رواية وقار إلمياس الفصل الخامس عشر 15 - بقلم الكاتبة نور المنتهى

ولا تنمَل شما تنشاف.. وحاضر تنحسب مهما چنت غايب..
المَحَنّة بوجهك مبينة.. مثل شيبة على الحاجب

لاتنسون التصويت والتعليق بين الفقرات 💕🦋

الكاتبة نور المنتهى

_________________________

شهاب : شني تردين تودعيني وداعج الأخير ههههههههه

زُها : ههههههه لا خاف على لحضة أطلگ واموت وضل بنيتي يمة عينك عليها

شهاب : هههههههه وضل تعيش يم خالها.

زُها : أي وتشبعها دلال

شهاب : دسكتي تفاولين بروحج شمالج
محتاجه شي قبل لأ أروح والبيت مثل ما كتلج وصيت فهد وأنا هم اجي

زُها : اي فدوة شهاب أهم شي لا طول

تقرب باس راسي وحچه

شهاب : لا ما أطول عليج خوية بروح امج الغالية لاترجعيهن

زُها : شهااااب شنوو ذنن هوايييي

شهاب : ولله مو هواي الخاطري طلعن أنتِ والبنات للسوك تردن شي وكتلج أنا ما أطول

زُها : فدوة اروحلك ولله صارن هواي

شهاب : لا تفكرين يلة ثيمالا

زُها : الله وياك أنتبهه لطريقك

سديت الباب ودخلت طلع بوجهي فهد حسيت نفسي ارتبكت فعلاً مو مال أضل عند أحد

فهد : هلا خوية شلونج شوكت اجيتُ

زُها : اهلاً . قبل نص ساعة تقريباً

فهد : كل الهلا شهاب جوا مو

زُها : لا ولله هستوه راح

اتصل على شهاب كله جايك لا تروح طلع برا وسد الباب  ودخلت إني جوا

أم فهد : يمة ما جعتن

زُها : لا وداعتج

أم فهد : أمشي عليجن الحسِين لاتستحن مثل اميمتجن إني تجوعن تردن شي كولن  هسة كومن وياي للغرفة نامن وخذن راحتجن خل رويحتجن ترد ليجن وشوكت ما شبعتن نوم اكعدن

زُها : فدوة لحنانج ماتقصرين

رحنه إني والبنات للغرفة بقيت أتلفت بيها ذكرت باهر وحنانه وحچاياته الدافئ نزلت دموعي بس مسحتهن هوا الخسرني مو أني الخسرتَ يخسى احن علي

طيبة : زها تعاي تمددي يلة موزين عليج هذا كله لازم ترتاحين وأنتِ مامرتاحه

حوراء : اي گود الله جيب بسلامه

زُها : منو تنام يميي؟

البنات كلهن طفرن وصاحن

__ انييييييي

زُها : ههههههههه تعالـن  ، بقيت أعصر بأديهـن
وسولف وياهـن كلام حلــو وازرع بداخلـهن الأمل رغم كُلشي

_________________________

أنغام : حاطه رجل على رجل وافكر بتوتر وطب حسن !  حسن ؟

ٱلحسن : شبيج مصكورة ؟ ارجع للدوام

أنغام : ولله مو هذا قصدي بس استغربت ماطولت كواك الله

ٱلحسن : أي الأشهر الفاتت دورات شيبن حتى*****
أمي وينها

أنغام : ما أدري

ٱلحسن : شو واحد مايدري بثاني ؟ زين صاحبتي وينها

أنغام : ههههههه ماري فوك كاعدة هيا وحلوياتها وتدرس

ٱلحسن : كعديني من صير بـ4 عندي طلعه

أنغام : خوش

بقيت احوس منتضره شهاب ماكو ،  من يوم طلعت زها من البيت رجع صار اسوء من قبل ضلم البيت مصعب صارت طلعاته أكثر من وجودة وباهر لو بدوام لو يضل كاعد بغرفته ساد الباب يعني حياتنة صايرة ممله  ، 

