رواية وحش بابل الفصل الحادي والعشرون 21 - بقلم ايات محمد

مرحـباا گليباتي...

لا تنسون الـ تصويت، تعليق، متابعة حسابي 🦋🖤.

#وحش_بابل

ــــــــــــــــــــــــــــــــــــــــــــــ

رفعت راسي وياا ليتني ما رافعتة وشفت ردة فعلهم
الڪل فاتح حلڪة وعيونة بصدمة!!

بلعت ريك خايفة وبس راسي مطلعتة اباوعلهة بينماا جسمي ڪلهة ورا أسرافيل سمعت صرخة أمـة

رحمة: منووو هاااااي؟؟

تڪرر وتصيح منو هاي ومنو هاي سمعت صوت صديقة

ضرغام: خدوو صعدية فووك

جلبت بقميصة مشددة علي وادي ترجف خايفة من أمة
رافضة فڪرة اترك قميصة وأروح وي لأسمهة خدو

تقربت مني ڪايلة بحنان مفرط وجهة نوراني عيونة زيتونية ابتسامتة حلوة وجهة مريح للنظر

خديجة: تعالي يعمري للتخافين شسمج؟

غطيت وجهي بضهرة وبلعت ريڪي للمرة المليون
تنهدت بصوت مسموع وابتعدت عني، للزمني من معصمي مطلعني من وراه ضهرة

صعدنـة بايات الدرج ودخلني للغرفة بدون ما يحجي
طلع وقفل الباب شهڪت بخوف ؏ صدمة واسمع صوت صديقة يڪولة بصوت عالي متعصب

صاحب: خل خدو تدخل يمة البنية خايفة شبيك

عـاط بصووت عاالي اراهن مو بس اهلة سمعو صوتة
حتى جيران

- اليدخل علية يحفر ڪبرة بيدة

اسمع صديقة للخ يڪولة بنبرة حذرة

ضرغام: شسوي بعد ما عرفو وين شقتك ومزوج

واسمع صيحة أمـة تصيح بعلوو صووتة

رحمة: متزوجج وما دكليييي ومنين أصلها ومنين فصلهاااااا

بچيت ضامة وجهي بأدية يربي شهل حجي الـ يسم البدن ڪاعدة اسمعهة، حقهمم ينصدمون حقهمم بچيت
بصووت عاالي وضليت ؏ نفس الڪعدة.

بچيت الـحد متعبت عيوني، من البچي احس عيوني ورمتت أنتفخت من ڪثرة البچيي، شڪول عليك أسرافيل وين چنت وين صرت منو يڪول أهلة رحمانين؟؟

أمـة مبينة من هسه حادة أسنونة علي وما قابلة بية
طبعاً متقبل بية اذا أبنة دخل عليهم وڪالهم اني مزوج
غيرهاا تطردة بشارع، بس اني شنو ذنبي؟

تعبت من تفڪير ضليت أسأل وأجاوب نفسي بنفسي
وجوع ڪتلني واني وين چنت 24 ساعة داعسة راسي بل ثلاجة.

عقارب الساعة تمشي بدون توقف وي ڪل رنة تصدرها دلاالة دخلت برقم جديد، ابتلااعي الـ ريقي بستمرار حتى يرطب حنجرتي ألـ متيبسة، عيوني تحدق بل فراغ بحيرة، تعب، عتاب، وجع

رفعت راسي من سمعت طرقات ؏ باب وصون بنية شـابة ڪالت بصوت حنون متسائل

رقية: محتاجة شي حبيبتي؟

- جوعانة!

ڪلت ڪلماتي بصوتِ باكي سمعت صوت خطوات تجي بتجاة الغرفة و صوتة يڪول

أسرافيل: شسوين؟؟

رقية: البنية جوعانة راح تموت

أسرافيل: سويلة أڪل اذا ما أتعبج

اردف ڪلماتة بڪل احترام لعد شبي وياية الله چالبة
علي عابت روحة، انفتح باب الغرفة بواسطة المفتاح العندة باوعلي بنظرة غريبة

اني شفتة لو أنهديت بل بچي تقرب مني احتضني راسي صار بطنة وأيدة تمسح ؏ شعري وألأول مرة احسة حضني بحناان، مسح دموعي وصووت تنهيداتة
صدعت أذني همس

أسرافيل: ڪافي بچي عيونج الحلوة ورمت

مسحت دموعي بل فالينة الي لابسهة نص ساعة من ؏ ههل حال انطرق الباب ودخلت البنية شايلة بيدها صينية

