رواية وحش بابل الفصل السابع والعشرون 27 - بقلم ايات محمد

مرحبـاا گليباتي.

لا تنسون الـ تصويت، تعليق، متابعه الحسابي 🖤🦋..

#وحش_بابل

" اليـوم البـارت برعايـة أسرافيل "

ــــــــــــــــــــــــــــــــــــــــــــــ

نفثت دخان بتملل حاك طرف حاجبي بـ طرف جڪارة
والناس تمشي، رفعت عيوني ؏ صاحب واڪف ويباوع
للناس منتظر حبيبتة أڪيد

-أسرافيل: اڪعد شبيك بـط*** دودة

-صاحب: فدوة اروح الوجهك اسڪت

-أسرافيل: طبك طووب

-صاحب: أيستت منهم أيستت ولك

-أسرافيل: حقك والله اذا طلبت ايدها ستالاف مرة ورفضوك

ألتفت ؏ ضرغام ڪاعد ومنو تمشي يشمر وياهة ميانة حتى المرة العجوز وأسنونة طايحة ضرب وياهة ميانة ويسولف نفثت دخان مبتسم شبح أبتسامة

-أسرافيل: لك باع هذا عايش بغير عالم

-صاحب: دعوفة لهل سڪط

شمرت جڪارة بسلة المهملات وأراقب صاحب المتوتر
ويباوع منو يدخل للمحل الگبال عينة ومنوو يطلع واخيراً دخلت حبيبتة للمحل وهوة راحح وراهاا

-ضرغام: لك باع جماال

-أسرافيل: أنتَ نظرك معوق

-ضرغام: ليش دشوف الحسن وجمال رب العالمين من يخلق هيج بنات حلوات ما يفڪر بينة؟؟

-أسرافيل: ڪافي للعبت نفسي

ورثت جڪارة، ڪمت من مكاني وتركت ضرغام يتغزل بل بنات براحتة، مشيت بتجاة المحل سمعت شهڪات
مال بچي دخلت وچانت حبيبتة الـ مسماية ابـ " رهف"
تبچي وأمة واڪفة بصفة تسڪت بيهة

-رهف: نتزوج بل سر

انگلبت ملامح صاحب 180 درجة وصار وجهة احمر من العصبية، اعرف ابـ صاحب من سابع المستحيلات يقبل بهيج أقتراح ويعرض حياتة للخطر

-أسرافيل: شبيك صاحب وافق وأنتهى الموضوع شهل شلاع الگلب؟!

-صاحب: شلون أوافق تحجي صدك انته؟

-ضرغام: الحجية شاهدة ؏ زواجڪم

-أسرافيل: اي لا تڪبر الموضوع

-صاحب: انتم صدك تحجون لو تشاقون؟؟

- يا أبني شلعت گلبهة البنتي دوافق واني شاهدة

تسلست عيوني بيناتهم، وبطلاع الروح وافق صاحب
؏ أنو يزوجون بل سر، ضربتة علابية وهوة عاط ضاربني بوڪس

-أسرافيل: ألف مبروك مقدماً

-ضرغام: وساجدة عبيد وللصبح عليييي يـااابة

-صاحب: انچب هههههههههه

-أسرافيل: ديلة شدو همتڪم عدنة مداهمة ؏ ملهى اليوم بليل

-ضرغام: اڪتملت فرحتي

هزز صاحب ايدة وغمااا وهوة يهز جتف، وصلنا للمرڪز، وبين الـ تخطيط ؏ مداهمة وشغل راحح الوقت، وقبل لا نڪول يا ألله ضرغام جهز روحة وطلع

حرڪت سيارة وڪم سيارة تمشي وراي، دقايق وقفت سيارة نزلنة وأداهمنة الـ ملهى، وصار الصريخ مالة والي

