رواية وحش بابل الفصل الثالث والعشرون 23 - بقلم ايات محمد

مـرحبااا گليباتـي

لا تنسون الـ تصويت، تعليق، متابعة الحسابي 🦋🖤.

#وحش بابل

ــــــــــــــــــــــــــــــــــــــــــــــ

ڪاعدين وتعب واضح ؏ ملامح وجهنة وكل واحد بصفة نارڪيلة يدخن، أسرافيل رافع رجلية ؏ طاولة ويدخن، وصاحب ممطول ؏ كرسي سحبت نفس

وجهاز نداء ينادي وكلنة مطيزينة، عضيت للفة عبارة عن خيار وخبزة ورشة ملح،

صاحب: أنطيني عضة

ضرغام: لحكتني ؏ هل للفة

صاحب: هية عضة شبيك

قربت للفة يم حلڪة عض عضة شڪبرهة ابو حلك

ضرغام: راحتت للفة راحتتتت

صاحب: شبيك عضت شووية

ضرغام: هجم بيتة الـ راسك انطيني القمچي

غمني بيدة وانطاني القمچي مال نارڪيلة سحبت نفس

رافد: سيدي تدري شيڪول الشاعر

أسرافيل: انچب وسكت رافد

ضرغام: احجي رورو حبيبي شيكول شاعر

رافد: يكول صفنت صفنة مطي ...

ضرغام: يلة أنچب صوجي كتلك ڪمل

صاحب: هوة وجهك صدك وجهة مطيي

رافد: ومشاعري

ضرغام: ازرب عليهن

صاحب: ام رافد شلونهة

رافد: تسلم عليك يل اغبرر

اندفر الباب عبالي واحد من جماعتنة ما حسيت الة كرسي الكاعد علي نرفس غصيت بل للفة والخيارة وكفت بلعومي فتحت عيووني بصدمةة هذا الأمرر

لأمر: ڪاعدين بگهوووة

كحيت اريد الخيارة تروح بطني ماڪو وكفت بلعومي

صاحب: نعتذر سيدي

انطاني صاحب كلاص مي شربتة وشركت بيي اكح وجهي صار أحمر ورافد حاصرتة ضحكة يباوعلي ضل يرزل بينة وطلع

أسرافيل: كح واضرط وتصير زين

بلگوة اتنفست ضحڪوو بصوت عالي ولا عبالك هسه رزلوونة

ضرغام: وصلت الموت بسببكم

صاحب: تكبر وتنسة ابني

ضرغام: هوة ما غيرك الحسدني عينك ؏ للفة لحد ما طلعتة من عيوني

صاحب: دروحح هيه عضة

غميتة بثنين أدي واباوعلة بطرف عيني ورافد رجع يدخن ولا عبالك، انتهى اليوم ولڪل نزل البيتة

••

رڪضت صاعدة للغرفة دخلت سادة الباب وراي تنفست بصوت عالي متوترة شبي ليش هيج ديباوعلي
باوعت الـ ملابسي مبللهة وشعري نصة طالع

أنفتح باب الغرفة رفعت راسي أشوفة سد الباب وتقدم مني بلعت ريكِ بخوف وإني أشوفَ نظراتّة الحادة هسه شبي شمسوية؟؟

وبڪل غباء فڪرت من تقرب مني فڪرت مشتاقلي لأن صارلة فترة ملتحق، اصلاً انصدمت من شفتة معبالي اليوِم يجي.

