رواية وقار إلمياس الفصل الحادي عشر 11 - بقلم الكاتبة نور المنتهى

من شفتك شفت روحي بلا مرايه
ولگيتك تشبه البيه وحيد وحزنك ولايه 

للكاتبة نور المنتهى 💕🦋

لاتنسون التصويت والتعليق بين الفقرات

""""""""""""""""""

شهاب : أكيد اذا انتَ مرته متعرفين منو إله حق أكثر منج يعرف

شوفي باهر من جان زغير جان أكثر شخص متعلق بوالدي الله يرحمه   زُها فوك مَتتخيلين

فا من جابو والدي شهيد بدمَ للبيت حتَ عائلتة تودعَ الأوداع الأخير

هوا شاف والدي بدمَ طارحي بلكاع تعرض لصدمة بحيث لا كدر يتقرب إله ولا كدر يتقبل بقى مصدوم  بحرف واحد ماينطق بقى على هل وضع لمدة 3 سنوات زُها يمكن ماصدكين

بس 3 سنوات باهر ما يحجي وي أحد فقط من يكعد وي نفسا اشوفي يحجي وي نفسا ويحجي كلام غريب متفهمي لو مرات يحجي وي أحد كانو يشوف شي احنه منشوفه عبالك يشوف أبوي ويحجي ويا بس احنه منشوفه

ورا هل فترة بدأ باهر من ينام يسويها على نفسه برغم هوا مو زغير وبدأ يكسر كلشي يشوفه

جانت ماتصدر منا ردت فعل بس ورا هل فترة لأ من يعصب يتعب نفسياً يكسر أي شي كدامه لو مو غالي علي
أمي تعبت حيل جان فراك والدنه بكتر وباهر بكتر يوم عن يوم قل الأكل حتَ من امي صار يرفض  تعرض لصرع اسم الله عليج بسبب هل شي وآخر شي

بدأ كلما تتعب نفسيتا يضرب نفسا شي يضرب راسه بلحايط شي يجرح بنفسه لحد ما امي تخبلت كلشش

وصارت حتَ نوم متنام بسبيل أنو متعوفه لحضة وحدة حتَ ميأذي نفسه  بهل فترة حس هوا شكد تعبها وبدا يشمرها على صامت وقل كلامه يكعد يم أمي حتَ يثبتلها ما بي شي حاولت بكل طريقة تخلي يتعالج نفسياً رفض هل شي

وتوعدلها يكون إنسان طبيعي ومايأذي نفسه زُها يمكن اشوفين الأمر طبيعي بس لباهر والنه هل شي مو طبيعي لأن كدامنه جنَ نشوفه شلون يتعذب وتعبان فا بعد روحي ياخيتي حاولي تفهمي لأن هل شي خارج عن أرادته

صدكي باهر إنسان حيل طيب مو لأن اخوي أكول هيج لا بلعكس

زُها : بدموع وكسرة !! هذا كله شهاب ودكول أشوفه طبيعي ليش مكلي ليش ليش مكالت أنغام

شهاب : زُها بس لا خفتي منَ ؟؟؟ صدكييي باهر مايخوف

زُها : لالا شهاااااب ماخاف منَ صدك تحجي انتَ أني اكول هيج حتَ أتصرف ويا باكثر إهتمام  ولله مو خوف

شهاب : الاريدة منج لا ضوجين وتنقهرين

زُها : أن شاء الله شكراً ألك يلة أخذ راحتك
طلعت من الغرفة ودموعي ترس عيوني ،
شفت باهر طلع ولابس ملابسه العسكرية ركضت بساع فتحت أديه بين الحايط والمشجر حتَ ميعبر

باهر : وخري عوفي هاي سوالف مال جهال

زُها : تقربت يما حاوطت ركبتَ بثنين اديةَ!! باهر راح تروح

باهر : باوعت بعيونها مورمه !! اي

زُها : حضنتَ حيل !! حباب باهر لا تطلع وانتَ هيج معصب يعني ميصير تسوق كل هل مسافة وانتَ هيج تعبان

