وقار إلمياس الفصل الثالث وثلاثون 33 - بقلم نور المنتهى

يسالفتي الطويله

الما گضت فد يوم.

لاتنسون التصويت والتعليق بين الفقرات

الكاتبة نور المنتهى

""""""""""""""""""""

جهزت نفسي - ودُنيا لبست شمسين حتى كفوف لبستهة وخلتهة بعربانة

دُنيا : يلة زها نطلع

زُها : طلعنة محطه القطار قريبة ،

ليش نصعد قطار

دُنيا : أمتع وأفضل ومتعودة وأكثر سكان المدينة يتنقلون عبر القطارات

صعدي أني أصعد شمسين

زُها : صعدنة صار الوقت بلقطار ساعة لحد ما وصلنة
بس كان الوقت ممتع نزلنة بقينة نتمشى وكفنة رجال يريد يبوس شمسين وأخذ وياهة صورة

دُنيا : هههههههه شوفي لا عبالج بس أني أحب شمسين بنتج من الأساس محبوبة

زُها : بنتي ست الحِسن بعد

دُنيا : زُها ليش أحس ضايجة

زُها : هههه لا بلعكس

دُنيا : ترة أني طلعتج حتى ما تحسين بغربة أريدج تتونسين

زُها : ضايجة لأن بالي يم باهر لو شنو ؟ هففف جريت نفس وحجيت ،

لا حبيبتي يمكن لأن بالي يم خواتِ ما متعودة بدونهن

دُنيا : معة مرور الزمن تتعودين ويجن هنا

زُها : أن شاء الله - دخلنة لأقسام ملابس أخذت ملابس لشمسين ورحنة شربنة كهوة وحضرنة مسرحية كوميدية بشارع كانت بدون كلام حَركاتهم كفيلة تضحك الواحد

رجعنة للبيت أني مكسرة ممتعودة اديح مدة طويلة

دُنيا : سويت كوبين نسكافيه اباوع لزها فالة شعرها ومضيقة عيونهة صافننة

صاااافن ياااحلووو وين انتَ بااالك

زُها : التفتت بيدها كوبين ، هههههه كلبتيهة للأغنية

دُنيا : شأسوي لعد - تفضلي هذا الكوب لازم يخليج تفضحين كل الأسرار

زُها : مافهمت ؟

دُنيا : يعني اسمعج سولفيلي شنو قصتج فهد ما قبل يسولفلي طبعاً إذا ماعندج مشكلة عادي اسمعج بأي وقت تردين

زُها : أبتسمت وهزيت راسي بمعنى اي

بديت اسولف آلهة كُلشي من كنت عند أهلي لحد ما زوجت لحد مانطعنت لحد ما صارت كل الأحداث

هيا بچت وحاولت تخفي دموعها

ولله لو أعرف تبجين ما احجي

دُنيا : لا زها زين سويتي بس تعرفين شنو الإنسان متعرض لكولشي وهوى مو معصوم متأكدة باهر كان يحبج

زُها : دُنيا يحبني شفت الحُب بعيونة محد يعرف باهر بكدي ولا راح أحد يعرفة بس ما كدرت أسامحة

غصت وفاة أمي هاياها بعدهي ابلعومي

دُنيا : تعرفين لو أني بمكانج ما استمع لكلام فهد

جان انطيتة فرصة اذا مو الخاطري والخاطرة لخاطر بنيتي عاد

حرامات تربى بدون أبوها وبعدين تعرف بي عايش

شدكولين الهة ؟ لمن تدخل روضة وتشوف الأباء من تحضر وي ابناهة

مافكرتي شراح تحس ؟ رغم كلشي زها راح تحس بنقص حنان الأب لو شكد ما تنطيهة حنان ودلال بهيج مواقف راح تنكسر وتحتاج أب

زُها : لمجرد ما فكرت بكلامها أجاني إنهيار بقيت بس ابجي حسيت نفسي ضعيفة

شسوي دُنيا شسوي ولله تعبت البعمري هسة مرتاحة مو صايرة وياها ألف مصيبة

دُنيا : أخذتهة لحضني خلت راسهة بحضني ولامة رجليهة تبجي وإني بس أمسح على شعرها

لأول مرة إحس نفسي أضعف بمواساة أحد

كافي يروحي الأيام كدامج وبعدج بأول الطريق تكدرين تفكرين صح

"""""""""""""""""""""

