رواية #وكر الأشتر الفصل الخامس وثلاثون 35 - بقلم الكاتبه سمو العراق

بارت ٣٢
رواية .. وكر الاشتر
بقلمي.. نور سمو العراق

💔💔💔💔💔💔💔💔💔💔💔💔

انا اتقبلك ناقصًا لكن لا اتقبلك كاذبا

غلسوا عن السحك لان صار اربعة ايام انشر متتالي 🥺
......................

جاسم

من بعد ما ضربها كريم براشدي عدم بيها ملامحها السامه صرخت بصوت عالي واني وكفت من قوة الراشدي وام حسن ركضت عليها

وهي ظلت تصرررخ بصوت عالي عبالك مضروبه طلقه مو مضروبه راشدي گلبت البيت گلاب بحيث صوت بالسما وصوت بالارض

كوثر اجت تركض وهي تصييح ... شكوووو ليش تضربها

صاح عليها كريم بغضب وعصبية ... انتي انجبييي لا تتدخلييين لا اسكطج وياها

كوثر فتحت عيونها مصدومة من كلامة واشرت على نفسها ... تغلط عليه كريم

رد عليها بغضب وعصبيه .. وكسررر راسج

وكفت ايـــــــــو وهي تصرررخ ... ما اظل بالبيت والله اليوم احرك البيت عليكم والله الا اخلي بابا يهجم بيتكم على راسكم العب بيكم لعب اليوم اني ايو الي لكل يتمناني والكل يطلب رضاي وانت تضربني لخاطر مرة ابوك وعمتك

لزمها كريم من شعرها وانطاها راشدي اقوه منه وهو يهزها بعنف .. لج كلبه حيوووانه تغلطين وتسبين وشايفه روحج شووفه ومسويه روحج بس انتي وبس وتاليتها سنتين عايده بنفس المرحلة بسبب الغش وما تحجيييين ؟

هي هدئت من ثورتها وصطكت عبالك واحد شمر عليها مي بااارد ردت عليه وهي باهته ... جذب مااااكو هيج حجي مستحيل هاي منو يريد يلزك بيه تهمه

ضحك بقهر واستهزاء ورد عليه وهو يهزها بعنف .. منو وصليي ؟ دزيت ولد صديقي الجامعتج يستلم نتيجتج وكلوله مفصوله من اول يوم الامتحان وهذا مو اول فصصصل

لج كلبه خلصتي الامتحانات كلها نايمة بالغرفه والاكل يوصلج الغرفتج تتحججين بالدراسه وام حسن ما مقصره وياج وتاليها مفصوله ولسانج شطوله تغلطين على المره بكدج هييي زماله هم هيج تغلطين على امج

باوعتله وهي تبجي وتتنفس بغضب وبعدها كلبت عيونها و وكعت من طولها فاقده الوعيها

وكعت من بين اديه وهو ما بدر منه اي ردة فعل بس كوثر وام حسن ركضن عليها واني كذلك وهو تركها وطلع من البيت ممهتم لكل الدراما الصارت

جانت حنان واكفه وتوزع ابتسامات فرحانه بلي صار ومتشمته

ظلت كوثر تشمر عليها مي وتبجي وتشربها وام حسن كذلك كعدتها على القنفه وبدت تصحصح وكوه تتنفس صدك تمثل ؟ بعد الله اعلم

ظلت تلول وتبجي وتنوح وبعد ما اريده وخلي يطلگني وبعدها دخلت الغرفتها ما طلعت منها

رحت طلعت برا شفت كريم كاعد على الكرسي بالحديقه وهو يدخن ويدخن ويدخن بشراهه وعصبيه باوعت الايده نازع الحلقه

كعدت مقابيله واني احجي وياه .. صلي على النبي يمعود تحسفت دزيتلك المقطع بس اني جنت اريدك تكفنه من المشاكل لان كل شويه ومتعاركات

نفخ بضجر ورد عليه.. لا بالعكس احسن شي سويته هاي فد وحده حقيره وصلفه انت ما تعرفها من اول يوم تزوجت وهي تحشي براسي على ام حسن وعلى حنان وحتى على كوثر واني ساكت منها وما الي خلگها

اكره المره الثرثاره والما تحترم نفسها وبعدين ادز على نتيجتها والله حسيت بيها مفصوله حتى من تروح للجامعه طاير نص ساعه من وقت الامتحان

شكيت بيها والله لهذا السبب ردت اني اجيب شهادتها ما قبل يسلموها ومن انطيت عقد الزواج كالو هاي مفصوله وممتحنه اي امتحان شلون الها جرئة تجذب وتخدع اكره المره الجذابه اتخبل من المره الي تجذذذب اتمنى احط طلقه براسها واكتلها

جاوبته بحيره ... يله ميخالف ان شاء الله بعد ما تعيدها

باوعلي بحده كال .. لا والله واني انتظرها تعيدها خلي تولي اريد اطلكها

وكفت مصدوم .. لا خطيه لا تظلم بختك هذا زواج مو لعب والطلاق مو هيين يكسر الظهر انطيها فرصه

