تحميل رواية «وقد كانت صدفة» PDF
بقلم غـدير عبداللّٰه
جارٍ تجهيز التحميل... برجاء الانتظار
سيظهر زر التحميل خلال 10 ثانية
جارٍ توليد الملف...
التحويل يتم بالكامل داخل متصفحك — لا يُرفع أي شيء للسيرفر.
اختر مجموعة الفصول للتحميل (كل ملف حتى 10 فصول)
عن الرواية
" " تصادفنا كثيراً من الكلمات التي نقراها في عباره مكتوبه في نهاية كل صفحه من الكتاب.! قد تُلفت الإنتباه وتأخذ الكثير من التفكير والبحث حتى تدرك معناه وتكترثُ بها الحديث وكأنك أتقنت التعايش معها وأصبحت مُلماً بها وكثير الكلام . وهكذا نصادف أشخاصاً كهذه الكلمات التي أخذت بنا مجهوداً حتى عتدنا على التفكير بهم دون ملل ولا كلل. لكن لا نعلم من اين وكيف أتت وعلقت في الأذهان كرياح عاصفه قد هبت وبعثرت كل المكان . والصدفه لوحه رسمها القدر واضعاً بها جميع الالوان.. الاحمر حباً! والاسود حزناً! والابيض يعني...
رواية وقد كانت صدفة الفصل الحادي عشر 11 - بقلم غـدير عبداللّٰه
"وقد كانت صدفة"
كنتُ أرفَض الوقَوع بالحُب ،
كنتُ استَبدله بأغنية ،
كنتُ اؤمن بَعدم وجوده ،
الىٰ أن تَعثرت بعينيك ♥️
______________________________
..وضلت بمكانهه وأبو السياره الضربهه شرد وأبو التكسي الثاني نزل يريد يشوفه واني نزلت ارگض اريد اشوفه عايشه يي اكيد عايشه ماگدر بدونه ما اگدر وصلت يمه لگيته غارگه بدمه شلت راسه خليته بحضنيي وأصيح باسمه متگعد گمت اضربه على خده ما كو گمت اصيح بعلو صوتي ايلااااااف؟!
فزيت على رنت التلفون واحس شي نايم على صدري واني اتنفس سريع وتعوذت الشيطان واخذت التلفون رافد يتصل شلته سلمته و سولفنه شويه بعدين گال ...
رافد :اگلك خويه اليوم اني ما أكدر اطلع سيف تكدر انت لان عندي شغل اليوم ؟!
امير:يي عادي حبيبي اصلا زحمناك ويانه كلش.
رافد:انت صدك تحجي يابه انتو اخوتي ماكو بينه هاي السوالف والله لو اليوم جان ماعندي شغل أخذته ورحت بس طلعت لي شغله ولازم اكمله .
امير:لا عادي حبيبي براحتك ماقصرت ،سلمت عليه ونهيت المكالمه بس بعدني احس الحلم جان واقع گمت غسلت ونزلت لگيت والدي سلمت عليه وگالي..
عصام (ابو امير):ها بويه شلون صار وضعه لابن خالتك؟
امير: والله الحمد لله احسن بس هو شويه وضعه النفسي مخربط وجاي نسويله واهس ونطلعه اني وصديقه هم الولد ماقصر .
.. الله يجازي الف خير ،زين ماكلولكم شوكت يفتحون التجبيره مالت رجله وايده ؟!
امير:هو على أساس شهر ويه العلاج الطبيعي وإذا بعده العظم مملتئم يضل نفس وضعه يعني يستمر على الجلسات العلاج،ودخلت امي وبيده صينية الجاي والكعك والكليچه .
امير:ايي والله هسه وكته صبت الجاي شربته واكلت شويه وگمت .
..ها يمه بعدك ماخلصت وين؟!
امير:لا هم يالله وراي شغل واريد اروح اشوف سيف ونروح اني ويا نطلع خطيه اونسه.
..براحتك يمه بس دير بالك من الطريق مو تسرع صارت بيه خوفه والله منكم انتو ،رحت بست راسه لا يمه لتخافين اني مو مثل ابن اختج الغافي جان تضربني على كتفي
..ولك خطيه لتحجي عليه هيج هاي بعد صارت يله روح الله وياك.
طلعت وصلت يم باب المطبخ واگفه يم الطباخ تطبخ اندومي اجيت من وراهه وضربته على راسه .
امير:أنتِ متوبين من هاي سوالفج صايره هايشه من وره الاندومي مشبعين وشنو هذا التاكلي .
..ياخي انت شلك شغل أحد گلك تعاي اكل بمكاني ليش تدخل يعني واحد جوعان شلون يعني مياكل؟
امير:لعد اندومي؟
..وشبي الاندومي ماكو اطيب منه.
..يعععع شلون لعبان نفس حش نعمت الله.
..ييي خلي نشوف التاخذك يا هيه اذا ماچانت تموت عليه وتجبغك تأكله وياه وبساعته گول ماگالت.
..نشوف يله اني اروح محتاجه شي؟
..يييي حبيبي اخويه اموغي الحلوه ماكو مث....
..ييي افتهمنه هل صبغ شنو تردين؟
..اغيد اندومي اكيد وجباسه وهاي الحبشكلات انته تعغفه(تعرفه) وها وبيتزا وبس.
امير:وبس خاف منا منا خاف ناسيه شي
..لا هاهيه
تمام رحت ركبت السياره متوجه لسيف وتذكرت الحلم هففف والله احس گلبي تصير بي نغزه من اتذكره ، من اليوم الي شفتهه بي وهي بالي ابد متفارگه حتى بأحلامي گمت احلم بيه حتى طريقي غيرته صرت أمر على المستشفى حتى بس اشوفه وارتاح لان صارت سوله من يوم الي شفت عيونه اويلي عيونه مصيبه وصلت لبيت خالتي دگيت الباب جان تفتحلي الباب ايناس ...
ايناس:يا هلا امير تفضل
امير: زاد فضلج بس گولي لسيف خلي يجي حتى نرجع من وكت لان عندي شغل
ايناس:ادخُل شبيك ماكو احد غريب .
امير :ليش وين امج ؟
ايناس:ماهيه طالعه ليش
امير :لا ما ادخل بس صيحيله
ايناس:بدلع شبيك ادخول ماكو احد بس اني وضايج اريد اتونس شو...
امير: بابا أنتِ غير نازعه المستحه فرد مره أنتِ شگد ادب سزز تدخلين احد غريب وماكو احد بالبيت وصحت بيه بسرعه صيحي يله،وهي ركضت شكد اكره ونفسي تلعب من هيج نماذج رخيصه حرامات خالتي تصير أمه لان ماكو اطيب منه حتى زوجه وسيف بس هي مادري عليمن طالعه طلع سيف يمشي على العكازه سلمت علي وصعدته بالسياره ونطلقنه نكمل المشوار ...
ايلاف
بعد مرور شهر على محاولاتي بأقناع ميسم حتى تنسى لكن بائت بالفشل اكيد لكن وجود بصيص أمل شويه ...
لان تخلصه عليه بس نوح واني صافنه عليه ومن تخلص اهدئه وبالأخير تگولي يي وهاهيه ونرجع نفس الحديث بالاخير طگت روحي حتى صرت اثگل وجهي عليه.
واسبوع اني ما احجي وياه بس لا اني اكدر ولا هيه ،اليوم اني وحدي خفر منتظره واحد منهم لوبابا لو رافد يجي عليه شويه ليوم تأخرت خابرني بابا گال ماگدر اجي ورافد اتصل جهازه مغلق فضطريت أخذ تكسي وهاي اول مره أخذ تكسي وما اعرف طلعت بره المستشفى ادور على تكسي ماكو والشارع شبه الفارغ مرت شكم تكسي بس شكلهم مو راحه يأشرلي واگوله لا ضليت فوك النص ساعه انتظر وماكو بعدين ستسلمت وگلت أي تكسي يجي اركب .
نتظرت شويه واجت سياره سوده رجف گلبي مدري ليش بس حاولت ما أبين خوفي نزل الجامه طلع دكتور ويانه اسمه ايهم گال ...
ايهم : دكتوره ايلاف شو بعدج هنا مو طلعتي قبل نص ساعة؟
ايلاف:يي مو تصلت على بابا ميگدر يجي واخويه هم دا انتظر تكسي وماكو.
ايهم:زين وهسه محد يجي عليج؟
ايلاف:لا
ايهم :لعد تعالي اني اوصلج عادي ماعندي شي
ايلاف:لا هسه اشوف تكسي واروح
ايهم:عادي اني اوصلج ماعندي شي
ايلاف:اخاف ازحمك؟
ايهم: لا يا زحمه تعالي اني اوصلج وين تلگين هسه تكسي..
ضطريت اقبل لان ماعندي غير هل الحل لان كُلش تأخرت وتلفوني خلص شحنه گتله تمام .
درت على الجهه الثانيه دا اريد افتح الباب وجان تنطبگ على إصبعي حيل صحت بألم وادور وجهي والگه امير وگف ورايه وعيونه بگصته ويباوعلي وينافخ بغضب صراحه كُلش ستغربت تصرفه جان يگول..
امير :عوفه اني أوصله!
ايهم :وانتَ منو وبصفتك شنو حتى تأخذه ؟
امير :ما لك دخل بصفتي منو انت منو حتى تأخذه ؟
ايهم :اني زميله بالشغل ،ضلو يتجادلون واني الوب من الوجع درت وجهي اريد اروح أخذ تكسي جان تنجر ايدي حسيت نخلعت من مكانه وجان امير جرني بقوه يوديني لسيارته نترت ايدي من عنده وگتله..
ايلاف :وخر ايدك اريد اروح ،رجع لزمه وكمل طريقه لسيارته بعدين شفت ايهم اجه بتجاهنه وصل سيارته وفتح باب الصدر ودفعني وطبك الباب حيل وقفل السياره ضليت اضرب بالجامع وافتح ماكو مقفوله درت وجهي اشوفه شسوه لگيتهم واحد گبال الثاني وديحجون والغضب مبين على وجوهم كُلش خفت بس لا يتضاربون ..
بعدين ماعرف امير شگال لايهم شو هذاك نصدم بعدين باوع لجهتي ورجع واني الوب هم من الوجع واريد اعرف شنو گاله بعدين اجه امير بتجاهي وفتح الباب ويصعد ولا كانو صايره هوسه كوله من ورا.
ايلاف:افتح الباب اريد انزل افتحححه ؟
امير:صمت
ايلاف:دا اگولك افتح انت متسمع ؟هم ظل ساكت ضليت ابجي يا اخي انت شتريد من عندي افتح الباب ومنو انت حتى تسوي هيج ويايه؟
امير :اولاً لدگولين اخي اني مو اخوج وثانيه ليش تصعدين وي هيج نماذج مو يوميه اخوج لو ابوج يوصلوج ليش ما اجه اليوم؟
ايلاف: بدموع بابا ميگدر يجي ورافد جهازه مغلق بعدين تعال اني ليش دا ابرر وانت منو حتى ابرر الك؟
امير : استغفر الله لا لهنا وب.... قاطعته
ايلاف:صحت نزلني لا هسه الم الناس كوله عليك نزلني اخخخ ايدي من گلت هيج هو نتبه عليه وگال..
امير :ليش شبيه ايدج ؟
ايلاف:لعد مو حضرتك طبكت الباب عليه وبجيت لان كُلش گامت تأذي هو بانت عليه ملامح الحيره ،معدتي هم گامت تخبط لان مماكله شي بس ماي وهسه ايدي كله لتمت عليه گتله بتعب وگف السياره غلس ما انتبه بس دار وجه عليه رجعت گتله
.. افتح الباب ح اتقيئ من سمعني گلت وگف السياره گال
امير : إيلاف شبيج احجي شبيج ،ضليت ااشرله بأنو ح اتقيئ وفتح الباب وهو بس فتح الباب واني راساً تقيأت ضليت فترة هو نزل راح جاب ماي واجه جانت اكو بسطيه قريبه واجه فتحلي البطل وانطانيا
امير:هاج هذا غسلي وجهج هم وشربي شويه صرتي صفره اشرتله ما اكدر ايدي ،اخذ البطل الماي وفتح اول شي غسل وجهي من لمسه حسيت جلدي گزبر ماعرف ليش دگات گلبي زادت احس كله تسمعه بعدين بعدت عنه واخذت منه البطل هو حس يبه متقيده
امير:تگدرين؟
هزيت راسي بيي كملت أخذ من عندي واني رجعت راسي على الكرسي السياره وغمضت بعد ما حسيت بشي..
في احدى الجامعات..
داامشي واراجع بالملزمه اشوف اجوبتي خاف مزفته بالامتحان اني ودامشي واسمع صديقتي مريم دصيح باسمي اول مرفعت راسي...
يتبع...
_______""""
مراحب شلونكم بارت جديد لعيونكم +لاتنسون التصويت+التعليقات ومتابعة للحساب بدربكم
دمتم برعاية الله وحفظه
غدير عبدالله 🦋
رواية وقد كانت صدفة الفصل الثاني عشر 12 - بقلم غـدير عبداللّٰه
"وقد كانت صدفة"
گـلُُّ اتجــاهٍ إلـى عَــينگـكِ يأخــُذني
من أيـنَ أعـبرُ يا گـلّ أتجاهاتي
وماانهزمتُ بجيشٍ جاءَ مُعتديا
حتـىٰ أنهزمت بعينكِ البريئاتِ:)
_________________________'
اجت حافت الكتاب عل عيني وكعن مني الجنطه والملازم واني حاطه ايديه على عيني كُلشِ ماشوف بيه واسمع هوسه بس مااگدر افتح عيوني من بين الأصوات ميزت صوت مريم وهي تگول ...
مريم:يااا خيه شبيج تعالي اگُعدي على المسطبه هنا واني كامشه أيده وهي اتساعدني لان ماشوف وعيني كلش دتدمع ماكدر افتحه اني ومغمضه اسمع صوت ولد شاب يحاجي مريم ويگُله تفضلي هاي كلينكس خلي تمسح عينه أخذته مريم منه وهي تگُلي ...
مريم:حبيبتي وخري ايدج بس خلي امسحه الج اني وخرت ايدي ومااكدر افتحه وهي بللت الكلينكس وتمسحه تنفخ عليه بعدين شويه بدت توضح عندي الرؤيه بس مغوشه بس شنو عيني كلش تحركني ودمع بديت افتح عيوني وشفت مريم وبصفه ولد شاب طويل اسمر بس مانتبهت على ملامحه كال وبصوت رجولي هادئ..
حسين :اني كُلش اعتذر واسف ومقصدي ااذيج بالغلط ضربتج واذا حابه اخذج للمستشفى عادي،راسا كتله..
...لا شكغغاً (شكراً)وكمت حتى هو ضل دي يباوع عليه متفاجئ من ردت فعلي ومريم ورايه جابت غراضي وياه رحت للحمامات وانصدم واشوف عيني شكله كلش حمره غسلته بماي بارد ومريم ورايه ادرددم واني بس اسمعه تگولي
مريم :ولج يحظي انتي غبيه شوفي عينج شصار بيه وكلج الولد اخذج للمستشفى ليش مترحين كتله
...مابين شي هسه شويه ويخف الحماغ(الحمار) منه عندج نظاغات شمسيه لان مالتي نسيتهن بالبيت طلعت نظاراته ولبستهن وعدلت شكلي وخذت أغراضي منه وطلعت.
وهي ورايه ادردم بعدين رحت للمحاضره خلصته وطلعت أنتظر ابو الخط وعيني موتتني كُلش تاذيني ودمع ومسحه وترجع تنزل واگفه باب الجامعه وخرت النظارات وامسح عيني وجان اسمع صوت واحد يصيح باسمي بالاول غلست بس بعدين كرره مره ثانيه التفتت نفس الولد الي ضربني اجه بس شنو اعيونه ابگصته وجه و نتر بيه ..
حسين :اني مو اصيح باسمج ليش متردين يابه ،هو يحجي واني منا اشلون فايره وجع مال عيني نترت بي بصوت ناصي
...وانت شكو وشتغيد مني وشعغفك باسمي ،رد بنتر مره ثانيه
حسين :اول احترمي نفسج ولتنترين وثانيه اجيت حتى اطمن عليج بس شفتج كلشِ مابيج عرج مصايبنج ،گتله
...احتغم نفسك فوك شينه گوات عينه فوك مضغبني(ضربني) جاي ينتر بحجيه دغغوح(دروح) عفته شايط ويصيح وحده بعدين اجت مريم نقذتني ضلت تحجي ويا مبين كلش عصبي بس ماسمعته شديگول اله رحت بسرعه لان اجه ابو الخط صعدت ولبست النظاره بس احس راسي حينفجر من الألم عيني مشت السياره ماعرف شوكت وصلت للبيت دخلت سلمت وصعدت محد انتبه على وضعي...وهسه احجيلكم عن نفسي...
اسمي غنى عصام يعقوب عمري 23سنه عندي لدغه بالراء دائما الكل يضحك عليه لو يگولولي مثل گولي مغ مغ (مرمر) وهواي كلمات تتضمن حرف الراء كُلش هالشي يأثر بيه بس المقابل يكول بحجت شقه هو شي مو بيد اني..
بس اخواني دائماً يشجعوني ويحاولن يقنعوني بهالشي عادي مو كل بشر كامل مكمل والكمال لله ،حاليا اني طالبه مرحله ثانية تربيه رياضيات عندي اخوان اثنين الكبير امير محامي والثاني ايسر طالب مرحله اخيره هندسه نفط وبعده اني والدي يشتغل بالداخلية برتبه معينه وامي اسمه عبير ربت منزل.
حياتنه عاديه مثل كل بيت عادي بس احنه انعزالين كل واحد عايش حياته اذا نريد ننجمع فقط على الاكل .
كل واحد ملتهي بحياته واني من الجامعة للبيت حتى اذا اضوج اروح لصديقتي مريم نطلع اني وياه نشتري ونتونس ونرجع .
مرات احسده لمريم من تسولفلي على عائلته شلون تعامله وي أهله وياه وي إخوته جنت اتمنى اهلي هيج ويايه نسولف سوه نطلع سوه ماكو تحسهم كاعدين بفندق مو عائله حتى علاقتنه وي عمامي أهل بابا يادوب نشوفهم بالاعياد والمناسبات وحتى اولاد عمامي اذا اشوفهم بالشارع ماعرفهم لان اهلي اذا يردون يرحولهم بس ماما وبابا يرحون .
گعدت من النوم وأحس عيني حتنفجر احس نار تشتعل بيه رحت الحمام اريد اغسل ماكدر ومنا اني راسي يوجعني ومعدتي هم لان مماكله من الريوك نزلت واني داسند نفسي على لمحجر الدرج نزلت متوجه للمطبخ صارت مقابيلي امي رادت تحجي انصدمت من منظر عيني كالت ...
عبير(ام غنى):امي شبيج هاي شبيه عينج شصاير بيه؟
غنيى:ماما حموت عيني موتتني كلش دتاذيني فدوه ماعدج فد حبابه فد شي حتى معدتي دتاذيني كمت ابجي بسبب الوجع اخذتني من ايدي مبين القلق والتوتر عليه كالت ..
عبير :هسه اسويلج اكل واشولفلج فد حبايه مهدء وذا مصارت زينه ناخذج المستشفى
.. كتله يله بس بسغعه (بسرعه)راحت للمطبخ حتى تسويلي اكل واني تمددت عل التخم لان ماكدر افتحه عيني من الألم وبس دمع شوي واجت جايبه صيني الاكل أكلت شويه واخذته وجابتلي حبايه مهدئ أخذته حتى تهدء شو هاي زادت ما نقصت بحيث من الألم كمت ابجي امي من شافتني بهاي الحال بعد متعرف شنو تسوي تروح منا وتجي منا گالت
..ح اخبار ايسر بلكي يرد خابرت ايسر همزين كال اني جاي بالطريق واني گاعده على نار شويه واجه اول مشاف عيني أنصدم سال امي ..
ايسر :ماما شبيه عين غنى امي، سولفتله على حالتي طبعن هي متدري عن السبب بس سولفتله بأن نزلت وتشكيله من عينه بعدين التفتلي وكال
ايسر:زين شلون صار هيج ؟
غنى:هااءءجنت بالسياره ومرينه على بيت دا ينبني واني فاتح الجامه ودخل بيه تراب وحكيته حرگتني بعدين هيج شويه وهدئة ومن گعدت لگيته هيج متحسسه.
ايسر :تمام هسه روحي بداية خلي احجز يم ابو صديق دكتور ونشوف .
گمت على السريع لبست عبايه اسلاميه وشال وامي هم راحت ويايه وصلنه للعياده گعدنه شويه علما اجه سرانه نادو باسمي ودخلنه للدكتور سلم عليه ايسر لان يعرفه وشرحله وضعي بعدين گالي تعالي على هذا الكرسي گمت فحصه ماعرف شسوه شنو يكولي انفذ بعدين رجع المكانه وكال ...
.. طبعا عينج كُلش ملتهبه بس مو من أثر تراب لا لان اذا دخلله من حدمع رح يطلع بس عينج احتمال مضروبه بشي قوي مما مأثر عليه وهسه حكتبلج على قطرات وعصاره ،وضل يشرحلي شلون استخدمهم خلصنه سلم عليه ايسر طلعته بره وراح ايسر يجب الادويه من الصيدله بعده رجعنه للبيت.
اول ماوصلنه رأساً سويت كل الي گال عليه الدكتور ونمت ما گعدت اله لليل الساعه بحدود ال9 ياله نزلت جان يصير بوجهي امير وينصدم من منظري ...
...دا امشي وبراسي الف فكره وفكره واسولف وي نفسي ياربي ادري شلون أحلهه هسه اله اروح ماكو بس ايلاف تگدر تقنعه يي بس خاف تطبگ وياه افففف حخابره شيصير خلي يصير اتصلت ماكو مره ثانيه هم ماكو يا هاي وينهه خاف نايمه.
رحت اكمل شغلي افتر منا واروح منا لتهيت عن السالفه تقريباً خلص الوقت حتى ارجع للبيت وصلت يم السياره اريد اركب جان يدگ التلفون رفعته وايلاف تتصل دخلت السياره وحركته وگتله...
ميسم :يا هله بعد وكت خيه لو راجعه مكمله النومه مو احسن
ايلاف:هلا بيج ولج ستوني خليته على الشحن اجن الاشعارات وهاي خابرتج
ميسم: شعجب اول تالي تخلي بدون شحن؟
ايلاف:سگتي داده اليوم شصار بيه وسلفتله....
ميسم :عزززه گولي والله مرتين
ايلاف: والله شبيج
ميسم :بعد مره
ايلاف:يا ولج والله شبيج؟
ميسم:وصحت ياااااااااي ولج نفس المسلسلات التركيه يتعاركون عليج ثنين وبعدي....
ايلاف:يمخبله شبيج انتِ اگله طبك الباب عل ايدي موتتني وهاي دكلي يتعاركون عليج ثنين انتِ مو صاحيه
ميسم :هسه خليج، يي وجابلج علاج شوفي دوري بي خاف حاطلج شغله رقم ورقه اعتذار فد شي..