باهر : خايفه عليه

زُها : هزيت راسي بمعنى اي!! كلشش

باهر : بادلتهَ الحضنه!! هههههه فدوة لگليبج تعرفين شنو أول مره هيج يدك گلبي

زُها: رفعت راسي إله وباوعت بعيونه !! صدك زين ليش يدك

باهر : ماعرف يمكن يريد يطلع معاجبه الوضع جوا

زُها : هههههههههه باهييررررر

باهر : شلنفصص لا تتموعين خل أروح الفاهيه

زُها : وخرت عنا اوكفت على كتر ! تفضل يله روح

باهر : ههههههههه ضحكت عليها لأن زعلت جريت خدها بساع بسنوني!! انتبهي لنفسج حبيبي

زُها : اويييي شنيااا !! نزل ورحت ورا نزلت

باهر : يمة أني رايح للدوام ديربالج على نفسج خو ما محتاجه شي ؟

فردوس: لا يمة سلامتك بس ولله ماودلي تطلع من عتبت البيت گلبي يضل يمكم لحد ما ترجعون

أنغام : أي ولله خوية

باهر : شسالفة چا شوكت تتعودون هاي زُها يمكم بيها ريحتي منكد مامجلبه بيه أربع وعشرين ساعة  كلما تحنون إلي حضنوها هههههههه

زُها : ههههههههه يبووو بطل سوالفك

فردوس : حضنت زُها ! يمة چا توصيني هاي هم بنيتي أو . وصله من روحي

زُها : اوف فدوة روحلج عزيزتي

اجت ماري  _ ماري : أني أحس روحي نعال عتيگ بلبيت ولا احد مهتملي

أنغام : ولله يا ماري حتَ أني جاي اغار ههههههههه

باهر : حضنتهن ثنينهن  افيش اعذرني ما ودلي أقصر بحقجن بنياتي

فردوس: لايمة مامنك تقصير

باهر : يلة اسلم على حبوبتي وطلع

زُها : اباوع شكد يحب أهله بس بنفس الوقت أحس مو هذا الحب إلي بداخله صدك

يجيني إحساس هوا يحبهم أكثر من هيج بهواي بس مايكدر يطلع مشاعرة

ركضت بساع طلعت بلحديقة ختلت انتظره يطلع
شوي واجه وصل للباب اجه يسحبه وطفرتَ

بخخخ

باهر. : عود أنتِ صدك تحجيننننننن

زُها : هههههههههههه طفرررررتك مووو

باهر : لزمتها من وجها بيد وحده!!! شجاج اليوووووم شو تتصرفين مثل طفلة تره هاي حركاتج وجعت گلبي

زُها : بكسرة خاطر !! أسفه

باهر : زُها هاي حركاتج  تخليني أتمنى أشك گلبي وضمج بي  هسسسسة يمعودة ياريت ماوراي دوام  چا كعدت وكابلتج بس لا شلعين گلبي 

زُها : بس باهر أني أحبك

باهر : حسيت بصدمة تحبني ؟ !! اشتعلووووو عماممممج كلهمممم مو وكتجججج زَهييييه

زُها : خليت وركضت للبيت بدون ما أكله الله وياك لأن حسيت صدك حترك گلبَ ههههههههه

أنغام : راح باهر

زُها : ههههههه أي راح

أنغام : يااا شنو يضحك

زُها : عوفج من إلي يضحك تعاي شعدج

أنغام : بس اكنس

زُها : عوفي الكنس قابل ذيج شنو شغلتها بس نايمة تعاي صعدي وياي للغرفة

أنغام : صعدت وراها طلعت مكياج من المجر !! المن؟؟

زُها : حته دوام ماكو على الأقل خل أتونس بيج ههههههه 

أنغام : هم صدك

_______________________________

منتظر : يمة أريد مرام

ام منتظر : شنو

منتظر : كابلتها وكعدت!! اي يمة يعني إخواني كلهم زوجو أنا شوكت ازوج أريد البت أحسن ما تروح لغيري

