رواية وقار إلمياس الفصل الثالث عشر 13 - بقلم الكاتبة نور المنتهى

لاتنسون التصويت والتعليق بين الفقرات 💕🦋

"""""""""""""""""

زُها : كعدت بلكاع ابجي ورجليه يرجفن حسيتهن
مايعينني بعد حتَ أبقى واكفة اباوعله بقة يگلب لحد ماحسيت عيونه حمر

وعروك وجهه طكننن تقرب يمي سحبني صفطني

على الحايط ويصيـح بوجهي

باهر : انااااااا زُهاااا انااا تخونينييي

زُها : باهررر شنووو والله ماااخاين...

بعدني ممكملة وفرك حلكي بأيده طلع شهاب فز من نومته يركض

باهر : وهذاااا شنووو جذبتي أخوي وأنا هم جذبتَ بسسس هذا شنوووو هذا تحجين وياااا من حجيتي ويا ماعرضت بعينج

لاحبي الج ولا اهتمامي زُهااااا علمودج غيرتتتتت حتَ من نفسييي

زُها : ولله جذببب

باهر : يعني اخوي يجذبببب

زُها : بدموع وصياح ! ايييييي جذااااب هوا ومرته

حسيت فر وجهي براشدي

باهر : اشششششش كحببببه

اجه شهاب دفع باهر بقوته وخلا زُها ورا ضهره
وعماد وفردوس بس يتفرجون

شهاب : شبيكككك تخبلتتتت استهدي برحمان انتَ باهررر انتَ تمد إيدك على بنية وعلى مرتك

حاول يسحب شهاب من كدامة ماقبل يوخر

باهر : مرتييي وحر بيهااا وخر منا أخر شي سويي تدخلون بيه وخررررر

شهاب : ماااوخرر لو أعرف اليوم تكتلني هناااا

زُها : اباوع وفاء طلعت مدت راسها من الغرفة جنها حيه حسيت أعصابي كلها فقدتها وخرت من ورا اشهاب وركضت إلها جريتها من أيدها والبقيه بس يباوعون وباهر صاير نار

سحلتها بحركه ونومتها بلكاع ونمت فوكاها

__ أنتِ البرببوووووك والكحبه أنتِ إلي كلشي حجو بيج وكلبتي ضدييي اموتججججج اليوممم

فردوس : يممممة رحنه بيها ولكمممممم وخروهااا راح تموت البتتت

عماد : بصياح! باهر وخرررر مرتككككك لا أنا اوخرها ويصير الحجي مو خوش

زُها : تقرب باهر يريد يسحبني عنها بين الحقد وبين نار! بس ما وخرت لزمت راسها هيا تدفع بيه وترافس تريد توخرني وأنا من نار گلبي شلت راسها ورجعت ركعتَ بلكاع

اموتتتتتج اليوووووم أني واموت نفسييي وياججج

شهاب : خوية فدوة تعاي لاتوسخين إيدج گلبي وجعني

__ وخرني شهاب وكعدت بلكاع ابجي ولا أحد إله علاقه وباهر بس صافـن منتضر اللحضه إلي يريد ينفجر بيها

رفعت راسي ألهم!

باهر طلكني

فردوس : أكيد يطلكج چا نربي كحاب احنه

زُها : ممكن سكتين ام عماد حاجيت باهر انييي

فردوس : يا يا يا نوب طلعلها السان طلعت من فوك ليجوا عمي صدك خوفي من ام خنىسه

عماد : مو أكلججج ماصدكين كومي وفاء خل اخذج للغرفه

__ باهر طلكنييييي

باهر : عاصر أيدا حيل ويحجي ! امشي كدامي للغرفة

عندي كلام وياج هواي

شهاب : ماتروح

باوع إله باهر بغضب

باهر : مرتك شنو ؟

شهاب : ماتروحححح شتريد سوي بلبتتت

فردوس : أسكت ولك مالك علاقه

زُها : مسحت دموعي ورحت ورا أشرت لشهاب لايخاف طبيت للغرفة سد الباب وقفله كعد على جرباية ويباوعلي مضيق عيونه ومشتعل نار !