ايلاف:يااا هاي شبيه صدُك تحجين
ميسم:يي والله شبيج
ايلاف:دروح بابا حتى شامرته مدري وين ،هسه گليلي ليش خابرتي
مسيم:يي همزين ذكرتيني شوفي حگلج على شغله بس كون تسويه مو ادگين بيه الناقصه
ايلاف:هسه غير افتهم شنو هيه الشغله؟
ميسم:شوفي خالتي عزمت ماما على العقد مال ماهر واني ما اريد اروح وماما مصره اله اروح واني تدرين بيه ما اگدر فا اريدج تقنعيه بأن ماريد اروح ها شگلتي
ايلاف:اممممم
ميسم :هاااا شو سكتي؟
ايلاف: والله تردين الصراحه اني اوافق امج الرأي بانو ترحين وتحاولين تجبرين گلبج انو هو صار لغيرج وبعد ما الج أي وجود بحياته
ميسم:داده ما اگدر شلون يعني هسه گولي اني تقبلت فكرت اروح بس من اوصل واشوفه صارت صدُك اني اگولج محسيطر على روحي اني ادري بنفسي مو گده.
ايلاف:لا حاولي تجبرين نفسج من حتشوفي هو مو الج وحيگعد وي غيرج حتكرهي حاوي تنسي، ميسم شوفي هو كمل حياته وحيستقر وأنتِ بعدج متعلقه بأمل
ميسم : والله مادري شأكول اجرب افكر واحاول احسن الأمور وي نفسي واشوف
ايلاف:زين هو شوكت العقد؟
ميسم:يوم الخميس
ايلاف: زين اذا تردين اني اجيج شويه نشوف شتلبسين ونسوي بروڤه هم
ميسم:ياااا صدُك؟
ايلاف:يي والله لعد شعندي
ميسم:بعد عمري
ايلاف:يله خيه اترخص اني اروح اكمل شغل لان بعد ورايه دوام سلمت عليه وغلقته بس ضلت شغله بالي گمت ركض على الجنطه اطلع منه علاگ العلاج الي جابه وادور بيه والگه بيه صدُك ورقه صغيره مطبوگه،وافتحه والگه بيه رقم وكاتب مره ثانيه اذا احد ما اجه عليج اتصلي بيه تمام وهذا رقمي.
وجان تدخل عليه ماما راساةً ضميته الورقه بالجنطه
شيماء:ها ماما گعتي يله گومي اكلي ما طول الاكل بعده حار احنه خلصنه.
ايلاف:تمام صدُك ماما شنو اليوم ما عندج دوام؟
شيماء:لا اخذت اجازه لان عدنه شغله اني وابوج نگضيه ونرجع
ايلاف : تمام گمت غسلت ونزلت جوه بالمطبخ احب
گعدت المطبخ اكل بي بعدين تذكرت صحت ماماااااا
شيماء:هااااا
ايلاف:اكلج رافد اجه من الدوام؟
شيماء :يي بغرفته نايم بس ليش؟
ايلاف:يي حتى يوصلني لدوام لان انتو هسه يمكن حطلعون مو؟
شيماء:يي
ايلاف:أهااا شفتي، كملت رحت صعدت الباب دگيت الباب سمحلي بالدخول گتله گال ميخالف رحت للحمام غسلت بدلت وخلصت شغلي بين ما كمل گال يله أمشي گبل لنطلع لگيت آدم گاعد بالصاله
ايلاف:ادومي حبيبي اذا طلعت جيبلي حبشكلات وهم شي الاندومي تمام
آدم :ليش داده شايفتني البنگ المركزي مثلا
ايلاف:شبيك هي تلاثه آلاف قابل نمونه
آدم :اني شاب فقير ماعندي...
رافد :يووووه دعوفي اني اجيبلج بس اذا مديت ايدك اكسره الك والله
ايلاف:بعد روحي بست خده هوه تلعب نفس اذا واحد باسه هههه مسح خده واني اضحك علييي مشه اليوم نفس الروتين والبعد هم إلى أن اجه يوم العقد يوم ....
امير
رجعت اليوم من وكت للبيت لان جانت عندي قضية طلاق وتأجلت على تاريخ كذا اني وراجع مريت على شارع المستشفى وجان اشوفه تريد تصعد ويا واحد اني بس شفته تريد تصعد لو حسيت تيزاب ونذب عليه بعد ماشوف دربي دست بريك ونزلت جان تريد تفتح الباب هم يا باب باب الگدام رأساً سديت الباب وهي فزه وهي جره جريته لسياره مالتي وهيه تصيح بس على كيف نزل ذاك الشفيه على أساس الي يريد يوصله جان يگول..
..انت منو
امير :انتَ منو ،ضل يمسلت على انة هو زميلهه وجان تفلت ايدي تريد تروح تكسي وهم لزمت أيده وجريته للسياره بس هالمرة أخذته وسديت الباب وقفلته ورحت اله لان اجه ورايه
ضل يحجي حجي ماصخ واني شلون فاير بس انصدم من گتله صاحبتي وبعد سبوعين الخطبه ضل يمتمت ميعرف شيگول بعدين باوعله گتله عينك لا افگسه وهو راح وجر بذيال الخيبه صدُك ضحكني اجه يهد ويفلت ومن گتله رجع منصدم.
رجعت للسياره ولگيته لازمه ايده ومبرطمه بس ما تبين على روحه ضلت تلح عل انو انزله بعدين گامت تبجي صدُك قهرتني بس مادرت بال اله لان ضوجتني شلون تصعد ويا هيج نماذج اخوه وين عنه ،بس عذرته من كالت انو ابوه عند شغل واخوه ميجاوب بس من زادت بجي وگالت ايدي گتله شبيج جان تگول..
ايلاف :لعد مو انت حظرتك طبكت على أيدي الباب.
وزادت بجي واني عبالي خترعت حرت شلون بيه اني وتسرعي ضلت تبجي بعدين سكتت وگالت..
.. وكف السياره حتقيئ وگفت السياره گتله شبيج جانت تاشرلي بانو حتتقيئ اني بس فتحت السياره وستفرغت نزلت رحت جبت ماي اله اجيت گتله تفضلي جان تهز أيده بانو متگدر فتحت البطل ومديت ايدي على وجه حست قشعر جلده من لمستي لخشنه لبشرته،بعدت عني متقيده وكملت..
.. اني اكمل ،أخذته من عندي غسلت وشربت شويه ورجعت رأسه للكرسي وسنحت واني اخذته غسلت وسديت الباب ورجعت لمكاني ومشيت مريت على صيدله جبت اله علاج لايده وصلته للبيت وهاي كله وهي نايمه مبينه تعبانه وصلته لبيته درت وجهي اله لگيته نايم ورأسه ساندته على الكرسي صفح يعني وجه إليه .
ركزت هلمره أكثر عليله واني أتأمل ملامحه الصافيه حسيته مرسومه باليد فنان العين مجروره الشفايف الكبيره بس مناسبات شكل وجه خدوده المحمره اثر التعب ،بعدين حسيت على نفسي وحاولت اصحيه ..
امير : ايلاف ايلاف گعدي وصلنه هي فزت بسررعه شو شنو عده وبسرعه فتحي الباب قبل متنزل گتله شبيج بويه لتوگعين اوگفي..
ايلاف: ليييش شنو تريد؟
...هاج هاي العلاگه
.. مال شنو شااسوي بيه؟
...هاي علاج لايدج اخذي اخاف تحتاجين
..ماريد شكراً
...دا اكولج أخذي ولتعانديني
..شنو انت بكيفك يا اخي ماريد من عندك ماريد
...دخيل محمد شگد تصرفين بكلمت اخي بويه ما أحبه لهاي لكلمه مااحبههه
..لعد شأكول؟
...گولي امير
.. بعصبيةتمام امير شكرا على التوصيله والعلاج وزحمتك ،وجان تطبك الباب حيل وتروح ، ضحكت على عصبيته والله حركاته طفوليه ههههه آه يا گلبي...
__________________
يتبع ...
بارت طويل لعيونكم لاتنسون التصويت+التعليقات ومتابعة للحساب بدربكم ❤️
دمتم برعاية الله وحفظه.
غدير عبدالله
رواية وقد كانت صدفة الفصل الثالث عشر 13 - بقلم غـدير عبداللّٰه
"وقد كانت صدفة"
"أُحب بساطتك أمام تعقيدي.. أحب كيف تدهشني بشرح الأمور المربكة بيننا بسلاسة وابتسامة وكأنك تحكي قصة لطفل في حين أراها غامضة ومُتشابكة".
_________________
بعد معاناة شهرين حرفياً ما اعرف شلون خلصاً يعني من صدُك حسيت نفسي عاجز من وراه لان ما اگدر أمشي اله عكازه او واحد يساعدني يالله اگدر أمشي.
واليوم رايح للمستشفى حتى أواخر التجبيره اتصل عليه امير نروح اني ويا للمستشفى ، ما اعرف شلون اجازي هو ورافد لي وگفولي وگفه الاخ .
اتصل عليه طلعتله واني امشي على العكازه نزل سلمت عليه وحاول يساعدني وصعدت ورحنه متوجهين للمستشفى هذا الحجي الصبح ساعه تقريباً بال9 كتله ..
..خويه مر على مطعم خل ناكل فدشي لان ممتريگ هو، هم ماگال شي رحنه دخلنه للمطعم نزل نزلو النه الريوك خلصنه صاح امير النادل حتى يشوف الحساب سحب محفظته كتله
سيف:ها خوي لا تدفع اني ادفع..
امير :دسكت خويه بكيفك هو .
سيف: يي بكيفي امير احلفك بالله لتدفع اني ادفع شنو هم انت توديني وهم لي تدفع ماكو!
امير:يابه اني.. قاطعني، يابه عدل بدل ماكو قفل بعد
سيف:ماكو خويه اني ادفع ادري شنو بتليتوا بيه..
امير:ها هيه براحتك.
سيف :دفعت اني الحساب وگمنه ورحنه متوجهين للمستشفى وصلنه اول ما دخلت طلعت دكتوره بصفي صارت .
هاي اني شايفه بس ما اعرف وين بس ملامح سبحان الله كأنه نور اوف يا لچمت گلبي، بعد فتره طويله عريضه جيب شغله منا جيب باص منا ييييه وين يالله دخلت فتحوا رجلي وأيدي هم واخذوله اشعه حتى يتأكدون بانو الكسر ملتئم حاول هواي يحركه ماعرف بعد شسووا اله بس الحمد لله موجعتني گال الدكتور بس نشوف الاشعه حتى نتأكد بانو ملتئم وهاهيه حتى تضل على الجلسات بس طلعت بره حتى ننتظر الاشعه لان تلعب نفسي من المستشفى اكره كره أحسه كله وصاخه.
كعدنه بره وامير گال اروح اشتري جگاير واجي وصادف موقف گدامي ماعرف شصار بيه من شفتن مادري يمكن مو نفس الي صار وياي بس هيج شعور نفس الي جنت داعاني من فتره يمكن اكثر فتره عشته بيه دمار نفسي وعقلي وحتى وضعي هسه من وراه ،اباوع عليه وهيه تحجي ويه وحده ثانيه هي نفسها الدكتوره الي شفته من دخلت شكله مو غريب بس مجاي تساعدني ذاكرتي ويننن...
ميسم
..هلا خاله شلونج اليوم هنا شعجب ،خير ان شاء الله ماكو شي؟
... اهلا بيج حبيبتي لا ماكو شي أن شاء الله خير جاين والله نحلل؟
ميسم:باستغراب وابتسامه خفيفه، المنو؟
...لفاطمه وماهر علمود عقد المحكمه!
ميسم :نصدمت وضليت امتمت هاااءء يي عل الخير بس مو كانوا مستعجلين شويه ،ما اعرف شلون طلع مني هل كلمات؟
...يي والله حتى اني كتله امي شلون غير نجهز العروس گال هن شنو كلهن شكم لبسه تأخذهم مناك لان مستعجل يريد يتزوج ويسافر الألمانيا حتى يأخذ الاقامه.
ميسم:هااا الله يسهل عليهم، اجو هو والمسعده واحد لازم ايد الثاني سلم عليه رديت
ميسم:اهلا وسهلا مبروك بس مطالعه من كل گلبي بيه هواي جروح تنزف بسببه..
ماهر :بتسم الله يبارك بيج يوم الالج
ميسم:حاولت اجمع بعض من شتاتي المكسور وگتله، يي أن شاء الله يله عن اذنكم اروح اكمل شغلي راحو هم واني ما أعرف اضحك ابجي على كلامه ههه يوم الالج هو انت خليت الي يوم حلو بعد.
حاولت استنشق هوا لان حرفياً بعد طاقه صبر ماعندي، يي لازم اگول اله هي لازم اخابره اذا ما احجي ما اقوم بعد دكيت عليه سألتني وين أنتِ گتله تعالي للحديقة بره يي ونهيته اجت..
ايلاف:شبيج ولج شكو خوفتيني شبي صوتج يرجف؟
ميسم : ايلاف ولج ايلاف اجه وحيعقدون محكمه هسه اجه يردون يحللون ولج يريد يأخذه ويروح يسافر لعد اني شنو يصير بيه ليش هيج اني، ليش علقني هيج بي وراح هااااا؟
ايلاف:اهدي أخذي نفس اهدي بس فهميني شنو رح يروح شنو حيسافر فهميني منو؟
ميسم: داده ماهر وسولفتله بس گوه لازمه دمعتي والعبر خانگتني
ايلاف :يي وإذا خلي يروح الله ومحمد وعلي وياه أنتِ شكو شنو ميسم هم رجعنه تره ميصر هيج والله گمت اضوج كل ما گعدنه وجبتي طاريه داده انسي بعد راح ماهر مشه شاف حياته او انتِ بعدج متعلقه بأمل بيه.
ولج انسي صح اني وياج الأحب الاول مينسي بس لازم الحياة تمشي شفتِ احد مات وره أحد لا، انسي تره الدنيا مواگفه بس عليه كافي يا اختي كافي ياحبيبتي والله مو حب هذا وانما اعجاب وهذا حب مراهقه مو حب عادي لو حب من صدُك جان حسيتي هذا واشرت على گلبه بس مجرد ينذكر الاسم ينبض ، اني عندي حل والو اليوم عندي كومت شغل بس ميخالف يهون لجلج يا عمري أنتِ من نطلع اكولج...
ميسم :وين؟
ايلاف : بعدين اگولج من نطلع من الدوام .
ميسم : دگولي يجوز ما اروح لان نفسيتي كُلش تعبانه .
ايلاف:لا هسه بس تعرفي صدُك ترتاح نفسيتج.
ميسم: تمام،حاولت اقتنع بكلامه وضل هواي يتردد براسي ،راحت واني درت وجهي وشفت ...
غنى
وبعد ما استمريت على العلاج الحمدلله بدت تطيب عيني وبده الحمار يروح أما الدوام داومت عادي والي عرفته من مريم بانوا مخابره حسين وگايلتله على وضعي وگال اله بانوا يگدر يوديه لطبيب احسن ويدفع التكاليف گتله..
.. خلي تگوله لا ميحتاج والحمدلله ورحت لاحسن دكتور تره اني مطمعانه بفلوسه طبعاً مريم هيه المراسل مالتنه مخابرته وكال اله براحته واي شي يصير اني اتحمله گتله عليه عيفي بعد لاتگوليله هاهيه وهي هم بعد ابد مخابرته يعني وصلتله رسالتي من بعد مخابتره صادف شكم مره اشوفه وتصير عينه بعيني وادور وجهي وامشي .
..مر شهر وخلصنه امتحانات الكورس الاول قرر القسم مالتنه يرحون سفره بعد ما رحنه لرئيس القسم وقبل وكال احتمال اكو هم شكم قسم غير قسمنه يروح بس ما حدد منو احنه هم ما دققنه بهل شي وأخيراً حنطلع سفره حددنه يوم نطلع بي وكل وحده هم شنو تجيب اكل وياه اني خلو عليه اجيب المشروبات الغازية والعصائر وذنني السوالف وكل واحد حيجيب شغله شكل.
مريم گالت اجيب دولمه جدرين ثنين لان اني ضايگته كُلش طيبه حامضه ولاجعه اححح اجه هذا اليوم الي كله منتضرته ...
جنت محضره الملابس من اليل گعدت الصبح وكلي نشاط غسلت ولبست ملابسي جانت متكونه من كيلوت اسود وقميص لون اوف وايت قصير مو كُلش طويل عبيته تحت الكيلوت وفوگاه ستره رسميه وشال لون وردي نيود (وردي وصخ) ومكياج ماخليته كُلش هواي لان ما أحبه خفيف كُلش طبعاً اني لبسي كوله عريض مااحب الي مگصف لو ضيق لان حرام واحسه مو مريح واغلب يكون يا تنورات أو عبايه إسلامية أو كيلوت عريض .
مرات اشوف البنات يعني لبس كُلش اوڤر وماله داعي تحاجيه والله حريه شخصيه فا احاول أتجنب الكلام ومتجيني حجايه تايه ماطول محترمه نفسي وماشيه عدل هاهيه بس هالمره طاح حضي بيه مو سفره طلعت نقمه عليه.
بدلت وكُلشِ تمام اجا السايق ساعدني يشيل الاغراض لان كول صناديگ اخذته وتوجهت للجامعه كانت بعده الباصات ستوه دتجي والطلاب هم بعدهم نزلت الاغراض وخليتهم ويه الباقين لگيت مريم تنگل بجدورته وشكله كُلش يضحك گتله..
غنى:هههههه هاي شبيج غح توكعين ولج
مريم:يي ضحكي زين تعالي ساعديني وهاج هذ الجدر أخذي.
غنى :أخذته وخليته ويه الباقين ومرت تقريبا ساعة وكالوا يله نروح طبعا الولد خطيه هم الي نقلوهن واحنه صعدنه متوجهين للرحله كانت على أساس لمدينة الالعاب بس بعدين گالو نروح المنتزه احنه قبلنه بس كون نطلع هي اهم شي الونسه وصلنه وجان الجو كُلش حلو فحتريت ونزعت الستره وكلت من انزل البسه كان القميص مو كُلش خفيف بس شويه گصيف ليش ما نزلت ونسيته الستره بالسياره من وره الخبصه الصارت وتعالو نزلو الاغراض وجيبو ردو انتبهت على نفسي والستره نسيته عزززز واگول الولد شبيه تباوع عليه رحت المريم ضلت ترزل بيه بالثوله ويالفاهيه وأنتِ متنتبهين أكلت گلبي گتله...
.. زين حروح للحمامات انزل الشال شويه شو شنو اسوي زين ما عندج ستره هاي ..
مريم :لا والله ماجايبه وهي الستره الي لابسته شوفي جواه نص ردن وراوتني
.. يي والله صدُك،رحت للحمامات وجانت بعيده عن قسمنه شويه واحس واحد يمشي ورايه سرعت بخطواتي ودخلت للحمامات وگلبي يدك طبل من الخوف حاولت انزل الشال اجيبه منا وارده منا هاااه شوي احسن من قبل وطلعت منه مشيت مساف شويه واحد يلزم ايدي لو يبس الدم بعروگي وكانت الحمامات شويه بعيد والمكان الاني بي فارغ حتى اذا ردت أصيح ميسمعوني وكله أشجار، درت وجهي واشوف ثنين ستغفرالله منهم شكلهم ابد مو راحه يمه بعد مااعرف شاسوي صكيت بمكاني جان واحد منهم يگول..
ايلاف
ننصدم بالمنظر الي صدُك يقشعر البدن وخلانه كل احنه
عمه وهي حاضنه بيبي وتبوس بيديه وجهه وتبجي وبيبي هم وثنينهم يبجون حتى نزلت رجله تريد تبوسه بس بيبي مخلته من كثرت الاشتياق لان صار اله 7سنين هيه مشايفته بعدين خلصت وراحت سلمت على جدو وبعده عمامي والبقيه وجان جاي وياه ولده وزوجه هم دخلت للبيت كعدت شويه تستراح بين ميجهز الريوك.
والي عرفته طلعت متفقه وي جدو وبيبي وگايلين لعمو احمد هو الي جايبهم من المطار حتى يسولنه مفاجاه طبعاً احلى مفاجاه لان صار هوايه مشايفيه وكُلش نحبه طبعا اني عكس الناس احب أهل بابا أكثر من أهل ماما لأن أهل ماما بعاد ومنروحلهم هواي مو مثل أهل بابا لا كُلش حلوه لمتهم وناسه .
طبعاً هذا الحجي وهم بالاستقبال فرشنه السفره بالصاله لان اكبر وتكفينه ونقلنه الاكل واحنه هم مشفناه لان بس سلمنه عليه ورحنه نجهز الريوك خلصنه نقل وصحنالهم حتى يجون اجو كلهم لتموا واحنه الصراحه نخجل من زوجه رغم هو الرجل كُلش حباب وفري يعنني يتشاقه ويسولف بس احنه نستحي .
اما ولده هي عده بس3 الكبير مهيمن والثاني ياسر والصغير فهد طبعا فهد شخصية مثل آدم هيج بسرعه يندمج ويسولف ويضحك وياسر هم هادء ويضحك أما مهيمن لا هذا عكسهم شخصية شويه صعبه وحاد الطبع يعني نفس شخصية رافد اصلا هم جانو اصدقاء الطفوله ف من گعدنه صار هو مقابيلي كل ما ارفع عيني الگا يباوعلي واني ادنگ كُلش استحي..
صراحه من جنت صغيره كُلش معجبه بي ما اعرف هيج من وراه اهتمامه لان من جنه صغار دائما يختارني اني ويا فريق وحتى من يشتريلي لازم الي هم يجيب والفرق الي بيناتنه مثلي اني ورافد لان هو هم بعمره بس من صرنه مراهقين وصرت البس من عنده حجاب لا أختلف واحنه هم نتقلنه لغير بيت وهم جانوا بعد شكم بيت عن بيت جدو فجان دائما يجي لبيت جدو ومن نتقلنه صرنه قله نروحلهم بعده سافروا هو وأهله وبعد ماجتمعنه صدف اله اليوم وهيه جيتهم.
خلصنه ولمينه المواعين الريوگ ودخلنه للمطبخ طبعا ننزع الاحجبه ونسد الباب ونضل نشتغل احنه ودنشتغل ودخلت علينه عمه وتتنقل من وحده لوحده وتصلي عل محمد وآل محمد وتقره المعوذات وتگول..
لمى(عمت ايلاف):ما شاء الله عرايس صايرات وين جنتاً كولجن صغار وهسه ما شاء الله عيني بارده عليجن ، واحنه ضحكننه .
ايلاف:وأنتِ عمه تخبلين جنج اجنبيه، صدُك هيه تخبل جسمه الرشيق وشعره الگصه مالته فرنسه تخبل ضلينه نسولف ونضحك بعدين گناله روحي رتاحي ..
..گالت لا وشعندي خلي اشبع من عدكم شوف وگعدت تسولفنه على حياتهم هناك واحنه نشتغل خلصنه طبخ والولد هم الي سوو السمج شوي وسوينه ويا تمن احمر ودجاج وتمن وتاجينه وزلايط والعصائر وووو كومت شغلات صار وكت الظهر وكله هبت تصلي بقيت بس اني لان جان ماعندي صلاة ضليت احضر بالغراض والسفره والمواعين دخل مهيمن وسلم ..
مهيمن :يي شلونج ايلوفه؟
ايلاف : ضحكت حيل بعدك تتذكره والله ناسيته
مهيمن :شلون أنساه وجانت احله ذكره بينه
ايلاف:يي والله كُلش حلوه هذيج الايام كون ترجع وضلينه نسولف نتذكر ايام قبل، طبعا هذا الاسم من جنه نلعب جان يگولي اسمج صعب ما اعرف اگوله كتله...
ايلاف:لا لزم تگوله لعد شلون تناديني اذا صار هجوم جنه نلعب بالمسدسات كل احنه يعني اخوتي ولد عمي والبنات بيت جدو...