ام منتظر : ولك يمة أدري بس هسة مو مال زواج خل يعزل واحد من اخوانك نوب نزوجك چا هيا بطرك الحچي

منتظر : أعرف يمة مو بس حچي لهذا أنا الاريد أعزل من الأساس حصتي أريدها أشتري بيت على كد حالي أنتم العليكم تزوجوني

أم منتظر : ولككك شبيك انتَ تخبلت

منتظر : فدوة يمة خل نعوف هل كلام على كتر وفكري بمصلحتي لا أريد مشاكل ولا چناين بنية أخذها وبيت على كد حالنة لو مو من حقي ؟

ام منتظر : ولله يمة ما أدري شكلك الله كريم يصير خير

منتظر : فدوة يمة مو بس تحاجين أبوي لا قنعي

ام منتظر : اي يمة اسهل شي أقنع أبوك

منتظر : هههههه ولله مره حَوك

ام منتظر : اي هيا هاي تعرفها بس تصبغ بلحچي 

منتظر : فتحت الموبايل دخلت للفيس شفت الثوله ناشره نص من وجها

مرام : كاعدة انضف والماسنجر ضل يرن فضحني ركضت للغرفة فتحت الخط

منتظر : حيييييوووانه چلبببه المننن ناشرة صورتج

مرام : لاصيححح سمعت لولا ما ألك حق تدخل بيا

منتظر : لأ إلي حق ونصصص إلها السان نوب ترادد بسااع حذفيها

مرام : منتظر لاتحجييي هيج وكانو مُتسلط عليه وما احذف

منتظر : لأن إلي حقققق ونصصص البربوكك أبقي لاتحذفيها بس أعرف شلون حاسبج

مرام : خاب طيرررر ، فصلتَ وبقيت أفكر هذا بس لايسويها ويهكر حسابي ؟ معقولة يسويها المخبل

________________

أنغام : خلصت مكياج باوعت بلمراية!! واوووو يجننن هههههههه ولج. ماعرف بيج هيج مبدعة

زُها : شعبالج اصدمج بمواهبي ، أبقي هنا راح أصيح وفاء حتَ امكيجها هم

رحت حتَ أصيح وفاء بس ريتني ما رحت

بعدني ما داكه الباب وسمعتها تخابر

وفاء : أي شسوي غير تصبرلي من يجي عماد أكله محتاجة وأخذ منا لأن بعدني ما أعرف رمز القاصه حتَ أخذ إلي نريدا  ،،

