رواية وقار إلمياس الفصل الثاني عشر 12 - بقلم الكاتبة نور المنتهى

لم أشعر أبداً بالرغبة في القفز من جسرٍ ما ، ولكن هُناك أوقات أردت فيها أن أقفز من حياتي ، من جلدي ، من الذي حدث ، ومما قد يحدث من ، أشياء تخيف من أشياء فقط أرغبُ بالقفز .

لاتنسون التصويت والتعليق بين الفقرات

الكاتبة نور المنتهى

________________________

طيبة : معقولة هاي مرام ؟

حوراء : ليش شبيها ؟

طيبة : شوو چنهاا مستحية
مراييييممم !

مرام : التفتـت باوعت! ها ؟

طيبة: شو جنج مستحية ماتركصيـن

مرام : هههههههه لا ولله بـس البـدله جبيرة ما أكدر اتحـرك

زُها : حسـيت الكاع أفتـرت بية ولعـت نفسي رحت بساع للـحمام اتقيـئ

أتصل باهـر خليته صامت ما جاوبـت بقى يتصل لحد ما رديت

باهر : الو بابا

زُها : ها !

باهر : شبي صوتـج ؟

زُها : مابي شي أني بلحنة ليش أتصلت ؟

باهر : اي أدري بيج واتصلت لأن أنا كبال المطعم مشتهيه شي اجيبلج ؟

زُها : لا سلامتك ماريد شي

باهر : احس مالج خلكي ؟ مسوي شي أنا

زُها : زفرت بتعب! لا باهر ولله ممسوي شي انتَ بس أني مالي خلك ماعرف شبيه

حوراء : دكيت باب الحمام ! زُها أنتِ اهنا ؟

باهر : يله بنيتي روحـي من ترجعين اشوفـج

زُها : الله وياك ! فتحت الباب ! ها

حوراء : شبيج وجهج مو طبيعي بيج شي

زُها : بعدين اكُلج خل نوكف وي مرام هسة

حوراء : أشوفها أبد مو طبيعية بس ماردت إضغط عليها راحت كعدت يم ام مرام وصفـك

طيبة : مرام كعدي على الكرسي وانتـن اوكفن يمها خل اصورجن

أنغام : بموبايلج ؟

طيبة : هلو وشبي موبايلي ؟

أنغام : رجعت شعري لورا ورفعت حواجبي ! اخاف عرضي يطشر

زُها : هههههههه أني اخذلجن بموبايلي وانقلهن للحاسبة منَ نسحبهن

أنغام : اذا هيج موافقة ههههههههه طيبو نغمة تشاقة ترة

طيبة : هيا ونعالي { حشاكم }

أنغام : ويايييي ؟؟؟

زُها : اهوووو بربجن لادكولنها مو وكت زعل نسوان تباوع

مرام : شسااالفة بناااات لا سونها فاتحة

أنغام : رحـت يم طيبة شلعت خدها أبوسة ! اححح دكول گيمر مو خدود ولله اشاقة شبيج طنگرتي

طيبة : ههههههه هاي هيا رضيت يلة اوكفن خل اصورجن

زُها : بنات خنصور طبيعي بدون حركات لأن خاف يجي جيل أحفادنه ويشوفون الصور ويسونه مضحكة

أنغام : ههههههههه مثل ماضحكنة على امهاتنه

فردوس : ولج بريبيچ ويامن ؟

زُها : هههههههه أي خالتو بتج يرادلها كص السان

مرام : تسريحتي ومكياجِ بس لا هم ينضحك عليهن ؟

زُها : لا محد يضحك عليهن لأن اختاريتهن نازگات

بقـن يضحكـن وأخذنة صور ومـرام بقينه يمها حتَ من گفت النسوان نسولف ونضحك وبالي مشوش

فردوس : يلة يمة نمشي

زُها : اي خالة يلة حبيبتي أن شاء الله باجر اجيج من وقت

مرام : فدوة اروحلج ماقصرتي وتعبتج

أنغام : سدي حلكج لايجيج نعال من طيبة

زُها : اي والله ههههههههه

أنغام : ههههههه معه السلامة

مرام : الله وياكم

زُها : رجعنا للبيت صعدت فوك باهـر بعدا مجاي طلعـت من الغرفة علمود أروح أشوف شهاب ورجعت سمعت وفاء تحجي وي نفس رجال لأن بصيغة حبيب تحجي وهيا مراحت ويانة للحنة الله أعلم شسـوت بغيابنة

