رواية وحش بابل الفصل الثامن والعشرون 28 - بقلم ايات محمد

مـرحباا گليباتي..

لا تنسون الـ تصويت، تعليق، متابعه الحسابي 🦋🖤.

#وحش_بابل

____________________

ڪال بصوت مبحوح ورايح

-أسرافيل: تعبان لميني

ڪلماتة انحفررت بگلبي لڪل يسولف بصداقتهم وشكد يحبون بعض، احتضني حيلل صدرة عبرت أدية وبادلتة الحضن، صدك صاحب ميستاهل المووت، وأسرافيل كلش يحبة أذڪر مرة نايمين وهوة أتصل علي مقهور وضايج وأسرافيل يڪولة " بس گلي منو مضوجك"

ويريد يبچي لأن صديقة مقهور وبعيد عنة

شهك ببڪاء ودموعة بللت رڪبتي انصدمت أسرافيل يبچي بلعت ريك ڪايلة بقلق

-أسرافيل

-خليني هيج راحت روحي وياة صاحب و صاحب روحي مالي طعم بل حياة بعد ياريت الموت ألي ولا الروحة أبو روح طاهرة

يحجي ويبچي، عصرني حيل بحضنة انقهررت ؏ نبرة صوتة يحجي بشهڪة ومڪسور مسدت ؏ شعرة

-أرتااح

-شرتاح بعد وهوة راح ويوصي بأمة وخواتة يوصيني بيهن وضرغام يريد يموت

-خطيه ميصير هيج تأذونة

-خايف خايف أخسرر ضرغام صدك هل مرة أموت من أمس ضغطة معلك ما يرضة ينزل

سحبني من أيدي بتجاة چرباية تمدد ودعس راسة بصدري، ڪسر خاطري، رفعت أيدي أمشيهة بين خصلات شعررة اردف بنفس نبرة صوتة المبحوحة

-أذا متت تبريلي ذمـة؟؟

سڪتت ماعرف والله، أتنهد وڪأن عرف جوابي اني ما اعرف اذا راح أبريلة الذمة أو لاء، بلعتِ ريكِ ملتزمة صمتت، دقايق وأنفاسة ثڪلت ابتعدت عنة وخطية هوة فاقد من تعب

نزعتة حذائة، وچان لابس دشداشة سودة ومتربة رفعتة عنة  فتحت أزرار العلوية للدشداشة ونزعتة ألة
غطيتة بل للحاف، باوعت الـ ملامح وجهة شڪد تعبان
اصدرت تنهيدة من بين شفايفي،

ودخلت للحمام اسبح، سبحت ؏ سريع وللبست دشداشة سودة، باوعت الـ شعري طويل، أريد اڪصة
مبية حيل أمشطة، وبعد ألف تنهيدة قررت امشط، مشطتت شعري، وأنفتح الباب ؏ ڪيف

طلع راس خديجة تبصبص بعيونهة همست بصوت خافت

-ڪاعدة

-تعالي خدوو

دخلت باوعت الـ أسرافيل بنظرات حزينة ورجعت نظرها ألي

-شلونة؟؟

-مو ڪلش تعبان خطية

-وضرغام طالع من بيتنة أجة صديقة رافد أخذة

-ليش؟؟

-ضغطة معلك ؏ يا ساعة ينجلط وگالب المستشفى گلاب بل بچي وصياح

-خطيه الله يساعدهم

-اليوم مسوين ثواب لأن جمعة تعااي وياي

-تمام حبيبي

للفيت شعري وشمرت شال ؏ راسي نزلت وياهة، بديناا أنسوي بل ثواب، اول شي فلسنة تمرر، وخلطناا وي سمسم، خبزنة وخالة أم أسرافيل راحت تجيب للبن بطالة، وبعدين خلانهم بڪيس وزعتهم خالة،

نظفت المطبخ وغسلت المواعين، من خلصت صعدت أطمن علي، سمعت صوتة يڪول

-بشر

-رافد: ضغطة نزل بس موت روحة وضربو أبرة مهدئ
ورجع نـام

-ضل يمة لا تعوفة بس أرتاح وأجي

-رافد: ارتاح سيدي صارلك هواي مشلوع گلبك من الفاتحة الـ ضرغام

-ماشي أعتمد عليڪم

دخلت للغرفة مخلي ايدة ؏ عيونة من شافني دار وجهة اردفت بنبرة حنونة

-اجيبلك شي تاڪلة

-لا بس جهزيلي الحمام

عصر عيونة عصرر، من عيونة الحمر عرفتة چان يبچي
أومأت براسي، فتحت باب الڪنتور طلعت ألة ملابس
وعلڪتهم بل حمام، جهزت ڪلشي

