رواية وقد كانت صدفة الفصل الخمسون 50 - بقلم غـدير عبداللّٰه

"وقد كانت صدفة"

فاِذا وَقَفتُ اَمامَ حُسنِكِ صامِتاً
فَالصَمتُ في حَرَمِ الجَمالِ جَمالُ
كَلِماتُنا في الحُبِ تَقتُلُ حُبَنا
اِنَّ الحُروفَ تَموتُ حينَ تُقالُ .
_____________________________

ميسم:ما بقه شي على عرس ايلاف واني لي هسه كُلشِ ما مشتريه قررنه نطلع اني وماما اتصلت بسف گلت اله حطلع اليوم اشتري ملابس لعرس ايلاف گال...

سيف:تمام روحي بس هاااا شتري شي بي خير لان ادري بخبالاتج وما اريد مشلتح...

ميسم:يا لعد شلون غير عرس صديقتي بعدين هو بس نسوان قابل زلم حتشوفني!..

سيف:يي عيني حتى لو قابل النسوان تسكت مراح تسولف رجله وتگعد تفصل بيج تفصل گدامه واولهم امي اذا راحت العرس متخليش وحده متحجي عليه...

ميسم:ماشي اشوف الله كريم

سيف:عاط شنو اشوف ميسم لتجلطيني تره والله حتى من الروحه للعرس امنعج تره؟...

ميسم:لا هاهيه حبيبي لتعيط ماشي هو اليوم اشوف شي حلو ومو مشلتح على گولتك ماشي الله وياك....

اففف ولا ينطي مجال ادري قابل وين رايحه هو عرس وبس نسوان وهنه وين يعرفني اشو هيه تايه السالفه شنو محد يباوع والله يا الله على عقليته وشلون يفكر تسولف رجله وهيه هيج عايفه الهوسه كله وتگعد تسولف شنو جنت لابسه وشنو سويت عفيه نسوان(ضليت ادردم ويه نفسي)لاگتني ماما...

..ها شو دردمين عليمن؟

ميسم:هذا رجل بتج طابگ عنده الحار والبارد ونفجر عليه...

..شنو لج احجي عدل شكو ؟

ميسم:مو عود صرت مره ورحت استأذن من زوجي اريد اروح ويه ماما حتى اشتري فستان لعرس صديقتي،جان يرد الي اسمه زوجي يي مو تشترين فستان مشلتح گتله تره القاعه بس نسوان وجان يعط بيه...لا حتى إذا شتريتي امنعج من الروحه مو اني ادري بس اغلب النسوان متسكت تگعد تفصلج تفصال الزوجه...وهو هيج زوجه لو ابنه يگعد ويسمع بس هو حظي وأعرفه دوم ما نصح وياي بعدين يجي سيف ينصح وياي...

..وهسه أنتِ كاتله نفسج على هاي السالفه وصار الج ساعه تدردمين لان ما قبل تشترين تره رجال وحقه يغار وحتى اني هم مرات ابوج يمنعني لا عبالج بهذا عمره وإذا شاف شي يخبص الدنيا عليه،بعدين اني ادري بخبالاتج شنو تشترين والله عاشت أيده هو هذا دواج...

ميسم:ماما اريدج عون صرتيلي فرعون!

.. والله اني هذا العندي يعجبج يعجبج ميعجبج لترحين .

ميسم: والله اروح لو شنو يصير اني اروح اروح لعرس اخيتي...

ثاني يوم العصر قررنه نطلع اني وماما ضلينه نفتر من محل لمحل ماكو شي عجبني وكله مشلتحه على گولت سيف..

بعده تعبنه وگلنه هذا اخر محل ندخله لگينه كان بها ما لگينه على غير مره نروح وما استسلم اروح اروح ولازم اشتري، والله ودخلته المحل الفساتين ضلينه ندور اني وماما هيه بجهه واني بجهه شويه وصاحتني...