باهر : صعدت فوك لكيت زُها واكفة تصنت على غرفة عماد ! زَهية ؟؟

زُها : اشرتله بعلامة أسكت ! اششش

لزمتة من ايدا ورحنة للغرفة سديت الباب

باهر : شهل حركات معقولة تتصنتين لو عندج هل فراغ ؟

زُها : خزرته بعيوني وتقدمت إلى ! اني ؟ ليش انتَ شفهمت حتَ تحجي هيج

باهر : أستغفر الله العظيم بابا ما اتهمج بس جاي أكول شجنتي سوين

زُها : ما أسوي شي ردت أشوف البت كاعدة لو نايمة گلت اسولف وياها لأن ضايجة

باهر : نزلت العلاليك من أيدي وسحبتها إلي ! رفعي راسج باوعيلي ؟

زُها : رفعت راسي إلى أنفاسه تهَفي على وجهي دفعتَ عني! باهر وخر حباب ريحتك مو حلوا

باهر : باوعت إلها بستغراب حسيت حواجبي انطبگن ! ريحتي أنا ؟ شبيج زَهيه هسة صارت ريحتي مو حلوا

زُها : فدوة لاتفهمني غلط بس اني لعبانة نفسي

باهر : ولججج بويية احجي شبيج اخابرج تحجين من وراااا خشمججج احسج ضايجة دكليلي مابيه شي دكولين تعبانة بوية شنو المتعبج دكولييين ماعرفف خبللللتينييييي

زُها : كعدت بلكاع ابجي وسادة أذاني بثنين اديةَ

كافييييي لا صيييح كافييي

مصعب : سمعت صوت صياح باهر طلعت بساع من الغرفة دكيت الباب عليهم ! يجماعة الخير شكوو ؟؟؟

باهر : بصوت عالي! ماكو شي خوية

مصعب : الله يعلم بيكم بعد يلة تصبحون على خير

باهر : اجمعين ، نزعت الساعة شمرتها على جرباية وكعدت بلكاع سحبتها لصدري!

اششش شلعتي باب گلبي ليش هيج تبجين وقاري موجوعة ؟ ريت الوجع بية

مهمومة كولي أنا أزيح همج باباتي

زُها : بقيت ابجي بدون وعي ماعرف شنو السبب هل لأن أني حامل يمكن وهل موضوع مخوفني زين ليش ما أفرح ليش هل إحساس إلي يخوف !

تعبانة أني افهمني

باهر : بَست شعرها وبقيت حاضنها !  أفهمج ولله أفهمج  كولي شتردين شنو اليخليج ترتاحين حتَ أسوي

زُها : وخر عني ولله لعبانة نفسي اشم ريحه مو طيبة

باهر : إذا أسبح يروح لعبان نفس ؟

زُها : لا ما أعتقد يروح ، لاتهتم نام أتأخر الوقت

باهر : زفرت الهوا بتعب وبقيت صافـن بيها ياريت لو أعرف شبيها !

جوعانة ؟

زُها : هزيت راسي بمعنى اي ! شنو جايب

باهر : ببتسامة ! جايب بيزا وببسي

زُها : اي أريد

باهر :  شلتها وهيا تضحك عبالك سوالف طفل گعدتها على الجرباية وفتحت العلاگه طلعت البيزا فتحت قوطيت الببسي! هاج عمري

زُها : وانتَ ما تاكل !