-أسبح جهزتة

-ماشي

دخل للحمام، للميت ملابسة ورحت خليتهم بل غسالة
رجعت للغرفة، طلع من الحمام ينشف بشعرة اردفت واني أراقبة بعيوني

-جوعان سوينة ثواب اجيبلك؟

-شسويتو؟

-تمر ولبن وخبز

باوعلي بنظرة مطولة ڪال: جيبلي للفة جوعان

هزيت راسي بمعنى" أي" ببتسامة نزلت، شڪد صاير هادئ اموت ؏ انسان اليحجي وياي بهدوء، مستعدة افدي بروحي بس يضل طول الوقت يحجي وياي هيج بهدوء، مو بعياط ونترر

اخذت للفتين وبطل للبن، دخلت للغرقة وأنطيت للفتين يمة باوع للفة مدهاا ألي كايل بصوت هادئ

-تاڪلين؟؟

عضيت شوي باوع ناحية شفايفي، وعض من نفس المڪان العضيت منة، مسحت طرف شفتي

-راح تروح؟

-اي اشوف جماعة شنو محتاجين وأروح الضرغام هم اضل وياة يجوز اطلعة واجيبة وياي

أومأت بتفهمم وهوة من خلص قرا الفاتحة بصوت خافت، اخذ سويج وطلع، ڪعدت ؏ چرباية وافكر بي حيلل تغيرر، وتعب مقهورة علي خطية

مـررت فترة وهوة وضعة يسووء يرجع للبيت ينام وچان ؏ اقل نتعارك اني وياة وأجادلة وهوة يضحك ويشاقة وي أيهم وخديجة بس هسه ڪلش، يكعد ؏ سفرة بدون ميحجي ولا ياڪل بس يدخن ومن يخلصون يخلي ويڪوم

حيلل تغيرر وطبعاً اني مرتاحة من ههل تغير بس كولش مقهورة علية. ڪل وقتة تعبان وروحة صايرة بخشمة هادئ وصراحة هدوئة يخووف ڪلش يخووف

خليت ايدي ؏ خدي أباوعلة نفث دخان جڪارة وماعون الأكل كدامة مماكلة منة أي شي تنهدت رادفة

-ليش متاكل؟

رفع عيونة الـ محاوطهم سوواد دامس واردف بنبرة صوت باردة

- أكلت برا

اعررف بي ديچذب مستحيل ياكل من برا ألة يدخل للمطبخ مال مطعم ويشوف نظافتهم وعود يفكر لو ياكل لو مياكل

- أنتَ متحب تاكل برا!!

كمت من مكاني وكعدت بصفة سحبت جكارة من بين شفايفة باوعلي بنظرات عدم رضاا بس اني مهتميت طفيت جكارة واردفت بصوت هادئ

-أكل باع شلون ضعفان

-مو شغلج

تنهدت رفعت الخاشوكة الحلكة وبألف ياعلي قبل ياكل شوي، أكل خاشوكتين وكال

-شبعت

-شأكلت انت وشبعت هاي خاشوكتين اضوك بيهن

ابتسم شبح بتسامة، واخذ الخاشوكة مني وبلگوة يبلع للكمة حقة اذا مداخل معدتة غير الـ مي وجكاير، أكل شوي وكام غسل،

-صبيلي چاي

هزيت راسي بمعنى أي وهووة طلع من المطبخ وصعد فوك، صبيتلة چاي وصعدتة ألة، اباوع الملامح وجهة الحزن مخيم ؏ وجة وصايرتلة للحيةة مزيدتة جمال

مر أربعين صاحب الله يرحمه، وطبعاً خالة خذتنة للقراية مالتهم وجماعتة منهارين علي حرفياً وضرغام
مووت نفسة ويلطم للطم نسوان عليةة وشك دشداشتة
ملخ روحة تملخ حقة والله

دخلنا للبيت وقابلنة صريخ والبچي وخالة بسرعة اندمجت وضلت تصرخ وتبچي والملاية صوتة ونعية يبچي، شفت أختة صغيرة خطيه حييل ضعفانة وهيه جانت مربربة وحليوة

سحبتني خديجة حتى نشتغل لأن خواتة وأمة منهارات علية بچي وصريخ والله ميلوگلة الڪبر، شاب يخبل بعدة شباب شنو شاف من حياتة وأمة تكسر الخاطرر وهيه تصيح " يمة وليدي بس هل ولد عندي وأخذة الموت مني "

قدمت مي وچاي وخديجة تشتغل وتبچي علية تنهدت بحزن، خلصت القراية وسمعت باجر يرحون للنجف وأسرافيل متكفل بكلشي هوة وجماعتة الفاتحة والزيارة وكل المصاريف..

