"وقد كانت صدفة"
يآهو اليرجعلي عمر
ضيعته ع المايسوه..
ويآهو اليعوضني صبر
مرمر ايامي الحلوه
يآ ناس گلبي المنكسر
مو مال اگولن فدوه!
____________________
حاله الكسر هيه الحاله الاخيره الي تنكتب بهاي الصفحه بعد ما تعرفنه على باقي الحالات،حالة الكسر أو ما تسمى بالخذلان الي ح تجسد شخصيتة احد ابطال هذا الكتاب..
ايلاف:واني اقره هاي الصفحه أتمعن سطر سطر هواي أثرت بيه هواي بجتني هواي خذلتني،تدمرت واني اقراه هاي الورقه البيضه من كثر الدموع .
امسحه وترجع تتدمر لكن بقه اثر بيه شما حاولت امسح ضل الأثر موجود بداخلي وبهاي الورقه...
ذكرتني هاي الورقه بالي عشته خلال هذيج الفتره الي بعد ما فقدت ابني بيه من بعده بدة رحلت معاناتي،بهذيج الفتره حيل تدمرت نفسيتي نعزلت عن العالم كله انقطعت عن كُلشِ حتى الاكل قطعته جنت بس اني واحلامي صح اشوف امير وغنى شلون مهتمين بيه..
لكن مهامني جان موت ابني صدمه الي واني كل يوم احس بي شلون يتحرك داخلي ست اشهر داخل احشائي يتحرك تالي اگعد الگه داخلي فارغ حرفياً جانت فتره متعبه الي بحيث دخلت بكابه...
وصلت مرحله اريد انتحر اني شلي بهل عيشه الي عايشتها بعدين اتذكر مخافت الله واتراجع عن الفكره جنت ادخل صراع بيني وبين نفسي احس نفسي بمتاه ما اعرف منين اطلع وشلون ادخل الى أن وفجاه صرت ارتاح من الي جنت بي..
احس بشغلات غريبه صرت ادوخ صرت اباوع الرؤيه عندي مواضحه اريد اگوم ما أگدر جسمي يرجف وما اسيطر على الحاجه من اريد الزمه وبس انام...
بس بين فتره وفتره تصيبني حاله هستيريا اذا ما اخذت الحبايه صح راسي يأذيني من أخذه لكن ارتاح وراستاً انام ما ادري شگد اهم شي استراح من الي دا أعيشه...
جنت اشوف امير شلون يتعامل وياي شلون يهتم بيه لكن مجان عندي القدره اسوي كل هذا مجنت بوعي احس جنت فاقده على الاخر مدري شلون اذكر بعض التفاصيل بيه جنت انام واگعد الگه خالتي فوگ راسي ماادري شنو تسوي..
اتذكر مره جنت نايمه وفتحت عيني لگيته بيده علب الادويه ملاتي جنت اعرفه لان العلبه الوحيدة جانت الي تسكن مواجعي ،ماعرفت شنو تسوي بيهم بعده رجعت نمت لان جنت اصحه شويه وارجع انام...
جنت اسمع كلامه بين ثنين بس مجنت اعرف منو اسمعهم يحجون بس المن يقصدون هم ما ادري...
..خاله متاكده العلبه كله فرغتيه؟
..يي كله فرغته بس اگلج،شو ما بده يأثر بيه؟
..مو هيه گالت حسب تقبل الجسم اكو من عدهم شهر واكو شهرين،بس گالت هيه لان مناعته ضعيفه يأثر بشكل أسرع..
ايلاف:هذا الجنت اسمعه لكن هو شنو ومنو وعليمن ما ادري مرت الايام وزداد وضعي سوء حيل اتاذيت جسمي حيل قل وزنه صرت احس جسمي ينمل ما احس بي عبالك خدرانه للساني ثگيل وحتى ستيعابي مو كُلش زين جنت اشوف امير يباوعلي وهو يتوسل بيه حتى اكل عباله صافنه عليه لكن مجنت افتهم عليه مجنت اعرف شنو يريد ...
جنت اتمنه قربه أريده يحضني ينيمني على أيده مثل ما جان قبل اريد احضنه اريد اباوع لعينه مجان يخليني اشوفهن مجان يرفع عيونه ويخليه بعيني اريد اشوفهم اريد اشبع منهم شوف جنت اشوف دموع تنزل منه احاول امسحم بس مجنت اعرف عليمن...