مهيمن:لعد حسميج أيلوفه سهل .
ايلاف:يي حلو ايلوفه يله نلعب قبل ميلگونه...
اجو البنات وصرنه ننقل الاكل طبعا هذا اليوم عباره عن ودوا المواعين ورجعوا المواعين وجيبوا الجاي ودوا الجاي يمه خلصنه واحس ضهري نقسم نصين من الشغل واني مناك مابيه حيل من وره الدوام ولازم أنام الظهر بعد ما كله طشت بمكان رحت لغرفت بيبي اريد انام لگيته مفتوحه شويه واسمع عمه وبيبي يسولفن تگول اله...
لمى: يي يمه اريد رفل لياسر كُلش عجبتني .
بيبي :لعد ليش متزوجين مهيمن مو الكبير هو؟..
لمى:يمه هذا رأسه يابس وميقبل هسه يزوج يگول بعدني من هسه تكربسون مره براسي اريد اشوف حياتي.
بيبي: ليش متاخذين ايلاف دكتوره وحلوه مو احسن من رفل بعده تريد تكمل.
لمى:يمه ايلاف عود كلت لمهيمن بالكي يقتنع بيه لان هو شو جنه هاويه لان شفته عينه عليه هسه كولي شنو رايج أحاجي ابوه رفل واطلبه الياسر
وجان اسمع شي ينكسر ادور وجهي والگه....
_____________________
يتبع..
شلونكم قايز احوالكم ها شلونه البارت واريد توقعاتكم
والاتنسون التصويت+تعليق متابعه لحسابي بدربكم ❤️
ودمتم برعاية الله وحفظه
غدير عبدالله.
رواية وقد كانت صدفة الفصل الرابع عشر 14 - بقلم غـدير عبداللّٰه
"وقد كانت صدفة"
محتار بـ أحلامي البقن
شو مارضن يتحققن ؟
مثل اليشوف أبنة البچر
كبران بَس ما يمشي !
ما عندي ڪل شي بي بخت
ويردون آرضى بكلشي ..
________________________
غنى
..وين يا حلو جنك مستعجل يواش يواش علينه !
غنى:ءءءهاا شنوووو تريد خلي اروح واني احاول أفلت ايدي منه وضليت احجي ويا بس أريده يهد ايدي ماكو .
...رد الخ لا وين ترحين اليوم عازميج على حسابنه وغمز لصاحبه وذاك ضحكله واني لو تخبلت بعد ما اعرف شسوي گمت اصيح اجه الثاني خله أيده على حلگي عضيته وعطت وهو وخر أيده واجه الاول خله ايدي ويحاول يجرني واني ارفس وابجي واتوسل وهو ولا يمه بس يغلط ويفشر إلى أن سمعت صوت ولد گلت يي اجه الفرج منك ربي جان يگوله ..
حسين :وخر عنه يا ادب سزز ولك انتو متستحون تستقون على مره، درت وجهي واشوف حسين عزززه هذا شجابه بس شنو مو حسين نگلب واحد ثاني.
..رد يي وانت شلونك عاد تخرخر من الرجوله ومسوي نفسك مراد علم دار وانت منو ؟
حسين:مراد علم دار مو خلي اراويك الرجوله شتسوي هسه ،هم بس سمعو هيج لو واحد باوع لثاني دفعني وين بالگاع وكام يتعاركون واني لو متتت اول مره اشوف عركه رياجيل هيج صارت مذابح حسين شبعهم كتل واني على نفس مكاني ما تحركت وبس ارجف وابجي لان صار ويايه مو شويه بعدين راحو شردوا واني على نفس مكاني وارجف اجه عليه واني خفت رجعت لي وره هوگال ...
حسين :على كيفج اهدء ما اسويلج شي بس هاج هاي ونزع سترته ونطانياه جانت ستره كابوي گال اخذيه لبيسه ما أخذته بعدين گال...
حسين: شبيج اخذيه لبسيه ما اسويلج شي عمي حقهم يتحارشون اذا ستغفر ربي مديت ايدي ترجف وخذته مدلي أيده حتى اگوم عفته وگمت...
غنى: گتله عليك الله لتسوي شي ودموعي تنزل بصمت رد
حسين: والله ما اسوي شي روحي عيوني للحمام واني انتضرج
غنى:بس مو تعوفني حباب وشهگت
حسين :بويه والله انتضرج بس لتبجين روحي وهاي هنانه انتضرج
غنى: تمام ،رحت للحمامات غسلت وجهي وختلطت دموعي وي الماي ضليت فتره الشهگه ملازمتني واني كُلش خوافه وخاصة بهيج مواقف حاولت أرتب شوي شكلي بس يا شكل من الهبطه الاكلته ولبست الستره وجانت شويه عريضه عليه ميخالف بس كون تخلص هاي الطلعه الگشره خلصت وطلعت لگيته مموجود لزمت گلبي وجاي اگول حسي...ويفززني من وره
حسين:هاي شبيج على كيفج گلبج ليوكف اليوم هواي كلتي هبطات يله أمشي
مشينه وهو يمشي قبلي وكل ساعه يدو وجهه ويباوعلي إلى ان وصلت يم الكروب وجان اشوف مريم واجي احضنه وهي مستغربه جانت تگول...
مريم:شكو شبي وجهج ينطي الوان شكو وهاي مال منو واشرت على الستره؟
غنى:سوكتِ بس نطيني ماي گلبي حيوگف نطتني ماي شويه گعدت تذكرت وين راح درت وجهي ما لگيته وين راح ياااا سألت مريم ...
..اگولج شفت حسين هنا
مريم:يي هو ليوم القسم مالتهم هم عدهم سفره مسعتي رئيس قسمنه من گال وياكم اقسام هم تروح هسه يله سولفيلي شبيج وجهج اصفر وترجفين شكو ولج خوفتيني؟!
غنى:سوكتِ داده لتذكرين غير أكلت هبطه شكبغه وگتله الي صار وجان تشهگ على كيف وتضرب خده .
مريم:عزه بعينج يمعزيه ما انتضرتيني اجي وياج هسه عوفج مني ما شلتي حجاره فد شي من لزمج ما ضربتي بمكان شسمه شردي شو شنو سوي بس لسانج شطوله يمي
..ولج دسوكت غير اني بس لزم ايدي بعد ما اعغف شنو اسوي تخغدلت بمكاني بعد اريد انطق ما اگدغ ،وضلت ساعه ترزل وساعه تواسيني إلى أن صاحو النه حتى ناكل أكلنه وخلصنه واني صح اضحك بس بعده الخوفه بيه وكل ساعه أتلفت خاف احد يجي بعدين اني ومريم دنسولف جان تگول وحده شگد نكره اني ومريم فد وحده حيه اموت منه دومه دنغوزه وتحشر خشمه بكل شي..
..اكول غنى أنتِ مو جنت لابسه ستره سوده لعد شنو هاي الي لابسته والانضار توجهت عليه ردت ارد بس سبقتني مريم
مريم :يي حبيبتي اني جبته اله لان ذيج مجانت لايگه على ستايل مالته وهي من البارح وصتني عليه اكو شي بعد تردين تعرفي ..
..ضحكت مجامله وكملت بس هاي ستايلهه شبابي ؟
مريم :لا حبيبي ماكو فرق تناسب لاثنين لعد وهذا وحاولت تقلده البلت (الحزام)الي لابسته مو وشبابي لان شايفته عند اخويه يلبسه
.. يي هذا هم للاثنين...
مريم :لعد اسُكتِ ولتعلقين على كل شي تمام.
غنى:تحجي واني ميته ضحك عليه وكل ساعه قصفته هههههههههههه والله هالبنيه متوب حقه تأخذه مربع.
مريم :تعلمي يحضي مو بس فالح بس تضحك
غنى : أنتِ موجوده مومو ،عوجت حلگه تقلدني ههههه خلصنه ولمينه الاغراض من ردنه نطلع لگيته واگف يم اصدقاء ويشرب جگاير دار وجه وصارت عيني بعينه بتسمتله هو بتسم نص ابتسامه ودار وجه يمه حسيت گلبي گام يدك حيل ضليت بس اوزع ابتسامات جني وحده مخدره مادري شبيه ندستني مريم وهي تگول..
.. داده سدي حلگج حتفوت ذبانه بي شبيج هي بتسامه ما گال احبج ..
غنى:عزه وأنتِ هيج منتبه دخيلك ربي .
..لعد أنتِ شايفه نفسج شگد مفضوحه هو دار وجه وأنتِ تباوعيله وتوزعين ابتسامات ثگلي شويه .
.. ماشي ،بعدين خليت ايدي على گلبي يدگ بسرعه خفت بس لا صار شي من وره الهبطه،واني من النوع كُلش اشك خاف صار شي بيه يمه ضليت اكل بروحي ، وصلته للجامعه همزين تذكرت الستره بالسياره وأخذته كون لازم ارجعه الجاكيت مالته بس وين الگا هفففف لگيت الخط جاي بسرعه ركبت وصلت للبيت دخلت وإسمع هوسه جايه وصوت زلم ونسوان يااا شكو ...
ايلاف
درت وجهي ولگيت ليث واكف واكع من عنده الاگلاص وصافن دي باوع عليه هو من شافني نزل للگاع ويلم بالگزاز رحت اله وگتله...
ايلاف:عوفه اني ألمه بس وخر خاف تنجرح.
ليث:لا عادي اني ألمه ،بس مبين عليه ملامح الحزن ودمع متجمعه بمحجره ويريد يبجي بس يكابر .
ايلاف: نزلت ألمه ويا وكتله، اذا تريده من صدُك حارب علموده لان بعد متجيك فرصه غيره ما طول هي تحبك وانتَ تحبه حارب علموده وهاي اخر فرصه يمكن تجيك بعد حاول لتضيعه من ايدك.
ليث :ضل يباوعلي بذهول ،بس أنتِ شلون عرفتي؟؟
ايلام:ادري يي كُلشِ ادري واعرف بيك تحبه لهذا دا اگولك حاول قدر المستطاع تفتح الموضوع ويه عمو قبل متروح الفرصه منك،طبعا محد سمع واله جان هسه نفضحنه
ليث: والله ما اعرف شنو اكولج وهذا كلامهم يمكن صحاني على هواي امور اني جنت غافل أو اتناسيه ومجنت محسب هيج حساب انو هي بنيه وأكيد حيجوه خطابه صراحه ما عرف شلون اشكرج وانتِ نبهتيني وان شاء الله ححاول افتح الموضوع وي أبويه.
ايلام:وهااا اني لازم اول وحده تگولي قبل الكل
ليث:اكيد اول وحده جان يدخل آدم
آدم :واني هم
ليث:وانت شكو ؟
آدم :تگولي
ليث:على شنو ؟
آدم:على موضوعكم الي دتحجي بي
ليث:وانت تعرفه شنو هو؟
آدم:لا
ليث:لعد اسكُت
آدم:مو افضحك
ليث:على شنو بالله تفضحني ؟
آدم:أنتِ والأمور
ليث:منو الاموره
آدم:عليه هذني السوالف وغمزله رورو
ليث:آدم احترم نفسك ولتسوي سوالفك هاي التافه هسه شنو تريد ؟
آدم:ييي هذا الحجي الزين اريدك تروح تسوي شناو بالحديقة وتلبس خمس بلوزات صوف
ليث:انت عاقل لو شنو فهمني
آدم:براحتك اني رايح ،واني گاعده واضحك عليهم
ليث:تعاااال وين زين غير طلب
آدم:اممممم خلي افكر واستشير فهد واجي وجان يلزمه من ياخته..
ليث:تعال وين تستشر فهد احترم نفسك آدم تره هواي طوخته لتنسه اني اكبر منك فتهمت تره محترمك لخاطر عمو وآله صدك ادبتك.
آدم:ولك وخرر ختنگت وخره أيده وگله هاي شبيك اكله شنو نقطك مو على الأموره بس ميخالف اله أطلعه من عيونك اصبرلي وراح .
واني هم رحت واصلا منمت لان كله گعدت بعد حتى النومه راحت من عيني وصار اليل ورجعنه للبيت طبعاً عمتي حتكعد عد بيت جدو بين ما يرتبون بيتهم القديم حتى يرحوله اما آدم خطيه شمسوي قاط ليث من هاي القطه الزينه هو وفهد ثنينهم واخر شي مشترين غز البنات وجاي ومخبلين ليث وجايين يمه من سولفلي ممت من الضحك.
باليل بعد ماخليت راسي على المخده وجه بالي كلام عمه من تگول اريد ايلاف لمهيمن صراحه ابد مرتاحيت لكلامه وگلبي نغزني من تذكرته وبنفس الحظه اجه بالي امير ضليت اسولف ويه نفسي طبعا هي العاده لازم قبل النوم تجي الأفكار الي مادري منين تجي واني اتخيل امير يتز.....يوووو شنو هاي هففففف بعدين اجه عيونه واني اتخيلهم اويلي حاولت انفض الأفكار من راسي وافكر بغير شي بس بعدين اجت افكار قبل خمس سنين..
حالولت أقره ايات قرانيه قبل ما انام طبعا هاي عاده دائما أسويه وصدُك تنجح،وحتى متجيني كوابيس محلوه وهيه ،اية الكرسي 4مرات وسورة الاخلاص ،الكافرون، الفلق،والناس كله على مره وحده وانام ودائما تنجح وصدُك رأسا نمت..
گعدت الصبح بدلت واجت عليه ميسم خذتني مشه الوكت بين الشغله والروحه والرده دكت عليه ميسم مخنوكه وتريد تبجي كالت اني بالحديقة رحت اله وهم نفس الموضوع حاولت اواسيه وگتله اني اعرف وين اهديج حاخذج المكان صدوك ترتاحين ضلت تلح بس ما گتله درت وجهي ورحت للكافتريه اشتريت جاي وانطانيا الكوب متروس ترس دا امشي وعيني على الكوب واعثر ويوگع الكوب على الولد رفعت راسي وشفته ...
ميسم
شفته ومن دون وعي گلت سيف وهو بعد شكم متر عني صارت عيني بعينه ضليت فتره مركزه بي شعور غريب يجتاحني هيج شي احس بروده مرت على گلبي دگاته الي صارت لحن وبنفس الوقت جان شعور اول مره احس بي وحلو هم بعدين رجعت لواقعي المؤلم درت وجهي وكملت طريقي خلصت اليوم كوله شغل ما انطيت مجال نفسي حتى ارتاح احول الهي نفسي عن التفكير خلص وكت الدوام ولتقينه اني وايلاف ركبنه السياره وگتله...
ميسم:هااا هسه وين نروح ؟
ايلاف:اول شي نروح لبيتنه نمر على ماما ناخذا واگولج المكان .
ميسم:هاا حتى امج تروح ؟
ايلاف:يي
..ماشي مشينه متوجهين لبيتهم والطريق بعيد شويه وصلنه دكيت هورن طلعت وياه علاگه جبيره ستغربت شنو وين رايحين درت وجهي لإيلاف لان نزلت وكعدت وره
ميسم:شنو وين رايحين ؟
ايلاف:هسه اني ادليج وين نروح صبري على رزقج
صعدت أمه بعد ما سلمت ونطته العلاگه وگالت..
.. هاي جبته ،طبعا اني مثل الاطرش بالزفه كُلشِ ما ادري أخذته ونطلقنه وگالتلي روحي منا وتعالي منا وهي بس تدليني مد تگول المكان بعد فتره من الفره يصير مقابيلي الامام الكاظم عليه السلام حيل صارلي هواي مزايرته صدُك فرحت ما توقعه نروح لهيج مكان وگفنه بعد مصفيت السياره وجان تفتح العلاگه وگالت..
ايلاف:هاج هاي عبالتي شوي اكبر من هاي العندي تصير عليج؟
ميسم :أخذته ولبسته يي صارت .
ايلاف:خوش له لعد نروح .
جان توه بده يقره دعاء لان اليوم تاخرنه بالدوام رحنه متوجهين الامام فدوه الاسمه دخلنه وعينه مكان نلتقي بي من نخلص.
دخلت للضريح آه نسمه بارده لمست وجهي وريحت الحضره لتجنن دخلت وبست الباب دخيلك يا موسى الكاظم اريدك تريح گلبي اجيتك ياابو طلبه واريد حاجتي تگضيه دخيلك اريد من عندك تشيله من گلبي وراسي ورفعت ايدي وابجي بحرگت گلب وانخاه دخلت يم الشباج لزمته وابجي بنحيب ماكو كل ما اتذكر شصار ويايه وازيد بالبچي إلى أن صرت انشغ من البجي وجان احس ايد على متني نحطت وارفع راسي والگه امره مو كُلش جبيره وجه تحسه يشع حنيه وطيبه ما اعرف احس مشبه عليه ملامحه مو غريبه وتگول...
.. گوم بنيتي حاجتج مگضيه ما دام اجيتي ونخيتي ابو طلبه حاجتج مگضيه وكولي ماگلت وان شاء الله تنگضي ما طول كلفتيه بيد قاضي الحاجات وراحت.
واني بست الشباج وگمت صليت ركعتين وقررت الزيارة والله صدُك ارتاحيت من صدُك يعني حسيت وكاني ستوني مولود نزاح الهم عني الله ينطيج العافيه يايلام على هل جيه من صدوك جنت محتاجته خلصت وطلعت رحت شربت ماي ورجعت نفس المكان ولگيت ايلاف وأمه دينتضرن گتلهن ...
ميسم:اسفه تأخرت عليجن وعطلتكم عن شغلكم
..لا خاله لتگولين هيج أنتِ مثل بنتي لا تعتذرين والله كون احنه نشكرج لو ما أنتِ ما صحتلنه مثل هالزياره الحلوه يله هسه گومو خلي نروح يله بنات .
قبل منطلعنه وجان تجي مره وتخلي جوكليت بيدي وتگولي
..هاي بثواب الامام وان شاء الله ينطيج مرادج ،اخذت من عده وگتله شكراً
وطلعنه ورحنه متوجهين للسياره هنه مشن قبلي بين ما لبست حذائي لان رياضيه وكون أشد القيطان خلصت مشيت شويه وجان اسمع واحد يصيح اختي ما شلت هم حسبالي مو الي مشيت مادري الي دي صيح إليه بعدين إيلام گالت
..يله ميسم بسرعه
.. هياتني اجيت ،مشيت وصلت قريب عليهن.
واستوقفني واحد يگول ....
_____________________
شلونكم يا حلوين احوالكم بارت حلو لعيونكم لاتنسون التصويت+التعليق ومتابعة للحساب بدربكم
وعندي طلب صغيرون بنات حبابات لاتنسون تصوتون يعني البارت القبله المشاهدات بال3000واىتصويت بال40 وكثرولي تعليقاتكم العسل وشكراً حبايبي
دمتم برعاية الله وحفظه
غدير عبدالله
رواية وقد كانت صدفة الفصل الخامس عشر 15 - بقلم غـدير عبداللّٰه
"وقد كانت صدفة"
گلوله ترة بلياه ..
ما ضل حيل من عمري
وگلولة ترة من چفاه
امشي وألزم بخصري
وگلوله الدمع جواه
بدت تتآكل شفافي ..
شَاب وشابْ كُل شعري !
بجرح خلصت كِل عُمري
بوجع ضليت كُل سهري
بحزن كملت كُل دربي
واروح لوين ؟ ما ادري ..
گلوله اليحبگ خلصت ريتة !
گلولة وعلي بصوتك تردلة اليوم عافيتة ..
گلولة بسواليفك يرد انسان مثل اول !
قوي وجداً صلب ، وياك ما ينذل !
گلولة اليحبك ، صار غير انسان ..
لا ضحكاته ضحكة ولا حياته الوان
عاش بلون الاسود ، چن گلب دفان
مات بفرگتك ما صار اب فلان ،
وگفت دنيته وايامه معدودة
واذا مترد عليه اليوم ، باجر ينكتب موتة ...
__________________________________""'"
..اسفه اسفه اعتذر خو ما تأذيت رفعت راسي امير!!
..يي امير اخخخخخ ايدي
..اسفه والله مو قصدي اعتذر تعال بس شويه اعالجه الك،مشيت قبله واهو بصفي أخذته للغرفه مالتي وگتله
.. تفضل بين ما اجيب الاغراض
..ماشي
جبت العده وگتله نطيني ايدك نطانيه بس شنو كُلش حمره صايره عقمته وخليتله دهن ومركزه بالشغل واخاف يتأذه وهو ولا تحرك ولا ابد ،رفعت راسي لگيته صافن عليه قريب ما اخلص دا الف بالشاش گتله ...
ايلاف:حنطيك كريمات تستخدمهن حتى تطيب بسرعه ولازم تستخدمهم لان اذا ما استخدمتهن حتتجرثم وتلتهب لا سامح الله .
امير : ماشي دكتوره سؤال؟
ايلاف :دالف بالشاش واسمعه تفضل؟
امير:شنو اسم العطر مالتج
ايلاف:نعممم؟
امير:العطر مالتج شنو اسمه
ايلاف:ممكن اعرف ليش؟
امير:هيج عجبني
ايلاف:بس هذا نسائي
امير: عادي اريد أنطي هديه لأختي عيد ميلاده قرب كُلش
ايلاف: اسمه Hot
امير: شكراً
ايلاف : تمام هسه خلصت حكتبلك أسمائهم وعلى حسابي لان اني الي اذيتك كُلش اسفه
امير: يعني هسه تعادلنه مو؟
ايلاف:بس على شنو نتعادل
امير:اني ضربت الباب على ايدج وأنتِ وگعتي الجاي عليه
ايلاف:بس گتُلك مادري
امير:واني هم مادري
ايلاف:لا واضح كُلش متدري من اجيتني وسحبتني من ايدي خلعته خلع مو تگول ايد.
امير: يي وأنتِ هم مجان صعدتي ويه هيج نماذج
ايلاف:اگدر اعرف انت شنو خصك اصعد ويه هذا ويه هذاك انت منو؟
امير:لا الي دخل اني...جان تدخل دكتوره وضلت تباوعلنه لان جنت كُلش قريب عليه بعدت وگتله تمام بس الوصفه
ايلاف:تفضل أخذه وراح يا ربي هففف احس راسي صدع من وراه يا اخي انت منو وتدخل بحياتي ،همزن نقذتني شهد دخلت تگول..
شهد:مين داه المُزه؟
ايلاف:بعصبيه شهد سكتي لتحجين عليه هيج.
شهد :على كيفج داده ماگلنه شي اعصابج .
ايلاف:غمضت عيوني وحاولت استرخي اسفه والله مو قصدي..
شهد: لا عادي حبيبي تصير بين الحبايب
ايلاف:شهد لا تعصبيني شنو حبايب لا اعرفه ولا يعرفني منين جبتي هالحجي
شهد:لا كُلش واضح يله أمشي روحي للدكتور محمد يريدج عنده عمليه روحي بسرعه
رحت وعفته صدُك ضوجوني رحت خلصت العمليه وجانت كُلش صعبه بس الحمد لله نجحت بعده خلص الدوام اتفقت ويه ماما نروح بس متگول لميسم همزين تمت بعد مخلصنه الزياره اجت ميسم وجانت كولش مبينه باجيه وهي بسرعه يبين بيه تصير حمره طلعنه وهي تمشي ورانه صحتله اجت درت وجهي ما هيه گلت لماما ضلينه ندور عليه بعدين لگيته واگفه وداتحجي ويه ولد ماعرف شنو نطاهه رحت اله گتلهه...
