رواية وقد كانت صدفة الفصل التاسع وأربعون 49 - بقلم غـدير عبداللّٰه

"وقد كانت صدفة"

انتي حركتي البحر من بعد سكته
انتي حليتي الســؤال المــا عرفته
انتي خليتي النجم بيعوني يلتم
والنجم مو هينه لمته

_________________________________

غنى: طبعاً من يوم الي امير نوه يتزوج وماما مراويته الويل ولو هيه مشاكله متخلصه بيتنه بس هل مره زادت بعد أكثر ويوميه مطلعتله سالفه شكل، كل ما اشوف اخويه وضعه يكسر الخاطر بدال ما هيه هسه تكون فرحانه الابنه بس هيه العكس...

وبيوم الي رحنه حتى نتفق على المهر مال البنيه بيوم ترمت ما اروح ماما شلون لعد أنتِ مو ام الولد لازم ترحين ماكو نحجي نريد ماكو تالي امير خابر خاله وگال اله رح نجيج اني وغنى وكذا السالفه لان امي مريضه بسرعه بدلت ورحنه اني وامير لبيت خاله وصلنه وراح ودخلنه وتعذرنه منهم من الموقف الي صار وگنالهم احنه نريد البنيه وشاريه هي هم مگالت أمه شي...

قبل منوصل الأهل البنيه گال امير لخالتي...

امير:خاله اي شي يطلبوا منكم انتو وافقوا ومالكم دخال...
..يا خاله شنو السالفه ميصير هيج حجي حتى لو...

امير:خاله سوي الي گلت عليه اني عندي والحمدلله متمكن بعد ليش كل هذا الحجي...

..براحتك خاله اني الي عليه اگوله....

لكن الي صار فاجئنه بطلب البنيه ماتوقعناه رغم هم معايزين وهيه وحيده اهلها ودكتوره صراح اني وخاله ماتوقعنه ،وجانت البنيه قمه بالاخلاق والأدب حجايه مگالت كله أمه من طلعنه وگلنه الأمير مگال شي وكانوا جان متوقع هل شي...

مشت الايام وصارت المشيه وبعده عقدوا بالامام وهم نعاد نفس الموقف ماما ما راحت أحسه تريد بس تكسر خاطره تريد تقهره بدال ما أمه الي طش الجگليت على العروس خالتي الي طشته بدال ما أمه الي تباركله ويبوس أيده بأس ايد خالتي وباركتله واني من اشوفه هيج گلبي ياكله القهر عليه لكن الي جبر خاطر هو بابا الي بارك الهم ثنيناتهم بعدين من رجعنه سئالته...

غنى:بابا شنو غأيك بخطيبت امير؟

.. والله بابا مبينه خوش بنيه وحبابه وحتى ابوه انسان محترم بس امج مدري شلونه لازگتلي ب...وسكت عرفت يقصد منو طلع حتى هو جزعان منه...

بده الدوام احس نفسي تحررة من جو البيت الي مينطاق وباشرنه بالمحاظرات وجانت هل سنه اصعب من السنه الراحة والمواد صعبه...

اما حسين ما لتقيت بي هواي لان هو هم مو دائما موجود بالسنتر ف مو كُلش نلتقي...

لكن الي محيرني ماما هل الايام ساكته ما ادري شنو عده اني هم كيفت گلت بالكي فكت ياخه عنه همزين والله اخذت هيه فتره زينه لكن وره هاي الايام سوت رنه جديده وهيه...تعال أجل العرس مو بداية السنه الجديده بعد مو هسه لان اريد اجهز.... امير من سمعه تخبل وفاض صبره بيومه حتى بابا سكت...

امير:يوم شنو الي دتحجي تره صارت بلا ملح والله تره لعبت نفسي وكرهتوني بالزواج لعد مو جنت تنگُين فوگ راسي تعال تزوج وهاي هسه من قررت گلبتي عليه وتعال أجل يوم تره ميصير هيج حتى الله ميرضاه اريد اعرف شنو الي تردي ؟

..تأجل العرس...

امير:عاط،يي ليش مو اكو مجال تگدرين تسوين كُلشِ لو اله تخربين عليه يبووووه ساعه السوده الي قررت بيه اتزوج مو حتى مرارتي حطگ...

وخله وطلع وهيه ضلت تدردم عليه بابا باوع عليه وهز أيده وراح لغرفته اني هم...

تمشي الايام مثل مهب الريح بالشنه بامتحانات الكورس الاول وملتهيه أكثر وقتي اگضي بالغرفه مالتي ادرس وما الي واهس انزل جوه بس وقت الاكل اكل وأكمل شغلي وأصعد ادرس هيج مشت الايام..

بالليل كُلش ضجت نزلت جوه ماكو احد كلمن بغرفته طلعت بره بالحديقة لگيت امير گاعد على المرجوحه جانت حديقتنه كبيره وخالين بيه كراسي ومرجوحه والورد داير مدايره لگيت گاعد ورافع رأسه فوگ وصافن بالسمه اجيت گعدت يمه ما حس عليه سألته ...

غنى:شعجب ما طالع مو من عوايدك؟

امير:حجه وهو على نفس وضعه، ما الي خلگ رغم دايخنگني جو البيت بس مابيه حيل اطلع...

غنى:شلونه ايلاف؟

امير:زين هسه قبل شويه جنت دا احجي وياه...

غنى:شبيك اميغ أحسك ما مغتاح للي دا تسوي ليش دوم أحسك حتى ما فغحان من تحجي ويه ايلاف؟

امير:لا بالعكس اصلا كُلش ارتاح وياه خاصه هاي شكم دقيقه وكلامه وياي تطلعني من الي اني بيه،بس اني الوضع الي بيه منا الشغل ومنا امي احس راسي يصيح الغوث بعد حتى ما احجي شنو الي تريد تسوي خلي تسوي تعبت حيل تعبت...

غنى:ميخالف اميغ تهون مهما كان تضل امنه منگدغ نغيغ هذا الشي...

امير:نفس كلام ايلاف تضل امنه واني هذا الي مانعني من كُلشِ ومسلسل أيديه هاي بعد شنو نسوي الله كريم ما بقه شي ونتزوج ونخلص ونسد هواي حلوگ وباوعلي...

غنى:ها شكو شو تباوعلي؟

امير:هيج ماكو شي يله گومي روحي نامي بأجر وراج دوام ،گمت اني وهو ضل بمكان ...

وهيج مشت الايام بين مد وجزر وخلال هاي الايام كثرانه زيارات ايناس النه لكن اني ما التقي بيه هواي دومه هيه وماما اما اني كله بغرفتي مرات حتى إذا ماعندي شي اضل اكل لو اباوع فلم لو اتصل على مريم رجعت وياه بعد ما اخذت الاذن من امير وهو وافق...

مهما كان لازم اگله حتى لا يرجع بيوم وتخرب علاقتي وياه وهيج مگضيته حتى بابا گام يضايق من وجوده...

..ادري يعني شلون واحد مياخذ راحته بيته،جان يجي يگلي لو مرات گدامه وهيه لا حساس ولا ضمير....

بعد مخلصت قرايه نزلت جوه اريد اسوي الي اكل جان تجي ماما للمطبخ شافتني وحجت...

..اخوج امير موجود؟

غنى:لا،بس ليش؟

..عود اذا اجه گليلي حتى يودي ايناس لأهله خطيه ما عده أحد يرجعه...

غنى:لعد شلون اجت؟

..أنتِ ما الج دخل بس اذا اجه گليلي خوش وراحت اني هم خلصت واريد اصعد هو دخل وصعد لغرفته رحت اله وصلت قريب الغرفه مالته جان اسمعه تگول...

..اريدج تخربين كُلشِ عليه وتحاولين تسحبي الج اريدج تنسي بيه...

ايناس:تمام بس شلون ما بقه شي بس شهر؟

..تگدرين بعد أنتِ وشطارتج...

ايناس:أن شاء الله خاله....قاطعتهم بدخولي

غنى:ماما اجه اميغ؟

..تمام لعد روحي گليله واحنه هسه جاين...

غنى:طلعت من يمهن ما فهمت على شنو يحجن وبنفس الوقت خفت بس لا شنو تسوي وتخرب على امير أمشي وافكر إلى أن وصلت لغرفته دگيت الباب ودخلت لگيت بعده بملابسه گلت اله ماما تريدك توصل ايناس هو بس سمع اسمه ضل يسب ويلعن...

امير:يبوه ادري متحس هاي شنو ماعده كرامه بس اخخخ كله من امي...

غنى:شنو نسوي بعد بسغعه يله انزل وديه واخلص...

راح امير واني رجعت لغرفتي بس ضل بالي يم كلام ماما شنو دايدور برأسه ما ادري ليش كل هل الغرور هذا...