رجعناا للبيت، واني نزعت عبايتي سبحت ونزلت لكيت لكل كاعد بل صالة وأسرافيل، شارد وجكارة بحلكة بل يوم يخلص اكثر من باكيت، چانو يسولفون ؏ زيارة مال أربعين صاحب

-رحمة: خديجة تمشين ويانة

-خديجة: يـووم بنفسي ازور الأمام علي وأندل قبر صاحب شعندي ضالة

-رحمة: نمشي بسيارتنة أحنة بس مرت اخوج وين اضل

-خديجة: عليك الله أسرافيل لا تعارض ناخذة وياانة

نفث دخان رفع راسة ونظراتة الباردة طالعني اردف بصووت باارد ومتسأل وقاطب حواجبة

-أسرافيل: منو تروح وياكم؟

-رحمة: مرتك غير باجر ورا صلاة الفجر نطلع

-أسرافيل: أي بس بطة وين تمشي اضل هنا مرت آدم ضالة بل بيت

عبست ملامح وجهي بحزن، بنفسي اروح جاوبت رقية بنفي

-رقية: لا خوية اروح اني اريد ازور جدي وأزور الأمام علي

-أسرافيل: ماشي ماكدر اخلية وحدة بل بيت خِطر

ابتسمت بفرح، واردتت اقفز ؏ رقية وابوسهة كلش چان بنفسي ازور الأمام علي، مرر الوقت بسرعة وهياتني واڪفة كدام باب غرفة خديجة

طرقت الباب طرقات خفيفه فتحت الباب باوعتلي ڪايلة بصوت عالي

-خديجة: هاة

-اريد فستان منج

دخلت للغرقة فتحت باب الكنتور اخذت فستان وطلعت، دخلت الـ غرفتنة لكيتهة يدخن ويفرك مابين عيونة، للبست الفستان طويل بل حمام وشالي جبتة منا وخليتة منا، طبعاً أجربة

طلعت من الحمام، باوعلي من فوك لليجوا وأردف بصوت بارد

-ألبسي بوشية ما ترحين هيج

نفختت بضجرر، بس أڪولة ماريد ألبس يخليني بل بيت وأني والله اريد اروح أزور، كلت بعصبية

- تمام

-حضريلي الحمام

حظرتة الحمام ؏ اعصابي لأن ماريد ألبس بووشية الـ يسمعة يكول اني انجلينا جولي ويخاف ؏ جمالي،
لا بس طبعاً اني حلوة وحقة حقة مشايف وحدة بجمالي بحيث يريد يغطيني عن جميع، دخل يسبح واني نزلت جوا

-خديجة: بشري

- جوارح: قبل طبعاً لأن ميكدر يخليني هنا وحدي وهسه اريد منجن فستان اسود

-رقية: طلبي ؏ نت

-جوارح: مااعرف اصلاً معندي جهاز

اردف ادم لأن جان ڪاعد بصالة يشرب چااي طلع تليفونة من جيب بنطرونة وكال

-أدم: هاج بنيتي شوفي رقيه منين تطلب مرات من بيجات وأطلبي

اخذتة من آدم ببتسامة وضليت أگلب بي بعدم معرفة
وصافنة، انسحب من أيدي وچانت رقية كعدتني بصفة

-رقيه: تعالي ضليتي تصفنين

ابتسمت شكد للطيفين وحنونين هيه وزوجة أباوع علية ضلت تگلب بل بيجات وتراويني بل فساتين اشرت ؏ فستان عجبني اسود سادة وكلش حلو

-جوارح: هذا حلو

-رقية: متأڪدة؟

-جوارح: اي حلوو وهذا هم حلو شوفي

-خديجة: أطلبيهن أثنيهن واني عندي فستان وبنطرون كيلوت ناخذهن وياهن وأكيد فندق هناك نسبح ونبدل

