وقار إلمياس الفصل الرابع وثلاثون 34 - بقلم نور المنتهى

-رغــم ســنــي الا أنــنــي واجــهــت اكــثــر مــمــا أســـتـحــق مــن الــمـؤســـف أن أنـــجــرح كــثــيــراً وان أتـــألــم كـــثيــراً

وانــا بــريــئــه لا أعــلــم لــمــاذا هــذا الالام لا تــتـــوقــف ابــدا

لاتنسون التصويت والتعليق بين الفقرات

الكاتبة نور المنتهى

"""'''"""""""""""""”

زُها : درت وجهي عنها ومسحت دموعي ،

هههه لا عمت عينة اذا انقهر

دُنيا : تعرفين شنو على الحب إلي جان منطي الج من تسولفين ما اصدك هوى هيج سوى

زُها : لا صدكي الزلم مو مثل النسوان حتى يكونون أوفياء

دُنيا : يمعودة محد قاهرني غير شمسين

زُها : أني أبوها شكو بيها قابل ما أكدر
بستهة بخدهة

تصبحين على خير وردتي

رحت للغرفة سديت الباب دفنت وجهي بلحاف وبقيت أصرخ

حسيت نار بداخلي أشب من القهر
ما أكدر يالله القوة القوة تعببباانة أني

حسيت نار اشتعلت بصدري - رفعت راسي أخذت شمسين ردت أي شي يحسسني بالقوة شميت ريحتهة ودموعي تنزل

اخ يمة اخ ابوج تعبني شمسين تعبنيي

دخلت على الفيس أتصلت على فهد

فهد : هلا بأم شمسين شلونج خوية

زُها : الحمد لله. خواتِ شوكت يجن ؟

فهد : فترة قليلة أن شاء الله

زُها : بقلة صبر ، ياريت تستعجل بيهن مثل ما سويت وياي

حتى ما أفكر أمل وأرجع للعراق

فهد : ولا يهمج - شمسين شلونهة مشتاقلهة

زُها : الحمد لله بفضل الله - يلة أخذ راحتك أريد انام سلملي على خالة

فهد : يوصل أن شاء الله

عزيزتي زها سلم عليج

أم فهـد : يا يمة سودا عليه چا ماخليتني احجي وياها

فهد : مبين نعسانة أن شاء الله غير مرة تحاجيهة

أم فهـد : أن شاء الله باذن الله تعالى يمة

فهد : باجر رايح للبصرة أشوف الوالدة أم عماد زمان عليهة واريد اطمئن عليهة

أم فهـد : يمة ياريت تاخذني وياك اشوفهة

فهد : ما أكو امان من يروحن البنات أخذج آلهة هلمرة بس أنا اروح

أم فهـد : هم صدك حچيك

" " " " " " " " " " " " " "

باهر : أخذت سويچ السيارة ، أنا رايح للفندق أشوف البنية

ٱلحسن : الله وياك ديربالك على طريقك

باهر : رحت للأسواق اخذت حلويات وهم جكاير مخلص - اتوجهت للفندق صعدت دكيت الباب نايمة نزلت سحبت بطاقة الغرفة حتى انا افتح الباب

لكيتهة نايمة ومبين عليهة شكد باچية رتبت الغراض بثلاجة واجيت نمت على تخم

دخلت على الماسنجر شفت آخر ظهور لزها دقائق صالة

دزيتلهة مسج

شلونج

زُها : فتحت عيوني بصدمه على وسعهن معقولة صدك يحجي هذا حسيتت گلبييي انقبضضض
جاوبتة ابرود

الحمد لله بخير ونعمة

باهر : عساچ البنات شلونهن

زُها : كلنة بخير وعايشين مرتاحين

باهر : هاي أهم شي الواحد خلاف راحتة يضيع
مثلي أنا

زُها : ههه راحتك ضايعة المثلك هم عندة راحة ضايعة أتعجب عليكم

باهر : سحبت جكارة وبقيت صافن بكلامهة ،

ليش مو بشر احنة ؟ لو نختلف عايشين براحة وبس

زُها : ليش يابة شعدكم أكيد مرتاحين

باهر : الله يحرمج من هل راحة لأن فعلاً بس بلأسم الناس تشوف راحة بس الشخص عايش بغير هم