لكن كل هذا كوم وفتره الي يروح بيه امير للدوام ويعوفني يم امه بكوم ثاني جنت اتمنه الموت ولا هل مذله منه لا ونوب اجت ايناس صارن ثنيناتهن عليه.
خاص من تريد توكلني جانت تلزم فكي حيل وتعصره حتى تشربني الشوربه وطبب الخاشوگه كوله بحلگي وتسمحه بملابس كل هذا ويضحكن عليه جنت ابجي بدموع واتوسل الهم بلا حيل حتى يعوفوني لكن ماكو ومن اخلص تدحس الحبايه بحلگ لان اتهستر اذا ما أخذه وبعده يتركني ويرحن...
اما من يجي امير لا هنا الوضع يختلف تصير الحبابه والطيبه والماكو مثله هيه وخالته جنت اشوف نظرت الامتنان بعين امير اله جنت اموت قهر اموت غيره وهو هيج يباوع اله وگلبي يبجي دم لكن صعب عليه شلون أوضح اله شلون اشرح انو كل هذا كذب كل هذا تمثيل حتى يكسباً ثقته وخلنه مثل الخاتم باصبعهن...
مرات اسمع خالتي تحجي وياه ويا سبحان الله بهذاك الوقت جنت اگعد من النوم واسمعه تگله...
..ماما لشوكت تبقه هيج لشوكت تبقه تداريه العمر كله مثلاً ،لشوكت تبقه وانت هذا حالك لا ولد ولا تلد وان كان على الولد الي جنت متمني يجي منه راح شوف حتى الله مكاتبلك طفل منه،عبنه ما مقسوم الك واني شگد گلت الك امي متفيدك متناسبنه لكن انت اصريت واله أخذه،وهاي أخذته لا حصلته منه الولد وتالي هيه تمرضت...
امير:لعد شنو تردين مني يوم؟
..الي اريده منك شوف امي مثل ما اني مداريته لمرتك اريدك تريحني وتتزوج وان كان بعدك تريده وبعدك تحبه خليه اني اداريه وانت شوف حياتك شوف جهالك لشوكت تبقه وحداني لا مره الي تداريك تهتم الك وانت بعدك حتى ما شام ريحت الولد فكر زين بكلامي ومتخسر وبعده تجي وتتشكر مني وگول مگالت امي...
امير:ما ادري الله كريم...
ايلاف:اسمع وعيوني تكت دمع على وضعي الي اني بي وله كلامه اله تريده يتزوج عليه وعود هيه تداريني وتزوجه سليمه البلاه حتى تجيب اله الولد...
متت بوقته صرت أحقد عليه بالزايد والي موتني وكاتلني بدة ايناس تلعبه صح وتتودد الامير وشلون تحجي وياه وشلون تهتم بيه گدامه وهو هم صار يتشاقه وياه ويضحك عكس قبل جان يموت منه جنت اني الزار بيناتهن شوكت ميردن يلعبن بيه لعب...
صرت انفر منه واتعصب عليه حتى اطلع الحرگه الي بگلبي لو اخرمشه وهو رغم هذا مستسلم وميسوي اي شي واني من اشوفه هيج احرگ بدمي من وره تصرفه وياه وبروده ويايه...
تحول الحب الي بداخلي الى كره صرت اكره اموت منه من اشوفه وياه صرت اكره لمسته الي من يشيلني وهيه تجي تساعده جنت اشوف شلون طخ بي عمدتاً حتى تغيضني....
الى أن اجه هذا اليوم الي مادري حسيته نقذني من المستنقع اني بي...
نرجع للزمن:
بهذا اليوم جنت گاعده وحدي وصافنه على وضعي الي اني بي صرت أناجي ربي بالكي يخلصني من هل الحفره الي وگعت بيه اريد اطلع بعد ما اتحمل الي ديصير وياي ابجي وادعي ،درت وجهي جان الكنتور مفتوح شويه وجان اشوف الحذاء الي كتلت نفسي عليه حتى البسه الابني ...
مدري منين اجت القدره وحاولت انزل من الجربايه اريد أخذه،وصلت للحافه ما اگدرت انزل وهيه عالي عن الگاع حرت شلون انزل ضليت احاول منا لحد ما وگعت محسيت بالم لان مجان مثل الم گلبي.
