رواية وحش بابل الفصل الحادي وثلاثون 31 - بقلم ايات محمد

مـرحبااا گليباتي..

لا تنسون ألـ تصويت، تعليق، متابعة الحسابي 🖤🦋..

#وحش_بابل

ـــــــــــــــــــــــــــــــــــــــــــــــــــــــــــــــ

فزيت ؏ اشعة الشمس تضرب بوجهي عقچت ملامح وجهي بأنزعاج، تثاوبت بنعس حاربت شمس بأيدي وحاولت احرك جسمي أريد بس اتحرك وڪأن قيود من حديد حاجزتني،

ألتفت، باوعتلة ناام ؏ بطنة من تحركت، وضهرة عاري
رفعت أيدي ومشيتة ؏ ضهرة بحركة دوائر وهمية، بتجاة الـ وشم، چان عبارة عن دائرة وبداخلة نجمة، صعدت أيدي ؏ وشم رڪبتة عبارة عن -3- حروف بل للغة الأنكليزية..

حرك ضهرة بأنزعاج رادف بصوت ناعس وبحة ممتلكة حنجرتة

-أيدج بطوط

فزيت واني عبالي نايم، كمت من مكاني فتحت باب الكنتور سحبت دشداشة ودخلت للحمام، اخذت حمام سريع، طلعت للافة المنشفة ؏ راسي

رفعت راسي وشفتة منتچي ؏ راس الچرباية وجڪارة تتوسط شفايفة ومركز بنقطة الفراغ، شعرة مبعثر، وعيونة ناعسة، صدري عاري

-صباح النور

رفع راسة بتجاهي نفث دخل رادف بصوتة الخشن

-صباح الخير نازلة؟؟

-أي

-گهوة مرة تعدل راسي

-صار

طلعت سادة الباب وراي، نزلت جوا صبحت ؏ ڪل وايهم مة اعرف شبي زعلان، عابس ملامح وجهة باوعتلة وهوة كاعد مدري شبي، سويت گهوة وصعدتة الـ اسرافيل، طلع من الحمام ينشف بشعرة، حطيت الگهوة ؏ طاولة ببتسامة هادئة،

ههاي بعدنة بيوم جديد بدون مشاكل وعرك ومكافش من الروس، نزلت جوا دخلت للمطبخ وسويت للفة جبن
سويت للفتين وصبيت ڪوبين چااي، تقدمت وكعدت بصف أيهم قدمتلة أللفة وچاي

-جوارح: أتفضل

-أيهم: بس ما ڪتلچ

-جوارح: ادري بيك ممتريك اخذ من أيدي

ابتسم ابتسامة حلوة واخذ چاي وللفة كال بنفس أبتسامتة 

-ايهم: عاشت ايدج

-جوارح: تدلل أحم شبيك اليوم ضايج؟

-ايهم: مخنوك شلون عرفتي؟

-جوارح: ما حاجة اعرف مبين كل يوم عركك وي جود
؏ جبنة ابو الولد يوصلني للغرفة

-ايهم: هههههههه سوالج شي؟

-جوارح: لا زعلانة منة

اختفت أبتسامتة وڪال عاقد مابين حواجبة بعدم رضاا

-ايهم: حيل حيل مو شوية اني اخو شلون يشك بية؟!!

-جوارح: اني أسفة بل نيابة عنة لتزعل منة

-ايهم: انتِ المكرودة شلون متحملتة مادري لأن صيح علي ليل كلة ما نمتة شنو متحملة بس الله يعلم

ابتسمت أبتسامة حزينة، دنكت راسي والغصة وكفت بلعومي، ودي اكعد وافضفض ڪلشي وشلون يعاملني يضربني ويعنفني واني صغيرة وطفلة مو واعية حتى سن القانون مداخلتة،

-ايهم: شبيج صفنتي؟؟

-جوارح: لا ولا شي كمل للفتك خالتي وين؟

-ايهم: امي طلعت للسوك دكول محتاجة كم شغله وخدو حوزة بل دوام ورقية عند اهلهة

-جوارح: هااة يعني بس اني وياك واسرافيل بل بيت

-ايهم: اي وراح اطلع اني

-جوارح: تمام براحتك

-أيهم: الج لو لذيب

-جوارح: أمر يخسة الذيب

-ايهم: هوة خجلان منج بس مرت اخوي تمونين علي

اباوعلة ببتسامة، وهوة خجلان أول مره اشوفة خجلان وصار الفضول عندي ألف شنو الموضوع الخجلة..