باهر : نزلت لكيت أنغام تفتر مثل الناعور  ! شلونها الحلوا

أنغام : طفرتـنييي  هف الحمد لله

باهر : شبيج وضعج مو طبيعـي ضامـه عليه شي ؟

أنغام : بقيـت أبلـعم خاف اجـفص ! لا ماكو شي ههههه متوهـم

باهر : عادي أطلب منـج طلب

أنغام : اي أكيد يرادلها جواب شنو انتَ الغالي

باهر : لويت رگبتي بتوتر وماعرف اذا اطلب لو أتراجع ! تعاي وياي للحديقة بس جيبي موبايلج وياج

أنغام : جبت موبايلي وطلعت ورا ! ها خوية

باهر : أريد تتصلين على زُها شوفين اخبارهـن وخاف محتاجـات شي

أنغام : تمام بس قبل لأ أتصل ليش مو أنتَ تتصل ؟
باهر انتَ تحبها ولادكول خانتني ومن هل سوالف انتَ مو زغير تكدر تتحكـم بعقلك وتعرف الصدك من الجـذب أحسن ما تنـدم بعدين أتصل هسة لو روح إلها
وابصم ألك بلعشرة مراح تنـدم صحح الغلط قبل لا يفوت الوقت وتروح فرصـتك

باهر : شنو المخلـيج هيچ ثاقة  ؟

أنغام : أني  ، شوف مو شغلة ثقة بس أني كتلك والموضوع بقى يمك فكر زين وروح إلها  ،

عفتَ ورحـت للبيت ركض حتى أملـص منا خاف يسألني عـن شـي

________________________

زُها : صار المغرب كعدت على صوت الأذان كمت لبست شال وبقيت أنتچي على الحايـط وامشي لأن حسيت بدوخة  !

مساء الخير خالة

أم فهد : هازه راسها ! مسيت العافية عليج يروحي  روحي توضي وتعاي يمي مدي مصلايتج

زُها : أن شاء الله ، طلعت برا توضيت وشلت راسي للسما شلونج يمة ؟ أنتِ بمكان أحسن متأكدة يشهد الله شكد مشتاقة الج ومحتاجة حنـانـج  ، يآرب ساعدني ماعندي غيرك يشوف حالي

دخلت للبيت سحبت من الرفوف مصلاية مديتها بـصـف خالة 

أم فهد : صلي يمة صلي أحسن من لقاء ربج ماكو
الحنين الينضر الكل مظلوم

زُها : خالة أني مظلومة ولله مظلومة باهر وأهله ظلموني

أم فهد : عين ربج متنام يمة أهم شي تنامين مرتاحة وما ضالمة أحد 

زُها : أي ولله بقت تصلي على الكرسي كعدة وگمت صليت  كملنا  نطب فهد تحمحم وبيدة علاليگ

أم فهد : هله يمة تعال خلي العلاليگ

يمة زها تلكين فراش الـزاد بلكاونتر جيبي

فهد : أبقي أني اجيبه

زُها : أني رايحة أكعد البنات

أم فهد : يمة خليهـن على نومتهن فد مره بعد

فهد : شوي هل أمد السفرة.

زُها : ولله هيج اتقيد ترة أكل حالي حالكم ليش دازيين جاهز

أم فهد : أكعدي وهودي دوم نجيب من برا مرات نطبخ بلبيت شعدنا

زُها : كعدنة طلع فهد الكباب وببسي ومقبلات ودجاج شوي  بس مالي نفس أكل  بقيت انقش تنقش بلأكل !