..وين صرتي مدگوليلي ومنو هذا؟
ميسم:هذا ولد جان واگع اسواري وديصيح واني ما اسمعه ومن سمعج صحتي باسمي صاحلي أخذته وشكرته وهاي اجيتي أنتِ يله أمشي
ايلاف:مشينه اني وياهه وصلتنه للبيت وراحت مشه اليوم عادي والبعده هم والبعده .
ايلاف:طلعت من الحمام گبل للفراش حتى شعري مجففته ونمت وجان الجو بارد گعدت الصبح جان يوم جمعه بس احس عظامي كله توجعني ما اعرف ليش تريگنه وخلصنه ورحنه لبيت جدو سلمنه عليهم كلهم واني گتلهم راح انام مابيه حيل لان ما نمت البارحه اجيت متاخره واني منا جسمي يوجعني كُلش بردانه گلت هسه انام واصير زينه من وره السهر نمت..
وما گعدت اله والماي على وجهي وجسمي كله ماي ولگيت ماما و عمتي موجودات ودي يسولفن بس ما اسمعهم وجسمي متكسر تكسر دارت وجه ماما واجت عليه
شيماء:ها ماما شلون صرتي؟
ايلاف:بثگل ماما تعبانه وجسمي كُلش يوجعني
شيماء: حقج اذا جنتي مصخنه وترجفين لو ما مهيمن جان هسه أنتِ لا سمح الله وماخذيج للمستشفى بس همزين لحگنه واجه گال النه تلاحگنه عليج وانتِ شلون تصيرين إذا تمرضتي
ايلاف:ماما بردان حبابه غطيني واجت خلت أيده على گصتي وشافت حرارتي
شيماء:اكولج داده هاي بعده حرارته مرتفعه شلون نأخذه للمستشفى؟
لمى :يي اگولج خاف تتخربط بعد أكثر اخذيه وصاحت لمهيمن اجه
مهيمن:ها شلون صارت؟
شيماء: والله بعده حرارته مرتفعه
مهيمن:يله لعد خلي تلبس حتى أخذه للمستشفى
لمى :وحدك تروح
مهيمن:يي ليش؟
شيماء :لا اني اجي وياه
مهيمن :لا خاله أنتِ ضلي خلي وحده من البنات تروح وياه يله لبسيه..
شيماء:لو اخوته هنا جا راحوا بس ما موجودين خلي اشوف وحده من البنات هم تساعدك ذا هاي ،اجت ماما لبستني واجت رفل ويايه هم وصلنه للمستشفى ودخلوني الطوارئ شكلولي كانيولا ضلينه ومهيمن يروح ويجي ومبين القلق عليه وكل ساعه يخلي أيده على گصتي يشوفني بعدين گتله
ايلاف: بتعب كافي ترى كُلشِ مابيه ليش مكبرين الأمور
مهيمن:يي واضح كُلشِ مابيج بس نهدج توگعين ،وسكت صدك بس واحد يهد ايد اوگع وحس الدنيا تفتر بيه خلصنه وطلعت بس خطيه رفل ما سيطرت عليه ردت اوگع ولزمني مهيمن
..على كيفج لتوگعين هديه رفل اني الزمه
.. تمام، بعدت عني واجه مهيمن خله أيده وره ظهري ومشينه وصلني للسياره فتح الباب وحاول يساعدني بس كُلشِ ما اگدر واني هم كُلش مكروه اذا تمرضت مشينه شويه واتصلت ماما جان ايكول اله زينه وشرحله الوضع واني بين النايمه والصاحيه حسيت وگف السياره ونزل هو ما عرف شنو يجيب يمكن الادويه بعدين اجه وصلنه للبيت وهم حاول يساعدني واجت ماما تلگته رحت وياه ضلت تحجي عليه انتبهي بعد لتنامين وشعرج مبلل لان الدينا بارده وهي السوالف واني اگوله تمام .
طلعت ماما مخابره ميسم تطلبلي اجازه لان كُلش مريضه رجعت نمت حتى ضليت بايته يم بيت جدو .
نص اليل گعدت عطشانه رحت للمطبخ جنت ما لابسه حجاب مخليته على كتفي لان كله نايمه دخلت حتى اشرب ماي أخذت گلاص وشربت ماي درت وجهي واشوف مهيمن
ايلاف:شبيك فززتني؟
مهيمن:شبيج هذا اني اجيت للمطبخ حتى اشرب ماي وأنتِ شلون صرتي ،واجه بتجاهي تقرب خله أيده على گصتي كُلش تضايقت وتوترت من قربه إليه..
ايلاف:لا زينه صرت احسن بس بعد شويه ،ضل ساكت ويباوع بعيوني ويتقرب واني ارجع لي وره طخيت بالسنگ وكتله مهيمن وخر اريد اروح وهو ميسمع قرب وجه عليه اني كُلش توترت وخفت خله أيده على شعري صارت عندي رد فعل ودفعته حيل بحيث راد يوگع..
حس على نفسه هو مثل الصحه وخله أيده على على الكاونتر واني رحت واحس گلبي يدگ من الخوف وگلت بعد التوبه اذا اطلع وباجر اخابر رافد من الصبح حتى اروح رجعت وحاولت انام ماگدر كل ساعه يجي بالي الموقف بالاخير ستسلمت للنوم .
امير
جنت راجع من المكتب ومريت على طريق المستشفى الي صار طريقي اروح وارجع عليه اني ودا أمشي شفت ايلاف و واحد لازمه من وره مخلي أيده على ظهرهه وهي رأسه على كتفه ومشت ..
ضليت اباوع شلون ياربي انزل مادري شصارلي حرت انزل لا هسه، احس النار شبت بيه وهي شبيه ماعرف وجهه معبس بس ليش طالعه من المستشفى خاف صاير بيه شي ضليت اسئل بنفسي وانطي اعذار بس داخلي ميرضه يصدگ اوگلبي يحاول يرفض مرضه بعدين صعده ما عرف شنو صار بيه شطت ..
ذا انزل هسه يكولو انت منو وبصفتك منو صعد هو وخله أيده على گصته يا ربي صبرك بعد ما اتحمل فتحت باب السياره ونزلت هو حرك وراح يا ربي دخيلك صبرني بعد ما اتحمل شلون .
ضليت اروح وارجع نزعت الستره والرباط احس كلش ختنگت لازم احجي بعد مابيه صبر لازم يي لازم بس شلون اصارحه ،وگفت صافن اني شبيه ليش هيج نجنيت عليه معقوله احبه زين من اصارحه شاگول؟.
اوفففف شلون ضليت افكر بعدين ركبت السياره ورحت للبيت دخلت وگتلهم لحد يگعدني على العشه اريد انام صعدت ذبيت سويج على الميز واخذت ملابس ودخلت للحمام ضليت افكر وافكر والماي ينزل على راسي وبعدني محتر اريد أطفئ النار البيه ما اگدر.
طلعت ودخلت الفراش اريد انام بس ما گدرت عقلي يجيب ويودي بالافكار هذا منو الي أخذه ابن عمه لا اني شايف اولاد عمامه بس هذا منو .
نزلت نص الليل رحت للمطبخ شربت ماي وطلعت بره أدخن بعدين تذكرت عندي اوراق مهمه بالسياره صعدت جبت السويج واجيت حتى شغلي نسيته فتحت السياره وضليت ادور لگيتهم بعدين فتحت الباب الوره اريد أخذ البطل الماي الواكع ولكيت...
سيف
طگت روحي من البيت والگعده خابرت رافد لازم اكول اذا ماگتله اموت ورافد صندوق أسراري و كلشِ يدري عني أكثر من امير بس هو الوحيد الي أحس بتصرفاته حيل عقلاني يسمعني وينصحني اتصلت عليه حتى نطلع وگال تمام جايك لان متگدر تسوق گتله يله بدلت وخلصت اجه عليه وطلعنه گاله..
رافد:هااا وأخيراً حتگول؟
سيف:يي اذا ماحجيت أاذي نفسي ،طبعا هو يعرفني من اسكت يعني لازم عندي شي اگوله..
وصلنه وگعدنه ضلينه نسولف على الشغل المتراكم عليه بس هو ممقصر حتى شغلي مكمله
سيف:يله أن شاء الله نجازيك بعرسك
رافد: هههههههههههه وينك وين العرس
سيف :ليش تضحك قابل تضل هيج وضعك
رافد:وشبي وضعي يعني اله اتزوج عود استقر يا اخي دروح والله بطران ..
سيف :والى متى تضل هيج؟
رافد :ما اعرف
سيف:شنو متعرف خويه حتدخل الثلاثين وانت بعدك هسه الي بگدك عدهم جهال الله يساعد گلب امك عليك
رافد:هسه انت اجيت تحجيلي لو شنو جنك وحده خطابه وجاي دورلي على عريس زين ليش مو انت تتزوج ؟
سيف :خويه اني جربت حظي وما گعد بعد هاهيه بهل زمن صعب تلگه اليوفي الك لو تخلي كنوز الدنيا كله گباله ميمد أيده وشفت وضعي أنطي واجيب واودي تالي هاي مجازاتي شوف رفعت ايدي ورجلي الي نضربت بيهن هذا تاليتيي تخوني والله من دنعله هذا الاغبر واشرت على گلبي
رافد:بس مو كل أصابعك سوه ،هسه سولفلي شلون صار الحادث؟
سيف:سحبت نفس وازفرته ..
نرجع للزمن.....
..جنت اسوق وصدفه صارت گبال سيارتي ضربت بريك قوي واذا اشوفه نضربت وگعت بالكاع نزلت من السياره خايف خاف ماتت صار شي گتله...
سيف:شبيج خو مصار بيج شي أنتِ زينه متأذيه ،وهيه تبجي وخايفه من الكلاب حاولت ابعدهن ابتعدن لان جانت المنطقة خاليه مابيه أحد والساعه بالوحده الظهر اجيت عليه وسئلته ساكته وسانه نفسه على السياره بس شفت ايده مخليته على رجله گتله رجل تاذيج ؟!
..هزت راسها بيي وتبجي بصمت
سيف:اخذج للمستشفى ترحين؟
..گالت لا اروح للبيت
سيف:ورجلج تأذيج خاف مكسوره شي أمشي اخذج ؟
..لا مابيه شي بس نجرحت وخرت أيده وصدُك لگيت دم طالع من عده گتله اوگفي هسه اجي .
رحت للسياره اجيب بطل ماي وعندي وصله نضيفه شگيته واجيت گتله رجلج وين جانت ساق مالته الي متاذي مدته بللته شويه حاولت انضفه وشديت الوصله گتله
سيف:خلصت تگدرين تمشين هزت راسها تمام وين بيتكم وشعجب ابوج ممخليلج سايق
..بيتنه مو هنا بعيد وبابا متوفي
سيف:ها الله يرحمه وزين ما عندج اخ يوديج ويجيبج ؟
..لا ماعندي اخو بس خوات اصغر من عندي وماما مريضه متگدر وبس اني ادرس ومن ارجع اشتغل
سيف:لعد كومي اوصلج متگدرين خاف تمشين؟!
..لا اني اروح شكرا ماريد
سيف:ليش ابوي اني اوصلج شوفي الدنيا ظهر وين ترحين وحدج لتخافين ما اسوليج بس اوصلج والله
..هااا لا اروح ماريد توصلني
سيف: أنتِ ليش عنيده وشوكت حتوصلين مو تكولين بيتنا بعيد ؟
..يي
سيف:يله گومي لعد ،كامت وراحت تمشي وصعدت بالوره ورحت اني صعدت ومشيت سألته
سيف :شنو تشغلج ؟
.. اشتغل بلبيوت انظف ونزلت راسها وگالت يعني خدامه
سيف:لا لتنزلين راسج بالعكس كون تفتخرين بنفسج انو تدرسي ونفس الوقت دتساعدين اهلج ،هيه بتسمت حسيت هل البنيه كُلش مضلومه وتحتاج واحد يدعمه ويشجعه لان دا تسوي مكافحة كُلش صعبه وهيه بنيه شابه وخاصه عالمنه هذا ميرحم ابد وخاصه البنيه بعض ضعفاء النفوس يعتبروه سلعه رخيصه ،وصلته بعد مدلتني البيت ونطيته فلوس ومقبلت اصريت عليه وشفت عيونه هيه بحاجه الهم أخذته
سيف: زين انتِ عندج تلفون
..يي عندي بس ليش ؟
سيف :هاج هذا رقم خاف فد يوم تحتاجيني أو مساعده يمج رقمي واتصلي عليه زين أنتِ شنو اسمج
.. تمام شكراً اسمي نور
سيف:تشرفت واني اسمي سيف ومثل موصيتج اي شي تحتاجي اتصلي واني بالخدمه وها ديري بالج على نفسج وخليج دومج قويه لتتأثرين بشخص يكولج خدامه وعامله بالعكس افتخري تمام
نور : شكراً الك وعلى مساعدتك الي وابد محنسه معروفك الي وان شاء الله نلتقي بصدفه احسن من هاي باي وراحت
ومن هذا اليوم بدت بداخلي مشاعر اله صرت دوم افكر بيه وگعد على أمل اشوفه اليوم ،ومرت فتره جنت بالشغل ويايه رافد دنشتغل على مشروع مهم دگ التلفون رفعته بدون ما اشوف الرقم اجاني صوت بنيه جنت مامتوقعه هي ابد گالت..
_____________"""
يتبع...
هلو بنات شلونكم حبايبي بارت طويل لعيونكم لاتنسون التصويت+تعليق متابعه لحسابي بدربكم وحساب الانستا هم وشكراً على تفاعلكم وتعليقاتكم الحلو 🥺❤️
ودمتم برعاية الله وحفظه...
غدير عبدالله
رواية وقد كانت صدفة الفصل السادس عشر 16 - بقلم غـدير عبداللّٰه
"وقد كانت صدفة"
جَذاب ما رايد تحب بس رايد تأذيني
والمشكلة دمنتك بعد مثل الجگاره اتنفسك ارتاح وتاذيني
يا الجنت احبك من صُدك هسه انتَ ماتعنيلي...
___________________________
مامتوقعه هيه گالت...
نور: مرحبا سيف ؟
سيف:تفضلي منو حضرتج؟
نور :اني نور تتذكرتي
سيف :هااا نور هاي أنتِ ما عرفتج اعتذر
نور:لا عادي براحتك بس ردت اگولك على شغله وكُلش خجلانه ولو ما محتاجه جان مخابرتك!
سيف :گمت واخذت الستره وطلعت أشرت رافد اني طالع هز رأسه وگتله، يي گولي عادي محتاجه شي
نور:يي والله ولو مامحتاجه جان مگتلك اريد أخذ من عندك فلوس وبعدين انطيكياهن يعني دين ومن اشتغل ارجعهم الك لان هل الايام شغل كُلش قليل والفلوس الي عندي متكفي فگلت اتصل واطلب وانت گلت من تحتاجين شي خابريني وخابرتك..
سيف :ماشي وصلتي وشگد المبلغ حتى اجيب..
نور:*****الف
سيف: تمام زين نفس عنوانكم مو؟
نور :يي نفسه وكلش اعتذر وخجلانه هم وبأقرب فرصه ارجعهم الك.
سيف:لا بويه عادي مو اله.
نور :لا شلون ما احب اضل مديونه لشخص..
سيف: ماشي على راحتج يله الله وياج،ركبت السياره واني كولي لهفه اله بعد ما جنت انتضر اشوفه رحت العنوان مالتهم.
وصلت دكيت فتحتلي الباب هي، ضليت صافن لابسه دشداشة لون وردي نص ردن وشعره البني القصير لواصل لحد متنه وگذلته على عيونه السود الصغيره بس مناسبه لوجه وبشرتها الحنطيه گالت..
نور:اهلا
سيف:ءءء اهلا بيج هذا الظرف بي المبلغ الي ردتي ونطتهيا..
نور:كُلش اشكرك لو ما انت جان هسه اني بخبر كان..
سيف:زين اگدر اعرف شنو سبب الي خلاج تطلبين من عندي.
نور:نزلت رأسه وحجت بزعل انت تعرف وضعي وضع ماما وهل الايام شغل قل اغلب البيوت يردون خدامه تعيش عدهم واني ما اگدر لان امي واخواتي محد الهم واليوم اجه ابو الايجار وطلعتله گال إذا متدفعون الايجار مال 5اشهر اطردكم وضليت حايره ما اعرف منين أخذ حتى الفلوس العندي متكفي واتصلت بيك وانت مقصرت.
سيف :لا عادي واي شي تحتاجي بعد بس اتصلي عليه وعرفتي بعد رقمي صار يمج واني هم مسجله يمي تمام ،صدُك أنتِ گلتي ادرس شنو درسين؟
نور : سادس ادبي.
سيف:زين وشلون مدبرته يعني اني الي اعرف يرادله فلوس ومدرسين خصوص؟
نور:يي اني صديقتي عده ملازم أخذه من عده أقره بيه من اخلص ارجعهم اله
سيف:يله الله يوفقج ومثل مگتلج اي شي بالخدمه تمام
نور :تمام
طلعت من عده وكلش مقهور على حالته بس رغم وضعه المادي عده طموح تكمل قررت اني اجيب اله الملازم واساعده وصدك رحت شتريت ملازم وديته اله.
فرحت من شافتهن حتى خطيه گامت تبجي صرت دائماً اروح اودي الهم شغلات اله ولخوات اشوف الفرحه بعيونه احس شي بداخلي يفرح من يشوفه فرحانه صرت دائماً اخابره اتواصل وياهه أصر عليه واشجعه بانو تكافح من أجل مستقبله.
واجت الامتحانات وصرت دوم وياهه اخابره واحجي وياه واشرحله اذا عده شي مافاهمته وأسهر وياهه هم جانت ساحبه من جيرانهم نت ونتخابر وبعد خلصت الامتحانات ننتظر النتيجه واني دوم وياهه اشجعه وصلت بيه حتى تبجي إذا مافهمت شي اقنعه جنت دوم اكول اله إذا نجحتي اجيبلج هديه متتخيلين شنو هيه احاول ازرع الثقه بيه من خلال الحديث الي يدور بينه.
حسيته فاقده حنان الاب فاقده واحد يشجعه رغم الظروف الي دتواجه دائما اساعده واشجعه ودائما حبيبتي ونوره تگدرين تسويه أنتِ قويه ،طلعت النتائج والحمدلله طلعت ناجحه وبمعدل زين وطلع قبوله تربيه قسم رياض الاطفال صراحه جانت فرحتي بيه متنوصف اكثر من عده قررت اعترف اله وبنفس الوقت مفاجأة مناسبت نجاحه الي وعدته بيه.
ورحت اخذت ورد احمر من النوع الي تحبه وياه تلفون حديث ورحت للبيت مالته دگيت الباب وخليته الورد مقابل وجهي حتى من تفتح الباب تشوفه فتحت الباب وضحكته لساته ترن باذني مراحت ابد من بالي بعدته وگتله ها شلون مفاجاه ؟
نور : حبيبي تجنن...خجلت وخدوده حمرت لان اول مره تگوله..
سيف:يله عادي شنو رايج تصير هاي الكلمه رسميه بينه ،عگدت حواجبه
نور :شلون يعني؟
سيف:نور اني احبج
نور :ها ءءء شنو تحبني يعني ما اعرف شنو يعني مادري
سيف:يي گولي أنتِ شنو
نور:اني شوف هو يعني
سيف:يي شنو احجي مو گلبي راح يوگف
نور :اسم الله عليك ،يي اني هم
سيف :شنو أنتِ هم؟
نور:احبك
سيف :نفعلت وما مصدگ بالي سمعته ،صدُك لو جاي احلم صدُك يعني تحبيتي والله لان مجاي اصدگ حسبالي حتكوليلي مثل اخويه يعنني اصبري خلي اهدء يعني هسه أنتِ تحبيني مو؟
نور : هههههههههههه يي
سيف :يا بعد عمري وشلته وافتر بيه بالطرمه مالتهم وهيه خلت ايد على حلگي
نور:شششش ولك اسكت هسه يگعدون لو يشوفنه احد ،زين يله انت مو وعدتني بهديه اذا نجحت وينه لعد؟
سيف:نزلته يي حقج بس حزري شنو جبتلج
نور:مادري شنو؟
سيف:حزري
نور :سيف لتضوجني گول شنو
سيف :طلعته اله شوفي
نور :شنو هذا فتحته وجان تنصدم هذا الي
سيف :يي حبيبي الج
نور:سيف متتخيل شگد فرحانه والله وگامت تبجي
سيف:ليش هل البجي كله لان جبتلج هديه
نور:يعني انت هلگد تحبني تخيل عمري وحياتي متخيلت احد يحبني هلگد دومهم يحجون عليه يحسسوني منبوذه عنهم وانت اجيت غيرت كُلشِ
سيف :أخذته لحضني اششش لتكولين هيج عسى الله ليحرمني منج واسعدج طول العمر يله حبيبي اني اروح ديري بالج على نفسج وهذا التلفون بس شحني لان كول سويته الج ورقم هم خليته بيه تمام
نور: تمام باي
ودعته ورحت ضلينه نتراسل نسهر الليل كله نسولف ونضحك صدُك تغيرت حياتي من خلاله إلى أن باشرت بالدوام وكل يوميه تسولفي شسوت وشلبست وصديقاتها الي تعرفت عليهم ضلينه فتره لا بأس بيه بعدين اجاني شغل ضطريت اسافر وبيومه اني للصبح اقنع بيه وهي بس تبجي ومدت السفره شهرين بالاخير اقتنعت والحمدلله گتله اضل اتواصل وياج لتخافين اقتنعت.
وسافرت اول موصلت خابرته وحاجتني عادي التهيت بالشغل واني ابد ما نسيته دوم ادزله صوره وهاي.
بعده صارت يوم ترد ويوم لا قلقت گلت خاف صار شي واگوله اله ترد لا ماكو شي بس دراسه ومجاي تلحگ من هاي الرساله اتطمن گلبي بعدين گمت اتاخر بالشغل وادز رساله اگعد ثاني يوم الگاه نفسه مشايفته بده شعور غريب بداخلي مثل ميگولون بده الفار يلعب بعبي بس شنو احاول اقنع نفسي ماكو شي ودتدرس مشه اسبوع على هل الحاله والرساله نفسه منشافت ادگ على الرقم يطلع خارج التغطيه شلون يا ربي ضليت حاير وبعدلي شهر يالله..
اتصلت برافد وگتله تروحلي لهذا العنوان ضل يسأل منو گتله بعدين أكلك مو وقته گال تمام ضليت متوتر وخايف عليه لا يصير بيه شي ماكو احد اله ضلت افكار سوده تراودني كل ما يرن التلفون اركض اله بس للاسف مو رافد يتصل وضليت على هل اليوم كوله انتضر بالاخير بالليل اتصل رأسا شلته گتله ها بشر شنو احجي گال...
رافد:والله خويه رحت دگيت الباب ما اكو احد ضليت فتره انتضرر ما اكو احد بعدين سألت گالو انتقلوا لغير بيت
سيف:شنو وشلون نتقلوا انت متأكد راحو لغير منطقة زين ما عرفت وين وبأي مكان سكنوا؟
رافد :لا والله گتله للرجال محد يعرف بين ليله وضحاها ما اكو احد
سيف: زين ما عرفت منو الي ساعدهم؟
رافد:يي سألت هم ميدري بس يگول جانت تجي سياره رصاصي حديثه توگف بالباب تنزل منه بنيه شابه وتروح سألته يگول محد يعرف اصلاً محد اله علاقه بيهم ..