-جوارح: لا ولو ازعل عليك ترا ڪول

-ايهم: عندي قمصان أثنين لدوام رصاصي وأبيض وما اعرف اغسلهن بيدي وذا بل غسالة يچعلكن

-جوارح: صار أدلل هسه اغسل ملابس أسرافيل واغسل قمصانك بطريقي

-أيهم: تسلمين اجيبلج شي وياي؟؟

-جوارح: لا تسلم

-أيهم: اوكِ

طلع من البيت زفرت انفاسي بتنهيدة طويلة، بلشت انظف بل بيت وروقية غاسلة المواعين، طلعت للحم من الفريز وخليتة بمي حار حتى يموع، طلعت بامية سويتة وخليتة ؏ صفحة، رتبت الصالة والأستقبال وشغلت المبخرة خليت بداخلة بخور

رجعت للمطبخ بعدني هسه اريد أبلش بل طبخ وسمعت صوت خطواتة ؏ درج، ذبيت الـ مي مال للحم، دخل للمطبخ أتڪئ ؏ باب رادف

-وين أهلي؟

-كلهم طالعين

-أضلين وحدج اريد أطلع

بلعت ريكِ خايفة، اخاف أبقة وحدي بل بيت واتخيل أشياء نوب تطفة الڪهرباء ويطلعلي جني ويخبلني، وأخاف أبقة وياة شيطان يلعب براسة وبس الله اليستر من سوالفة،

-هاة اطلع هسة تجي خالتي

باوعلي رادف بشك: متأڪدة؟؟

-اي

أومأ براسة وطلع من المطبخ والبيت كلة، وبين الخايفة وبين الـ اشجع بنفسي وأكول عادي وذاا، للهيت نفسي بشغل منتبهت للساعة، ڪملت الشغل كلة بقة بس العجين والخبز ما اعرف لا أعجن ولا أخبز، قبل أذان الضهر تقريباً بـساعة، دخلت خالتي ومحملة بل علاليك
وجهة أحمر والعرك يتصبب من جبينة من الحرر، اباوعلة تلهث من العطش،

-گواج الله خالة

-گوة حيلج يـووم أنطيني اكلاص مي

صبيت بكلاص مي دافي وقدمتة ألة شربتة وعقچت ملامح وجهة كايلة

-ولج حارر

-اي خالة ميصير تشربين مي بارد حيل وانتِ الشمس جايسة دمج يصير عندج تجلط اسم الله عليج

-يااا يمة عفيه بناتي تعالِ ولج جبتلج كم شغلة

أبتسمت، كعدت بصفة وطلعت أشكال والوان من العلاليك واني أخذني الواهس وياهة، طلعت سمج ودجاج، ومسواك مال بيت، طلعت قطع أقماش وطلعت گلبيات جاهزة، أشرت عليهن ڪايلة

-هاي الصفرة ألج والوردية الخديجة وزركة الرقية

-شكراً خالة

-هاي العلاكة الج هم بية ملابس داخلية وفساتين نوم
وشغلات الشهرية

عضيت شفتي سفلية بأحراج وهيه مبتسمة خجلت حيل، وفشلانة هم تصرف من يمة وزوجي ما يكلف نفسه، طبعت بوسة ؏ راسة وخليت قطعة القماش يمة ڪالت انطيه للخياطة، أذن أذان الضهر ودخلت خدو

••

مدنكة راسي اڪتب امتحانات اخير السنة وجو حارر يسمط سمط، بينماا المراقب يفتر فوك روسنة وطبعاً منو غيرة بنيامين، بقة بل قاعة كم طالب تقريباً خمس طلاب أقل،

باوعت لأجوبتي وهوة چان مزاجة عال العال يساعد بل طلاب وطبعاً ههاي مو عادتة أبداً، بس يمكن لأن حارة تكتل كال اساعدهم حتى يطلعون بسرعة

بعد ما تأكدت من أجوبتي كمت أسلم الورقة أنطيتة ألة
للزم أيدي ويباوعلي ببتسامة أبتسمت بأحراج، واريد افلت أيدي منة كلش عيبب منا طلاب، عضيت شفتي بأحراج سألت طالبة

:- شلون اخذتة دڪتور؟؟

كال وعيونة طالعني، حرفياً اتمنيت الكاع تنشك وتبلعني دائماً يخليني ابـ مواقف بايخة

-بنيامين: حبيتة وأخذتة غصباً عن الكل وغصباً علية هم

وهيه تباوعلة تريد تاكلة بعيونة والله، شي طبيعي لأن عندة ڪاريزماا حلوة وشخصيتة حلوة حقة تنعجب بي صراحه، كالت بكل وقاحة

:- شلون تتقبلة يجوز تحب غيرك

فتحت عيوني بصدمة، ضغط ؏ أيدي، محسيت غير شفايفة طبڪت ؏ شفايفي، صدمتي بهل للحظة درجة أجة يغمى علي من الأحراج ولله، ابتعدت عنة مخلية ايدي ؏ شفايفي ومصدومة ڪدام طلااااب كال

-بنيامين: لا ما أتوقع تحب غيري لو تحب ما تخليني اضوك هيج عسل

اريد أفلت ايدي حتى اشرد من القاعة بس هوة للزمة
طلعو طلاب مسلمين أوراقهم، ضربتة بقبضة أيدي ؏ صدرة ڪايلة