صرت ازحف حتى اوصل يم الكنتور لكن جسمي الهزيل مجان يساعدني حتى اوصل وأخذه ازحف على اديه وجان تدخل ايناس لو اني نقبضة روحي...
ايناس:هاي شنو اليوم صاير بيج كل الحيل لازم نزيد الجرعه،واجت عليه جنت خاله ايدي على باب الكنتور اجت وتسده حيل على أيدي شاغت روحي صحت بصوت يمكن البيت كله سمعه ،جان تضحك...
ايناس:ههههه لو تصيحين منا للعصر محد يسمعج اليوم بس اني وياج هنا وحدنه...
ايلاف:اباوع عليه وابجي أريده توخر ماكو وهيه تضحك وخرت أيده وطلعت ايدي اباوع لاصابيعي زرگ نيل من گد ما متضررات جان تجي وتفتح الباب...
ايناس: صحيح انتِ شعندج نازله شنو جنتي تسوين؟
لهناك وجانت تباوعلي تبتسم صفح جان طلع الحذاء گالت...
ايناس:اها هاي الي نزلتي على موده ،باوعت عليه وهزيت راسي بايي جان تأخذه وتروح تدور بالجرارات مدري عليمن اني هنا ما درت بال كل بالي يم اصابيعي الي موتني من الالم وجان تجي گبالي وبيده مگص وتباوعلي وتضحك بخبث ...
ايلاف:نسيت الم اصابيعي وصرت احجي وياه بصعوبه واتوسل بيه...لاءااا الله ءيخليءج لتسويءن
بس ماكو مسمعت مني گصت گبال عيني خلته وصل اما اني شفته وصحت من كل گلبي صوت حسيت انياط گلبي تگطعت حتى هيه نصدمت مني بعده حسيت اعصابي نفقدت ما احس بشي مادري عيوني غوشت صار عندي أغماء على اثره وبعد ما حسيت بشي...
فتحت عيوني بثگل جانت الرؤيه مواضحه عندي بعده بدت توضح درت وجهي واذا اشوف ماما يمي اني شفته لو شفت العافيه كله اجت حضنتني اني ابجي وهيه تبجي مجنت عندي الطاقه الكافيه اشرح اله اريد اروح وياكم جنت ملزمه بيه حيل وارجف ما أريده تعوفني مجان عندي الحيل احجيله شنو صار وياي لكن الي ريحني كلامه من گالت...
..بعد ما اخليج هناك يمهم اني بيدي اداريج لج امي شصاير بيج سوده عليه وصارت تبجي اجه بابا حضني وبجه وجان مؤيد لكلام ماما خلص المغذي واجه رافد خطيه جاب كرسي متحرك واخذني بيه وصلنه للبيت اجه شالني وداني لغرفتي نمت على فراشي واني احس بالامان براحه محد يگدر ياذيني واني هنا ...
نمت بسرعه لان ما اريد افكر ما اريد اعرف شلون اجوا اهلي ومنين عرفوا كل همي اريد ارتاح وبس جان هذا الحجي اظهر...
گعدت العصر وجان اسمع هوسه جوه وميزت صوت امير من بينهم لو اني متت ما اريد ارجع ما اريد اشوف ولا واحد بيهم ما اريد صرت اكرهم ،كتلني الخوف والقلق اريد اعرف شنو صار بس لا راح يرجعوني لهناك...
شويه ودخلت ماما اجت يمي باوعتلي بحنيه وهيه تمسد على شعري وعيونه تلمع بالدموع بس متگدر تنزلهم گدامي...
..شلون يبعد امج شلون صرتي؟
ايلاف:هزيت راسي بزينه وضليت اباوع عليه اريده تحجي تگلي...شءنو صار ءوومنو ءءاجه.؟
..ما الج دخل منو اجه ومنو الراح المهم هسه انتِ يمي وبعد محد يدخل بيج اني بيدي اداريج يعمري،وحجته بغصه وگامت شويه وجابت الاكل اكلتني ونزلت بدت الحاله تجيني صرت اخرمش برجلي لو اگرص بيه لازم اخذ الحبايه ما أخذته اليوم لليل اني ضليت اتگله تگلي منا لحد ما اجت ماما وجابت بيده العلاج مالتي أخذته ياله حسيت براحه ونمت...
