رواية #وكر الأشتر الفصل التاسع وخمسون 59 - بقلم الكاتبه سمو العراق

البارت الثامن
رواية .. وكر الاشتر
بقلمي .. نور سمو العراق

💔💔💔💔💔💔💔💔💔💔💔💔💔

قد يجرحني كلام سفيه من سفهاء ولكن أتذكر دائما ان الصواعق لا تضرب إلا القمم ؟

......................................

افيان

الانسان الحقير ما تصير اله كل چاره ويظل يسعى بتحقيق غايته حتى لو دفعه الثمن كرامته

اني من شفت ام مصطفى اجت واني كشرت عن ملامحي وحيل انزعجت من شفته ويييع معقوله هاي عمتي ام رجلي الي راح اخلص وياها عمر

لا مستحيييل ما اتحمل مو استايلي هيج عجايز تشبة معلمة سالي بالابتدائية اني احب العجايز الحلوات المدبدبات المدكدكات مو هاي

باوعتلي بثقه وهي تكول .. اكدر اتفضل لو شنووو ؟

فتحت الباب واني اباوعلها بقرف دخلت وهي تباوع بارجاء البيت بطرف عينها وكل شي ما عاجبها

جرت نفس وزفرته رجعت باوعتلي كالت .. بهاي المزبله كاعدين ؟

جاوبتها ببرود .. على الاقل مستورين وما ماكلين حق احد كله حلال بحلال لو حراميه مثل غيرنه جان هسه احنه طاكين بكدج

رفعت حاجب مصدومة وبعدها رسمت ابتسامة مستهزئة على شفايفها كالت ...من زمان واني اكول لسانج طوويل وما ترهمين تكونين زوجة بيها حظ

ضحكت بسخريه ... ههههههه شنو ليكىن جايه تقيميني لج عيني اني فافي هاي المنطقه كلها تحلف باسمي ما محتاجة تقييم من احد اوك

تغافلت عن كلامي ورجعت باوعت للبيت وهي تكول ... كولش قذر وهماتين ريحته بوخه هاي انتم شلون عايشين على الاقل خلو شويه نظيف

تخصرت بغضب .. اكلج عيني بيتنا وعاجبنه عسا ما نكعد بالوحل انتي شلج غرض جايه مناك لهناك حتى تكعدين تتملقين وبيتكم وبيتكم هسه شدخلج ببيتنا جايه تكعدين بيه لو احنه كاعدين بيه وبعدين ليكون ناويه تاجرينه وكاعده تقيمين

ابتسمت بغرور وهي تكول .. اجيت عليج انتي لا على بيتكم ولا شي اجيت اتفاهم وياج انتي لان بصراحة موضوعج حييل شاغل بالي بس انصدمت بالمزبله الكاعدين بيها وهذا الشي زاد الطين بله

كشرت عن ملامحي ... وشنو عيني الموضوع الشاغل بالج بلا امر عليج

سحبت نفس وزفرته كالت ... امممم اريدج تبتعدين عن مصطفى الف متر ولا تتواصلين وياه ولا تحجين وياه لان من سابع المستحيلات اخليكم ترتبطون مو معقوله اخلي ابني مصطفى الي الف وحده تتمناه يتزوجج وانتم هيج عائلتكم وانتي اخت زوجة الاشتر وكذلك وكحه وما تنجرعين

ضحكت بسخريه وصوت عالي ... ههههههههههههههههههههههههاي لعباس عليج تحجين صدك ؟ يعني من كل عقلج !! يعني بكامل قواج العقليه ؟

باوعتلي بغضب وهي تكول .. انتي شبيج خبله

رجعت ضحكت بهستيريا ... هههههههههه لا لا هههههه العباس عليج عود صدك هههههههه يعني صدك صدك هسه انتي جايه مناك ليجاي لحتى تكوليلي والله ما ازوجج المصطفى