-رقية: ها شرايج؟؟

-جوارح: كيفجن بعد اني ماعرف ولا زايرة

-رقية: هاي هية أتفقناا

جهزنة أمورنة، وطلبت أثنين فساتين وأيهم شافنة نطلب لو شال روحة ورڪعها بل كاع ألة طلبلي وياجن
يابـة فساتين بنات ألة طلبني وياجن عاد كامت خديجة كتلتة وهوة كتلهة وشعرها هلسة تهلس

دخلت للغرفة ولكيتة أمدد ؏ چرباية وبس بل برمودة
حيل معتكف ؏ نفسة، وطبعاً لاحظتة ابد ما مد ايدة ؏ اكل وأكل بس يباوع ويدخن

-اجيبلك شي تاڪلة؟

-لاء تعالي نامي

نزعت شالي وغيرت ملابسي الـ ملابس نووم طفيت الگلوب واتمددت بصفة سحبني من خصري مخليني بحضنة وأيدة تتجول ؏ جسمي بكل أريحة، الصمت سيد المكان وبس صوت أنفاسنة تنسمع بل غرفة قطع صمت

-بطوط

-همم بيك شي؟؟

-لوو متت واستشهدت تبريني ذمة؟

حيل انصدمت أباوع الـ ملامح وجهه بضلام اردف كلماتة بحزن حسيتة حجة من كل گلبة وخايف من جوابي خليت ايدي ؏ خدة وأردفت بنبرة حنونة

-شبيك ليش هيج تحجي؟

-جاوبيني

-لا تحجي هيج اذا مو ألي اني خليني أولي بس الـ أمك اخوك ادم وأيهم ترا حيل متعلقين بيك

-ادري بس الموت بيد رب العالمين والعمار بيد الله منو چان متوقع صاحب يستشهد وأحنة بنزولة متفقين يزوج حبيبتة ويشرد بية

انصدمت يعني صاحب الله يرحمه چان ناوي يزوج حبيبتة ويشرد كلت بصدمة

-يشرد وي حبيبتة؟؟

-اي

-أبنية اجت للفاتحة ملخت روحة خديجة كالت اسمة رهف

-هاا أجت رهف هيه رهف أسمة

-خطية وأني اڪول شبية

تغيرت ملامحة 180 درجة وكال بغل، وكرة، وحقد

-ابوهاا كلب ابن كلب

-ليش شبي؟؟

-اول شي صارلة سنتين يدخل علي وكل فترة ياخذ ناس ويروح يخطبها وما ينطيها لأن شيعي والبنية تموت علي ومن أستشهد امس بل عراضة شفتة يبتسم ويضحك يشمتت

أنصدمت من كمية الحقد والخباثة هسه هوة ما أنطاها لأن صاحب شيعي اصلاً وين يلكة مثل صاحب؟؟
انسان مؤمن متدين، ماكو مثلةة والله لو يفر دنية فرر

-عـااا عزاا بعينة اني ألي ما اعرفة متت بجي علي شحال هووة ليش هيج

-كو*** بس والله ضاملة ضمة

-لا فدوة لتسوي شي ما يخصك ربك يعاقبة

باوعلي وارتفعت زاوية فمة ببتسامة ڪال وعيونة طالعني استغربت

-شوو اليوم تحجين بزودج وماخذة راحتج

ابتسمت أبتسامة غبية وأنتبهت الـ وضعي للازكة بي لزك، وحتى اذا فتح حلكة وحجة شفتي طخ بشفتة
ورجلي شامرتة ؏ خصرة

-مابية حيل والله أذا ألزمج هسة ألعب بيج طوبة

بلعت ريكِ خايفة اردفت واني أباوع الـ ملامح وجهة

-لا شبيك تدري انت تأذيني لو لاء؟

-أي ادري بس مو بيدي

-ليش مو بيدك هل شي بيدك تكدر تتحكم بنفسك وشنو الي وصلك لهل حالة وساديـة؟؟

-بسبب أبوي الله يرحمه

باوعتلة بصدمة شلون بسبب أبو الأفكار شيطانية ستوحذت ؏ عقلي، وضنيت أنو أبو أنسان فاسق ويعتدي علي وهيج صار بي وأجتمعت عندة ههل أمراض نفسية مثل الـ " سادية" والـ " سايڪوباثي "