جاوبني بجبروت .. هاي متستحق فرصه والتجذب مره تجذب الف مره ومحد كلها جذبي وخبثي وحقري خليها تتحمل نتيجة اغلاطها ولا تظل تضحك على عباد الله وما تحترم عمتي

عمتي ربتنا وهي بمثابة امي يعني اذا متحترمها ما تحترمني وهاي لو امي موجوده الله يرحمها هم جان هيج تجاوزت عليها حتى بالقران اشك الخلفها

ضحكت كتله .. شفت هذا الزواج مسؤولية وشلعان كلب متنصحني اتزوج مو ؟

رد عليه بجمود.. لا مو هيج بس لازم واحد يتأنى ويختار عدل ومو گبل يجيت مثلي ردت انهزم من كل شي خطبت ايات ولو هو الزواج قسمه ونصيب

كتله .. انت شلون تعجبك المره

رد عليه بشرود .. مثل جيهان

فتحت حلكي بدهشه .. هاااا

رخى ظهره على الكرسي وطفه جكارته بالطفايه كال بتنهيده .. يعني هيج هادئة لطيفه متحجي هواي ولا تتصنع على طبيعتها وما عندها وكاحة تحسها نسمة ما بيها دغش

جاوبته ... احلف عليك بروح امي تحبهاااا

ضحك بسخريه ... احبها وهي تصيحلي عموو ؟ لااا مو هيج

جاوبته .. يجوز هي ما تحبك بس انت تحبها

بلل شفايفه بحيره وتنهد كال .. لا احسها بنتي هيج كتكوته لطيفه لهذا السبب احبها على لطافتها لا اكثر ولا اقل

رديت عليه .. وايات ؟

جاوبني .. ما عرفت شلون تكسبني ملتهيه تحقر ويه ذاك وهذا وتفيك عليه ابويه هيج وماما سوت عملية شفط بتركيا وهذا الصيف وسافر واني اروح وياهم وتخيط وتخربط بكيفها وانطيها بس نوم واكل ماكو شي تسوي بيه خير حتى بدراستها ما فالحة وجايبيها بالدفرات

بعدها تنهد وهو يرد عليه .. هو حتى عيب عليه احجي عليها كدامك بس اذا انت مصورها وهي تلعلع بحظورك ممخليه لنفسها خصوصيه ولا تحترم نفسها كدام اهل زوجها بحيث اول ما اجيت قبل لا ادخل للغرفه هي اجت تشتكي كدام الكل حتى ما فكرت تصلح الموقف وتكدر تفهمني بغرفتنا الخاصه بينا لا هي كدام الكل مع العلم اني محجيت الا هي فتحت موضوع واجت تشكي رغم فعايلها السوده  لازم المره تكون عندها خصوصية

وكف ولزمته من كتفه كتله .. ديله تعال ادخل جوه انت تعبان وهاا اي راحت الغرفتها يعني مراح تشوفها

جاوبني .. اكول لكوثر خليها تولي الاهلها واذا ظلت للبيت اني ما اظل بيه ارجع للبيجي

تنهدت وبتوسل حجيت .. دكول يا الله مو من اول مشكلة تشد حزامك عليها ان شاء لله تعلمت الدرس وبعد متعيدها

جاوبني .. لا اني محذرها متظم عني شي وبعدين ابو طبع ما يغير طبعه وهذا طبعها خليها تطلع بكرامتها احسن

رديت عليه بحيرة .. لا بداعة امي بس هالمرة

رد عليه وهو يطلع من البيت .. يله الله كريم سهلة سهلة

عافني وراح تنهدت خرب شلون مشكلة هاي ترا فعلا الطلاك مو هين هسه غير تكعد وتستقر ايات انوب فوك شينها كواة عينها فوك ما راسبها تزعبل علينه هم نزل وهم تدبج على السطح

.......................

سولين

من بعد ما راح الاشتر واني الخوف دخل بجسمي والرجفه اعتلت جثتي صرت ارجف وابجي بس الاشتر بيه شغله محلوه ابد ما يفكر باحساسي وبخوفي ودائما يعوفني ويفضل شغله عليه

نمت والدمعه بعيني شفت سوادي وهو كاعد بصف التيل ومربوطه اديه و وجهه شاحب شحوب الاموات

رجعت خطوات خايفه وهو رفع عيونه اليه ويباوعلي بجمود بلعت ريكي بخوووف ونظراته قلقتني حيييل

همست بخوف .. انت شعندك هنا انت مو متت

محجه ولا نطق بحرف واحد رجعت كررت سوالي .. انت شلون متت انت متعرف تسبح

هماتين جان سكوت من ناحيته وما يحجي بس نظراته تخوووف تخووف وخشمة متروس كطن و وجهه ازرك وهو مو اكرع اكو دم يابس ببداية راسة

تقربت منه اكثر وسالته وكأني ارضي فضولي .. انت غركت ومتت مو صح انت شلون متت

وكف واني تراجعت خطوات كبيره وفزيت من مكاني رد عليه.. اني دخلت للبحيره وما احس الا بضربه براسي وبعد ما شفت شي

