رواية وحش بابل الفصل الثاني والعشرون 22 - بقلم ايات محمد

مرحـباا گلببي

لا تنسون الـ تصويت، تعليق، متابعة الحسابي 🦋🖤..

#وحش_بابل

ــــــــــــــــــــــــــــــــــــــــــــــ

بلگوة أجـر النفس متمنية ڪل هذا يطلع حلم لڪن خابت أمالي بواقعي الدأعيشة،

ملابسي تشڪكت ؏ جسمي ودم غزير يخرج من جميع
أنحاء جسمي، للف شعري بأيدة ويعت بي عت

أسرافيل: تشردين مو وترڪضين وتصعدين بسيارة ما تعرفينهة وتحجين وي غيري!!

شمرني ؏ چربـاية خلصت طاقتي وصبري نفذ مڪدر احرك لا أيد ولا رجل حتى ادافع عن نفسي صرت خاضعة الـة والساديتة.

عيوني تدورة وتدرس تحرڪاتة الوحشية طلع من احد المجرات اشياء غريبة اول مرة اشووفة بس من ضمن الأشياء لمحت ڪلبشات تقدم بتجاهي رابط ادية بهل ڪلبشات ورجلي ڪذالك

دم تارس وجهي وجسمي، صرختت، وتألمت، وغبت عن الوعي وبڪل مرة يڪعدني بضربة ويڪول " هاي البداية بطة "

توسلت بي يتوقف لڪن لا حياة لمن تنادي، حسيت نفسي حموت جواا أيدة من شدة الألم والوجع!!

عذبني تعذيب الوحش

غمضت عيوني بعدم قدرتي ؏ تحمل ڪل ههل ألم
ضلام دامس يسحبني الـحضانة وبل فعل جنت محتاجة هل حضن من ضـلاام!!

حسيت عزرائيل واڪف بل زاوية منتظرة يخلص حتى يقبض ؏ روحي!!

••

حاولنة ڪلنة نفتح الباب بل نسخة العدنة بس ميفتح
ماعرف ليش صوت صريخة يڪزبر الجلد، بچيت علية

وماما نشف حلڪهة وهيه تدعي ؏ أسرافيل حطيت گلبي بيدي من توقف صوتهة

رحمة: دخيلك ربي ماتت البنية

دقايق قصيرة وانفتح الباب طلع منة وجهة ميڪصة السيف قفل الباب بعد ما طلع منة

خديجة: عفيه افتح الباب خل أشوفة

عاطتت امي محترك گلبهة وهيه تشوفة يريد بس يطلع من البيت

رحمة: موتت البت تريد تبلينة إفتح الباب خل نشوفة ولك

انطاناا الأذن الطرشة ونزل طالع من البيت ڪلهة حاولت اني وايهم نفتح الباب بس مڪدرنة، ضليت ليل ڪلهة افڪر بية وماما ما سڪتت

رحمة: شڪول عليك يمة راحت البنية راحت

•••

فزيت من نـوم ؏ وجع جسمي رغم جو حر وصيف بس بردانة حيل انفتح الباب دخل يطوطح بمشيتة
باوعلي تقدم مني شامر نفسه علي تأفأتت بأنزعاج حاولت اجمع ڪلمات وڪلت بغل وڪرة 

- ماريدك ومو اول مرة اشرد وراح اشرد

أسرافيل: غصباً عليج ترديني مثل ما تعلقت بيج

گلبت عيوني بتملل وڪلت بنفس نبرة صوتي

- لو مو تصير النقيب أسرافيل راح اشرد منك وما أريدك دام تعاملك وياي بل اغتصاب و؏ انو اني بت ملاهي

من ڪلت ههل ڪلمات رفع راسة يباوعلي وعيونة حمر ما اعرف منين حمر من سڪر لو عصبية لو شي ثاني؟
حط شفايفة ؏ خدي طابع بوسة عميقة، يحرك أنفة ؏ طول خدي مروراً برڪبتي وانفاسة تضرب بوجهي بينما شواربة تضرب بجلدي مسببتلي قشعريرة