سيف: تمام خويه تعبتك اليوم
رافد:لا عادي ماكو تعب يله الله وياك
سيف:غلقته وضليت افكر منو هذا ابو سياره رصاصي ومنين يجيه وهي اصلا محد تعرفه غيري افففف ياربي اخذت التلفون اتصل ويطلعلي مغلق هاي شلون مشكله بالاخير صدعت من التفكير شلون الگه حل وضليت هاي الفتره كله اني بس اتصل حتى على رقمه القديم هم ماكو..
وباخر ايامي كُلش صرت حتى صحتي هملته صارت بالنازل محد مصبرني غير الجگاير اخلص باكيت ارجع أخذ الثاني ورجعت لاهلي حتى ما الي واهس رأسا ذبيت غراضي والجنط ركبت السياره ورحت لبيتهم وصلت ولگيته معروض للايجار ضليت واگف واباوع للقطعه يعني هاهيه بعد ما اشوفه بعد ما اجي واجيبه اله اغراض واوصله هاهيه بعد راحت يعني هاي اخر مره اشوفه بيتهم حسيت بخنگه بصدري اريد اصرخ اريد اطلع ضيم گلبي والايام الي عشته بكذب كله هذا راح .
آه ياگلبي رحت للبيت دخلت وگتلهم لحد يسوي صوت اريد انام صعدت ذبيت نفسي ونمت واني احس هموم الدنيا كله على ظهري مرت اشهر واني على نفس حالتي ادور عليه حتى للجامعه رحت وسالت گالو سوت نقل، يأبه منو النقله منو الواسطه النقل باسم منو محد يعرف وبالأخير وارجع لبيتهم اوگف گبال الباب وعاتبه اله...
_مبريه ذمتك ليش؟
_چاا ودموعي!
_چا والبَعده
مايستقر بضلوعي!
_چا والمحنه التفز من يذكروك؟
_وذاك الضياع
الياكل بموضوعي..
وارجع مرت شهور ويأست بعد هاهيه راحت مو قسمتي بس كُلش تكأبت وشگد حاول ويايه رافد وامير يعرفون بس ما اگول الهم بس رافد گلت اله لان بعد ما اتحمل لازم احجي طاقتي خلصت صرت ابجي واني احجيله بس شيسوي حاول ينسيني بس ما نسيت مشت الايام.
وصار سنه وشهور على غيابه جنت ستوني راجع هم من سفره بس هل مره جانت مدته أقل دا امشي على الطريق السريع ماكو احد بي بس السيارات الكبار يمشن وجانت الدنيا ليل دگ عليه تلفون شلته رقم غريب رفعته وجانت الصدمه الي جنت ما عندي امل انو تتصل بيه بعد هذا الفترة الطويله نفس صوته ونفس نبرته من يوم الي تصلت بيه وطلبت مساعدتي بس هالمره فرحانه عكس ذيج المره الحزن جان مبينه من صوته گالت..
نور :شلونك سيف عرفتني
سيف: طبعا اعرفج الي جنت بس أقره اسمه اشيله لو على فراش الموت
نور :لا حبيبي اسم الله عليك ههههه اكيد شتاقيتلي
سيف:اخخخخ متتخيلين شگد مشتاقلج متتخيلين شگد مشتاق أكحل عيوني بشوفتج وجان اسمع صوت رجال يگول نور عيني حبيبي وينج تعالي.
نور:ماشي حبيبي جايه
سيف : بعصبيه اوگفي تعالي منو هذا وشنو هل الأسلوب شنوحبيبي شنو نور عيني نور احجي منو هذا وصحت احجيي؟
نور :اوي شبيك تصيح هذا زوجي وأبو ابني الي جاي بالطريق
سيف : بصدمه شنو زوجي شنو ابني نور شبيج لتخبليني تره راسي فتر لعد واني شنو هاااا احجي واني
نور :شبيك ياعيني على كيفك وانت مجرد شخص حب يساعدني وهاهيه
سيف:لعد وحبي الج شنو جان هذا كله راح والصرف الي صرفته بس حتى اساعدج مو بعينج عيفج من هذا كوله فدوه لعيونج نور وحبي واني حبيبج ليش عفتيني نور؟
نور: والله ياعيوني جنت مجرد نزوه عابره وخلصت من عده يله اني اروح لزوجي بعدين اخابرك باي
سيف:تعالي وين نور وين رايح.....وطبكته بوجهي واني منتبه بالتلفون داخابر مره ثانيه وجان تجي سياره تريله وتضربني وفقدت بعد مادري شصارلي لحد ما فتحت عيني وشفت...
جان يدگ التلفون امي تتصل ستأذنت من رافد حاجيته جان تكول شو تأخرت گتله يله جاي بالطريق وغلقته واجيت
سيف:يله خويه اليوم دوختك ويايه اني اروح
رافد:يله اني هم اروح يله تعال اوصلك بطريقي
سيف:لا اني اخذ تاكسي شنو ابتليتوا بيه وهي الحمد لله حرجع لشغلي ولحياتي
رافد : دمشي بابه أمشي يي عود على المره الجايه روح تكسي
سيف: والله ماعرف شنو اجازيكم
رافد: كُلشِ ما اريد من عندك بس ترجعنه بخير وسلامه وترجع لحياتك واهلك هاهيه احنه بخير
سيف : أن شاء الله والعوض بالله الكريم يله ورحت للبيت...
غنى
دخلت للبيت جانت ماما داصب بالجاي اجيت سألته
غنى:ماما منو اجه وشنو هل هوسه؟
عبير:همزين اجيتي عمج هو ومرته جاين
غنى:عمي منو من عدهم؟
عبير:ولج شبيج عمج محسن
غنى:وشعجب جاين اول تالي يجي يي يله اني اغوح(اروح) انام كُلش تعبت اليوم..
عبير:ولج تعالي وين تنامين أمشي أخذي الصينيه وروحي قدمي بسرعه
غنى:ماما شنو اغوح (اروح)استحي وضربت رجلي بالگاع ما اروح
عبير: غنى لتعصبيني تره والله احرمج من كُلشِ تردي لتشوفيني منطيتج على مرامج أخذي الصينيه وروحي بسرعه
غنى:أخذته ورحت بملابسي دخلت سلمت عليهم جان جاي ابنه وبنته هم بس اجذب اذا گلت اعرفهم ورحت گعدت يم ماما وبدت السوالف الي ما اله داعي هي ومرت عمو واني نعسانه ردت اگوم جان يستوقفني عمو من گال احنه جاين حتى نطلب ايد غنى لابنه كرم على سنه الله ورسوله،
هاي من بعد ما جان هم بادين بالموضوع واني مطفيه بس من گال نطلب أيده لا صحيت ماما باوعتلي واشرت رأسه يعني گومي واني ما صدكت خبر بسرعه طفرت يمه شنو يطلب ايد ومنو گال اوافق رحت لغرفتي بدلت ونمت لان كُلش نعسانه ماگعدت اله وماما تگول....
..يله غنى گومي صار المغرب يله
غنى:يي يله گمت ،رحت غسلت ونزلت للمطبخ نسوي العشه دا اثرم بالزلاطه جان تگول...
عبير :شنو رايج بي؟
غنى:منو هو؟
عبير :هاي شبيج ابن عمج دا اكول شنو رايج بيه
غنى:مادغي(ما ادري)
..شنو متدرين ماما الولد طلبج تگولين مادري
غنى:يي ماما مادغي(ماادري) يعني اني ما شايفته بس سامعه باسمه تردين تعرفين رايي
..هسه گولي موافقه لو لا حتى ننطي خبر لابوج
غنى:اگولج ماما منو گال اصلا اني اغيد(اريد) اتزوج ماغيد(ما اريد) وكولي لبابا مموافقه وخلص،
وضلت تقنع بيه على انو ابن عمج احسن من الغريب وهي متدري وهو حاله حال الغريب لي ؤگول داگه للعچس وياه
طبعا ماما تهتم للمظاهر أكثر شافت عنده فلوس عباله يگدر يعيشني بنعيم عباله الفلوس كُلشِ بالدنيا تجيب السعاده وراحت بال گتله.
غنى:زين بابا وامير وايسر شنو گالو
..بعدني ماگتلهم وابوج گال بكيفه اني ما ضغط عليه راي رايه هيه وهاي حياته بعد بكيفه
غنى :سأليهم بالاول يالله،وخلصنه عشه بعد مغسلت المواعين خابرت مريم حتى تراسل حسين بأجر ادزله الستره،هاي بعد ما غسلته خلصت قرايه ونمت.
ثاني يوم گعدت الصبح خلصت كُلشِ اجه السايق واخذني وصلت شفت مريم رحنه القاعه خلصنه اول محاضره رحنه للسنتر الي هو المكاني الي اتفقنه نلتقي بحسين بي گعدنه على الطاوله راحت مريم تجيب الاكل واجت سلوفتله على كرم گالت ...
مريم:زين هو شنو يشتغل
غنى:بشغكه (شركة)نفط وعنده سياره
مريم: والله اني لو من عندج يجني هيج واحد داده اني من يمي اكول موافقة حتى تعالو بدون مهر هم قالبه
غنى:شوف هاي اني عليمن احجي وهيه وين اگول ما اغيد(اريد) اتزوج وهي تگولي بدون مهغ(مهر) بابه اني اغيد اكمل دغاسه(دراسه) اغيد اشوف حياتي وگولي اريد اتزوج بس كون اعغف يعغفني(اعرفه يعرفني) عدنه بعض صفات مشتركه مو الي هو ابن عمي ما شايفته اتزوجه شلون بالله
مريم: والله اني اگول لو توافقين احسن يعني ما اشوف بي عيب ترفضي وإذا على موضوع تكملين دراسه شوفي يجوز يقبل يعني مو هل درجه متخلف لي عنده كل هذا ما اعتقد هيج عقليته،وجان نسمع واحد حم حم بس مال واحد عصبي درت وجهي واشوف حسين ورانه گمت شافتني مريم دارت وجه وگالت...
مريم:اهلا حسين تفضل
حسين:لا شكراً مستعجل عندي محاضره بس الستره بلا زحمه.
غنى:هاي ونطيته اله تفضل ،اخذه من عندي بسرعه وگال..
حسين:مره ثانيه خلي لبسج يكون عريض حتى لاتجيج حجايه تايه هالمره اني ساعدتج مره ثانيه اني ما موجود ماشي وخزرني
غنى: تفاجئت من أسلوبه هذا شبي گتله شتقصد؟
حسين:كُلش زين تعرفين قصدي مع السلامه وراح
غنى:راح هو واحنه وحده ضلت تباوع لثانيه هذا شبي منو يمه
مريم:تره حقه أنتِ شايفه شلون لبسج جان
غنى:شنو انتِ اليوم كل ما اگولج على شغله تگلبين ضدي اروح للمحاضره احسن الي ورجعت ضلت هسه وراي تمشي خلصنه دوام طلعت لكيت السايق جاي رحت وصلت للبيت سلمت وصعدت بدات ملابسي ونزلت لگيت كله گاعده على السفره شعجب اليوم كوله موجوده بدينه ناكل ومحد حجه بس صوت المواعين وأخيراً حجه بابا گال...
عصام: البارحه اجه عمكم ابو كرم وطلب ايد اختكم لابنه طبعاً اني گتله اشوف إخوته بس الرايه رأيه البنيه نشوفه وانطيك الخبر وهو مگال شي براحتكم وهسه اني حجيت حتى اشوفكم انتو شنو تگولون ها امير...
امير: والله يابه ما اعرف شنو اگول اني هم من رأيك الشور شوره هي شنو تگول احنه وياه وهاي حياته بعد اني مالي شغل هي بكيفه
عبير:لا شنو بكيفه هي موافقة مالكم دخل أخذوه من عندي
عصام:لا ماكو احنه نريد نسمع الموافقة من عده وانته ايسر شنو تگول...
ايسر:والله يأبه تفاجئت الصراحه يعني ما اعرف هيه بكيفه وهو كرم اني شايف الولد حباب وماشايف شي عليه حتى اعترض واني هم من رايكم هي شنو تقرر اني وياه باي قرار سواء الموافقة او الرفض
وجه بابا سؤاله الي وگال....
عصام:ها بابا شنو تگولين؟
غنى: طبعاً اني صايره حمره من الخجل احس الحراره تطلع من عندي من المستحه ،والله بابا ما اعرف شنو اگول انتو بكيفكم شتفصلون اني البس
عصام:لا بابا شلون بكيفنه هذا قرار يخص حياتج مو شي تشتري ومن ميعجبج ترجعي هذا قرار ما منه رجعه فكري ومن تردين تنطين خبر گولي تمام وكمل وگال ياحبيبتي كبرت وصار يجوه خطابه ،اني بعد ما اتحمل بسرعه گمت من الخجل.
رحت للغرفه مالتي اكمل قرايه لان محاضرات هوايه عندي ضليت أقره بس ماكو اريد معلومه تدخل ماكو كل ساعه بالي يروح لمكان ،خلصتهم وأخيراً
رحت فرشت اسناني وخليته راسي على المخده اجه بالي حسين ستغربت من تصرفه ليش سوه هيج معقوله علمود لبسي وهو هيج متحمل من ذاك اليوم حتى يسمعنياه اليوم لو اكو شي ثاني خاف سمع حجينه اني ومريم بس حتى لو هو شنو اله علاقه ضليت اسأل راسي هواي ماله اجابه بالاخير استسلمت للنوم گعدت ثاني يوم ونفس روتين .
يوم جمعه جنت دا حضر بالعشه وماما دتصلي دخل امير وشكله ميتفسر گال لحد يگعدني اريد انام اني هم مگلت شي گتله تمام صبينه العشه كله اجت تاكل سال بابا عليه گتله ميقبل أحد يصيحله يريد ينام گالت ماما...
عبير:شكو خو مابي شي ليش ما اجه؟
غنى: والله ما اعغف(اعرف)اجه عصبي گال لحد يگعدني اريد انام اني هم مگلت شي گتله بغاحتك وهاهيه.
.. تمام،خلصت كملت المواعين لان عليه ملات العشه وگعدت شويه اتفرج ويه ماما مسلسل بعدين ضجت صعدت لغرفتي سمعت تلفوني يدوگ تنبيه بوصل اشعار بعدته عن الشحن فتحته جان جاايني طلب متابعه باسم حسين بالإنكليزية بس مامبينه لان جان داير وجه وماخذ الصوره وافقت على الطلب وگعدت شويه اگلب بالتلفون جان تجيني رساله من نفس الحساب دخلت ...
_______________________
يتبع...
شلونكم بنات جميلات احوالكم ونزلتلكم بارت أن شاء الله يكون خفيف لطيف عليكم وحيصير النشر كل أحد وخميس
لان تدرون بده الدوام وكذا ف بهذني الايام عندي مجال انشر وأوقات النشر بالليل مادري ليش احس نفسي بومه 😂😂وهسه حبايبي لاتنسون التصويت+تعليق متابعه لحسابي بدربكم والانستا هم ghe.92
ودمتم برعاية الله وحفظه
غدير عبدالله
رواية وقد كانت صدفة الفصل السابع عشر 17 - بقلم غـدير عبداللّٰه
"وقد كانت صدفة"
تمنيتك نجم كل ليلة اباوع ليك..
واضوج هواي لمن تگرب الغبشه ..
ونام من الصبح احلم بطاريك ..
وساعات النهار تصيرلي وحشه..
ويرد الليل يرجع وأنه ارد ليك..
مثل طير بمسيه يرجع لعشه..
__________________________
💬اعرف هذاك اليوم هواي دست بالحجي وياج واعتذر من تصرفي جان بدون تفكير لان جنت معصب من شغله وصرتي مقابيلي وصارت بوجهج واني كُلش اسف.
مافهمت منه شي
💬بس العفو منو انت؟
💬 اني حسين!
💬اعرف حسين بس منو من عدهم؟
💬 اني الي صيحت عليج يوم الي جبتي الستره..!
هنا يالله طخت يعني جاي يعتذر الاخ گلت اجيت والله جابك شويه حبيت اخبث رديت..
💬يعني تعترف
💬يي بس گتلج اسف واعتذر.
💬يعني هسه شنو تريد بالضبط؟
💬 تسامحني
💬 منو يگول؟
💬اني اگول!.
💬هااا واثق من نفسك؟
💬يي.
💬لا اعتذارك غير مقبول
💬لعد شنو تردين ؟
💬مادري بس هيج اعتذارك ما مقبول وهيج ؟
💬تمام اني اعرف شلون أحله.
💬شلون ؟
💬وأنتِ شكو.
بس شفت رده بسرعه نطيته بلوككك وهو ديگتب يله خلي نشوف شلون تحله يا استاذ ابو اربع عيون لان شكم مره لگيته لابس نظارات بس شلون طالع بيهن ابن الاوادم اممم.
هههه بعدين لفيت راسي ونمت ،گعدت نص الليل عطشانه نزليت لگيت باب المطبخ مفتوحة يمه لزمت گلبي والاضويه مطفيه بس ضوه البراني مفتوح واسمع حركه بالحديقة أمشي ورجليه رجفن دخيلك ربي اخاف اروح وبنفس الوقت فضول اريد اعرف منو؟
فتحت الباب على كيف والگه امير ما اعرف شنو ديسوي بالسياره مالته هذا شبي حلمان لو شنو رحت لگيته صافن على شي گتله...
غنى: هاي شدسوي ؟هو منطيني ظهره
امير:دا ادور على الوراق مهمه.
غنى: لعد هسه نص الليل؟
امير:ممممم لان مااجاني نوم
غنى:تغيد اسويلك اكل ما تعشيت
امير :يي بس شي خفيف
غنى: ماشي
امير: غنى
غنى :هااا
امير :هاي الج
غنى:شنو هو، نطاني قلم حمره بس مو مثل الي عندي ،لا مو الي
امير:لعد المن؟
غنى:ما اعغف
امير:ماشي نطينيا أخذته وضميته بالدشبول.
غنى رحت اسويله اكل وهو اجه ورايه قفل الباب وگعد على طاوله الطعام وصافن اني اشتغل بعدين سألته...
غنى:اميغ
امير:مممممم
غنى:شبيك اليوم اجيت عصبي حتى اكل ما اكلت صايغ شي؟
امير:جؤ
غنى:اكيد
امير:لا مصاير شي بس عندي قضيه مهمه وشويه دايخ بيه وبس ،فكرتي شنو حتقررين؟
غنى: عن شنو؟
امير:عن كرم!
غنى:مادغي اصلا مامخليته بالي ما اعغف شنو اختاغ اكو اتجاهين بعقلي اتجاه يگول اكمل دغاسه وبعدين افكر اتزوج واتجاه يگول استحيت احجي....
امير:يي احجي
غنى: واتجاه اوافق لان ما بي عيب حتى ارفضه وبالي متشتته ما اعغف شنو اسوي بس اكثر شي اميل اله هو الاتجاه الأول
امير : تمام
غنى:متعلق على شي؟
امير:شوفي اني ما اعرف افيدج أو لا بس شوفي اني بأي قرار تاخذي وياج لو كله وگفت ضدج اني وياج وبالنهاية هذا قرار يخص حياتج مو شي عادي بعد أنتِ بكيفج فكري زين، هااا يله مصار الاكل لان بعد ورايه گعده من الصبح
غنى:تمام سويتله اكل خلص وگام غسلت المواعين على السريع ورحت نمت.
امير
الصبح الساعه 8:30بالمحكمه .
واگف داحجي ويا أهل موكيلي وشويه القضيه معقده، اجه المتهم بالقضيه الي هو موكيلي دخل للقاعه واني دخلت وراه بدت الجلسه ناس تجر طول وناس تجر عرض بالاخير تأجلت بعد ثلاثة أسابيع لان الطفل مسوي حادث بالمستشفى فاقد و واهله مشتكين على الي ضاربه.
والضاربه عنده عرف يريد يدفع كفاله ميصير اله يگعد الطفل وهم حالته حرجه ولازم اروح للمستشفى حتى اتأكد من وضعه ووووه هوسه..
ومنا شغلت ايلاف الي مامخليتني ليلي انامه طلعت من المحكمه متوجه للبيت والعصر عندي روحه للجم صار الي اسبوع مرايح مشه اليوم عادي نفس الروتين.
صار الصبح وتوجهت للمستشفى حتى اشوف وضع الطفل بس الي صدمني نفس مستشفت ايلاف يي همزين حتى اشوفه وصلت ركنت السياره بالگراج ودخلت سألت بالرسبشن دلوني الغرفه رحت اله وصلت لگيت خطيه أمه تكسر الگلب وابو الطفل ميعرف شنو يسوي سألت على وضعه گالو انو دكتورفلان هو المسؤول عنه توجهت لغرفته وبعده رحت اله لغرفته وصلت لكيت الباب مفتوح على نص واسمعه تحجي ويا دكتوره ثانيه تگول..
ايلاف
صار الصبح واتصلت على رافد يجيني حتى قبل الريوگ كله تكولي تريگ گتلهم ابد عندي شغل ولازم اروح اني من بعد أمس ما اعرف شلون نمت وسترت على نفسي من الخوف.
اجه هم ماطول لان كُلش قريب اخذني للبيت وصلني وراح دخلت شفت ماما ستوه دتسوي ريوگ سويت وياه وكعدنه ناكل خلصنه ولمينه المواعين الريوگ غسلتهم ورحت أرتب البيت لان عندي عطله اليوم وراه خلصت رحت لميت ملابسي الوصخه وغسلتهن عدلت الغرفه نضفته وصار اليل اتصلت على ميسم حتى باجر تجي عليه اروح للدوام گالت تمام.
صار الصبح بدلت اجت عليه ميسم واخذتني وصلنه بصمنه ودخلنه لبست ملابسي اجه عليه ممرض وگال...
..دكتوره هذا ملف المريض أنتِ ودكتور محمدالمسؤولين عن وضع بدال دكتور احمد لان ميجي اليوم..
ايلاف:تمام بس وين الغرفه حتى اروح اشوفه
... غرفه الانعاش
رحت للغرفه دخلته وجان اشوف طفل صغير عمره تقريبا ٥سنوات خطيه وجه ملفوف وايده والأجهزة كله متصله بي رحت للملف مالته قريته مكتوب حادث سير كلش انقهرت عليه وهو شلون شكله حلو بعد عمري.
شفت وضعه كُلش صعب الله يساعد أمه طلعنه ولگيناه ميته بجي بس تريد واحد يگوله كلمه رحت عليه حاولت اطمنه شويه بعدين رحت للغرفه مالتي لكيت ميسم گاعده ضلينه نسولف بعدين گالت ...
ميسم:اكولج تعالي صدُك شلون صرتي ذاك اليوم امج گالت اخذ اجازه لإيلاف بس ما فهمت لان جنت مشغوله شكو؟
ايلاف:ولج داده سكتي غير دخلت الحمام بليل وجان الجو بارد ونمت مادري نسيت اجفف شعري گعدت وسلفتله يي ورحت المستشفى ويه رفل ومهيمن.
ميسم:يا عمري حمدلله على سلامتج
ايلاف:الله يسلمج حبيبي اگولج تتذكرين الحمره مالتي هاي الي اشتريته اني وياج هاي لونه ترابي مشايفته وين ماهيه عندي؟
ميسم:لا والله مادري خاف واگعه من عندج
ايلاف:لا ماكو دورت هواي عليه ماكو متشوفيه بالسياره مالتج خاف واگعه.
ميسم: تمام اشوفه هاج هاي مالتي نفسه بس اغمق شويه خلي لشفايفج شوفي شلون يابسه جنج وحده بيه سكر ..