صار مقابيلي ميبعد بيناتنة الـ بعض من الخطوات، عضيت شفتي بتوتر، شيريد هذا استغفرالله ربي

شهڪت بألم من حسيت براشدي طبع ؏ خدي دمعت عيوني من قوة راشدي والأستغراب واضح وضوح شمس ؏ ملامح وجهي ليش ضربني؟؟

عيونة تتفحص جسمي، شهڪت ببڪاء كورت ايدي وضربتة بقوة ؏ صدرة ودموعي تنزل ؏ خدي عطت بصوت عالي وأضرب بي

- حقير، سافل، منحط، همجي مخليني علمود غريزتك
وشهوتك، معندك گلب حس بية اني تعبت منك تعبت حتى گلبي تعب گلبي يوجعني من وراك جسمي ڪلة اثار لڪل اشوف بعيونهم الشفقة لأن مرتك

عـااط بصوتة العالي بحرڪة وهوة يأشر ؏ ملابسي

- شايفة نفسججج تضاريسج ڪلهة مبينة

سحبني من أيدي وخلاني ڪدام المراية وفعلاً جسمي ڪلهة مبين لأن متبللة، سحبت ايدي بقوة مسحت دموعي وعطت بوجهه

- دير بالك بعد تمد ايدك علي لو تتقرب مني لو تعاملني من صدك أني مرتك لو طلڪني وڪاع الله جبيرة

تنفست بصوت عالي وصدري يعلو ويهبط ڪال بسخرية لاذعة

- ترجعين للمهى ترڪصين وذا قبل بنية ومحد لامسج وباڪر هسه مو باڪر واي احد يڪدر ينام وياج

- اي ليش لاء ولا واحد يذلني بتعاملة بحجة شي اسمة
مرتي وحلاالي

ڪلت ههل ڪلمات لو نگلب شخص ثاني او يمڪن
صحيت الـ وحش چان نايـم بداخلة،

للف شعري بأيدة وقربني منة ڪايل بفحيف

- ترضين بڪلشي أسوي ورجليج فوك راسج

بلعت ريك وأنفاسي مضطربة عيونة الحادة اخترقت جمجمة راسي ڪمل ڪلامة بنفس نبرة صوتة

- مرتي وحلالي ومشتريج بفلوسي وتخدميني وانتِ الممنونة

السم الـ بڪلامة مو طبيعي انقهرت ؏ نفسي ؏ ذلة العايشتة ويـاة وشلون ديذلني بڪلامة الساام، فلت شعري رتبتة بعدم مبالاة وداخلي يبچي ڪلت بصوت بارد

- بلشت الحرب لو أني لو أنتَ

أومأ براسة، غيرت ملابسي وطلعت من الغرفة ڪلهة وهوة خليتة يطحن بل جڪاير طحن ويريد ياڪلني بسنونة، بس واحد يسويلي بز انفجر بوجهة

احس ضغطي هبط مادري من الخوف منة چنت واڪفة
ڪدامة اتصنع القوة، مدري من ڪلامة السام دخلت للمطبخ وأشوف أيهم يشرب للبن هوة وجود و؏ أساس هوة شرب سحبت بطل للبن منة

وشربتة وهوة يباوعلي، مسحت حلڪي ڪايلة

- لتباوعلي اخوك هبط ضغطي

ضحك بصوت عالي ابتسمت ؏ صوت ضحڪتة العالية
ڪعدت ؏ كرسي وهوة هم سحب كرسي وكعد ورقية دخلت تشوف المرڪة

نصت طباخ وطلعت ڪام أيهم فتح جدر ويضوك بل مرڪة وكفت يمة واخذت خاشوڪة أضوك، مرڪة اسبيناغ مسوية هوة يضوك واني أضوك ڪلت

- هاي هية ملحهة عدل

ضاك مرة لخ ويطلع صوت بحلڪة عود يتحسس طعمة
ڪال

أيهم: لا شوية ماصخة

سحب علبة الملح فتحة ويرش ؏ مرڪة وهوة ديرش وكع القبق والملح راحح ڪلهة بداخل المرڪهة

- يـــاااا

باوعلي واني أباوعلة مصدومين واحد يباوع بوجهة ثاني،

أيهم: شنسوي؟

- يـااا مادري

للزم جفجير وحرك الملح بداخلهة حاس المرڪة حوس
غطاها وعبالك ممسوين شي لا من شاف ولا من درة ڪال قبل لا نطلع من المطبخ