ضليت يمهم اسبوع على نفس الوضع وما عرفت شنو صار بيوم الي اجيت،شافت ماما وضعي وتصلت بميسم وگالت اله شنو الي نسوي،وضلن يحجن عن وضعي گالت اله ميسم...
ميسم:خاله سمعيني طبعا اني گلت الهم من البدايه بس محد سمعني من أخذوه اول مره الطبيب النفسي وهو شنو حيسويله مثلاً يگله عادي هاي اكتاب ما بعد الولاده گولي ميخالف اكتاب بس غير تصحه مو يزود وضعه للاسوء!
وبعدين هم حابسيه بالغرفه لا شمس لا هوه يطبله شلون تتعالج بالله،گلت الهم يأبه أخذوه طبيب أعصاب لان شغلته اعصاب مو نفسي لان جانت وضعه مو طبيعي محد سمعني وضلوا يماطلون بالسالفه لحد وگعت خوش وگعه...
ومن بعد كلام ميسم قرروا ثاني يوم يحجزون عند طبيب أعصاب،المهم اجه هذا اليوم واخذوني بابا وماما ورافد وياهم وصل السره النه ودخلنه وشرحوا اله عن وضعي والي صار وياي وطلب يشوف الادويه مالتي أخذ نظره عليهن ورفع رأسه وباوع لاهلي...
..انتو متأكدين هذا العلاج مالته مال اكتاب لو لا؟
رافد:يي دكتور هو هذا الي وصفه اله الطبيب النفسي حسب مگال النه زوجه...
..زين زوجه وين؟
رافد:زوجه مشغول ما گدر يجي ويانه...
.. زين منو المسؤول عن العلاج مالته؟
رافد:زوجه المسؤول...گام واجه بتجاهي ضل يفحص بيه فتح عيني حجه وياي نطاني كره گلي لزميه وضغطي عليه حيل ضغطت حيل ايدي رجفت بصوره سريعه وگعت من عندي،رجع گعد وگال لازم تسون تحليل رحنه سوينه شويه وطلعت النتيجه رجعنه مره ثانيه وگال...
..نزع نظاراته،شوفو اني ما اريد اخوفكم لكن هذا العلاج الي دتاخذه مو مال اكتأب،رفع علبه الحبايه الي اخذه من عده وگال...هذا الحَب اني اوصفه لمرضه الأعصاب الي يجوني وبنسبه كُلش قليله انصحهم بي وايضا نصف حبايه يتم أخذه باليوم لان اذا زادت الجرعه رح اتسبب الإدمان اله ورح تظهر عليه مضاعفات الي هسه گلتوه انتو...رد بابا
..يعني هسه بنتي مدمنه عليه؟
..للاسف نعم مدمنه وكمل، ولي تعاني بنتكم هو تلف اعصاب وهذا الدوه مثل مگلت بالبدايه مننصح بي اله في حالات نادره لان رح يسبب تلف بخلايا الدماغ إذا أتم الأخذ بجرعه كامله ثلاث مرات باليوم لكن حسب ما عرفت من عدكم انو تأخذ حبايه وحده باليوم ف أن شاء الله نگدر نسيطر عليه وتصير زينه بفضل رب العالمين...
..زين دكتور شنو هو الحل أو العلاج برايك؟
..الحل شنو؟
الحل انو تنقطع عن هذا الدوه بس مو رأساً لا ينقطع بشكل متقطع والطريق هيه،انت مو تگول باليوم لازم تاخذ حبايه ف بأجر نفس الوقت الي تأخذ بي الحبايه تأخذ نصف وحده بعده ربع وتستمر على هذا النحو لحد ما يمر أسبوع إلى أن تنقطع بشكل تدريجي عنه...
ورح تشوفون الفرق لكن بسيط،ما أكلك تتشافه بشكل كامل لا على الأقل يحتاج اله شهر او شهرين أقل شي حسب تقبل بنيه الجسم...
رافد:زين فقط نقطعه عنه يعني ماكو اله علاج بديل عن الي تاخذه؟
..ابني ما اگدر انطيه علاج لان محياثر بجسمه جسمه متشبع بهذا الدوه وإذا كتبت اله علاج وأخذته حياثر عليه سلباً رح يتفاعل بجسمه وبدال ميعالجه حيخرب عليه.