فزيت من مكاني واني ارجف ارجف من الخوف حظنت نفسي وابجي والله هسه نمت ما احس نمت هوايه واحس روح سوادي ما تفتر على جثته احسها تفتر عليه

غطيت نفسي حييل وهماتين غطيت راسي والدمع شلال من دم وانوب الجو حار واني مغطيه وجهي بحيث حسيت تنكعت واختنكت من الخوف

ظليت كوه اتنفس وابجي وانوح واسب بالاشتر مو حتى صرت انام يمك ليش هيج تسوي بيه ليش تروح وتخلي روح سوادي تفتر عليه

تعوذت بالله من الشيطان الرجيم ورجعت احاول النوم واتصنعه حسيت بالباب الرئيسي انفتح فخليت وتغطيت اكثر واسمع صوته وهو يحجي بهدوء بس ما فهمت شي من كلامة

بعدها مطالعه الشمس والجو هيج وقت يخوف وكئيب وما اسمع بس زفزقة العصافير

من حسيت بوجوده وكفت بحذر واني امشي بخفوت فتحت البردة واشوفه الجكاره بحلكة والزي الاسود مغيم عليه ولازم صور ورقيه وتمعن بيهن حاولت اشوف شنو هاي الصور بس ما كدرت

بعدها هو دخلهن بداخل ملف اصفر وخلاهن بالاستقبال وطلع ثواني وتوجهه الغرفتي اني بسرعه كمزت على الجربايه وسويت روحي نايمة

حسيت فتح باب الغرفة وتقرب مني تمدد بصفي هي جانت جربايه ام النفر سحبني من بطني ناحيته بحيث صرت جواه وهو اخذ كل المكان بطوله وضخامته وضعت بين احضانه

شدد على حضنته اليه باثنين اديه وهو يخلي ذقنه على هامتي وبعدها باسني براسي طول شويه وقربني اله اكثر

حضنت اديه الصدري واني ارجف خايفه منه خاصه هاي الايام حيل خفت منه احسه غريب عجيب بيه ريحة موت احسه غامض ما ينتمي للبشر

حسيت بأنفاسه انتظمت دليل على فياض روحه ببحور النوم درت وجهي عليه واني اباوعله وصدري يصعد وينزل من الهبطه

اول مره اكون بهيج قرب منه وملامحة الحاده قريبه مني لمست شواربه واني تايهه وضايعه 

حركت اصبعي على شفته شكله ينحب ويجذب بسرعه رغم هو مبين تعبان وحتى شواربه بيها كم شعره بيضه بس شكلة يأسر واي وحده مكاني تتمنى تكون نايمة بأحضانه

بس الي مخليني مبتعده عنه هو شغله ما اعرف شنو كل شويه طالع بشغلة شكل وهماتين اهله اريد اعرف ليش هو هيج بعيد عن اهله وينهم عنه بس صفاء ليش هيج هو ما يثق بيه صح اني ابيعه بأول المشوار بس ميخالف لو يحجيلي ويأمن حياته بيدي مراح احجي بس هو مخليني هامش بحياته

ابتعدت عنه وغطيته ما اريد اضعف من ناحيته اخاف اضعف ويطيح الفاس بالراس وهو هاليام يتجرء ويجي ينام يمي ويحضني ويبوسني من دون تهديد مثل اول مره

طلعت وفضولي قاتل من ناحية الصور الي خلاها باللاستقبال مشيت بحذر و وصلت للاستقبال فتحتها وشفت الملف الأصفر شفت مكتوب عليه بخط حلو سوادي محيبس جلوب

بلعت ريكي بخوف وشجعت نفسي افتحه فتحته مديت ايدي طلعت أوراق الكترونيه مكتوب بيه اشياء بالانكليزي رغم اعرف بالانكليزي بس معرفت اقره اي شي هو ما اعرف شنو تحليلات مال تشريح ما عرفت بس كتابه انكليزيه وبيها رموز

وبس ورقه وحده عرفته جانت شهادة وفاة تثبت ان سوادي مات غريق بالبحيرة الحبانية ومذكور كل التفاصيل مكان الغرق اسمة واشياء تخصه وتخص مواليده  واسم امه وابو هيج تفاصيل يعني

بعدها مديت ايدي وطلعت الصور من شفت الصور حسيت عقلي وجسمي انصعق صعقة كهربائية قويه وكعت الصور من ايدي واني ارجف... يمممه عزا شنو هاااي

رجعت رفعت الصور جانت الوجهة سوادي جان خشمة مليان كطن وحلكة مفتوح واسنانة مبينه والموت شابح وجهه مبين مشرحين الجثه

واكثر من صوره الوجهه وراسه من جميع الاتجاهات ضميت الصور بسرعه وارجف بخوف والدمعه بعيني حييل انقهرت على سوادي هذا الانسان شكد يطغى وينسى ربه وتاليها ياخذه الموت مثل شرب المي

رحت بسرعه ما اعرف ليش حسيت الفايل بيه موت غسلت اديه حيل و وجهي حسيت معدتي مغصتني حسيت اريد انقيى

ظليت كاعده احاول الهي نفسي بأي شي ينسيني هاي السالفه وهذا الحدث زين ليش شرحوه شكد اضوج واخاف من التشريح