باهر : ما أشتهي بس علمودج أكل

زُها : بلعـت ريجي وحجيت ! باهر انتَ ليش هيج تعاملني ؟

باهر : مسحت وجهي ودنكت أقطع بلبيزا ! شبي تعاملي ؟

زُها : تعاملني كأنو طفلة أني أحسك تضعف يمي اسفة مو قصة أقلل من رجولتك بس أقصد تليـن كدامي ؟

باهر : هههه شلنـفص أنا قوي بس مو عليج قوي يم غيري وبلمكان إلي لازم أتصرف بي بدون گلب بس يمج حقي الـين

زُها : أنظر إلى عيونه مليانه حنيه !  باهر اذا اجتك بنوتَ شسميها ؟  بس ذكرت إسم الأبنية حسيت ضحكة شگت حلكه

باهر : ههههه شمسين

زُها : الله وشمعنى شمسين شمس وحدة هواي عليها لاتطلع زركة

باهر : فتحت عيوني بصدمه! أنتِ حاااامل ؟

زُها : لااااا باهر بس جاي اسئل على الإسم شنو ابطل

باهر : هههههه أها زين شوفي ، شمسين أحلى لأن راح تجيني شمس من شمس و  تضوي حياتي شمسين عيون گلبي

زُها : شو جاي أحس بلغيرة هاي بسم الله بعدهـا شمسين مجايه وجاي ادلعها

باهر : هههههههه تبقين أعز من شمسين

زُها : ضيقت عيوني واباوعله بحيلَ ! اي نشوف سيدي

باهر : يلة بابا تعاي خل نغسل حتَ أنام وراج عرس

زُها : مابيه حيل أنزل جيبلي مي بماعون أغسل

اباوع خزرني هههههههههه

باهر : لا صيرين چايفه يلة تعاي

زُها : خذاني من أيدي نزلنه غسلنه وسحبني من أيدي للحديقة نتمشى !

باهر شيلني وفرني

باهر : اشيلج ؟ وافرج ؟ اي هذا أسهل شي تدللين

زُها : حسيتَ ما صدك كبل سحبني إله بقه يتلمس من ورا ! هههههههههههه بريييريييي  كتلككك فرني لاتتحرش اوييي

باهر : وجعوي شو باعيلي 

زُها : خليت عيوني بعيونه وقرب وجهه إلي أنفاسه هدائت ! ها سيدي ما ألك نيه تفرني ؟

باهر : شلتها من خصرها وفرت رجليها على ظهري  ! هذني عيونج ؟

زُها : لادكلي بيهن جريذي

باهر : ههههههههههههههههه شجابه بنص

زُها : مو ذكرت من كتلي وجهج كله دود كلت إحتمال هسة عيوني بيهن جريذي ابن فردوس كلشي أتوقع منك

باهر : بقيت افرها بهدوء واحجي ! اي بيوم الابسه الأحمر

زُها : اي وانتَ غرت هههههههه

باهر : تووو ، ما غرت بس كتلج نشاز لأن  مغري عليج وعيونج مكحله من الله فا جان طالع نشاز حيلل

زُها : هسة صدك المن زوجتك أني شو حتَ رومانسيه ماتعرف

باهر : عقجت وجهي ورفعت حواجبي صافن! أنا مو رومانسي مو ؟

زُها : ضحكت بصوت عالي! ههههههههه اي مو رومانسي

باهر : حلو حلو ضاهر أنتِ ماتحبين الرقى تردين واحد عنيف أنا اعلمج هسة

زُها : بقه شايلني ويركض بيه للبيت وإني أصيح لا اوكع !

باهرررر لاااااا اشاااااقة يممممة بتييي رااااح تروحح لااا اوكع

باهر : نزلتها بساع وباوعت بيها! بتج ؟

زهااا ضامه عليه شي أنا متأكد أنتِ حاااااامل

زُها : حلفت بصدق لأن أني فعلاً ما متأكدة من نفسي حامل أو لا منا أحلل! لا ولله باهر مو حامل

ههههههههه بس انتَ طرت بيه حسيت نفسي دخت فا من الخوف جفصت

باهر : شلنفصصص مايصيرلج حل أمشي يلة وياي بدون صوت صوتج يلعلع دكول صوت كحبه

زُها : وخرررر شنووو كحبه باهر أنتبه لكلامك

باهر : هههههههه تقدمت يمها همست بذانها كلمة وحدة سكتها

زُها : فتحت عيوني على وسعهـن ! مقرففففففف

باهر : هههههه يلة خل نصعد نام وراج عرس

_______________________

مرام : كعدت الساعة 5 الصبـح لميـت رجليه لصدري وبقيت أفكر خوف على فرح على توتر على هذا أخر يوم إلي بهذا البيت بعدين اجي كله طارشـه

لميت شعري وطلعت غسلت وجهي وصليت كعد حسن بقه واكف باب الصاله ويباوعلي!