-أسرافيل: أصـمة وصيحح

ألتفت أدور ضرغام لڪيتة لزملة وحدة وداك فچ وياهة
صحت بأسمة وسوا نفسه يحقق وياهة العار، دورت ؏ المطلوب وما لڪيناة، تاجر مخدرات

سحلنة ڪم وحدة مشبوة بية، وأخذنهم للمرڪز ومباشراً الغرفة التحقيق،

-هيفاء: سييييدي أنييي بريئة

-ضرغام: صحيح أسرافيل طلعهة

-أسرافيل: شتاڪل بثنين أديك؟

-خـ***

-عفية شاطر

ڪل وحدة صابغة عطوبة بلون لأصفر والوجهة مصبوغ صبغ والملابس بس دنك يطلع.

-أي مسلتي بلة

-هيفاء: وأني شمدرني باب روزقي هذا

-شوڪت سبحتي اشو خيستج تڪتل

-هيفاء: ههههيي مساع سبحت

-حقج بـابة حقج

دخل صاحب ؏ اساس يحقق هم سحبلة ڪرسي وكعد وهنة مجموعة بنات،

-سناء: شنو هاي سيدي شڪد حلوو

-صاحب: استغفرلله

-سناء: عضلات وجسمك يخبل بشرتك حتى اصفة من بشرتي

-أسرافيل: قل اعوذ برب الفلق

-سناء: سيدي انت مرتبط مزوج

-أسرافيل: ڪرصي دودتج وستچني

-صاحب: استغفرالله استغفرالله

-سناء: أووي فدوة

ڪلش دبڪت وتغمز الـ صاحب وهوة ضال بس يستغفر للحد ما بزعت روحة منهة وڪام ڪال

-أنت تعرف تتصرف وياهن اني شعرفني بالنسوان

ضحك ضرغام بصوت عالي، ما تحملت ڪمية القذارة
وتركت سالفه تحقيق ؏ ضرغام يعرف شلون يسايسهن وياخذ الحجي منهن، مستعد يـنام وياهة في سبيل ما يطلع فارغ من غرفة تحقيق 

ألتحقنة، والوضع ما يخلاة من الهاونات ابتسمت ؏ صوت ونزلنة قرب الڪرفان، ڪل واحد من جنود اخذلة صفحة وراح يـنام، بوقت الغدا اجـة الغدا مسلفن

-ضرغام: شعجب الله هداهم وجايبينة مسلفن؟؟

-صاحب: أي والله شعجب

-أسرافيل: هسه دڪلوو والله ڪريم

-رافد: جوعان وأمي سوتلي ڪليچة ولا أنطيكم

-ضرغام: سمم الهاري ڪون

- رافد: أبطنك

لڪل بدا ياڪل وأني أكلت شوية تلعب روحي منهمم
يمڪن مو نظيف الأڪل، صاحب أڪل حصتي وحصتة خطيه جووعان

-ضرغام: طيب عاشت ايدهم

-أسرافيل: سد حلڪك وڪل سليمة لهل حلك

دقايق أو أقل وصار حجزز ؏ حمامات واحد يدفع بل ثاني يريد هوة يدخل جنود صاروو سررة والايتأخر يطلعونة مصلخ من الحمام، ضرغام رڪض طلع الجندي
ودخل وصاحب واڪف يلووب

-صاحب: لكك راح اسوية ؏ روحيي اطلعع ضرغام

-رافد: يمة بطنييييي ألحڪيليي راحح أسووية هناا

فتح صاحب الباب وطلع ضرغام من الحماام ودخل هوة

-ضرغام: أطلع لككك بعدني ما مڪمل

-رافد: شتڪمل بعد ترستة للبلوعة

-أسرافيل: ڪبر للعبت نفسي دخيل محمد

-رافد: سيديي حقك انت ما تحس بل معاناة

-ضرغام: هذا يا عار مخلي مسهل بل اڪل

-أسرافيل: شكيت بل موضوع لأن جايبينة مسلفن ومرتب

-رافد: سيددي غير دڪووول بطني يمة بطني تعالي شوفي أبنج يـمة

-أسرافيل: شدراني بي مسهل

-رافد: ولجج يـمة ألحڪيلييي راحح اسوية ؏ نفسي ولككك صاااحبب فضهههه

طلع صاحب ودخل رافد صارلك مناوبات ؏ حمام،

مـر اڪثر من يومين، قلصت عيوني أحدد الهدف اشوفة واڪف وللحيتة تارسة وجهة وضحڪة شاكة حلكة الخايس

