رواية وقد كانت صدفة الفصل السادس وستون 66 - بقلم غـدير عبداللّٰه

"وقد كانت صدفة"

بليل جرحي رطب
بس الصبح ناشف
واضحك بكل قوتي ماچني ذاك
الچنت،بليل متراجف
والخوف ماكلني اكل،بس ما مبين ابد
وتعرفني كلها القوي
بس بالصدگ خايف!
__________________________

غنى:تمشي الايام ودا اشوف وضع ايلاف يوم عن يوم ينزل للاسوء،عازله نفسه وحده بالغرفه والنهار كله تبجي على ابنه لو نايمه نقطعت حتى عن الاكل وجبه وحده باليوم تاكل وبالگوه...

والي كاسر گلبي امير الي حاير بين دوامه وبينه يريد يحجي وياه وهيه كل ساكته عبالك طفله ويتوسل وياه حتى بس تاكل علمود العلاج ماكو ولا ترد عليه وضاله     على وضعه بس مجرد تدخل الحمام وترجع...

ضلينه نتناوب عليه اني ويا بوقت الي هو ماموجود اني اداريه وبعده هو يستلمه،بيوم من الايام صعدت لغرفته اريد اخذ اله الاكل حتى تاكل من الصبح لي هسه هيه على لحم بطنه جان هو ماموجود بعده بالشغل.

دخلت الغرفته وإذا الگاه گاعده على الجربايه ومخليه اوڤر طفل على مخده وحاضنته وتلولي وتبجي اني سمعت لو بعد ما اعرف دموعي منين تنزل جانت تحجي بصوت حنين مصاحب صوت بجيه وصافنه...

ايلاف:دللول يالولد يبني دللول...عدوك عليل وساكن الچول...وضلت تردد بهذا البيت،ما تحملت خليت الاكل على الميز ورحت يمه اريد أخذه منه جان تفز وتصيح بيه...

..لا لتاخذين ابني عوفي اريد انيمه خطيه نعسان روحي طلعي بره خاف يفز ويبجي...

غنى: نصدمت من كلامه ردت احجي جان اسمع من وره صوت ...

امير:عيفي خليه براحته...درت وجهي

غنى:بس اميغ ميصيغ هيج حتى موزين عليه؟

امير:لعد گليلي شنو اسوي مو حتاريت وياه وبعدين مو اول مره هاي تسويه هسه وحده تسُكت.

غنى:طلعت من يمهم والقهر كلتلني عليه شصار بيج شجاج وين جنتي ضحكتج جانت تحلي البيت ماادري عين وصابتج.

بعده مشت الايام وستمر الوضع على نفس الحال وكل ما جاله بالاسوء يمكن جانت احسن تگدر تبدل وحده تگوم تگعد ،هسه لا كله تغير فجاه بين ليله وضحاها كله هذا تغير صار كله امير هو الي يسوي هو الي يغسلله هو الي يبدل هو الي يوكل حتى اني بعد ميخلين ادخل حتى دوامه نقطعت عنه،جنت اشوف معاملته وياه وأسلوبه وتوسلاته عبالك اب وبنته شلون يحجي وياه بحنيه تعامله وكانوا طفله...

لكن الي صدمني من هذا كله والي مادري خربط موازيني كله هو التعاطف الي ظهر عد ماما فجاه شلون تتعامل وياه حجيه وكانوا مادري حن گلبه عليه لان شوفته تكسر باب الگلب...

مر شهر وزاد اهتمام ماما بيه وشلون صارت داريه بمكان امير وتوكله حتى صارت تهتم بعلاجه جانت نظراته بحنيه اله ماتوقعت بيوم هيج تسوي بعد ما جانت تنجن اذا سمعت باسمه شنو الي غيره هسه الله اعلم الله يحننه گلبه عليه قابل شنو اريد منه...