ولله أحبك ليش هيج تحجي ،  { فاصل الكلام }

اي أحبك وعماد ما غيرني بس غير حتَ محد يشك

{ فاصل الكلام } تمام يلة راح أسدَ لاتتصل بس من اني اتصل

زُها : حسيتتت عقلي وكفف مشيت على كيف بساع للغرفة

أنغام : شبيج

زُها : هههه لا بس وفاء يمكن نايمة عفتها

أنغام : باوعتلها أمرها مو طبيعي !!, اي ان شاء الله هيج

زُها : دك موبايلي

أنغام : منو ؟

زُها : ببتسامه !! باهر

أنغام : أي عمي احنه نترخص

زُها : هههههههههه الله وياج  . سديت الباب وراها فتحت الخط

باهر : بنيتي شلونها

زُها  : مو زينه

باهر : يايابه منو وياها

زُها : انتَ وبعدين شوكت وصلت

باهر :  بعدني بطريق جاي أسوق بس كلت خل افتح وياج خط علما أوصل

زُها : بس اني زعلانه منك ليش تتصل

باهر : لهذا سبب أتصلت حته أراضيج  أنا أسف أعرف صيحت عليج وعصبت بس مو بسببج

فا أطلب منج السماح بابا

زُها : بابا ؟

باهر : روح أبوها

زُها : هههههههههه خرب ليش تحسسني أني بنيتك

باهر : أي أنتِ بنيتي 

زُها : ماعرف بعد مجاي اصدكك

باهر : شنو مجاي صدكين ؟؟ يعني تقصدين جاي اجذب عليج 

زُها : لا مو هيج باهر بس أخاف متحبني

باهر : اي صدك ما احبج يعني من الأساس أنا ما أحبج

زُها : ولا حتَ أني

باهر : ومنو كلي احبك قبل لأ أطلع

زُها :  عادي اضحك عليك مثل ما تضحك عليهَ
يلة موبايلي راح يطفى أنتبه لطريقك

باهر : ابد ما ضجتي

زُها : لا رد فصلتَ  وبقيت ابجي نزلت يم بيبي سدرة
لكيتها نايمة هففف شهل ملل جنت يم خواتي عاد اتعارك اذا ما أتونس

شوي ونزلت وفاء اباوعلها طبت للمطبخ  بقيت بحيرة أكول لباهر أو خالة لو اسويلي مصيبة شسوي ماعرف بقيت بس الوب وحدي

فردوس : يمة كاعدة بحدج سودا عليه

زُها : لا خالة عادي اطلب منج طلب

فردوس: يمة جنج على طلبات كولي

زُها : صالي هواي مشايفة ماما وخواتي عادي اروحلهن

فردوس: اي يمة عادي بس خابري رجلج من باب الاحترام كليلهَ  حتة أوصلج لو واحد من الولد يوصلج

زُها : بستها من راسها !! فدوووووة لعمرجج

ركضت بساع لفوك خابرت باهر ماكو ميرد شوي وتصل

باهر : ها زَهيه

زُها : أريد أطلب منك طلب اروح يم ماما مشتاقتلها
وكلت لخالة هم قبلت

باهر :اي خل واحد يوصلج وبعد لاتتصلين عندي واجب

زُها : صار ,، رحت بساع بدلت دكيت الباب على مصعب ماهو رحت لشهاب

شهاب : تفضلي

زُها : عادي توصلني لأهلي لو اتعبك

شهاب : لا شسالفة تدللين يلة تعاي

زُها : رحت ويا وصلني لأهلي كتله يدخل ماقبل
دكيت الباب طلعت اسل

اسل: هلااااا عاشش من شافججج

زُها : حضنتها ! افيشش مشتاقتلجج هواي ولله

اسل : ولله البيت هدوء اوحشه من دونج

زُها : شنو قصدج أني أسوي هوسه ؟

اسل : ههههههههه لاا مو هيج

حوراء : لككك هلاااا والله

زُها : شنو هذا هم ترحيب شو باررررد

طيبة : رجاءً انجبي مالنه خلك سلام وترحيب

زُها : ضيقت عيوني!! بعد أحسن ولله

ولكمممممم اميييي ويييينننن

طيبة : وسم لا صيحين دخلي للبيت برجلج اليمنى

زُها : اتلكتني أمي باب المطبخ، تبوس بيه منا ومنا

جميلة: يممة زووززه فدوة اغدي لهل طوللللل

زُها : فدوة روحلج يمة ولله مجاي اتعود على فراكجج يلحبيبه

جميلة: تعاي كعدي يمة شلونج يمة مرتاحه مو

زُها : لا ماما الف لحمد الله كلهم زينين وياي

كعدت ساعات اسولف وي ماما وسويت عشةَ وي البنات واجه وقت نوم كلمن تمددت بمكان

حوراء : زُها جاوبي صراحة بيت عيالج زينين

زُها : نداريت الهن !! بنات أي بس اليوم صارت شغلة ولحد الآن أفكر وما أعرف شسوي استر لو افضح

طيبة: يمة ياااسااتر شكو ولج

زُها : سولفتلهن كلش !! بنات وخايفه شسوي

حوراء : لججج لازم تلزمين عليها دليل هاي تريد تهجم بيتهم وتاخذ فلوسهم أكيد ما سكتين