ميسم:ها ماما؟

..تعالي شوفي هذا شلون حلو حتى عاقل ما بي شي

ميسم:شو بالله،أخذته گلبته والله حلو شكله طويل يسحل ولون هيج ذهبي مخصر على الجسم كُلش وصدره جان بلم يسمو يعني تفاحة ألكتف تطلع من عنده والردان من ضمن الفستان كله ومن فوگ بداية الصدر شذر ذهبي مناسب بلون الفستان لحد الخصر هو شذر ومن وره فتحه يبين منه الضهر،وحتى ثگيل ومال مناسبات رحت سألت على السعر حتى سعره جان مناسب أخذته واخيرا لگيت بعد ما فرينه عكه ومكه...

وبعده رجعنه هم زين جان عندي حذاء يناسبه اول ما وصلت بسرعه صعدت لغرفتي ولبسته وطلعت الحذاء وفتحت شعري بعدين صارت عيني على ميز لگيت عليه حمره ماروني أخذته وخليت منه وتصلت على سيف دگ مره ماكو بالثانيه فتح...

سيف:الووو

ميسم:هلا حُب افتح الكامره ...

سيف:ليش؟

ميسم:هسه دفتح وشوف....

اول ما فتح الكامره جان نايم بس شافني طفر...
سيف:هاي شنو بت الاوادم شمسويه...

ميسم:ها عجبك حلو؟شفته بلع ريگه وگال..

سيف:لا ميسم ماكو متلبسي ماكو...

ميسم:لا سيف عليك الله والله كومه دورت وبالشافعات يالله لگيت هذا حباب لتعترض...

سيف:ماكو گلت ماكو وهذا ضهرج هيج يطلع غير اسوي بيج سوايه مصايره...

ميسم:لا ما اخلي يطلع لان حعيف شعري مفتوح مراح يبين حباب سيف هو يوم واحد قابل يوميه عندي عرس حباب سيوفي حبيبي ادري بيك متكسر خاطري حبوبي سوسو حباب فدوه...

سيف:يي تلوگي بعد منا لباجر البس شيله اگعد ويه امي تالي عمري اصير سو سو ...

ميسم:يي حبيبي غير انت وليدي العنوني شعندي غيرك يمه من رحت فدوه لهل لعيون....

سيف:ها شو بديتي تتحارشي ومن احجي حجايه تگليلي ليش تتحارش...

ميسم:هسه حباب خلي البسه والله ماعندي بس هذا...

سيف:ابد مو هذا الي لبستي بالعقد لو لا لتلبسي ذاك بعد أتعس...

ميسم: ها حبيبي،وضليت اتوسل بي لحد ما احس للساني نشل يالله قبل بعد ما قنعته...

مشت الايام وقبل بيوم من العرس خابرتني ايلاف حتى اجي وياه بس اني رفضت بعد ما عرفت رافد رجع من السفر گلت خاف يشوفني ويتاذه ما ردت اسبب اله مشكله ويتاذه من يشوفني...

بعدين گلت اله سيف ميقبل منعني اروح هو كذب لا گتله ولا شي هي هم من سمعت سيف ما قبل ستأذنت ثاني يوم الظهر رحت للصالون اني وماما سويت شعري تسريحه بسيطه بس عفت شعري مفتوح وسويته برم واخذت من الجوانب خصل وسوت بيهم فيكه وخلت الي ورد على الجانب واحد ومكياج گلت اله أريده سموكي من خلصت ضليت اباوع على روحي يححح والله حلوه طلعت عزه لو يشوفني سيف يمكن يشوي على اذاناتي البصل همزين جنت جايبه وياي شال اسود خليت على وجهي من طلعنه بعد ما تصلت بيه ...