رحت نظفت البيت والمطبخ واحاول الهي نفسي بإي شي ينسني همي

شفته طلع من الغرفه وراح الغرفته اخذ ملابس وراح للحمام سبح وطلع وبعدها راح للاستقبال طلع الملف اباوعله فتح الغرفه وضمة بيها وطلع خلال ثواني

كعد على القنفه بالحوش وهو يحتضن وجهه ويمسحة بانزعاج صحت عليه .. تريد ريوگ

رد عليه بسرعة .. لا حبيبتي ما اريد تريكتي انتي ؟

جاوبته .. لا ما اريد لعبانه نفسي

جاوبني بسخريه .. اي اذا انتي تبحوشين رجال مشرح شكو تشوفين صوره

فتحت عيوني مصدومة .. عزااا هاي شلون عرفت اني صفطتهن عدل ورجعتهن بمكانهن شلون عرفت اني مطلعتهن

رد عليه .. مو اني مخلي ورقة الوفاة قبل الفحص الجنائي ولكيت صاير بالعكس فماكو غيرج هنا يتجسس عليه ويلعب باغراضي

ابتسمت بصدمة ... وااااو هيج انت ذكي بحيث حتى تسلسل الاوراق حافظهم

جاوبني بضحكة .. اي احب الترتيب

اجيت كعدت يمه بحزن .. تدري انقهرت على سوادي الله يرحمة صح هو جان سكير وسوالفه عاطله بس جنت اتمنى ينصلح قبل لا يموت

تنهد ورد عليه.. خطيه البارحة امه حيل منهاره وما قبلت يشرحوا بس صدر امر الفحص التشريحي من قبل الطبيب الشرعي وبعد ما يكدرون يسوون شي

عقدت حواجبي .. شنو هذا الطبيب التشريحي

رد عليه .. يعني يكون موظف قضائي مسؤولً عن التحقيق بالوفيات يعني اذا جانت اسباب الوفاة مشبوهه يطلب تشريح ويحتفظ بالانسجه والأعضاء حتى بعد ما ينتهي التحقيق يسموها عينه ويطول التحقيق اشهر وحتى مرات سنين وبعدها ينكتب تقرير عن التشريح

كمل كلامة .. بس الضوجني ان بعد ما اهل سوادي استلموا الجثه وراحوا للدفن جانت جثته تنزف بسبب التشريح

عقدت حواجبي.. هو مقتول لو حادث

بلل شفايفه وتنهد .. مبدئيا مقتول

تنهدت .. الله يرحمه ويغفر اله ان شاء الله اليوم اصليله صلاة الوحشه خطيه مهما يكون لازم نترحم اله ونطلب المغفره

لزم ايدي وباسها كال .. فدوه بنيتي شلون حنينه اريدج تبري الذمة لان هو مات ويتحاسب هو وربه واتذكر من دخل لبيتنا ونرعبتي بسببه

ابتسمت بحزن .. مبري الذمة ان شاء الله اني من ماحيتي باريته الذمة

تقرب مني اكثر وهو لازم اديه كال .. تدرين اني مهوووس بحبج

ابتسمت .. ما اصدك ماكو واحد مهووس بالحب

رد عليه باستنكار .. لا اكو اني وقيس اني مهووس بسوليين وقيس باليلى

حطيت ايدي على خدي واني اسالة .. شلوون ؟

جاوبني بحب ..يكلج قيس جان مهووس باليلى فجان يتابع جلب مالتها حتى يدله عليها ففات من مجموعه من ناس يصلون فمن رجل هم كلوله تمر علينه واحنه نصلي وما تصلي ويانه فهو سألهم كلهم جنتم تصلون ردو عليه كالو اي كلهم والله ما شفتكم لو جنتوا تحبون الله بكد ما اني احب ليلى مجان شفتوني

رفعت حاجب... اي هذا قيس مو انت

رد عليه .. واني مثل قيس جنت متابع ابوج حتى اشوفج ؟

فتحت شفايفي بدهشه .. وشنو ابويه جلب ؟ ما تعرف تضرب امثال

ضحك كال .. الأمثال تضرب ولا تقاس

سكتت هو اني اكدر للسانه بعدها فكرت عزا بس لا هو يطلع مشرح سوادي عزا لا ما اصدك والله حتى ما اكعد وياه ولا كل وياه لعد شنو يلعب بأعضاء البشر

..................