بيـة تمن، ودجاج، ومرڪة، أخذهاا من أيدها وتشكرهة بهمس طلعت من الغرفة وخلاة صينية ؏ چرباية

تربعت ؏ چرباية وڪعدت أڪل وهوة يدخن ويسرق نظرات مني اردفت داعسة الخاشوڪة بحلڪي

- شڪد حقير مڪايل لأمك علي

باوعلي بسرعة ودار وجهة نافث دخان بتملل باوعتلة ڪايلة وعيوني دمعت

- أمك تخوووف

بچيت بصوت عالي وهوة يباوعلي متعجب وملامح تقز
تارسة وجهة

-سدي حلڪج وأبچي رحمة للخميني

سديت حلڪي ومسحت دموعي خلصت أڪل، شبعت
كام من مكانة وكال وهوة يمشي

- ضلي هسه اجي

طلع من الغرفة وسد الباب دقايق قصيرة ڪلش ورجع شايل بيدة ڪلبية عريضة كلش يدخلون بية أثنين وشاال

اخذتهم من أيدة ولبستهم والڪلبية جبيرة بس مشيت نفسي بية، طلع من الغرفة واني امشي وراة

باوعت بصدمة من الـ منظر الڪدامي نسوان وزلم تارسة الصالة بلعت ريك بخووف واني اشاهد نظراتهم

الـ مستأذبة، الوحشية، هسه صدڪت بعبارة وحوش
هذول لو أنزل يـمهم ياڪلوني أڪل

نظرات النسوان بتجاهي تخوف، ترعب، وجوهم ثڪال.
خيط صغير وينفجرون من ڪمية العصبية، والغضب
ينهشون للحمي نهش اذا أنزل وهذا يمشي سريع

عبالك وحوش بشرية دخيل آلله شڪد يخوفون

ڪعد ؏ كرويتة واني كعدت بصفة شوي واڪعد بحضنة من الخوف والرهبة، الأرتباك واضح ؏ ملامح وجهي منزلة راسي وأفرك بادية، بتوتر بالغ

رطبت شفايفي بلساني واسمع صوت فززني من مكاني

-: سوالف سيادة النقيب أسرافيل

گلب أسرافيل عيونة بتملل مد ايدة بجيب بنطرونة ورث جڪارة نافث دخان برود، فتح حلڪّة وسولف
من الألفَ للياءِ حتى ؏ حملي السقطتة ڪالة

يحجي بعدم مبالاة وهمة بس واحد يسويلهم بزز ينفجرون حرفياً، ڪمزت أمة من مڪانهة وڪالت بصياح

رحمة: جـايب رقاصة البيتيي!!

ضرب ؏ طرف جڪارة واكع تبغ وأمة شافتة هيج بارد لوو استهترت

رحمة: هسهه ترجعة منين ما جبتهة

أمة تصيح وهوة يصيح واني ارجف من الخووف شهل موقف الي أنخليت بي يربي ڪال بعيطة ويأشر بل جڪارة العندة بعصبية وتحدي

أسرافيل: رقاصة وجبتهة من ملهى وزوجتة ونقذت حياتي عدڪم أعتراض؟

رحمة: اخر وكت تزوج رقاصة ألف وحدة تتمنى نظرة وحدة منك رحت للرقاصة بطل من شغلك وخلية تركصلك

احتقنت ملامح وجهه صار أحمر وشراين ڪصتةة واضحة وضوح الشمس، وادية ترتعش من العصبية وصوتة العالي، دفر برجلة طاولة وصارت طشاار

بلعت ريك خايفة، ضرب بيدة التحفيات صارو طحين
عيوني الخايفة تراقب تحرڪاتة للزمة صديقة بلگوة
يهدء بي وهوة فاقد عاط بعلو صوتة

أسرافيل: جبتة باڪر باڪر ضروفهاا حڪمت تدخل هيج مكان قذرر لوما هيه هسه انتِ تسويلي ثوابات

للزمو أصدقائه بلگوة وخلو يرجع يڪعد بمكانة وأمة هم كعدت وجهة محتقن من العصبية، صار الوضع شبة هادئ، بلعت ريك للمرة المليون خايفة من نظراتهم الي وجهونة بتجاهي

جريت فالينتة بخفة ضاهرة عضلات صدرة وضهرة
اردفت بصوت خافت بس الضاهر سمعوني

- رجعني للشقة ماريد هنا أخاف

خزرني خزرة تمنيت ماڪلة وحل وساڪتة ولا فاتحة حلكي

رحمة: اخذها للشقة، واني اڪول ابني شبي يلفي علي بل شهر مرة

حسيتة حيضربني راشدي يطير وجهي دخلت ألبنية سمعت يصيحوهة خدو بل وضع صح وسحبتني منة مخليتني وراهاا من صدك اجة يمد أيدة علي ڪدامهم!!