ف العلاج هو باديكم انتو الي رح تعالجوه بس شلون أول شي هو الحاله النفسيه اله لازم تبعدوه عن المشاكل لازم تلهوه بشي يخليه تبتعد عن التفكير بالماضي الرياضه هم وتعرضه للشمس تهويت الغرفه لازم تدخله شمس...
شوف المريض ميصير زين اذا ما حالته النفسية تمام ،ملازم تتعصب التفكير الزايد والمشاكل العائليه كله تبتعد عنه لأن حياثر على نفسية وإذا تگدرون تسفروه ..
بعد ما تگدر تمشي وتتحرك بهذا الوقت الكم جيه ثانيه من خلالها اگدر اكتب الكم علاج أو لا...
وها شغله اخيره وهيه لازم تتحملوا وتصبرون عليه الي حيصير وياه ولتخافون ولا تخترعون هل شي جائز حدوثه وهو الحاله الهستيريه الي حتصير بيه بعد انقطاع الحبايه عنه رح تملخ نفسه...والخ باختصار تتخبل هل شي كُلش جائز ف انتو لازم مستعدين لهيج شغلات حاولوا تهدئوه حاولوا تسولفون وياه تلهي تفكيره بأمور غير الي صارت وياه وان شاء الله العوض بسلامته...
بعده طلعنه من الدكتوره ومن هذا اليوم بدة رحله جديده رحلة العلاج جانت بالنسبه الي اختصر بجملة دمارررر نفسي..
وصلت مرحله ودي اضرب راسي بالحايط من آلام من ما اخذ الحبايه ما اگدر مااگدر،جنت اشوف ماما تلزمني وتبجي لو يجي رافد يجتفني من وره ويحضني لحد متروح الحاله الهستيريا بيه...
مشت الايام والحمد لله نقطعت عن الحبايه حسيت بتحسن بسيط گدرت احجي النطق مالتي تحسن الحاله بدة تقل عندي گدرت اوگف على حيلي بس أمشي بطيئ الرجفه الجسم خفت جنت بنفس الوقت فرحانه واني اشوف نفسي بديت اتحسن بدت اشوف عندي علامات الشفاء لكن بقه الم الراس والدوخه بعده عندي هذا كله بعد مرور اشهر من التعب الي شفته...
رجعت الصلاتي رجعت الربي الي ولا يوم نزل من على لساني ذكره رغب صعوبت الحال لكن مخاب ظني برب العالمين ابد،جان اختبار الي على مدى صبري وقوت تحملي ونگدر نگول اجتازيت الحمدلله جانت هاي الكلمه كفيله تنقذني رغم صعوبة الي عشته والشفته كل هذا واحمد ربي واشكره...
جنت انزل أسجد على السجاده ابجي وانحب نحيب منا لحد ما ينقطع النفس واشكره بالي عوضني بهيج أهل يحبوني باخوه حنان عليه،اتذكر مره جنت نايمه بغرفت رافد صارت الي وهو غرفتي صارت اله المهم جنت اسمع أحد يمي وصوت واحد يبجي بس بخنگه مثل الي ساد حلگه،فتحت عيني وإذا الگه آدم جان يگول...
آدم:اسف گعدتج...
ايلاف:بتسمت،اصلا مجنت نايمه وگعدت،ليش تبجي؟
آدم:اجه حضني،حبابه ايلاف بعد لتتمرضين والله ما اگدر بدونج حبابه والله حلمت بيج...وماكمل
ايلاف:اشش لتبجي كُلشِ ما بيه والله ما ادري بيك هيج تحبني؟
مشت الايام ومر شهور وصرت احسن بمليون مره رجعت حياتي الطبيعته رجعت الايلاف القديمه لكن اقوه رجعت بشخصيه اقوه شخصيه متمرده أما عن الدوامي خطيه بابا ضل يركض بي وأخذ الي اجازه مرضيه سنه بدون راتب...
اما امير بعد ما شفته ولا سمعت عنه شي ولا اريد اسمع،ميهمني بعده مريض صاحي ما اريد طاريه ينجاب...
غنى:رجعت من الدوام وإذا اشوف الوجوه كله مگلبه سألت شكو محد يرد رجعت سألت جان ايسر يحجي...
ايسر:ايلاف اغمه عليه واجوا أهله أخذوه...