-خديجه: مو عيب تسوي هيج هسه شيكولون علينة فلا تستحي انت ولله هسه يأللفن قصص

يمشي واني أمشي بصفة وأحجي بحركة گلب وهوة يستمع وأبتسامة هادئة نامية ؏ ثغرة، طنڪرت ومحجيت وياة بعد، صعدت سيارتة غصب عني وهوة يحاول يحجي وياي

-بنيامين: بناتيي خدوو

مجاوبتة وهوة يتلحلح، حيل عيب الـ سواا وابداً ميتسولف بي،

-بنيامين: خدو باوعيلي

رفضت وأباوع ؏ كلشي بسيارة عداا هوة طبعاً، اباوع للطريق بلعت ريك خايفه من صف السيارة بمڪان خالي من أي بشرر، ألتفت ألة والأفكار الشيطانية كلهة تجمعت بعقلي، والله ڪال بحنان

-بنيامين: آسف والله بس شسوي ما اكدر ألزم روحي  يمج اتمنى اليوم حلاالي وبغرفتي

-خديجه: بس عيب سويتة

-بنيامين: أسف بناتي

أبتسمت وقررت أسامحة، طبع بوسة ؏ أيدي وحرك السيارة بتجاة بيتنة،

-أنزل وياي اتغدى

-لا بناتي بل عافية

ودعتة ودخلت للبيت لڪيت بطة مسوية غدا وماما مشترية قطع أقماش وگليبات...

••

رفعت خدو قطعة القماش وتخلية ؏ راسة تشوفة تصيرالة لو لاء ڪالت

-خديجة: عدمن تخيطينة؟؟

-رحمة: ولج مو ڪتلج عند مريم

-خديجة: يـمااا اريدة فستان مو تخربينة

-رحمة: لا اشرط علية شرط

خلت قطعة القماش وصعدت تغير ملابسة، خالتي صبت غدة وأني سويت تشريب، لأن تشريب البامية كلش طيبة، ولا يعلا علية شيء،

لڪل سحب كرسي وكعد ياكل، وأباوع الـ أيهم حيل حازة بخاطرة من ورا أسرافيل، يكسر گلبي أيهم من أشوفة زعلان وهوة روحة رياضية وصوت ضحڪتة مالية البيت أردفت

-جوارح: أحم أسرافيل

-أسرافيل: هممم؟

-جوارح: أريدك تعتذر من أيهم

اردفت ڪلماتي بتردد، لكل رفع راسة من الأكل يباوعلي وهوة أولهم، عيونة لو چانت رصاصة فهي أول من يخترق جبيني، واعرف ويقينة بهل شي، لوما همة موجودين يذبحني وميعتذر

-أسرافيل: ليش؟؟

-جوارح: أمس عيطت علي بسببي اني ورغم ما سوا فقط للزمني حتى لا أوكع

يحرك بل سڪين بشكل دائري، ويحجي بصوت بارد وعدم مبالاة مرسومة رسم بؤبؤة عينية.

-أسرافيل: وذنبة لزمج ليش يلزم شي من ممتلكاتي الخاصة؟

باوعتلة بتعجب شنو هذا من أنسان؟؟
رفعت عيوني الـ أيهم واردفت

-جوارح: تعتذر منة أسرافيل اخوك زعلان منك حتى لو اصغر منك العتذار مراح يقلل من قيمتك ولا شهامتك بلعكس العتذار يزيد المحبة

-أسرافيل: اكلي وأنچبي

وڪفت وكلت بصوت متعذر، وحنون وعيوني طالع أيهم، حيل اعزة والله وما اتحمل اشوفة زعلان..

-جوارح: اني أسفة ايهم بل نيابة عنة اعتذر منك مچان قصدة بس هوة يغار اتمنى تتقبل أعتذاري

-أيهم: شبيج بطوط خيتي لا دكولين هيج عليمن تعتذرين مني اني ما زعلان 

-جوارح: حتى لو اني اعرفك والله

سحبني من من أكمام دشداشتي وڪعدني كال بغضب مكتوم

-أسرافيل: ماكو داعي لهل دراما كلة

نترت ايدي منة: مو دراما بس اني اعز أيهم ما اتحمل يضل زعلان من عدنة

-أسرافيل: ڪعدددي

حجة بغضب مكتوم وگوة مصبر نفسة ميكوم يسحلني كدامهم، كعدت حفاضاً ؏ نفسي و؏ كرامتي، كدام أهلة
خلصنة غدة وهوة نظرات التوعد بعيونة يوجهة ناحيتي،

خدو غسلت المواعين واني أنظف بل مطبخ ونسولف ؏ دڪتور، بأثناء ما نغسل ونعزل دخل ايهم بوجهة البشوش ولازم بيدة علاكة

-خديجة: شنو هذا شجايب؟

-ايهم: أشكال وألوان اليوم نسهر شرايجن

-خديجة: وبطوط

-جوارح: اني زعلانة منة اسهر وياكم غصباً علي

-خديجة: خرب يومج انتِ ناوية ؏ موتج أكيد

ضحكت وأيهم ضحك ؏ واهس، لملمنة البيت اني وخدو، وضهريات ڪعدنة نسولف اني وياهة هيه تسولف ؏ دكتور واني مخلية أيدي جوة خدي واستمع ألة سوالفهم حلووة هيه ودكتور