جيهان

جنه كاعدين يم عمتي وفافي كعدت تشتغل يم عمتي تحف دزت عمتي تجمع الها نسوان على ابو شنو بنت اخويه حفافه وتعالو حفوا عندها  وهي كاعده وتحف واني وياها

عمتي كالت هاي خوش شغله راح اشتغل اني ورنا ردت عليها فافي .. هااا عمه شنو ناويه تبوگين رزقنا اكعدي واسكتي

عمتي ضربتها .. جنج ابوج عامر ما تحبين الخير الغيرج

ردت على عمتي وهي تضحك... هههههههه اي بالعباس حيه ام راسين فد جلبه ماكو مني

بعد ما راحن النسوان وفافي كعدت تحسب بالفلوس شويه ودخل عمو كريم هو وحارث جانوا متعصبين

كريم صاح على فافي .. ولج افيااان شمسووويه

ردت عليه باستنكار .. شمسويه انوب كاعده وساكته صح ابيع خلطات اكسباير بس عادي هو العراق كله اكسباير ظلت على خلطاتي

جاوبها كريم بغضب .. شنو هذا الطابوك شنو هذا الرمل والكاشي الي منزلته

ضحكت .. ههههههههه على هاي بالعباس عبالي كاتله كتل صدك جذب هبطتني حتى خلفه بعد ما اخلف يله عادي اخذ جهال جيهان فقيره متحجي

صاح بيها بعصبية .. عوفي الاستهزاء احجي وياج احجي عدل ترا روحي واصله الخشمي

هي وكفت بعصبيه وردت عليه... اي اريد افلش البيت اريد انعيش مثل الوادم مو انتم عايشين بقصور واحنه بضيم حالنه بيت بالشتا ينز نصعد فوك البوفيه لان المجاري تطك ويصعد المي للغرف

وبالصيف الحشرات والصراصير وشتريد من الحر يهيج علينه ينكث تراب ومحفر لعبت نفسنا نريد نحس احنه بشر بيت بي حظ يأوينه مو كاعدين بمزيله منو بيكم يرضا يعيش عيشتنه ترا ملينه

صاح بيها بعصبية .. بس هذا بناء تعرفين شنو بناء

جاوبته .. اي اعرف وشنو يعني جاي انگل طابوگ لو البخ لو اطبگ ترا هو خلفه اخذها گباله وبالقسط هو يبني واحنه ننطي كل شهر ميتين وخمسين لحد ما يتوقف

جاوبها حارث .. وومنيلكم فلوس

ردت عليه .. لا تخاف مراح ناخذ من احد ماكو غير عامر هو يدفع فلوس البناء

حارث بضحكة مستهزئة .. منيله هو هذا الططوه الفكر

ضحكت .. مالك شغل انت بس گلة البيت تفلش وكع من وحده وبناه حلوم وهو خلي يطلع فلوس امي والسلف السوتهن حتى تجمع عملية جيهان واخذوهن منه وهاا هددوا كلوله حلوم انت مو مشغل فلوسك عنده يبني للعالم قسط وينطيك فلوس فراح يبني الك بيها ونزل طابوك وحصو وكاشي وخلوا ينجلط بلكي يموت بسجن

كريم وهو يكتم ضحكته .. بس اذا طلع راح يموتج تموت هاي اذا ما انجلط ويلعن الخلفج

جاوبته بعدم اهتمام .. عادي دا انه بموت فالشتيمة

هم ظلوا يضحكون عليها وخلوا وراحوا

اني لزمتها كلتلها .. ولج انتي منين تجيبين هذا الحجي عود صدك ابوي مامن فلوس امي عند حلوم وشلون عرفتي

ردت عليه بضحكة.. هههه ولج زبوناتي البرابيك ما يضمن سالفه جانن يكللي حلوم ينطي فلوس لابوي بس ما اصدك

ومن رحت عليهم جنت ناويه بس اطبك كاشي وارمم البيت صبغ ولبخ ومن كعدت ويه مرته كالت ابوج جاب كل فلوسه انطاهن الحلوم وشغلهن عنده وحلوم كل شهر ينطي ٣٠٠ الف

واني لطمت كلتلها .. شكد منطي

كالت .. عشرين مليون

صفنت وجاوبتها .. بس امي فلوسها مو عشرين مليون كل فلوسها تقريبا ست ملايين

رد عليه وكالت ...جاا غير ابوج وحلوم باعوا نص المزرعه وظلت نص وشغل فلوسها عند حلوم وخطيه حلوم ممقصر ينطي فلوس اله

عاد اني تحمست كلتلها .. خابري حلوم وكليله فلوس ابوي كلهن خليهن يشتغل النه بيهن واذا يساله يكله تهدم البيت واذا ابوي اشتكى على حلوم خلي يكله القانون لا يحمي المغفلين

وهم كيفوا بسرعه جابوا المواد مال بناء ونزلوا بس حلوم الكوا لهسه ما مفلش البيت باجر اروح اهجم عليه

خرطت خدودي بعصبية .. والله اذا طلع ابويه الا يدفنج بالبيت

ضحكت .. هههههه لا ولج راح اطلب مساعدة نسيبي الكفو واخلي يكتب تعهد بيه ما يحاجي فافي خلطة هههههه خاب شكد احبني كوبرا كوبرا

ضجت منها حييل لزمتها .. انتي ليش هيج تسووين انتي ما تخافين

ردت من بين اسنانها وبحقد ... اريد اخذ ثار امي من عاااامر العار عذبها وظلمها واخر شي غدر بيها وبعدين لا تخافين عليه الروح وحده ما ياخذها غير باريها وياريت اموت مشتاقه لامي اريد اروح يمها

حظنتها حييل وبجييت بصوت مسموع عمري سوده عليه متعذبه وما تحجي وتتصرف اي تصرف يدق ابوي بس حتى تحسسه بعذاب ماما وحسرتنا عليها

...........