هم خابرت شهاب أو هوا خابرك يعني أقصد علمود البيت

أم فهد : يمة فدوة أغديلج شني متوزاية ولله البيت بيتج وأنتِ حسبت بزر بطني اخليجن بنص عيوني

فهد : أمي كلامها صحيح وماعاش اليخلي عايزه عليجن

زُها : متقصرون ولله بس أريد استقر أني وخواتي براحتنه أريد هم أنقل دوامهن اهنا وشوفلي شغل أريد أسس حياة من جديدة

چندوب أضل هيج وهيج

فهد : تأمرين أمر مايصير خاطرج إلى طيب

زُها : ما أنسى وكفتكم

أم فهد : أستغفر الله ، يمة فهيدان  بعد گلبي ماوصيك شوفلهه بيت چريب منا حتى يمنه نأمـن عليهن

فهد : صار حجية

زُها : سفرة دايمة أن شاء الله

فهد : خوية شأكلتي

زُها : شبعت ولله رايحة أسوي چاي

رحت للمطبخ لكيت باهر متصل عليه فتحت عيوني على وسعهـن شيريد وليش أتصل ؟

حسيت دكات گلبي ضلت ترفس بأنفاسي  وكفي گلبجج زها وكفي لاضعفين كدام هل حُـب ، جريت نفس كلبت الجهاز على الكاونتر عفتَ وسويت چاي
بقيت أفتر أخاف أشوف الموبايل والگه رسالة هم رجعت شلت جهاز شفت مصعب يتصل معقولة خاف صاير شي ؟

الو مصعب ؟

مصعب : شسالفه وينججج كلت انخطفت

زُها : ههههههه لا سالمة سليمة شصاير

مصعب : يمعودة الدنيا ليل وكل البيوت ضاويه ماعدا بيتكم كلنه طاكه الكهرباء شوف وين ألف فكرة اجت براسنه

زُها : معقولة باهر واكف يمهَ وهوا الگله خابر ؟ !
لا خوية ألف لحمد الله ماكو شي بس طالعين من البيت

مصعب : وين انتم وياكم زلمة لا

زُها : لاتخاف بكاع الله

مصعب : أعرف بس وين بضبط ترة احجي هيج من خوفي أريد أعرف شبيكم ما بيكم شبيج ميبسه راسج فد مره

زُها : اجه فهد للمطبخ خفتت بس لا يحجي أشرتله يسكت ! مصعب خوية لاتخاف ولله أني بمكان زين وعين الله ترعى لا يضل بالك يمي سلملي وياك على أنغام وماري

مصعب : الله يسلمج چا بعد شكول

زُها : فصلت الخط وبقيت اباوع لفهد ! فدوة مو تغدر بيه ودكول لأحد عني ،

فهد : هذا الشي ينرفزني كتلج ثقي ومعليج
هذا مصعب جان وياج مو

زُها : اي صح هوا يسأل عنه يكول البيت اضلم

فهد : الله كريم أنا باجر أطلع اشوفلج بيت قريب يمنه
حتى قبل لأ اروح للدوام أنتِ مستقرة

زُها : رحمه الله والديك ، رحت للغرفة طلعت رقم شهاب أتصلت علي ،

شهاب : نعم

زُها : كواك الله شوكت وصلت

شهاب : قبل شوي ولله ازدحامات كلش شلونج يعيون أخوج

زُها : الحمد لله أحسن انتَ شخبارك

شهاب : بحسرة ! ياريت أصير بخير

زُها : اسم الله عليك شبيك صاير شي

شهاب : لا بس أفكر بيج

زُها : ههههه عندي أخو مثلك لاتفكر بشي أكبر همومي بعد هوا استقر خاطر أعيش بناتي الأربعة

شهاب : أربعه ؟

زُها : هههههههههه شبيك نسيت إلي بطني

شهاب : اي والله راحت من بالي ههههههههه ونعم منج سباعيه أنتِ ولله اعدال ألف رجال

زُها : شهاب خاف مشغول أخذ راحتك

شهاب : اي والله عندي شغله ضرورية اخلصها اليله حتى أرتاح. ان شاء الله من أفرغ هم اطمن عليج

زُها : الله يسهلك أن شاء الله لاضوج وتتكأب حلو وانتَ فرفوش

شهاب : ههههههههه بس أنتِ تستاهلين أصير فرفوش وياج يلة الله وياج

زُها : معة السلامة الغالي

أم فهد : يمة خلصتي مخابرة

زُها : اي عزيزتي جاية ،  بعدني توه فتحت الباب والبنية ضلت ترافس حاوطني مغص قوي ، فدوة مو وكتج خل أصير بيتنه بحدنه وتحركي براحتج هفففف يالله ساعدني

بقيت أمسح على بطني اقرأ آيات القرآن الكريم تنهدت وطلعت كعدت يمهم

فهد يشرب چاي ومقابيله أوراق كومة يشتغل بيهن

ذني شنو

فهد : مدنك راسه يشتغل ويحجي ! أسرار دولة

زُها : اها دوم تشتغلوهن بلبيت

فهد : مو دوم بس اكثر الأوقات

زُها : اي هلكول بس جنت ماشوف باهر يشتغل بلبيت

فهد : هههه خوفج من أبو خنيسه هذا شغله كله سكتاوي يلوزه ومحد يدري بي

زُها : اها ، هزيت راسي وسكتت هسة أني شجاب طاري باهر بنص لو مفطومة علي مثلاً

أم فهد : بس شربين چايتج روحي نامي حتى اكعدجن بصلاة الفجر نصلي ونطلع نزور

زُها : ببتسامة ! صدككك

أم فهد : يا يمة چا اجذب عليج أني

زُها : حشاج يروحي بس نفعلت من الفرحة

فهد : شبعين زيارات يم أمي هههههههه

زُها : ولله لو هاي الجيران لو ما تراد هههههه

أم فهد : اي والله يمة دنيا شضال بيها واحد عاد يشتم هوا أهل البيت

زُها : أي ولله فعلاً  ، يلة اترخص منكم تصبحون على خير

: أجمعين

زُها : رحت من يمهم للغرفة بس حتى اتمدد رادت تفضحني بس ترافس شجاج يمة شجااج أول تالي

بعد مـرور 6 ساعات

كعدت عرگانه وشفتي يابـسه من العطش
باوعت للساعة بـ3 حسيت عيوني لا إرادياً نملـن دموع كمت لبست شال وامشي على كيف حتى لحد يكعد طلعت من الغرفة  متوجهه للمطبخ وسمعت فهد وخالة واكف بلباب يريد يروح ويوصيها فتحت عيوني بصدمه

أم فهد : تلطم على وجهه بدموع ! يمة صخام صخمج فردوس راحتتت وليداتججج

فهد : يمة صوتج فدوة البت ديربالج تدري بيهم ماتو وللزيارة لاترحون قفلي الباب وراي

زُها : وكفت باوعت ألهم وعيوني نزلن شلال منو الراحو هلمرا ؟  !

فهددددد منووووو

التفتو إلها ركضو

فهد : محد خوية محد

زُها : حسيت نفسي انگطع وبطني ألم مو طبيعي طحت بلكاع لازمه بطني !

انيييييييييي سمعتتت سمعتتت منو من ولد فردوس احجووووو

أم فهد : يمة اسم الله شبيج تعال ولك شيلها وياي عيِني

زُها : وخرو عني وخرو منو مات منو

_______________________

قبل مـرور 6 ساعات

أنغام : كاعدة أفتر بغرفة اشهاب ودخل ! شصاررر بيككك وين جنت

شهاب : مو مهم وين جنت المهم أجيت شصار كليلي

أنغام : طلعت موبايلي شوفته تسجيلات لوفاء وهيا تتواعد وي صديقها ! سجلت كلشي خاف أحد يجذبنة

شهاب : أنا اعلمها البربوك إلى اطلعلها گلب ثاني
عماد وين

أنغام : عماد موجود بلغرفة وجانت تتلوكله حتى تطلع على أساس للكورنيش وي صديقاتها المزوجات وراح يطلعن سوا وهوا أكيد قبل

شهاب : أي يقبل الگرن ليش ما يقبل بس خل تروح الاريدة منج شنو

أنغام : اي شنو

شهاب : من راح تطلع أنا راح أطلع وراها ومن ارمش عليج حتى تكولين لعماد ساعتها كليله حتى يجي بعينه وراي ويشوف منو الكحبه الجانت بلبيت

أنغام : حاوطت وجها بثنين اديةَ ! شهاب فدوة ديربالك على نفسك هاي خاف كلشي سوي

شهاب : ههههه لاتخافين شيصير خل يصير يلة راح اطلع قبل لأ تطلع هيا خاف شك

أنغام : هفففف جاي ارجف أحس نفسي بمسلسل

شهاب : ههههههههه هلمرا مسلسل عراقي

أنغام : چا گود الله ينجح

شهاب : مححح ينجح 

أنغام : طلع شهاب وبقيت أتلفت منا ومنا ورجليه يرجفـن طلع حسن من غرفته يباوعلي بخزره معقولة سمع أكيد لا !

شبيك تباوعلي هيج

ٱلحسن : هزيت راسي مضيق عيوني ! ماكو شي سلامتج 

أنغام : عافني ونزل وحسب ماعرفت طلع بس وين ماعرف  نزلت جوا أشرب مي وشفت وفاء طالعه

وين ست وفاء.

وفاء : لصديقاتي حبيباتي

أنغام : اها ورجلج ما شاف هل حمرة الطوخ

وفاء : ولله عاد رجلي أني كلتيها بلسانج فا لا تتدخلين

أنغام : اي عيونيييي براحتج ! خزرتني بغرور وراحت طلعت دقتني دق  ،

بقيت أفتر بلبيت وشلع بشفتي  واني منتضره إتصال من شهاب لحد ما مرت ساعة  أجاني إتصال

شهاب : وينججججج

أنغام : بصوت ناصي ؛ شبيككك شصار أكول لعماد لولا

شهاب : بسرررعة كليله

أنغام : صار ، رحت بساع لغرفة عماد فتحت الباب بدون مقدمات ، !

عماد مرتك وين

عماد : انتفض من مكانه ! شنو مرتك وين

أنغام : جريت نفس لخاطر زها على الأقل وحجيت بقوة طلعت جهاز  وبقيت احجي بصوت عالي!

شوف مرتك أسمع صوتها العصر وأمس من تطلع شلون تواعد وهسة لا عبالك رايحة وي صديقاتها

لااااااا رايحة تواعد حبيب الروح اسمعععع وشرطططط ماخذه فلوسسسسك تتعبر عليككككك

عماد : لزمها من ركبتها خنگها ! شجاااااي تحجين أنتِ هااااا

باهر : طلعت من الغرفة على صياح أنغام وعماد سمعت صوت جاي من غرفته ركضت فتحت الباب ! شكووووو عوفففف البنية منو سمحلك

عماد : تحجي على عررررض مرتييييي

أنغام : بدموع وصياح ! متقببببل مووو ومن حجيت على عرض وشرف زها رضيتها ضميرك طاااوعك ضل ضل مرتك تـ**** وانت مكيف

حسيت أجاني راشدي ثول راسي ثول

عماد : ياااااا ساقطه يا مامرابيه وياي تحجين هيججج

باهر : كافيييييييي كافيييي اكلكم إيدك ماتمدددها

أنغام شكو كليلي

أنغام : احجي اوجهي صار أحمر من البجي ! شوف باهر شوف ولله وفاء اتهمت زها أسمع بأذنك

زها أي شي من إلي حجو عماد وفاء جذب وحتى المحادثه وفاء مفبركتها ،

اباوع لشهاب عروك وجهه طكـن وصم أيدا حيل بعصبية بحيث أول مره بحياتي هيج أشوفه

عماااااد راح ضلللل ساكت مرتتتتتك ويننننن

عماد : اذا هل حجي صدك إلى اكتلها كدامكم
وين راحت

أنغام : راحت لهذا الأرعن وشهاب لحكهم

باهر : شنوو شنووو شنووووووووو شهاب شكووووو بنص

أنغام : ايييييييي شهاب لأن الكل سكتو وما كالو نعرف حقيقتها شهاب هوا الضل يفتر وراها حتى يعرف كلشي

باهر : شلت الموبايل بساع أتصلت على شهاب  ! وين انتتتت

أنغام : باهر خذا العنوان من شهاب وركض للسيارة
وعماد ضل ينبش بلغراض طلع سلاح وراح ورا

باهر : صعدت بسيارة وتوجهت وعيوني تجدح نار بين زُها وبين ثاري أخذا  الله ياخذذذنيييي ضحكووو عليييه

شلت موبايلي أتصل على شهاب مغلق الجهاز

ٱلحسن يتصل بك …

مو وكتكككك هسة مو وكتكككك ، الوو

ٱلحسن : باهر وين انتَ

باهر : صارت مصيبة ورايح هسة بطريق بعدين نحجي

ٱلحسن : بسسس مو اكبر من مصيبتي شهاب لحگتَ بسيارة وهسة هوا محجوز يمهم أريدك تجي

باهر : حسيت عيوني نطن من مكانهن ! هوااااا أنا جاييي أدور على العنوان حتى اجيييي شنو محجوززز وين المكان بضبط ابقى وياي

؟ تمام قربت ديربالك يطلعون

وصلت للمكان صفيت سيارة طفيت الاضوية ونزلت

ٱلحسن : جايب سلاح مو خل ندخل لا أحد يأذي

باهر : اي جايب أهم شي ما سمعت صوت رمي حتى نتأكد محد مأذي

ٱلحسن : لا ماكو صوت المكان اكو بي بيوت بعيدا ما أعتقد يرمون حتى ما ينفضحون

باهر : اباوع للمكان مثل المستودع طابقين الفوك بس هيگل مامبني كله وجوا بس غرفتين مبنيات

ٱلحسن : منووووو أجه تعااال صف على الحايط

باهر : عماد هذا  جاي يشوف مرته البربوك

ٱلحسن : مرته ؟؟؟ شسوييي هنااا لا دكلي هاي اللحگهه مرتتت عماد وفاء

باهر : اي هيا

عماد : وينهممممم ويننن

باهر : ضربته راشدي حيل : اشششششششش حسككككك ماريد يأذون شهاب بسببك فهمت لولااا

نباوع طلعت وفاء وياها واحد كبل سحبنه أسلحتنه
وهنا الكارثه عماد رمى أربع طلقات على وفاء

عماد : كححببببه تخونينييي انااااااا

ٱلحسن : بسرعة اليمها طلع اسلاحه رمى على عماد وعلى باهر اجت طلقتين - أبعماد !

عمااااااادددد

باهر : ولدددددد نغغغغله انااااااا انهيكمممم اليوووووم

بقيت أرمي عليهم ثنينهن طاحو بلكاع اواحد مد أيدا سحب السلاح من الكاع رمى اجت بحسن

حسنننننن

ٱلحسن : مااابيه شي ماتأذيت بأيدي

باهر : خليت طلقه براسه وركضت لعماد ! عماد اصحى عماد بس اصبر أشوف شهاب حسن أبقى يمهَ حاول ترص على جروحه

ركضت للبيت أدور على شهاب أكيد مربطي وعايفي بس صدمة جانت غير

يااااااااااااعليي وينكككككك يكاااافل زينب

ٱلحسن : ركضت على صوت باهر كانو صوت أسد بغابه مهجورة هز المكان هز دخلت بساع مخلي شهاب بحضنه بس بيا حالة ؟ شهاب مذبوح ذبح !