أسرافيل: ارجعي ڪعدي بمڪانج

خديجة: دشوفها شوي ويغمى علية شبيك؟!

عيونة الحادة مسلطهم بتجاة واني مدنڪة راسي ولازمة بيدي شال خديجة بتوتر سمعت صوت صديقة يڪول

صاحب: ؏ ڪيفك وي الطفلة

التفت وهم صديقة حصل المقسوم من الخزرة صفك صديقة للخ بثنين أدية وڪال بتسأول

ضرغام: تعال لك عـار مرتك مسقطة طفل ليش وشلون

صديقة لخ ضرب ڪصتة وضحك هاز بيدة اتوقع ضحك ؏ سؤال صديق اسرافيل ألـ مو مناسب بهل وضع

كال عمهم ماعرف شيصير منهم بس رجال كبير بل عمر

-: اذا أضل الراقصة هنا نفصلكم من كلشي توكعون من اسم العشيرة والفخذ

عضيت شفتي سفلية مانعة صدور ضحگتي من سمعت صووت زيـج ترس الصالة

أيهم: ؏ أساس هسه انتم مهتمين النة ميتين عدلين يا يوم سألتو بيكم شي محتاجين شي؟

صار ڪلام قوي بينهم وعمامة يڪولون

:- ما عدك تربية ولا أخلاق شلون تحجي هيج

وذاك الـ حجي ؏ تربية والأخلاق ولخ ولا مهتم ويهز بيدة بستهزاء واسرافيل شوي وينهش لحمهم ويريد بس الولد الي لازمة يترڪة حتى يتهجم عليهم بڪل وحشية أول ما طلعو رفع أدية اثنيهن وغمهم ڪايل

أيهم: وراڪم سبع طابوڪات مو حصوات

وأمة تحجي ودردم حقـة ما ألومهة والله ڪعدت من كعدت خدو شوي صار هدووء واسمع صوت صديقة يوجهلي نظراتة ويڪول

ضرغام: يا عيني يڪول ملاك كاعد يم خدو حوزة بس اخلي وجهة بل تقاطع اجيب اڪثر من راتبي

باوعت الـ خدو خطيه بچتت وتريد دڪوم واني مچلبة بيهة متتحمل شقة بس والله بلگوة حبست ضحڪتي
واسرافيل وأمة واحد مگابل الثاني واحد يخزر بل لخ وهوة يهزز رجلة بعصبية مفرطة

الوضع متوتر ومشحون، رجلي خدرت من الڪعدة وصمت والهدوء مخيف، ڪسر هذا صمت صوت أمة وهيه دڪوم من مڪانهة

رحمة: ڪومي خدو سويلي نومي بصرة

خديجة: اي هسه أڪوم

صاحت بصوت عالي لازمة راسهة

رحمة: ضغطي صعد من وراه الجاموس العندي

أيهم: يـمة احلبي الجاموس وبيعي حليبهن

ما شفت ألة نزعت نعالة وهفتة بي وسبحان الله ما لاحتة لأن رڪض بتجاة المطبخ ويصيح

أيهم: جـوعااان انريد نجرب أكل مرت اخوي جديدة

سمعت صوت ضحڪة أسرافيل هذا يستهزء بية؟
وبطبخي؟؟ گلبت عيوني بملل وصار هدوء سمعت صوت أخو يوجهلي الڪلام

آدم: شنو أسمج وين أهلج؟

ضليت ساڪتة اباوع الـ أسرافيل أجة يفتح حلڪة ويحجي وسبقة أخو ڪايل

أدم: انتَ اسڪت خل نسمع صوتة اخاف خرسة

حجيت ڪلشي من الألف للياء وألف بشال خدو بصبعي
فزيت من صاحت

خديجة: شالي نزعتي يمعودة حرام

تركت شالهة من ايدي وحجيت وانطلقت أسولف كلشي
وما بين اني أسولف صديقة يڪول

صاحب: حسبي الله ونعم الوكيل بيهم

- بيوم وشفت ڪم رجال يخططون حتى يغتالو فـ ساعدتة وڪتلهة عليهم و..