جاسم

كريم صار يومين ما يدخل للبيت ومرات يبات يم بيت ام حارث بصراحة اني ضايج من روحته لبيت ام حارث يمكن لان شاف لبنات هناك

ومرات يبات هنا بس شنو ما ينام يم ايات وهي صايره معدله تنظف وتشتغل وصايره ادميه مو مثل قبل

جنه كاعدين اني وام حسن وكريم بالاستقبال وكوثر وحنان بغرفهن ما اشوف الا ايات دخلت علينه

وكفت كدامنه وهي تبجي وتنوح وتفرك باديها من شافها كريم بلل شفايفه بحيره وخله وكف ديروح وهي لزمته وتبجي بتوسل .. كريم والله اسفه كريم والله اعتذر بعد ما اعيدها ابوس ايدك لا تسوي بيه هيج والله اني احبك

هو جان جامد وميحجي وياها وسحب ايده منها شهكت من بين دموعها وهي ترد عليه .. والله ما ردت اكلك اني مفصوله لان خفت خفت اخسرك بس والله مضلومة هو الدكتور شاذ ويايه هم هيج دكاترة الحكومي حقراء اذا لبنيه ما انصاعت الهم يحاربوها شسوي ما ردت مشاكل

باوعلها بعصبية .. انطيني اسمة

ردت عليه بارتباك وخوف ... لا فدوه ما اريد مشاكل اني اخاف عليك

نفخ بضجر ورد عليها بسرعه .. كتلج انطيني اسمه من دون لغوه زايده

مسحت دموعها وهزت راسها بقبول انطته اسمه وهو مشه عنها لزمته من عضده وهي تتوسل بيه ودنكت على ايده باستها سحبها بسرعه كالت بدموع .. شتريد اسوي اسوي بس لا تسوي بيه هيج فدوه

رد عليها بحده وهو ياشر على ام حسن .. ترحين تعتذرين منها وتبوسين ايدها مره بكد بيبتج حتى مو بكد امج شنو هي تنظف وساختج واذا مره ثانيه تتجاوزين عليها ما تلومين غير نفسج

راحت بسرعه وهي تبوس بام حسن وام حسن حظنتها وتمسح على راسها كلتلها .. يمه ايوته جاا اني من انصحج غير اويد مصلحتج وما اريد مشاكل قابل اكرهج

ردت على ام حسن وهي تبجي .. اسفه بعد ما اعيدها

وكفت بأدب ... كريم اريد اروح لاهلي اذا متصير زحمة

جاوبها .. تمام عندي مشوار اخلصه واجي اخذج ان شاء الله لاهلج حضري نفسج

ردت عليه .. خطار مو زعلانه يعني تجي باليل تاخذني

ضحك .. ههه اي ان شاء الله

عافها وطلع وهي غيرت نظراتها من مسكينه لنظرات كلها شر ومشت بجبروت

صاحت عليها ام حسن ... سلمي النه على اهلج يمه ايوته

هي رجعت باوعت لام حسن من فوك ليجوه وتنهد بغرور وراحت

استغربت لا ما استغربت انصدمت هاي شلون هيج كدرت تغير شخصيتها والله عجيبه

خاب تروح فدوه الرناوي ابد مو مثلها رنا فطيره ولگلبها على لسانها مشتاقلها الكلبه ماكو هاليام

........................

سولين

هاليام صفاء ماكو ميجي بس يخابر بصراحة مشتاقتله خوش ولد فقير مو مثل اخو

هو اليوم ما طلع اليوم الثالث للفاتحة مال سوادي جنت اتمنى اروح واشوف اهل  سوادي  ما اعرف صار عندي فضول 

شويه واندك الباب هو طلع من الاستقبال وفتح الباب دخلوا تلاثه واحد حجي اديب والثاني ما اعرفه اول مره اشوفه سلم عليهم ودخلهم جوه

صاح عليه اسوي جان واني وحت سويت جاي واجيت بسرعه انطيته اله وظليت واكفه اتسمع عليهم

اول من بدء الحديث هو حجي اديب وهو ينطي نصيحة عضيمة للاشتر وهو يكوله .. اكو طفل ضاعت لعبته بالبحر فكتب على البحر هذا البحر حرامي ..شاب غرگ بالبحر وامه كتبت على البحر هذا البحر قاتل .. وصياد صاد هواي من السمج من البحر فكتب هذا البحر كريم

المقصد من كلامي يا وليدي يالاشتر ان مو كل الاقوال صحيحه وكل من يحجي على ما يخدم مصالحه يعني زياد وجياد انطو اقوال للشرطة قد تكون ما بيه من الصحة شي وحتى الشرطي الي استلم الجثه تكون اقواله مو صحيحه استنادا على معلومات بسيطه وغير دقيقه

لذلك انت بنفسك الي لازم تشتغل وتشتغل صح وتكدر تثبت القضية الاجراميه من خلال التشريح