بلعت ريك حاولت احرك ايدي بس ڪلبشات حاكمة ؏ ايدي مانعتني من الحرڪة زفرت انفاسي بصوت عالي
ڪام من مڪانة يطوطح بمشيتة 

فتح المجر وطلع علبة الأسعافات الأولية رجع كعد بمڪانة شوي صحصح فتح المعقم وكعد يعقم بجروحي صدر من بين شفايفي أنين يدل ؏ ألمي

أسرافيل: اسف ياا روحي روحي

طبع بوسات متفرقة ؏ جروح جسمي، ملابسي مشڪكة ؏ جسمي شك المتبقي من الملابس وضليت بس بل ملابس الداخليه

- افتح ايدي توجعني

فتح الڪلبشات بستعجال وڪأنو خايف علي لحقير  ويهلوس ڪلام عجزت افهمة
ساعة يعتذر ويبوس بية ساعة يلومني لأن شردت منة

فرڪت ايدي بألم ورجلي لميتهم الصدري باردات ثلج
جسمي ماڪدر احرڪة من الوجع، بلگوة ڪمت من مڪاني بعدني ما ماشية وللزم أيدي ڪايل

- وين رايحة؟

- اسبح عوف ايدي توجعني

- نسبح سوا

نترت ايدة مني ومشيت داخلة الحمام اريد اختلي بنفسي أبچي ؏ حظي العاثر اندب حظي لأن بذاك اليوم ساعدتة شورطني اني

فتحت دوش وڪعدت جوا أبچيي بحرڪة گلب، غميت نفسي بل يـوم صرت صاحبة گلب طيب ورحت ساعدتة و؏ اساس من ساعدتة هوة چان مهتم؟!!

لو چـان عندي أب، أم مصار الي صار هسه يسوي بية الـ يريدة لأن معندي سند، معندي احد ألتجأ ألة فهو مطمن من ههل ناحية ويسوي بية الـ يريدة..

وذا شردت يعني وين اروح؟؟

بچيت، وبچيت للحد ما عيوني ورمت، مرت 10 دقايق ابچي بعدني ممڪتفية اريد ابچي اڪثر وانفتح باب الحمام رفعت راسي باوعتلة مصدومة وعطتتت

- اطلع بـررراا

حاولت ادفعة بڪل طرق بس وين يا جبل ما يهزك ريح
طوقني مانع حرڪتي واني ارافس ضغط ؏ جرحي صرخت بألم همس قرب أذني

- اشش انتِ التتأذين

••

دعستت حلڪي چبس واني مقهورة بس هذا أيهم جبرني أللعب وياة

- فزتت

- دروحي فازتت ام خيسة بعدنة بل شوط الأول

- تريد تقشمرني اني فزتت يعني اني!!

- ڪومي لج ما فزتي

ڪمت من مڪاني للزمت البطل ورڪعتهة براسة شهك مصدوم خليت وطفرت ارڪض وهوة يعيط

- يــماااا الحگيلي شڪو راسي

بعدني ما داخلة غرفتي ونسحبت من شعري صرخت بألم وهوة يعت بشعري من ڪل گلبة ويصيح

- اخخ راسي انشك انشك صار بي سبع خياطات

- شعررري يـمة شعري هددد شعري

احلف صار نص شعري بيدة اني همم جريتة من شعرة
وهوة يصرخ واني أصرخ

- هد شعري وهد شعرك

-چذاااابة

- ما اچذب اني يلة هد واهد

سمعنة عيـطة امي تصيح اڪيد شافت وضعنهة

رحمة: ربيييي جاي اشووف بيش رزقتني بڪومت جواميسسس!!