طيبة : أي صح ولا دكولين لباهر شي أول شي خلي بيدج دليل هاي على عملتها تكلبها ضدج بدون تردد

زُها : أي صح لازم أسوي هيج والزم دليل عليها لأن خطية يصير بيهم هيج

بقيت أفكر ومنتظره باهر يتصل ماكو لحد ماغفيت

مرت الأيام بساع ورجعت لعيالي الوقت ملل بملل وباهر بعد يومين يلة يرجع وحتَ إتصال ما اجه منا فقط يخابر ظهر يحجي وي أما شوية وبعدين يروح

____________________________

قد تكون الأحداث القادمة لا توالم جميع الأعمار لذا أرجو الإنتباه

تانيت حضنك دُفو وطَالت لَيالي البَرد
وظَليت أسولف واحِن و أسهَر
و اروحَن و أرِد..
ومِن تغفى بيدي أستِحي
وأشتاگ مِن تبتعِد 🥀💕

الساعة 12 ليلاً

زُها : تعبت من الأشتياق وتفكير صح فترة قصيرة من  اتأقلمت وي باهر بس بسرعة عجيبة تعودت علي

صارت الساعة الـ١٢ وطفيت الضوا حتَ أنام واتصل باهر فتحت الخط

باهرررررر شعجب سويتها شعجب كلتتت خل حاجيهه عندي مرة

باهر : بصوت مبحوح!!  بنيتي تعبان

زُها : تعبان ؟ شبيك عمري

باهر : ياريت أعرف بنيتي أحس مخنوك أحس نفسي بقفص بس شنو من قفص ماعرف أريد ابجي هسة دكولين زلمة وتريد تبجي اي زُها

حتَ لو زلمة هم عندي گلب يتعب هم اختنك واتعب حالي حال خلك الله

زُها : يحجي وأحس دموعي نزلن مثل المطر !!

ياريت البيك يندار بيه ياريت أعرف شنو اليخليك ترتاح ما أتحمل هيج اشوفك ولله  أريد احضنك باهر أريدك تحس أني وياك أني بروحك شتاقيتلك ولله

باهر : اششش لاتبجين شلنفص تشلعين أفادي باجر اجي والعب بيج طوبة

زُها : مسحت دموعي!! أي قابلة بس تعال

باهر : جنت متمدد على الكرسي ورجليه مخليهن على المكتب انتفضت على حيلي كعدت !! صدك تحجين ؟

زُها : وداعت شواربك

باهر : بس أنا جنت اشاقة

زُها : ابتسمت ! وإني ما اشاقة بس تجي العب بيك طوبه

باهر : طكيتها ضحكة بصوت عالي!! هههههههههه

ولله ادبسزز انتِ  وپُوله 

زُها : هههههه فدوة لهل ضحكة  أبقى دوم تضحك

باهر : كافي طلبات يلة نامي باجر اجي ولازم شابعه نوم حتَ تنتظريني

زُها : هههههههه تمام تصبح على خير

باهر : اجمعين يلحياله ،  فصلتَ وطلعت صورتها بيوم العرس تقربت أبوسها ونفتح الباب

فهد : ءففف أنا أسف شجنت تسوي

باهر : كمت نداريت إله لزمته من ياختَ !! شوكتتتت تتعلم ادك الباب ياااانـ***

فهد : خوية هسة أعصابك شنو محد يبوس بس انتَ الوادم ت**** اعلني وعادي هههههههههههه

باهر : عدلت شواربي!! لابله ؟ 

فهد : ههههههههه اي والله ودليل تعال شوف  حارث الكواد  كاعد بلغرفة ساد الباب ونسمعَ يتأوا