صباحاً

أنغام : شادة راسي بعلگ من أبو فاضل لأن حسيت راد ينفجر من البچي

نزل باهر بملابس الدوام ويا شاهنيزان

رايح للدوام ؟ بس بعدة دوامك ؟

باهر : رايح أرجع شاهنيزان لأهلها ومناك أروح أفضل من الكعدة مالي واهس أكعد

أنغام : ياااا شاهنيزان صدك راااح تروحيننن

ولله راح افتقدج

شاهنيزان : أني هماتين راح افتقدج حبيبتي

باهر : كافي محاضـن يلة شاهي

طلعت سيارة سودة مضللة وشاهي ورا كاعدة ردت أصعد على الشارع العام وكفني حسن

حسن صحة : الله بلخير ، ماتنشاف

باهر : ههههه حال الدنيا هذا لو يومية مصيبة لو يومية مشكلة اثنينهم نفس شي وسالبات راحت ابنادم

حسن صحة : أي ولله يساعدك الحسين چندوب تتحمل

باهر : الله كريم محتاج شي قبل لأ اروح

حسن صحة : لا سلامتك توصل بسلامة

باهر : الله يسلمك - عمو جوعانة ؟

شاهنيزان : لا

باهر : من كالت لا انتبهت بحة بچي بصوتهة درت وجهي عليهة تبچي

شبيج لادكولين خايفة ؟

شاهنيزان : لاعمو من وحدي ابجي

باهر : هزيت راسي وكملت الطريق

لحد ما وصلت السليمانية

تعرفين المكان بضبط ؟

شاهنيزان : اي عمو بـز*****

باهر : تمام ، دخلت للمكان بقيت أمشي بسيارة بأماكن البيوت

اذا لچحتي بيتكم كولي

شاهنيزان : شنو لچحتي

باهر : ههههههههه يعني اذا شفتي

شاهنيزان : ع عمموووو هذاك أبوية

باهر : شبيج ترجفين ! أهدي شاهي كتلج أنا هنآ

أبقي هنا ذاك أبوج الجاي يخابر ؟

شاهنيزان : اي عمو هوا

باهر : أبقي بسيارة من أريد تنزلين اشرلج

سحبت السلاح خليتة بظهري كتفت اديةَ لورا اوكفت كدامة

لحد ما انتبهه إلي فصل الخط وباوعلي

__ اتفضل ؟ محتاج شي

باهر : اي نعم عندي أمانة الكم بس قبل كلشي هاي الأمانة باقية على ذمتي لحد ما تحسسوني هيا راح تبقى بأمان

__ بضحكة مستفزة ، أي اتفضل سيادة الضابط

باهر : أشرت بيدي لشاهي نزلت بس بخطوات ثكيلة من الخوف

__ شااااهنيزاااان بنتييي ويننن كانتتتت ماخليت مكان مادورنااهة أنا والعمام والخوال

وينننننن كنتيييي ولججججج ويننن ساعة أكول بنتي راحت عدها شغل ساعة أكول أنقل دوامهة لغير مكان مااااخلو شي ماحجوو عنجج

شاهنيزان : بخوف ودموع ، باب...

باهر : قاطعت كلامهه ، أستاذ نتفضل نحجي بلموضوع أو أخذ الأمانة وروح

ولاتنسى كتلك اذا ما أحس هيا بأمان مستحيل اخليهة يمكم

__ بغضب ، اتفضل نشوف شكو

باهر : سحبت شاهي كعديتهة يمي

بديت اسولف كلشي انتفض من مكانه يريد بتة

__ سيادة الضابط بنتي أريدها

باهر : ختلت شاهي وراي وتبجي ،

شسوي ما كتلي تنطيهة الأمان لو تريد تقتلهة

__ فرضاً أسكتتت أضل كاعدة مثلاً الي يريد يزوجهة ونرفض شنكلة بتي منزلة شرفنة

باهر : كلاص المي بيدي خليته بعصبية على الطاولة انكسرت

أكو قاااانون والقانون كدامك حجيت وياك باحترام ما استوعبت بسسس هسة راح احجي وياك بلقانون