-شلون يعني أبوك؟؟

-بعدين أحجيلج ڪلشي

رجع خصلة شعري ورا أذني وطبع بوسة سطحية ؏ شفتي، ابتعدت عنة غمضت عيوني وأني أفكار تجيبني وأفكار تاخذني، وشكد حاولت أنام بس مكدرت وعقارب الساعة تمشي، حسيت بي يديرني ؏ جهتي حسبالة نايمة، فزيت أباوعلة

-ڪاعدة؟؟

-اي ما كدرت أنام

-كومي يالله

كمت أفرك بعيوني اشو هسه نعست، دخل للحمام يسبح، شوي وطلع دخلت اني سبحت وطلعت للبست دشدداشة سودة، مشطت شعري وشسورتة، دخلت الـ غرفة خدو،

ڪاعدة تصلي وللابسة چادر بلون الأبيض وهيه منا تخبل ڪلش حلوة خدوو،

-خديجة: الله اڪبرر الله اڪبرر

سلمت باست التربية وللفت سجادة، باوعتلي ببتسامة

-خديجة: صباح الخير تعالي

-جوارح: تقبل الله

-خديجة: منا ومنج صالح الأعمال صليتي؟

عضيت شفتي ملتزمة الصمت وهيه منتظرة أجابتي غلست ڪايلة

-جوارح: وصل الفستان؟؟

-خديجة: اي وصلن وايهم استلمهن ذيج العلاكة صفرة الي والثانية الج شوفي منو يعجبج وأخذي

اخذت العلاڪة فتحتهة وچان فستان كلش حلو ومرتب بلون الأسود ومبي أي ههوسة والشغل ألبي كلش حلو وبسيط، حكيت رگبتي وترددت أحجي وافاتحة بل موضوع بس اشجعتت وكلت

-جوارح: خدو اريد احجي وياج

-خديجة: ڪولي يروحي

-جوارح: هوة شوفي اني  مو أتهاون ابد ابد والله أمنيتي أصلي بس ما أعرف

-خديجة: يعني شڪد عمرج وما أصلين؟

-جوارح: محد علمني ڪل الي عشتة وي عمي ؏ سكر والعربدة وكبسلة وسهر واني من المدرسة للبيت من البيت للمدرسة جانت عدنة بل مدرسة معلمة أسلامية وبس درس واحد بس أذا معلومنة بل بيت كلشي ما يفهم

-خديجة: اي صح بس لازم تقضين

-جوارح: شڪد أقضي؟

-خديجة: البنية واجب علية الصلاة من عمر 9 سنوات
وأنتي عمرج هسه 16 سنة يعني عليج 7 سنوات

-جوارح: عزاا والله أهواي شلون أقضيهن؟

-خديجة: اني اعلمج هسه روحي ألبسي وتعالي

-جوارح: علميني هسه حتى اصلي صلاة صبح يمج

ابتسمت أبتسامة حلوة، وجهة نوراني، اردفت بصوت هادئ

-خديجة: ماشي أذا الج واهس هيج حلو كلش وصلاة حيلل حلوة راح ترتاحين راحة نفسية

اتحمست حيل مت ڪالت ترتاحين نفسياً علمتني الوضوء وللبستني احرام صلاة وضلت تقرة ڪدامي شلون أشهد وشلون اڪبر، علمتني الخطوة بخطوتة حيل أرتاحيت، وحسيت بشعور فضيع، راحة نفسية

-خديجة: هاة بشري شنو شعورج؟

-جوارح: حيلل حلوو والله

-خديجة: تمام لعد من نرجع اعلمج ؏ باقي صلاة مال ضهر والعصر والمغرب

-جوارح: ماشي

طلعت منهاا وأني شعوري مستحيل اكدر اشرحة يجنن امداني لو متعلمتة منها من زماان بس چنت حيل استحي، انو اني ما أعرف أصلي، عمي چان سڪير وبيتناا كلهة ما بي تربة، وجنت مو محجبة بس أسرافيل حجبني

دخلت للغرفة ولڪيت أسرافيل، للبس بنطرون أسود وفالينة نص ردن بلون الأسود شاد ؏ عضلات ضهرة، وللابس محبس فضة بأصبعة وجهاز بيدة يگلب بي
باوعلي وڪال بتذمرر

-أسرافيل: بعدج يمعودة!!