غنى:شهگت ولطمت على خدي،عزززه شلون واميغ يدغي؟
ايسر:لا اول ما اجيت گالت ايناس انو هيه جانت جوه وايلاف فوگ بغرفته وبعدين سامعه صوت وگعه صاعده ولاگيته مغمه عليه ف مخابره على أهله واجوا أخذوه وراحوا...
غنى:سود عليه وهسه اميغ إذا اجه شنو يسوي،ضليت حايره هاي شلون شغله والمشكلة بعده مجاي وميدري بيه مشت الوقت وصار العصر وجان يدخل اول ما اجه سأل عليه محد رد رجع سأل مره ثانيه الي گلت اله على الصار وهو ذب غراضك بالصاله واطلع اني هم ركضت وراه وگتله... الله عليك بس انتضغني اجي وياك،گال بسرعه واني رحت بسرعه لبست عبايه ماما ورحت وياه...
وصلنه لهناك ونزل امير قبلي دگ الباب وجان يطلع اله رافد سلم عليه وهاي بعده دخلنه جوه وگال اريد أخذه وياي هنا أمه جانت تدخل وتگول...
..شوف خاله نعم الله عليك خوش سويت وداريت الامانه الي امناه عندك وخوش هتميت بيه وكُلش مبين من وگعته اليوم شوف خاله امير ايلاف بعد ما اله رجع يمك منا لحد ما هيه تصير زينه واشوفه واگفه على رجليه بهذاك الوقت هيه بكيفه تقرر وبعده اني ما ادخل...
امير:عمه ماكو هيج حجي اني مرتي أريده واني الي اداريه بأيدي واهلي كلهم يمه وكل هذا واطلع مصاين الامانه ما مرجيه منج عمه وهاي اختي گبالج وخلي تحجيلج شنو اسوي...
غنى:ضلوا يسولفون منا لحد ما تعالت الأصوات بين امير الي يريد يأخذه ورافد الي يگله تضل يمنه بعدين ابوه فض النزاع بينهم وگال لامير...
..شوف بويه هسه كل هذا ميفيد كل الي نريده هو ايلاف تصير زينه وتصحه ف يا ابني خليه يمنه وأمه تداريه وتظل گبال عينه وانت يا بويه ما قصرت وكفيت وفيت هسه اجه دورنه احنه أهله ونهتم بيه وبعدين وطكلكم دوامات وين تلحك تداريه،وعود من تصير زينه ترجع وياك...
امير:بس عمي...
..بعد عمك لا تكسر كلمتي واسمعه مني هيه اول وتالي مرتك ومرده الك متريده تصير زينه؟
امير:اكيد
..لعد هاهيه خليه يمنه خلي ترتاح شويه وبعد شنو تريد يصير...
طلعنه من يمهم وامير حاير ميعرف شنو يسوي وياه حتى تصير زينه...وصلنه للبيت وهو راح صعد لغرفته وستلمتني ماما گعدت سولفت اله كل الي صار ويانه...مشت الايام وكل ما جال امير الحيره ماخذته وگلبه يمه جنت اني الوحيده الي ادري شنو يصير بي لان جنت وراه وين ميروح والقهر كاتلني عليه...
بعدين عرفنه أهله ماخذيه للطبيب وبيوم اجه امير مستعجل صعد لغرفته بدل ونزل مستعجل سألت مرد عليه وطلع ضليت حايره وخفت خاف ايلاف صاير بيه شي ضل التفكير ياكل بيه اكل منا لحد ما رجع لليل مدري شبي طلعنه بره حتى ما خليته يبدل حتى يسولف الي شنو الي صار...
امير:اجه عليه رافد ورحنه اني وياه لطبيب النفسي حتى نعرف هذا الدوه ليش كتبه وشنو سببه بعد ما سولف الي كل الي صار وياه من أخذوه لطبيب الأعصاب،وصلنه ودخلنه يمه وراويناه الوصفه وباقي الادويه أخذهم من عدنه وشافهم وبعده گال...
..يي صح هذا علاج اكتاب واني واصفه بس هذا النوع مكاتبه ولا حتى ذاكر اسمه ومستحيل انطي اي شي للمرضه غير الي يخص حالته وحتى عندي نفسه الشكل بس مفعول يختلف وطلعه النوع العنده ...