إلي سوو هيج خذو جزاااتهممم وبنتك مانزلت راسكك

__ القانون مو القانون خل أرفع راس العائلة بعدين حاسبوني

ورجاءاً أنا والده وحر بفعل ما أشاء الأمانة وصلت وياريت بدون مشاكل

شاهنيزان : ب بابا ولله مو ذنبي

باهر : ضيقت عيوني عليهة ، تروحين وياي ؟

__ سياااادة الضابط بن...

باهر : قاطعت كلامه بصياح ، بنتتتتك راححح تطلع من هذا البيت للمحكمة كبل راح أصير على ذمتي شرعاً وقانونياً

والافضل بعد لاتسأل عنهة بتكككممم ميييتةةة

__ تزوجها شرعاً اتجيب عقدد الزواجج تنسخة نشوفة للعالم

باهر : أريد كلشي يخصهة من جنسية وغيرها

__ أصبر هنا

باهر : أخذت غراضهة وصعدت بسيارة بقت واكفهة بمكانهة ،

ماتصعدين ؟

شاهنيزان : عمو واه...

باهر : وعليييي ابن أبي طالبببب اذا جبتييي سيرت أهلج هووووة ذوووول أهل

عراق من جنوبة لشمالة طلععع ولا عقل ولا كو*** يفكر صححح

شاهنيزان : عموووو ماريدددد ازوجج فدوة حاول ويا

باهر : بقلة صبر قابض على أيدي ، اذا أنزل هل مرة ما اتفاهم أقتل وطلع صعدي عمو يلة

شاهي من ندخل للمحكمة لا تبجين خل أطلع عقد شرعي ونطلع

شاهنيزان : تمام عمو

"""""""""""""""""""

أم فهـد : يمة فهيدان روح لخياتك جيبهن يمي

فهد : واكف كبال المراية أمشط ، اي يمة مبين شتاقيتي الهن

أم فهـد : كلش يمة خواتك ما مشتاقة الهن هيج

فهد : حقج ولله حقج يلة رايح اجيبهن وجي

طلعت للبيت بعدني مداكة انفتح

آسل : بخخخخ هههههههه

فهد : وحمس هههههه

آسل : شفتك منا

فهد : ديلة أمي تريدجن منتظرجن هنا

آسل : زين ما نتأخر

حوييييرررررة

حوراء : وسممممممم شبيييجج صمييي وصرخيننن

طيبة : شكوووو

آسل : هههههههه فهد بلباب يريد ياخذنة لخالة

طيبة : اي والله همزين اختنكت بوحدي

حوراء : تخوصرت كدامها - اي احنة مو بعينج هيا رب التكول محتاجة وجودك شترجى منها بعد

طيبة : نفخت بقهر عفتهة لبست شال وطلعت

فهد : شلونج خوية

طيبة : الحمد لله البنات هسة يجن

فهد : شبيج ضايجة ؟ !

طيبة : مابية ، أجن البنات رحنة لكينة نفس الولد الشفنا بسوگ

فهد : سلااااامممم

أيمن : بخيل حتى بسلام دا كملهة

فهد : شلونك ههههههه

أم فهـد : هلا ببنياتي سبع فدوات لطولجن

طيبة : اوففف مشتاااقتلجج هواي يمة

أم فهـد : يابعد امج وروحهة

طيبة : سلمنة وخالة مجهزة الأكل مدينَ السفرة وأيمن موجود هم كعدنة

أيمن : انتم جوارين جدد

أم فهـد : اي بس نعرفهم. من زمان من چنا كاعدين بلبصرة اعرف امهن الله يرحمها خوش مرة جانت