زُها : ايجوز ماعرف بعد - يلة تصبح على خير وشكراً على السؤال

باهر : اي شي تحتاجي بلخدمة

زُها : ردفت وبقيت اعيب طفيت النت ونخمدت

" " " " " " " " " " "

أنغام : كعدت من وقت صعدت لغرفة شهاب الله يرحمه نضفت اذا بيها تراب بعدين نزلت خليت ريوگ لحبوبتي كلش مريضة سودا عليه

وريگت امي هم - مصعب طالع للدوام التعب باين عليي

ماري : أنغام هاي المسألة صعبة حليهة

أنغام : تلعب نفسي من الرياضيات خل يجي مصعب ويحلهه

ماري : هفففف واحد اخيس من ثاني

أنغام : لزمتهه من ياختهه ، ويامننن ولججج

ماري : وياكم چا بعد ويامن

أنغام : الغسل لهل حلگ هاچ موبايلي بحثي وشوفي شلون تنحل

ماري : اي هم نعمة الله يدرسني

أنغام : اللهم صبرني ،

طلعت برة أغسل الطرمة شلت كفشتي بكماشية وشديت الدشداشة صرت من ذني القديماتت

اليعبرن نهر مشي هههههههههه

كملت غسل لزمت الصوندة أرش بلحديقة ونسحب الباب

ولله كلللللل توووقعييي مصعب ماتتتت أضحك علي بس يدخل ارشة بلماي

بعدة هستوة مد رجلة وأني تلگيته رشش

صخاااااام صخمجججججج أنغام حسييييت اللحظات الأخيرة من عمرييي من صدمة

بس شفتَ فهد حتى نسيت أنزل دشداشتي ركضت أسرع من الفارة

طبيت للمطبخ نزلت دشداشة وگلبي يرجف بقيت ابچي من بشاعة الموقف

فهد : وكفت بلباب مال الصالة ، احم احم

أنغام : ديلة ابلعيهة بحدج أنتِ ، تفضل خوية تفضل

فهد : وين أمي

أنغام : طلعت وجهي مصوفر بدون ما أخلي عيني بعينة

هنا اتفضل

فهد : ببتسامة ، شخبارج

أنغام : الحمد لله - يمة هذا فهد اجة يشوفج يمكن

فهد : لا يمة مو يمكن من الأساس جاي علمودج

ماتحجي لحد ما تعدي هاي الصدمة يلة ترجع تحجي

هزت راسهة بمعنى زينة

أنغام : رحت للمطبخ الخفقة ماتركتني صبيت مي بكلاص ويتبدى منا ومنا من رجفة أيدي مو مبالغة

بس الموقف حيل صعب

رحت لكيتة لازم أيدها يسولف وياها وهيا مستجابه ويا بلحركة

اتفضل

فهد : شكراً

أنغام : تتريگ ؟ !