هههه شنو شارب شبيك صافـن

حسن صحة: لحد الآن مامصدك راح نخلص منج

مرام : تخلصصصوووون منييييييي

حسن صحة : اي والله دكول مربيلنه هايشه تاكل وترد لورا خل نخلص منج نوفر مصروف أكثر

مرام : حسيت أذاني وكفـن من الكلام ! هايشه وإني ؟ اهووووو بطلتتت ما أريد ازوجج

حسن صحة : اشاقة وياج أحسب أنا من تزوجين ياهو يغسل الهدوم ياهو يطبخ راح كل هل شغل يطيح براس المكرودة أمي

مرام : حجيت بشفقَ ! عادي أبطل من زواج وأبقى اخدمك لاخر يوم

حسن صحة : هههههه فدوة اروحلج شبيه أنا مكرم هم أعرف اشتغل لو عبالجن طبخ وتنظيف بس ألجـن

مرام : يعني من ازوج تطبخ وتشتغل بلبيت ؟

حسن صحة : اي شكو بيها لو مو بعينج

مرام : بلعكس على راسي هم أكثر شي مفرحني قريبة عليكم وشوكت ما أريد اجيكم

حسن صحة : انجبي من هسة اكلج بشهر مره وحدة تجينه دياحه وطبه وطلعه النه مانريد

مرام : ياااالله هسة انتَ ساعة تكسر خاطري ساااعة تجبر خاطرييي أثبتتتت

حسن صحة: ما اكسرج أنا يلة ودعي البيت أنا طالع ههههههههه

مرام : عار

حسن صحة: أنا ؟

مرام : لا منتظر

حسن صحة : ههههههههه لاعاب حلكج صدك عار ، كفو تربيتنة ماراحت

مرام : هههههه خرب يومك  ، راح طلع مادري وين
وبقيت أفتر بلبيت أدور لنفسي طاقة إيجابية حتَ أخلص من التوتر

لحد ما صارت بـ8 ونص الكل كعد وتريك 

راسلني منتظر

_ : صباحو

_ : صباح الخير

_ : شلونها عروستي

_ : الحمد لله قابل شبيه

_ : تمام عبالي خايفة

_ : خايفة ؟ ليش أخاف شناوي ؟

_ : ماناوي شي بس متحمس نلعب غميضان

_ : بلعت ريكي وبقيت أعصر بأديه ! منتظر يااااويلك تغلط بحقي اطلكككك ولله

_ : صچيچه  شبيج هههههههههه

_ : يلة ولي خل أجهز غراض أريد أطلع

_ : اول حساب إلي وياج هوا السانج بسيطه

_ : لا سبونج بوبه

_ : عود تحشش ترة بايخه لا صدكين نفسج

مرام : فصل الخط بوجهي بسيطه أني اعلمكككك انييييييي اعلمكككك أشوف شلون اخليك تتقرب إلي ادمرررركككك

ام حسن : ويامن تحجين ولج

مرام : فزيت فزه! ءء ويييي روحي يمممة ابشرج بتج تخبلتتتت

ام حسن : فضيها يلة خابرت زها ربع ساعة ويجيبهن الولد حتَ تروحن للصالون

مرام : اي يمة ماعندي شي بس أسبح

____________________

زُها : كعدت من وقت باهر سبح وطلع بقيت بلغرفة جهزت نفسي أتصلت على حوراء علمود وفاء

حوراء : الو زوزا

زُها : حويرة البارحة مريت من غرفة وفاء وسمعتها هم تحجي وي نفس الشخص ولجج كلام يسم البدن وعبالك زوجها تحجي ويا اريد أكل لباهر ماكدر أسكت بعد بس هسة أريد اراقبها كلساع أروح من يم غرفتها حتَ أسجل شي