- يمة شعري تڪطع

رحمة: ولك هـدهاا من غضب الله عليك

سحب شعري حيل وهدة ألة شوية أبچي وطبعاً بچيت
وماما نزعت نعالهة رڪض حتى ميوڪع براسة نعال
ما لحك وأجة نعال براسة فيت من بين دموعي ضحڪت

- ما دڪليلي انتِ شنو سنايبرر!!

رحمة: أني سنايبر دوڪفلي اوڪف

خـلة ورڪض نازل جوا وهيه تعيط، سڪتت باوعتلي
غمتني ونزلت، فتحت عيوني بصدمة شبيهة امي؟؟

دخلت للغرفة، مشـة اليوم بسرعه بسرعة

للبست الحذاء بستعجال نازلة من درج وايهم مساع دخل للغرفة ويفرك بعيونة بنعاس شوڪت لحك يسبح ويبدل؟؟

نزلت واشوفة ڪاعد ويتريك، واني ملحڪت اغسل وجهي عدل بسرعة حطيت لڪمة بحلڪي

أيهم: بعدني ما شبعان

- دڪوووم تأخررت هسه بادية المحاضره

أيهم: بس ههاي اللڪمة

اشوفة دعس خبزة شڪبرهة بحلڪة وشرب چاي جرعة وحدة وهوة حار وطبعاً هم راح يتريك بل جامعة

- يلة فضنييي تأخرت

طلعت من البيت قبلة وهوة يمشي وراي ويلوچ بحلكة
للعبة النفسي، حرك سيارة ويمشي سريع ما طولنة وصلت للجامعة نزلت بسرعة حتى بـاب سيارة مسديتة

امشي بسرعة ألة شوي اطڪة بركضة وصلت وچان دكتور يشرح، طرقت الباب طرقات خفيفة

التفت الي عاقد حواجبة، باوعلي وفڪت عقدة حاجبة
وعيونة للمعت اردفت بصوت ناصي و مدنڪة راسي

- دكتور أسفة ؏ تأخير

بنيامين: هاة؟؟

رفعت راسي وألتقت عيوني بعيونة، بلعت ريك خجلانة
حمحم ڪايل

بنيامين: تفضلي

مشيت ڪاعدة بل مقعد وناهدة مدري شتاڪل من يدير ضهرة دڪتور بنيامين تاڪل ومن يلتفت تسوي نفسهة منتبهة ؏ شرحة

انتهت الـ محاظرة بنظرات دڪتور بنيامين الفاضحة وأشوف الحب بعيونة واني مدري شبية ڪلساع اسرق نظرات منة

وگلبي ينبض بقوة من يباوعلي، لو من يفلت أللسانة ويڪول " بـناتي خديجة "

•••

عيوني الـ خالية من الحياة تناظر المراية تضهر شڪلي
دمعة للمعة بطرف عيني، قبل لا تنزل رن تليفوني

زفرت أنفاسي بصوت عالي، ڪمت من مڪاني اباوع الأسم المتصل " صاحب روحي " ابتسمت شمرت نفسي ؏ چرباية ورديت مخليتة قرب أذني أجاني صوتة الـ مريح للسمع

صاحب: شلونج رهـفة
- بخير حبيبي

صاحب: لا چذبين ترا صوتج فاضحج

تنهدت ونزلت دمعتي ڪايلة بصوت تعب، قهّـر

- تعبت من بـابا وسوالفة الـ متنتهي

صاحب: أسف حبيبتي
- ؏ شنو أسف؟؟

صاحب: من وراي ڪل اليصير بيج رهفة گلبي

- لا عفيه حبيبي لتحجي هيج شعليك انتَ بابا واحد متخلف من زمان مو هسه

صاحب: لا تحجين هيج يبقة أبوج
- أتمنيت معندي أب والله

سمعت تنهيدتة ڪاعد أتعبة ويـاي، كال بصوتة راهي

صاحب: الله ڪريم

سمعت صوت خطوات ودعتة بستعجال طفيت جهاز وخليتة جوا المخدة، دخلت ماما أتنفست برتياح باوعتلي بشك ڪايلة