-أسرافيل: أبن الڪح*** اذا ما أني*** عرضك

رصاصة مني اخترقت جبينة وربعة اختبصوو وحارو منين يجيهم هذا رصاص، وضرغام صوب واحد بگلبة وبقة واحد أجة يسوية ؏ نفسه من الخووف

-أسرافيل: رافد روح جيبة

راحح رافد يرڪض، أجة واحد من بعيد ومثبت البندقية ؏ راس رافد

-ضرغام: لكك راححح يموووت اسررررررافييل

-أسرافيل: اششش

رصاصة من صاحب ڪومتة بمڪانة، ورافد للزمة ودك بوڪسيات ؏ وجهة سحلة سحل من عمامتة

-أسرافيل: حييل بعد ايدي

رن تليفون صاحب طلعة من جيب بنطرونة ورد ؏ المتصل، كمت من مڪاني بعد ما چنت مطوطخ بل تراب، صار گبالي داعشي

-أسرافيل: فتشهة

فتشة رافد، ورثت جڪارة مثبتة بين أسنوني وضرغام راحح للداعشي يصنف علي ألتفت ؏ صاحب واكف وجهة أصفرر، وبيدة تليفون أخذت تليفون من أيدة

-أسرافيل: شبيك صاحب؟؟

-صاحب: ابوي أبوي حالتة خطرة وحالياً هوة بل أنعاش

-أسرافيل: أن شاءلله ماڪو شي

-صاحب: اريد أنززل ما يقبلون أڪيد

-أسرافيل: بس خلي نخلص العلينة ونرجع اني ادبرها ألك النزلة

دمعت عيونة حضنت راسة الصدري، ودموعة بللت الفالينة، ضربت ؏ ضهرة بخفةة

-أسرافيل: مابي شي ڪافي تبچيي

مسحت دموعة بيدي، وربتت ؏ ضهرة بخفة، ابتسمت بخفة أخفف عنة،

محد قبل ينطي أجازة وينزل وبلگوة سويتلة أجازة بفلوس، للمدة يومين ويرجع يلتحق،

-رافد: سيدي سيدي باع هاي الحرڪة

رفعت عيوني أباوعلة، گلب دقلة وملابسهة ڪلهة تربت

-ضرغام: واااااووو شنوو ههايي روروو

-أسرافيل: كبر لف العلمك ؏ هل حركات مال زعاطيط

-رافد: لا سيددي هاي حرڪة اقوة معارك بل عالم

-ضرغام: اخاف ازرب مقاتل

-رافد: اسوي حركة جون سيناا تعال أيموو اسوية وياك

-ضرغام: لا ماريد اڪل خ** وكعد

-رافد: شبيك جبان دتعال

-ضرغام: أهوو

سحبة من أيدة وشالة ورڪعهة بل ڪاع صاحح ضرغام من الوجع يمڪن أنڪسر حوضة

-ضرغام: يمة ط***

-رافد: نجحت الحرڪة

-ضرغام: ولج يمة ألحڪيلي ط** أنشك راااح صار وصلتين

-أسرافيل: شڪيت ط*** الولد

-رافد: سيددي غير حركة جون سيناا هاي

-ضرغام: اليوم اني** انت وجون سيناا ط** شڪيتة ربحيي بيمن بيكككك لو بجون سيناا

رڪض رافد وضرغام يرڪض ورا بس رڪضتة صايرة صفح بلگوة يرڪض

نفثت دخان جڪارة، مديت ايدي بجيب بنطروني طلعت تليفون وأتصلت ؏ " صاحب "

•••

مررت الأيـام وأسرافيل ملتحق وحرفياً ڪلهم للطيفين
حتى خالة أم اسرفيل من تروح للسوك شنو تجيب الـ خدو تجيبلي وياهة.