ردت بغضب ... اييي جايه مناك لهنا حتى اكولج ما اريدج لابني لو اعرف اسوي سحر بعشر ملايين ما اخليكم تتزوجون

لزمت اديها بتوسل مصطنع ... لا فدووه لا ما اكدر اعيش من دون مصطفى اموت اذا ما اتزوجة مو هو هوا

ردت عليه .. تستهزئين حضرتج

جاوبتها بصدق .. اي والعباس استهزء هههههههه

ام مصطفى.. ضحك من دون سبب من قلة الادب

ابتسم .. بس اني دا اضحك بسبب تخيلي يعني انتي جايه مناك لهنا حتى تكولين لا تزوجين مصطفى  يعني اكو اكثر من هيج سبب يخلي الواحد يسكر من الضحك

ردت بغرور... ميخالف هسه صار عندج علم ابتعدي عن مصطفى ولا بعد تراسلي لان اني مستحيل اتقبلج چنة ببيتي

جاوبتها بعدم رضا .. وشنو يمه ما اخذه ابنج وما ترديني وهو منو يقبل يناسبج اصلا وبعدين لا تنسين ترا مصطفى مو ابنج ابن اخوج وانتي خمطتي منهم

فتحت عيونها مصدومة مرعوبه من كلامي  سحبتني من ايدي بغضب وعصبيه وهي تكول ... ولج انتي منيلج هذا الكلام

رديت عليها بعدم اهتمام.. والله يا عيني شمدريني اني قابل اشتم ايدي لو اكعد االف قصص عليج

بس هو مصطفى كال باگتني من حضن امي واني طفل واني جنت صغير اصرخ وما اريدها اريد امي جنت حيل اكرهاا

حتى متعيني عليه من سولفلي قصته يومين ما نايمه شكد بجيت عليه

وبصراحة شكد دعيت عليج لان ترا ماكو هيج قابليه شلون انطاج كلبج تاخذين طفل بريىء مثل صافي من حظن امه

هي تخبلت من كلت هيج لان اني عزفت على الوتر الحساس وهذا الشي حسسها وطلعها من طورها ظلت تلطم

كالت بغضب واضح على ملامحها .. انتي شكد سفيهه وحقيره وما عندج ذوق وما تعرفين تحجين انتي منو قشمرج وحجالج هذا الكلام هااا كولي

ضحكت .. هههه اكلها مصطفى حجالي تكول منو حجالج الضاهر صرتي ما تعرفين تجمعين ولا تستوعبين  صار عندج زهايمر مبكر

مدت ايدها بغضب رادت تضربني راشدي ابتعدت بسرعه منها وما خليتها تمد ايدها ضحكت بسخريه .. انتي شناويه تسولين ومنو تردين تضربين والله ما عاش ولا جابته امة الي يمد ايده عليه واني بنت امي

طلعت جيهان من الغرفه بسرعه كالت بخوف .. شكوو افيان شنو شصاير

ابتسمت بسخريه .. ههه بعد وكت وين جنتي

باوعتلها ام مصطفى وهي تكول .. ادبي اختج هااي حيل مو مؤدبه وفهميها مستحيل اخليها تتزوج مصطفى

رديت عليها بانزعاج ... اطلعي برا اطلعي ايييع شكد تلحيين هسه عبالك مصطفى السلطان سليمان هو كله خلگ عرگجي

طلعت وهي تخزر بيه وسحلتني جيهان ودخلتني كالت .. شبيج انتي خبله شكو تتعاركين وياها

جاوبتها .. خاااب موتتني ما تزوجين مصطفى وما تزوجين مصطفى عساس مصطفى توم كروز

ظلت تلوم عليه لان هيج حجيت وياها ولان طردتها تكول عيب  هي غير عمج الاشتر وهسه يزعل عليج لان هيج سويتي

هزيت ايدي ياربي هاي جيهان وين عايشه شدعوه هلكد فاهيه مال واحد يلزمها ويشمرها بالزباله على سوالفها هاي

........................