ايلاف:خاف غامقه
ميسم:لا ولج بس شويه مو كُلش ..
ايلاف:تمام نطيني خليت من عده جان تندگ الباب ،گلت منو جان اسمع صوته لو اني اتخيل
امير:اني عادي ادخل؟
ايلاف:گمت بسرعه متفاجئه يي تفضل،دخل طبعا ميسم ستأذنت وطلعت
امير:يي شلونج دكتوره؟
ايلاف: تمام حمدلله
امير :شلون صرتي ذلك اليوم شفتج طالعه من المستشفى أنتِ و ولد ما اعرف منو جان لازمج من وره ،تعمدت اگول هيج حتى اعرف منو.
ايلاف:يي صح جنت مريضه ورحت المستشفى ويه ابن عمتي وبنت عمي يي تفضل شنو سبب الزياره؟
امير: اها معافايه ،صح اليوم جاي اريد شغله مهم من عندج لان اني ما أكدر يوميه اروح واجي للمستشفى ولو بيدي اسكنه اقصد يعني عندي كومت شغل ماگدر.
ايلاف: طبعاً سمعته اني بس حاولت ما ابين، يي والمطلوب شنو؟
امير : المطلوب انو اريد اشوف وضع المريض وإذا تطلب الأمر وما اجيت اتواصل وياج لان گالو انو أنتِ المسؤوله عن وضع المريض مو صح؟
ايلاف: دكتور محمد مو اني ،اني المساعده مالته.
أمير:مو مهم اهم منو المسؤول.
ايلاف: اي مريض منو من عدهم؟
امير :طفل فادي سوه حادث والد الطفل مشتكي على الي ضربه وصار من نصيبي انو اني اصير المحامي مالته فا ااريد اعرف شنو وضعه وشلون صار ؟
ايلاف:الصرا.....جان يدخل ممرض ..
...دكتوره لحگي الطفل نبضه كُلش ضعيف ودينزل اكثر تعالي بسرعه دكتور محمد يريدج!
ايلاف:تمام بسرعه حظرو ابره ادرينالين وجهاز ديسي شوك خاف يتطلب الأمر بسرعه..
على السريع گمت وصلت يم الباب درت وجهي وگتله بعدين احجي وياك ..
امير:ماشي اني هم جاي وراج
..طلعت على السريع لو ودي اطير حتى اوصل يمه ،وصلت للغرفه بسرعه دخلت شفت النبض دينخفض والاوكسجين ديرتفع ياربي بسرعه صاح دكتور محمد
..ابره بسرعه ايلاف أنتِ ضربي اني اشوف الضغط!
..تفضلي دكتوره ،اخذته وضربته ،ها دكتور ؟
..بعد بالزايد صار ينخفض..
ايلاف:يارب ساعدني دخيلك أقره آيات وكُلش متوتره بالاخير صاح بسرعه جيبو جهاز..
..شگد تريداخلي؟
.على100
..دكتور بس طفل شلون؟
..صاح بسرررعه ،سوا وانطانيا اخذت وگلت دخيلك يربي وضربته گتله بعد؟
..بعد ضربي!
.. تمام ،سواه إليه وأخذته وضربته هم ماكو شي ديهبط النبض بالزايد گلي خلي على 150!
..بس دكتور؟
... بسرعه الطفل حيموت ،وصعقته هاي جانت اخر مرحله وجان يصفر الجهاز يعلن عن وفاة الطفل ،اني هنا نهاريت بتعدت مابيه حيل بعد وگع الجهاز من عندي ايدي يرجفن واباوع للطفل وجه ملفوف ويبتسم حتى وهو ميت يبتسم يارب شلون هسه شلون اگول لامه بالگوه أمشي ما اريد الطريق يخلث حتى مااگول بس شلون ؟
ما اعرف شلون اگول اله ابنج مات مادري الي اني وبيدي. عالجتن وما تحملت هيه شلون.
نفتحت الباب وتصير أمه گبالي هي وابو مشو طلعنه اني والدكتور..
شوفي اختي أنتِ اتأمنين بقضاء الله وقدره؟
..هزت راسها ماوفقتني الرأي ،دكتور دخيلك ابني شبي گولي الله عليك ابني؟
ايلاف:فادي نطاج عمره ،وبالگوه گلت اله الغصه واگفتلي بحنجرتي هي صفنت بوجهي بعدين ضحكت ودموعها تنزل..
..هههههه اكيد أنتِ دتشاقين ابني ميموت شلون اني شفته گلي ماما اني جوعان شلون ولج ابني جوعانن وجانت تصيح حاولت الزمه جانت تدفع ايدي اني ما اهتميت ولزمته حقه كُلشِ تسوي بعد ابنه ضلت تصيح وزوجه هم يبجي بس شيسوي بعد ضل يهدي بيه ..
بالاخير وگعت صار عده انهيار عصبي أخذوه واني راساً رحت للغرفه حتى ماشفت منو ورايه اريد ابجي بعده طفل شنو شاف من حياته بسبب واحد متخلف ضربه وراح عافه بمكانه نص ساعه هو ينزف يالله جايبي للمستشفى طبعاً اني نقط ضعفي الطفل أحسه بريئ من كُلشِ رغم اني دكتوره ويگولون الأطباء ماعدهم رحمه بگلوبهم اما اني عكسهم گلبي كُلش يأذيني خاصه اذا جان طفل صدُك ما تحملت بجيت ضل منظره بالي هو وميت يبتسم اووووف يارب ما اگول غير الله يساعد أمه وابو .
مخليه ايدي على وجهي وسمعت الباب تنفتح وصوت خطوات أحد يمشي صار يمي خيال بعدين صارت ايد على كتفي نزيت رفعت راسي واشوف امير مخلي أيده على كتفي مادري ليش من شفته نفجرت بالبجي واني مناك اريد ابجي وخوش لتمت جان يگول...
امير :ليش تبجين هذا قضاء الله وقدره كولنه على هذا الدرب
ايلاف:بس بعده صغير طفل شاف من عمره وبجيت.
امير:هاي بعد حد يومه صار طير من الجنه ماكو شي بادينه نسويه انتِ الي عليج سويتي.
ايلاف:اني ومنزله راسي وابجي اجه صار مقابيلي وگعد نص گعده ولزم ايدي نزلهم من على وجهي ومسح دموعي واني اباوع عليه يمسح وحده تنزل الثاني
امير :اني اول مره اشوف هيج دكتوره عده مشاعر الي ادري بي ماكو بگلبهم رحمه..
ايلاف:ليش لعد احنه مو من البشر لو مخلوقين من غير طينه؟
امير. :يي من طينه مال شط
ايلاف:تره متضحك
امير:اعرف
ايلاف: وتقرب صار مقابيل وجهي وضل يباوع بعيوني واني هم مدري شنو صارلي عيونه خربطن وضعي بعد ما اعرف اريد اگوم من على الكرسي احس شي مربطني غمض عيونه وسحب نفس قوي وگال...
امير:الله يساعد ريتي شلون متحمله عطرج
ايلاف:ضلينه على نفس النظره وجان اسمع احم احم درت وجهي واشوف ميسم مبتسمه نص بتسامه ورافعه تك حاجب
امير:بس سمعت صوت وخرت عنه بسرعه وكلت احم أن شاء الله أمر غير وقت واشوف الإجراءات القانونية اللازمة يله استأذن وطلع اجت ميسم گالت...
ميسم:يي نگول مبروك؟
ايلاف:على شنو
ميسم :على العريس
ايلاف:احترمي نفسج ماكو هيج شي
ميسم:يي واضح طلع صدُك الحجي اممممم
ايلاف:اي حجي ؟!
ميسم:حجي شهد تگول اكو احد بينه زواجها قريب
ايلاف:ايا ادبسسسز طلعتن متفقات عليه لا عريس ولا شي اجه الرجال يواسيني لان شافني ابجي ويحاجيني ويروح وهاي هيه
ميسم:يي اجه يحاجيج ويروح وغمزت
ايلاف:شنو قصدج ولج؟
ميسم: يعني ماكو شي منا منا ابد هيج گعد عاقل وشنو جنتوا تسون ..
ايلاف:ميسم كافي سدي الموضوع گلت ماكو شي ليش تخليني بموقف بايخ
ميسم: هههههههههههه شبيج عصبتي لعد ما اكيف الج يله مسحي دموعج عمي حقه يباوع لهل عيون غير عيون غزلان
ايلاف:يي لوفيه عليه يله أمشي احس راسي گام يوجعني من البجي واريد اشوف ام الطفل خطيه كسرت گلبي ورحنه شويه شربت جاي بعدين رحت وطمنت عليه.
وَفي صُبَحاً
وقَفْتاُ أمامَ مراتيَ
وَقد بانّت علىْ وَجهيَ خساراتِي
أرْى شخُصاً على المرأة يَكرهّنيَ
ومَا اقِساه كُره اللَذات للِذات...
...حيللل صار الي هواي مشايفه شكلي بالمرايه اباوع لوجهي لسواد إلجوه عيوني حسيت نفسي كبرانه عشرين سنه فوگ عمري كل مره اوگف كباله اضل اتمايز بجمالي بلون عيوني..
معقوله حتى لمرايه طلعت تعرف تعكس الي يميزنه وتستر على عيوبنه لو عيونه هي الي تغشمنه ونشوف بس الحلو الي بينه ،يعني معقوله اليحب من كل گلبه ينعمي وميشوف عيوب الثاني لو شنو السبب؟..
هففف حاولت اخفي الهالات السود الجوه عيوني وأبين گدام الكل اني طبيعيه لان ورايه طلعه ويه ايلاف لان بعد اسبوع...
____________________
يتبع...
شلونكم بنات احولك طبعا لليگولون ليش تتأخرين بالتنزيل وليش وليش ... طبعاً اني هذا وقتي الي يريد يقره أو لا هذا شي راجع اله .
والله هم داحاول قدر الإمكان انزل لكم بارت غير الموعد يعني انتو لتصدگون الحجي احاول ازاغل شويه مثل ميگولون لفظت لسان😂😂
المهم اريد اعرف رأيكم بهذا البارت و وتعليقاتكم شويه لوزوهن تلوز حلو بعد يمكم لتقصرون فدوه
لاتنسون التصويت+وتعليق ومتابعة للحساب بدربكم والانستا هم
ودمتم برعاية الله وحفظه...
غدير عبدالله
رواية وقد كانت صدفة الفصل الثامن عشر 18 - بقلم غـدير عبداللّٰه
"وقد كانت صدفة"
واختر خليلَ قلبك بحكمةٍ
فليست كُلّ القلوب
بالقلوب تليقُ
واختر لنفسك شخصًا
إذا قَست عليك الأيام يكُن
لكَ فيه عشمٌ لا يخيب.🤎
بعد أسبوع العرس والله أمر غريب اول مره اشوف وحده رايحه لعرس حبيبه برجليه هههه اووف يگلبي بعد شتتحمل .
خلصت تبديل ورحت لماما لگيته دتلبس بالحجاب دزيت مسج لإيلاف حتى يتحضرن حنجيهم هي وأمه لان عدهم شغل وكالت على الواهس ويانه طبعاً ماما وام ايلاف مثلنه كلش علاقتهم قويه يتخابرن وحده تعزم الثانيه يعني مثلنه عبالك خوات .
خلصنه ورحنه متوجهين الهم وصلنه صعدن بعدين نطلقنه متوجهين للمول حتى نشتري فساتين للعرس اني وماما اني اصلا ما ردت اروح لو ما ايلاف تزن عليه هي وماما فلا اروح بس شسوي مجبوره دا اسوق وبالي شارد بغير عام هن يسولفن واني ولا يمهم بعدين حسيت ندسه على متني شفت ايلاف تاشرلي بيده يعني شكو هزيت راسي باماكو شي وصلته گتلهم انتو روحو واني اصف السياره واجيكم صفيته ونزلت وصلت قريب عليهن بعد محلين هيج واسمع واحد بس صوته مو غريب عليه يگول ..
..شلونج دكتوره ميسم؟
ميسم :درت وجهي واشوف سيف واگف وكأنو دينتضر احد اجه بتجاهي رديت ،اهلاً سيف
سيف:عرفتيني؟
ميسم:اكيد اكو واحد ميعرف المريض مالته.
سيف:اها شكراً محتاجين شي أمر خدمه؟
ميسم:لا مشكور متقصر يلا عن اذنك ماما دتنتضر باي
سيف:تمام الله وياج
ميسم رحت كملت طريقي،ما اعرف كل ما اشوف سيف هيج شعور بداخلي غريب ممزوج بفرح من اشوفه احس شي دافئ شكله يوحي بحنيته وي الشخص المقابيه حتى من اشوفه يجي اسمه على لساني.
دخلت للمحل لگيت ماما هي وخاله ام ايلاف رايحات بغير عالم وايلاف دتگلب بالفساتين رحت يمه ..
ميسم:ها شنو ختاريتي حلوات لو لا؟
ايلاف:مادري بعدني داشوف.
ميسم:يله شوفي ذني واني حروح هناك اشوف ذنيج واشرت عليهن
ايلاف: تمام
ميسم: طبعاً ايلاف هم عدهم عرس بنت خاله لان بيت جده أهل أمه كلهم هناك فا اجت اليوم وبأنه هم على الواهس وهم تختار طبعا أني ما اعرف اشتري اذا ما هيه ويايه نتوالم اني وياه كل وحده تنسق لثانيه واني اثق بذوق وهي تثق بذوقي يعني متوافقين الرأي
گلبت بيهم شو ما عجبني شي رحت اله، شو ما كو شي حلو انتِ شنو لگيتي؟
ايلاف:مادري حتى هنا ملگيت تعالي خلي نشوف ماما وامج شنو اخذت؟
ميسم:رحنه شفناهم هم ممختارات شي طلعنه رحنه لغير محل هم ملگينه شي بعدين گلت الهن،اگول اني كُلش جعت وعطشت خلي ندخل لمطعم شي.
اسراء:يله تعالو لهذا المطعم ودخلنه طلبنه عصائر وكيك من خلصنه ضلن يتعاركن هاي تگول اني ادفع وهاي تكول اني ادفع تالي بالاخير صفن كل وحده تدفع مالته ومال بته الطلب واحنه نضحك عليهن اني وايلاف .
طلعنه دخلته لمحل من واجهيته مبين حلو دخلناه وگلبنه بالفساتين يجنن كل وحده راحت لجهه هههه تگول جنه بسجن واطلقوا سراحنه كل وحده تدور بجهه گلبت بعض الفساتين حلوات بس كلهم تطريز نم نم وثكال بس اني ما احبهم هيج وحتى مبينات غاليات والله وجان اكلي ويصير گبالي واحد بالاخير يجنن على النزاكه مالته يجنن أخذته سألت على سعره شويه غالي رحت لإيلاف جانت واگفه يمهن..
ميسم:شنو رأيكم بهذا الفستان؟
ايلاف:الله يجنن كولش حلو
اسراء:يي حلو بس خاف غالي ولج ؟
شيماء:ولج خاله كولش حلو ما الج شغل باامج أخذي..
ميسم:يعد عمري خاله
اسراء:زين شنو سعره
ميسم:💲💲💲
اسراء:يعني شگد بالعراقي
ميسم:***الف
اسراء:شهكت على كيف عزززه ولج غالي ..
ميسم:ماما حبابه تره ما اروح ..
اسراء:يي مو هو بكيفج مترحين
شيماء:اوگفي دقيقه خلي احجي ويه االولد بالكي ينزل من سعره شويه ،والله وراحت خاله ضلت تحجي ويا والله وصدُك نزل شگد وهي شلون عليه لسان ينگط عسل ،ها بعد شتردين..
ميسم: حبيبتي خاله أن شاء الله نفرح بعرس ايلاف ونرگص بي ،وجان وخزرتني خزره هههه..
شيماء: أن شاء الله واشوفه بالابيض
ميسم:أن شاء الله عن قريب ...
شيماء:هاا من....
ايلاف:ماما هاي تحجي وحده عوفيه تعالي ميسم شوفي هذا الفستان القصير عجبني وسحبته، ادب سزز أنتِ متوبين من جفصاتج بعد التوبه اذا اگولج على شغله
ميسم:والله اسفه مقصدي بس حتلو قابل مكذبه مو شفته ذاك اليوم شلون يباوعلج وده ياكلج اكل بنضراته
.
ايلاف:وبعده تحجي أمشي بابه سوته يتزوجني هو مره لو مرتين اجه للمستشفى گال يتزوجني گال أمشي .
ميسم:ههه زعلت من كل عقله والج تعاي داتشاقه والله شبيج
ايلاف:بس مو هيج تدرين اني ما احب هيج شقه واني مو من هذا النوع بعد لتحجين هيج..
ميسم:يله تعالي خلاص بعد ما احجي يله وين الفستان القصير الي گلتي عليه ،بالخير طلع كذب حتى بس تسكت حلگي خلصنه دفعنه لحساب طبعا سوالنه تخفيض لان كل احنه شترينه من عنده خو خاله أخذته دگ سوالف احنه معاميلك صرنه وهاي ...
من طلعنه طبعا ماما وخاله قبلنه يمشن واني وايلاف وراهن نسولف من طلعنه من المحل جان تدخل بنيه شايفته بس وين من سمعت واحد گال اله...
..ايناس اني هنا انتضرج خاف متلگيني هذا مكاني
درت وجهي واشوف سيف واگف بعيد عنه شويه هو شافني وبتسم اني بس باوعتله ومشيت ..
مادري ضجت بس من شنو ما اعرف ومنو هاي الي ويا اكيد مرته أكثر وحده مكروه، مادري ابد ما حبيته بس لا شو تنطي شبه شويه خاف اخته يي يمكن ضليت اسأل بنفسي بعدين افترين كملنه ورجعنه للبيت.
صافنه على شكلي بالمرايه وام الصالون شنو تگولي اگول اله بكيفج بالاخير مليت بعد متسألني راحت لماما تسأله وضلت هي وماما يختارون واني شنو اتگلي اسوي ،مادري احس گلبي يأذيني خاف اشوفه وبعد ما اسيطر على نفسي خاف يصير فد شي ويخرب كُلشِ احساس مو حلو يراودني..
خلصت مكياج وتسريحه بس گتله بالبدايه اريد مكياج مو كُلش اوفر بس عجبني اخلي حمره لون احمر والتسريحه بسطه مجرد بڤ والباقي تسوي ويڤي وخليته مفتوح شعري لان هو مو كُلش طويل نص ظهري وخلت فراشه كُلش حلو صغير صفح صارت تجنن..
ضلت ام الصالون تلح حتى تصورني اني ما قبلت وماما هم والنسوان تروح وتجي تباوعلي بعدين خلصنه كُلشِ أخذنه غراضنه ماما تحاسبت وطلعت جنت لابسه بنطلون وبدي وعبايه اسلاميه وگلت بالقاعه ابدل لان الفستان طويل وحرامات خاف يتوصخ وصلنه للقاعه احس گلبي حيطلع من مكانه من التوتر والخوف گلت لماما ..
ميسم:ماما؟ ...
اسراء:ميسم سكتي ما اسمع كلمه ويله گدامي..
ميسم:بس ماما مااگد.. !
اسراء:أمشي گدامي، وخزرتني لان جانت اكو نسوان ديدخل دخلت للقاعه واشوف...
ايلاف
وصلتني ميسم للبيت وراحت اني دخلت سلمت حتى ما الي واهس احجي رأسا صعدت لغرفتي ما الي نفس اكل من بعد منظر الطفل بالي ابد مديروح ،وهم اليوم ماما دوامه صبح يعني جايه من الظهر بدلت ونمت قريب دا اريد اغفه دخلت ماما ..
شيماء:شبيج ماما شو ما اجيتي اكلتي صاير شي؟
ايلاف:لا ماكو شي بس ما الي نفس اكل..
شيماء: ليش شنو صاير خاف هم رجعتي تمرضتي شو خلي اشوف وشافت حرارتي ،ماكو شي شبيج وضعج شو ما عاجبني
ايلاف:كعدت عدلت نفسي اوففف ماما اوف وياه عبره ..
شيماء:شكو شبيج شنو صاير خوفتيني ميسم شبيه؟
ايلاف:لا مابيه شي بس اليوم اني وداننقذ طفل .....وهو يبتسم مات ماما لو شايفته كُلش حلو يجنن ابجي واسولفله...
شيماء:يمه سوده عليه الله يساعد أمه بجاه كلمن عنده جاه هاي الدنيا بعد اليوم هو يموت باجر احنه محد يدري على ساعه والله يأخذ أمانته ..
ايلاف:ماما لو شايفه منظر أمه يكسر الگلب وصرت انشغ..
شيماء:كافي ماما هي بعد الله كاتبله هلگد ويعيش احنه شنو بدينه يله كافي حبيبتي مسحي دموعج ونامي اني شويه واگعدج ياله نامي نمت واجت غطتني وباست راسي ..
وراحت واني بعده الشهگه بيه ضليت فتره صافنه مر على بالي من اجه ومسح دموعي ومن شم عطري يعني هيج عاجبته اني لو شنو خاف بس يحاول يهديني لو اني عقلي صار يودي ويجيب بس هو الوحيد الي ما فهمت اله من نظره كل شخص مجرد نظره احكم عليه بس هو الوحيد احس شخصية مركبه ممزوجه بهواي شغلات ما عرفت افسره شنو هيه..
بعدين غلبني النعاس ونمت تقريبا بال5 گعدت نزلت أكلت شويه همزين اني مصليه اول مجيت صار الليل سوينه عشه تعشينه وخلصنه وصيت آدم حتى يجيبلي اندومي صار الي هواي مماكلته صعدت لغرفتي شفت تلفوني أخذته فتحته لگيت واصلني مسج من رقم على الواتساب دخلت عليه بعده الصوره مضاهره عندي لكيت مكتوب...
💬شلون صرتي اعتذر من الموقف الي خليتج بي وي صديقتج بس جنت مجرد داواسيج ...
ضهرت الصوره واشوف امير عزززه هذا منين جاب رقمي دزيت...
💬 الحمدلله احسن بس منين جبت رقمي؟
شاف الرساله وطلع جار الكتابة دز...
💬يوم الي اتصلتي بالغلط من جنتي تسجلين اسم ظهر عندي وحفضته.
💬وليش حفظته شتسوي بي؟
💬هيج بكيفي تحسباً لأي شي.
💬مثل شنو؟
💬مثل اذا واحد يشتاق لحبيبته يخابره .
💬يي بس اني ما الي دخل بالموضوع شسوي بيه
💬دخيل محمد شگد ذكيه انتِ تفهمين لي دا اگوله لو شنو
💬 لا
💬تمام لعد سمعي
وجان يدخل آدم خفت من الارتباك بسرعه حذفت الرقم والمحادثه..
آدم:هاج هذني اغراضج مثل ما وصتيني بعد تردين لو لا، حتى لتكولين بس رافد يجيبلي..
ايلاف: حبيبي تسلم ايدك لا هالمره مقصرت يمه ادومي حبيبي الصغيرون
آدم:يي صبغي بعد بعد ومن اگولج على شغله تصيحين ما بيه حيل وستوني جايه من الدوام ..
ايلاف:لا وعد المره الجايه بعيني هاي قبل هاي.
آدم: اذا هيج تمام نشوف يله اني رايح قريب ميسد الباب گال اذا سويتي اندومي سويلي وياج ..
ايلاف: تمام بس وينه شمره عليه وراح ،رجعت للتلفون ادور على المحادثه ماهيه يبو هسه شلون ضليت ابحث ماكو لو خازنه الرقم شگد ذكيه على گولته هههه..