سمعت من خالة أم أسرافيل أبو صاحب أتوفة وبس هيه راحت وأدم، وأجت تبچي دڪول

-رحمة: يمة عمت عيني عليك صاحب

-خديجة: الله يرحم أبو ويسڪنة فسيح جناتة

-رحمة: ولج لو شايفة صاحب ضال يدك ؏ راسة ولا من صديق يواسي مللتحقين عمت عيني عليهم الله يساعد گلبة

بوقتة ڪلش أنقهررت علي خطية، وألله يرحمه أبوو

رڪضت للحمام ضهري أحسة نڪسم نصفين من الألم
أتقيئت للحد متعبت، تنفست احاول اجمع اڪبر مقدر كمية من الهواء، غسلت وجهي ودخل جود باوعلي وعاط بصوت عالي

-جود: ماماااا عمة جوجة تتقيء

دخلت رقية باوعتلي وشهڪت بصدمة كالت وهيه تمسح وجهي بڪف ايدهاا

-رقية: عزااا شبيج دادا

-جوارح: فدوه رقية يمڪن الشهرية

-رقية: وهيج شهريتج صعبة بس لا تبقين هيج

-جوارح: أي كلش والله لحد ما تنتهي اموت دڪول حامل

-جود: عمة بيج شي اڪول البابا ياخذج للطبيب يضربج أبرة

أجيت أبچي من ذڪر طاري لأبرة كلت بخوف

-جوارح: لا يروحي انت ماكو شي بس اكلت اكلات مو حلوة وصار هيج

-جود: شنو أڪلتي حتى ما أكلهن اخاف يصير بية مثلج

-رقية: هههههه عززة جودي هم صاير تعرف تحجي

-جود: أني صاحب عمة حبيبتي هيه

أخذتة بحضني أبوس بي اڪثر شخص تعلقت بي بهل عائلة هوة جود أحسة أبني حتى من ألتحق أسرافيل هوة أجة ونام يمي فديتة

مرر أسبوع وبهل أسبوع طلعت روحي من ورا دورة شهرية، ڪاعدة وجود كاعد بحضني يسولف وأني أللعب بشعرة، أتصل أدم ابـ أسرافيل

-أدم: شخبارڪم ليش مغلق؟؟

-أسرافيل: هلة أبو جود التغطية يمنة حيل ضعيفة الأهل شلونهم أمي

-أدم: زينين الحمدلله

-أسرافيل: الحمدلله

-أدم: چا مرتك ما تسأل علية؟؟

-أسرافيل: أحم ها مو أدري ماڪو شي ويمڪم بخير

-أدم: يجوز مريضة يجوز شردتت

يريد يضووجة وبل فعل نجح بهذا وخلاة يضوج ويعيط علي زفر أنفاسة وڪال بنبرة هادئة

-أسرافيل: ڪامرات البيت يمي بل جهاز وأي شي يصير أشوفة وهاة وحالياً هيه ڪاعدة وأبنك بحضنة بس وخر أبنك من حضن مرتي

انصدمت فاتحة حلڪي وأيدي وڪفت ؏ راس جود صرخخ أدم مصدووم يعني يشوفني شسوي ما أسووي
وأذڪر من ڪال ترا تارس البيت ڪامرات بس عبالي يچذب حتى يخوفني

