رواية وحش بابل الفصل التاسع والعشرون 29 - بقلم ايات محمد

مرحبا گليباتي..

لا تنسون الـ تصويت، تعليق، متابعة الحسابي 🦋🖤.

#وحش_بابل

ــــــــــــــــــــــــــــــــــــــــــــــ

ڪعدت صبح، وصليت مثل ما علمتني خديجة، كعدت كدام المراية أباوع الملامح وجهي، وغصة واكفة بلعومي، مسحت ؏ شفتي المجروحة والكدمات طابعة
؏ ركبتي وأديـة،

اصدرت تنهيدة متمللة من هل وضع والـ متى؟؟
للبست شال ونزلت جواا، صبحت عليهم واشوف نظراتهم، تتوجهة نحوي متسألة، مستغربة وصراحة مبية حيل اكعد أبرر،

من طلعو كل واحد شغلة، للزمتني خالة وكعدت تحقق وياي،

-رحمة: شكوو شبية شفتج

باوعتلة بصمت وهيه ضلت تلح شكو وشكو وشبية شفتج شنو اكولهة هذا ابنج سوا هيج؟؟

من شافت ما مني أي أجابة عتقتني وراحت تڪمل شغلة، صبينة غدا ولڪل تغدا وناس نامت وناس طلعت تفرفر، ماعرف وين

للعصر اني واكفة بل مطبخ ودخلو أثنين نسوان وبنية شابـة، صعدت ركض للغرفة خديجة، خفيت جرح شفتي وخفيت الهلات سوداء جوا عيوني صايرة چني مومياء خليت شوي مڪياج ونزلت، وخدوو بل حمام

ساعدت رقية وقدمت ألهم مي وكعدت اريد اعرف شنو يردن هذني النسوان وچانت الأبتسامة شاكة حلوكهن ويباوعن بل وجوهة حجت مرة تصير بكبر خالة

-ام بنيامين: اليوم أجيناكم وتعنينة ألكم

-رحمة: اهلاً وسهلاً

-أم بنيامين: بعد گلبي ابني استاذ جامعي وشايف بنيتكم خديجة والله يحمد بية وبأخلاقهة ويكول شريفة وجمال وأخلاق وماكو منهة ونطلب ايد خديجة لأبني ؏ سنة الله ورسولة

-رحمة: اهلاً وسهلاً بيج خية انتشرف بيكم والله بس ناخذ شور عمامهاا وأخوانها والله ڪريم

نزلت خدو لابسة فستان وردي فاتح طالعه تخبل كعدت يمي وسلمت بصوت هادئ، واتوقع هنة عرفنهة هاي خدو وأكلنهة أڪل بعيونهن صراحه تجنن خدو باوعتلي أم بنيامين وڪالت ببتسامة

-أم بنيامين: انتِ متزوجة إذا ما متزوجة خاطر اخذجن
ثنينجن الـ ولدي

وجهي فلت من صدمة وخدو توترت هاي الفاهية وجهة
صار أصفرر تخاف من أسرافيل، ضليت بس اباوع ألة وضاهر حتى خالة انصدمت بعدهي ما فاتحة حلكهة

ودخل هوة بطولة الفارع وجكارة بين أصابعة كال بصوت بارد

-أسرافيل: لا مرتي حجية

عضيت شفتي سفلية أباوعلة وهوة العفيف ما رفع راسة صعد، فووك، هذا چان ورا الباب؟؟
قدمنة چاي وكعك وهنة ماا طوولن شوي وراحن وطبعاً تحمد بأبنهة وترد الي وراا

••

هفيت وجهي من حرارة الجوو، شمس العراق مصيبة فعلاً مصـيبة، احس وجهي صار طماطية من الحر واباوع الـ ناهدة من بعيد كاعدة بل ڪافتريا جوا سبلت وتشرب عصيرر بارد،