اتفضل احجي شنو عندك

باهر : اول شي السويتي مراح افضحج علي

زُها : قاطعت كلامه وحجيت بنار ! شنووووو تفضحنييي شووو مصدكين روحكم أنتم انيييييي ماسويتتتت شي حتَ تفضحونييي عل....

قاطع كلامي وكام لزمني من ركبتي خنكني

باهر : بصياح ! اكممملل كلامييي بدون متحجين

اول شي لأن مو ثوبي أفضح أحد مراح افضحج ثاني شي هنا ضله الج ماضلينننننن

وهسة عرفت ليششششش لعبانه نفسج مني ثاري عندج كوادددد ومتحملتني علمود مصلحتكممم

زُها : دفعت أيدا حيل وجهي نط حسيتَ وكعت بلكاع بس ابجي ولازمه بطني بيدي جنت أكول باهر حنين يستاهل يكون أب 

كعد بلكاع كبالي ! انتَ ماصدكتني مجاي صدكني ماسويت شي ليش صدك أخوك وشنو الشفته حتَ ماصدكني أني حبيبتك

__ بقى يباوع شلون احجي بدون مايرمش حتَ نزلـت دموعه ورد عليه

باهر : بهدوء ودموعَ تنزل !  أنا شسويت ألج ؟

انطيني دليل واحد يخليني اصدكج زُها أنا بين نارين

هذا أخوي سندي وظهري مستحيل يحاول يدمر حياتي مستحيل أنا ويا ربينهَ سوا فهميييي سوااا من ام وحدة من أب واحد دمنه ولحمنه واحددددد ما أكدر اصدكج تقبلين اصدكج وكلشي ضدج ؟

زُها نفترض وفاء المسويه هيج تقبلين أسكت واخليها تضحك على أخوي ؟ 

ونفترض هيا كحبه وكل هذا مسويته ولازم تطلع من البيت لأن هيج وحدة ملازم تضل ولا أحد يسامحها تقبلين عماد يسكت عليها ويكول عادي حبيبتي أنتِ شما سوين أبقى احبج وحتلو تردين تخونيني عادي هذا شي معقول ؟

زُها : هزيت راسي بمعنى لا ودمعي مثل الشلال وهوا هم يبجي ! بس فعلاً هيا إلي سوت كل هذا وكلبتَ ضدي لأن عرفت بيه دريت

باهر : هاي المصيبة كلشي ضدج مو ضدها زُها ما استاهل هذا منج كله

أنا حبيتج { أشر على گلبه } أنتِ هنا مكانج خليته

صرتي كلشي إلي تغيرت هواي علمودج حبيت كلشي علمودج طلعت من عالمي علمودج

هيج جازيني

زُها : ماكو فايده حتلو بررتله مراح يصدك لهذا بعد ما جاوبتَ وعفتَ يحجي وحده لمن كمل يلة حجيت!

أخذني هسة لأهلي واستعجل بطلاق

باهر : لمي غراضج

زُها : درت وجهي للمراية لبسـت حجاب! ميحتاج أخذ شي ماريد شي يربطني بيكم بعد

باهر : أخذي كلشي كتلج ماطالبج بشي

زُها : وأني ماريد أي شي منكم خل خيركم نايم على گلوبكم 

يلة كملت خل نطلع

نزل كدامي بدون مايباوع حتَ نزلت اباوع ماكو أنغام  أكيد نايمة تنبل لو تنكلب دنيا ماتدري

فردوس : راح تاخذها لهلها الزينة

زُها : أهلي شي لا انتم ولا غيركم اسمح يتمادون علي

باهر : يمةة اسكتييييي كافي أمشي يلة أنتِ

زُها : صعدت ويا وروحي كلها طالعة  وصلني لأهلي بدون ماينزل

باهر : نزلي

زُها : نزلت وركعت باب سيارة حيل فلشت الباب فتحتلي اسل

اسل : هلاااا ولله ؟ هذا شبي وجهججج

زُها : سديت الباب جريت نفس ودخلت بدون ما اجاوب لكيت ماما تخيط شمرت جنطت المتـن بلكاع وركضت إلها حضنتها وابجي !