اجت أمة تسولف وياة شوي وبچت خالة وتمسح دموعة بشيلتة ڪالت

-رحمة: ولك يمة طمني ؏ صاحب شلونة

-أسرافيل: علييمن تبچين يا يـووم

-رحمة: يمة ؏ صاحب شلونة هسه

-أسرافيل: هذا ڪاعد وضرغام شاد وصلة ويرڪصلة

ضحڪت من بين دموعهاا مسحت دموعهاا وڪالت

-رحمة: يمة غيرولة جوو ما عندة غيركم

-أسرافيل: يدلل شعندي غيرة احبل اجيب

ضلوو يسولفون شوي وسدو الأتصاال ڪالت خديجة وبعدهي بتأثير صدمة

-خديجة: فلك هذا مو رجال

-رحمة: يا يمة اخوج بعد احسن يأمن علينة يجوز نايمين ويدخل حرامي علينة

-أيهم: منين يطب الحرامي يـوم حتى من يطفر من سياج يتڪسر ويتندم قبل ما يطفر

ضحڪت ؏ ڪلامة وصدك السياج شعلووة والباب شكبررة حتى ميڪدر يطفر البيت ڪلش جبير ومساحتة جبيررة والغرف متوزعة بل طابقين مرر اسبوع ثاني، وعصريات جعت ودخلت المطبخ أسوي حليب

وأني مدنڪة حسيت خدودي انڪرصو رفعت راسي وچان أدم استحيت أول مره يسوي هيج ڪال ببتسامة

-أدم: خدودج صايرات حلوات تدرين؟

ضليت منزلة راسي مستحية منة وهوة لاحظ هل شي وڪال

-أدم: لا تستحين مني بڪد بناتي انتي والله

-جوارح: يعني حنيتك حنية أب علية مثل ما تعامل جود وخديجة؟؟

-أدم: اڪيد وأتمنى ما أقصر وياڪم

-جوارح: حشاك من القصور

-أدم: أحم بطوط اريد اڪلج شي احجي وياج بموضوع

-جوارح: أي ڪول

-أدم: شوفي مو قصدي بس قبل فترة لاحظت اكو أثار بيدج ومرة حتى شفتج مجروحة او يم عينج طبع مال ضرب

بلعت ريك بخوف وفضلت السڪوت معرفت شنو أرد اڪولة أي صح هاي عمايل اخوك؟؟

-أدم: أسرافيل يسويلج شي يمد أيدة عليج يسويلج شي غلط يضربج؟

ضليت ساڪتة احتاريت شنو اڪول وشنو أجاوبة أللفت چذبة براسي وأڪيد مراح اڪولة أي هذا اخوك هيج يسوي بيه

-جوارح: لا اني جلدي حساس حتى من أڪل طرشي لو بهارات زايدة بل أڪل هيج يصير

زفر أنفاسة براحة ڪايل: اووف ريحتيني والله اذا ؏ هاي سهله ناخذج دڪتور ونشوف

أومأت براسي ببتسامة، ابتسم وراحح نزلت دمعتي ؏ خدي، حتى أخو حس وهوة محس بـ معاناتي وشڪد هوة وحشي وما يصلح معاشرتة والله..

•••

باوعت الـ ملامح وجهة ببتسامة وحضنتة وهوة ضحك
مبادلني الحضن

-أسرافيل: بعد دير بالك تبچي

ابتعدت عنة وهوة أبتسم وهز راسة بمعنى أي مشينة
الـ حدود سامراء، نمشي وضرغام يحشش علي

-ضرغام: والله ما توقعت أنت دبرهاا

-صاحب: ولك ما مصدك يخلص الواجب

ڪعدنة بمڪان وبعدنة ما محددين الهدف وجان حشيش تارس المڪان الڪاعدين بي وشمس الحارة تصڪع بروسنة صڪع، مديت أيدي بجيب البنطرون طلعت جڪارة ورثتة

