر من أبو راس؟؟
شبية تخبلت، مستعد يكصون راسي وما اعتذرلة!!

-أسرافيل: خلي هوة يعتذر أول

-: وأنتَ تعتذرلة همم؟

-أسرافيل: خوش بس بشررط

-ابو حسن: تتشرط بلة شنو الشرط؟

-أسرافيل: خلي يعتذر لأدم عشر مرات واني اعتذرلة

تقدم ابو راس من ادم وكرر الأعتذار عشر مرات بل مضبوط وادم يباوعلي، مبتسم، من خلص اعتذار حمحمت وطڪيتهة برڪضة

عمي للزمني دفرتة وشردت اركض طلعت من المدرسه
ماعرف كم دقيقة صارلي اركض، بس أهم شي ما اعتذرلة،

وصلت للبيت ودخلت جفتت، شافتني امي ولطمت امي شغلتة هنا بس تلطمم، وتبچي وتصيح علي

-رحمة: ولك شجابك ابوك عمامك وين؟؟

-أسرافيل: هسه جاين وراي صبيلي ريوك جوعان

سوتلي للفة جبن وچاي، وانطتهم ألي كعدت بلكاع أكل
ودخلوو عمامي وأبوي، شافوني لو تخبلوو

-أسرافيل: أكمل اكل وكتلوني

-عباس: محد ألة حق يكتلك كمل أكلك ابني

ابتسمت وهمة ضلو يحجون ؏ أبوي عضيت للفة اباوعلهم بخبث وهمة يتخبلوون..

مررت الأيـام وبڪل مرة اتسلسل واروح قرب باب الغرفة وأباوعلهم بتمعاً،

حبيت الموضوع ما اعرف ليش بس ردتت أجربة بكل طررق، صادقتت شخص وهوة شرحلي شنو معنة
الـ " ساديـة " وعرفني ؏ أدواتة ومنين اكدر اشترية ويشرحلي الوضع واني استمع ألة بتركيزز تـاام

وبيوم من الأيـام رجعت للبيت وأشوف ههواي ناس مجتمعة حول بيتنة وصريخ عالي، ركضت للبيت دخلت
وأشوف امي ملخة روحهة تملخ وتبچي وتصرخ وضعها يكزبرر الجلد بلعت ريكِ احاول اعرف ليش ليش هيج وضعهاا؟؟

للزمت أدم المنهار بل بچي وسألتة

-أسرافيل: شكوو ادم أصاااير؟؟

جاوبني وهوة يشهك بل بچي وكلماتة ما مفهومة ابداً

-آدم: أب..  أب..

-أسرافيل: شبيببك احجيي عدددل

اخذ نفس عميق وجاوب ههل مرة بطريقة واضحة

-آدم: أبوي ماات

انصدمت بالع ما بجوفي بعدم تصدييق فركت وجهي بصدمة استوعب الي ڪالة، وللأسف شديد استوعبت
بچيت وصرختت من أعماق روحي، ومشدد حضني ؏ امي وهيه حاضنتنيي

جروني جرر من حضن امي وطلعوني براا.
وچانت أيـام لا تطاق تڪئبت بعد وفاة أبوي وحيل توكحت وما اخاف من اكبر واحد، تبلدت مشاعرري وما أحس بأي شعور أن ڪان الألم او الفرح..

اهم شي عندي اشوف اخواني وأمي فرحانين وكاعدين بسلام وهذا شي ما تحقق،

اشتغلت بمحل مال فلافل، واشتغلت ڪلشي بختصار
آدم هم اشتغل نجمع فلوس ونضمهن..
وامي چانت تبيع ڪبة وطرشي وتخبز للناس.

صاحتني مرت عميي فد اڪرهة ولله ولا تنطااق كالت وهيه طلع أللفين مدري شكد من صدرهاا كايلة

-سندس: روحح جيبنة عدس

باوعت للألف الي بيدة بقررف لزمتهم من طرف ابتسمت بمڪر اباوعلة

-أسرافيل: يابة مو تدللين

طلعت من البيت وامي تسأل بية وين رايحح شمرت الفلوس ؏ ميز ڪايل

-أسرافيل: كيلوو عدس

اخذ الفلوس يباوعلي من فوك للي جوا أنطاني چيس عدس اخذتة وطلعت زرفت الچيس ومشيت بحيث يروح نصة للعدس ويرجع ألهم ما يكفي ڪلاص