امير:ضلينه واحد يباوع للثاني بعده طلعنه من يمه...
رافد:امير گلي لعد شلون وصل هذا العلاج ويه باقيه الادويه؟
امير:ولك ما ادري ما ادري والله حتخبل منين اجه وشلون وصله يمه هسه المشكله ولا واحد عدنه يأخذ دوه اعصاب جان گلت مختلطه وياه لكن ماكو...
غنى:وهسه شنو حتسوي تبقيه يم اهله؟
امير:لعد شنو اسوي والله رح اتخبل من هذا الوضع يومي سالفه جديده يوميه مشكله جديده شوكت ارتاح ما ادري...
غنى:الله يساعدك يخيي ويريح بالك،عفته وحده يدخن چگاير وحده وره الثانيه ودخلت جوه...
امير: والله أمر عجيب شلون وصل ومنين اجه ما ادري ضليت افكر منا لحد ما صدعت ودخلت جوه...
مشت الايام واني اتواصل ويه رافد اسأل عليه وميت عليه بس اريد اشوفه ماكو،وحاير بسالفه هل حب منين اجه مادري ...
بيوم جنت متأخر بالدوام ف رجعت العصر ميت تعب دخلت البيت ماكو احد صعدت فوگ لغرفتي اريد ابدل فتحت الكنتور جان الگه ملابسه گبالي أخذتهم وخليته على خشمي استنشق عطره الي صار الي هواي مشامه وگلبي لهفان عليه ومتعطش الشوفته،اخخ يا ايلاف شوكت تصيرين زينه وترجعين يمي اوف يا هوه ريتي...
خلصت تبديل واريد انزل وصلت لنص الدرج وجان اسمع حجي ميشيله العقل معقوله كل هذا يطلع منه واني الي جنت مامن بيه اثاري كله يطلع من وره الي تتسمى امي وبنت اخته..
.. شوفي ايناس صح اني اكره وما أحبه بس مو معناه تموتين حفيدي.
ايناس:لعد وهذا الي دتسوي كله شنو خاله لو أنتِ حلال واني حرام..
..بس حفيدي جان بطنه،ولو ما هذاك اليوم اسمعج تحجين بالتلفون جان ما عرفت بهذا كله وبعدين اني الي دا اسوي يحضي لمصلحتج ماعبالي أنتِ الي خليتي الزيت على الدرج وخلتيه توگع،انتِ من سويتي هيج خلتي يتقرب منه اكثر..
ايناس:لعد ترديني اتحمل اشوفه تجيب اله الولد وتخلي بحضنه واني اتحسر على ابو؟
..هسه ميخالف ما مقسوم تجيب منه بس خوش اجت بوقته،بعدين يحضي أنتِ دوم حتضلين غبيه اني من سويت هذا كله حتى اخلي يتزوجج وهيه مريضه وين يگدر يداريه وتبرعت اني يمه وأنتِ الي تتزوجي وتجيبين اله الطفل...
ايناس: اگلج خاله خو مراح ننكشف لان هذاك اليوم سمعت غنى وامير يحجون يكله ماخذيه على طبيب أعصاب...
.. ماادري بعدين تعالي اني گلت الج على دوه يخليه تنسه تهلوس مو تفقد اعصابه،اذا صار بيه شي تره كله من وراج انتِ الي گلتي الي على هذا الدوه كُلشِ ميسوي بس مجرد يخليه تهلوس وما عليه أي تأثير وهسه هذا الصار شنو بالله ماتت لو صار بيه شي گاليلي شنو اسوي...
ايناس:يا خاله تذبيه براسي واني هم شدراني گلت اله اريد دوه هيج گالت هذا قابل اني شنو عرفني بيه هيج يسوي...
امير:هيه خلصت كلامه اني خلصت الدرج بخطوت وصحت صوت خليتهن يفزن من مكانهن....ولجننن انتنننن شنو من بشر هاااااا فهمنيييي ...
غنى:جنت گاعده بالغرفه دنسولف اني ومريم فجاه سمعت صوت صياح لو مدري شصار بيه بسرعه طفرت حتى مدري شلون لبست نعالي ونزلت وإذا اشوف امير واگف وغادي اعصاب ويصيح...