طلعنه اله ماما صعدت بالصدر واني وره صرت مباشرةً وخرت الشال وصارت عيني على المرايه جان هو لابس نظارات بس شافني وخرهم وباوعلي اني درت وجهي اضحك على شكله ميگدر يحجي ولا يسوي شي لان ماما گاعده بصفه وكل ساعه يباوعلي لو يعض بشفته لويغمز واني خربانه ضحك عليه...

شويه وفتح اغنيه واني ندمجت وياه واغني على كيف وسارحه بيه درت وجهي ولگيته صافن عليه واني هم صافنه گضينه الطريق كله صفنات تالي بالاخير حجت ماما...

...عمه لاحگ عليه وتشبع منه بس عينك على الطريق خاف تسوينه قدر...

اني درت وجهي وميته ضحك خرب ماما فضحتنه هو لبس نظارته وكمل الطريق حتى يباوع براحته،وصلنه للقاعه شگد جنت مطمئنه ما رحت ويه ايلاف حتى لا اشوف رافد لكن صدفة صارت سيارته مقابل سيارتنه نزلت ماما قبل لا أنزل اني گال سيف...

سيف:اذا خلصتوا اتصلي عليه اني ارجعكم وأنتِ ترحين للزفه لو لا؟

ميسم:يي اروح

سيف:تمام حتى اني اخذج ولفي نفسج زين منا زلم يله بسرعه روحي ...

ميسم:ماشي خليت الشال على وجهي ونزلت وهو نزل ورايه راح يسلم عليه وصلت قريب عليهم جنت شايله جنطه كبيره وجنطه صغيره ثاني ليش ما وگع الشال مني لان هوه عالي وصارت عيني بعينه سيف بسرعه خزرني يمه لو اني شصار بيه هو دار وجه واني فلتت بسرعه يمه دخلت واحس گلبي يدگ من الخوف دخلت جوه..

جانت ايلاف بعده مجايه يي همزين دخلت بسرعه خليت الغراض يم ماما ورحت نزعت العبايه مالتي وعدلت شكلي رحت سلمت على خاله ام سيف جانت جايه ستوه وايناس هم سلمت سلام عادي ورحت ولا هتميت اله...

سلمت على ام ايلاف وسألته شوكت تجي گالت هسه اتصلت عليه توه طلعت من الاستوديو وجاين بالطريق ...

رحت شويه گعدت يم ماما شويه ودخلت شهد وبعده اجت غنى اخت امير طالعه تجنن كُلش حلوه جانت فاتحه شعره وهاي اني اول مره اشوفه هلگد طويل كُلش جانت مسويته قريب على التسريحه مالتي سلمت عليه جانت كُلش لطيفه وتدخل الگلب بسرعه...

فتحت ام القاعه الديجي وايلاف بعده ما اجت رحت على أمه سألته لگيته مدري شبيه ومبين القلق على وجه رحت سألته...

..ها خاله شو ماكو ما خابرتي عليه؟

..والله خاله هسه خابرته مترد واني گلبي نار عليه رحت على ام امير تگول هسه اشوف دگت عليه تگول ماكو...

ميسم:هسه خاله ليضل بالج شويه...وجان نسمع ام القاعه تنادي لبسوا حيدخل العريس والعروس، اه شوفي راحت هيه تركض تريد تشوفه...

رحت اني لبست عبايه ورحت وراه اشوفه دخلت بصاله الانتضار جان دتنزع بالطرحه مالته شفته بعد گلبي طالعه تجننين وهو الي دينزعه بالطرحه وياها دارت وجه وشافتني رحت اله بوسته وباركت اله اجت المصوره حتى تنظم الدخوليه مالتهم اني طلعت من يمهم شويه ونفتحت الباب ودخلوا ثنيناتهم وفتحوا الهم اغنيه الدخوليه.....