باهر : اي وانتَ الزهرة تستر عليك شريفف وعفيف

فهد : ابصملك بلعشرة هم على شرفي

باهر : ههههههههه اللهم طولج ياروح

فهد : شبيك خوية كضيتها عليه هنا بس ثنين نسوان وهم زوجتهن متعة مو بلحرام   خلص وقتهن وراح لو جلبت بلسانك تريد ذلني

باهر : أي لأن الموضوع لعبان نفس 

فهد : شسوي باهر  الفتيات والبنات والنساء حلوات ملل دنيا بدونهم ههههههههههههههههههههه

باهر : اي ودليل زُها أحبها أكثر من روحي أحس يوم عن يوم أحبها أكثر برغم ماعرفها ذيج المعرفة

فهد : الله انتَ الوحيد إلي اصفكلك من تحجي لأن ما سختت مثلنه هههههههههه

باهر : ركعتَ بلقميص نازعه !! هوااا مو صوجك صوج اليريد يسو...

طب حسن

ٱلحسن : لازم نطلع هسة اجانة واجب لـ*******
ولازم نروح كلنه المكان متروس دعارة وسكارة

باهر : الولد وينن

فهد : نايمين

باهر : شنووووووو نايمييين ومنووو البراا واكف ؟؟ ك*****

ٱلحسن : هسة أنا اسحلهم ألك بس طلعو يلة ألبس باهر شعدك نازع

باهر : لخالتك

فهد : هههههههههه مو وكتها بعدين نتحرش

_______________________

صباحاً

زُها : كعدت من وكت نزلت جوا

ماري : صباح الخير

زُها : صباااح النور يا أحلى بشر

ماري : ههههههه من تغسل حالج ياوفاء كعدت كالبَ خلقتها دكول عدها فاتحة خل تتعلم منج حتَ نشوف خير

زُها : ههههههههه عزا بعينج ماري سكتي لا سمعج

ماري : چا خايفة منها

زُها : حتلو حبيبتي تبقى مرت اخوج وين خالة

ماري : يم حبوبتي كاعدين يتريكون

زُها :  رحت غسلت وجهي ولفيت شال دخلت عليهم

صباح الخير

الكل : صباح العافيه

مصعب : اجيتي بوكتج چاي حار خل نسامر وياج

فردوس: تعاي يمة كعدي

زُها : رحت بست أيد بيبي سدرة واجيت كعدت يمهم ,،. وين أنغام ؟

مصعب : نايمة جنها الدب القطبي

زُها : هههههههههههه خرب يومك مصعب بيش طالب البت  ، أني هسة جاية

فردوس: وين حبيبتي هذا چاي

زُها : اي هسة اجي .