دخلت للحمام بأستعجال وڪلت بسرعة لا يخبصني خبيصة

-جوارح: دقايق ما أطوول

-أسرافيل: يلة أبسااع

سديت باب الحمام وللبست الفستان، للفيت شالي بسرعه باوعت للبوشية وتنهدت بأنزعاج للبستة وللبست العباية، وللبست حذاء طلعت وكلهم مخلصين

صعدناا أني وخدو بسيارة أسرفيل وضرغام ويانة كعد بصدر، حرك سيارة ڪال أسرافيل

-أسرافيل: شلوون صرت؟

ڪال بصوت مبحوح، والحزن، واضح وضوح شمس ؏ ملامح وجهة،

-ضرغام: الحمدلله زين

-أسرافيل: صخونتك خفت؟

-ضرغام: أي اشوة

يسأل ابـ ضرغام بقلق، وضرغام يجاوبة بصوتة المبحوح، حيل متغير ضال بس يصفن، وتگابلو هوة وأسرافيل ؏ جڪاير، واني وخدو طكيناهة نوومة

فزيت ؏ صوت أسرافيل يكعد بيناا، واني اريدة بس يسكت حتى أرجع اناام

-أسرافيل: جوارح جوارح اڪعدي يبـاا

-جوارح: شكوو هااة؟؟

-أسرافيل: أنزلن تفتيش ما يخلونة نطلع

عقدت حواجبي بأنزعاج، واستغربت، هوة مو ضابط ورتبتة عالية شلون يفتشونة، زفرت انفاسي ونزلت وجنود فتشو سيارة واني دڪول نازلة من الفضاء اباوع للرايح وجاي واحلل شخصياتهم وشنو يحجون

باوعت للجنود وسيطرة، رفعت ايدي احسبهم وخدو نزلت ايدي بسرعة، ڪال هذا الواكف ؏ سيطرة ويفتش بسيارة قابل شعدنة قنابل

-: نظيفة سيدي ونعتذر بس القانون تعرف

-أسرافيل: بارك الله بيكم يلة يبـا أصعدن

صعدنة اني وخدو، وأباوع من جام بشرود، شغل ضرغام نعي ؏ أخوة وكلساع يمسح بدموعة ما يريدنة أنشوفة، انقهرت علي خطيه، شفت خدو طلعت من جنطتة قرأن صغير، مديت راسي وشفتة تقرا بسورة
" يـس " 

-خديجة: تقررين؟؟

-جوارح: أي ياريت

-خديجة: تعالي

تقربت منهة وضليت أقرا وياة، قريت ههواي تعبت من القراية تصدقت، رفعت راسي وصلنة للمڪبرة، ضمت خدو القرأن بل جنطة، ضليت اقرا بـ أسماء الكبور واباوع عليهم، شهك ضرغام ببڪاء كسر گلبي نزل قبلنة ڪلنة وراح يركض ؏ قبر " صاحب الله يرحمه "

فتح باب سيارة من اتجاهي اردف وعيونة اطالعني

-أسرافيل: أنزلي مو ضيعيني ضلي يم أهلي

هزيت راسي بمعنى " اي " نزلت كومة كومة شباب نزلو من سيارات وتجمعو ؏ قبر صاحب، أمة كطعت روحة تكطع هيه وخواتة واني واكفة مثل صنم يم خدو
نص ساعه وطشو الشباب، تقربنة اني وخدو وهيه ضليت تقرا ؏ قبرة تقرا وتبچي، قريتلة الفاتحة وأبتعدت نسوان كرايبهم، يردن يقررن الفاتحة ؏ روحة

شفت أسرافيل تقرب مني وعيونة حمر، رفع البوشية ويباوع الـ ملامح وجهي خلاة أيدة ؏ خدي وكال بنبرة حنونة

-أسرافيل: أهلج وين بيـا مقبرة؟؟

هزيت راسي بعدم معرفة، والبچية حاصرتني كال بتعجب

-أسرافيل: صدك تحجين؟؟

-جوارح: والله عمري كلة ما أعرف وينهم ولا زايرتهم ولا جاية لهنا ما تشوفني مثل ثولة اباوع للمقابر

-أسرافيل: مو مشكلة نسأل الدفان هسه اذا يذكرهم

-جوارح: شيذڪر صار 16 سنة من ميتين

ابااوع بعيونة الحيرة، صاحح علي ضرغام، نزل البوشية وراحح اتنهدت بصوت عالي ودمعة واڪفة بطرف عيني، اجت خالة وأم صاحب خطيه منتهية اردفت وحدة من البنات بصوتة الرايح

-نور: أشوفج عدنة وتشتغلين بل فاتحة وما انعرفج هسه من شفتج وي بيت عمو أبو ادم اذڪرتج