- هاة شبيج!؟

- عباالي بـابا

- ليش شچنتي تسوين؟

- شسوي مثلاً يـا ماما ادردش وي صاحب

- باع صلافة

ڪعدت ؏ طرف چرباية ابتسمت رجعت شعري ورا أذني ڪايلة

- بنتي ما توبين ما تعبين من ضرب؟

- تؤ

- ههل مرة سڪتة خالج رايدج لأبنة

- أي؟

- المرة ثانية شيسكتة والله محد يوكف بوجهة وينطيج

- خل يوافق ؏ صاحب ويفضهة

- قفل بعد ؏ الـ ولد

- خرب حظك صاحب

- خطيه الولد تورط بيج شلونة من ولد يخبل

- هااة ماما هاااة سالمين؟

- ههههههههه مثل أبني

- وهسه ماما عفية ترا والله العظيم ما ازوج غير صاحب

- الله يحلهة

- ونعم بالله

•••

الأيـام سريعة جداً، اختنڪت من ههل غرفة طڪت روحي ضليت ؏ اتفة الأسباب أبچي من الخنڪة، أموت بطء شديد

رجع الـ عادتة القديمة يقفل الباب من يطلع ومناا لمن طك ساعة وحدة او ثنتين يرجع وبهل وقت اني نايمة
أڪلي صار قليل جداً

هـالات سوداء تحاوط عيوني، وجهي أصفر، وعلامات الضرب واضحة وضوح شمس، تعب، خذلان، خمول

حالف يسوي بيـة عقدة نفسية، جريت شعري حيلل  زافرة أنفاسي بقوة، رفعت ايدي ترعش خصلات وكعت بيدي شمرتهم بلڪاع بعدم اهتمام

وأني الـ چنت انقهر وأضوج وأبچي يوم ڪامل اذا وكعت خصلة وحدة من شعري واهتم بي اهتمام الأم الأبنة رضيع

أفڪار سوداويـة تاڪل عقلي، للحظات أتعب من تفڪير واضل أبچي واجرجر بشعري، أجبر نفسي ؏ نوم حتى الأفڪار مداهمني

ڪاعدة ؏ ڪرويتة الموجودة بل غرفة ومخلية ايدي ؏ خدي وجهي شاحب، وعيوني الفارغة طالع جدران الغرفة مرر أڪثر من أسابيع واني محبوسة

أنفتح باب الغرفة، رفعت عيوني بتعب، باوعلي بحيرة وقلق، مهتميت رجعت نظري ؏ نقطة الفراغ وأيدي ؏ خدي ملتزمة الهدوء، وصمت مالي خلك افتح حلڪي وأحجي

اسرافيل: بطة باعيلي

رفعت عيوني تعبانة ناحيتة، ڪال بتهديد

اسرافيل: راح ألتحق بس قسماً عضماً اذا شردتي ألكاج
لو جوا الڪاع وهم راح اخلي حماية ؏ باب وڪامرات تارسة البيت وأريد اشوف شلون تشردين

أومأت براسي ورجعت نظري الـ نقطة الفراغ

اسرافيل: ڪومي اجمعي ملابسي

ڪمت من مڪاني، تعثرت ولألم داهمني من ڪثر الأغتصاب، تقرب مني بخوف للزمني سحبت ايدي منة
ومشيت فتحت باب الكنتور، شمرت ملابسة ؏ چرباية وهوة يباوعلي بترڪيز

اسرافيل: راح اخلي الباب مفتوح وجميع الڪامرات مربوطة بـ جهازي

سحبت الجنطة وأحسة ثڪيلة، جمعت ملابسه بجنطة
سديت سحاب وخليتة بل ڪاع، تمدتت ؏ چرباية ورفعت للحاف اغطي نفسي