يممة ولله ماااامسويه شيييي

جميلة : اسمممم الله عليجججج يمممة ولججججج زهرتي شبيججج شمسوويه

طيبة : سمعنه صوت صياح بجي ركضنه أني وحوراء دخلنه زُها حاضنه ماما وتبجي

ولججج زُها هاي أنتِ شبيججج باهر صارله شي ؟

جميلة: بصياح ! خلللل نفتهممم سااالفه اسكتننن

زُها : خليت أيدي بأيد ماما أعصر بيها بقوة واسولف ودموعي تنزل حجيت إلها كلشي بديت من سالفة وفاء ومن أول ماكشفتها لحد ما اتهموني 

حوراء : بصدمه! مستحيييييل باهرر شلوووووون ما يصدكجججج شلوننننن

طيبة : خللل يولييي مدام ماوكف وياها وكف ضدها مستحيل تبقى عنده بعد

__ جميلة صارت نار ودموعها تنزل وي دموع زُها
كامت خذت عبايتها وتريد تطلع

زُها : جلبت بيها فتحت عيوني بخوف ! يممة فدوة اروحلج وييين رايييحة ؟؟؟

جميلة : ماسوي شي يمة وخري عني كعدي يم خواتج  منا اجي عندي حچايات وياهم اخلصهن واجي

زُها : فدوة لاترحيييين مايستاااهلون تبرريلهم

جميلة: يخسووون يمة شنو ابررلهم بناتي وإني مربيتهن وأعرف تربيتهن يردون يطعنون بشرفج وعبالهم نسكت من عبن احنه فقرة لا ولله أريد انطيهم حسبهم ونسبهم وخرييي أكلج

زُها : عفتها تروح نزلت علكاع ابجي والبنات يسكتن بيه برغم هنا يبجن وياي هم !

تعبتتتت وللله تعبتتتت ممسووويه شييي انيي يخلكككك الله مممسويييه مايهمني شيي لا يصدكون بس باهر ولجننن باهر أحبه ولله احبه شلون مايصدكنييي

اسل : يروحلج فدوة هل جل** عساهممم لا يصدكوننن

طيبة : اي والله إن شاء الله يومج يا وفاء قريب وتطلع حوبت هل مسكينه بيج وبعماددد الكواددد

زُها : كافييييي كافييييي لاتدعـنننننن

_______________________

أنغام : فزيت على صوت هوشه وصياح كعدت نفضت روحي باوعت امي كاعدة على درج وتدعي على زُها مستحيلللل وفاء واكفه بصفها !

يمممة شكووووو

وفاء : رجعي نامي

أنغام : سدي حلكج ما حاجيتج

يمة فهميني شكو زها شبيها ؟

فردوس : رقمها تمسحينه فهمتي لولا جايبيلنه كحبه للبيت

أنغام : ياااا لجج يمة كولي ياالله شصار

طب مصعب رجع بقة متوزر واكف ويأشرلي شكو

ضلت تحجي كلشي أني ومصعب بقينه فاكين حلوكنه مصدومين

مصعب : شلوووون هيجججج شلقضييييه شلوننننن صدكوننن عمادددد

وفاء : يعنييي اجذب اخوككك

مصعب : سدييييييي حلكجججج ادبسززز اجذبه وجذب عشيرتكممم

فردوس : عمنننن گلبكككك هل كحاااب وصيح على امك علمودهنننن

أنغام : يمة صدك كلامه صح شلون صدكون حتَ اذا أكو محادثه اجوز أحد مسوي هل شي زها مو من هل نوع شو اربع وعشرين ساعة كدامنه

مصعب : بقه يأشر بأيدة بعصبية بمعنى ابقو !