رحنة أنسوي عشة وأذن أذان المغرب توضيت وصليت
صبينة عشة، ورحت كعدت يم خدو وأسرافيل ضل كاعد للوحدة، همست خدو

-خديجة: هاة صدك سويتة

-جوارح: أي احسنن هيج

-خديجة: هههههههه مينلام بيج من يكلج بربوك

-جوارح: عادي اهم شي البراسي أسوي

هيه تشاورني وأني أشاورة بهمس ولكل يباوعلنة بستغراب، كالت خالة

-رحمة: شو تبسبن خيرر

-خديجة: لا يـووم ماكو شي نحجي عادي

-رحمة: أهاا أكلن مو بعد شوية ومتن من جوع

-خديجة: أحمم أسرافيل

ألق علية نظرة سريعة ورجع نظرة للأكل الكدامة صدرت منة همهمات

-أسرافيل: همم؟؟

-خديجة: شوف أريد احاجيك بموضوع

-أسرافيل: غردي

-خديجة: شوف بطوط مو تبقة وحدهاا خطيه شرايك تقدم الة ؏ مدرسة أهلي وتخلية تكمل دراسة

غصيت بـ للكمتي أبداً ممفكرة بـ موضوع الدراسة والفرحة البداخلي متنوصف، اترقبت ردة فعلة وشنو يكوول

-أسرافيل: اكيد مرفوض هل شي

-آدم: اني اخوك الجبير واكلك رجعهاا خطيه تضوج

-أسرافيل: مرتي حر بية اريد ارجعها اخلية أموتة أدفنة محد ألة شي يمي

بلعت للڪمة بلگوة وحسيت بل كل سمع گلبي وهوة يتكسر الـ قطع صغيرة، انهضمت حيل، ودمعة وكفت بطرف عيني، لو كايل بس مرفوض ولا كلماتة المريرة
يحجي وياي هيج لأن معندي احد وراي لا عم ولا خال
لو عندي أهل محجة هيج وياي ولا فتح حلكة

ڪمت من مكاني ودمعة بطرف عيني بس ارمش توكع
ابتسمت أبتسامة متصنعة، أبتسامة مليئة بل حزن والخيبة،

-أسرافيل: كعدي كملي أكلج ماكو داعي لهل عيارة

مسمعت كلامة رحت للمطبخ، اتمنيت الموت ولا اكون بهل موقف البشع، اتمنيت الموت من ڪل گلبي فتحت الحنفية عبيت ادية مي وشمرتة ؏ وجهي وشمرت مي ؏ صدري في سبيل تطفة النار الـ بگلبي

حسيت بأحد وراي مسحت وجهي بشالي، خليت چاي ؏ نار، واسمع صوت خدو القلق

-خديجة: بيج شي

-جوارح: لا يروحي ليش ما كملتي أكلج؟

-خديجة: لا تزعلين منة جوارح

أبتسمت بوجع، والغصة واكفة بلعومي اردفت بصوت هادئ

-جوارح: لا ما أزعل منة اتعودت ؏ وضع هوة مستهين
بية راكبني رڪوب يدري بية لا أب لا أم ولا عم ولا خال

-خديجة: مو هيج والله بس هوة متملك اني لو أدري هيج يأذيج بكلامة محجيت بس كسرتي خاطري اليوم وحدج بل بيت

-جوارح: لا عادي مو مشكلة هوة ما يفرق عن عمي بشي ألة شي واحد

-خديجة: وهوة؟؟

سڪتت، اجيت أجفص وافرغ كل الـ بگلبي، وضاغط ؏ روحي، لاحظت هل شي وكالت

-خديجة: شبيج احجي اني اختج ولله كل حرف ما يطلع ابد

-جوارح: مو هسه احجيلج لا يدخل علينة أحد

أبتسمت بوجهة أطمنة مبية شي صاحح أدم ؏ چااي

-آدم: كملتنن الچااي بناااات

-جوارح: اي خووية أجيتك

-خديجة: ادم يريد يطلع وصاح ؏ چااي

-جوارح: هااة تمام خدر هاج  بس صبي

-خديجة: تمام

خذت چاي وراحت للصالة مسحت طباخ لأن فار چااي وكع ؏ طباخ، غسلت الوصلة وشريتة، كعدت يم خدوو تصب چاي وايهم كاعد گبالنة يسولف ڪال بعيطة