سمعت تنهيدتة بقلة حيلة وطلع من الغرفة، تعبانة وماعرف من شنو بل ضبط نزعت دشداشة القصيرة وشمرتة بعدم اهتمام بل ڪاع وضليت عارية بدون حتى ملابس داخلية

فتحت باب الڪنتور للبست ملابسي داخلية ولفلفت نفسي بل للحاف وڪاعدة ؏ چرباية افڪار تاخذني وأفڪار تجيبني،

أحتريت وخرت للحاف عني، اردفت بحرڪة گلب

- عسى حوبتي تطلع بأحباب گلبك

مـرات أدعي علية من ڪل گلبي، بل موت، والمرض ومرات أتندم و أڪول لا خطيه أمة وأهلة يتأذون

وبين أفڪاري، دخلت خديجة ورقية شهكت بصدمة وسحبت للحاف اغطي جسمي، بس اڪيد شافو جسمي

غطيت جسمي، وألتفت ابتسمت بتوتر، رقية اشوف شفقة بعيونة وجهي خطف للونة من صدمة

خديجة: ههههه مبين چانت بينڪم مصارعة

ابتسمت مجاملة، سحبت دشداشة وللبستة جوا للحاف
بس چان مبين زنودي، وصدري، ڪعدو ؏ طرف چرباية ڪالت

رقية: أنزلي ويـانة جوا وغيري جو

هزيت راسي مالي خلك أنزل جوا، ولا ألي خلك احجي
ضلت تلح انزل وأني بس اهز براسي للحد ما خديجة سحبتني من أيدي

شهڪت بألم ڪالت: اسفه والله مادري بس شبية أيدج؟

- انضربت بل ڪنتور واني اسفط بل ملابس

رفعت راسي وأشوف نظرات رقية ڪلهة شك، وحيرة
وڪأنهة تعرف بل ديسوي أسرافيل ڪالت قبل لا تطلع

رقية: انزلي ويـانة

- اي بس أغير ملابسي

طلعو برا سديت الباب غيرت ملابسي وشمرت شال ؏ راسي، نزلت وملامح تعب واضحة ؏ وجهي

صاح أيهم بصوت عالي: اشرقت ونورت ولو وجهج باهت

ضحڪت ڪعدت وخديجة كاعدة بصفي وهووة حاطنة گبالة ويضحك علينة ويحشش عليـنة

أيهم: ههاي أڪو فد واحد أثول بليلة عرسة ما عندة موضوع يحجي بي ڪال الزوجتة اهلج يدرون بيج هنا

- ههههههههه

خديجة: صدك أثوول هههههههههههههههه

أيهم: أڪو عجوز سمعت عزرائيل ياخذ الكبار بل عمر گامت تاڪل شوربة أطفال دخل علية عزرائيل ڪلهة ها ولج شسوين ڪلتلهة دوعانة وأتل سولبة ڪللهة أتلي وخلصي حتى نلوح

- عزا ههههههههههههههه

خديجة: يمة بطني هههههههههههههههه

ضل يحشش ونڪتة تفطس ضحك سكت شوي وكال

أيهم: خدو حووووووووزة

خديجة: وجعة بطنك

أيهم: خد خد خدووووو حو حو حووزة

ادم: وهرش وجع لهل صوووت

ضحكت بصوت عالي وخديجة دغم بي شكد يتعاركون
أجة طفل وڪعد بحضني ابتسمت طابعة بوسة ؏ خدة

- شسمك حبيبي؟

جود: اثمي جود

- فدوة شڪد اسمك حلوو

جود: وانتِ ثنو اثمج؟

- اسمي جوارح

جود: عمـة جوجة

- فدوة تروحلك

ضحك واني ادغدغ بي ضحڪتة تخبل طبع بوسة ؏ خدي ڪايل

جود: احبج عمة جوجة

- واني هم احبك روحي انتَ

صدك غيرت جوو وياة وهوة سوالفة تخبل يعرف ڪلشي بل بيت وذڪي علية ما شاءلله

خديجة: فدوة حتى خدودج ودرن شبي حابسج المخبل

ابتسمت، ومرر يومين وفعلاً تغيرت حالتي نفسية بس
ألم مو طبيعي انتبهت علي رقية وڪالت