-أسرافيل: أن شاءلله بس تم ؏ خير أنقلك شغلك الغير محافظة

-صاحب: أن شاءلله

- لحد هسه ما مستوعب أنت راح تنهزم بية وأخيراً راح تسوي شي بي خير

رفعت راسي  اضحك وأشوف ردة فعلة فتح صاحب عيونة ؏ وسعهن وتقيء دم من حلڪة وڪع بحضني
رفعت راسي مصدوم شفت نقطة حمرة صارت ؏ جتف ضرغام دفعتة وطلقة أجت بـ شيش الحديد

خفت كلش خفت وراس صاحب بحضني سحبتة وحاولت بڪل ما عندي قوة أرڪض بي وأسعفة رفعتة
؏ ضهري وأرڪض بي وهوة يهمس يم أذني

-صاحب: دير بالك ؏ امي وخواتي وكول رهف تعيش حياتة

-أسرافيل: لا لا لا هسه تعيش مابيك شي

همس قرب أذني واني أرڪض " أشهد أن لا الة ألا الله وأشهد أن علي ولي الله " ڪررة مرتين ونڪطع نفسة

-أسرافيل: لا صاحبب ولكك صاحب

رڪضت بڪل ما عندي قوة والأسعاف تبعد ساعتين سويتهن دقيقتين دخلت للمقر خليتة ؏ سدية ودڪاترة ترڪض اردفت وبلگوة الڪلمات طلعت من حلكي

-أسرافيل: ما مات موو؟؟

-: لازم مستشفى بسرعه بسرعه

-أسرافيل: بس گلي غير ما مات؟؟

ڪعدت بلڪاع مهدود حيلي وهمة يتراڪضون حتى يلحكون يسعفوو، دخل ضرغام وجهة أصفر ويللهث وجتفة مصوب

-ضرغام: وينة وينة أسرافيل ووووييينة

-أسرافيل: يااا خوووية

-ضرغام: ڪلشي مابي اسكتت اسكتت

-أسرافيل: شڪلل لأمة ولك ڪلتلي يمة عينك علي

بچيت اضرب ؏ راسي وضرغام واڪف مصدوم ودمة ملطخ ملابسيي، ياريت بية ولا بيي تمنيت شهادة ألي مو ألة أبو طوول الحلوو صاحب روحي

•••

البيت مخبووص نزلت جوا ورجلي تبندت من الخووف
شفت خديجة تبچي وخالة أم أسرافيل تلطم ؏ أفخاذة بقووة وتنعي وتبچي

-جوارح: شڪو شبيڪمم؟؟

-خديجة: تعالِ نزلي حبيبتي

-جوارح: گلبي يوجعني أسرافيل بي شي؟

ڪلت كلماتي بخووف ودمعة واكفة بطرف عيني صح ما أحبة بس يبقة شخص نقذني من عالم موحش بلعت ريك نزلت دموعهاا ڪايلة بنبرة باكية

-خديجة: لا مابي شي أسرافيل صواب خفيف بس

سڪتت وبچت بصوت عالي

-خديجة: صديقة صاحب الولد دائماً يجينة أستشهد

شهڪت بصدمة ودموعي نزلت ؏ خدي ابد ميستاهل المووت، بچيت ما أنسى مواقفة وياي من شردت وخلاني ورا ضهرة يحميني من أسرافيل

-رحمة: ألبسن خاطر أنروح

-جوارح: واني خالة وين اضل

-رحمة: تمشين ويانة محد يضل بل بيت الولد راح يتلڪون الجنازة وأمة كلساع تتخربط

-جوارح: خاف أسرافيل ميقبل

-رحمة: هسه هوة بوضع صعب راح صاحب روحة قطعة من گلبة جوارح يمة أوڪفي بصفة

أومأت براسي بمعنى " أي "  صعدت خدو وأني امشي وراهاا دخلت للغرفة

-جوارح: أنطيني دشداشة سودة

هزت راسة وأنطتني دشداشة ودموعة تجري ؏ خدهاا
طلعت للبستة وللفيت شال وعبايتي وطلعت، نزلنة وأخذنة تڪسي وصلنة ألـ بيتهم والناس صايرة هووسة عليهم وبس صوت صريخ يسنمع