-ايهم: بعدنة ؏ اتفاقنة ولجنن

-خديجة: ههههه أي بعدنة بس بطوط مدري

-جوارح: لا وياكم اكيد

-أسرافيل: وينن؟؟

باوعتلة ببرود وأردفت بنفس نبرة صوتة  وأتجاهبة

-جوارح: أنريد نباوع ؏ فلم رعب نازل قبل فترة

-أسرافيل: وتسهرين وياهم؟

-جوارح: أي وماكو لا طلعه بل شارع ولا مشية لا ستقبال

همهم بتفهم، ارتشف من چاي، گلبي حيل محمل علي
خلصو شرب چاي وطشوو، ادم طلع، وللعشرة بليل رجع للف راسة ونام، وخالتي للفت راسهة ونامت، وأسرافيل مدري وين ولة، طفينة لأضوية مال صالة

سويت بوشاار، وخلينة الـ كرزات والعصاير، وحب كعدنة عيونة بل فلم طلع فلم رعب يخووف، والله

مديت ايدي بل بوشاار ودعست بحلكي، الفلم حيل يخوف واحد داعس روحة بل ثاني الأضوية كلهة طافية والوقت متأخّر، وهدووء،

اباوع الـ خديجة مخلية ايدة ؏ عيونة وموخرة اصبع واحد حتى تشوف، واني مچلبة بيهة وعيوني تبصبص بل صاالة، وأيهم حلڪة متروس بوشاار ويباوع بخوف

بلعت ريك خايفة وطلع صوت مرعب من الفلم، رفعت عيوني ؏ الباب وشفت خيال اسود طويل، صرختت بصوووت عااليي

-يـمـاااااااااااااااا

صاارر صريخخ مالة واالي، وأيهم عود زلمتنة فاتح حلكة ويصرخخ بصووت عاااليي،

انفتح الگلوب وچاان أسرافيل خزرنة بعصبية خليت ايدي ؏ گلبي، يمة الهبطة الأكلتة، وأيهم ساحت روحة
ڪالت خدو بخوف وهبطة

-خديجة: موتتنة شل قصة دسوي حركة أصخام

خزرهاا، ومشة متعدينة وبيدة علاكة واني ايدي ؏ گلبي، أردف

-أسرافيل: تعالِ وراي

-جوارح: ماااا اڪمل الفلم يالله

-خديجة: خلينة انكمل ونام كلنة

-أسرافيل: ڪومييييي

عاط واني ضليت كاعدة بأعناد وذا عاط صار روتين يومي استغفر بهمس وأجة شالني من أيدي، وسحلني واني عيوني ؏ الفلم، وهوة يصعد بية الدرج

-جوارح: باچر ألزمج من بلعومج إذا متحجيلي أصار

-خديجة: ههههه اي

أحجي بصياح، وأيهم يسويلي بيباي بيدة، دفر الباب وشمرني ؏ چرباية، عدلت كعدتي كال

-من أحجي وياج كدام أهلي تنفذين فهمتي

-اني مو عبدة عندك فهمت اتمشيني مثل ما تريد ولا أني جارية عندك بس وقت شهوتك تجيني وقت اريد شي منك أبسط شي طلعة للسوك وي البنات حارمني منة وكلة جوابك بس لااااا عبالك متعرف غير كلمة

-تررردين اديحييين يعني!!

-اي حالي حاال البنات هم عندي ذوق وهم عندي نفس
وهم عندي احلام اطلع امشي اشتري ؏ ذوقي اشتري شي يعجبني ليش تجيبولي شي غصب عني اتقبلة كان عاجبني او معاجبني

-ولجججج معيشج عيشة الملوك جبتج من زبالة وحطيتج بيت نظيف شريف طاهر وهسه تتفكسين وتكولين تجيبولي وتردين تشترين ؏ ذوقج

احس فتح گلبي ورش علي ملح، باوعتلة بالعة ريكي بصعوبة، أومات براسي، نزعت شالي ومشيت ناحية چرباية دخلت جوا للحاف، غمضت عيوني،

وگلبي يوجعني حيلل يوجعني ڪلامة جارحح، حيل جارحح، اريد اختفي من الوجود ماريد اشوفة تعبت وطاقتي نفذتت،

اشم بس ريحة الدخاان، احتاج افضفض أحجي الـ بداخلي، كمت من مكاني، اخذت شالي وشمرتة ؏، اسي
مباوعتلة، طلعت من الغرفة، ورحت الغرفة خدوو طرقت الباب،

••

ضحڪت من اسرافيل صعدة سحل، خلص الفلم وكمت
رايحه اللغرفتي، تمددت أگلب بل تليفون، انطرق الباب طرقات خفيفة، انفتح الباب وچانت بطة استغربت أباوعلة وجهة وضعة ميطمن اردفت ببتسامة

-بعدج ڪاعدة؟؟

بچت مخلية أيدة ؏ حلكة، ودموعة تنهمر ؏ خدها
باوعتلة بقلق وخوف شبية؟؟ ڪالت

-فدوه اريد احجي وياج والله راح أموت

كمت من مكاني للزمة ايدهاا واردفت بالعة ريكي

-أسم الله شبيج تشهكين تعالي

-بس احلفي متحجين لأحد

-ما اكول والله يشهد علي

سديت الباب كعدت بلڪاع، مسحت دموعة ثنيت رجلية گبالة أباوعلة ومنتظرتة تحجي، حيل كاسرة خاطري ههل بنية