بعدين رحت سويت اندومي الي والآدم وديته اله واني رجعت لغرفتي سهرت على فلم تركي رومنسي حلو والله وجان ضاربني الجفاف خلصته ونمت...
گعدت الصبح اجت ميسم عليه مشه الوكت شويه وصاحلي رئيس الأطباء گالو يريدني رحت دخلت ضل يسولف على أمور روتينيه بعدين کال..
...رح نحولج على الشفت الصباحي لان صار عنده نقص بعددهم والخفر زين العدد وهم أنتِ بس ثلاثة أيام تداوميهن فسويتهم الج كله صباحي..
ايلاف:طبعا كُلش فرحت لان والله الخفر صدُك يتعب تشكرت من عده وكال سلميلي على الوالد لان يعرف بابا خلصت وطلعت من عنده رحت بشرت ميسم حتى هيه فرحت.
ميسم:يي احسن خلصتي بعد يوميه اجي عليج ..
ايلاف:يي والله هي هاي أكثر سالفه شالعه گلبي سالفت الروحه والجيه اگلج هسه تعالي شوكت ترحين تشترون تره بعد متلحگن يعني الخميس الجاي العرس وأنتِ بعدج كُلش مامجهزه ..
ميسم: يي هو على باجر نروح غير وأنتِ ويايه هم حبابه لتعترضين..
ايلاف:مادري اشوف وضعي وادزلج خبر
ميسم:شنو شعندج؟
ايلاف:غير اشوف ماما تقبل يجوز متقبل ..
ميسم:ما الج شغل اني اگول اله والو هسه اخابره واشوف ،اخذت التلفون وصدُك دگت عليه خابرته..
..يي خلي تروح حتى هيه هم خلي تشتري لان الجمعه احنه هم عدنه عرس عد بيت جده اهلي ..
ميسم:تمام هاهيه يله مع السلامه وسدته ها بعد ما عندج عذر
ايلاف:تمام اشوف،والله وصدُك رحنه تسوگنه وتونسنه هم ورجعنه للبيت.
غنى
فزيت من كابوس ابد مو حلو حتى ما أكدر اسولفه كُلش مو حلو الله يستر تقريبا ويه اذان الفجر گمت صليت الصبح بعدين رجعت حاولت انام ماكو إتگلب منا واجي منا ماكو راحت النومه گلت اگوم احسن الي...
والله نزلت سويت جاي وسويتلي لفه جبن وتريگت بعدين صارت السبعه بدلت اجه الخط عليه مشينه مسافه شويه بعدنه عن البيت وجان توگف السياره جان يگول السايق...
..عمي هاي السياره عطلت وحتى إذا اريد اصلحه يحتاج وقت وخاف تروح عليج المحاضرات اطلبج تكسي؟
غنى:الله يستغ شكو اليوم بس شلون عمو اني اخاف اصعد وحدي شلون؟
.. لا عمي لتخافين اني هسه اشوفلج رجال جبير وصعدي ويا واني ادفع ..
غنى: تمام ،وضل كل واحد يوگفلنه شكله ابد مو راحه ضلينه فتره ننتضر حتى صار وقت الدوام واني بعدني بعدين اجه وأخيراً رجال جبير..
صعدت ويا نطيته العنوان وصلت نزلني ورحت اهرول بس الحگ وشلون محاضره أكثر دكتور اكرهه اذا احد دخل وراه يفشله گدام الكل ويطرده واليوم اني شلون بدايته خير دخلت لكيت الباب مسدوده دگيته سمعته گال تفضل دخلت سلمت گال..
..تفضلي شنو تردين؟
غنى :دكتوغ اعتدر عن التأخيغ عادي ادخل؟
..لا وطلعي بره.
غنى:دكتوغ بس دقيقه والله الخط ... وطبگ الباب بوجهي
صدُك بهذيج الساعه بجيت صرت مثل الجاهل الي يتيه أمه بكومت نسوان وهو يدور عليه هيج وضعي رحت للسنتر ابجي شنو هذا اليوم المشؤوم ضليت فتره كاعده وحدي طلعت الملازم وصافنه عليهم ودموعي تنزل ابد مدتوگف شفت خيال صاير ورايه درت وجهي واشوف حسين شافني وعقج وجه وگال..
حسين: غنى ام اللسان مبتور تبجي لا هاي من عجائب الدنيا السبع شكو؟
غنى: تستهزئ حضرتك؟
حسين:لا استغفر الله اني استهزء شنو بس شفتج تبجين وحدج اجيت ليش هلدموع..
غنى:الدكتوغ طغدني لان تأخغت ،واشوفه حاصر ضحكته من شفته هيج برطمت گتله يي اضحك بقت بس عليك هو اليوم مبين من بدايته خير..
حسين: هههههههههههه خرب يومج ولج أنتِ صدك تحجين عبالي شو شنو طلع طارده ..
غنى:يي مو حقك انت ولد عادي عدكم زلاطه انت لو شايف الفشله الصغت بيه وگدام منو گدام زينب الزغگه..
حسين: هههههههههههه يابويه ولج أنتِ شنو هذا السانج صدك ضحكين..
غنى:يي اضحك واني هم صوجي گعدت اشكيله اگوم احسن الي،وگمت مشيت شويه وحسيت ايد لزمتني درت وجهي واشوف حسين لازمه هو شافني بعده أيده وگال
حسين:والله كلش اعتذر ومن شفتج حبيت الطف الجو بس شفج هيج مو مال مزاج وها هم اجيت اليوم حتى تقبلين اعتذاري..
غنى:ها يي صدُك تذكغت بالله شلون تخليني اقبل اعتذاغك ..
حسين:شوفي اني حعزمج لان ما اعرف هاي سوالف مال اعتذر لبنيه لان لو اختي تزعل اجيب اله بيتزا ترضه اما أنتِ ما اعرف فگلت اعزمج بالكي تقبلين وصدك هم ليش تنطيني بلوك مو دا احجي وياج هيج احترامج للمقابل هسه عوفج يله تعالي شنو تحبين تاكلين ..
غنى:طبعا هو رزلني بأدب بس غير الموضوع اني هم اكلته وسكتت ،اغيد بيتزا وببسي وصاج ..
حسين: صدك والله اني عبالي متقبل لو تستحي تطلب غير شي طلعتي تحبين الاكل لو بس توخرين الصاج احسن..
غنى:انت مو تريدني اقبل اعتذارك اطلبلي
والله صدك راح خطيه جاب واجه واله بس صاج وببسي وكعدنه ناكل ونسولف ونضحك صدك راحت الضوجه والرزاله الاكلته صارت مثل البيتزا هههه بعدين بدت الطلاب تجي للكافتيريا تاكل وحنه على نفس گعدتنه اجت مريم نصدمت بس بعدين گعدت ويانه على الواهس دا نسولف ونضحك..
طبعا ابد ما تخيلته حسين بهل الشخصيه واللطف ابد جنت دوم أحسه كُلش شايل خشمه بس هسه العكس انسان كُلش هادئ ومثقف كل شويه أخذ نضره خطف وانزل راسي ما اعرف كل ما اباوع اله يصير تركيزي على عيونه فا انزل عيوني لو اسولف ويه مريم خو مريم ذبت ميانه تگول اخوه احنه ودنسولف واسمع واحد من ورايه گال اسمي درت وجهي واشوف اخر واحد جنت متوقعته يصادفني اليوم ...
___________________
يتبع...
لاتنسون التصويت وتعليق ومتابعة للحساب بدربكم والانستا هم ghe.92
والصراحة كولشش احبكم على التعليقات الجميله بوساتي الكم 🤭💋
دمتم برعاية الله وحفظه
غدير عبدالله
رواية وقد كانت صدفة الفصل التاسع عشر 19 - بقلم غـدير عبداللّٰه
"وقد كانت صدفة"
يَا صُدفه التَلمِني وَياك واشَريْها بثَمَن عَمرَي ⛓️❤️
_____________________________________
درت وجهي واشوف كرم واگف ورايه ويباوعلي اني بس شفته رأسا گمت وگتله..
غنى:كغم (كرم)شتسوي هنا؟
كرم: والله اجيت اشوف خطيبتي بس لگيته گاعده ومتونسه على الاقل سلمي سألي رأساً شسوي هنا؟
طبعاً أهنا نصدمت شنو خطيبته هو اني موافقته حتى گتله بس من وره خشمي..
غنى: اهلا تفضل هنا
كرم :بعد وكت والله وگعد ويانه على الطاوله حتى بدون ميسلم على حسين ابد محبيت تصرفه..
غنى:يي شنو سبب زيارتك الموفاجأه للجامعه؟
كرم :والله اجيت حتى اشوف خطيبتي وبنت عمي شلونه واله ميصير ،من گال خطيبتي رأساً اجت عيني بعين حسين .
غنى: دقيقه دقيقه اوگف شنو خطيبتك شنو بنت عمي أنتِ دتفتهم الي دتگوله شنو انت ابن عمي بس بالاسم اني ستوني يالله شفتك وعغفتك وجايني تكول خطيبتي وتعال انت شلون دخلت؟
كرم:مالج علاقه،يي وانتِ حتصيرين خطيبتي البارحه اجتني الموافقه واليوم اجيت حتى اشوفج بس لگيتج گاعده ومتونسه وي هذا الاخ وأشر على حسين،اباوع لحسين الحواجب مطبوگه وشراين ركبته ناطه يريد ينفجر گال...
حسين:هذا الاخ الي دتگول عليه عند اسم وعيب عليك خلي عندك اسلوب بالحجي هاي عود انت دارس وهيج اسلوبك لعد شنو خليت للجاهل..
هذا من سمعه هيج گوم ولزمه لحسين من ياخته وحسين اطول من عنده هم لزمه من ياخته الشباب گله گامت تباوع واني جنت صايره وره كرم باوعت لحسين بنظرت ترجي حتى يعوفه ليفضحنه گدام الجامعه كله هو عافه اجيت صرت بنص بيناتهم وجهت كلامي الكرم ..
غنى:شوف كرم اني جنت كُلش محتغمتك رغم ما اعرف اسلوبك بس هسه اتضحلي هذا الشي وإن جان عندك امل انو اتزوجك فهسه غاح وجايني حتصيرين خطيبتي اصلا حتى بعدني ما مفكره بهذا الشي واخر همي وهسه اگوله الك اني مموافقه فهمت اني م م و ا ف ق ه وإن جان على الي انطاكم الموافقه اني اعغف شلون اتصرف ويا..
وعفته ومشيت هو ضل صافن بعد ميعرف شنو يحجي احسن يستاهل عباله خايفه لو استحي مشيت وصلت نص الطريق اشوف مريم ما هيه درت وجهي واشوفه على نفس گعدته وتباوع بتجاه كرم أشرت اله شافتني اجت گتله...
غنى:ها عجبج عليج بالعافيه بس من هسه اگولج هذا يمشي وره حجايت ماما ف خاف تبادرين أخذي حذر تمام
مريم:هوب عمي شنو سالفه هو مال اعجاب اي بس من گلتي وره أمه نگلب واهسي يله أمشي صار النه هواي نسخت تعالي صدُك سولفيلي ليش اليوم تاخرتي..
غنى:يي مو ليوم ... خلصنه محاضره صار وكت الرجعه للبيت واحس راسي حينفجر من التفكير حتى اريد افتهم المحاضره ماكو دخلت للبيت واني فايره اعرف منو انطه الموافقة دكيت الباب سمحت الي بالدخول..
غنى:يعني أنتِ صدُك تحجين تنطين الموافقه حتى بدون علمي لا وهم متفقه على المهغ واني ما ادغي والله صرت احسج مو امي احس بس تغدين تخلصين من عندي ليش تدغين بيه اني ما موافقه ليش تحجين من كيفج ليش تخليني بموقفه يغيت الگاع تنشگ وتبلعني على الي صرت بي وين بالجامعة ، احجي واصيح احس روحي فقدت
عبير:لج مو عيب ترفعين صوتج على امج ها حقيره وثانياً اني لمصلحتج لان اريد الج الزين هيج تسوين بيه يلي بلا تربيه حرامات تعبي راح هيج ..
غنى:يا مصلحه التحجين عنه ها يا مصلحه تغدين تزوجيني الواحد اسلوب بالكلام ما عنده يعني تخيلي اجه اگوله شلون دخلت يگولي مو شغلج هذا الي تردين مصلحتي بي الي هو بس سألته يگول ما الج علاقه وتدغديني اعيش حياتي وياه وسكتت راسي مدري شنو صار بي احس الدنيا دتفتر بيه بعدين اذاني گامت تصوفر بعد ما اگدر گعدت على القنفه هي شافتني هيج اجت عليه ..
عبير: غنى شبيج ماما غنى
غنى:مادغي ماما راسي ديأذيني كُلش واذاني دتصوفر ..
عبير:يااا ولج خاف صعد الضغط صبري شويه اسويلج گلاص ليمون واجي نامي شويه ورفعي رجليج ليفوگ..
غنى:راحت هي وسويت مثل مكالت الي احسر قبق راسي حينشلع من مكانه شويه واجت جابته نطتنيا شربته شويه گدرت اگعد گتله اني رايحه للغرفه انام گمت وصلت قريب الباب بعد ما أكدر دخت لحگ عليه بابا ولزمني من ايد گال ...
عصام:هاي ليش شبيج بابا غنى تعالي گعدي هنا..
غنى:لا بابا اروح للغرفه احسن هنا كُلش ختنگت وباوعت لماما ،هو نتبه عليه
عصام:ها شكو شنو صار ليش تباوعين لامج هيج..
غنى:بعدين بابا اگولك هسه اريد انام ،ورحت صعدت لغرفتي سديته وسمعته يحجي ويگول ليش هيج وضعه وشنو صار نمت..
گعدت تقريباً العصر احسن شويه نزلت الكل موجود والوجوه ابد متبشر بخير عرفتهم درو بالموضوع.
عصام:ها بابا شلون صرتي؟
غنى: الحمدلله تمام
عصام:اكلتي؟
غنى:لا بعدني هسه اسويلي لفه واكل بس ليش تسأل صاير شي؟
عصام:شوفي بابا اني دريت بالموضوع وعرفت امج هي الي دازه الموافقة ف هسه اريد احسم الموضوع واسمع الحجايه من عندج حتى ارد الهم خبر لان حتفشل من عمج إذا ما رديت خبر لان حتى هو ميدري بالموضوع..
غنى:بابا اني من هسه اگوله الكم وهاي گدام الكل حتى لتكولين ما سمعت وهاي السوالف اني من بعد الي شفته اليوم عرفت شنو طبعه اني مموافقه على هل الزواج وخلص.
اشوف ماما وجه ميگصه الطبر وهذا طبعه متسلطه تحب كُلشِ على مزاجه تحس نفسها هي المتسلطه بالبيت ولأن اغلب الوقت بابا بالدوام ف تأخذ راحتها أما بابا كُلش بسيط ومتساهل ابد ميحب الشي خطأ يگول عنه والعكس صحيح وابد ميفرقه كوله عنده واحد بس اني أحسه يحبني مادري لان اني الوحيده بنته أو ما اعرف يمكن من وجهت نظري هيج..
عصام:ها هيه بابا خلص هذا هو بعد نسد الموضوع هنا وبعد ابد مينفتح هاهيه،بعد كله راحت لشغله طبعا ايسر وامير ما حجوا شي لان موافقين الرأي وي بابا ف ماعلقوا على شي .
بعد مرور من الزمن....
جنت ستوني طالعه من الحمام واشوف الجام مال الشبابيك كله مكسر والطلقات ما اعرف منين تجي من حلات روحي نزلت راسي وكعدت قريب الجربايه مالتي يم الكزاز واحس شي حار ينزل مني بس ما اعرف منين احس الي دا اشوفه فلم الطلقات فوگ راسي تمطر بعد ما اعرف شنو احجي اريد أصيح اريد يطلع صوتي ماكو من هول الصدمه وگاعده ومقرفصه جسمي إلى أن هدئت الطلقات واني على نفس گعدتي مصدومه واسمع التلفون يدگ واخاف اروح اجيبه مرت تقريباً عشر دقائق وجان تنفتح الباب وما حسيت بعد بشي..
امير
بعد وصول خبر وفاة الطفل وعدم ظهور الادله بحق المتهم ولقد حكمت المحكمة على المتهم ... بالحكم 10سنوات في السجن ورفعت الجلسه،خلص القاضي الحكم على وكيلي ونحكم ضل يصيح واني ما ادري واني ما الي علاقه هو طلع گبالي ومن هاي السوالف ،اني سويت الي عليه سويت الي اگدرله وأهله وأخو ضلو يصيحون اجه اخو تهجم عليه لزمني من ملابسي..
.. ليش ليش ما طلعته انت مو محامي مالته مو انطيناك فلوس ليش..
امير:لعد شسويلك قابل بيدي اني گتله روح اكتله اني سويت الي عليه واخوك ما عنده ادله حتى تظهر برائته بحثت ودورت ماكو اي ادله وحتى الشهود ماكو غير الي شافوا هو الي ضربه ،ضل ايصيح ويغلط راد يضربني اني رگعته كله ختل توازنه ورجع عليه بالاخير اجت الشرطه فاككتنه حتى ابو ما گدرله ضل يصيح ..
..اني الك بسيطه رح تندم على هاي سوايتك ،گتله
امير: شنو تريد تسوي سوي
وراح طلعوا اني هم نفظت ملابسي وطلعت وهم شفته گاعد ويخز عابت اي والله يخزر القزم هم بي عله ، ركبت بالسياره واحس نظراته ابد مو راحه الصراحه خفت يي خفت بس مو على نفسي خفت على واحد من اهلي يضرر لان اني اعرفهم هو لو ما اخو مكبسل جان ما سوه هذا الحادث ومن عرفت بعد ما أكدر انسحب لان مات ألطفل وما أكدر اشهد ضده لان وكيلي قررت ما اكول وهي المحكمه تقرر شنو عقوبته..
رحت للمكتب عندي شكم شغله خلصتهم وقضايا طلاق وكومه شغلات هم خلصتهم بال1تقريبا رجعت للبيت دخلت الوجه كله مگلبه صبت امي الغده جان گاعد بصفي ايسر
امير :خير شكو اشوو الوجه مگلبه صاير شي؟
ايسر: والله خويه علمي علمك
امير:اكول يمه شو غنى ما هيه شنو لساته بالجامعه
عبير:لا نايمه لان اجت تعبانه گالت لتگعدوني ،شفته شالت عيونه على أبويه وهو ولا شافه اكيد صاير شي خلصنه غده صعدت اريد انام گال أبويه للكل
عصام:اذا گعدت غنى اريد الكل موجود تمام
امير:خير يأبه صاير شي؟
عصام:من اكعد تعرفون كُلشِ..
امير:هزيت راسي وكملت طريقي دخلت للغرفه نمت على الجربايه گعدت اگلب بالتلفون واجت على بالي اكيد هسه بالدوام گلت اراسله راسلته دزيت
.
💬شلونج
ظليت شويه وصلت الرساله بس ما شافته بعدين مسحته ونمت
گعدت تقريباً العصر لگيتهم هم ستوهم گاعدين نزلت غنى وضل أبويه يسأله اسأله ستغربت شكو شنو صار بعدين گال اني عرفت السالفه طلعت الوالده دازه الموافقة من كيفه اني هم سكتت ما نطيت رأي لان هاي سوالف امي تتصرف من كيفه بدون متاخذ رأي أحد گالته غنى اني بعد الي شفته اليوم وضلت تحجي بالاخير گالت مموافقه ما عرفت شنو السبب گلت من تهدأ شويه اسأل طبعا اني ما الي دخل بالموضوع هو أبويه الي يتصرف خلصت الگعده بدلت وطلعت ويه جماعتي تعشينه بعدين رجعت ..
گاعد بالمكتب وكومت شغل عندي والتليفونات الإثنين يتصلون وكل ساعه يدگ، دگ تلفوني الشخصي مو مالت الشغل بس دگه ستمرت شكم مره رفعته بدون ما اشوف الاسم واسمع صوت امي واصوات هوايه وجان شي ديتكسر ..
امير:خير يمه شنو هل الصوت شنو صاير احجي واسمعه تحجي وصيح..
عبير:والك يمه تعال مدري منو دي يرمي على البيت وماكو احد بس اني واختك وما اله صوت واخاف اصعد اله فوگ خابرت ابوك گال جاي بالطريييق ،وصاحت گمت من مكاني مفزوع ادگ ماكو محد يشيله اخابر غنى هم كذالك بسرعه صعدت السيارتي وطرت ما اعول اوصل بسرعه دخلت للبيت واشوف ...
ميسم
واشوف القاعه مليانه نسوان دخلنه اني وماما نبدل طبعا ماما أصرت نتأخر مادري شنو الغايه خلصت عدلت شكلي لبست الفستان طلع يجنن عليه خاصه ويه المكياج والتسريحه موضوع ثاني طبعا ماما طلعت گالت من اگولج يا الله طلعين گتله ليش گالت ما الج علاقه اني هم گعدت انتضر شويه ..
وسمعت العريس حيطب لبسوا اني مادري شنو صار الي گمت بسرعه الباب فتحته وردت اشوف جان تجي ماما وتخزرني يعني لتطلعين دخل هو و وياهه لازمه من أيده صدُك تمنيت نفسي اني بمكانه واني الي لازمه ايده غوشت عيوني من الدمع لازم هذا اليوم الي ويكون اسعد يوم بس ما مكتوبلي افرح صدُك بهاي اللحظه حقدت عليه من كل گلبي مسحت دموعي قبل ليخرب المكياج ضلو فتره يرگصون ويطگون صور اشوف البسمه ابد ما فارگته كل ساعه يشاوره واني أحقد وبنفس الوقت انقهر.
خلصوا وطلع هو واجت ماما گالت يالله اني صابني شعور غريب بداخلي توتر مو طبيعي طلعت واشوف الانظار كله عليه وماما تمشي وتقره المعوذات وتغلط عليه ليش تلبسين هيج واني ابتسم جان الفستان لونه احمر و طويل وبي فتحه فوق من الركبه كُلش جان يجنن..
اخذتني من ايدي وعرفتني على اقربائهم واشوف النسوان كله تسأل اجت خالتي وصفنت عليه ..
..ها شنو الگمر الطالع تعالي خلي ابوسج اجت وباستني
اني ابتسمت اله ضلينه نسلم وهاي بعدين اجت رنا من الصالون طالعه كُلش كيوت وهم اخذتني دگ بوس عباله ما اجي للعرس بعدين عرفت غايت ماما طلعتني اخر وحده حتى تضغط بعض الناس وجان تصير عيني بعين العروس قابلته ببتسامه وهي قابلتني بصدمه عباله ما موجوده صدُك بهاي الحظه ودي ابوسه رحت اله وگتله..
ميسم:ماكو كون هسه ابوسج على هاي الخطه بس حرمات خاف الحمره تروح يله اخلي بابا هو يقوم بالواجب جان تضربني على متني..
اسراء:ايا ادب سزز احترمي نفسج اني الج بسيطه يله روحي عن وجهي ،وبدت الاغاني تشتغل والناس تردح رحت اني للعروس أمشي واصفك وتمايل بشعري صعدت على الستيج هي گامت گالت ..