واعتمدت ههل طريقة خبثاً، شمرت جيس ؏ كاونتر شافت چيس بي شوية

-سندس: شنووو ههاي بيش جايب انتَ

-أسرافيل: هوة ڪيلو عدس

گلبت الچيس وشافتة مزروف باوعتلي بشك كايلة

-سندس: هذا مزروف

-أسرافيل: لا يااا ساافل أنطانياا مزروف الغشااش

تصنعت العصبية وهيه صدكتني ديلة عساها لا صدكت
رحت ادرس وساد الباب ما أسمع اي شي،

دقايق وانفتح الباب بهمجية رفعت راسي وچان عمي كال بصياح

-ابو حسن: انيي مو أصيحك ليش ما تجي؟

-أسرافيل: ما سمعتك

اردفت كلماتي بملل وعدم مبالاة، اشو هذا قفل الباب ونزع أحزامة، هذا بس لا عبالة أخاف؟؟

سديت ڪتبي وخليتهم ؏ صفحة، حسيت بل حزام طبع ؏ جلدي بقيت ساكت اباوع نقطة الفراغ، يريدني اصرخ وأبچي وأتوسلة ما يضربني مو عبالة اني حسن

فحط يلهث باوع الـ ملامح وجهي جامدة بتعجب كايل

-ابو حسن: المتوحد ابو حالة نفسية مسوودن

باوعتلة بجمود سطرني راشدي وخشمي طك دم رفعت عيوني ڪايل ببتسامة

-أسرافيل: والله ألة أندمك واطلعهن وحدة وحدة

دفرني وطلع من الغرفة مسحت الدم ورجعت ادرس وڪأن شيء لم يڪن واباوع للحزام تگطع وجسمي يجري دم، بس تجاهلت ههل شي

نجحت ورحت الـ غيرر صف، رجعت من المدرسة للبيت واسمع صوت امي وعمي وادم يتعارڪون دخلت واسمع ؏ شنو يحجون بل ضبط؟؟

-سالم: اي شلووون تشتغللل ابـ مطعمم؟؟

-آدم: ليش عمي عيب لو حرام؟؟

-سالم: لاااا المصرووف تجيبة تنطي ألي

-رحمة: ليش خوية ينطي ألك غير يصرف ؏ اخوتة

-سالم: ينطي ألي واني اتصرف بي

-أسرافيل: لا والله اخااف ما تقبلل؟

-سالم: اصلاً اني راح اعقد ؏ امكم وتصيرون تحت رحمتي!!

-رحمة: المصروف ما ننطي ألك بصفتك شنو حتى ننطي ألك انت تعبان ومشتغل لاء بعد ليش ننطي ألك واني ما اريدك تعقد علي مشكور

تعجبت من أجة يريد يڪتل أمي دفعتة بقووة وضربتة بوڪس ؏ وجهة هوة من سويت هيج تخبل وهوة اڪبر واضخم منيي دفعني وكعد فوكاي يضرب بية بوكسيات

دفعتة بكل قوتة تفلت علي ودفرتة بطنة حيلل
واللهث بصوت عالي سحبتني امي دخلتني الغرفة وقفلت الباب واني اصيحح بصووت عالي تفتح الباب

وجهي ڪلهة ينزف دم، بصقت الدم بلكاع، دفرت الكنتور واسحب بشعري حيلل بحيث نصة طاح بيدي

-أسرافيل: والله أندمڪم واحد واحد!!

بعد ساعات امي فتحت الباب حضنتني صدرهاا وتبچي
دخل ادم وايهم وخديجة وشهد ذول ثنين يبچون وادم مقهور

-رحمة: لمو ملابسكم بسرعه

ابتعدت عنهة اباوعلة بستغراب وين تريد بينة كلت

-أسرافيل: وين نروح؟؟

-رحمة: بعت ذهبي والفلوس الجمعناهة البارحه اشتريت بيت قابل اخليكم تحت رحمتهم

وبل فعل اخذنة غراضنة وشلنة للبيت وچان بيت بسيط ؏ ڪدنة،

اتغيرت حياتنة وكل واحد للزملة شغلة يشتغل بية حتى منعتاز الأحد ڪبرناا وتخرجنة، واني صرت ضابط
وآدم صار تاجر سيارات شهد تزوجت، وخدو تدرس وايهم يدرس..

دخلت للملاهي وصرت أطبق الي بعدة مترسخ بااليي
جربت وحبيت هذا الشي!!

واني ڪلت ونفذت وبل فعل ندمتهم واحد واحد!!
؏ السواا بيـة،

يتبع..

وهذا قصـة أسرافيل والـ شي دفعة يصير بهل سادية وچان الجزء الأڪبر همة عمامة، لأن چانو حيل حيل قاسين وي ؏ اي غلط يڪتلونة ڪتل مال موت وما يتركونة الة يفقد الوعي وهل شي ما ذڪرتة..

وهم اعرف بل بـارت قصير بس الله ڪريم أن شاءلله انزل ألڪم بارت بأقرب وقت ♥..

لا تنسون متابعتي ؏ انستغرام