اما امير من شاف تقرب ماما اله وشلون تتعامل ويه گدر يطمن انو اكو احد مهتم اله بغيابه لان اني ما الحگ وبدت امتحانات الفصليه ف ما الحگ ادير بالي عليه أو اگعد يمه رغم هيه كُلشِ متسوي نهار كله نايمه بغرفته...

حيل اثر بينه الي صار ويه ايلاف حتى البيت صار وحش وكأيب مينطاق جانت ميسم يوميه تخابرني اگعد احجيله على كُلشِ يصير ومرات شهد هم ويانه نگعد نبجي على وضعه صعب حيل صعب من تشوف شخص عايش وياك تحبه وعايش يومك وياه فجاه يتمرض ويتغير عليك وين جان ميمر يوم اذا متحجي وياه وهسه تشوفه يعاني وتستاحش وجوده يمك حيل مؤذي بالنسبة النه تلاثته...

جنه اذا كعدنه وسولفنه ننسه رواحنه جانت هيه الوحيده الي بس تضحك خاصه على شهد كل ما ذبت حجايه هيه تنام من الضحك خاصه من جانت حامل خطيه كل ساعه تروح للحمام من وره الضحك...

لكن هاي الايام دا اشوف بابا وامير هواي يگعدون وحدهم وكل ما شافوني لو شافوا أحد يسكتون اني مجنت مهتمه لهل موضوع ولا بالي اصلا كل فكري يم الماده وصعوبته واني عندي هدف لازم احققه،المهم بيوم طلعت اريد اصعد مريت على الصاله ما نتبهوا همه لكن ستوقفني اسم حسين...

امير:يأبه دا اگلك صار مرتين يجيني للمكتب ويتوسل حتى ما اگدر احجي وياه لان المكتب بي ناس يعني ميصير هيج.

..زين انت ليش رافضه غير افتهم شنو السبب الي مخليه مصر يريده؟

امير:مو يأبه مره صارت سالفه بيناتنه وما عجبني موقفه بيه حسيته مو كفوا وبعدين شلون أنطي اختي وهو من موقف واحد سحب نفسه وماعتذر وهو الغلطان شلون تريدني أأمن عليه عنده...

غنى:بعده ضلوا يسولفون وحدهم واني رحت لان اجه ايسر وخاف عباله اتسنط عليهم، والي عرفته انو حسين جاي لامير وطالبني من عنده وامير ما منطي كلمه...

امير:حال ايلاف ابد مامطمني وهاد حيلي واني اشوفه شلون هيج ذبلانه وروحه رأيحه،لكن بيوم زاد حاله سوء وگامت تتصرف بشغلات غريبه واني جنت توني داخل اريد اشوفه شلونه لگيته تريد تگوم بس متگدر وجسمه كله يرجف رادت توگع بسرعه رحت يمه ولزمته ورجعته لمكانه جان تحجي بشغلات مامفهومه حجيت ويا اريد اعرف شنو تريد جان تدفعني حيل رغم رجفت جسمه لكن دفعته قويه...

ايلاف:وخر عني وخرررر ما اريدك وخررر...

نتبهت أثناء مدا تحجي وياي البؤبؤ مال عينه يتحرك مثابت ويه اتجاه نظره حاولت أهديه لكن جان وضعه مو طبيعي تهسترت بشكل، طلعت بسرعه سألت غنى مطيته العلاج گالت لا ناسيته سألته وينه گالت عندي هسه انطيكياه رحت وياه اخذت واجت ويايه حتى اسيطر عليه وانطيه الحبايه استمرت على هذا الوضع اله من انطيه الحبايه تأخذه ياله تهدء...

اباوع عليه ما اتحمل شوفته وهيه بهذا الوضع لا تگدر تگوم لاتگدر تمشي حتى كلامه بصعوبه من تنطقه صح تحرك أيده جسمه لكن متسيطر تلزم الحاجه أو توگف كل جسمه يرجف،واني اشوفه هيج بهذا الحال شنو يصير بيه بس الله اليعلم بحالي...

صرت اشوف امي بدة تتقرب منه عكس كل مره شلون تحجي وياه شلون تداريه اجي من الدوام الگاه توكله العلاج مطيته بس اجي اني اغير ملابسه حبيت هل تصرف من امي وصرت أأمن عليه واروح للشغل على الأقل اكو من يهتم بيه بعدي بس لو ما الشغل ما اخلي أحد يلزمه...

اما عن أهله يدرون بوضع رافد يوميه يخابرني عليه اما بخصوص دوامه اخذت اله اجازه مرضيه لان وضعه ابد ميسمح...

خلال هاي الايام بده وزنه يقل شعره من امشطه اله الخصله كله تجي بيدي وهيه ابد ولا تتحرك اباوع عل شكله بالمرايه اسكت وابلع الغصه صعب عليه اشوفه وهيه بهذا الحال ودي الالم بي ولا بيه خاصه إذا ما نطيته الحبابه تصير تشكي من الم رأسه...

رجعت من الدوام لگيت امي محضره صينيت الاكل أخذته وصعدت نزعت بس الستره وشلت ردان القميص وبديت اوكله بعد ما خلصت من أكل اجيت شلته حتى اغسل اله واغير ملابسه خلصت من الحمام وطلعت اله تراكسود خفيف لان بسرعه تحتر غيرت ملابسه واني اشوفه صارن كُلش كبار عليه وغايصه بيهم من الضعف...

بجيت يي بجيت وهم بدموع اني رجال شگدي شكبري ابجي بسبب مره!

لا هاي روحي اني ابجي على روحي لان داتتاذه وما اعرف شلون اداويه ما اتحمل منظره وهيه بهذا الحال ابدل اله وبالي شادر بوضعه،حسيت بايده تمسح دموعي باوعت عليه جانت تباوعلي بنظره حزينه نظرة الم بس صعب شرحه گالت وبلسان ثگيل..

ايلاف:لللليش ءتبجي؟

امير:بنيتي حالج الي مبجيني...

اخذت أيده وبست باطنه وأخذته بحضني جنت هواي مفتقده هواي مو شويه هواي مفتقد عطره،لان مجانت تخليني اضل يمه صرت افرش بالگاع وانام،نتهزته فرصه وهيه ما بدره من ردت فعل ضلت ساكته واني ملزم مبيه خايف عليه وخايف منه تروح من بين أيدي ونمنه ثنينه سوه...

گعدت العصر وهيه على نفس نومته ما تحركت وخرت شعره من على عيونه وبست كتفه وخرت من يمه غيرت ملابسي ونزلت لگيتهم كلهم موجودين جنت مفكر بشغله واجت يمهم حتى اخذ رايهم بيه..

..ها يمه صار شي شو تأخرت ليش ما نزلت تتغده ويانه؟

امير:لا مصار شي بس جنت تعبان ومنزلت.

غنى:أصب الك غده خاف جوعان؟

امير:لا ما اشتهي

..بويه شلون صار وضع مرتك؟

امير:اخخ بويه نفس الشي ماكو اي تغير.

..الله يشافيه ويعونك متستاهل بنيتي...حجاه بحزن

امير:الله كريم بس شوفي يمه اني فكرت لازم أخذه لطبيب نفسي لان وضعه مو طبيعي وكل ما جاله بالنازل لازم اشوف حل اله ولاه تروح من ادينه؟

..يي يمه أخذه وإذا تريد اني اروح وياك البنيه ابد مو بوضعه وصار اله شهرين هي على نفس الحال مجاي تصير زينه شوف دكتور زين واحجز موعد وشوكت متريد اني حاضره...

امير:تمام لعد اني راح اشوف دكتور واحجز اله،وغنى فدوه اخيج ديري بالج عليه اني ساعه وارجع ما اطول وخاف تگعد العلاج موجود بالميز الثاني وإذا صار شي تصلي عليه وها مو اول متگعد تنطيه لا وره عشر دقائق انطيه لان خاف تستفرغ...

غنى:غوح خويه ولتخاف اني يمه...

راح صعد لغرفته بدل وطلع أما اني صعدت يمه دخلت يمه لگيته نايمه ومغطيه... اوفف يا ايلاف وين جنتي وشلون صرتي جنتي تتمنين تضعفين ولو شويه وهسه خلصتي وصرتي عوده فرد نوب شنو بعد تتحملين من حياتج هاي ما ادري بس اريد اگول حسبي الله ونعم الوكيل على الي سوه كل هذا بيج عبالج سالفتج هيج خاليه بس اخخخ ما اگدر احجي لان ماعندي شي يثبت بس أن شاء الله يطلعه بالي كان السبب بس هيج اريد اگول...

گعدت ورحت أخذته للحمام خلصت وطلعت رجعت لمكانة وسويت الي گال عليه امير ونطيته الحبابه جانت هاي الحبابه كل ما تبلعه تلزم رأسه ما ادري ليش وتضل تصيح بالم بعد تمر ربع ساعه وتهدء گعدت احجي وياه اسولف احجيله شنو گاعد يصير وياي مثل قبل وهيه مجرد بس تسمعني نزلت بسرعه سويت فاكهه أخذته وصعدت يمه ضليت اگشره اله أكلت شويه وبعد متريد ...

اجه امير وگال حجزت بأجر العصر ياخذه هو ماما تروح وياه لليل واجت ميسم هيه وسيف يشوفوه جانت ابد مامتوقعه حالته صح اسولفه اله بس نصدمت من شافته راحت حضنتها وتبجي وايلاف هم شافته بجت...

ميسم:دخلت يمه ما توقعته هيج متغيره جذري حيل ضعفانه بحيث صايره هيكل عظمي رحت عليه حضنتها وابجي ما سيطره على نفسي وهيه هم خطيه تبجي وجسمه جان كله يرجف،وخرت عنه سولفت الي غنى انو رح ياخذوه لطبيب نفسي يردون يشوفوه ليش هيج وضعه...

..زين ليش متاخذوه لطبيب اعصاب لان مبين عليه كُلش أعصابه تلفانه هاج شوفي شلون ترجف ومتسيطر على حاجه تلزمه؟

غنى: والله خيه ما ادغي بس اميغ هم اذا شاف ماكو نتيجه منه هذا الطبيب يأخذه قابل ميتركه هيج حاله...

ميسم:بس هم لازم تستعجلون لان خاف تزود الحاله وان جنتوا بوحده تصيرون بثنين يمكن بعد حتى جسمه ميتقبل الدوه ...

غنى:ضلوا شويه وراحوا،ثاني يوم العصر أخذوه للطبيب هو وماما راحت وياه منا لحد ب11باليل ياله رجعوا رحت يمهم سألته شنو صار بده يسولف النه...

امير:اول ما دخلنه يمه شرحناله حالته وگناله انو قبل شهرين صار عده إسقاط وبعده شرحنه حالته قبل وشلون تغيرت وصارت ترجف وهاي السوالف وراوينا العلاج مالته گال،انو ما بيه شي وكله هذا اكتأب ما بعد الولاده وضل يحجي مسطلحات نگليزي وكتب النه علاج،بس اني ما عجبني احتمال أخذه لغير واحد...

..هسه يا امي دشوف هذا يجوز زين وخلي تأخذ العلاج وإذا مصارت زينه أخذه لغير واحد.

غنى:زين شعجب ما أخذته على دكتوغ اعصاب حتى ميسم گالت لازم تأخذه الدكتوغ اعصاب مو نفسي وشنو راح يسوي اله النفسي اذا هيه أعصابه التلفانه؟

امير:ما ادري والله ما فكرت بيه...

..امي ما بيه شي خلي تأخذ هذا العلاج والله كريم وبعده إذا ما صحت أخذه لطبيب اعصاب،وهسه أخذه وگوم واختك هسه تجيب الك الاكل عشيه خلي ترتاح سوده عليه اكيد هسه تعبت...

امير:أخذته للغرفه دخلته جوه رحت بدلت اني وبدلت اله اجت غنى جابت الاكل وكلته وخلصت رحت غسلت اله ونطيته من هذا العلاج الجديد،جان تلزم أيده الترجف ايدي وسحبتني يمه وگالت...

ايلاف:ءاريءي ءنام عليءه

امير:مديت ايدي ونامت عليه وحضنتني مثل قبل ونامت اني نصدمت من هذا تصرف اول تالي هم ضميته لصدري حيل وضليت العب بشعره منا بعده ما حسيت بشي وغفيت...

ميسم:تصلت عليه غنى وسولفت الي شنو گال الهم الطبيب عن وضعه وطلع مثل متوقعت بالبدايه لكن الي شفته غير تفكيري كله وخاصه رجفت جسمه مو مال كابه وحاله نفسي لا حالته مو طبيعيه حتى عينه تتحرك مثابته مثلنه وعدم استيعابه هاي كله سالفت اعصاب گلت السيف على وضعه گال اني اگله...

حيل متحطمه على وضعه والله كل ما اتذكره اريد ابجي الله يساعد أمه اذا اتشوفه،اذا هيه بس تسمع بيه تبجي مو نوب تشوفه اخخخ الله يساعده،شهد هم شكم مره تسالني عليه وتريد تروح بس اني ماخليته...

ميسم:شهد ما انصحج ترحين والله وتشبعين قهر وترجعين.

شهد:لهل درجه؟

ميسم:وأكثر والله اخر مره رحت يمه متت بجي على وضعه،ولو شايفه رجله بس تگليله شبيك يدمع غادي شلون عليه...

شهد:الله يساعده والله اني من سمعت منج ومن غنى ما تحملت اذا اروح يمكن اكابلهم وابجي الله كريم يله خيه معسلامه...غلقته منه واني مقهوره على وضع ايلاف حيل كسرت خاطري...

وره ما عقدنه عقد المحكمة گال الي اشتر حناجل العرس گال لان عنده شغل وإنذار اني گلت اله براحتك شوكت متريد سوي مجان عندي اشكال ان جان على الملابس ماما گالت الي هسه جهزي نص وبعدين من تزوجين كملي على كيفج اني هم ما گلت شي واخذت على رأيه...

وثانياً اني عندي دوام ما الحگ اطلع واضل افتر من محل لمحل وتعالي قيسي يووه صارت عجه ضلمه وبعدين هم اجت سالفه ايلاف مترهم هسه اتزوج واني هم ما اسوي إذا متحضر هيه والبنات بي لو اعرف ااجله سنتين ختيبي عادي يوافق وعلى طاري ختيبي تصل عليه...

شهد:الووو ها حبيبي شلونك؟

اشتر:الحمد الله تمام أنتِ شلونج خو مصاير شي صوتج ماعجبني؟

شهد:يي والله صديقتي خطيه ها الي گلت الك عليه الي رجله محامي مريضه وحيل تعبانه وخطيه قبل شهرين خسرت طفله وضعه موزين وحايرين بيه من دكتور لدكتور ف مقهوره عليه...

اشتر:اها الله يساعده ويشافيه،يحح بونيتي ما دريت بيج هيج حنينه اني ادري بيج متفرعنه؟

شهد:ليش يمه اني مو بشر وحد عنك هيج ماعندي لا احساس ولا مشاعر؟

اشتر:يي وحد عني اصلا أنتِ تختلفين عن باقي البشر...

شهد:اشتتتتررر

اشتر:هاي شبيج تصيحين اصلا أنتِ تختلفين عن باقي البشر لانج ملاك بهيأة قزم ءا قصدي بهيأة بشر...

شهد:روح اشتر اعتب عليه بعد اذا خابرتك روح...وغلقته

أكثر بشر ينرفزني هو لكن احلى نرفزه بحياتي هاي لو واحد من اهلي هيج يحجي وياي اطلع وجهي الثاني عليه أما هذا اقوه شي اگدر اسوي اغلق التلفون بوجه بس هاي الگادره عليه وهو يموت وينجلط من هاي الحركه ويضل يتصل بيه منا لحد ميمل ويدز رساله يتوعدلي بيه،بعده اني ارجع اتصل بيه ونتصالح اني وياه...