شافتني وأشرتلي أجي، غميتة بيدي ومشيت عود رايتحلة، متت من الحرر، دأمشي وحسيت بضل اعترض طريقي حاجب عني الشمس تصكع براسي

رفعت راسي اباوع انصدمت وگلبي صار طبول طبول
ومطاية زاڪط بطني توترت وهوة ڪال

-بنيامين: تعالي للمكتب بسرعة

اريد اعتراض وهوة مشة رايح بتجاة مكتبة استغفرالله هذا شيريد، انوب بس لا يحصرني ولو هية مو مال حصرة دنياا تكتل من الحرر،

دخلت للمكتب وهوا سبلت ضرب بوجهي غمضت عيوني منتعشة، سديت الباب وصوتة فززني

-بنيامين: هاة خدو بناتيي

جاوبت بتلبك وبعثرة: هاة استااذ اقصد دكتور

اشرلي اكعد ؏ كرويتة، كعدت وهوة كال بصوت هادئ وبتسامة حلوة نامية ؏ ثغرة اني أباوعلة لو گلبي يضل يقرع مثل أجراس الڪنيسة،

-بنيامين: اليوم أدز امي

فلت وجهي اباوعلة بصدمة بلعت ريك خايفة شيقصد
كلت بنبرة شبية اللبڪاء

-خديجة: ليش أستاذ والله ممسوية شي ولا غاشة ولا مسوية شي والله

باوعلي بصدمة حسيتة يريد يدمغني بكصتي زفر انفاسه بصوت عالي وكال

-بنيامين: شبيج بابا اريد اخطبج من أهلج

فتحت حلكي بصدمة وهوة يباوعلي ببتسامة اجة يغمى علي من توتر والخوف، يسوية صدك يعني عبالي هاي المدة ڪلهة يضحك علي ونيتة غير شي وهوة واحد ملعب طلع نيتة يخبطني، اقصد يخطبنيي

-بنيامين: اذا موافقة حتى ادز الوالادة العصر

تلبكت حيل وما عرفت شنو أجاوبة احس فقدت للغتي لأم، ونسيت شنو يعني للغة العربية، ضليت ساكتة وألعب بأصابعي بخجلل

-بنيامين: احجيي خديجة حبيبتي

-خديجه: مادري بكيفك

ضحك بصوت عالي وضحكتة دخلت گلبي بدون أستأذان،

-بنيامين: اني موافق معناها انتي موافقه

هزيت راسي ورڪضت طالعة من المكتب سحت من الخجل، طلعت من جامعة ڪلهة ولكيت ايهم منتعش ومشغل اغاني، رڪبت سيارة وهوة أنطلق

الأبتسامة شكت حلكي وضالة بس أصفن، واعض بشفتي خجلانة، وهوة يباوعلي بنظرات مستغربة وكلة تساؤول، خيولي مالي خلڪهة

وصلت للبيت ركضت غسلت وجهي ونمت بدون غداا
ڪعدت العصر، ودخلت سبحت ومحتارة شلون اقابل أمة والله خجلانة حيل حيل، خليت مكياج خفيف وللبست فستان وردي فاتح، ونزلت

خفتت حيل من أشرت ؏ بطة حقهاا بطه صغيرونة وحيل حلووة وتجنن، ضليت ابلع بريكي خاايفة من أسرافيل بس يعرف انووب شيخلصنة منةةة وأبن الحلال بذڪر دخل اجيت اخرط العافيه من الخوف

وهاي بطة ضلت صافنة بوجة المرة الفاهيه ضلت لا تاخذ ولا تنطي، لوما عيب چاا ڪفختهة،

وأمة ضلت تحمد ابـ بنيامين سوتة من الملائڪة الصالحين وهوة يومية حاصرني بمكتبة،

من طلعوو أمي ڪيفتت وكعدت يمي ودكوول

-رحمة: ولج خابية وافقي ما تلكين احسن منة هم دكتور جامعي وهم ترحين وتردين وياة وتكشخين بي كدام بنات عمج الحياية

دخل أيهم يهزز جتف ويطك اصبع فرحان ولا عبالك اخوي ويصيح

-أيهم: واخيرراً حتى اخذ غرفتج

-خديجة: مو عندك غررفة

-أيهم: لا غرفتج اڪبر

غميتة أباوعلة بقرف، وهوة فرحاان، دخل آدم ونزل أسرافيل، وبطة تشرب چاي وفاتحة حلكهة مترتين تضحك ؏ أيهم  التافهة..