-تعبت خديجة تعبتت والله

-احجي يروحي شبيج؟؟

-تعبت والله من تصرفات أخوج يحجي ويضرب ويملخ
بية أتملخ لأن ما عندي ضهر أستند علي ولا عندي واحد يدافع عني

-لدڪولين هيج

-اخوج خديجة اخوج يمارس السادية وياي

انصدمت مخلي أيدي ؏ حلكي بصدمة، فعلاً انصدمت ومعندي أي كلمات اكولهن كملت كلامهة ببكاء

-يمارس وياي سادية والتعذيب بحيث اموت وأعدل جوة أيدة و وأفقد الوعي مرتين تلاثة بيدة وهوة ما يهمة اهم شي يكمل شغلتة وساديتة وياي

احتاريت أشلون أواسية شنو احجي شنو أكولهة ويخفف عنة، واني اكول شبية البنية بين فترة وفترة تذبل حيل، نزلت دموعي ابچي ؏ حالة وليش هيه للحد لأن ساكتة كملت كلامهة كايلة

-ألمن احجي المن اكوول أبني خسرتة بسبب سادية اخوج الدكتورة كالتلة ما تتقرب ألة مدة 3 اشهر وهوة من أول اسبوعين طبق ساديتة علية وكع أبني صح جنت ما رايدتة واريد أنزلة بس والله للحظت غضب من اخوج وتصرفاتة

هزيت راسي بمعنى ڪملي، ودموعي خذت مجراهاا ؏ خدودي

-يربطني ويعذبني ويچويني ويضربني بل احزام كلشي سواا بية شوفي شوفي ههاي قبل يومين

رفعت الدشداشة وطلعت فخذهاا بي طبعات احزام وچوية جڪارة، وعلمات بلون الأزرك،

-ههاي من شوكت هيج؟؟

-من أول ما عقد علية لليوم للحد أول البارحه هوة نفس الشي وهسه هسه يعيرني يكلي جبتج من زبالة
للبيت شريف وطاهر ساعديني خديجه ساعديني

أخذتة بحضني أحتاريت شنو اڪوول؟؟
بشنو أساعدة حتى تتخلص منة.؟؟

-اريد اشرد بس ساعديني اشرد

-عزا العزاج ما تووبين هذيج المرة شسواا بيج

-موتنيي بس والله بعد ما أتحمل والله اخاف من هدوئة قبل عصبيتة اخاف منة مرات من يلفني بحضنة
اكول هسه يسوي شي أخاف من كلشي حتى من اشوفة يدخن جكارة اطلع من الغرفة اخاف يچويني بية

وكعت دمعتي، حاضنتة الـ صدري تبچي وتحجي

-لازم دكولين لأمي ؏ هل موضوع لازم يتعالج وبعدين اشردين وين تروحين؟

-وين ما عدا الله ڪاع

-جوارح الي برا وحوش بشرية وحوش مو وحش واحد
الي يمج وحش واحد بس اخوي اما برة محد يرحمج اتضلين من واحد الواحد حتى لو بمكان نظيف حتى لو مو شرط شي وصخ بس وين ترحين شنو تاكلين اشربين وانتِ بنت اصغيرة وحلوة كلة تستغلج وكولة دكول انتِ الي

-بس اني اكدر احافظ ؏ نفسي

-اتكدرين اعرف بس يجي واحد يقشمرج وانتِ فاهية
يعني فرضاً رحتي تشتغلين بـ مطعم ما يستغلج ابو المطعم ويكلج انطيني وأشغلج عندي ميجي أحد ويضحك عليج!!

باوعتلي بحيررة ابتسمت بوجهة أطمنة وأردفت

-لا تحيرين ربج ما يعوف عبدة بعدج أتصلين؟؟

-اي والله أصلي مترڪتهة بس مرات يلزمني وقت صلاة وأصلية متأخرر

-مو مشكلة اهم شي انتِ أيمانج بربج قوي ونكدر انحل كلشي

بچتتَ واردفت: ماكو حل ماكوو حل وي اخوج والله حتى ابو مرض الخبيث يلكة علاج وسالفتي مالة علاج

-لا أكوو لازم يتعالج ما يضل هيج يموتج

-اني خايفة منة يموتني والله اخوج حتى بل نجف ما يدفني يدفني بل حديقة

-هههههههه خرب يومج شماالة

-شكوول الخالتي

-احجيلة كل الحجيتي الي هسه وهوة صح عنيد وراسة يابس بس يم أمي كلشي يوكف

-خايفة خدو خايفة يأذيني

-ما يأذيج شحدة وعلي امي تسوي بي فلك

شجعتة وسويت عندهاا واهس وأمل انو يتعالج ما رجعت للغرفة، رفعت عيونهة باوعت چانت ساعة بـ
3:20