فاطمه:شعندج جايه مو مجنتي هنا شعنج اجيتي؟
ميسم: اجيت شاورته آه اني ما اجي لعرس حبيبي ماهر لعد منو يرگص بعرسه ،بس من وره هل الكلام هوايه جروح تنزف بسببه هواي دموع نزلت من وره هذا الكلام وگمت لزمت أيده ونزلته وهي لو وده تشرب من دمي نزلنه نركص اني وياه وي اغنيه ساجده خاله ويا خاله اغني وارگص وياه اجت رنا هم ويانه وشفته أشرت لصديقته المكروه يبوو هاي شجابه هنا يله همين نضغطه شويه ضلينه نرگص شويه بعدين رحت گعدت لان احس كُلش اختنگت شافتني ماما اجت ...
اسراء:ها شبيج رجعنه؟
ميسم:ماما بس اريد ماي كُلش عطشت،اني اريده تروح هسه تسويلي محاضره شطوله جان تجي مره متوسطه بالعمر
..اگول خاله أنتِ متزوجه؟
ميسم:لا وعگدت حواجبي ليش؟
.. زين شنو اسمج؟
..ميسم
..انتِ مو بنت اسراء ..
ميسم:يي
شو هاي عافتني وراحت لماما اشوفه شلون سلمت عليه بعدين اجت ماما..
ميسم:اكول ماما منو هاي المره شو اجت سالت عليه وعليج شكو؟
اسراء:ولج هاي تصير بنت خال أبويه اجت سألت عليج تريدج لابنه..
ميسم:يي وانتِ شنو گلتي اله؟
اسراء:گتله مادري اشوف رأي ابوه ورأي البنيه واردلج خبر.
ميسم:تمام وين الماي ونطتني وراحت ، تيهت السالفه هو اني بعدني ما طالعه من التجربه الفاشله جايتني هاي تريد تخطبني لابنه والله بطرانه ضليت گاعده ما الي خلك خلص العرس وگالو اجت الزفه اني هم رحت لبست عبايه اسلاميه فوگ الفستان وشال بس مدري شعجب ماما شافتني ما حجت بالعكس هي گالت روحي لبسي دخل هالمره بس هالمره اني گباله شافني بلع طن هوه اني ضحگت وضلينه نغني ونصفگ اني و رنا وأمه و ماما تهلهل صعد على الستيج بعد ما لبست البرگع ما اعرف شنو اسمه رحت صعدت على الستيج ورحت گتله..
ميسم:مبروك وان شاء الله اختيار موفق يا ابن خالتي ونزلت هو خزرني اني ما هتميت بس كُلش نقهرت بعد ما اتحمل لازم اطلع رحت لماما گتله..
ميسم:يله ماما اني اروح أنتِ روحي ويه رنا گالت ابن عمه يأخذه ..
اسراء:يا لعد وأنتِ وحدج ترحين والبيت فارغ ابوج واخوج ماكو..
ميسم:لا خابرت بابا گال اني بالبيت ،كذبت عليه حتى بس اريد اطلع اريد اوصل للبيت ..
اسراء:اذا هيج يله روحي بس ديري بالج ،حتى ما كملت حجايته اخذت غراضي وطلعت فتحت الباب الخلفي خليت الاغراض ورجعت واني ارجف اريد ابجي اكو غصه بگلبي كل الي سويته كوله حتى أبين للناس اني مابيه شي بس داخلي متحطم ركبت السياره وسقت اديه يرجفن وعيوني صار عليه غواشه من الدموع اريد احجي اريد اطلع صوتي الغصه لازمتني مشيت سريع لان جان الشارع فارغ ماكو احد بيه مشيت وجان تطلعلي سياره من من الفرع من كثر دموعي ما شفته هو يدگ هورن اني بسرعه درته الستيرن السياره وجان ....
__________________
يتبع...
شلونكم بنات واعذروني على التأخير والله قدر الامكان دا انزل لكم بارت لان هذا الأسبوع حرفيا كومت شغل عندي وشكراً الكم على حماسكم الحلو وتعليقاتكم الجميله شكرا كولش هوايه الكم 🤭💋
لاتنسون التصويت وتعليق ومتابعة للحساب بدربكم والانستا همghe.92 لان اي شي يخص الرواية انشره وأوقات التنزيل مقتطفات عن الأحداث
دمتم برعاية الله وحفظه
غدير عبدالله
رواية وقد كانت صدفة الفصل العشرون 20 - بقلم غـدير عبداللّٰه
"وقد كانت صدفة"
المهم خصم الحچي
انه جرحي صعب وعنك متغاضي
انطيناك راحتي،،
ميزتك عالبشر،،
بس كان عالفاضي
خليتني لوحدي،،
وعايش براحتك،،
وبلا شوفتك راضي
هو أنه استحق،،
اخذت دور المتهم،،
وعينتك القاضي
__________________
نايم وصافن على المروحه شلون تدور وتدور وتدور وبالي شارد بعيد ماعرف افكر بالمستقبل وهم يجي يوم واشوفه لو افكر بالماضي والايام الي عشته وياه اتذكر كلمته نزوه عابره يعني جانت تتونس براسي .
درت وجهي لجهه الثانيه اجت بالي ميسم مادري ليش هاي لبنيه من ملامحه مبينه حزينه حتى من تضحك تحس ضحكته وراه هواي حجي هواي دموع تحسه تمثل گدام الكل رغم اني ما شفته هويه صدف شفته، بعد الله أعلم يجوز مجرد احساس لا اكثر كل ما ينذكر اسمه على بالي شي يرتاح بداخلي اسمه مثل النسمه التمر بعز الصيف كل ما اشوفه اشوف بيه نور بس الفرق لعيون ميسم عيونه صفر ونور عيونه سود وصغار وميسم شويه خشمه كبير بس مناسب لوجه.
حاولت انام بس ما گدرت عقلي يفكر هواي مد يخليني انام صار عندي ارق بالاخير گمت اخلص الشغل العندي رحت سويت الي كهوه لكيت ايناس دتشرب ماي گتله...
سيف: ايناس حبابه سولي گهوه وجيبه للمكتب ..
ايناس:يوووه سويه انت اني اريد اروح انام ما الي خلوگ
سيف:لعد اريد اشوف منو يوديج لعرس صديقتج براحتج
ايناس:تريده ساده لو وسط؟
سيف:من البدايه جري عدل وسويه وسط ،ورحت للمكتب شتغلت شويه سمعت الباب ندگت گلت تفضل اني ومنزل راسي دخلت ايناس وخلت الگهوه وصلت قريب الباب وگالت ...
ايناس:تريد شي بعد رايحه انام ؟
سيف:ممممم يي
ايناس:شنو؟
سيف:سويلي اكل او لفه فد شي لان جوعان
ايناس:سيف صدُك تحجي الساعه بال2اريد انام وباجر عندي دوام.
سيف:لا كذب اتشاقه وياج يله روحي
ايناس:يي
سيف :اوگفي
ايناس:هففف شنو تريد؟
سيف:براحتج ردت اسأل على عرس صديقتج بس أنتِ معاجبج براحتج روحي نامي..
ايناس:لا لا..
سيف:مو تردين تنامين.
ايناس:حباب اسأل شنو تريد سيف ليش هيج تسوي تدري محد ياخذني وبس انت موجود حباب لتسوي هيج وتشلع گلبي ..
سيف:يله لتضوجين شوكت هو العرس؟
ايناس:باجر الخميس
سيف:اممممم افكر
ايناس:سسسسيف
سيف:وجع شكو ؟
ايناس:حباب تاخذني
سيف: الله كريم
ايناس: هسه شنو يعني تاخذني ..
سيف:گلت الله كريم تره اغير رأي يله روح نامي وعوفين عندي شغل اريد اخلصه،راحت شربت الگهوه حاولت اخلص شغلي صارت تقريبا بال3 نعست رحت فرشت اسناني ونمت.
ثاني يوم اخذت السياره ورحت للصالون لايناس حتى أخذه للقاعه وصلت اتصلت عليه طلعتلي صعدت للسياره باوعت عليه گلت اله ..
سيف:دخيل ربج شگد حاطه صبغ بوجههج ...
ايناس: حبيبي هذا اسمه ميك اب مو صبغ شنو هل الألفاظ..
سيف:اممم نهجم بيت ألميك اب مالتج ..
ايناس:هههه ل..عد شعبالك اگول ما عندك غير هل الاغنيه شو محلوات
سيف:مادري شوفي أنتِ ربطي على جهاز وفتحي ،ربطت الجهاز وضلت كل ساعه تغير اغنيه بعدين صحت بيه ،ييوووه كل ساعه اغنيه ثبتي على وحده
ايناس:هاي شبيك غير دا اختار وحده حلوه اوگف هاي كُلش حلوه وخلت اغنيه اويلي على الجرح ماتت بعدكم روح ،من وصل لمقطع (صارت حياتي جروح خربت معانيه )گتله گلبيه هي هم مجادلتني غيرته على غير اغنيه فتحت الجامه حتى اشتم هواه ختنگت حيل وصلته وگتله..
سيف:شوكت اجي عليج بيش الساعه؟
ايناس:تعال بال8 يعني قبل متصير ال8هيج
سيف:تمام
ورجعت جنه متفقين نلتقي اني وامير ورافد بس رافد عتذر مگدر يجي لان عنده شغل رحنه اني وامير لنادي لان هذا الأسبوع سجلت وياه گضينه شويه نلعب خلصنه تقريبا بال7رجعت للبيت سبحت وطلعت حتى اجيب ايناس تأخرت عليه شويه وصلته لشارع العام زدحام وهوسه وهواي اعراس لان اليوم خميس فحولت الطريق المختصر جان ماكو احد بيه سيارات قليل والمنطقة سكنيه هم.
اني ودا أمشي شويه سريع حتى الحگ عليه وجان تجي سياره گبالي جايه بتجاهي ادگ هورن ماكو ضليت مستمر ادگ وصلت قريب سيارتي لفت السياره نضربت بال رصيف بس جانت الضربه قويه بحيث صعدته للرصيف اني احس گلبي حيطلع من حلگي گلت هاهيه نعاد عليه الموقف نفسه مال الحادث بس ربك ستر وگفت السياره على صفحه حتى استوعب الصار بعدين رحت اشوف شنو الصار نزلت ورحت السياره الدعايه الأمامية كوله مفلشه درت على جهة السايق وجان اشوفه بنيه بس ما شفته منو رحت فتحت الباب گتله...
سيف:اختي بيج شي تأذيتي اخذج للمستشفى شالت رأسه واشوفه ميسم !!!
..ميسم هاي أنتِ گومي اخذج للمستشفى ماكو صافنه وتردد بكلمات ممفهومه وجان رأسه مضرب ينزف دم طلعت من السياره اشوف احد يساعدني ماكو حرت اهووو شلون نسيت ايناس گلت اتصل على امير ادگ ميشيله دكيته مره ثانيه هم ماكو بعدين دكيت على ايسر شاله...
سيف:الووو هلا شلونك حبيبي ايسر
ايسر:اهلا سيوفي حبيبي خير مخابرني رايد شي
سيف :يي والله خويه اريدك تجيب ايناس من قاعة ... واني ما أكدر طلعتلي شغله وما أكدر اعوفه مستعجل..
ايسر :ايناس اختك هسه لو غير وحده بيه مجال اختك الغثه..
سيف:ايسر احترم نفسك يله تروح لو شلون خويه عندي شغل ولك يله..
ايسر: والله هاي لخاطرك وله جان فلا اروح يله الله وياك
سديته ورحت مره ثانيه حتى اشوفه رحت گتله..
سيف :ميسم ميسم سمعني شبيج باوعيلي ميسم حاولت الزمه رجعت ليوره وصارت تبجي وتگول..
ميسم:راح راح عافني عافني ليش ،تبجي وتشهك ليش لان حبيته شنو هو الراده ما سويته اله شنو وبجت ...
سيف:اهدي منو هو منو ؟
ميسم:ماهر ليش ليش اني شنو سويت حتى هيج تجازيني ليش..
سيف :حتى صوته راح من البجي حاولت الزم متنه وگتله على كيفج اهدئي هيه باوعتلي بنظرت كسر بنظرت ترجي بنظره هوايي بيه الم وجروح قطعه تفكيري وهي تحضني حيل..
نصدمت من ردت فعله ضليت لا أخذ ولا أنطي مادري شنو الي دار بعقلي بذيج الساعه بس ابد ما تحركت ضليت على نفس وضعي وهي تبجي بحرگ تبجي مثل الطفل الي اخذو من عنده اعز لعبه يحبه مديت ايدي على راسه امسح عليه يمكن بذيج الساعه جانت محتاجه لحضن محتاجه أحد تفرغ الي بداخله لشخص بس ما لگته يمكن شافتني اقرب واحد اله وخاصه بهيج موقف بذيج الساعه المشاعر هيه تحكم مو العقل
هذا الي ضليته اردده حاولت اغطي شعره الطالع غطيته اله بعدت عنه جان وجه بي بقايه مكياج بحيث الكحل نازل من عيونه وحمره باقي أثره مبينه جانت بعرس أو حفله وجان الدم نازل من حاجبه شكله جان كُش مثير وعيونه الملونه دوهنت الوضع درت وجهي حاولت اصيطر على الوضع شويه بعدين گتله...
سيف:يله ميسم تعالي نزلي يله مديت ايدي لزمته ايدي ونزلت طلعت رأسه وصاحت..
ميسم:اخخخخ
سيف:ها شبيج متأذيه اخذج للطبيب..
ميسم:لا بس راسي يمكن متاذي..
سيف:تمام هسه طلعي وتعالي گعدي على الرصيف هنا بين ما اشوف شلون اتصرف لهناك وجان يجي رجال بعد وكت والله اجه گال..
..ها خويه سلامات أن شاء الله ماكو شي
سيف :لا حبيبي تسلم عدت سلامات بس السياره شويه متضرره
..يله بالگزيز ولا بعزيز ابشر محتاج شي
سيف:لا والله متقصر هسه اخابر على الصيانه وياخذوه عن اذنك
..لا عادي براحتك والحمد لله على سلامتك مره ثانيه
سيف:مشكور ،رحت للسياره مالتي خابرت على الصيانه ونطيت العنوان حتى يجون ياخذوه،واخذت بطل ماي وكلينس أخذتهم ورحت اله نطيته البطل الماي حتى تشرب مدت أيده ترجف متكدر تأخذه أخذته اني حاولت اشربه تشرب ودموعه تنزل بللت الكلينس حتى أمسح الجرح مديت ايدي على كيف امسحه اله خلصت ضلت فتره صافنه بالفراغ.
جان وحده تسولفي قصته واني اباوع اله تسولف وتبجي وكل ساعه تسحب نفس صافن عليه وهي تسولف وتبجي
صفنت افكر اگول يعني مو بس اني الي ضحت طلع اكو أزيد من عندي اكو أكثر من عندي متضرر يمكن اني عافتني وراحت أما هيه گبال عينه گال اله وراحت بعرسه هم يعني شنو الي بقه بگلبه ضليت استمع اله إلى أن اجت سياره الصيانه اخذت السياره مالته بعد ما اخذت غراضه الموجوده واخذوه..
رجعت اله حاولت اگومه وأخذته لسيارتي بل گوه تمشي بجسمه الهزيل ذبت حذائه بنص الشارع وراحت اجيت شلته واني لازم من أيده فتحت الباب صعدته ورحت اني ركبت ومشيت درت وجهي اله واشوفه دايره وجه للجامه ودموعه تنزل منظره يفطر الگلب مشيت جان تكول بصوت مبحوح من كثر البجي...
ميسم:وين ماخذني؟
سيف:درت وجهي اله وگتله لمكان
ميسم:وين ماخذني دا اگول؟
سيف:ما اهتميت اله
جان ...
دخلت واشوف البيت كل ثقوب مال طلقات الزجاج كول بالگاع دخلت لي جوه نفس الشي رحت للغرفه امي فتحت الباب واشوف امي خاتله وره الباب اجت حضنتني وتبجي وگالت...
عبير:ولك يمه هذوله منو الي سوو واختك ما اعرف شنو الي صار اله بعدت عنه ورحت رگض صعدت لغرفت غنى فتحت الباب عساي لا فتحته واشوف منظره گاعده يم الجربايه من الجهة الثانيه ولامه نفسه وفاقده رحت اله لزمته ضميته لحضني جسمه دافي بعدت عنه واشوف ايدي كله دم وإذا اشوف ملابسه دم دتنزف من شافت الدم امي گامت تدك وتلطم ..
عبير:يمه بنيتي يمه ماتت بنتي ولج غنى، صحت بيه كُلشِ ما بيه بسرعه جيبي عبايه فد شي أخذه للمستشفى بسرعه بعده امي ستوه گامت وهم نضربت طلقه بالجو بس هالمره جانت بره بس صوت امي نزلت جوه صحت اوگفي اني أروح ضلت تتوسل ما اهتميت وخليته هيه تجهز غنى نزلت واشوف شي مثل لحجاره وبيه مدري شنو رحت شلته وذا جان رساله فتحته مكتوب بيه
__ها بس شوية مقبلات خفيف شنو حاب تكون الوجبه الرئيسيه
جواه مكتوب اسم بس ما عرفته منو بعدين تذكرت الكلب الحقير اخو هذا الي نسجن بسيطه اني الك جان منتضرني من اوصل بسيط هسه بس خلي اودي غنى للمستشفى سمعت امي صاحت رحت اله
امير:ها خلصتوا؟
عبير:يي يمه بس على كيفك
شلته على كيف نزلته وخليته بحضن امي ونطلقت بسرعه وصلت للمستشفى نزلته بسرعه وصحت سديههه بسرعه جابوا الي سديه شفت ايلاف رحت اله وگتله ...
ايلاف
بعد ما رحنه لبيت جدي طلعنه الخميس الصبح وصلنه الهم الظهر رحنه بس اني ماما وبابا وآدم رافد ماراح ويانه لان گال عنده شغل دخلنه الهم سلمنه على بيبي وخوالي ثنين الكبير هو الي بنته تتزوج اسمه صفا سلمنه عليهم كلهم، صلينه بعده صبوا الغده يمه اموت على اكلهم دائما كل ما نجي لبيت جدو بيبي تسوي دولمه لان تدري بيه احبه يعني طعمه خرافيي..
بعده گمت وياهم غسلنه المواعين بعدين رحت ويه بنات خالو حلوه لمتهم ونسه بس اني مادري ابد ما ارتاح يمهم يعني ما ممتعوده مو مثل بنات عمي لاميانه يعني كل اشهر نروح الهم ضلينه نشتغل ونسوي وكل ساعه يفتحون ديجي والبنات ما قصروا كله ترگص بعدين باليل ما خلصنه كُلشِ سوينه گعده مال نسوان وگعدت تسولفنه واحنه كاتلنه الخجل اني لودي اختفي خو بيبي ماعده ستوب گوله تنطي بالوجهه هيج بعدين خلصنه كله راحت نامت..
گعدنه من الصبح والبيت عباره عن خليه نحل كوله تفتر اخذو العروس للصالون ماما گالت الي اروح ماقبلت بس ضلو البنات تزن عليه رحت وياهم وصلنه كل احنه محبيت اخلي ميك اب غامق بعدين ام الصالون گالت...
..أنتِ عيونج كبار حسويلج شغل كُلش حلو بحيث هن الي رح يبرزن أكثر مادري ضليت متردده بعدن گالت ما الج علاقه اني اسويهن الج وإذا معجبج بضمانتي..
بدت تشتغل بيه البنات هم خلصن قبلي بس العروس خلوهه بغرفه وحده يشتغلون بيه ..
خلصت واشوف شكلي صار حلو والله سألت البنات ضلن يمدحون بيه گتلهم..
ايلاف:يعني زين ينطلع بيه..
..شوف هاي تگلي ينطلع بيه والله لو اعرف اصوفر جان صوفرت لج طلعتينه كسر يابه دروحي بالله هو هذا ليدفر نعمته بيده
ايلاف: هههههههههههه حبيبتي ،خلصنه كل احنه والعروس هم طلعت تجنن كُلش كيوت وهيه هم ناعمه ..
لبسنه العبي واني هم خليت شال اسود لان استحي خابرو علينه اجو الولد اخذونه وصلونه القاعه وبده الردح كُلش حلوة جان والفقرات السوه هم، شگد أتوسلو بيه اگوم ارگص ماكو گاعده بمكاني بعدين اجت الزفه لبست العبايه والشال ..
خطيه گامت تبجي كل احنه بجينه وياه صدُك قهرتني بس عجبني موقف العريس مبين شگد يحبه رغم هم زواجهم تقليدي بس مبين كُلش يحبه كل ساعه يمسح دموعها ويبوسه حبيتهم كُلش لايگين على بعض خلصت الزفه ورجعنه لبيت جدو..
ثاني يوم رجعنه لبيتنه رجعنه كُلش تعبانين مشه اليوم عادي ثاني يوم انتظرت ميسم تجي ماكو ادگ عليه ماكو مترد تصلت بامه گالت اليوم ما أخذه اجازه والبارحه نست تگولج گتله خو مابيه شي گالت..
..لا ما بيه شي بس شويه تعبانه واخذت اجازه ..
ايلاف :ما شي مع السلامه
ابد ما رتاحيت لسالفته گلت من ارجع أمر عليه همزين لحگت على رافد وصلني للدوام دخلت بصمت كملت شغلي مر وقت دك تلفوني ليث شنو عند وشعجب دك..
ايلاف:يا هلا بليوثي شلونك؟
ليث: ههه الحمد لله بخير وأنتِ؟
ايلاف:تمام الحمدلله
ليث:يي اجيت ابشرج أبويه قبل نخطب رفل
ايلاف:صدُك والله كُلش فرحتني الله يتمم على خير ان شاء الل..ه
ليث:يي واليوم رايحين لبيت عمو حتى نفتح الموضوع وياهم وطبعا ما گلت رفل گلت اله محضر الج مفاجئه ..
ايلاف:يي الله يسهل عليكم ،افتر بالحديقة واخابر مناك واشوف امير يمشي بسرعه وشايل بيده بنيه ستأذنت من ليث ورحته لزمني من ايدي وگال ..
امير: ايلاف اختي بين ايدج ساعديه ارجوج واي شي تردي عيوني انطيهم الج..
ايلاف:اهدء وان شاء الله ما بيه شي..
امير: تمام
دخلت لغرفت العمليات بعد ما لبست الملابس الخاصه لكيت مجهزين المريضه بديت اشتغل وي دكتور علي مساعده وإشراف هم وأقره آيات كل ما ادخل صالت العمليات اقراه جانت الطلقه داخل بال الجهه اليمين ممن صدره يعني باقي شكم سانتيم وتدخل الرئه ضلينه نشتغل تقريبا بال2 متواصله من كثر الدم الي فقدته حتاجينه دم طلعت بره تلگاني امير گال..
امير:ها گولي شنو صار ؟
ايلاف:احتاج دم زمرته الدمه o+
امير: تمام هسه اروح لمركز الدم ..
ايلاف:راح يركض واني رجعت اكمل شغلي اجت الممرضه بيده بطلين دم شكلتهم عل السريع الحمد لله نجحت العملية بس بقت تحت العنايه المركزه يعني بعده الخطر ملازمه.
خلصت كُلشِ طلعت جان تنفتح الباب...
__________________________
يتبع....
شلونكم بنات واعذروني والله ادري مقصره وياكم بس شاسوي والله دالحگ قدر المستطاع وبخصوص التنزيل كل أحد وخميس والتنزيل باليل يالله اگدر
وشكراً هواي هواي وقليله بحقكم هاي الكلمه على تفاعلكم وتعليقاتكم الحلو
لاتنسون التصويت وتعليق ومتابعة للحساب بدربكم والانستا همghe.92
دمتم برعاية الله وحفظه
غدير عبدالله