ايلاف:نفتحت الباب ودخلنه اني وامير حاضن ايده بأيدي ونفس الخطوه نمشي اني وياه،مدا اصدگ بلي ديصير حواليه مثل الحلم واني واگفه بالبدله البيضه امير الي صُدك امير گلبي وفارس احلامي بصفي اباوع للكل حواليه كله فرحانه كله تهلهل وتصفگ النه والأغنية الي أحسه توصف شعوري بهاي اللحظه من يوم الي شفته بيه لهذا يوم وهاي اللحظه الدنمشي بيه اني ويا شعور مختلط جان توتر على فرح احس گلبي يدگ وحيطلع من مكانه...

صعدنه على الستيج وصارت الاضائه علينه متوجه بأس راسي وبعده فتحوا اغنيه رومانسيه..

صرت مقابيله سحبني من خصري وخليت أيدي على كتفه ونرگص اني وياه على الاغنيه والدخان حوالينه حسيت نفسي واگفه على غيمه...

اباوع بعيونه هذني الي اخذن گلبي لي كل ما اصفن عليهن احس نفسي بغير عالم نفس لون عيونه،گال...

امير:وأخيراً صرتي الي ومرتي

ايلاف:يي لك ولحلالك، جان يضحك...

امير:اخخخ يأبه اموت عليج احبج يمسودنت گلبي،تدرين ليش؟...

ايلاف:هههه ليش وشنو هذا الاسم الجديد؟

امير:لان محد سودن وخبل گلبي غيرج، تدرين بيوم الي صعدتي وياي بالسياره اول مره من هاي اللحظه واني خليتج بالي گلت هاي العيون الي ومتصير لغيري...جان يزمني من خصري ويشيلني ويفتر بيه صحت...

ايلاف:لا امير عززه اخاف ولك فشله وهو ولا يمه يباوعلي ويضحك وجان اشوف ميسم وغنى يصيحن ويصفگن واني اريد أضم روحي بصدره من الخجل ....

نزلني ورجعنه گعدنه بمكانه هو رغم الجو بارد بس عرگ ضل يمسح بگصته، بعدين شويه واجت المصوره اخذت شكم لقطه وهي تگله خلي ايدك هنا لو تخلي گصتك على گصته وهذا عيونه صارت بگصته من العصبيه ميحب هاي السوالف حتى بالجلسه خبل المصوره كل ساعه ياف اف بعده شويه فتحوا اغاني واجت أمه باسته واني گمت اريد اسلم عليه جان تأخذه وتروح ضليت فشلانه من الموقف...

طبعا هو ما نتبه رجعت گعدت بمكاني وهو يرگص ويه أمه واخته بعدين اجت خالته وگرايبهم كله ترگص ويا فرحانين اباوع أمه سحبت وحده من أيده ما شفته منو لابسه بدله بيضه وترگص وياه،لو اني ردت اموت من الغيره ها شنو عده ترگص وياه ضجت حيل هو يركص واني بمكاني شويه وجان تصعد غنى وتلزم ايدي وتنزلني وياهم ارگص بعدته وصرنه نرگص اني وياه وهو هم شافه فرصه بعدين گالت أمه خلي ناخذ صوره وگفنه اني وياه وهم أمه والباقين وهاي وگفت بصفي اخذنه الصوره خلصنه وما احس غير أحد داس على رجلي حيل شاغت روحي بسرعه گعدت هو شافني گعدت حجه بخوف...

امير:شبيج مرتي شكو ليش گعتي خاف تخربطتي،وصاح لغنى تجيب ماي أخذ منه وشربتي ...

ايلاف:حبيبي ماكو شي بس شويه رجلي وجعتني من الكعب ...اجه بأس راسي گدامهم كلهم جانو يباعون النه وبعده طلع...

واشتغل الردح اجت ماما لو اني ما تحملت بسرعه نزلت دموعي ما دا اصدگ رح اعوفه...

ايلاف:ماما وبجيت

..اشش امي لتبجين ليروح يخرب المكياج اسكُتي ايلاف شنو السالفة قابل وين رايحه انتِ بالعكس كون هسه أنتِ فرحانه رح تأخذين رجال يحبج ويصونج...