رد عليه الاشتر بهدوء ..اي هو تقرير ال ‏Autopsy طلع مبديئا قتل والثولان اهل سوادي طلعوهم من السجن باول ما وصلت الجثه لبيتهم بس عادي الطب الشرعي يكدر يعفنهم بالسجن

حجي اديب .. ان شاء الله القضيه الصالحك بس هسه المصور الي ردته جبته وهذا هو كدامك بشنو تآمره تحت امرك واني عندي ثقه بيك وهم سري للغايه

باوع للشخص الغير معروف وهو يرد عليه ..اهلا وسهلا بيك حبيبي اريد منك تصور الفاتحة على اساس تنشرها على اليوتيوب واذا واحد منهم سألك انت منين اجيت تكلهم اني صديق عايد وهو الي جابني الكم وراد اصور فاتحة صديقة سوادي

بس بهذا التصوير كله اريد منك على شنو تركز اريدك تركز على جياد وزياد الي هم ولد تحسين

رد عليه عايد ...واكو شخص وياهم اسمه سكان هو جان وياهم وهم يهرب اسلحة  و واحد اسمه ابن ماجة ذول كلهم جانوا وياه عساس رايحين سفره سياحيه للحبانيه وهناك مات سوادي مو كلها تصيف هناك بسبب حرورة الجو

جاوبه الاشتر وهو يوجهه كلامة للمصور .. تمام وهذول هم اريدك تركزلي عليهم

بعدها وجهه كلامة لعايد .. شوف بعد ما تخلص الفاتحة اريدك تسوي صورة ضوئية جبيره لسوادي وتوزع يمها ثوابات عساس انت صديقه وتريد تموت عليه وتجمع ذول تجمع الهتليه اريد اعرف منين يهربون اسلحة ومنين يجيبون انطيهم الامان حتى تصير اكثر من دعوه عليهم الا اذل تحسين العار بيهم

رد عليه عايد بقبول .. تتدلل ان شاء الله اسوي الكلت عليه

ابتسم بمكر وهو يمسح على شواربه باوعلي حسيته شافني جمدت بمكاني غمزلي من بعيد وهو ياشر بعيونه اروح

خليت وطفرت للمطبخ عزا هذا داهيه يخوووف ويرعب شلون هيج يخطط هم طلعوا برا بس حجي اديب ظل

شويه ودخل اليه للمطبخ ولزمني كرصني من خصري عطت بخوف .. شكوو شبيك

ضحك كال ..تعالي حجي اديب يريد يشوفج

خليت ورحت وياه بعد ما عدلت شكلي سلمت عليه وكعدت هو كال .. شلونها بنيتي الحلوه ام لسان

ضحكت وجاوبته .. والله يا عمو ما ظل لسان صديقك ابو خطبة ١٢ باليل ما خله لسان اريد اشتكي منه

عقد حواجبه وهو يباوعله كال .. افاا عزيزي الاشتر شمسويلج حتى اشرحه اليوم

ضحك هو ورد عليه .. بويه والله فقير كل شي ممسوي هي تتبله عليه

ابتسمت.. لا بس هو غامض ميحجيلي عن شي احسه صندوك مقفول مو كتاب مفتوح حيل محيرني وهذا الشي يخليني ابتعد عنه حتى مرات اظنه مجرم مرات اظنه حباب

رد عليه .. هو اني شعندي كل شي ما عندي

حجي اديب .. لا بنتي احسني الظن بزوجج وتفائلي واتكلي على الله الاشتر خوش رجال احسن من ولدي كلهم سبع وما يخاف وعليه الاعتماد ونعم منه

ضحك الاشتر كله .. تدري اول ما تزوجتها تحول انت مريض نفسي

باوعلي باسى كال .. افااا وليدي الاشتر مريض نفسي ؟ انتي تعرفين شنو المريض النفسي ؟

كمل كلامه وهو يسبح بسبحتة كال .. شوفي بنيتي بداخل كل شخص بينه وحش طاغي ولو تحرر هذا الوحش بمرض نفسي وخلع ثوب الدين والتدين جان شفتي العجب كل العجب شفتي عجايب الدنيا

بس الاشتر حابس الوحش بداخله ومقيده بقيود ما مخليه يتغلب عليه رغم الماسي والمصايب الشافها بحياته لذلك هو مو مريض نفسي لان المريض النفسي ياذي شكو شي كدامة

رد عليه الاشتر بتنهيده وهو يرد عليه...ما اعرف شلون اجازيك حجي انت فعلا نسمة باردة دخلت الحياتي فعلا عوضتني ان كل شي وما اعرف شلون اجازيك وافرحك

تنهد الحجي وهو يكوله ... من اشوفك مستقر ويه اهلك وناسك بذاك الوقت اني افرح واكون اسعد انسان

تنهد الاشتر وهو يهز راسه باسى كال .. ان شاء الله ما ظل شي وراح اجمعهم بأذن الله

رد عليه .. يله واريد اشوف اولادك انت وسولينا الحلوه اريد اشوف احفادي شنو شو طولتوا

نزلت راسي بخجل وهو جاوبه .. ان شاء الله قريبا

كال .. اريده حلو على امه وذكي على ابووو

احتضني من اكتافي كدام حجي اديب وهو يرد  عليه .. اريده على امه بكل حالاته حتى لو غبي