حوراء : عزاا چا شكد كحبه هاي راقبيها لاتخليها على راحتها لاتنهب الوادم

زُها : جاي تحجي وي وسمعت طگه يم الباب وخيال مر خفتت ! حوراءءءء

ماعرف منووو جان هنا يسمع سدي رايحة بساع اشوف

حوراء : انلاصت يلحمزه

زُها : شمرت جهاز بساع على جرباية وركضت فتحت الباب اباوع محد هنا نزلت بساع طلعت بوجهي أنغام

أنغام : شبيج فحطانه بس لا تأخرنا ؟

زُها : سحبتها من أيدها حيل بزوية! نغمة أنتِ جنتي فوك يم غرفتي ؟؟

أنغام : بستغراب! لا شسوي ؟

زُها : زين هاي الحيه هم نزلت ؟

أنغام : اي نزلت قبل دقايق عماد راح يجي

زُها : أستغفر الله اذا سمعتني يخرب كلشي ؛ زين عماد شوكت يجي ؟

أنغام : بطريق حبابه كولي شمسويه وفاء

زُها : بعدين أكلج لاجيبين طاري هاي الاسئله

مصعب : بنات يلة ترحن

زُها : سودا عليه سويناك شُفير الصالونات

مصعب : ههههههههه بخدمتجن أنا

زُها : خادم ربك أن شاء الله مرجوعتلك بلفرح

مصعب : فدوة لگلبج امي ماتروح ؟

أنغام : لا شسالفة شعدها تجي بعدين

زُها : طلعو أجيب موبايلي واجي ،

رحت بساع جبت الموبايل وقفلت الباب خليتَ عند خالتي كلشي يصير. رحنه لبيت أهلي خذينه البنات بعدين مرينه على مرام خذينها وخالتها رادت تروح كوا بس ماكو مكان فا كالت اجي وراكم

مصعب : يلة يحلوات نزلن بدربجن شوفن ميرضن زلم تفوت خنشوف الحاتات

طيبة : شحلاتها من افكس عينك

زُها : ياااااا

مصعب : ههههههههههه عوفيها غارت يلة الله وياجن

زُها : دخلنا للصالون أني ومرام والبنات كلمن أخذت كرسي شي لمكياج شي لشعر شي لإضافر أني يم مرام بدينه بلمكياج

مرام : زُها اخاف لو ميحتاج ؟

زُها : ميحتاج خوف أصلاً الموضوع يخبل

مرام : هههههههههه متأكدة باهرررر حاصرج

زُها : خليت أيدي على حلگي وضحكت بقوتي ! هههههههههههه لا شوفي هوا البارحة ماحصرني لأن لعبانة نفسي بس الصبح حصرني ما اجذب عليج

مرام : بس لا اليوم أني هم انحصر ؟

أنغام : أنتِ تحصرررينه والله

زُها : هههههههههه عزااا وينننن سمعتينه

ام الصالون : صوتجن مفضوح ههههههههه

زُها : همست وي روحي ميلام باهر يلعلع صوتِ  مثل الكحبه ههههههههه

اجت خالة مرام وكرايبهه ماعرفهن  حق المعرفة لأن مو كلش اختلط بناس

لحد ساعة 4 العصر خلصنه العروس والبنات وطلعت مرام  آية من جمال فوك جمالهه

ونسمع صوت الزفة والشباب

طيبة : اجووو شلونن نطلع

زُها : لحضه أتصلت على مصعب 

مصعب : ما اخذجننن ترررة

زُها : ياااا صخام صخمك يلغدار منووو قابل

مصعب : احنه بلباب أنا وباهر بسيارة العريس تطلع أول شي وانتن شهاب راح ياخذجن بسيارة هم موجود