امير:ولجن بس اريد اعرف شسوت الجن البنيه كافه خير شره عنجن تالي هيج تسون بيه،وانتِ يالي تتسمين امي اني شايف الام احن خلق البشر على أولاد تريد الهم الخير الزين اله أنتِ مادري هه والله ما اعرف شنو احجي شنو اگول والله حرامات اگول عنج امي...
واني كل هذا الوقت گلت نصلحت وصارت زينه وياه تالييييي طلعين من ورايه تنطيه دوه اعصااااااب تردين تموتيههههه بدال ما تراعيه هسه عوفج منه اني مو ابنج مو تشوفيني متگلي تگلي عليه ما اعرف ليلي من نهاري شنو تالي تطلع امي كل البله من جوه رأسه...
غنى: والله نصرعت واني اسمع كل هذا الحجي اثاري كله طلع من جوه راس الي تتسمه امي واني كل هذا الوقت عبالي داريه وخايفه عليه طلع كل سبب علته امي كل من جوه رأسه،اشوف امير خطيه يشحرج وهيه ولا عبالك...
..يي اني ما أحبه وما أريده وياريته تموت اليوم قبل باجر،ويي اني الي جنت انطيه الدوه وابايدي هم حتى اخلصك منه لها حيه الي ما ادري معبيه راسك ما اعرف ساحرتك وساحرتهم كلهم وياك لهل حيوا...
امير:لججججج لتحجين عليه لتگولين اسمه على السانج هذه الي تحجين عنه مرتي تشرف راس اكبر واحد بيكم التحجين عنه حبيبتي واميي هاي وان جان كاتلتج بلسانه واسلوبه وتعامله ويانه من غيرتج وحقدج منه الي عمن عيونج، أنتِ وهاي الحيه الثانيه هه الي مكيفه بنفسه عباله من ضحكت وياه لو تشاقيت عباله أحبه تخسسسين بيوم احبج لو تصيرين الي مره يالرخيصه....
ولجن طفل طفل ما سلم من شرجن بعده ما اجه للدنيا كتلتنه بطن أمه اللللله اكبر عليج الله اكبر من شرجن بس ولو دواجن عندي بسيطه...
طلعت من البيت واني ارجف من الأعصاب وراسي موتني من آلام تصلت على سيف وسولفت اله كُلشِ لان بعد ما اتحمل شوفته بالبيت مكافي الي سوته بيه لا ونوب اخليه بيتي...ضليت گاعد بره اسحن جگاير منا لحد ما خلص الباكيت ندگت الباب فتحته ودخل هايج عليه وضليت گاعد بره ما الي نفس ادخل...
غنى:طلع امير ودرت وجهي عليهن،بس اريد اگول حسبي الله ونعم الوكيل بيجن من سويتن هيج بالبنيه وخسرتن ابنه بس هيج اريد احجي وحتى أنتِ ماما...
وطلعت اشوف امير شنو صار بي لگيته يخابر سيف،گعدت انتضر جيته وهن ولا عبالك گاعدت والا كانوا كل البله من وراهن دخل سيف وعيونه بگصته وسحل اخته على طول الصاله من شعره نتفه تنتف ما خله شي بيه صاحي حتى بوكسات صار يضربه عبالك يتعارك ويه رجال ما هده حتى ماما تريد توخره من عنده دفعه وضل يضرب بيه لحد ما وجه كله صار احمر من الدم...
مشت الايام وامير ترك البيت وطلع وحلف بعد ما اله دخله بهذا البيت بس ضل متواصل ويايه اني وأيسر ...
اما عن بابا الي سوه النه سبرايز مفاجأة الي خله ماما تنجلط بمكانه وهو زواجه عليه والي صدمني من تصلت بامير وگتله گال ...
امير:يي ادري وقبل شهرين هو متزوجه...
غنى:عززه وشمدغيك؟
امير:غير رحنه اني وياه خطبناه...
غنى:ههههه والله بيك بله...
امير:بس مو مثل بله امج...
غنى:يي والله صُدك لو شايف شنو صايغ بيه ضلينه نفتر بيه اني وايسغ من مستشفى لمستشفى...
امير:يله اني اروح...وغلقته ما احب اسمع عن أي حجي عنه صرت اكره ولا الي نفس اگول عنه امي...
يتبع...
لاتنسون التصويت وتعليق ومتابعة للحساب بدربكم والانستا هم @ghe.92
دمتم برعاية الله وحفظه
غدير عبدالله
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!