ڪمل اسرافيل ڪايل: واخذتة شقة وعقدنة وصارت زوجتي وقبل فترة صار عدة حمل بس ما ندري بي وسقطتت

احتقن وجهي من ذكر طاري ابني ودمعة وصلت طرف عيني عمري وحياتي ما راحح أسامحة ؏ سوا بية نزلت دمعتي ؏ خدي وخدو تمسح بدموعي وتهمس بأذني
ڪلام يهدئني

خديجة: گلبي انتِ الله ياخذ حقج

أومأت براسي ماحسة دموعي وإن شاءلله ياخذ حقي
رب العالمين من ڪل شخص ضلمني وخاصة أسرافيل

•••

ضرغام: فتيتت روحي احجي شبيك؟!!

صاحب: متقدم الة واحد من گرايبهم وابوها راضي يريد ينطية

ضرغام: اخطفة واعقد علية مثل ما أسرافيل سواا

صاحب: هذا مسوي شي حرااااام!!

أسرافيل: اڪل تبن صح خطتفة وصح جبتة من ملهى بس ما متقرب الة بل حرام الله يشهد

صاحب: وهسه نبقة هيج اريد حل

أسرافيل: ما عندك حل وحجي ضرغام صح اخطفة وطلعو خارج المحافظة وسالفة شغلك إني احلة

صاحب: لا ما أسوية اول تاالي اني رجال عسكري باجر اموت يصير بية شي اهلهة يتبرون منة بعد منو الهة بعدي؟

عـاط أسرافيل بوجهة صاحب من ذكر طاري المووت

أسرافيل: عاااد لا تحجييي هييج لا تحجييي هيج تعرفني اضوج من هل سيررررة

ضرغام: اهددء أسرافيل اڪعد

ضل صاحب الـ ثاني يوم بس يدخن ومحتار واحنة ابد ما فارڪناا، أسرافيل نايم ؏ ڪرويتة، واني ؏ كرويتة
الثانية، وصاحب ڪاعد ؏ ڪرسي ويدخن وجهة محتقن

رن تليفونة طلعة من جيب بنطرونة فتحة سبيگر من شاف اسم المتصل وخلاة ؏ طاولة، سمعت صوت حبيبتة تبچي بصوت عالي وهوة دهورت احوالة ڪالت بصوتة الباڪي

رهف: صاحب فدوة ماريدة أريدك الك انتَ

نزل صاحب راسة بخيبة، بقهر، بوجع، رجعت كالت بنفس نبرة صوتة الباڪي

رهف: هددتتهم اذا يزوجوني الة انتحر واحرك نفسي والله العظيم

صاحب: استغفرالله ربي العظيم واتوب إليه

رهف: أني احبك صاحب راح اسدة

سدتت الأتصال وصاحب نزلت دموعة ؏ خدة مثل طفل وضعهم يقهرر، ويبچي الصخرر

نمت وخليتة يختلي براحتة،

•••

رهف: والله انتحر واحرك نفسي ولا أزوجة

- بنيتي والله شلعتي گلبيي!!

صرختت بصووت عالي اباوع الهة بقهرر

رهف: ماااريدة لهل زماال فدوة ماما أبوس ايدج شوفيلي حل والله اموت بدونة

حضنتني بقوة، استهترت من ههل سيرة وهل موضوع
وڪل ما اوخر راسي من صدرهاا ترجعني وتبجي ؏ حالي

رهف: هاة ماما راح تقنعي ما ينطيني الة؟

- صبريلي اشوفلج حل بنتي

مسحت دموعي بڪف ايدي اليرجف بقوة ترڪتني ونزلت جوا، واني بقيت هنا اموت ألف موتة بل دقيقة
انفتح الباب وماما وجهة مبتهج

رهف: هاة ماما شڪال؟

- ڪتلهة خالهة يريدة الأبنة من تڪمل ڪليتة

ابتسمت بفرح ما قصرت يـا ربيي

- فضت السالفة وڪافي تبچين موتيني بچيج

مسحت دموعي وضحڪت بصوت فرحانة، سعيدة بهل خبر وبدون اي تفڪير اتصلت ؏ صاحب وڪتلهة وخطية هووة همم فرح،

•••

طلعت من المرڪز امشي بتعب، لو مشتغل بل تقاطع احسن عاد واني ڪاعد احصلي ڪم فلس ولا كل هل تعب

شلون فڪرة حلوه والله، ؏ اسبوع جاي اسوية
وقفت سيارة ؏ البناية مال شقق

نزلت أفر بل مفتاح بصبعي وأدنن وي الأغنية

ضرغام: وشلون ردح العمارة هيج وهيج

صعدت بل مصعد، دخلت المفتاح بل قفل انفتح باب شقة أسرافيل.

فتحت عيوني ؏ وسعهم بصدمة من شفتت!!

صاحب، وحبيبتة ڪاعدين بية لا اخاف عيوني بيهن شي يمڪن ڪاعد أتحلم؟؟

البنية ڪاعدة محجبية وعبايتة وڪاعدين يدردشون مدري يسولفون وڪدامهم ڪرزات وعصاير،

صاحب مصدوم يباوعلي واني مصدوم أباوعلة،

احتاريت اطلع بڪرامتي لو اڪعد يمهم اڪل واشرب؟

اخذت قراري سديت الباب ونزلت واني افڪر معقولة هذا صاحب لا أخاف متوهم لو هذا واحد يشبهة!!
شلون وافقت واجت وياة للشقة؟؟

معقولة صاحب عندة ههل سوالف؟
أبوي يسوي هل سوالف وصاحب ما يسويهن لا هيه ضلت ؏ صاحب هسه يطلع خادعنة بشخصيتة المتدينة وهوة ڪ***

اخاف خاطف البنية، لو مزوجين بسر چا ليش ما ڪلي؟! اي يمڪن خطفها لو وين شيخطفهاا

رجعت للمرڪز ودخلت للمڪتب واشوف أسرافيل خابص الأمة العربية بل اوراق وموڪف المرڪز كلة ؏ تك رجل،

رفستة برجلة ڪايل: هيوو أسوو

جاوبني وهوة منزل راسة يشتغل ؏ لابتوب بترڪيز

أسرافيل: خير يـاا ستار شڪوو؟؟

ضرغام: اڪلك هذا صاحب هوة والبنية بشقتك!

رفع راسة يباوعلي بخزرة وڪال بصوت تحقيق

أسرافيل: شعرفك؟

ضرغام: أمدة حظي غير عندي نسخة من المفتاح نسيت شنوو؟؟

أسرافيل: اذا طلع حرف اڪص للسانك

ضرغام: خفت عود كضوني جاي ارجف كم لك صاحب صاحب روحي بس شلون سواها اخر توقعاتي ترة والله
صاحب يسوة مستحيل

احجي واهزز بـ اسرافيل هزز للحد ما طلعت روحة وصاح

أسرافيل: ڪافي تهززز بية ولللك

ضرغام: اي احجي ولك بس لا منطي شي انتَ مشربة ڪبسلة للولد

أسرافيل: راحح اكوم احوس بمعدتك

ضرغام: ولك حاست روحي مو معدتي احجي

أسرافيل: ما مسوي شي بس هوة راد يحجي وياهة ما يريد لا سيارة ولا مطعم وڪتلهة ؏ شقة واني ڪلي ثقة بصاحب ما يسوي شي غلط

ضرغام: معقولة وشنو يستفاد ترة ڪلهة عرفت صاحب عاشڪلة البنية من كد ما خطبة ونزل من ڪرامتة

أسرافيل: صوجة هوة مرة ومرتين خلص انتها الموضوع ما أنزل كرامتي علمود بت

ضرغام: موو بيدة هذا عشك هسه انتَ ما تعشك مرتك

ضرب ؏ طاولة بيدة ڪايل: لا تجيب طارية ضرغام

ضرغام: من جبت طاريهة تسودنت شلون تريدة يخلص وينساهاا

أسرافيل: اني غير وهوة غير اخذتة لا أم ولا أب وصاحب أهلهاا ڪلهة ضدة ما عدا امهة

خللة وطلع شلون سالفه هاي يربي همزين اني لا احب ولا اتمعشك!!

•••

الـ جدران الأربعة تحيط بية من جميع الجهات مسببة الي الغثيان والوحدة، ڪاعد اشوف الفرصة وبريق الامل يلاحڪني

واخيراً أجـة الفرج وراح اتخلص واتحرر من هل سجن
المحبوسة بي واخيراً راح اشوف حرڪة الناس حولي

واخيراً راح اتخلص من وحشيتة هل وحش

منتظرة عقارب الساعة تمشي بأسرع وقت ممڪن لڪن دتختبر صبرري وتتحرك ببطء شديد

زين شيصير اذا للزمني؟؟

يتبع...

ڪولش اسفة ؏ تأخير، وانطوني رئيڪم بل بارت
وتوقعاتڪم ألة 😍♥..

بوسـاتـيي ألڪمم 🤭💕.

حسـاب الأنستغرام دائماً ندردش بي ونزلت بعض صور للبطل اطفروو قبل الحذف.