گلبي انڪسر من أسمع صوت صريخ دخلنة ڪالت خديجه بنبرة باڪية

-خديجه: يا يمة يا گلبي يا خوية صاحب

بچيت بصوت عالي، وخالة شافت أم صاحب شڪتهة ثووبة وتلطم وتصرخخ وخطية أم صاحب لا حولة ولا قوة

-أم صاحب: يـمممة وليديي وحيييدي

حالهة يبچي الصخر حلڪة يابس وشاڪة ثوبة وشعرة ملختهة وخالة تصرخ وتنعي

-أم صاحب: صاحب يا نظر عيني يا يمة ما ضل واحد بيڪم لا أنت ولا أبوك

-رحمة: أبوو طوول الحلوو يـمةةة

-أم صاحب: خذا الموت مني وحيدي خذاا

بچيت ؏ حالهة ونعي تنعي ڪالت تبچي وتنعي

-أم صاحب: كوم اكعد ييمة نايم أشبيك شعندك باالكبر
شو جوة التراب هاي انة اجيتك يا شهم ڪووم ياا يمة صاحببب عمت عينيي عليييك يـممةةة، ليش تعوفني بحدي بل بيتت

أجتت خديجة عيونها مورمة من البچي ڪومتني وخذتني للمطبخ

-خديجة: خلي نسوي چاي ومي للنسوان

مسحت دموعي تحزمت وسوت چاي واني أخذت مي وزعت ؏ نسوان وڪلماا ألتفت الـ أم صاحب أبچي ما أڪدر وضعهة يبچي، بعدني واڪفة ودخلت بنية

تباوع وفاتحة عيونهة بصدمة ڪالت بهمس

-رهف: لا لا چذب چذب

سحبتهة أمهة اعتقد وڪعدتة وهيه بعدهي مصدومة
ومخلية أيدها ؏ حلڪهة بعدم تصديق، باوعت للموجودين ويمڪن بدتت تستوعب نزلت دموعها ؏ خدودهاا، ضلتت تصرخخ وتبچي وأمة بصفة سڪت بية

-رهف: يمة گلي اليوم نزوج يمة

موتت روحهة بل بچي وللطم ملختت شعرهاا تملخ
اجتت خديجة ڪومتهة واني وياهة دخلتهة للغرفة وضلت تصرخخ للدرجة بلعومها جرح

-خديجة: ؏ ڪيفج وي روحج

للزمت أمهاا أديهة بلگوة وتبچي ؏ حال بنتة وهيه لا حول ولا قوة ثـوبة مشڪوك وشعرهاا ڪلة وكع بيدهاا
ڪالت بصوت مڪسور

-رهف: يمة خابرني فرررحاان

ضلتت تبچيي دم وعيونهة ڪلش ورمت

-رهف: بعد عليمن عايشة أني محبوب گلبي وراح جوا التراب

أمهة خطيه مكسورة ؏ بنتة عود تهدي بية وهيه تبچي

-رهف: عافني وراح وخلهم يشمتون بية يمـة

طلعت من الغرفةة ما تحملت ڪلامهة يموت الواحد وهوة عايش غسلت وجهي ورجعت أوزع چاي ومااي

-ام صاحب: ليش تعوف امك يمة وتروح وتدريني أتاني
وعيني ؏ الباب شنهوو الموت يمة ياخذك ليش الموت أشلوون گلي يوصل الشاب

اجتيي الملاية وخواتة موتن روحهن، وحدة صغيرة تلطم ؏ وجهة صاار أزرك ودم يطلع منة، أخذتة أني وخديجة وغسلنة وجهة وهيه منتهية

-خديجة: حرام هيج سوين بنفسج حبيبتي وصاحب أڪيد راح بـ جنة واذا يشوفج هيج مسوية بنفسج يزعل وينقهر وهذا ميجوز ؏ ميت