- منو انتِ تعرفيني؟

- لا أعرفك ولا شايفتك وانتَ تعرفني؟

- لا اصلاً منو انتِ؟

بعدناا مطالعين نريد نطلع وصار بوجهنا اسرافيل خزرنة أثنينة خفت، وأشوف أيهم يتبسم بوجهة مدري اضحك ؏ ابتسامتة الغبية مدري أخاف من نظرات أسرافيل

طلعت من المطبخ فلتت مدري شلون وبقـة أيهم،

ڪعدت بصالة، بين مصلوو وخلصو صبو الغدة، سحبت ڪرسي وكعدت بصف خديجة

بعدناا ما ماڪلين ودخل ايهم شايل بيدة ڪاسة زبادي
كالت خديجة بستغراب

خديجة: شعجب مو تحب مرڪة السبيناغ؟؟

ايهم: علي الدورة واريد اڪطعهة بل زبادي

عضيت شفتي بأحراج واحس خدودي صارو حمر من الخجل وخديجة مو احسن من حاالي شڪد ميستحي زايع المستحة أيهم غمتة خالة أم أسرافيل

رفعت خديجة الخاشوڪة تضوك المرڪة هسه بلعتهة وشرڪت بيهة تڪح

خديجة: يممماع شنو ههاي مالحة شكد مخلية ملح

اباوع الـ أيهم ملس روحة ومشة يريد يطلع من المطبخ وصاح علي اسرافيل

- تعال لك مساع انتَ وياهة بل مطبخ

يحجي ويأشر علي و؏ أيهم شڪد انحرجت وما عرفت شنو احجي وهوة ڪال متبري مني

أيهم: اني مالي علاقة ههاي مرتك

صرت طماطية من الأحراج ودمعة وصلت طرف عيني
بسرعه تبرى مني وشمرة براسي الـ بذات

رحمة: ولله هاي فلا سوالفة سوالفك أنت هسه تروح تجيب زبادي من فلوسك مو بس روحك جايب

خديجة: يمة أڪو مرڪة تبسي مجمدة

رحمة: ڪومي حميهة يمة

ڪامت خديجة حمت المرڪة وأيهم يباوعلي واني أباوعلة وحاصرتني الضحڪة بس واحد يباوع بوجهي غير أيهم افطس ضحك شڪول عليك أيهم

صبت وڪلهة ڪعدت تاڪل، دأڪل وحسيت بأيد تعتصر فخذي فتحت عيوني ؏ وسعهن وشرڪت بل أڪل أڪح

أسرافيل: صحه صحه

قدملي مي وأبتسامة ماڪرة مرسومة ؏ ثغرة اخذتة منة شربت وأحسهم ڪلهم عرفو بل صار جوا طاولة

الحقير، الـ ميستحي، رجع ياڪل عبالك ممسوي شي

حرڪهة الخواشك تضرب بل مواعين هذا ڪل ما يسمع بل مطبخ خديجة تاڪل بصمت وأيهم لازم ڪاسة الـ زبادي بيدة، حرڪت رجلي ودفرت رجل أسرافيل

ڪاسة زبادي انرڪعت بل حايط وأيهم يصرخ ويصيح

أيهم: وللعباس أنڪسرت رجلي

عضيت شفتي سفلية بصدمة تمنيت أطم نفسي ؏ ههل سواية شيخلصنة من للسانة بلعت ريك وهوة عاط عبالة أسرافيل ضربة

أيهم: أن شاءلله تحبل بتوم وتحتار بڪرشك وين تخلي ليش تضربنيييي؟؟؟

-وسم لهل صوت شوڪت ضاربك؟!

باوعلي أسرافيل رافع حاجبة وأبتسامة شماتة مرسومة ؏ حلڪهة الادبسزز ڪال

جود: عمو ثلون ضربك وهو كاعد بسفك لو عمة خديجة او عمة جوجة ضربتك!!

فتحت عيوني بصدمة اباوع الـ جود وهوة يباوعلي ويباوع الخديجة بتفڪير شلون ذڪي الله يخلي، ڪمز ايهم ؏ خديجة ويعتت بشعرهاا عتت وخطية هية لا بيهة ولا علية

خديجة: وللعباس مو اني والحسين مو أني

خطيه شلع شعرهاا وهيه تريد تلزم شعرة بس ما تلوحة أسرافيل ولا عبالك رجع ياڪل ويتفرج ؏ الأيصير عبالك ڪاعد بـ سينماا، انقهرت ؏ خديجة وصحت

-عوفها عوفها أني ضربتك والله

باوعلي ضحك وراد يضربني ابتسمت بوجهه بتردد عاط اسرافيل بصوت عالي عصبي فززني من مڪاني

- أڪعد لك ڪلبب

أيهم خلاة وڪعد بلعت ريك متوترة الموقف النخليت بي مو طبيعي شڪوول عليك أسرافيل، لڪل أنخلس من عاط فوك شينة گوة عينة ڪلهة من ورا، رجع الصمت

التفت ؏ خديجة ڪممت حلڪي بيدي حتى ما أضحك ؏ شڪلهة خطيه شعرهاا واڪف وجهة محتقن تباوع الـ أيهم بحقد وتوعد

خديجة: اضحڪي بلة

هزيت راسي للجهتين برفض وطلعت من المطبخ ڪلهة
ما تحملت اريد اضحك، حرفياً حبس الضحڪة شبية بل مووت البطيءء

خلص اليوم واني ما صاعدة للغرفة فلا أنام يمة ولا أدخل الغرفة ڪلهة بعد سوا بية اتمنى اخنڪة،

احتاريت وين انـام؟؟؛ مشيت بل ممرر وصارت بوجهي غرفة خديجة فتحت الباب ودخلت لڪيتهة ممطولة
تڪلبب بل تليفون

باوعتلة بصدمة دخلت وسديت الباب تقربت ڪعدت ؏ طرف چرباية ابتسمت أبتسامة للطيفة وڪلت بصوت حنون

- حبيبتي خدوو عادي أنام يمج اليوم؟

ڪالت بصدمة: هاة؟

-أنااام يمج عادي موو؟؟

- اي عادي عادي جداً عادي

تمددت بصفهة وهيه بعدهي تباوعلي بصدمة ڪالت بنبرة تعجب وممصدڪة

- شلوون أخووي أسرافيل بلحمة وشحمة خلاج تجين وتنامين يمي أني؟؟

- عادي وذاا؟

تربعت فوك راسي وتحجي بتعجب ومصدومة شبية؟؟

- شلون شلون مڪاعد استوعب؟؟

جريت للحاف غطيت نفسي وهيه تحجيي مستمرة

- شلون هيج هاة يعني اخوي أسرافيل ما غيرة خلاج تنامين يم خدو مو يمة؟

- اي عادي شبيج

- والله عجييب

باوعتلي مضيقة عيونهة بشك باوعتلة بمعنى " شكو؟ "

- شلون هيج مسودنة اخاف حطيتي لأخوي منوم بـ الأڪل؟

- خدو من الأول ڪولي ماريدج تنامين يمي

- ابد والله والقرأن بس مصدومة يعني شلون ترا عقلي وڪف!!

سڪتت متنهدة بصوت عالي تمدتت بصفي واخيراً سڪتت وراح تنام وتخليني أنـام مرت دقايق وڪالت

- ولج اخاف أسرافيل مصخن

- ليش؟

- شنو ليش يعني انتِ مقتنعة أسرافيل اليوم نزل ويخليج تنامين يمي؟؟

- أهوووو

-  والله عجيب ترا مصدومة أني

زفرت أنفاسي بصوت عالي وڪمت من مڪاني شمرت للحاف

- اروح اشوف اخوج بلة مصخن

- اي روحي ترا عجيب شلون هيج؟؟

تأفأفتت بصوت عالي طلعت من الغرفة وأمشي بعصبية دخلت للغرفة ولڪيتهة نايم، بس هم صدك سوؤال خدو شلون وهوة اليوم نازل؟؟

مـنة من شيطان؟ بس بعد احسن مديت فراشي بل ڪاع واخذت مخدتي بسم الله هسه خليت راسي ؏ مخدة وسمعت صوتة يڪول