صعدت دكيت الباب على شهاب

شهاب : لبست بدي!! منو

زُها : أني

شهاب : هلا خوية صباح الخير

زُها : ببتسامة . صباح العافيه يا غالي ممكن طلب

شهاب : هههههه اي طلبي

زُها : حباب تنزل تتريك ويانه

شهاب : صار تدللين

زُها : فدوة لعمركك شكراً يله انتظرك

رحت للمطبخ جبت استكانين وأحد الي وأحد إلى ورحت يمهم أشكر

فردوس: يمة المن ثنين

زُها : إلي ولشهاب

فردوس: لايمة مايتريك

زُها : أي بس رحت صحتله وقبل

مصعب : عمي هاي چناااات شو باعيلي

زُها : خربت ضحك باوعتله  ها شبيك

مصعب : تروحلجج فدوة ام الكيمر

زُها : هههههههههه مصعب ولله انتَ وردت البيت

فردوس : فدوة اروحلج يمة اريد الله يسعدج وينطيج على كد نيتج

زُها : ياعمري انتو أهلي إلي اتمنى إلي أتمنى الكم

شهاب : صباح الخير

صباح النور

فردوس : تعال يمة فدوة لطولك اكعد

زُها : صبيت چاي إله!! تفضل

شهاب : شكراً عاشت ايدج

مصعب : أي شهاب شرايك ترجع تدرس

شهاب : لا

زُها : صدك ارجع ولله أحسلك

شهاب : ما أحب دراسة اتعقد منها

زُها : بقو يسولفون ومصعب يضحك عليهم 

مصعب : كمت قبل لأ أطلع كعدت يم حبوبتي !! ها حبوبة محتاجة شي راح أطلع

الحجية سدرة:  لا حبوبة بس وين مولي

مصعب : رايح لسوك هرچ ادورلج شايب من ذوله السايبين

الحجية سدرة : ماتوب من سوالف انتَ هههههه

مصعب : لا ما أتوب هههههههههه

زُها : كملنه ريوك وغسلت طرمة جبيرة ورشيت الحديقة كلها الكدام والورا وخالتي ركبت غدة وفاء عجنت مر اليوم بساع لحد ما صار العصر. صعدت للغرفة غيرت كلشي بيها رتبتها بشكل ثاني لأن باهر حيجي

أنغام : عادي اجي يمج

زُها : كلش عادي تفضلي عمري

أنغام : واوو هذا المن ترتيب كله

زُها : ههههههههه لوتيه عود متعرف

أنغام : لا أعرف بس اريد اسمعها منج

زُها : لاخوج الغالي

أنغام : الله الله أعد

زُها : نجبي عود تحشش ام حلك

أنغام : صدك شراح تلبسين

زُها : فتحت الكنتور !! طلعت فستان قصير أحمر

هذا

أنغام : ءهفففف يجنن ولج عليج الله لبسي خل اشوفه

زُها : مو هسة من يريد يجي قبل لأ يصعد تعاي شوفي ههههههههههه

أنغام : خل احطلج مكياج انييي

زُها : أنعم الله عليج شهرينه

أنغام : جرحتي مشاعري

زُها : عادي اهم شي لاتفضحيني كدام ريال

أنغام : يعني ما شوفين إبداعي

زُها : هههههههههه لا بربج عوفي إبداعج لغير يوم

أنغام : ماشي براحتج هههههه راح أنزل من يجي باهر أصعد أكلج

زُها : تمام عيوني

عبر الوقت وعبرت الـ١٠ ماكو عبرت الـ١٢ ماكو
صعدت خالتي

فردوس : اللهم صلِ على محمد وآل محمد اخاف على وليدي  شتردين سوين بحاله

زُها : بخجل لأن ماتوقعتها تصعد !, هههههه صليتي على نبيج

فردوس: باست خدودها!! عين نبي تحرسج يابعد عمري أنغام غفت وباهر تأخر راح انام يمة أنتِ هم انتظري سويعا اذا ما اجه نامي

زُها : أن شاء الله عزيزتي 

فردوس: تصبحين على خير

زُها : اجمعين يعمري ،, سديت الباب وراها.

بقيت انتظر لحد ما صارت بـ٢ وماعرف شلون خذتني النومة غفيت 

الساعة 4 فجراً

باهر : دخلت للبيت بس اعرف الكل نايم لأن تأخرت 
صعدت فوك  جسمي مكسر تكسر فتحت الباب بهدوء لأن أعرف ام وجه الكله دود تكعد من مشيت چدم

جانت ضلمة بس مو ذاك الضلام هلمرا ضلام هادئ ألوان هادئ وشمع

تقربت يمها بهدوء من بعيد اباوع لابسه أحمر ضحكت بس هلمرا ضحكت لأن عرفتها صدك جانت ناويه تلعب بيه طوبه

رحت للحمام سبحت وصليت   بقيت كاعد بلكاع اباوع إلها فعلاً حلوا الشلنفص

زُها : نكلبت للجها الثانية فتحت عيوني شفت باهر كاعد مقابيلي بلكاع ويلعب بجهاز 

باهررر

باهر : شمرت جهاز وكَمت !! يعيون باهر فززتج؟

زُها : نزلت من الفراش وبقيت اباوعله مثل المنتظرهَ ابوها صدك !! باهير انتَ اشوكت اجيت بقيت انتظرك
لحد ماغفيت