حوراء : همست لطيبة ، ولعباس جذبت وصدكت الجذبة

طيبة : غصيت بلأكل من ضحك ما سيطرت طفار الاكل صار ماله والي

هههههههههههه

فهد : صحة صحة

آسل : الله يصحيك

أيمن : ههههههههه حشاشات

آسل : انتَ هم تحب تحشش ؟

فهد : يي وضيفتة يحشش

أيمن : غير أنا ما احجي

فهد : تشتغل لو كاعد المايع

أيمن : مايع شنو ؟ لا تخليني ازگطك هسة

آسل : متتت طلع يزاگططط مو بس يحشش

حوراء : اسكتي ولج ههههههه

أم فهـد : شجاكم يمة

طيبة : طلع فهد يغسل وطلعت ورا

فهدد

فهد : ها

طيبة : شكد المدة يلة نطلع ورة زها

فهد : ماريد زها تحس بغربة أو بضوجة فا هسة جاي أشتغل على طلعتجن

طيبة : تمام

فهد : لاضوجين فترة قليلة وخلص كلشي

طيبة : خايب ماتدري بنار گلبي حقك ،

براحتك

" " " " " " " " " " " " " "

باهر : طلعت من المحكمة توجهت لبيتهم

أبقي هنا أنزل اشمر عليهم العقد واجي

شاهنيزان : بدون رد

باهر : دكيت الباب طلعلي بدون كلام شمرت العقد بوجهة وركبت بسيارة مشيت

شاهنيزان : نزلني !

باهر : شنو انزلج ؟

شاهنيزان : نزلني بأي مكان

باهر : مارديت عليهة نزلت كبال الفندق

نزلي

شاهنيزان : ليش جبتني هنا

باهر : شاهي نزلي خل أشوف دربي

اخذتهة لغرفتهة

اي شي تحتاجي هنا متوفر الج هسة رايح للدوام
ولا تفكرين بشي وأهلج ماتو بس يصير عندي وقت

اخذج حتى ترجعين تكملين ماراح تتوقفين

شاهنيزان : عموووو يحجون علية

باهر : راح أروح وياج وبصفتي زوجج أنتِ تتقبلين الموضوع وغيرج هم منا تكملين وتتوضفين يصير إعتماد عندج على نفسج ساعتهة اطلگج وشوفين حياتج

يلة نامي ورتاحي

شاهنيزان : عمو

باهر : أتصل علية ألحسن ، بعدين من أفرغ اجي معة السلامة

شاهنيزان : الله وياك

باهر : ها خوية شلونك

ٱلحسن : لحمد الله وين انتَ شني شصار وي زها

باهر : ربع ساعة واصير يمك

ٱلحسن : شوكت اجيت

باهر : بس أوصل افهمك

طلعت للمقر وصلت تلَكوني الشباب

سجاد : أهلاً سيدي اجيت بوكتك جاي ناكل

باهر : ههههههه الف عافيه حسن وين

سجاد : كاعد بغرفتك

باهر : تمام جيبلي كلاص چاي

ٱلحسن : أهلاً وسهلاً

باهر : صاير لطيف

ٱلحسن : شتقصد

باهر : ضيم گلبي ،

ٱلحسن : زُها لكيتهة لا ؟

باهر : سولفتله من الألف للياء

ٱلحسن : وتاااالي يعنيييي على راحتهةةة تبقيهة

باهر : شتريدددد أسوي مثلاً أحسن ما تكرهني أكثر خليهة براحتهة

ورجاءاً انتَ هم عوف اختهة خليهن على راحتهن

ٱلحسن : لا مستحيل باهر شنو على راحتهن أنا اذا حوراء مو إلي

احرگگ انتَ وزُها

باهر : لا عليج الله

ٱلحسن : شسوي بغداد ؟ منو إلها

باهر : زها سباعية لهذا مخايف عليهة عدها عقل وتفكر

ٱلحسن : مرة وما تنكدر چا لو زلمة شسوت

باهر : تلكاهه هسة عميد هههههههههههه

ٱلحسن : هههههههه كلشي اتوقع

باهر : اتمددت على تخم حتى انام وتصل فهد

الو

فهد : مختفي أسأل بجذب

باهر : ملتهي بضيمي البنية الاخذناهة

فهد : شبيهة ؟ ما كالت وين أهلها

باهر : كالت واخذتهة سولفت كلشي الحسن منتچي على الكرسي اليفتر ومخلي رجلي على المكتب طفر من مكانة