يوم السبت جانت عندي عطله ف هو خطيه ماعنده لان انذار عدهم ،العصر قررت اسوي اله كيك وگلت اتصل عليه يجي ياخذ .

المهم تصلت عليه اول مره ما رده مره ثانيه هم ما رد خفت عليه لان الوضع مو امان يمهم وخاف يتعقبوا لان هذاك اليوم دازين اله تهديد لو اني تخبلت گمت ادگ والطم يمعود ابو الغير الوضع مو امان دير بالك على نفسك وهو شارك الحلگ ويضحك ويگلي ماكو شي منا لمن عطت بي سكت،المهم بالمره الثالث گلت هاي اخر مره اذا ما رد اخابر أمه لا والله هلمره رد...

شهد:الوووو وين صرت صار الي ساعه اتصل مترد والله خفت گلت هسه شو شنو صاير وياه وجيت اتصل على امك واشوفه...

اشتر:يمعوده كُلشِ ما بيه بس جان تلفوني على الشحن وجنت طالع...

شهد:وشلون تعوفه على شحن وانت ماموجود بالله اجه احد رد عليه واني عبالي انت جان راحت الكيكه السويته من نصيبه...

اشتر:هاي شنو بونيتي طالعه مهراتك اليوم هاي كله على مودي يبوييه شوفي ها تره اني طماع متكفيني بس الكيكه اريد اضوگ الكيك والي سوه الكيك لازم نكاسر بيك...

شهد:شنو قصدك اني اسوي جالي بسيطه اشتر اني صوجي لو منجبه وگاعده بمكاني هواي احسن حتى اظفري انكسر كله من وراك...

اشتر:ولج بويه لا،ادري أنتِ ماعندج ستوب بالسانج متگدرين تسُكتين شويه اكمل كلامي قصدي اكاسر بيج أنتِ يعني امححح بوسه ام الطح من خدج شبيج،بعدين شبي اظفرج؟

شهد:گلت بقهر،نكسر!

اشتر:أنا لله وانا اليه راجعون،وين الفاتحه بيا جامع...

شهد:اني صوجي احجي....وغلقته بسرعه ورحت أركض للمطبخ لان طلعت ريحت الكيكه نسيته بالفرن فتحت جان تگب ريحت الحرك بوجهي،عزززه هسه شگله شلون فشله يداده،اجت ماما شتمت الريحه ضلت تعيط عليه...

..أنتِ ثوله اكو واحد عاقل يخلي الكيكه بالفرن ويعيفه ويروح ادري شنو تردين من تستوي وتصيحلج مثلاً،بس لا شلون زعتوري خابر بعد هاهيه ننسه الاول والتالي ادري شلون رح تگضيه وياه بس ولو انتو ثنيناتكم جدر ولگه غطاه نفس الصنف...

شهد:ماما ما اسمحلج تحجين على زوجي المستقبلي هيج تره ما اغسل مواعين العشه؟

..شنو تهدديني مثلاً؟

شهد:نعم...

..تنعنعت ضلوعج أن شاء الله روحي عن وجهي روحي...

شهد:عفته وطلعت وصلت الباب جان تعيط

..ولج تعالي...

شهد:هااااا لعد مو گلتي روحي؟

..والكيكه مالتج وين توديه تعالي ذبيه شأسوي بيه...

شهد:طلعته من الفرن جنه تاير محروگه مابيه شي صاحي طلعته من القالب جان تندگ الباب راح ابن اخويه يفتحه لهناك واجه يركض...عمه عمه

..ها بعد عمتك؟

..عمه زعتوري مالتج ابو شوارب اجه گال روح صيح عمتك شهود القزمه...