- تعالي هنا لا أطفرين اعصابي گوة ساكت اريد اشوفج وين توصلين؟؟

گلبت عيوني بتملل، تجنبياً للمشاڪل جريت مخدتي ونمت بصـفة سحبني ناحيتة، صار وجهي بوجهة باوعتلة بتوتر بلعت ريكِ من سحب الـ ماشة وڪع شعري ؏ عيوني حاجبني عن رؤية، رجعت خصلة شعري ورا أذني

دعس راسة برڪبتي يستنشق عطر شعري بهوس
ابتعدت عنة وأشوف عيونة راهية نمت ؏ جهتي وأيدة تمسد ؏ شعري واسمع صوت أنفاسة الـ يزفرهم براحة

توترت، وأستغربت منـة وسوؤال خدو داهم عقلي بس هذا ناقصني" يـخوون!! " لاء أڪيد ميسوية..

مو حباً بي بـس الأفڪار داهمت عقلي، بلعت ريك بشك
ما أعرف يمڪن صدك مصخن ؏ ڪولت خدو لأن ممعقولة مسوا شي وهوة اليوم نزل!!

ألتفت أباوعلة مخلي أيدة ؏ عيونة رجعت خصلات شعري لليورا أباوعلة، مدري شصار بگلبي وڪلت يمكن
بي شي خطية مبين بي شي، تقربت منة

وخر أيدة سحبني الـ حضنة، راسي صار بصدرة وعطرة ترس خشمي، حضني بڪل حنان وهنا ستغربت أڪثر
استغفرلله معقولة هذا ابو راس المربع يخوني لا ممعقولة مبين هوة يحبني

وبعدين منو تتحملة مو أنعم الله علي متحملتة!!
اردفت بخفوت رافعة راسي

- أحمم أسرافيل

- همم؟؟

-هوة شسمة يعني أنت هم تروح للبنات تنام وياهن مثلي هيج؟

- شلون مثلج هيج؟

باوعلي عاقد حواجبة، رجعت خصلة شعري ورا أذني بلعت ريڪي من نظراتة تاكل وجهي ما عرفت شلون أوصلة للفڪرة ونظراتة ناحيتي وترتني

- لا هوة شسمة قصدي تخوني

-تؤ ما سـويهة طمني

تنفست بأريحة هذا بس لا عبالة اغار علي ما اهتميت بس فڪرة هوة يخوني حرگت گلبي، سحبني للحضنة مطوق خصري بأيدة ضربني ؏ خصري

- اوي ليش ضربتني

- منو عبة راسج بهل أفڪار طايح حضها؟

- مو أحد والنبي ابد محد بس شسمة هذا يعني لأن هادئ وحسبالي هيج

- انطمري يلة

رجعت راسي بصدرة ونمـت وأيدة تمسد ؏ شعري بكل
حنية، ڪعدت صبح والأول مره أكعد جسمي ميوجعني
ومڪسر

سبحت وطلعت من الحمام فتحت باب الكنتور وسحبت دشداشة بلون رصاصي، للبستة وچانت مخصرة ؏ جسمي وبية دلعة من صدر

رفعت شعري طويل ذيل حصان، فلتت ايدي اتناثر ؏ أڪتافي انفتح بـاب الغرفة باوعلي من فوك لليجوا

- بهاي تنزلين جوا؟؟

أومأت براسي بمعنى أي رفع حواجبة وخازرني شبي هسة هذا ڪال بصوت حاد

- بدلية وخلي النفس عليج طيبة

انزعجت من ڪلامة بس محجيت مالي خلك أجادلة واطلع من ههل مجادلة مدماية، سحبت غيرها عريضة وللبستهة بدون نفس

طلعت من الحمام وچان ڪاعد ؏ چرباية ولأبتوب بحضنة يشتغل بي تحرڪت اريد اطلع بس صوتة وقفني