فهد : لا شكراً اكعدي

أنغام : لا ابقو براحتكم اني اشوف حبوبتي صيحلي

فهد : براحتج

أنغام : طلعت بساع رحت يم حبوبتي أصلاً جذب ما تريدني بس أني أريد أفلت

حبوبة محتاجة شي ؟

الحجية سدرة : لا حبوبة بس كون تشويلي شوية سمچة لغداي

أنغام : من عيوني صار

الحجية سدرة : فرچي رجيلاتي شوية

أنغام : كعدت يمها على الجرباية خليت رجلهة بحضني بقيت أفرج

شوي واجة فهد مد راسة عبالك بريعصي يريد يلكف صرصرة

فهد : كاعدة ؟

أنغام : أي بعدها كاعدة

فهد : يالله شلونج حجييةة

الحجية سدرة : يمة ياهو انتَ

فهد : أنا فهد

أنغام : ماسمعك هيج - حبوبة هذاااا فهدددد

الحجية سدرة : ياهوو حبوبة ؟

أنغام : بصوت عالي ، حبوببببة فهدددد هذا فهييييداااان

الحجية سدرة : يااا متعيني تعال حبوبة اكعد يمي شلونك

فهد : هههههههههههه الحمد لله بعد گلبي أنتِ شخبارج

الحجية سدرة : هاي شوفت عينك شلوني مگرمة

فهد : الحمد لله على كل حال هذا حال الدنيا

باوعت لانغام تباوع للزولية حتى ما تركز بية

اي عيديها بلة ؟

أنغام : التفتت إلى ، شنو ؟ وياي تحجي

فهد : اي عيدي الكلمة بلة

أنغام : بستغراب ، ياكلمة ؟

فهد : فهيدان كوليهه بلة

أنغام : حسيت نفسي تفشلت مرة ثانية ، ءءا ل لا لا

أعتذر يعني من كلتهة شوي نفعلت حتى تسمعني

فهد : بلعكس كوليهة حلوا - قاطعت كلامي الحجية

الحجية سدرة : شوكت تزوج مالكيتلك مرية

فهد : باوعت لانغام وطكيتهه ضحكة ، والله حجية چني لكيتهة العروس

أنغام : باوعت بصدمة يا هذا شكو يباوعلي ؟ خليت وكمت رحت للمطبخ بقيت أكل بظافري من توتر

شوي ودخل فهد انصدمت بزايد - ءء باهر مو هنا ترة

فهد : أعرف

أنغام : چا محتاج شي ؟

فهد : تقربت وكفت كدامهة ، اي محتاج

أنغام : بتوتر ، شنو ؟

فهد : كولي فهيدان - حتى أروح

أنغام : ليش حتى اكولهة ؟

فهد : ماعرف حبيتهة منج حلوا

أنغام : بفهاوة ، فهيدان

فهد : يبووو حسيت عيونهة ولمعت عيونهة من كالتهة وخدودها شلون صايرات حمر سبن گلبي

تقربت بستهة بخدها وطلعت

أنغام : فتحت عيوني على وسعهـن معقوووولة هذا صدك يحجي فوكاهة راح ابرود عبالك ممسوييي شيييييي

ركضت ورا طالع ؟ .

بقيت واكفة صنم بمكاني

" " " " " " " " " " " " " "

باهر : فزيت على صوت شي انكسر

شاهنيزان : أعتذر ولله مانتبهت

باهر : لالا عادي عوفي أنا ألم الكزاز

شاهنيزان : لا أني ولله عوف

باهر : داومين من باجر تمام موافقة ؟

شاهنيزان : بكيفك عمو

باهر : كعدي خل اسولف وياج

شاهنيزان : اسمعك

باهر : أنتِ كم أخ عندج أخت ؟

شاهنيزان : بس أني واخت بعد مزوجة خارج العراق

باهر : والدج جان قريب الج ؟ لو الوالدة أكثر ؟

شاهنيزان : صراحة الإثنين لا يعني مو عنصرية بس وياي لا حتى وي اختِ كانو هيج واختِ من اجت قسمتهة وخارج العراق كيفت بس كون تخلص منهم

باهر : يعني امج ابد مو مهتمه لامرج ؟ وخاصة أنتِ وحيدة عدهم بعد

معقولة ماتفكر تحجي وياج تسندج

شاهنيزان : بدموع ، عمو صح احنة عدنة فلوس وخير بس اذا تسأل على سعادة ولمة الأهل فا هذا الشي أبد مو عدنة

ماما ولا مرة فكرت تسألني شلوني أصلاً أكثر وقتهة

تلتهي مكياج وطلعات لو لمات ابيتنة وأني كاعدة فوك بغرفتي بس أسمع صوت الضحك

كنت أتمنى لو تفرغلي ولو شوي من فرغتهة الهن

تخيل عمو حتى من دخلت للجامعة اتفاجئت بية دكلي شوكت لأن ولا مرة سئلتني أنتِ وين صرتي

وأبوي عباله كل همي فلوس عبالة هيا هاي سعادتي فا عادي عندة يخلي فلوس بيدي وهم مخلصهة اعمال