مشه الوقت واجه يوم الحنه الولد بيومه بيتنه نخبص خبص
عمامي هم ونسوانهم ولدهم وبناتهم اجونه من الصبح حتى مالحگنه نطبخ جبنه الهم اكل المهم جانت حنة امير بالليل بيومه اجانه الطباخ الصبح حتى يطبخ وافتر منا وارد منا احس رجليه صارت خيوط لكن الغريب ماما ابد ولا حجت واشوف تسولف وفرحانه ولا تگول كل هاي الفتره هيه نگره هيه وامير...

وهسه تختلف اختلاف جذري هسه اني شعليه الله يهديه اجه الظهر امير من الحلاق وگبت الهلاهل من نسوان عمامي واشوف الفرحه ابد مراحت من وجه والولد يدگون ويرگصون بعده جابو الديجي وردح جانت أجواء متنسي ابد اخذت تلفوني اصور الهم دخل بابا عصبي كله سكتت وسدوا الديجي...

..عاط هاي شكو شنو الي صاير؟

راد يحجي امير رجع عاط...

..ليش ساكتين ها لعد مو عدنه عرس يله بسرعه شغلوا الديجي يله وضحك، وهم ما صدگوا فتحوا وردح حتى بابا دخل وياهم على الجو ،اجوا الولد شالو امير ويهوسون وياه إلى أن إذن الظهر سدوا وكالمن راح لمكان الي يصلي وي شو شنو يسوي...

المهم صار الليل وبدت الزلم تدخل جانت الحفله بالحديقة لان حديقتنه كبيره ف سوه هنا ،نزل امير بالدشداشه الحبري وسبحته والغتره على كتفه اول ما نزل قريت سورت الفلق تحرسه وتحفضه وجان اول مره اسمع ماما تهلهل وكل هلهوله اعله من الخ حتى هو ضل منصدم راح بأسه من رأسه وحضنها شفته بجت هو هم ما تحمل دار وجه عرفته مسح دموعه وبعده باركن اله نسوان عمامي وبعده طلع صبوا العشه للناس تعشوا بعده طلعت الكباريه وضلوا بس الولد وأصدقاء امير وسيف....

جانو جايبين مطرب شويه وبده يغني والولد وگفوا واحد بصف الثاني لهناك وصاحت وحده من بنات عمي...

..ياه رح يرگصون جوبي،بسرعه كل احنه رحنه صعدنه فوگ نباوع الهم جان امير هو الي واگف على رأس الجوبي وبيده السبحه وبدوا يرگصون وكلهم نفس الحركه جانت أجواء تجنن وحتى احنه ما تحملنه ورحنه نسوي مثلهم ولا وحده جابته عدل مثلهم خربنه ضحك صورت الجوبي مالتهم ودزيته الايلاف ...

وجانت خلال هاي الفتره نتواصل اني وياه بعد ما امير نطاه رقمي وضلينه اني وياه نتواصل صارت علاقتنه اني ويا كُلش قويه ف هي بسرعه شافته وتصلت عليه...

ايلاف:ولج غنى هاي شنو معقوله امير هيج يعرف يرگص عزه ولا توقعته...

غنى:يي عيني لعد شعبالج كُلشِ توقعي منه واولهم اخته غنى...

ايلاف: هههههههههههه كُلش ولج غنوه اريد دزيلي اله صوره من بعيد حتى لو تبوگين تلفونه شو شلون اريد صوره اله بالدشداشه...

غنى:ها داده تره هذا اخويه واني اغارغ عليه ما ما ادز الج وبعدين ما بقه شي بأجر هيج وقت تلگي يمج...

ايلاف:لا غنى حبابه عليج الله ولج بعد ما اتحمل اريد اشوفه...

غنى: هههههههههههه ماشي بس يجي ادز الج... غلقته

ورحت كملت ويه البنات بعده خلصت الحفله ودخلوا جانو كلهم هلكانين من التعب وين ما اروح الگه واحد مجفي على وجه من التعب والله شكلهم يضحك دخل امير رحت اله هو شافني بتسم...

غنى:الف مبغوك حبيبي شايف كل الخيغ ...

امير:اجه حضني،حبيبتي غناوي الله يبارك بيج يوم الي اشوفج احلى عروس...

غنى:صُدك على طاغي العغوس تغيد صوره الك انت وبالدشداشه كتلت غوحه تغيد تشوفك...

امير: هههه هسه رايح اتصل عليه يله اني صاعد رايده شي بعدين ها تره الولد غسلوا كُلشِ ونضفوا هم ...

غنى:يا لعد واني عبالي هسه الگي الهوسه لوين واصله يله همزين اغوح انام احسلي ...

امير:صعدت لغرفتي دخلت اخخ ميت تعب رحت تصلت عليه بسرعه شالته...

..هلا بالروح شلونج بعد ريتي؟

ايلاف:بخير،انت حبيبي شلونك؟

..يخخخ على هل كلمه بويه اني ما اتحمل تره هسه بسرعه اجي ما يمنعني شي بس اخخخ يله هانت ما بقه شي منا الباجر،تدرين داحسب دقيقه دقيقه حتى بس اشم عطرج...

ايلاف:ءءما بقه شي...

امير:ها شبيج شنو صار شنو خايفه؟

ايلاف:ها لا ماخايفه لا يي خايفه ما ادري ما ادري امير اني خايفه خلي نأجل بعد شكم شهر؟

امير:يي حتى اسمط جد جدج بعد جم شهر اني نص يوم ما تحمل نوب اتحمل كم شهر غير اعرس بيتكم وبغرفتج هم ها شگلتي؟

ايلاف:يا عززز خلي اسكت احسن الي انت مينگدر على لسانك ...

امير:هههه اگول شو سمعت رايده صور الي شنو تسوين بيهم ها ويگولن كاتله روحه حتى بس تريد تشوفني بس لا خاف تسويلي سحر هو اني منا ميت عليج نوب تسويلي سحر واني هاي گعدتي بالبيت مگابل وجهج الحلو وكاعد...

ايلاف:يا اسم الله تف من حلگك شنو هل كلام، وبعدين منو اني الكاتله نفسي عليك هاي منو گال ولا تهمني اصلا...

امير:اها يعني هسه اني ما اهمج بسيطه لعد بأجر اني اصفي حسابي وياج واطلع شكو ثار قديم هم...

ايلاف:ها يي مو هيه بكيفك ما اتزوج بأجر وهسه تشوف...

امير:براحتج واني هم شنو عندي اجيب احبل مگابلج وگاعد عسى ما توگع سنوج اني هم راضي بيج ...

ايلاف:ومنو يگول اقبل بيك يجوز اشوف واحد حلو وعيونه سود انت منو؟

امير: حجه بحده،يي حتى اطيح حظج والله طلقه براسج وبراسي حتى محد ياخذج مني لو نموت سوه لو نعيش سوه ....

ايلاف:يا أمير شبيك دا اتشاقه وياك هو وين اكو احن واحله واحسن منك ومثل گلبك والله لو يخيروني بينك وبين الباقين مراح الگه احسن منك...

امير:يي عفيه ببنيتي، ضلينه شويه نحجي وبعده غلقته دزيت اله الصور شافتهم وردت هم...

ما عولت يصير العصرحتى بس اشوفه واشبع عيوني بيه
بعد هم ما اجيت من الحلاق بعد ما سوالي تنظيف واشكال خله بوجهي وهم نفس هوست البارحه يراد النه شرطي مرور ينظم السير من كثر الهوسه ،بيبي خابرته وعبالي تجي تالي ما گدرت تكول بعدين اجيكم وره العرس...

صعدت فوگ وفتحت باب الغرفه مال ايسر والگاهم كلهم موجودين لان غرفتي مقفوله...

امير:ها خيركم،حجه سيف...

سيف:غير انت العريس ولازم نأدي الواجب ونلبسك قابل مو بس صديقات العروس يلبسن صديقتهم احنه هم يله شباب تحضروا...

امير:اوگف دقيقه تمام عاد بس أسبح واجيكم...

سيف:لا بعد خالتك احنه نسبحك يله شباب همتكم....

امير:لا وين، ولا سمعوني أجوا كلهم شالوني وخلوني بالحمام وطاحو دگ جلف عبالك ما سابح صار الي سنه وكل ساعه اعيط بواح وهمه يضحكون خاصه سيف حتى ضرب ضربته وهو شارگ الحلگ...

سيف:ها خوتي هاااا؟

..ردوا هااااااا...

سيف:وها خوتي هااااا؟

..هاااااا

سيف:واخونه خوش اخو يستاهل الهوسه...وذوله ردح واني خربان ضحك عليه...

سيف:ها خوتي هاااااا

..هااااا

سيف:وكله عرست بس احنه ضلينه وننخه ام البنين نسوان تنطينه...

امير:لعد مو عندك مره شتسوي بالثانيه؟

سيف:لا مو ذوله خطيه كسرو خاطري ...

امير:يي مبين خوش صاگرتك ذيبه والله...

سيف:اخخخ يبعد اخوك لا تهيجنييي..

امير: هههههههههههه خرب راحت هيبتك يصابر...

بعده خلصوا طلعوا هم بدلت بالحمام طلعت ولگيتهك گبالي واحد لازم الستره واحد الرباط واحد الحذاء ضحكت عليه...

..يله أن شاء الله اوگف بعرس كل واحد منكم،وهم كلهم صاحوا امين...

خلصت كُلشِ وهمه نزلوا قبلي اني تأكدت بعد ماعندي شي طلعت رحت ركبت السياره مالتي لان ايلاف تصلت عليه خلصت اما أيسر راح يوصل البنات للقاعه جانت السياره مزينه بالورود خوش مسويه سيف وصلت الصالون ودخلت حتى اخذه جانت لابسه طرحه ف كُلشِ مامبين منه لزمت أيده وأخذته جانن اكو بنات وياه ما عرفته اجت وحده حاجته گالت يجي رافد ياخذهم ...

أخذته للسياره هيه وبدلته وصعدته بالسياره مالتي وسديت الباب وصعدت جان اشيلي الطرحه...

امير:اللهم صل على محمد وال محمد...

..ها يا خونه مسوين سمج مسگوف ما منتضريني ؟

ايلاف:كل احنه درنه وجوهنه لمصدر الصوت وإذا نشوف رافد؟

بسرعه طفرت عليه ورميت نفسي بحضنه جنت كُلش مشتاقتله هم كلهم اجو سلموا عليه واني ما مصدگه رافد رجع يعني كملت فرحتي برجعته،جنت كل ما نتصل عليه اتمنه يجي بيوم العرس بس بعدين اتذكر الي صار ارجع واگول لا خليه احسن اذا رجع يتأذه من رح يشوفه لكن سعادته اهم بالنسبه الي ،بس ما ادري شنو الي صار وخلاه يجي...

رجعنه كل احنه وتغدينه والي عرفته جان متفق هو وآدم گال اله احنه عد بيت جدو تعال لهنا ف هو رايح للبيت ذاب الجنطه مالته وجاي لهنا المهم خلصنه ولمينه السفره وهم راحوا كلمن بمكان ورافد راح نام لان تعبان من السفر...

مشه ألوقت وصار العصر راحت ماما هي ومرت عمو احمد يودن الملابس ويرتبه لبيت امير ،والبنات ضلوا يسون كيك وحلويات يسون حفله بسيطه اني ستغليت الفرصه بما انو هنه ملتهيات رحت لرافد جان توه گاعد أخذته لغرفه من الغرف وگلت اله...

ايلاف:يي رافد شعجب اجيت مو على أساس تريد تضل بعد أكثر ليش كذبت عليه وگلت ما اگدر اجي ...

رافد:يعني هسه الي افتهم من كلامج ما فرحانه بجيتي؟

ايلاف:لا مو هيج بس يعني شنو الي غير رأيك واجيت واحنه البارحه من تصلنه گلت بعد بس لا خاف....

رافد:ايلاف شبيج ليش تفكرين هيج اصلا اني جنت متفق ويه آدم نسوي الج مفاجاه،بس ما عبالي هيج رح تكون رد فعلج وإن جان خايفه عليه خاف اخرب حياته،تره صارت اخر همي راحت ونسيته والله وياه...

ايلاف:رافد اني مخايفه عليه خايفه عليك خاف تشوفه وترجع تأذي نفسك مثل قبل اني خايفه عليك لتسوي شي گلبك يوجهك بي مو عقلك خايفه تخسر نفسك بسببه واني مجاي ادافع عليه لا اني خايفه عليك رافد لتتأذه وما اگدر اكون فرحانه وانت گلبك مكسور،تره لاعبالك اني لي هسه احمل نفسي الذنب بالي صار وياك...

رافد:اجه لناحيتي وخله أيده على كتفي وگال بحنيه،لا تخافين عليه ولتحملين نفسج الذنب أنتِ بغنى عنه وإن جان اذا حشوفه واتأذه لا لا اصلا نسيته من يوم الي طلعت بيه من العراق وخليت كُلشِ ورايه وبديت من جديد ،اما هيه ف الله يسهل عليه وإذا جان بالج خاف تخرب علاقتي بسيف لا ومستحيل اخرب علاقتي بي مهما كان السبب رح يضل صديقي...

دااحجي وجان اشوف احد خطف من يم الباب لان جانت مردوده ما ركزت بيه گلت شو منو مر،بعده ضلينه نسولف اني وياه على وضعه بين ما اجة ماما ومرت عمو من بيت امير ضلت ماما تسولف على الغرفه شلون حلوه،لكن من بين كلامه أحسه تباوعلي بنظره ما عرفت شنو افسره لا هيه نظرت خوف او قلق أو يمكن خايفه لان رح اتركه واروح هذا الي حاولت افتهمه...

سوو البنات الحفله جانت رغم بساطته لكن تجنن سوه بعد ما راحوا الولد وفتحوا الديجي ويرگصن بعدين فتحت لارا على اغنيه سلولي وسحبتني تعلمني شلون ارگص عليه بيوم العرس واجت لزمتني على أساس هي العريس واني اضحك وهيه حارگه دمه تريد تعلمني بيومه صُدك تونست...

طبعا قبل شكم يوم حجزنه بقاعه لان بيت جدو ميكفي واحنه گرايبنه هواي وخاصه بعد ما رجعت علاقتي جدو باخوته وهمه ناسهم هواي هم ف لازم بالقاعه يسوي ....

جانت حنة الولد قبل بيوم أما الحنه مالتي صارت هيه حنه هي زفه ...

اجه اليوم المنتظرته على احر من الجمر احساس حلو احساس بدخولي لحياة جديده دخولي لبيت جديد لاهل غير اهلي كل هاي جانت توصيات ماما الي كل ساعه يجي بالي هذا الكلام...

..شوفي امي أنتِ رح تدخلين لبيت وهذا البيت تعتبري مثل بيت اهلج الثاني مرت عمج امج وعمج ابوج وحموينج اخوتج شنو الي يصير بهذا البيت يبقه بداخلج لاتگولين هيج وهيج كل البيت واله أسراره شنو الي يصير يبقه داخل البيت حتى الي لتگولين اله في حاله للضروره بهذاك الوقت انصحج ...

ايلاف:تمام..

..وهسه نحجي بزوجج شوفي ماما ايلاف على گولت امي الرجال مثل الطفل تگليله تعال ميجي تنطي حاجه يجيج يركض والرجال هيج من يجي ويشوف الملگه الحلو اهتمامج بي الاكل الطيب الملابس النظيفه مو بس يحبج يعبدج عباده اسلوبج تعاملج اي شي يصير بينكم داخل الغرفه شي طلعين من عده شي ثاني،وضلت تحجيلي على هواي امور وكل ما تتعمق اني أغوص بهدومي ...

وهسه اني گاعده على الكرسي وام الصالون دتمكيج بيه طلبت المكياج يكون سمبل والتسريحه بسيطه حتى ما قبلت تخلي الي اكستينشن خليته على طوله وطبعاً ما صبغته ولا سويته شي لان امير منعني وگلي اموتج اذا صبغتي، واني هم ما احب الصبغ...

ام المكياج كل ساعه وتصفن بوجهي لكن بعد متتحمل حجت...

..اگول حبيبتي أنتِ شنو متزوجه غصب لو شنو اشوي احسج ما فرحانه؟

ايلاف:ضحكت لا مو غصب هو هذا اني طبعي ما احجي هواي بعدين حتى زواجي عن حب هم...

..ضحكت هيه،والله داده مدري شلونج أنتِ اشو اني العرايس الي تجي متركد بالكرسي كل ساعه گايمه تهز حتى الي متزوجه غصب هم تذب لحم...وضلينه نسولف اني وياه شلون تعرفت عليه...

طبعا بيوم شگد توسلت بميسم تجي ويايه للصالون ما قبلت تگول سيف ميقبل اني هم من سمعته هيج عفته براحته اجت ويايه حنين ورفل وابنه ضل عند ابو ...

خلصت كُلشِ واني لابسه البدله مالتي جانت ملكي ولونه اوف وايت حيل عجبتني واني اول مره هيج شي يعجبني تصلت على امير گال اني اجي عليج ورفل تصلت عل واحد من الولد يجي ياخذهم رمش الي امير ولبست الطرحه ما اعرف البرگع وطلعت اله اجه أخذني وصعدني بالسياره اول ما شلت الطرحه جان يصلي على محمد وال بيت وكال...

امير...

يتبع...

سوري هواي على التاخير بس صار عندي ضرف وتاخرت عليكم اسفه....

لاتنسون التصويت وتعليق ومتابعة للحساب بدربكم والانستا هم @ghe.92

دمتم برعاية الله وحفظه
غدير عبدالله

❤️