زُها : لازم أني وي رجلي

مصعب : اي وأنا شريجتج

زُها : طبت ام العريس وخلاته كبعن مرام وطلعوها ! ولكككككك مصعب انييي اعلمككك ولله

مصعب : هههههههههه طلعت طلعت العروس يله باي طلعن سيارة شهاب راح أصف بلباب

زُها : عدلن حجابجن راح نطلع

طيبة : منو يأخذنا

زُها : شهاب

طلعو مشـن أربع سيارات بلكدام واحنه صعدن وي شهاب

زُها : تعرفففف فرحااانه لأن انتَ ويانه

شهاب : ههههه وانا هم فرحان بيج

طيبة : شلونك شهاب

شهاب : بخير شسمج

طيبة: ماتعرف أسمي

زُها : وين يعرفجن المكرود شوف هاي طيبة وهاي آسل وهاي حوراء

شهاب : ماشاءالله معمل حلقوم ههههههه

زُها : ههههههههه عمري اليتغزل ولله تدري يلوكلك الغزل

اسل : عيني مدام تعرفت علينه شغل اغنية خل نركص

شهاب: صار

زُها : شغل أغنية حسام الرسام الف مبروك وسيارة زفة صارت كدامنه بشوي نباع لمصعب مطلع كل جسمه من جامه باقيه بس رجليي بسيارة وياشر لشهاب يعلي صوت والهورنات علكت ومنتظر يركص

مصعب : احنننه الطكينه أصبعنا وحتَ الحاكم وكفنااا

كللللللوووووووش

زُها : عزاااا مستحيل يهلهل ههههههههههه راح اخرب

طيبة : خوش سالفة راح اخذلي واحد عفطي

حوراء : ههههههههه حرامات أنغام ماصعدت ويانه

زُها : خالات مرام أوله بينه خليها وياهم .

حوراء : زُهااااا باهر جاي يخزرججج

زُها : يمة اباوعله عبالك عصبي كبل انبطحت وغطيت وجهي ! بس لا احصلي كتلهه ؟

شهاب : توو ، مايمد أيدا

زُها : وصلت الزفة لأستديو التصوير نزلو شباب يركصون بشارع والعرسان دخلو لجلسة التصوير
بعدين من خلصُ راحت الزفة لبيت أهل مرام

شهاب : بعد خذيتوها خذيتوها المن تزفوها من أهلها أخذها بعد

زُها : لا خل تطلع من أهلها تنزف أحلى ههههههه

نزلو الكل دخلنه باهر واكف بلباب طب للبيت على كتر يتخنزر  بيه

باهر : شنو هل مكياج المخليتَ ؟

زُها : شبييييي

باهر : عصرت أيدها حيل ! شبي مو يمكن العروس ممخليه هلكد والمن ضحكين وجامه نازله الرايح والراد شايفج

زُها : مااامتعمددده

باهر : اششش حسسسجججج لاتعليي ولااافوكاها تتعمد هيا هاي العايزه حتَ اكسر راسج

زُها : دفعتَ حيل وملخت من جوا أيدا ! ماتكدر

باهر : راح أبقى انتظرج بس تطلع صاحبتج يزفوها نرجع للبيــت

زُها : اي للبيت قابل وين

بعدني مالحكت افوت طلعت النسوان تهوس بعبيها ومرام ومنتظر طلعو ماكدرت احاجيها

باهر : سحبتها من أيدها! يلة أمشي لاصير هوسه الوادم ملتمة

زُها : بس خل أحاجي مام...

باهر : اششش أمشي

زُها : هففف أمشي يلة ،

صعدت ويا بسيارة وصاح لأنغام رجعنا للبيت لكيت عماد موجود سلمت وصعدت فوك طلعت بوجهي وفاء

وفاء: كواج الله

زُها : كوا حيلج

وفاء: العروس حلوا

زُها : أكيد حلوا قابل ما شايفتها

وفاء : أعصابج

زُها : اي والله أعصابي تالفه تصبحين على خير

عفتها صرت من أشوفها اتشأم أكرها سبحت ورحت تمددت حتَ انام ونفتح الباب باهر متخوصر

باهر : تردين تنامين والعشة ؟

زُها : غطيت راسي وحجيت! ما أشتهي أريد انام انتَ أكل

باهر : سديت الباب قفلته ورحت تمددت يمها ! !