-خديجة: هاي مرت اخوي أسرافيل

-أم صاحب: ياا فدوة للنادرة شوكت زوج ولا ندري

-رحمة: بعد أتزوج مو يمنة أحنة هم أنصدمنة

اجتت تبعرهاا خالة بس اردفت خديجة ببتسامة تلاحكت الموضوع وغيرتة بسرعة:

-خديجة: طبعاً كلش يحبة أسرافيل حبيبتي جوجو

-ام صاحب: الله يوفقج ويستر عليج يماا صغيرونة ولابسةة بوشي وحد ؏ البنات لو شنو

-خديجة: يغارر خالة

أبتسمت ؏ خدو المحامي دفاع مالتي، همزين للبست بوشي الشمس تصكع صڪع، وبشرتي تتدمر ؏ هل شمس الصاطعة، باوعت لأم صاحب شوي مرتاحة كالت خالة

-رحمة: احسن من ذاك اليوم أم صاحب

-أم صاحب: أبني مرتاح لابس أبيض وجهة نوراني بل عافية علي الجنة

كزبر جسمي وهيه تحجيهة براحة، فعلاً صاحب يستاهل الجنة، خلصو ڪلهم وصعدنة السيارات شفت أسرافيل يغسل وجهة ضرغام بمي بارد ڪال

-أسرافيل: سألتة ؏ أهلج بس ما يندلهم

هزيت راسي طبعاً ما يلاڪهم، رفعت عيوني وشفتة يباوعلي من المراية الأمامية، نص ساعة أڪثر وصلنة الأمام علي " علية سلام" أول مره بحياتي اشوف هيج جمال وراحة نفسية بين الحرمين، زرت وخلصت وخدو تسحل بية سحل، ابتلت بية بلوة

طلعنة من الأمام ورحنة للفندق، ڪلمن أخذ غررفة
خدو وعمتي بغرفة والباقي توزعو ؏ غرف، نزعت البوشية مختنڪة منهة بس حافظت ؏ بشرتي من شمس

-أسرافيل: أريد اسبح جايبة ملابس؟

-جوارح: اي جبتلك بس يم خدو جنطة

-أسرافيل: ضلي اني اجيبهن

راحح دقايق قصيرة ورجع بيدة جنطة، طلعتلة ملابسة
ودخل يسبح، من طلع اني دخلت سبحت، كعدت ؏ كرسي مبية حيل امشط شعري،

-أسرافيل: خلصي حتى ننزل ناكل لو تردين نطلب هنا؟

-جوارح: كيفكم شوف خالتي شتريد وانت شنو تريد

هزز راسة، وخابر اتوقع طلب أڪل، بين ممشطت شعري وصل الأكل راح فتح الباب وستلم الأكل طلع طالب للڪل ؏ حسابة،

-أسرافيل: أڪلي

تنهدت اباوعلة يدخن وطبعاً مياڪل من أكل المطاعم
اردفت

-ما شبعت من جكاير راح تموت

-جزء صغير من نار گلبي

أڪلت وهوة عود ياكل ينقش، لو يشرب مي، خلصنة وهوة راح نـام، نمت بصفة بس خليت راسي ؏ مخدة نمت فزيت ؏ صوتة يكعد بية

-أكعدي بدلي حتى نمشي

-ليش منبات؟

-لا ما نبات نرجع

كمت بأنزعاج، غيرت ملابسي وررجعنة للبيت بعد طريق طوويل، مررت أيـام، وأيـام وصادف اليوم محد بل بيت، ادم راح للزيارة، وأيهم وخديجة وخالة عند خوالهم، ورقية عند أهلها وبس اني وأسرافيل بل بيت

-أسرافيل: سويلي گهوة

-تمام

ڪمت سويتلة كهوة مرة وخليتة گبالة كعدت بصفة وفاتحة عيوني وأذاناتي علي، اريد اعرف شديسوي بل لابتوب شنو يشتغل بل ضبط واصلاً اني كلشي ما افهتم ڪلهة كتابة بل أنكليزي، انطرق الباب وكام يفتح الباب دخل ضرغام