شهد:لك احترم نفسك شنو زعتور عيب گول عمو وبعدين شلون تحجي عليه هيج اني مو عمتك؟

..عمه هو گال رح صيح عمتك شهود...قاطعته ييي روح فتهمت والله...طلعت اله فتحت الباب جان جاي من الدوام خطيه بعده بالزي مالته وگتله...ها شتريد؟

اشتر: أخذ كيكتي واروح!

شهد:هااا مو شسمه...

اشتر:شسمه؟

شهد:الكيكه هذا...

اشتر:هذا؟

شهد:مو شسمه هذا...

اشتر:ادري اختر ما بينه الاقواس كافي نطيني الكيكه واروح...

شهد:دتعال ادخل،دخل وگف بالحديقة رفعت راسي اباوعله وهو مدنگ عليه وحجيت، مو الكيكه خليته بالفرن بعده غسلت المواعين الي شتغلت بيهم وبعده رحت نضفت البيت ونوب اتصل عليك مرديت ضليت هواي يالله شلته وضلينه نسولف اني وياك تالي...وسكتت وهو يباوعلي ورافع حاجبه..

اشتر:وتالي؟

شهد:حترگت،ونزلت راسي عود مقهوره...

اشتر:يا عمرررري لتنقهرين قحط هيه كيكه اني اجيبلج وحده جاهزه ولا شهود الورد ضد الحرارة والبرد تنقهر ياگلبي أنتِ ...

شهد:يعني هسه انت ما زعلان؟

اشتر:لا عليمن انقهر بس نسحلت مناك لهناك تالي الگه الكيكه اكيد صايره سوده مو؟

شهد:تاير سياره...

اشتر:لا عگال احسن اخلي على راسي،ولج روحي جيبيلي ماي نشف ريگي ونصطمط جدي وأنتِ تنطيني الوصفه مال الحرگ.

شهد:رحت ركض جبت اله گلاص ماي ورجعت يمه شربه كله دفعه كامله،عطشان سوده عليه؟

اشتر:يي والله بعد روحي،يول تعاي ادري أنتِ ختيبتي جيس حب؟

شهد:ياااا ليش؟

اشتر:ادري موگفتني بالحديقة وبيتكم 500متر ماعدكم مكان اگعد بي مو رجليه راحت...

شهد:يا صُدك نسيت تعال تفضل...

اشتر:بعد وقت لو فارشتلي بالباب احسن؟

شهد:اهووو گام يدردم جنه عجوز،رحت فتحت باب دخل الاستقبال واجه عليه يبوسني مثل العجايز...

اشتر:شلونج داده الجهال شلونهم رجلج شلونه وياج؟

شهد: هههههههههههه الحمدلله بخير،زعتوري اني جعت تريد اندومي؟

اشتر:هاك ستلم جاي لبيت ختيبتي وخبصه تالي اكل اندومي اگوم اشرفلي...

شهد:ههه لا والله تعال كذب اتقشمر وياك اگعد هسه جاي،ورحت طلعت الفاكهة وعصير وهاي السوالف خليتهم بصينيه وديته دخلت يمه لگيت بابا موجود هو عود ستحه وعد گعته خليته يمه دنگت جانت فتحت البدي شويه كبيره نزلت رفعت راسي وباوعت اله عض شفته اني بسرعه عدلت روحي اخخخ منك ولا يستحي الادب سزز...

شهد:خويه تريد غده،بابا صاح هااا وهو غم گصته...

..قصدي أصب الك غده...

اشتر:لا بالعافيه ما اريد...

يتبع...

مراحب بونات شلونكم ادري بجيتكم بهل بارتين عاتي عاتي كافييي ما جزعتوا كله ضحك هاي نكاسر شويه
عل گولت اشتر هاي الحياه بيه الحلو وبيه المر ولازم نعيشه الاثنين مو ثلاثاء ادري تافه بس تحملوني😂🌚

ف يا حلوين لاتنسون التصويت وتعليق ومتابعة للحساب بدربكم والانستا هم@ghe.92

دمتم برعاية الله وحفظه

غدير عبدالله