أنا هم ما أشتهي خل انام أحسن

زُها : نوم العافيه

أسمعه بقة يتئفئف بس ما جاوبته غلست ونمت

_______________________

مرام : وصلنة للبيت يخبببل لأن حرفياً ما كدرت أشوف أي شي منا مفاجأة وجماعته لمنتظر واكفين بلباب يتمضحكون طردهم وقفل الباب لزمني من أيدي وإني بس أضحك على سوالفة صح سرسري بس سوالفة اليوم خربتني من ضحك

منتظر : الف مبروك صرتي مريتي

مرام : بضحكة! عود الله يبارك بيك

منتظر : شنو عود خايبه لاتخليني ادفنج هنا هسة

مرام : العببببب عشتووو بعدنا بسم الله توه ءءءاااا ءهاااا دخلنة للبيت وتريد تتدفني ترة أسهل شي عندي اطلكك

منتظر : شلتها ودخلتها للغرفة ! تدرين شنو حتَ عشة مراح نتعشةَ

مرام : بشهكه! شنووووو وبطنييييي جاي تغردددد جوعانه

منتظر : حبيبتي اول شي اعلمج على سوالفج بعدين نتعشةَ مثل الحبايب

مرام : ياااسوالف

منتظر : سحبتها من شعرها وكعدتها على جرباية ! وين موبايلج ؟

مرام : اهووو راسي وجعتني شسوييي بصخامي

منتظر : بس جيبي بعدين أكلج شسوي

مرام : كمت طلعتَ من الجنطة! هذا

منتظر : رمز ؟

مرام : أستغفر الله ، فتحت رمز وانطيتا

منتظر : عفية ، دخلت على صورة إلي نشرتها وعاندت مارضت تمسحها كضيتها من اذانها جريتها ! هاي شنو ؟ هم تتذكرين

مرام : اوييي هاي صورتي

منتظر : اي يحلوا أكدر امسحها بس غصباً عليج هسة كدامي وجهاز بيدي تحذفيها

مرام : شدخلكككك بيهاااا

منتظر : شنووو شدخلني نسيتِ هسة أنا منو ؟

مرام : اللهم طولج ياروحححح ، ضغطت على الحذف وحذفتها ، هسة ارتاحيت

منتظر : شمرت جهاز وتقربت يمها اتلمس بوجها! فدوة أروح لهل جمال وهل محاسن

يبوو وصرتي مرتي والعب بيج فلك براحتي

مرام : فتحت عيوني بصدمه! هيييي شبيكككك شنووو مشاعرك مخربطة هسة أنتَ تتغزل تتهجم شنو بضبط

منتظر : خليت اشفايفي على شفايفها وهمسـت !

لا اتغزل حبيبي مرامي الله صدك بس أنتِ مرامي
محتار شلون أبدي اضوك هل عسـل

مرام : بقيت اتمايل منا أريد أبتعد بس هوا بقة يتمايل وياي  !

م منتظر

منتظر : التهمت شفايفها دفعتني من صدري بس ما تحركت لحد ما استجابت وياي وبادلتني الشعور

مرام : بقه يبوس من كل مكان حسيتَ طبع شفايفه بكل وجهي وركبتي ما كدرت أفتح عيوني حاول ينزعني البدلة بس رفضت لحد ماطفى الضوا  !

منتظر مو هسة حباب

منتظر : نومتها على جرباية وشكيت البدلة ! شوكت تردين ؟

مرام : بصوت تعبان ! هايييي ليش شكيتها مخبل

ماكو رد دفن وجهه بصدري وادي تتمشى على بطني ورجلية ولاكانو احجي ويا 

منتظر : اموت على گلبج

مرام : گلبي لو شتقصد ؟

منتظر : هههههههه أمولسه

مرام : عليك طالعة

منتظر : فدوة تحمليني ماصدكت صرتي إلي

مرام : اشرتله بمعنى قابلة ! بوس اخدودي وسحب شفتي الفوك بسنونه على كيف

سولفلي عشك
حتى استلذ بليل
اسولفلك غزل مَ يعتك ‏ولا يخرب •

_______________________

صباحاً

__ كعدت لكيت باهر ماموجود بقيت أصفـن باوعت للجهاز الساعة بـ10 شمرت جهاز نزلت

فردوس : صباح الخير يمة

زُها : ببتسامة! صباح الورد باهر طالع

فردوس : اي يمة تريك وطلع عنده شغيله

زُها : هزيت راسي ! أن شاء الله خير

رحت غسلت وكعدت برا مليت صعدت فوك حتَ اخابر ماما اجيهم ونروح للدكتور !