-ضرغام: شلونج جوجة

-زينة خوية انت شلونك

-بعد أخيج سويلي كهوة وكلاص مي اذا ما اضوجج

-لا هلا بيك

ڪمت اصبلة گهوة وأسرافيل بعالم ثاني حرفياً، صبيت گهوة وڪلاص مي وقدمتهم ألة

-ضرغام: عاشت الأيادي مرت اخوي

أبتسمت ألة، وأسرافيل فاقد ؏ لابتوب، حتى ما اهتم ؏ حديث دار بيناا اني وضرغام،

-ضرغام: بشرر لڪيتهة؟؟

-لزمت راس خيط

باوعلة ضرغام بتعجب وڪال بصدمة

-شلون ومنو دلاك علي؟؟

أرتفعت زاوية فمة ببتسامة شرانية، وڪال بحقد

-ما أخلي دمة يروح هيج أذا ما اسوي كل قطعة منة بقارة

بلعت ريك خايفة من كلامة رغم ما فتهمت شي بس
اتوقع يحجون ؏ صاحب وخاصة قاتل صاحب
الـ " قـناص "

-صعبة عليك أخاف تتعاقب!!

-خليني مستعد كلشي أسوي حتى اخسر رتبتي بس ما أخلي دمة هيج يروح

ڪمت من يمهم خايفة هذول مبينين مناوين ؏ خير أبداً وعجزت افهم منو هذا الـ تورط وي أسرافيل وهيج
ناصبلة ڪمين،

طلعت دولمة من ثلاجة خليتة ؏ نار ورشيت فوكها مي
صاار المغرب وضرغام بقة هناا وما عدنة خبز، وهذا بعدة منزل راسة ؏ لابتوب ادري رڪبتك ما تنكسر ما توجعك!!

-أحمم

رفع راسة من لابتوب باوعلي وڪال

-غردي

-هوة شسمة اطلع جيب خبزز خلصت العشة

-ليش ما عدنة؟

-لا وما اعرف اخبز

-ماشي

رجعت للمطبخ وهوة شوية وطلع يجيب خبز وبس اني وضرغام بقينة بل بيت، اكتشفت هنا شڪد يثق بأصدقائة وخاصة ضرغام، رجع وبيدة الخبز خلاة ؏ رخامي رادف بنبرة باردة

-هذا

أخذتة وصبيت سويت زلاطة وطلعت طرشي رقية تسوي يجـنن بل بيت، خليت صينية يمهم واني رحت أكل بل مطبخ، صاحح أسرافيل ؏ مـي، رحت انطي ألهم وڪال ضرغام

-عاشت ايدج والله طيب الأكل

-ألف عافيه اجيبلك بعد؟

-ياريت

ألتفت براسي الـ أسرافيل وشفتة مغمض ويستنشق هواء استغربت حالتة من رحت من يمة زفر أنفاسة صبيت الـ ضرغام وأنطيتة وهم سوا نفس الحركة
رجعت اتعشة بل مطبخ، وضميت الباقي أللهم

-سوينة چـااي وياج

خليت القوري ؏ نار، تعبت حيل اذا ابقة وحدي كلش اضوج عاد خدو ايهم رقية يمي يونسوني، غسلت المواعين وصبيت ألهم چاي والباقي خليتة بترمز كهربائي

-هذا ترمز چاي شوكت متردون هوة حار

-اي عاشت ايدج

صعدت للغرفة نثررت الغرفه نثر ورجعت نظفتة وعزلتة اريد اتعب نفسي وانـام، وهم أريد شي ألتهي بي، رحت تمددت ؏ چرباية، وغطيت نفسي بل للحاف صارت ساعة 12:20 بليل، وسمعت خطواتة ؏ درج

سويت نفسي نايمة انفتح الباب تقرب مني وهمس قرب أذني

-ادري بيج ڪاعدة ترا

اتنفست بصعوبة من ورا للحاف خانكة بي نفسي ابتعد عني ودخل يسبح، دقايق وطلع لابس بس برمودة وشعري ينقط مي بينما المي يتسلسل من رڪبتهة الـ عضلات بطناا " سكس بـاك "

نشف شعرة سحب للحاف ؏ اساس يـنام تنهدت بأنزعاج گايلة

-ڪوم طفي الگلوب

بلمح البصر صرت جوا، غمز بعينة الـ يمنى ڪايل

-تدللين

ألتهم شفايفي، وأيدة تسلست الـ خصري ترفّع ثوبي
خليت ايدي ؏ صدرة احس الهوو انقطع عني ابتعدت اتنفست ثواني ورجع ألتهم شفافي بوحشية

يتبع....

ڪلش سوري ؏ تأخيرر