خديجة تحجي وهيه بس تهز براسة حتى متڪدر تحجي، خلتهة تنام بل غرفة وحبيبتة بلگوة أمهة رجعتة للبيت دڪول

-رهف: هذا البيت بي ريحتة خليني باقية ما شبعت من ريحتة

مـررت 3 أيـام وأسرافيل مشايفتة أبداً بس أسمع بعدة بل نجف مقابل يرجع ويعوف صاحبـة وضرغام خطيه ڪلساع يتخربط وگالب المستشفى بـ صريخخ

رجعت للبيت، ومر يومين وأسرافيل ماڪو، وضلت بس خالة أم أسرافيل تروح وترجع ؏ فاتحة وترجع ضغطة هابط

-رحمة: جريحة خالة ما تجين تمرغين راسي وتجيبين وياج حبة راس وڪلاص مي

رحت جبتلة حبة راس وڪلاص مي وڪعدت أمرغ راسهة، اباوعلهة غفتت

-جوارح: خالة ڪومي نامي

هززتت راسهة وڪامت تنام بغرفتة والبيت ڪلهة نايم
وخديجة خطيه أجاهة أنذار من جامعة وداومتت
انفتح باب الأسقبال ودخل أسرافيل ساند ضرغام مچانو يڪدرون يشوفني،

ڪمت من مڪاني شفتة ڪعدة ؏ ڪرويتة وجتفة ملفوف وجهة شاحب، ڪال بصوت مبحوح ويبچي

-ضرغام: مات صاحبنة مات منو بعد ينصحنة إذا سوينة شي غلط

-أسرافيل: ڪافي يلة نام

-ضرغام: يـاا خووية يا صااحب ابو ضحڪة الحلوة

يحجي ويبچي وأسرافيل بلگوة لازم نفسه ما ينهار
طلع علاڪة ما علاجات

-ضرغام: ولك من أصخن يسويلي ڪمادات محد يحن علية بڪد حنانة

يحجي ويضرب ؏ صدرة المصوب بي للزم أيدة وخلة حباية بحلڪة وهوة يشمرة ڪال أسرافيل بصوت مبحوح

-أسرافيل: أشربة لا تعذبني

رجع خلة حباية بحلڪة وشربة مي خلاة يتمدد ؏ ڪرويتة، بچيت ؏ وضعة صعدت الـ غرفتي أبچي، حسيت بخطواتة ؏ درج مسحت دموعي فتح الباب انصدمت من منضرة

وجهة ڪلش شاحب وضعفاان حيل ضعفان عيونة يحاوطهم سوواد دامس وشعرة مبعثر بفوضوية انصدمت من منظرة وتعب واضج وضوح شمس ؏ ملامح وجهة

ڪمت من مڪاني تقرب مني حضني وڪال بصوت خافت وصوتة مبحوح ورايح

-أسرافيل: تعبان لميني

يتبع...

حرفياً أڪثر بارت بچيت بي، وأنقهررت عليي،
صاحب الله يرحمة، من أجمل الأبطال المرو علي كلش حلوو وجهة نوراني بس تشوفة لا أرادي ترتاح ألة،

لڪل حزن ؏ أستشهداة، "صاحب أسمة الحقيقي "

أستشهد: 2017/3/6

أشارڪم ڪلام أسرافيل من أستشهد صاحب وكع بحضنة:

أذڪرو بل رحمة البطل صاحب

حبيت اڪتب أسمة ثلاثي بس أسرافيل رفض رفض قاطع وڪال يترحمولة ابـ أسم صاحب أبن حواء شڪد حاولنة أنقنعة اني وبطة بس چان يرفض وهوة بس يڪول لاء لو ينزل وحي يقرا ؏ راسة همم ميقبل..

فـ لا تنسونة أبداً، وأبو رهف ڪلش حقير وما تلڪون بحقارتة أبداً أبداً شوفوو شسوا بيوم جابو جنازة صاحب: