وقار إلمياس الفصل الثاني وثلاثون 32 - بقلم نور المنتهى

-انــا الــذي هـــزمــتــهــا الــحـيـــاه ولا زالــت صــامــده أنــا الــذي أقـــف أمـــام الأعـــاصــيــر وأحــاول الـتـــعــايـــش والــتــأقــلــم مــع هــذه الــظــروف لأنـــفــض غـــبــار الــحــزن مــنـي

لاتنسون التصويت والتعليق بين الفقرات

الكاتبة نور المنتهى

""""""""""""""""""""""""""

- لبست زي رسمي أسود لأن مانكدر أبد نترگ الأسود
وخذيت فقط جنطة وحدة علمود شموسة تقربت للمراية باوعت للنمش جيت اكسر المراية بس استهديت برحمان

حوراء : زها الباااب يندگ...

زُها : اي جاية جاية

فتحت الباب فهد

فهد : ببتسامة ، جاهزة

حوراء : رحت ركض ورا زها ، فهد ميصير تبقى شوي بعد

فهد : شفت الساعة البيدي رجعت حجيت وياها ، لا ولله ميصير نتأخر

زُها : ما وصيجن عمري انتبهن على انفسجن

طيبة : بَوست شمسين بكل قوتي بعدين انطيتهة
لفهد

فتحت اديهة زُها ما كدرت أتحمل حضنتهة حيل حسيت بحرارة منكد دفو حضنهة

زُها : راح اشتاقلجـن هواي لأن ما متعودة اعوفجن حتى يومين

طيبة : درت وجهي عنها ومسحت دموعي ،

نتعود نتعود يروحي الله يسهلج أن شاء الله

زُها : حضنت البنات ودعتهن خليتهن يسدن الباب يلة كدرت أمسح دموعي -

فهد : يلة نتوكل

زُها : خالة كاعدة ؟

فهد : لا -

زُها : ولله مايهون علية أروح - نوم شمسين بسيارة وتعال أفتح الباب

فهد : تمام هههههه

زُها : فتح الباب دخلت بلكعب ما كدرت انزع مستعجلة فتحت الباب نايمة تقربت بستهة بخدهة على كيف وطفرت

أم فهـد : اسم الله الزهرة ام الحسن ياهي أنتِ

زُها : فهد بقى برة شغلت ضوى ورجعت يمهة ،

أني زها حبيبتي - كلت أشوفج قبل لأ اروح

أم فهـد : يا يمة سودا عليه چا هسة طيارتج

زُها : اي والله بعد تطلع بـ٣ انتبهي لنفسج ولصحتج أمانة

أم فهـد : بدموع ، الله يوفقج أن شاء الله بجاهة النبي والعترة الطاهرة وينور دربج وان شاء الله حياة سعيدة بعد گلبي

شبيدي شكول بعد اذا أنتِ هذا التردي ولله أني لا ودلي تعوفين العراق ولا ودلي بنيتج تعيش بدون أبوها

زُها : الله كريم يروحي يلة معة السلامة

وعليج العباس أبقي بمكانج لاطلعين أهم شي شفتج

أم فهـد : ليش يمة ، أن شاء الله خواتج هم بعيوني وان شاء الله الله يبرالج

زُها : الله لا يحرمني من دعواتج في أمان الله -

ها انشلع گلبك ؟

فهد : لا بلعكس صافن على شموس راح اشتاقلهة

زُها : صعدنة بسيارة حركت ، بقى الطريق كلة يشرحلي عن الحياة هناك وشلون لازم اتأقلم وتعايش بصبر قبل كلشي

فهد : يالله وصلنة نزلي أنا أنزل شمسين

زُها : تمام - نزلت الجنطة وفهد أخذ شمسين خلاها على گلبة ما شال وجهه عنها ابد بقى يشم بيها ويبوس

كافي يمعود موتت بتي هههههههه

فهد : هاي شلون افاركها ؟ -

زُها : تتعود تتعود انطينياهة عنك

فهد : لا أمشي من تردون صعدون انطيهة

زُها : وكفت مقابلية مچتفة اديةَ بتوتر ،

فهد ديربالك على باهر

فهد : ببتسامة خفيفة ، أكيد عضيدي هذا

يلة سمي بالله وصعدي رقمج عند البنية كلشي يصير خاف ما تعرفج راح تتصل عليج

زُها : هاي هيا يلة معة السلامة

فهد : الله وياج

زُها : صعدت وكانت أول رحلة إلي خارج العراق ماعرف راح تكون أبدية لو أرجع ؟

اتندم لو أفتخر بهل إنجاز !

رجعت باوعت لشمسين من أشوفهة أشوف باهر بقيت اتعمق بتفاصيل وجهة

وعد بنيتي وعد ماخليج تحتاجين أحد

وعد راح اخليج تعرفين خالج شهاب وراح أكلج شكد جان حابج قبل لا يشوفج راح أكلج شكد جان إنسان

"""""""""""""

طيبة : حوراء واسل بقـن كاعدات على التلفزيون على مسلسل بقيت احوس ما مرتاحة مدام مشتاقة لمصعب

ما أكدر أتنفس طبيعي - بدون ما ينتبهـن رحت لغرفتي سديت الباب طلعت السيم كارت القديم شكلتة بجهاز فعلت الواتساب وطلعت رقم مصعب هلمرة لازم احاجي

العون يا اللهي

مصعب : ماد فراش بلحديقة وأحسب بلنجوم بملل

رن جهازي كتمتة بدون ما أشوف منو ،

رجع رن وخرت أيدي عن عيني باوعت هاي طيبة تتصل

اتربعت فتحت الخط بلهفة

طييييبة ؟ بروح امج احجي لا سوين مثل ذيج المرة

طيبة : استجمعت قواي جريت نفس ورديت علي ،

ها مصعب

مصعب : يروح مصعب ياكل دكة بگلب مصعب ليش شلعتي گلبي فوك ما الدنيا شلعتة

طيبة : بقيت ابجي ورجفة صوتة ودموعة إلي تشب بأذني مثل النار

مصعب مو بيدي - حرت وحتاريت انتَ ؟ لو خواتي

مصعب : اخخخخخ ولججج اخخخخ بية نار هسة لو احضنج ما اهدج لو ينكطع حتى نفسج

طيبة : مصعب محتاجة وجودك أكثر من أي وقت احبك ما أتخيل حياتي بدونك

مصعب : وين انتِ اجيج لو بآخر دنيا بس خل أشوفج طيببة انااااااا محترگ گلبيييي

أنا موت خواني بكتر وأنتِ بكتر تعبان من كلشي

طيبة : أسمع لكلامة وفجأة دخلت حوراء ارتبكت فصلت جهاز شمرتة على جرباية ودرت وجهي للكنتور بقيت أمسح دموعي

آسل نامت ؟

حوراء : بحدة ، لهل درجة الحب مسيطر عليج ؟

احنى خسرنا حنان وطن بكبرة بسبب هذا التحجين ويا الي محتاجتة أكثر من أي وقت

طيبة : بقيت أصيح ودك على راسي ،

كافيييي كافيييي شعليييي هوى شعليييي تعبتتتت

حوراء : بعصبية ، يبقى ابنننننننن فردوس يبقى إبن هاي العائلة إلي تفردشنة بسببببههة

يبقى اخو الدمر اختججج

وأنتِ ختاارييي قبل لأ صير صدك ونطلع برة العراق

خواتج ؟ لو مصعب ؟ ! فكري بكيفج

يلة تصبحين على خير

طيبة : يااا لله راح أموت شسوييي أني شسويي

""""""""""""""""""""

صباحاً

باهر : صليت ونزلت أطلع اتمشى شفت مصعب نايم بلحديقة الضوى بعيونة دفرتة برجلي

اكعددددد بگوووع

مصعب : محدد يناااام يعنييي

باهر : ادبسززز بي انتَ نايم هنآ فوت أصعد لغرفتي نام

مصعب : وخرت قميصي عن وجهي،

شتريد ؟

باهر : بعدك مشايف يومك شبيك گالب خلقتك ؟

مصعب : معقولة متحبهة ؟

معقولة ما تشتاق آلهة معقولةةةة گلببككك ميكول خل أرجعهة وصلح كلشيي

باهر : شبيك ؟ وضعك مو تمام ؟

مصعب : لا تماااام اذا ماتشرد من سؤالي أصير بخير

ليششش ما تحاووول

باهر : ابرود ، ادخل نام معوز نوم

عفتة وطلعت

مصعب : رووووح أسهل شي عدك تروحح وتتصرف ابرود أعصاب مادرييي شنييي من بشررر

أنغام : شبيككك أصيح ؟ عليمننن

مصعب : وخرييي عني أنغام لا أسوي بيج كارثة هسة

أنغام : هوووى شنووو أسوي كارثة بية من كل عقلككك كلي شكو يمكن اساعدك

مصعب : دفعتهة ، كتلجججج كافييييي

أنغام : خاببب روح مو صوچككك عائلة صارت كلهة مخابيل عفية بنية عايشة بينكم

هسة افقددد عقلييييي

دخلت للبيت أتصلت على باهر .

وين انتَ !

باهر : بكاع الله

أنغام : باهر ولله مختنكة روحي طالعة ما أكدر أبقى بلبيت

باهر : شجاج خوية

أنغام : اندري كلكم صرتُ مخابيل

باهر : أنعم الله عليج

أنغام : هههه مو قصدي بس ولله عائلة مثل المزهرية اتشتت بليلة وضحاها

باهر : چا شني هينة حوبت المظلوم ؟

أنغام : يعني انتَ ظلمت زها ؟

باهر : توو، مو بس أنا حتى أمي الماتكدر تحجي وحتى ضياع لمتنة الحلوا

مثل ما عائلة جانت عايشة على حُب الله اتشتت ظلماً
بسببنة

عائلتنة انرد الهة هذا الدين

أنغام : بدموع ، باهر چا أني حيل خايفة ، خايفة يجي يوم وظلم أحد والله يعابيني

باهر : دائماً فكري بدمعة المظلوم بهل حالة شنو غضب رب العالمين على الظالم ؟

صعبة الأذية حيل صعبة أختِ الحلوا أدري بيهة نظيفه مستحيل تظلم أحد أنتِ وردة

أنغام : انتَ صح غلطت بس هم ما تستاهل إلي صار وياك

فدوة حاول ترجع زها ولله أدري هاي حالتك التعبانة بسبب حبك آلهة وأصلاً من يوم الطلعت من هل بيت

وانتَ ما عشت مثل كل يوم

باهر : الله كريم صعدي لشاهنيزان خل تجهز روحهة وجهزي نفسج

حتى اجي اطلعكم

أنغام : صصصصدك

باهر : وداعت شعفاتچ

أنغام : باهرررر

باهر : هههههه يلة فضيهة حتى أمر لمنال نجيب ماري

أنغام : أن شاء الله عمري توصل احنى جاهزين

"""""""""""""""""""

بعد مرور ٩ ساعات

زُها : فزيت على هبوط الطيارة ،

اللهم صلِ على محمد وآل محمد

ماماتي وصلنة يروحي أنتِ

نزلت بلمطار بقيت اتمشى على كيف الله لايشوفك صعوبة الموقف رغم كلشي تبقى الغربة صعبة

ولله حسيت نفسي راح أنهار من اتخيلت موقف بلد جميل بس انتَ غريب وما ألك أهل هنآ

بقيت أمشي طلعت بنية تجي حلوا حيل وطويلة

ماتوقعتهة عراقية

دُنيا : ببتسامة ، أم شمسين ؟

زُها : أي حبيبتي أنتِ م...

دُنيا : أني إلي كلج أستاذ فهد عليهة

زُها : ابتسامة مصطنعة ، أتشرفت عمري

دُنيا : حياتي اتفضلي التكسي محجوز برة

زُها : صعدنة تكسي الأماكن بكد ما هيا حلوة بكد ما هيا تصـفن

نزلنة لمكان حلو حيل مثل الولاية بلهجتنة

هاي مدينة ؟

دُنيا : هههه اي عمري مدينة بريمن اهنا بيتي أني مقيمة

زُها : بستغراب ، جاين هنا لبيتج مو شقة أو فندق ؟

دُنيا : أستغفر الله وبيتي شنو ناقصة تفضلي تفضلي

اختج ودار دارج معة الأيام تتأقلمين وتتعودين

زُها : أبتسمت رغم كلشي جذبني كلامهة العسل تحجي بصدق نية

دخلت

محد هنا ؟

دُنيا : كان محد حالياً أم شمسين وشمسين ههههههه

زُها : هواي اسئلة جاي تراودني

دُنيا : وكلهن اجاوب عليهن - بس أول شي تنومين شمسين جهزت الغرفة بأثاث بسيط

وسبحين ونكعد ناكل ونسولف وتردين صدك

زُها : شنو ؟

دُنيا : انييي حيييل فرحانة لأن أنتِ موجودة أحس نفسي

البيت نور وراح أخلص من الوحشة

زُها : عمري فدوة اروحلج كلش أشكرج

دُنيا : عيب عليج يبنية

"""""""""""""""

ح

سن صحة : جهزي روحج يلة

مرام : بسسسس لاا منتظر ياخذنييي ؟

حسن صحة : أي استهدي برحمان وروحي ويا هوى يفهمج

مرام : شنوووو اروحح ويا يعني عادي عندك عوف نفرض فهمني على المراسلة

يعني عادي عندك يرجع يضربني

حسن صحة : غير اكسر راسة تكسير إذا مد أيدة عليج بعد

معليج روحي مستحيل بعد يمد أيدا عليج

مرام : ماريييد أروح شنو متردونيي

حسن صحة : أستغفر الله العظيم خوية رجلج بلباب روحي ويا وذا ما عجبج الوضع تعالي رجعي الگلب مفتوح الج

گبل الباب

مرام : نفخت الهوى بقلة صبر وكمت جهزت نفسي طلعت ويا

بدون ما أسلم علي رحنة للبيت دخلت شمرت الشال ودخلت للمطبخ

منتظر : راح تبقين ساكتة ؟ !

مرام : شتريد

منتظر : لا ضلين گالبه وجهچ تعالي

مرام : سحبني من أيدي كعدني وكعد مقابيلي

ها !

منتظر : يعني مثلاً خاينج أنا ؟ ليش هيچ فكرتي بدون متعرفين شي

مرام : أي خاينيي ولي شفتَ كفيل بأنُ اصدك

منتظر : وشنو شفتي حضرتج

مرام : حركت إثنين اديةَ وبقيت أعوج بحلكي بلكلام

براحييتكك شوكت ماتغررغ ايتصلل عومريي

منتظر : شحلاتهة اللطه على حلگج هسة

مرام : جرببب وشوفففف

منتظر : اللهم بس طول باليييي

فتحت الجهاز آلهة شمرتة بحضنهة

مرام : المن شمرتَ

منتظر : شوفي دخلي على الماسنجر شوفي تاريخ بطريقج خاف عبالج مزور محادثة وشوفي القبلهة

مرام : شنو تغشمني مثلاً صورررت بنية شفتهة بعيني

منتظر : أي صورة بنية بس أقري الإسم والمحادثات القديمة

مرام : فتحت الجهاز بغرور دخلت على المحادثة قريت الإسم بيج م****

رجعت للمحادثة القديمة متواعدين على بضاعة لمحل منتظر بقيت حاصرة ضحكتي

شمرت جهاز وكمتت سحبني من أيدي

منتظر : صدكتيييي

مرام : بكل الاحوال انتَ غلطت مجان لازم تمد إيدك علية

منتظر : فقدت أعصابي بسببج أنتِ السانج باشـط

مرام : انيييي السااااني باشطططط

منتظر : سحبتهة لصدري ، اي باشط

برب*** ماثقين بية تدرين شكد أحبج أنا شلون شگين

مرام : حجيت بدلع وامشي أطراف أصابعي على لحيتة

أي انتُ الزلم ماعليكم أمان كولشي يصير.

يعني أسهل شي اتسوو هوى تخونون

منتظر : ما أتخيل نفسي اخونج

مرام : شحدك حتى

منتظر : حتى شنو ؟

مرام : ههههههه شتريد اجهز تاكل ؟

منتظر : تقربت همست بإذانهة

مرام : اويي ولييي هههههههههههه

منتظر : انجبي

" " " " " " " "

أنغام : جهزت نفسي وشاهنيزان كوى قبلت لأن حيل مستحية

بقينة نفتر برة لحد ما بيب باهر طلعنة صعدنة

_ السلام عليكم

باهر : وعليكم السلام - شلون الصحة

_ الحمد لله

باهر : راح نروح لمطعم أول شي

أنغام : اي والله بعدنة مماكلين شي

باهر : شلونج شاهي

أنغام : هههههههه

شاهنيزان : الحمد لله سويتني تالي شاهي

باهر : چا صعب شسوي

شاهنيزان : لا براحتك عادي شاهي حلو هم

والبصرة حلوة - ماتوقعت لهل گد

باهر : لا حلوة

أنغام : وصلنة ؟

باهر : اي يلة تعالـن -

شاهنيزان : أشوفك متقيد ؟ خاف لأن ما لابسة حجاب ومنحرج

باهر : ءء لا حرة نفسج ما أكو إحراج إلي تفضلي

شاهنيزان : شكراً

أنغام : شتحبين تاكلين ؟

شاهنيزان : وي عمو اوياج شتاكلون أكل

باهر : لاتستحين عمو

أنغام : بيزا أريد

باهر : نزل بيزا لشخصين وكباب وكهوة

أنغام : انتَ متاكل ؟

باهر : تو ، شبعان

""""""""""""""""""

زُها : فزيت على حركة أيد شمسين فتحت عيوني نايمة بصفهة ومغطاية

لميت شعري ورحت أشوف دُنيا

دُنيا : جاي اجهز بسلطة ونفتح الباب

صح النوم يروحي

زُها : ببتسامة ، آسفة رحت انومهة وغفيت يمهة من تعب

دُنيا : ولله زين سويتي حبيبتي حتى متعبين بليل نطلع

زُها : هههه وين

دُنيا : أماكن تخبل هسة سبحي شون مسوية دولمة تخُبلللل

زُها : دخلت سبحت وشسورت شعري طلعت للصالة
مجهزة كُلشي وشايلة شمسين أصور وياهة

هههههه من زمان كعدت ؟

دُنيا : شوفي اني ما أحسد أبد ولله بس بنيتج گيمر تخبببل

هههههههه فا صراحة أني تحرشت بيها وكعدتهة

زُها : ههههههههه عيونج التخبل - أشوف شمسين مكيفة مطلعة السانهة وفاتحة عيونهة

دُنيا : كُعدي حبيبتي

زُها : اوف عاشت ايدج الريحة تجنن

دُنيا : الف عافيه يروحي - أثناء الأكل بديت بلحديث

فهد وأنتِ نايمة أتصل علية وطمئن

زُها : شكال بعد ؟

فهد : كال حياتج وموتج وي زها هههههه

عاد أني كُتلة بنص عيوني هيا قبل لا تكون أمانة عندي هيا أخت وياي

زُها : يروحي ولله دا تحرجيني بكلامج الطيب

دُنيا : ابد لا تخافين مني عيشي بأمان وثقي أني امان الج من بعد الله هنا

زُها : دُنيا أني عندي حاسة اذا أرتاح لإنسان خلص أرتاح آلة وذا وجعني گلبي وجعني

دُنيا : بضحكة عالية ، واني أكيد من الفئة إلي أرتاح گلبج إلها

زُها : حيل ولله هههههههه

كملت أكل الجو كان بارد حيل وشبهة الثلج يريد ينزل بس درجات تختلف من مدينة إلى أخرى

جهزت نفسي - ودُنيا لبست شمسين حتى كفوف لبستهة وخلتهة بعربانة

""""""""""""

باهر : طلعت البنات وانستهن لحد ما رجعت للبيت ورجعت ماري ويانة صعدت للغرفة سديت الباب وراها اندگ

رحت فتحت الباب

شاهي ؟ محتاجة شي

شاهنيزان : عمو عادي احجي وياك شوي .

باهر : اي عمو تعاي كعدي

شاهنيزان : ماعرف شلون أبدي بلكلام بس عمو انتَ ما قصرت

وفعلاً كنت أمين وفضلك ما أنسى بس أني بعد قررت

باهر : شنو قررتي

شاهنيزان : قررت ترجعني لأهلي ما تفرق عندي بعد حتى إذا قتلوني

أني أصلاً عايشة بس جسد بلا روح عسى ولعل يسامحوني من أرجع

باهر : ماسويتي شي غلط حتى يسامحوج أنتِ جنتي ضحية لوحوش

ثاني شي مدام اشتم الهوى ما أخليهم يمسونج
أنا أحل كلشي أن شاء الله

شاهنيزان : شكراً ألك - شوكت اجهز نفسي نروح

باهر : أن شاء الله باجر

شاهنيزان : عمو حيل راح افتقدك انتَ إنسان حيل طيب

باهر : شبكتني مثل الطفل التفرحة بلعبة

حسيتهة صدك طفلة بست راسهة

لاتخافين عمو مراح انقطع عنج راح أبقى دائماً اسئل على اخبارج

يتبع...

لاتنسون التصويت