- وين؟؟

- انزل جوا

- ابقي هنا ماڪو نزلة

- بس جوعانة

- اصبري شوي وننزل سوا

گلبت عيوني بتملل وستسلمت للأمر الواقع ڪعدت ؏ طرف چرباية باوعت للجدران الغرفة بملل طاغي
باوعتلة يشتغل ومرڪزز

مديت راسي ؏ لابتوب ڪفخني ؏ راسي

- ههاي شبييك

- عيونج ڪاعد اشتغل

غلست وبقيت ڪاعدة مدة قصيرة ورجعت دعست راسي بل لابتوب حصلت ڪفخة ثانية واسمعة يستغفر بهمس، مرت ثواني وسحبت جهازة خليتة ڪدام عيونة

- بلة افتحة

- شسوين بي؟

- والله ضجت وجوعانة لو أنزل لو تفتح جهازك

- ولي نزلي

- من زمان وڪولهة

طلعت من الغرفة بسرعة وما سمعت ردة الله مصلي ؏ محمد البيت متروس أطفال منين هذول؟؟
دخلت للمطبخ ورقية ڪاعدة ؏ طاولة ڪالت

روقية: تعالي لا تستغربين

- منو هذول؟

روقية: هذول جهال حماتج المزوجة

صفنت بوجهة منية ههاي حماتي المزوجة، رحت سويت للفة وتربعت ؏ كرسي أكل بل للفة وأشرب كوب چاي

روقية: أڪو گيمر أكلي

- لا عجبتني ههاي احبة

روقية: ألف عافية

ابتسمت ؏ ڪلامهة شكد للطيفة وحنونة، شوي ودخلت مرة عڪس لكل بل بيت باوعتلي بطرف عينة
وعيونة تتفحصني من فوك لليجوا غمتني ومشت تدلع بمشيتة

غصيت بل للفة اباوعلة بصدمة واسمع صوت ضحڪة روقية التفت الهة وبعدني بصدمتي

روقية: شبيج هههههههه

- هاي ليش غمتني؟

روقية: تتعودين ؏ وضعهة وبعدج ما شايفه شي

استغفرالله عائلة واحد اغرب من ثاني عضيت للفة أمضغ بية وافڪر شبية هاي شلون شڪولات يربي من خلصت نظفت المطبخ اكثر من مرة، وطلعت امسح بل ستقبال وهيه ڪاعدة وتشمر حجي

شهد: بنات أخر وكت راقصات وصارن بيت شيوخ

سكتت ملتزمة الصمت مدري شبية هاي يربي ڪال

ايهم: الشريف شريف لو تحطة بكومة گو**

شهد: شرف ويل لكاهة الشرف وهية جانت تركص كدام زلم وسحرت اخوك خلتة مثل الطلي يتزوجة

باوعتلة بصدمة فاتحة حلكي عفت ڪلشي وركزت ؏ كلمة " طلي"
أسرافيل صار طلي عمي والله خوش لو يسمعهة يجنزة
اتجنز، ام أسرافيل لا تحجي حق ولا باطل

أيهم: يـووم احجي كلمة خل تسد حلكة

رحمة: شحجي يووم سدي حلكج مو اجيتي للمشاكل البنية ما شفنة منة شي

شهد: ناقص تشوفيني يمة تاكل وتشرب وتنام واحسن للبس تلبس بعد ما جانت من حضن الحضن ومن زلمة زلمة

باوعت ؏ ملابسي دشداشة يدخلون وياي اثنين عطت بصووت عالي من گالت اخر كلماتة شكد ادبسز وصلفة

- ألزمي احدودج لا حضن ولا زلمة منو وصلج هل كلام
شريفه ومحد للمسني غير اخوج ذاك هوة وروحي أسألي

شهد: والله طلعلج اللسان

أيهم: يووم صيحي بية اني من يمي احترك گلبي هيه شلون

باوعتلة بڪرة وجهي احتقن من كلامهة المقزز جتفت ادية الـ صدري اباوعلة بحقد وڪرهة سمعت صوتة الحاد وبعيطة

أسرافيل: ياهي الـ من حضن الحضن؟؟!!

يتبع....