باهر : بصوت عالي وبجي ام على أبنها ماتبجي ! يااااااازهرااااء أبني راااااح رااااح مولاتيييي

ولكككككك شهاااااب كسررررت ظهريييي فتح عيونك يابعد عيوني 

ٱلحسن : بصوت منخفض ومخنوك ! شهاب راح ؟

تقربت أكثر منحور نحر وباهر يبوس بي ويشم سبح بدما ! باهر كوووووول حلم هذا

باهر : اخخخخخخ تمنيييته حلم وكعد أبحلمي يساعدج الله زينبببب أريد الصبر يم عون

___________________

فردوس : يمة شو ولا واحد من اخوتج اهنا

أنغام : يمة عماد درى بوفاء جذابه وهيا الجذبت علي وعليكم من طعنتو شرف زها وطلعت كل السوالف الخايسه بيها هيا وهسه راحو وراها

فردوس : ولججج شجاي تسربتين أنتِ صخام صخمني كون ولجججج شلون تخليهم يرحون لانوب يكتلوها ونشتهر

أنغام : خوفج منها هل سامه يمة لاتخافين عليها ،

بقيت كاعدة على درج وأمي متانيتهم مارضت تنام حاطه كرسي وكاعدة

فردوس : نار شابه نار أحس غير كون يلفون للبيت

أنغام : الله كريم روحي نامي

فردوس : ما نام ولج ما نام أريد أشوف ضيم گلبي

أنغام : حسيت ملح صار بعيوني من نعاس وأني انتضر  اجه مصعب حالته حاله وجهه احمررررر شاف أمي ماتحمل شبكها ضل يبجي !

شبيكككك شكوووووو

فردوس : صخااااام صخمك يمة گلبيييي ولك احجييي شكووووو إخوتك بيهممم شييي

مصعب : ولججججج يصبرج الله

أنغام : التزمت الصمت وشفايفي ضلن يرجفن !

إخوتي وينننننن إخوتي وينننننن

مصعب : يمة انكتلو عماد وشهاب

وهسة بلمغيسل هما راح يجيبوهم هنا

أنغام : اباوع لأمي شكت هدومها من طول لطول وملخت شعرها خلته كدامها. لو حالتي واني مصدومة شهاب ؟

معقولة 

فردوس : يمممة ولدييييي ولججججج راحو ولدج فردوس 

مصعب : فدوة صدرج راححح يتفلششش الصبر يمة الصبر

الحجية سدرة : ءهووو نغمة فردوس شنو هذا الصوت

أنغام : مستحيييييل إخوتي أريد إخوتي مصعب كول جذب عليك الله كول جاي اشاقه

اباوع لأمي تخربطت دخلناها للديوان ذبينه عليها مي ودموعنه تنزل على كمية الألم إلي بداخلنه

وسمعنا الباب نسحب وأصوات عالية

مصعب : عباية بساع غطي أمي جابو التوابيت

أنغام : شنووووو توااااابيتتتت شلون تتتقبل الموضوع عادي ماتوووو

مصعب : فدوة اروحلج بساع منكوا رجليه عايناتني أنا لاثكلينها عليه اكثر

أنغام : ركضت جبت عبايه لأمي وماري فازه على صوت حبوبتي صيح لأن محد رد عليها ركضت  بساع خذا مني مصعب العباية فزت أمي أصيح طببو التوابيت للديوان وباهر سابح بلدم

فردوس : ولكمممممم يممممة ولكمممم طريتوووو چبدييييي  ولكمممم خذيتووو عمريي

___ مو كل الحزن ينكتب فا مثلاً أنغام هنآ كانت تشهك وتملخ بشعرها وبين خوانها إلي محاوطيها وزلم واكفة برا بين الجو البارد وبين صيحات الفاجعة بين صدمة بنية زغيرة  ماري مصدومة بأخوانها وبين فردوس الحاضنه شهاب وكانو راح تموت وهوا بحضنها بين آهات إلي بگلوبهم وبين صيحت باهر ماشفناك عريس يبو طول الحلو وبين ٱلحسن ومصعب إلي كانو يتمنون بس كون الزمن يرد ساعات حتى يتوادعون

بس أكو شي آخر زُها ؟

شنو صدمتها بلي وعدها يرجع إلها ؟

****************

الكاتبة نور المنتهى