صدكنييي عموووو مجاي اجذب ولله أني ما شفت محنه منهم

حتى تجيني أوقات أحس بتوحد من الكعدة وحدي ما إلي قابلية حتى اصادق

باهر : سحبت اكلنس مسحت دموعها ،

كافي عمو مايسون تبجين عليهم عجيب ولله عجيب الناس تتحسر لو عدهم بزر واحد يخلون روحهم بي وناس أصلاً ماتدري بيهم ميتين لو عدلين

يعني ذولة مايفكرون بعدين من نكبر منو يعينة ؟ معقولة فلوسهم هم ؟

حسبي الله ونعم الوكيل ماكول غيرها

وكافي لاتضعفين هيج صيري قوية وراج مستقبل أن شاء الله والحياة كدامج وعد اوكف وياج لحد ما سندين نفسج

شاهنيزان : ماقصرت عمو السويتة محد سوا إلي أن شاء الله الله يفرح گلبك بلي يسعدك

باهر : آمين بعد روح عمج أنا هسة رايح من تحتاجين شي اتصلي علية

شاهنيزان : أن شاء الله

" " " " " " " " " " " " "

زُها : مرت الأيام بساع بين نار أني وعدم التظاهر وبين المستقبل المجهول الما أعرف شنو تاليتة كعدت بقيت متمددة بمكاني ومنومه شمسين على بطنهه على بطني هههههههههههه يعني أعرف دختو بس مثل

بطتنه بطت بطتكم

دخلت دُنيا مجهزة نفسها

دُنيا : صباحوووو يا كسلانة

زُها : هههههههه صباح النور يروحي - شنو طالعة

دُنيا : اي بس أكيد مو بدونج

زُها : لابربج مابيه حيل أحس بنحول

دُنيا : مفاجأة تخببببل يلة بساع جهزي نفسج ولبسي شي لا تبردين

زُها : الله يستر منج

دُنيا : أخذت ملابس لشمسين واخذتهة ، هههههههه خذيت بنتي أني البسهة وأنتِ جهزي نفسج

زُها : حيااااله هههههههه جهزت نفسي لبست نظارات ولعباس طالعة اطگ بلكاع

شلوني ؟

دُنيا : تخبليييين يلة بساااع تكسي برة طلبتَ من شركة

زُها : طلعنة طريق بعدني ما حافظته كلش لحد ما وصلنة هذااا المطار نزلنة باوعت لدُنيا تضحك بقوة

ليشششش اجينة لللمطااار

دُنيا : هههههههههههه هسسسة تعرفين أمشي

زُها : مشيت كم خطوة اذكرت خواتِ يعنيييي أجن

يمةةةة المشهدددد واللحظة عبااالك قرننن مشاااايفتهن ركضتتتت حسيت عمليتي رادت تنشگ من جديد من الفرحححح

آسل : زهاااااااا

زُها : بدموع ، يروحححح زُها اخخخخ شلونججج يروحي

طيبة : سلمت على دُنيا بعدين اجة دوري حضنت زها حسيت اعضامنة اطقطقت ،

الجججج وحشة شكبرها ثاري أنتِ شمعتنة الباقية

زُها : يروحي ولله أني حياتي وحشة بدونجن

آسل : حوراء شالت شمسين كبل ، انطييينييي سموووسه

طيبة : رجعننننة لسموسسسسة

زُها : هههههههههههه حضنت حوراء بقيت اشم بريحتهن مشتاقة لحنييت الخوات

حوراء : وأخيراً شفتججج تعبت نفسيتنه من دونج

دُنيا : فدوة لهل محبة اللهي يدومجن

زُها : يعمري ويخليج النة

دُنيا : يلة بدون عاطفة أني ابجي ما أتحمل

آسل : أي اول ما شفتج كلت هاي رقيقى

دُنيا : هههههههههههه خرب يومج يلة خل نروح للبيت شلوووون مجهزة ريووووگ الجننن يخبُلللل