ضلوووو ضلوووو هيجججج حوبت البت متروححح
العتب على الفهيم باهر

أنغام : ركع الباب حيل وطلع يمكن يدور على باهر بقيت احجي وي أمي أقنعها زها مو من هل نوع ودخلت خالة جميلة !

هلا خالة تفضلي

فردوس: كل الهلا بس اذا جايه دافعين على بتج تره ميفيد بتج غلطانه

جميلة : لا دافع عن بتي ولا جاية ابرر ،
هنا چم چلمه سمعيهن زين أول شي ثقيت بيكم وبأصلكم ونطيتكم روحي مو بس بتي هاي زهرتي انطيتها الكم شلعتها من گلبي كلت ذول اليصونونها
هما أهلها من بعدي وأمنت بنيتي عدكممم  وغفت عيني عليها بچالكم  هيجججج جازوووها معَ كل الأسف

فردوس : بتجج بحسبت بتي أنغام حسبتها وخليتها بعيوني وما فد يوم قصرت وياها بسسس هياااا الجازتنننه هيجججج وخانت أبني هاي سوالف بس الكح....

ماكملت وقاطعتها جميلة

جميلة : اسكتييييي اسكتييي ماطولني اشتم الهوا لا أنتِ ولا ابنج ولا أكبر واحد يجيب سيرة شرف بتي

ترحون فدوة بس لاضفرها

فردوس : ولله خيه رضيتي والما رضيتي بتج كحبه وم_*****. وماكو شي يثبت هيا خيرا

رفعت ايديها للسما ودموعها تنزل

جميلة : هييييي بجااااااه غريب كربلاء يافردوس كوووووون حوبت بتي وحوبت شرفنا يطلع بيكممم
ومثل ما حركتي گلبيييي على بنيتييي الله يحرك گلبجججج كون أبزر بطنججج وكوووون تعرفين كل الحقيقه وساعتها يافردوس لا أني باريتج ذمه ولا بنيتِ ليوم الدين أن چان إلي حوبه وبخت عد الله دعوتي ماتنزل علكاععع

أنغام : دموعي نزلن عشرة عشرة عليها نزلت اديها وراحت طلعتتت

عفت أمي يمهم وصعدت يم مصعب مستحيل أتحمل هذا الصار

______________________

زُها : لامه رجليه لصدري ونود بدموع اندك الباب

أكيد هاي ماما

حوراء : أني أفتح الباب ضلي

زُها : كامت تفتح الباب رحنه وراها فتحت الباب كان شهاب رحت بساع يما !

امييي شفتهاااا

شهاب : بتنهد ! لا ولله طالع من البيت مالي خلك أبقى خوية أعتذر نيابة عن الكل أدري اعتذاري مايفيد ولا يجبر شي بخاطرج بس شسوي ولله ما اتمنيت هل شي يصير

زُها : بشهكه ودموع! لاتتأسف انتَ مالك علاقه شهاب أشكرك على كلشي ولله انتَ أكثر من أخ ومدام أني مامسويه شي يجي يوم وتظهر الحقيقة وشوفها بعينك

فتح أدي شهاب ودموعه بخدا

زُها : بقيت ابجي بصوت عالي من فتح حضنه رحت بساع شبگتَ حيل عبالك من لحمي ودمي عبالك أخوي ابن أمي برغم ما عندي إخوان بس حسيت بهل شعور ويا !