-رحمة: مبين خوش وليد ودكتور جامعي شدكولون يمة

-آدم: اني موافق مبين خوش ولد

باوعت ماما الـ أسرافيل منتظرتة شيكول نفثت دخان جكارة وأردف بتفكير

-أسرافيل: اطلع معلوماتة وأسأل علي يلة

-رحمة: شني يمة طلع معلوماتة أرهابي هووة

باوعلة بعدم مبالاة وطبعاً الـ براسة يسوي حولت نظري
البطة بعدهي تشرب بل چاي، باوعت الأيهم وضحكت وهيه ضحكتة شهيرة شهيرة

لڪل أبتسم ؏ ضحكتة، وأسرافيل كرصهة وأسمعة يكولهة

-أسرافيل: ضحكة البرابيك هاي بطلية

وهيه تهزز براسة وحابسة ضحكتة شكد تافهة بطة والله..

••

صعدت خدوو واني رڪضت وراهاا منو هذا دكتور جامعي، ومبينة فرحانة اتكمزز لأدبسزز، دخلت للغرفة وسديت الباب

-جوارح: اي عيني منو هذا دكتور

سحبتني من أيدي كعدتني والأبتسامة شاكة حلكهة شك، وبدتت تسولفلي وفرحانة بي، شلون حاصرهاا وشلون يحبة ويغـارر،

-جوارح: يمة طلعتي مو هينة موو حررام

-خديجة: اني ممسوية حررام هوة والله كلهة من راسة

ضحكت عليهة وهيه ضلت تأتأ من كتلهة حررام باركتلة وطلعت من الغرفة،

مرر أسبوع ڪامل وأسرافيل ما رد الهم الخبر ودكتورر
أعصاابة تلفت من وراا..

-خديجة: لج تخبل يكوول هذا اخوج ناوي يجلطني

-جوارح: قابل انتي متعرفين أسرافيل شوف شنو براسة وهيج تاخرر

صار وجهة أصفرر وتوتر واضح ؏ ملامح وجهة شبية ههاي لأبنية ڪالت بخوف وتقضم بأضافرر أديهاا

-خديجة: اخااف عرف چان يحصرني

باوعتلة بصدمة، وضحكت بصوت عالي وهيه ضلت ترجف من الخووف، اختنكت من ضحك تفكيرها كلهة بل حصرة هذا ڪم مرة حاصرهاا وهيج خايفة

-جوارح: مدكليلي شمدرري هووة

بلعت ريك خايفة، كمت انطيهة مي شربت شوي مسحت وجهة وحابسة ضحكتي بلگوة، شكد فاهية وجبانة،

-جوارح: دكولي يالله قابل مخلي كامرة بل مكتب اليحصرج بي

-خديجة: هااة مادري

دمغتة بكصتة وهيه ساكتة لا تحجي ولا دكول صدك وضعهة وخوفة يضحك،

نزلت جواا وكل ما أذكر خدو اضحك كعدت ؏ كرويتة
وأيهم گابلني وكعد قلص عيونة يباوعلي بتفكير

-جوارح: هااة يمة شبيك

- أيهم: ؏ شنو اضحكين ومزاجج عال العال

غميتة اباوعلة بقرف وهوة بعدة مستمر بنظراتة كلت بتنهيدة

-جوارح: حاسدني ؏ ههل ضحكة يحسرتييي

كمز وكأن ذڪر شي باوع يمين ويسار وتقرب مني كال بنبرة شبية للهمس

-أيهم: اڪلج شوو خدو طولت ريلج شنو براسة

-جوارح: واني شعرفني حالي من حالك

دمغني بڪصتي للزمت كصتي افركهة بألم فر حلكة مثل العجايز ڪايل

-أيهم: چاا مو مرتة انتي

-جوارح: اااادخل بررراسة انييي وذا مررتة

مرر عيونة علي من فوك لليجوا بنظرة قررف وفر بحلكة ما عااجبة

-أيهم: همم صدك قنعتيني

گلبت عيوني بتملل اجتت خالة رحمة كعدت وأجة أدم ورقية ودخل أسرافيل يدخن عفيه رئـة ما تعطل من جكاير؟؟

فتحت خالة موضوع خطوبة خدو والناس منتظرين ؏ أحر من جمرر، وأسرافيل ولا هـامة

-رحمة: هاة يمة طلعت معلومات ؏ ولد سألت عليي

هزز راسة بمعنى أي ويمرر عيونة الباردة ؏ ڪل نفر كاعد بـ صالة استقر نظرة بتجاهي زفر دخان وڪال

-أسرافيل: موافق بس بشرررط

-رحمة: شنووة بلة ألشرط

-أسرافيل: أريد الخديجة بيت الوحدهاا

-رحمة: بيتت ألوحدهااا!!!!

أومأ براسة بمعنى " أي " وخالة عصبت وكااالت

-رحمة: موو ههاي عددنة بنات العاالم ما شررطن ؏ بيوت الووحدهن هاي مرتك ما دكول اريد بيت الوحدي
هاي مرت اخوك مو عدها جهال ما حجت ما كالت نختلف عن الناس

سڪتت تتنفس بصوت عالي وتخزر بـ أسرافيل كاعد يدخن، تخلص جكارة يرجع يورث وحدة غيرهاا وهكذاا
احتدت عيوونة وڪال بصوت عالي

-أسرافيل: تمام بس قسماً بالله اذا شغلتوو أغاانيي احررك البيييت ؏ روسڪمم

باوعتلة بصدمة وستغراب خطيه خدو قابل يومية مخطووبة؟؟

-أسرافيل: صااحب ما صااارلة 6 شهرر من ميييت وتردون اسووون خطووبة ودك ورڪصصص؟؟؟

-رحمة: منطييي اختكك فصللية لا اغنيةة ولا حفلة؟؟

اشتدد النقاش بين أسرافيل وأمة، واني وأيهم بس انباوع، وهوة يباوعلي واني أباوعلةة، بس والله خطيه
خدوو عااط بصووت عاالي

-أسرافيل: بعد اني ڪتلكمم والله والله اذا سمعت صوت اغنية لو هلهولة احررك البيت فوك روسكممم وقد أعذر من أنذر

-رحمة: شنڪووووول للناااااس شبيييك تخببللللتت!!

-أسرافيل: يردون يتحملون السنوية صاحب خيراً ؏ خير يملڪون هيج خل يملڪون

صفكت خالة بأثنين أدية وعرفت النقاش وياة ما يجيب نتيجة أبداً الـ براسة يسوي يعني يسوي، وصدك يسويهة ويحرك البيت ؏ روسنة، اباوعلة الغضب والعصبية مسيطرة عليي ويتنفس بغضبب، خلة رجل ؏ رجل وأبتسم يباوع الخالتي، مو طبيعي والله!!!

خطيه خدو ضاجت من سمعت هيج ولڪل حجة وياة بس هوة ؏ نفس القرار، كالت ببتسامة

-خديجة: عادي ميخالف حقة تراب صاحب بعدة اخضر

-جوارح: لا تضوجين منة بس تعرفين هوة شكد يحب صديقة والله الي هسه ما متخطي وهوة مات بحضنة
اعذري يگلبي

-خديجة: عاذرتة حبيبتي

ابتسمت بوجهة، وطلعت من الغرفتهاا، دخلت للغرفة ولكيتة يدخن ويشتغل بل لابتوب ومحروك گلبة يدردم
بعدم رضاا أسمعة يڪوول

-أسرافيل: يركصون ويحتفلون وصاحب ما صارلة اشهر من ميت

رفع راسة باوعلي وزفر أنفاسة، رجع عيونة ؏ لابتوب يشتغل وأتصل تليفونة وهوة طاحلك مسبة وغلط وذاك الفشاار ڪل تفشورة يذبهة ههل ڪبرهاا، خطيه تورط من أتصل اليوم هذا أمة داعيةة علي

مررت لأيـام وأجة اليوم عقد قرأن خدوو، للبست فستان اسود مايل للكحلي، أردانة شفاف الـ حد العكس
وبي فتحة من صدر، مخصر ؏ جسمي كلش حلوو وحذاء كعب اسود،

شسورت شعري ونزلتة ؏ اكتافي، خليت مكياج من خدو، طلعت حلووة

وأسرافيل مادري بي شلبس، شسواا، اليوم مزاجة طكة ونص بس واحد يسويلة بزز ينفجر بوجهة ويسب حتى جدة السابع عشرر..

اجتت خدوو من صالون تخبلل حبيبتي لابسة فستان ماروني، تجنن طالعة، سواهاا صدك ولا اغنية ولا هلهولة بصوت عالي، ڪلهة ؏ صامت وأهل الولد چانو متفهمين، وعزمو بس خوالهم وعمامهم حفلة عائلية

اني ورقية نركض مناا ومناا، دخلت للمطبخ وشفتة صاير ههوسة كلاصات وقواطي الببسي، ضليت ألملم بي وشال ؏ رسي شامرتة شمر، دأغسل وشهد شمرت الڪلاص

تناثرر الڪزاز بلكاع، تنهدت دنكت ألمة شمرت الكزاز الكباار بل زبالة، رفعت راسي، وشفت شهد وبنات عمة
وحدة أسمة فاطمة وللخ زهراء

عبالك شفت عزرائيل موو بنات وشرر واضح وضوح شمس ؏ وجوهنن، طيزتهن، ودنكت ألم بي، ما حسيت ألة فاطمة بكعبهاا تدوس ؏ أيدي والكزاز دخل كلة بيدي عطتت بصوت عالي سحبت ايدي وانشكتت

-فاطمة: تستاهلييين

باوعتلة بغضب ودموع تجري ؏ خدي بينماا ايدي تقطر دم صرختت بوجهة بصوت عالي

-جوارح: تفوو عليج و؏ خلقتج منووو انتييي وتجين تسوووين هيج والله اشك حلڪجج

اجتت تهجم علي ودخل أيهم يركض شاف ايدي تجري
دم للزم أيدي واني بچيت بصوت عالي من الألم وهيه واكفة متخصرة دخلت خالة

-رحمة: شبيجننن

-جوارح: سحكت ؏ ايدي وشكتة واني دأشتغل

-رحمة: اطلعيي اطلعي برراا شبيج تخبلتيي

طردتهن برا ورزلتني رزالة ناشفة غسل ايهم أيدي وطلع أكلنسة من جيبة ويمسح بية وضل ضاغط ؏ جرحي حتى دم ينڪطع بس هوة ابد فلا انكطع اردفت بنبرة باڪية

-جوارح: ايييدي توجعني حيل

-أيهم: برابيك هجم بيتهن أن شاءلله

روحي راحت من الوجع وهوة خطيه انقهر ؏ حاالي
ويريد بس يوقف دم، ڪاام مدري وين راح ورجع بيدة بطل نفط تخبلتت عطتت

-جوارح: ترريييد تحررك ايييدي ايهممم

-أيهم: ثوول مال مطاية النفط يكطع النزيف يا ثولة

بچيت بخووف، سحبت أيدي وأردفت بالعة ريك

-جوارح: اصلاً منو كلك ايدي توجعني؟؟

دمغني بكصتي ما محصلة منة غير دمغ ضال بس يدمغ علي سحب أيدي وهوة يكول

-أيهم: دكعدي واني اتصرف

مديت ايدي بخووف وهوة للزمهة برفق ورش علية نفط، ما طول ثواني وأنكطع الدم صدك باوعتلة بتعجب رفع ياختة بغرور

-أيهم: چاا شعبالج اني دڪتووور ايهمم

رجعت أبچيي بصوت عالي ضل يحركني يسعر بگلبي سعر، حيل ضل يوجعني وهوة احتار شيسوي حتى يسكتني، فتحت المي وغسلت ايدي، اريد اغسل ايدي بصابون بس هوة عاط

-أيهم: لااا ولج يحرڪج

-جوارح: لعد شلوون ايييععع ريحت النفط

-أيهم: حطي ايدج بل نار وهيه ما علية هههههه الثوولة

طبعاً يضحك علي رجعت غسلت ايدي، وهوة راح جاب علبة الاسعافات الأولية، وعقم الجرح وللفة باندج..

رجعت أنظف بل بيت وخدو ملتمات عليهة النسوان
انكسر ضهري من تنظيف والله بس محد ينظف بس اني ورقية، وألة بنات عمهم الحياية ما تزحزحن من مكانهن،

صار وقت عقد القررأن، وانصدمت بـ أسرافيل مقبل يصير هوة الكفيل ويشهد ؏ عقد قرأن اختة دخل ضرغام هوة الڪفيل، تنهدت بعدم فائدة منة والله ما اعرف ليش لهل درجة كارههة الخطووبة،

صعدت للغرفة ايدي كلش تحركني انصدمت من شفتة يطكطك بل لابتوب، مطك رڪبتة من لابتوب؟؟
والله عجيب ههل، رجال جان مخلي كامل تركيزة بل لابتوب

دخلت للحمام فتحت الحنفية وغسلت ايدي وهذا ايهم للفهة ألي كلاوات للعبانة نفسي من ريحه النفط غسلت ايدي بشامبوو لأن بصابون ميصير

اشو هذا رجع يجري دم أنهااريت رجعت ابجي واشهك بصووت عاالي طلعت من الحمام وطلعت علبة الاسعافات الأولية، وأريد أسيطر ؏ نفسي واعقم جرح ما أكدر شمرت القطنة بعجزز وصوت بكائي ارتفع

حسيت بي فوكاي سحب ايدي اردف بتساؤول وستغراب وعيونة يمررهن بين بين جرح ايدي وبين دموعي المساقطة ؏ خدي

-أسرافيل: شبية ايدج؟

-جرح: أنجرحتت

-أشلون انجرحتي هيج جرح جبير؟؟

-جاي أنظف بل مطبخ وزحلكت من ورا الكعب وكعت ؏ كزاز

-هممم

صدرت منة همهمات وسڪت واعرف ما أقتنع بكلامي
كعد گبالي بلل القطنة معقم وسحب ايدي يعقم بل جرح وهذا المعقم يحررك اريد اسحب ايدي بس هوة قابض علية، للف الباندج بأحڪاام بعد ما خلص

-لا تخلينة تتبلل

هزيت راسي مسحت دموعي وأشوفة دلك ما بين حواجبة بألم مدري شبي من توفة صاحب ولي هسه كلش متغيرر، بلعت ريك رادفة

- بيك شي؟؟

-راسي يوجعني حيل

-أجيبلك مسكن؟

-تكدرين تنزلين؟

-شنو القصة متعورة بيدي مو برجلي

ابتسم شبح أبتسامة اصدر من بين شفايفة تنهيدة

-انزلي وجيبيلي مي بارد وياج

نززلت ولكيت خطيه رقيه تفتر الـ وحدهاا تشتغلل اخذت مي بارد وحبوب مسكن من غرفة خالة صعدتهن
ألة، غيرت ملابسي لأن تلطخوو دم تلطخ، للبست فستان كلش بسيط، ونزلت اشتغل وي رقية بأيد وحدة

نزل أسرافيل ودخان يتطاير حوولة، باوعت الفاطمة اشو هاي ساحتت؟!

دخل ايهم للمطبخ واني چنت ألملم بي يحجي محترك گلبة ڪال

-أيهم: كليلة شبيج خايفة ليش تخلينة تركب عليج وتستقوي

باوعت الـ شهد كاعدة ولا عبالك مسوية شي رجعت نظري لأيهم رادفة بشك

-جوارح: متأڪد انت اخوها

-رقيه:ههههه شبيج بطووط اخوهاا بس ايهم حقاني يكرة الضلم ويكرة الحقد

-ايهم: أمدانيييييي أمدانيييييي

ضل يلطم ويغم بكصتهة للزمني من ايدي ويسوحل بية

-ايهم: امشيي احجيلة

-جوارح: مااا مااا والله ما احجي عووفني لا يشووفنة

-ايهم: وذاا شاافنة امشي لا أني اكتلج

دكيت رجل ما اروح وكولة وهوة شال روحه وركعهاا بل كااع، دمغنيي دمغة ؏ كصتي بحيث رجعت الليواا
للزمت كصتي وعيوني دمعت زميت شفايفي اريد أبجي قبل لا أبجي رجع دمغنيي بحركة گلبب

-ايهم: ضلي فااهية اني راح اڪلة

وصدك اباوعلة راح واني كصتي صارت حمرة من كد دمغ، صاار گباالة وڪال

-ايهم: مررتك هيه لوو مرتي فهمنيي؟؟

قطب أسرافيل حوااجبة بعصبية يباوع الأيهم وكال

-أسرافيل: شجاي تحجي انت لا ضل تمسلت

-ايهم: والله حرام عليك صح اصغر منك بس هيه ثولة وفاهية وفقيرة وما تحجيلك يعني شهد وفاطمة وزهراء سحكن ؏ ايدهاا وراحت ايدها من الكزاز وانت ساكت؟!!

-أسرافيل: وذا طلع كلامك چذب ادري بيك تضوج من شهد

-ايهم: ما اضوج منة لا بس هيه حقيرة وتحب بس نفسة

عضيت شفتي سفلية عزا بعينك ايهم، رجعت اشتغلل
معدتي ضلت تصرخخ من الجوع فتحت ثلاجة طلعت خبزة وخيارة وطماطية ملحتهم وللفيتهم، رغم چان انواع الأڪل تارس الثلاجة بس اني اشتهيت هاي للفة
كعدت أكل وجود كاعد بصفي عضيت منة ونطيت عضة الـ جوود

وناكل سواا صافنين بهل دنياا طلعني من صفنتي  انشلت شيل من أيدي المجروحة چان قابض ؏ معصمي شهكت متألمة واردفت من بين أسناني

-جوارح: اوووي شبيييك

باوعلي نفث دخان وشمر جكارة بسلة المهملات كال بنبرة جامدة

-أسرافيل: منو مأذي أيدج؟؟

-جوارح: محد كتلك وكعتت

-أسرافيل: تحجيين لو اسطرج؟؟

چنت لازمة للفة بيدي وعيوني مدمعة بينما للكمة واكفة بلعومي كالت رقية

-رقية: هااة خوية ؏ كيفك وياهاا مو هيج لا تغص

وكفت بيناا رقية وهوة لازم أيدي وعيونة حاادة يرمقني بنظرات تخوف

-أسرافيل: احجيي ام جود منو أذاهاا؟؟

-رقية: والله خوية ما اكدر احجيلك خل هية تحجي احسن

مقبلت تحجي حتى ما تدخل بمشاكل، دائماً تبعد نفسها عن المشاكل ومدخل روحة، واني متمسكة بلفتي تمسك تام رغم ضروف لڪن للفة أهم، رفعت عيوني ايهم

واكف بل باب ركع راسة بل حايط ويعضلي بصبعة ويأشرلي احجيي، عااط بصووت فززني

-أسرافيل: احجيييييي

بلعت ريك خايفة منة اردفت بڪلمات متقطعة وهووة واكف ؏ اعصابة

-جوارح: هوة شسمة موو قصدة يعني ما تقصد شسمة هذا باووع

اجة أيهم يشك قميصة ڪال واحسة يريد يكتلنيي ولو كصتي ورمت من دمغ مالتة

-أيهم: والعباس ابو راس الحار والحسين وسيد مالك ماا
دام كالت باوع چذبت شفت شفت اسرافيل مرتك فااهية

دخلتت شهد، وفاطمة، وزهراء، چانن فوك السطح مدري شيسوون!!

-أسرافيل: فاااااطمة

عااط بأسمة وهيه ڪالت بدلع حتى اني معت ؏ دلعهاا
وايهم غمهاا عبالك عجوز عرب حصرتني ضحكة

-فاطمه: عيونهااا الـ فاطمة

-أسرافيل: هسههه اطلعين من البيت وذا شفتج اهناا رجلج اكسرهاا

-فاطمة: بل شنو سويت حتى تطردني ؏ مود مرتك الراقصة

لا يـاا عايقة، اباوع الأسرافيل تغيرت ملامحة180 درجة تقدم منة بوحشية، يريد يضربة راشدي عود صرت خيرة وكفت گبالة لازمة أيدة واصلاً اني چني زرزور مهلس كدامة

-جوارح: أسرافيل عوفهاا

عااط بصوت عالي زرف اذني، ويخزرهاا بعيونة سوداء القاتمة

-أسرافيل: الراقصة تحجين علية ؏ اقل جبتة باكر ومحد لامسة شررررريفة ما تذذب روحة ؏ زلم

اباوعلة ضلت تبلعم واني متشببة بـ أيدة والشراين ايدة راح اطك، فررت شهد حلكة دڪوول

-شهد: شنو انت كلماا حجيت وصحت مرتي شريفه وشريفة لو شريفه ما ركصت كدام الزلم تغريهم ؏ شنو شريفة بعد من يوم لأجت ما أجاا وياهة الخير بس المشاكل

ارتفعت زاوية فمه ببتسامة جانبية كايل بنبرة باردة

-أسرافيل: منو كلج ڪاعدة وياهة؟؟

-شهد: لا كاعدة وياهة ولا هم يحزنون بس مجرد خلقتة المشؤومة ما طايقتة اذا هيه جاسحة امها وابوها هاي إذا عدة ابو وامها ما للاعبة منا منا

شهكت بصدمة من قوة كلمهة توصل بكلامهة الـ أمي!!
وهيه اصلاً ما تعرفةة ولا شايفتة، اصلاً إني ملحكت علية، دمعت عيوني واباوع الخديجة خطية تبسمرت بمكانة وخالتي ابد ما حجت نزلت دموعي ؏ خدي وما سمعت بس صووت راشدي دواا المكان

ضرب شهد راشدي للدرجة طيرها من مكانهة اجت تنضرب باب المطبخ من قوة الراشدي، للزمت خدهاا وعاطتت

-شهد: تمد ايدك علي علمود ههاي ام الملاهي!!

سحبة من أيدهاا وهيه خافتت سحلة للستقبال احس مالة خلك يفتح حلكة ويبرر وخاصة هوة أسرافيل كلش يڪرهة الكلام وحتى ڪلامة قليل، كلهة طلعت ورا واني اباوع، صعد فووك ونزل بيدة فلاش ركبة ؏ البلازمة ويااا ريتة ما رڪبةة وياريييت البلازمة ما انفتحتتت

يتبع.....

لا تنسون متابعتي ؏ انستقرام 😔♥..
انشروو القصة بل مواقع تواصل خلي القصة تاخذ استحقاقهاا..