-عززززة

-هههه شوي ويأذن خل نبقة كاعدين نصلي وناام ونضل نايمين للضهر

-منو يخليني اخوج جنة شمر بن ذي الجوشن يفتر علي

-ههههههه وصف قااتل

-شحسباالج لعد

-وعلي فطيرة وفقيرة وكلشي ما تسوين بس حجي

-أمممم

-حمس ڪومييي

ضحكتت، كمنة صلينة وضلينة شوي أنسولف سويتلة مجال ونامتت بصفيي،

••

نايمة وسمعت صوت الباب تڪسررر علينة كالت خدو بفزغ وبعيونة النعاس

-سلاماً قولاً من رب الرحيم شڪوو

-أسرافيل: فتحيي الباب لا أكسررة

-جوارح: عزاا العزانييي بيش الساعة

-خديجة: دنامي خل اشوفة شيريد

-جوارح: يمعودة يسحلج ويسحلني خل اكوم

-خديجة: سوي روحج نايمة اني اكولة نامت يمي زعلانة

بلعت ريكِ وصدك سويت نفسي نايمة وهيه راحت تفتح الباب، غطيت راسي حسيت بل باب انفتح ؏ كل حيلة،

-خديجة: شنو القصة كسررت الباب

-أسرافيل: وين هاي الفاهيه؟؟

-خديجة: نايمة يمي شرايد منة؟؟

-أسرافيل: ما تنزل اريدة تسويلي گهوة تغسل ملابسي عندي واجب

-خديجة: خل تكعد وتغسلهن وهسه اني اسويلك گهوة

-أسرافيل: وخري خديجه حتى لا تلوحج طرطوشة

-خديجه: خلية أسرافيل شرايد منة ياااا عوف البنية خطية

حسيت بي شالني سويت روحي نايمة وخدو تصيح ورا عوفهاا وعوفهاا ما قصررت، حسيت بـ عمودي الفقري
انكسر من قوة الشمرة، شمرني ؏ چرباية فتحت عيوني اباوعلة ڪاال

-أسرافيل: طلعة من الغرفه بعد ماكوو

-جوارح: مووووو بكيفككك والله انتحرر تعرف شنو يعني انتحرررر

-أسرافيل: ولججججج

-انتتتتت الوصلتني لهل مرحلة خليتني افكر بل مووت
وبس خليتني افكرر بشي يعصيي الله بس موو بيدي جحيم الله ولا جحيمك

باوعلي وعيونة تتفحص ملامح وجهي ڪال بصوت هادئ

-لهل درجة كارهتني؟

-وأكثرر وأكثررر خليتني اكرهك كد ما تعلقت بيك ذيج الفترة تعبت منك من صدك تعبتت منك جسمي كمت حتى من تضربني شي عادي عندي كمت ما احس جلدي تعود واني الجنت من للزمة ايدك جسمي يصير ازرك

تنفستت بصوت عالي وصدري يعلوو ويهبط خلاني بنص ناري وطلع كعدت بلكاع وفكرة تاخذني وفكرة تجيبني كمت سبحتت بلكت تهدئ نار گلبي، نزلت جوا وأشوف خدو تقضم بأضافرة بتوتر للزمتني كايلة بقلق

-خديجة: شسوالج خوما سوالج شي ما عذبج

-جوارح: لا مسوالي شي

-خديجة: متأكدة

-جوارح: والله شبيج ههاي اني يمج

-ايهم: شيسويلة شبيجن؟؟

بلعت ريك التفت ببتسامة وخدو احتارت شدگوول انوب بس لا سمع حديثنة كلة

-خديجة: هاة لا ماكو شي بس أسال بيهة

-ايهم: شبيج بطوط سوالج شي البارحه من أخذج البارحه من سهرة ما شفتج بعد اليوم ونايمة للضهر

-جوارح: اي شوية صخنت ونمت من وكتت

-ايهم: سلامتج

ابتسمت بوجهة وبلشت شغلل اني وخدوو، للشوي ودخلت رقُية بوجهة البشوش وأبتسامتة الحلوة سلمت عليهة سحبتني وكعدتني يمة

-رقية: تعالي

-جوارح: وين خية

-رقيه: جبت الج گلبيات شغلات حلوة ؏ كدج

-جوارح: صدك

-رقيه: والله يخبلن تعالِ

-خديجة: يحححح واني رڪية

-رقيه: عابتلج رڪية شنو

-خديجة: ولج تجيبين الهاي المايعة واني ناسيتني

-رقيه: هههه تعالِ جبتلج قميص وبنطرون يخبلن

-خديجة: فديتة فديتة الحنووونة

ضحكت ؏ خدوو، ڪعدنة گبالهة وهيه تفتح بل علاليك وتخلي كدامي وكدام خدوو، جايبة حتى ملابس داخليه، وخدو تاخذ هذا وترجع هذا، ودكلي خل انبدل وأني ميتة ضحك علية

صاحتت بينة خالتي طشينة ونلملم بل ستقبال، نزعت نعال خالة وشمرتة ؏ خدو واني متت من ضحك