حوراء : مييتة جوع ضيافة الطيران مو شي

آسل : غير ضيافة نازكة چا شتردين يخلولج باچه حتى تشد گلبج

زُها : هههههههههه كلامج صحيح تعلمي حوراء تعلمي

حوراء : خاب ولن يا نزاكة اذا مو شي يشد گلبي واشبع صدك

دُنيا : ههههههه تعرفن شنو ولله فعلاً البنات مؤنسات

يلة امشن وأني أي شي تردنة أجهزة الجن تدللن

" " " " " " " " " " " " " " "

أنغام : من يوم الشفت بي فهيدان الاغبر وأني گلبي مو مرتاح

مصعب : وين سارح الحلو

أنغام : حركت شفايفي بمعنى ما أعرف

مصعب : شنو مضوجج زها هم تحجين وياها

أنغام : أي بس صراحة ما أكدر اتعمق وياها بالأسئلة مثل قبل بصفتي صديقتهة لأن أحس

هاي مساحتها الخاصة ولازم اعوفهة على راحتهة

مصعب : فدوة لليفهم - أن شاء الله ترجعون افضل من قبل

أنغام : آمين وان شاء الله ترجع طيبة كدام عيونك كبل نأخذهة الك

مصعب : جريت نفس بحسرة ، اخخخخ ينار طيبة اخ

أنغام : ههههه أكول

مصعب : كولي

أنغام : ما تحلق لحيتك ألمن مبقيهة راح أصير چنك داع**شي

مصعب : ماكو واهس

أنغام : سويلك واهس مصاعب الحياة ماتهزم مصعبنة

مصعب : ههههههههه حلوة هاي

أنغام : دگ باهر ، لحظة أحاجي

الو خوية

باهر : هله نغمشتي

أنغام : بعدد روحيييي شلونك خو ما تعبان

باهر : لا الحمد لله بس عندي موضوع وياج

أنغام : بقيت ابلعم حسيت نفسي راح يودوني للأعدام

اي كول

باهر : البنية أول وتالي تزوج واهم شي كون رجال يكون سند آلهة واحنة هذا إلي نريدة صح لولا

أنغام : صح

باهر : اي خوية أمي { أم فهـد } حاجتني بموضوعج

ورايدتج لفهد وهوى رايدج واني أعرف صاحبي وأخوي من زمان

ما حاجة أخاف منا بقى الشور شورج وراي رايج

أنتِ فكري براحتج بدون أي ضغط حتى إذا توافقين

عرسكم أن شاء الله ورة دوران سنة عماد وشهاب الله يرحمهم

أنغام : حسيت چالي صعد على گلبي من الموضوع ولون وجهي انخطف ،

ماعرف خوية فدوة ما أكدر احجي هسة

باهر : تمام كتلج براحتج والج مُطلق الحرية أن كان رفض أو قبول

أنغام : شكراً عمري ،

مصعب : شنو كلج ؟ ليش هيج ذبلتي بساع ؟

أنغام : فهد !

مصعب : شبي ؟

أنغام : أمة خاطبتني من باهر

مصعب : جديات ؟

أنغام : اي والله

مصعب : هههههههه اي بيهة الخير فكري خوش ولد فهد

أنغام : عفتَ ودخلت للبيت كعدت بزوية وماري تلعب بلأيباد مو يمي أصلاً

احتاجيت زها بهيج موقف احاجيهة راسلت ماكو

أتصلت على مرام بسرعة جاوبت لازكة بلموبايل

مرام : هله فصعونة عاش من سمع صوتج

أنغام : خايبة ياصوتي أنتِ

مرام : صخاممم شمسوية من مصيبة

أنغام : فال الله ولا فالج بيش طالبتني تفترين علية بلمصايب

مرام : هههههههه الحمد لله يعني مو مصيبة چا شني

أنغام : فهد خطبني وماااااعرف شسويييي أخاف اقبل واخاف ارضى

مرام : سوي مثلي اثكلي أول شي عود تفكرين بعدين وافقي حتى سحلي مثل ما أني هسة ساحلة منتظر

أنغام : متأكدة أنتِ ساحلة منتظر ؟

" " " " " " " "

يتبع...

لاتنسون التصويت ورداتي