اباوع أذكر موبايلي شمرتَ على جرباية هسة ماكو معقولة أني مشتبهه ؟ نزلت بساع جوا ادور علي مالكيتَ هم رجعت صعدت فوك لكيتَ على ميز المكياج شسالفة ؟ أني متأكدة خليتَ على جرباية

خليتَ على الميز رجعتَ وقفلت الباب حتَ أسبح

_________________

فردوس : نزل عماد ! صباح الخير يمة

عماد : ياخير هذا

فردوس : يا ولك شنهي شصاير

عماد : تعاي برا اسولفلج

طلعو برا كعدو بقة عماد يسولف وياها

عماد : يمة راح اسولفلج شي بس تهدين أعصابج كون

فردوس : ولككك كطعت روحي احجيييي

عماد : يمة ترة هاي زها لاشوفيها فقيرة عدها علاقة وي واح..

فردوس : اسكتتتت لاتكمللل شهللل سربتَ انتَ شتريد دكوللل ديربالك عرضككك هذا هم

عماد : يمممة لاتكفرينه خل أكمل احسن ما صخم وجوهكم

البت هاي عدها علاقة وي واحد وهيا ضاله وي باهر علمود الفلوس تاخذ الأكو والماكو وتعوفه چا أخلي أخوي يغرك هيججج

فردوس: زلغت وجها! ولكككك شلوننن هيججج شمدريككك خاف مرتك الحيه وازتكك

صفـن بعدين حجه بعصبية

عماد : مرتييي ماعليها بشي أنا قبل لأ اروح لشغلي من جنت هنا وعلساس هيا رايحه لهلها جذب بجذب من باهر بدوام شفتها بسوك وي وأحد وتضحك وكاضه أيدا

فردوس : يمة صخام صخمج فردوس جاااايبتلج داهيه وكحبه بلبيتتت راح وليديييي

كوممم ولككك طبب ويايي خل اصخم وجها

عماد : لايمة خل باهر يجي وخل الحجي يصير كدامة چا شني نضم علي

_____________________

سبحت وكعدت صليت بعدين نزلت اباوع لخالتي وجهه ميكص السچاچين عفتها ورحت للمطبخ اتريك واجه باهر

باهر : توه صحيتي

زُها : اي خذتني النومة تعبانه وين كنت

باهر : شغل خلصتَ وجيت

دخل عماد للمطبخ

عماد : باهر زها تعالو شوي وراي

باهر : شنو

زُها : أشرت بمعنى ماعرف رحت وراهم صعد فوك يمكن حتَ محد يسمع وخالتي هم صعدت وكفت بصف باهر

وكف عماد يسولف حرف بعد حرف وكلمة بعد كلمة وأني مصدومة وخالتي تباوعلي بعين الاستحقار

عمااااد شهلللللل حجيييي

باهر : بصوت رج البيت رج ! اشششششششش اسكتييييي.  شنووووو هل كلامممم انطيني دليل قببببل لا تحجي على مرتي

زُها : بدموع ورجفة! باهرررر فدوة لااااصدكككك ولله ما مسوية أي شيييي اقسملك باهررررر

عماد : ماصدكني روح خل تجيب موبايلها وشوف لازم عدها محادثة ويا وانتَ أكيد ماتفتش وراها بحجت الملاك البريئ الثقة

باهر : انطينيييي موبايلجججج

فردوس : صوتكك يمة هدييييي

زُها : ركضت بساع بكل ثقة فتحت الموبايل ونطيتَ إله!

هاك فتشششش شوفففف ولله ماعندي شي ولا من هل نوع انييي وانتَ تعرفنيييي

باهر : وهذا الاعرفه أنا وماريد يخيب ظني

زُها : كعدت بلكاع ابجي ورجليه يرجفن حسيتهن مايعينني بعد حتَ أبقى واكفة اباوعله بقة يگلب لحد ماحسيت عيونه حمر

وعروك وجهه طكننن تقرب يمي سحبني صفطني

على الحايط ويصيـح

***************

يتبع !!!!!!!

الكاتبة نور المنتهى 💕🦋

لاتنسون التصويت ورداتي