رقية: حبيبتي شبيج؟

شاورتة وسولفت ألهة وهيه تفهمت وثاني يوم لڪيت عصارة، علمتني علية استمريت اخلي منة وفعلاً تحسنت عليـة ومرت أيامي أڪل ونوم وشغل

رحمة: يمة خل نغسل البيت

- اي خالة نغسلة ليش لاء

رقية تسوي غـدة واني وأم أسرافيل شلنة الفراشات ڪلهة حتى نغسلهم وهيه دڪلي

رحمة: عفيه بل نادرة

اني ما أصدك واحد يمدح بية اتحمس، رفعت الدشداشة وثبتت بل شورت داخلي، للزمت بطل زاهي
وارش الڪاع ومعطر رشيت ومعقم أرضية

وأرش الڪاع بل صوندة مال مي واطيحلك جلف

رحمة: عفية بل سباعية

طلعت الڪرويتات برا ورقية ساعدتني انشر الفراشات
رجعت أجلف بل صالة، دخلت خديجة فاتحة حلڪهة بصدمة وڪالت

خديجة: يمـة مشغلة البنية خدامة توا رجع دم بوجهة

رحمة: مالج علاقة بنية نادرة ؏ أقل تشتغل وجها وردي مو مثلج وجهج چنة مزهرية وجهج مجولح

ضحڪت بصوت عاالي وهيه خلت وزعلت صعدت الغرفتة شڪد حساسة خديجة، شوي ونزلت مغيرة ملابسهة مال جامعة وام أسرافيل دڪول

رحمة: بدربج بدربج للمطبخ ستڪان چاي

راحت تسوي چاي واني رجعت أجلف دخل علينة أيهم
شمر ملازمة وڪال

أيهم: ولڪم هلة والله

رفع أڪمام بنطرونة، وتحزم ويـانة واخذ جلافة ويجلف وياي

أيهم: لاء اني ما يصرفلي هل وضع

طفرر لليفوك واني أضحك ؏ حماسة نزل وبيدة ديجي
شغل أغنية ساجدة عبيد وهوة يغني وياهة ويرڪص

"لا تضن جلمة ليل وانساها باجر "

أيهم: ههل عادة بيڪم ليش كسر الخواطر

هز خصرة ويهز جتف والله رڪصة رڪص راقصات
اندمجت وياة سواانة واهس فوول وخديجة طفرت فوك جابتلي برمودة حتى اخذ راحتي

للبستهة وساعة أرڪص وياة ساعة ارجع أجلف

أيهم: لا تحجي وياي وياي وتشمت عادي

هزز جزئة سفلي ڪلهة وجزئة العلوي ميتحرك توقف
هااز جتفف، ضحڪت بتعجب ؏ رڪصة

صارلك البيت يلمع لمع طفة الأغاني واني شغلت البنڪات حتى تنشف الأرضية والأبتسامة مرسومة ؏ شفتي، عاطتت ام أسرافيل

رحمة: ڪومي بدلي لا تصخنين غير يشردنة زوجج

استغربت وبنفس الوقت ابتسمت، لأن تغير تعاملهة وياي وصارت أحسن أومأت براسي مشيت أريد اصعد
وسمعت صوتة يڪول

أسرافيل: ڪواهم الله

خرطتت عافتي من الخوف ونسحب دم من وجهي التفت باوعلي لو قامت القيامة..

يتبع...

شلونهـم الحلوين؟؟

رمضان ڪريم گليباتي 🤭💕.

تابعوني ؏ انستكرام، وتلي جوراح تجي تسولف وياڪم