-خديجة: أضحكين علي الفاهيه

-جوارح: تستاهلين استقري بعد اشوي ونبدل

-خديجة: ماا اريد الگلبية الحمرة وانتِ اخذي زركة

-جوارح: لا والله خالة صيحي بية هيه عدة حمرة

-رحمة: خديييجة عندج اثننين حمرر

-خديجة: يـااا يمة صفيتي وي جنتج اول مرة اشوف چنة وعجوز مصافيات

-جوارح: ضاعت عينج خديجة شبيج تحسدين بية هيه خالتي طيبة

نتعارك اني وياهة وهيه تكرص بية وتهمس الفاهيه والفاهيه، واني اعيطط وأجرة من شعرهاا، وترجع تكرص بية، دخل هوة باوعتلة صفح واردفت

-جوارح: وين جنت من صبح طلعت؟؟

-أسرافيل: شغل عندي لميتي ملابسي اريد ألتحق

-جوارح: بعدني غير باجر

-أسرافيل: هسه للميهن كومي

ڪمت من لا جارة مطايقتة، وخدو تأشرلي اهدئ واخذ شهيق وزفير، دخلت للغرفة وهوة يمشي وراي واحس بعيونة تخترق جسمي، فتحت باب الكنتور وسحبت جنطتة، خليت بية بذلتة العسكرية، وخليت تراكات وملابسة داخلية، سديت السحاب، وخليتة ؏ صفحة

-خلصت بعد رايد شي؟

-تعال هنا جبتلج هاي

سحب علاكة صغيرة وشمرهاا ؏ چرباية ؏ اساس يصالحني، استغربت اتقدمت من چرباية رادفة

-شنو هاي؟

-افتحية

باوعتلة ورجعت نظري للعلاكة سحبتة، فتحتة وچان بادخلة مبايل فتحت عيوني بصدمة بلعت ريك

-ألمن هذا؟؟

-الأبوي يخابر بي الموتة يطمن ؏ احوالهم

-اتحشش علي عود ما اعرف للجهاز

-اني اعلمج وخديجة تعلمج ومرت آدم

-وليش هسه جبتة؟؟

-انتِ مو مال احترام جيبي ارجعة

تقرب يريد ياخذة كلتت بسرعة مانعتة

-لا لا تمام

ابتسم نصف أبتسامة، وعيونة تتفحص ملامح وجهي للزمت المبايل اباوعلة من جميع الجوانب رفعت راسي.

-افتحة وركبة وشوف شسويلة وخدو تعلمني

-تعالِ

ڪعد ؏ طرف چرباية سحبني من أيدي مكعدني بحضنة، بلعت ريك بتوتر، رجف جسمي اريد أكوم حاوط خصري بتملك نزلت ايدة كال بصوت بارد

-تأدبي

-لا تسويلي شي

-ما اسويلج شي اعلمج غير

هدئت من رجفتي، رغم ما أثق بي منا الـ للهنا، فتح الجهاز ومليان شحن، بقة يعلمني علي ونزلي وتساب اخذني الواهس وياة ومركزة،

-ترة جهاز مراقب اي حركة غلط ادري بية حتى الحسابات فاتحة يمي

-يعني مبي خط سيم كارت؟

-لا بي بس غير الي مسوي بي واتساب الي مسوي بي وتساب عندي خاطر افتح الوتساب بكيفيي

شمرت الجهاز بحضنة واريد أڪوم قيد حركتيي بيدة كاايل

-شبيج وسم بگلب عدوج

-اذا متثق بية ليش جايب جهاز ومكلف نفسك؟

-لا مو قصة ما أثق بيج بس هيج أأمن

باوعتلة الـ چذاب، عذرة القبيح، تماشيت وياة رادفة

-يعني اكدر اصور بي

-انزعي شالج واني اعلمج

-شدخل شاليي؟؟

-أنزعي

فتحت شالي شامرتة بأهمال، دفن وجهة بركبتي شهكت، وحسيت معدتي تقلصت، اريد ادفعة ما أكدر
متحكم بية

-فدوة أذيتني لا تعض رڪبتي

-اشش ما اسويلج شي

-أحلف

-انچبي كتلج ما اسويلج شي

يمشي شفايفة ؏ طول ركبتي وشواربة تچكچك ركبتي
عض شحمة أذني، يريد يخدرني، بلعت ريكِ واحس نفسي نعستت، طلع وجهة وعيونة ذبلانة وأنفاسة تضرب بوجهي، اخذ شفايفي بين أسنونة، ويمتص شفايفي بهدوء، اندمجت وياة ونعست حييلل

رفعني خلاني اطوق خصرة برجلي، مشة بية، مددني ؏ چرباية والبوسة ما فصلة، فصلة اخذت نفس من الهواء
ورجع اخذ شفايفي، حسيت بي يرفع بدشداشتي ويمشي أصابعة ؏ طوول خصري

رجعت الـ وعيي من سواا...

يتبع...

ڪلش اسفة ؏ تأخير گليباتي،بس حيل حيل مريضة والله ♥😩..

تابعوني ؏ انستغرام