شه شهاب

شهاب : يروح فدوة لدموعج شهاب خايبه من إمداني ما أكدر أسوي شي الج وساعدج

طيبة : أكثر من هذا شسوي بعد ماتقصر

زُها : لاسوي شي الله هوا الينصر المظلوم

شهاب : عفيه خلي أملج دائماً هيج أمانه الله رقمي عندج اي شي تحتاجي بس رمشي ترميششه

زُها : أن شاء الله ، الله وياك

بعدني توه رديت الباب واجت ماما مفلحطه

يمممة ليشششش رحتيييي شوفيييي شلووون تعبتييي

جميلة: سكتيييي عنيييي ريت الله لا يوفقهممم جهزيي روحج هسة يجون

زُها : منو ؟

جميلة: لاكيت باهر بلباب وكتله يجيب شهود ثنين ويجي يطلكجج حتَ تخلصين من ذمتَ كرامتنا وشرفنا أهم منهم

زُها : لزمت بطني وبلعت ريكي يعني بعد ماكو باهر بحياتي ماكو أبني يضل محير بيني وبينه ؟ !

هاي هيا يمة بعد أحسن خل اخلص ورتاح وحقي ميروح

___________________________

مرام : كاعدة أني ومنتظر نشاهد فلم ونضحك وندك موبايله ، أبقى راح اجيبه أني

منتظر : تمام

مرام : تفضل

منتظر : هلا خوية باهر

، اباوع منتظر يحجي وي باهر وانتفض بصدمة يحجي

منتظر : خوية شسالفة كول غيرها شجاكك منو يكول

، حتلو أكو حلول غير الطلاق ، شني بس عرست اجتك هل مشاكل هيج كصتي فكر عليكم

مرام : بقيت مصدومة وي كلامة معقولة يردون يطلكون لا أكيد غيرهم مستحيل خلص مكالمة ولبس قميصه

شنوووو ويننن رايح منو يريد يطلك

منتظر : باهر وزُها ويريدني أروح لابوي يروح وياي يشهدون على طلاق

مرام : لطمت على وجهي ورجف! يمةةة سودا عليه شنووو سببب

منتظر : من أرجع اسولفلج

مرام : هاي هيا الله وياك

أتصلت على البنات ولا وحدة تجاوب بقيت الوب وحدي وألف فكره براسي
أتصلت على أنغام وسولفتلي كلشي احترك دمي من القهر

______________________________

زُها : ، اجو عمو أبو منتظر ومنتظر وباهر  ورجال ماعرف منو حتَ يطلقني باهر كدامهم ويشهدون تأكدو من رضاتي بطلاق ومن باهر محد من عدنا ناقش وعارض فوراً طلگاني

وراحو صار عبالك يوم عزاء البنات كلمن ماخذتلها زوية صافنة وضايجه وأمي محتركه روحها حسيت الدنيا دارت بيه وفقدت الوعي فزيت على رشات المي ابجي

جميلة : يمة عمت عيني بنيتي شجاج يمممة ليشششش تعبين روحج علمودهم يرحون فدوة لطولج

زُها : بدموع وشهكات! يممممة أنيييي قهريي على ابنيي يررربى بدون اب

الكل: شنوووووووو حاملللل

جميلة : ولججج يممة شنووو حامل

حوراء : عزااا طلكككج وأنتِ حامل على الأقل لخاطر إبنه خل يصدكككك

زُها : لالا يممة أبوس ايدج فدوة اروحلجننن لحد دكول أني حامل ماريد يعرفففون أني حامل محد يدري ولا محلله بس أني حاسه يمة أدري اكو روح ثانية برحمي  ماريد يعرفون كلشي أريد أبني إلي وبسس

جميلة: كومي بساع

زُها : وين ؟

جميلة : اخذج للدكتورة تفحصج تحلليـن

زُها : مسحت دموعي ولبست حتَ أروح وياها رحنه الدكتورة بقينه بلعيادة وقت طويل ننتظرها تجي

بس اجت فوراً دخلتنا لعبت نفسي أكثر وأكثر خذو مني تحاليل وفحصتني وجان ظني صدك

__ هنا زُها عافها باهر بس بقت روح منَ وياها

جميلة : تأخذين هاي المكملات الغذائية والفيتامينات لأن ضرورية وبعد ديربالج على نفسج وإني هم يمة ما قصر وياج ومثل كبل أميراتي تحت خيمتي واخليجن بنص عيوني ومحد يدري حامل وليدج وليدي

زُها : اخخخ ولجج يمة شلون اجازيججج أنتِ جبرت خاطري ماكو غيرج الله لا يحرمني منج

_______________

أنغام : بقيت أفتر برا انتضر باهر شوكت يجي لأن مصعب وشهاب طلعو من البيت مارضو يبقون عكب صار   بقيت انتضرر لحد ما اجه كبل ركضت إله وكفتَ

اوكففف اريد احجي وياككك

باهر : زها وخري عنيي

أنغام : انييي أنغام شوووف جاي تفكر بيهاا ليش طلكتهااا ليششش شنو سبب وتهمتها

باهر : انااااااا ما اتهمتها بشي مو بيها أنا كلت الشفتا وأكيد ماعيش وياهااا

أنغام : لا ماشفتتت شيييي الشفتَ مجرد محادثه مزوره

باهر : صفك بثنين ادي ؛! خلصصصص راحت بعددد طلكتهاااا

أنغام : عافني وفات جوا بقيت ابجي يعني هسة أني خسرت أختي وصديقتي معقووووله ليشش هيججج يااالله ليشششش

وفاء : شبيج تبجين علمود وحدة ك.....

أنغام : دفعتها جان وكعت إلى شوي اششش سدي حلكج بسبببجج كلشيييي شكو شي خلو براس هل مكرودة بيج أنتِ وحوبتها تطلععع عميتي حتَ عيوننن اخويييي شييييطاااانننه

وفاء : هههههههه براحتج أبقي ألفي قصص من يمج المهم أني ممسويه شي

أ

نغام : هزيت راسي ودخلت للبيت ! نشوف نشوف بسيطه
،،،،،،،،،،،،،،،

الساعة 4 فجراً

زُها : كـعدت نحلانه وگلبي يوجعني ماما ماكعدت على صلاة تعبانة يساعدها الله بقيت اتلمس ابطني واتوعد لطفلي أعيشه أحلا عيشه حمدت الله وشكرتَ على كل حال كمت توضيت مديت المصلاية صليت وبقيت ادعي الله ياخذ حقي من عماد وفاء وكل واحد ضلمني لحد ما حسيت أجاني صوت يرن بمسمعي أن الله دائماً ينصر المظلوم ويخذل الظالم 

كملت صلاتي عفت المصلاية ممدودا ورحت اكعد ماما للصلاة متحب تصليها قضا لو متأخرة

كعدت بصفها اكعد بيها ماما ماما يمة صلاة
ماكو لهل درجة تعبانة وماتكدر تفز

حبيبتي يمة ؟ مامااا ،،

بدت أطراف رجليه تجمد وبدت أنفاسي تصير سريعه لزمتها من ثوبها وايدها هزيتها بكل حيل ضل بيه ،

يممممة مامااااا اروحلجججججج فدوة يمممة لاسويهااا يممممة

طيبة : ركضت بساع من فراشي على صريخ زها !

شكووووو امييييي شبيهاااااا

زُها : ابقييي اب ابقيييي يم اميييي

ركضت بچادر الصلاه حافي لبيت حسن فلشت الباب تفلششش طلعلي حسن يفرك بعيونه توه فاز

حسن صحة: شبيججج زُها شبيجججج شهل حاله جايه هيج شبيج تبجيننن

زُها : حسنننن الحكنييي راااح أموت ولك اميييي ماتتت يمكن تعالل ويايييي فدوة

**********

يتبع !!!

الكاتبة نور المنتهى 💕🦋