ايلاف:بس ماما...

..اششش لا ماما ولا شي يله مسحي دموعج يله حبيتي يله....

ايلاف:مسحت دموعي بعدين اجت ميسم والبنات عمي،نزلني نرگص كل احنه،وجانوا بيت جدو أهل ماما هم جاين بعدين شويه ورحت بدلت اجت ويايه ميسم وشهد جنت مااجره بس3بدلات البدله البيضه وحمره وبدله لون اخضر غامق كُلش ومخصره على الجسم وذيل بيه نهايته ريش مال طاووس شكله كُلش حلو
لبستهن...

مشه الوقت وصارت الجلوه ولبست البدله الحمره خلصت
صار وقت تجي الزفه لان اجت غنى وگالت يله تعالي بدلي لان حتجي الزفه رحت بدلت لبست البدله البيضه وضلينه ننتضر اجت ماما ونطتني القرآن ومرايه ضليت أقره بيهم...

غنى:جان العرس يخبل صُدك تونسنه بيه خو اني وميسم ذبينه لحم متت احس رجليه موتني من الرگص بس همزين اخذت بدله قصيره جان لونه وردي ونفش جانت حيل حلوه والتسريحه جانت قريبه على تسريحه ميسم بس اني شعري اطول من شعره كُلش هيه انزل من خصره اني لا أنزل من الورك..

أما المكياج جان بسيط لكن خبصت ام المكياج اريد الحمره حمره ماكو اله حمره اموت عليه وهيه گالت ميصير ويه لبس الي تلبسي گلته اله ما اله حمره هيه هم خلتلي شلون لو احمر قامت تجنن واني هم شفايفي مملين لي يشوفين عباله مسويه نفخ...

بعده اجه علينه ايسر اني وبنات عمي 5واني 6ودق مراحت ويانه راحت غير صالون بعد احسن خفتاً وراحه، لكن كل هذا بكوم وايناس بكوم ثاني نصدمت منه...

ما توقعته هيج لابسه بدله بيضه نفس مال العرايس ومسويه تسريحه من هاي الكبيره حتى ايلاف ما مسويه هيج مثله والمكياج الصارخ ادري شجاج هيج ميته على العرس،حتى رحت اشرب ماي وسمعت النسوان يحجن بيناتهن عليه...

..شوفي هاي ام البدله البيضه ذبت لحم أكثر من اخت العريس

..يا ولج هاي بت خالته،ولج يمكن تحبه بس من حرگت گلبه هيج تسوي...

..يي بس تردين الصراحه العروس احلى منه وتجنن وناسكه وهاي داده مثل الهبشه هههههههههههه....

.. هههههههههههه خرب ببليسج ولج سُكتي...

غنى:اني صُدك ضجت منه وبعدين من شفت ماما من خلته ترگص ويه امير وحدهم ادري بيه درت وجهي وشفت ايلاف ضايجه اني بسرعه رحت ونزلته وخليته ترگص وياهم المهم وبعده بدلت من اجت الزفه لبست جينز وقميص أبيض لونه واسود وفوگاه عبايه اسلاميه وصلت الزفه ودخل امير وبابا وأبوه واخوته وعمو وأيسر وسيف دخلوا كلهم اجه بأس راس ايلاف وباركله بابا أما اني اهلهل وگمت اگفل الهم...

غنى:ويهل قوط نزعوا القوط اموغي لبس قاطع،وهلهلت وامير يباوعلي ويضحك،جريت شهد الي تعرفت عليه... ولج شهيده بعد أغيد گفله شنو احجي بسرعه...

شهد:ههه سمعي،جبنالك ورده تشم بيه بس كون الورده تداريه
غنى:جبنالك وغده تشم بيه بس كون الوغده تداريه...

سيف:دكافي سكتي وموغرغرت بحلگي لحجاي غغه وغغه،وهم خربوا ضحك طبعا اني وسيف عادي واحد يقلد على الثاني ...