ٱلحسن : ازوجتتتتتت

فهد : ههه تشاقة أكيد مرتك صارت ؟

باهر : بتثاوب ، اي بس ماتقرب آلهة من باب الأمان وتكمل مستقبلهة ازوجتهة

فهد : هسة انتَ تقنعني بس هيج تبقى

باهر : شتقصد ؟ سرسرييي

فهد : ههههههه خوش خوش الف مبروك حسن يمك سمعت صوتة

باهر : اي يمي يلة خل أنام سلملي على الوالدة

فهد : وعليكم السلام

ٱلحسن : شنو مزوج ؟

باهر : رجعت تمددت وخليت اديةَ على عيوني ،

اي زوجت ومثل ما سمعت

ٱلحسن : وزهااااااا

باهر : كافيييييي بزعتتتووونيييي ادريييي كلللل البشرررر تغلط بس باهرررر معصوم لازم مااايغلطط

البتتت زوجتهة فقط على الورق فقططططط لاراااح احبهة وادلا راححح اتقرب آلهة

والخانووو انتظرها مناااا يحن گلبهةة ارتااااحيتت هسة

سجاد : سيدي صوتكم عالي صايررر شي

باهر : خاب ولله فطير انتَ

ٱلحسن : كافي فهمتك

باهر : هيا هاي العايزة انتظرك انوب تفهمني

" " " " " " " " " "

دُنيا : جاي اجهز عشة متأخر إلي ولزها وهيا بلغرفة صاعدة إتصال وي خواتهة أتصل علية فهد ،

هلاو

فهد : هله بيج دنو شلونج زها شلونهة

دُنيا : الحمد لله بخير كولنة عاد انتَ شخبارك

فهد : أنا بخير زها وين اتصل عليهة مشغول

دُنيا : اي دا تحجي وي خواتهة

فهد : هم سولفتلج عن باهر ؟

دُنيا : اي خطية فهد ليش ماصرت فاعل خير وخليتهم يرجعون ولله خطية شمسين تتبهذل

فهد : باهر ازوج اليوم

دُنيا : شنووووووووو

فهد : اي وخلي زها يكون عدها علم حتى ما تفكر ترجع إلى

دُنيا : فهدددد اخاف اجذب علية وتريد تخربب بيتهمم

فهد : هههههههههههه يابيت يمعودة ولله مجاي اشاقة باهر ازوج اليوم

دُنيا : الله يقرضة شنووووو من رجال هذا

ولله خطية زها شلون راح اكلهة - لالا مستحيل اكلهة

فهد : دُنيااااا

دُنيا : اهوووو ديلة عود أكلها

فهد : تمام - بوسيلي شمسين وديربالج عليهن

دُنيا : فصلتة انقهرت حيل رحت مديت راسي الهة من الباب اشرتلي هسة اجي

زُها : ليش ما أكلتي المن انتضرتيني

دُنيا : ما كدرت اكلهة خاف تنسد نفسهة وهيا عدها طفلة ترضعهة

زُها : متاكلين شنو بس أني جوعانة ؟

دُنيا : هههه لا جاي أكل مشتهاي بس

كملنة أكل وكفت هيا تغسل مواعين وشعرها كلساع نازل على عيونهه

تقربت وخرت شعرها عن عيونها وحجيت

زها اليوم باهر ازوج

زُها : هههههههههههه تمام

دُنيا : بصدمة ، يعني تعرفييين بلموضوع

زُها : ابتسامة متخوفة ، شنو أعرف ؟ يعني أنتِ جاي تحجين صدك

لو تردين تمقلبيني حتى أعرف قيمتة بگلبي وأرجع آلى ؟

دُنيا : هفففف لا مجاي امقلبج ولله فهد جان يحجي وياي وهوى كلي حتى ما صدكت إلى أن حلفلي

زُها : أحس روحي طلعت من جديت كلامهة وحسيت الكاع انشكت بيه ،

ههه شبسرعة ازوج مو كلي انتظرج لأخر نفس
يلة عادي كل الزلم چلاب

دُنيا : فدوة لاتنقهرين

زُها : درت وجهي عنها ومسحت دموعي ،

هههه لا عمت عينة اذا انقهر

دُنيا : تعرفين شنو على الحب إلي جان منطي الج من تسولفين ما اصدك هوى هيج سوى

زُها : لا ...

يتبع...

لاتنسون التصويت