باوعتله بصدمة وعصبيه .. شنوو اني غبيه

جاوبني بحب .. لا انتي تخبلين انتي حبيبتي

استحت منه حيل عزا يتغزل بيه كدام الحجي وكفت بسرعه ومشيت وابتسم وجهي صار احمر من الخجل

اسمع صوت الحجي يكوله وهو يضحك .. ولك اني ما مربيك هيج شلون تخجل لبنيه ههههه ولك ليشوفك بشغلك يكول هذا ما عنده مشاعر وبحياته ما راح يحب لك شلون هيج واكع هالوكعه

مجاوبه لان موبايله رن بنغمته المعتادة فعذبها حتى اذاب فؤداها

...................

افيان

رحت للبيت اشوفه مفلش  بعده شفتهم مفلشينه بس بعد الگردة ينراد الها وقت حتى ينقلوها عفتهم ورحت جايبه خلطات رحت وزعتها على النسوان صايره الموزع الاول بالعراق لتوزيع فافي خلطه

وبعدها رحت لمصطفى متفقين اني وياه هي وقت ابيعله خلطات جبتله اربعين خلطه هو راد تلاثين بس خلي يولي ما التزم بالعدد اني وغصبا عنه يشتريهن كلهن

شفته من بعيد واكف منتظرني شكد تافهه ياربي حاط عقله ويه عقلي ومنتظرني من كل عقله ولا جنه اخو نسيبي الكفو ذاك وين وهذا وين

وكفت بدون سلام وكلام كتله .. هاااك هاي الخلطات يله ورق اغاتي

رد عليه .. هلا بعبود سماره انوب اغاتي كل يوم اكتشف بيج شغلات من شعلان ابو الجون

جاوبته .. الرجال الوحيد من بعد نسيبي الكفو المعترفه بيه

لزمت الخلطات وهو يباوعلهن كال .. اي شعجب لحد الان ممزوجة

جاوبته ببرود .. ما لكيت الارجل مني

بسرعة باوعلي وهز راسه باسى كال .. شكد سعرهن كلهن

جاوبته .. الوحده على خمسه اضرب خمسه في اربعين ويطلعلك العدد مبيه حيل احسب والي يزغلط ان شاء الله سيارة تايهه مثل السيارة الفلشت ابو سعدون

عاد هو ضرب بالموبايل ورد عليه كال بصدمة ..سعرهن ميتين الف !!!

باوعتله بعدم رضا.. اي وشدعوه مصدوم انت بس اسأل خلطة فافي وراح يسولفولك عنها

باوعلي بنظره كلها حقاره ومستفزه كال وهو غمزلي بخبث .. ميتين ميتين تتدليين

جاوبته بقرف .. شوف اني جاي اشتغل واسترزق على باب الله هاي حركاتك بطلها تريد تشتري اهلا وسهلا ما تريد الله وياك قابل عندي قماش الباير

طلع الفلوس من محفظته وانطاهم اليه اخذتهن منه واني احسبهن .. اي عفيه هيج بأدب خليك لطيف

رد عليه بسخريه .. ما شاء الله تكرفين كرف

جاوبته بثقه .. هذا هو الشغل النظيف يمشي وبعدين اكلك اني مرزوقه الزم تراب يصير ذهب فدوه لگلبي

عض شفته بسخافه .. اي والله فدوه

خزرته بغضب وتوقفت عن حساب الفلوس عاد هو بسرعة غير الموضوع كال .. اي شكد مجمعة حاليا

اني قررت اجذب عليه وافيك كتله .. اربعين ورقه اريد اشتري سياره

ضحك  .. متكفي اذا تردين ازيدج ونشتغل بيه سوه تلث ايام اليه وتلث ايام الج

جاوبته بخبث .. لا كل الايام اليه وانت ارجع عبريه فورتات

رد بحقد .. شكد انانيه ومتغطرسه

مشيت عنه وجاوبته .. يله باي اذا تريد بعد خلطات انطيني خبر

كال .. انطيني رقمج ونتواصل احتمال افتح كوزمتك بخلطاتج

ضحكت .. شكلولك عليه اوزع ارقام تريد تحجي منا

ظل يباوعلي بنظرات حقيره عفته ورحت امشي وفرحانه اليوم شتغلت شغل طكت طكة من مصطفى هذا وين جان ابيعله هيج بالجملة الله شكد حلو من واحد يبيع هواي

امشي وفرحانه واختفت فرحتي وابتسامتي من شفته من بعيد لابس بجامته البرتقاليه وتشيرته الاحمر وشايل جنطته كلها وسخ باوعلي وهو يتوعد بيه خلاني رجعت خطوات خايفه منه

نهاية البارت .. يتبع

كونوا انتم كونوا بخير .. احبكم 💔

نور سمو العراق ❤️

لا تنسوا التصويت والمشاركة احبتي حتى اجيبلكم خلطات من فافي 😅

اثبتوا وجودكم منين تتابعون الرواية 😍من اي دولة ❤️