غنى:غصبن عنك عغس اخويه وبكيفي بعدين تعال انت ومنو تغوح الزفه؟

سيف:اني ومرتي ليش ؟

غنى:اني اغوح وياكم، زين واختك وامك؟

سيف:يوو وين ما اروح أنتِ وياي اريد اروح اني ومرتي تجين نغصين علينه...

غنى:يي عادي بعدين هي گالت الي مو ماسه..

ميسم:يي حباب سو سو خلي تروح ويانه،هو خزرني لان يضوج من كلمت سوسو

سيف:يله عمي امشن بس ميسم بسيطه اني الج بس خلي اشوف امي ويامن تروح ...

غنى:كله طلعت للزفه امير أخذ ايلاف وصعدت بسيارته واني وميسم ضلينه واگفين ننتضر سيف لهناك وجان اشوف حسين لو اني شرگت الحلگ من الطول لطول هو باوعلي بخزره درت وجهي جان ميسم تنتبه ،وهو هم ما طول سيف شويه واجه سألته هااا..

سيف:لا ميجن ويايه رح يرحن ويه أبويه...

غنى:يي همزين سمعتني ميسم ضحكت،والله خيه الحجي بيناتنه ابد ولا احبه لأيناس،جان يصيح سيف...

صعدت هيه بالصدر واني وره،ومشه امير قبلنه واحنه وراه شغل سيف الاغاني كله ساجده وردح واحنه نصفگ ولي ضحكنه سيف يطلع رأسه من الجامه ويصيح...

سيف:جان صاحبه وخذاه ،ورگعهم من هاي الهلهوله الزينه وامير ياشرله نعلاعلا والديك وهذا يضحك وكل ساعه وگفوا السياره ونزلوا يرگصون...

سيف:ها خوتي هااااااااا؟

..ردوا هااااااااا

سيف:وإخوته سباع والشارع يزفونه، وذولوا ردح وجايبين وياهم مزيقه وبزخ

ايسر:ها خوتي هااااااااا

..هااااااااا

ايسر:احنه اطگينه اصبعنه وحتى الحاكم وگفناه،وهذول ذبوا لحم بالاخير حتى بابا نزل وياهم شالوا امير يهوسن وياه بالاخير كلمن صعد بسيارته، اجانه سيف يلهث والعرگ يخر منا ومنا شالت ميسم كلينس تمسح اله گصته من العرگ وهو يسوق وجان نوصل للفندق نزلنه رحنه احنه ويه ايلاف وأمه اخذناه وصعدنه دخلنه للغرفه هيه شويه خايفه حاولنه نهدء بيه زفوا الولد شويه واجه امير صاح...

امير:ها يله رگصتوا واكلتوا يله بعد توكلوا الله وياكم؟

غنى:هاي شنو خويه لعد ما شبعنه منكم غيغ نشوفكم مو ايلاف؟

ايلاف:هههه هلا بيج

امير:لا هلا بيج ولا سهلا يله بره،وطلعنه كل احنه نضحك

غنى:بسيطه اموغي اني الك من طلعنه ،بعده رجعنه للسيارت...

..بعد ما رجعوا لبيت جدو وامي هم رجعت من الزفه اني ودا أمشي واسمع صوت أحد يبجي ستغربت منو وجان اسمع...

..ولج احبه مو بيدي ولو اعرف الي دا اسوي هل شي غلط بس مو بيدي ولج اني سمعته باذني هذيج المره يگول نسيته واليوم شفته بعيني شلون يباوع اله...

..ولج كافي خاف احد يسمعنه سُكتي بعدين منو يگول هو يحبج ليش تعلقين نفسج بشخص يعتبرج مثل اخته....

يتبع...
لاتنسون التصويت وتعليق ومتابعة للحساب بدربكم والانستا هم @ghe.92
دمتم برعاية الله وحفظه
غدير عبدالله