باهر : خذيت اديها بستهن ! أسف يماي عيوني ما كدرت أتصل عليج وكلج أتأخر الولد وياي

زُها :  حاوطت ركبتَ بثنين اديةَ وحضنتَ !! باهرر شتااقيتلك هواااي

باهر : حسيتها طفلة صغيرة صارت بحضني  لميت اديا على خصرها !! اوفف زُها

زُها : رفعت راسي خليت عيوني بعيونه  ! ها

باهر : اباوع لعيونها وايد تلعب بشعرها! قبائل العرب كلها تروح فدوة لحنيتج

زُها : ههههههههه شمعنى قبائل العرب ؟

باهر : هيج عاجبني  ، اباوعلها عيونها مكحله احتركو عمامج

زُها : اي خل يحتركون يستاهلون. هههههههه

باهر : ما أجمل أن تجدَ امرأةً
في ساعة ضيقْ
تشرق كالفجر على العينين
فيغمرني..شلال بريقْ
تتقاسم حزني كالأطفال فألقاها
بيتاً وحناناً وأماناً ،ووفاء صديق
أتقاسمُ معها أيامي
خبز الترحال...كؤوس الفرح
شموخ الحلم
وتؤنسني في كل طريقْ
تصبحُ بركاناً حين تثور
ونهرَ حنانٍ حين تفيقْ
تنتشل يقيني من شكي
وتخلص عمري من سأمي
وتمد يديها خلف الموج
وتحملني ..أشلاء غريقْ

زُها : الله الله هههههههههه ئرمانسي كلششش

باهر : بقيت أمشي شفتي على وجها!! اي صح مو إلي هل كلام بس اذا تردين اشوفج رومانسي شيسوي

زُها : شيسوي بله؟؟

باهر :هل تسمحين
بأن ينام على جفونك لحظة
طفل يطارده الخطر
هل تسمحين
لمن أضاع العمر أسفاراً
بأن يرتاح يوماً
بين أحضان الزهر

زُها : بصوت منخفض! ب باهر

باهر : اششش خذيت وجها بأدي وسحبت شفتها الفوك  

زُها : حسيت نفسي لاحوله ولا قوة شالني ونومني على الفراش حسيت ادي بدت تنبت برجليه

باهررر  شبيكك جاي توجعني حباااب

باهر : ها ؟

زُها : بدموع! حباب مو هيج خليك هادئ لاتكون بدون وعي خليك وياي

باهر : حسيت نفسي صدك بدون وعي ! أسف راح أبقى وياج

زُها : بقيت اباوع بعيونهَ ! عفية ابقى وياي

باهر : ههههه دفنت وجهي بركبتها بقيت وي كل شما بوسه  وهيا بس أنفاسها تتسارع

زُها ؟

زُها : ه ها

باهر : باوعت إلها ! ههههه عگد ما أحس بشعور حلو هسة أتمنى تنسجم ارواحنا سوا گلب بگلب وروح بروح  

زُها : حسيت أدي نزلت على صدري !! باهر تحبني

باهر : لا مجرد بس اتنفسج ههههههههههه

زُها : مسربت حتَ من يجذب

باهر : ويامن ولج ¿?

زُها : قربت شفايفي على شفايفه وحجيت بزود لأن أدري بي مراح يسوي شي !! هههههههه وياك بربري

باهر : بيج بخت أسير عدج بس حسابج بعدين!

زُها : هههههههه أحبك ، سحب شفايفي هلمرا أني هم بادلته

خلصت اليلة واحنا أرواحنا تستجيب لمشاعر  واحد لثاني ،

ولأول مرة حسيت نفسي طير حُر
حسيت باهر أب وزوج وصديق
وگلب دافئ وحنون
للحضة اتمنيت الحضات إلي ويا متخلص

*******************

للكاتبة نور المنتهى 💕🦋

لاتنسون التصويت  ورداتي 💅🏻