صفاء

رجعت للبيت واشوف الامة محتركة ناس تغلط على ناس وناس تسب بناس شنو السالفه ما ادري

بس مرة ساهر ام سجاد تدك وتلطم ولازمة جايكان النفط تريد تحرك روحهه و وجيهه ما تخليها

لزمت هديوه من ياخة ثوبها وحجيت وياها .. ولج شكوو شبيها امج ؟

لطمت على خدها وجاوبتني ... جااا غير ابوي طلع معرس على امي لا انوب المسعده مرته عندها ولد وامي تريد تحرك روحها شلون ابوي طكها بمره

صفنت عليها .. هاي شنوو منو كلج ولج

ضحكت وهي تكول بغضب .. البركة باخووك الجبير من اجانه وهي المشاكل على راسنه مثل المطر اخوك فاله مو زين بس عتب ببيتنا وطلع ابوي متزوج

هزيتها بعنف .. ولج احجي هسه هو منو الكلكم ابوج متزوج

ردت عليه .. اخوك الاشتر اشتره البين ان شاء الله ساس المصايب

سحبتها وجيهه وكعدتها بعد ما اخذت منها الجليكان كالت الها .. ولج كافي يالخبله شتردين تسوين ولج واذا حركتي روحج محد راح ينضر غيرج انتي و ولدج يتيمون

دخل ساهر باثناء هالضجة كال باستغراب.. شكووو شكووو شبيجن تلطمن

هجمت عليه ام سجاد بغضب وهي تريد تفترسه كالت ....انتنت ولك تحملتك وتحملت امك تاليها هيج تدك بيه الناقصه وتطلع متزوج من سنين وما تحجي الله ينتقم منك الله يجرك كلبك مثل ما حركت كلبي يا حقييير هسه تطلكني

هو تلعثم بالكلام وانصدم حتى ما عرف شنو يحجي ظل يبلع بريكة كلها .. شنو هالكلام انتي منيلج هالحجي لا متزوج ولا شي

صرخت بصوت عالي ولطمت صدرها ... ما متزوج ما متزوج وعندك ولد منها يا جذاب يا منافق يا خاين عساك بقهري وحركة كلبييييي هسه تطلكني لا احرك روحي

سكت وهو يكتم غضبه جر نفس وزفره كلها ... منين عرفتي

صرخت بوجهه .. عرفت مالك شغللللل احجي كوول وين عرفتها الكح الساقطه

رد عليها .. احجيييي منين عرفتي

جاوبته وجيهه بخبث .. اشتر كلها وفضحك كدامها

لطمت صدرها وهي تكول ... اييي فضحك الله فضحك يا ظالم ولك متحملتك ومتحملة امك الباطلة الي محد يكدر يعيش وياها غيري واني عشت وياها لخاطرك يالمتستاهل تالي انوووب متزوج وعليه يا خاين

كعد على القنفه وحط ايده على راسه وهو مصدوم ومحتار شيسوي

رجعت حجت وكالت .. يله لو اني لو هي هسه تطلگها هسه اختار بسرعه

باوعلها ببرود ورد عليها .. ليش اطلكها مرتي هي حالها من حالج والله محلل اربعه بعد على شنو مسويه دراما كافي وتقبلي الموضوع

لطمت وظلت تزاكط وهي تكول ... والله اليوم الا احرك روحي اليوم احرك روحي ابليك بلوووه اشتكي عليك يالمجرم

وكف وهجم عليها خنكها ولزكها بالحايط كلها من بين اسنانه ...وطبج مرض الحركتي روحج ولخليتها شراح تقدمين وشراح تاخرين انتي والنعال يا نعال يا بت النعال ادوسج برجلي هنا واريدج تفتحين حلكج بكلمة

دفعته وهي تصيييح ... يا حقييير يا كلب الله  ينتقم منك ومن عشيرتك

عافها تحجي وحدها وتلطم وخله وطلع من البيت و وجيهه هجمت عليها كلتلها .. يا حقيره يا زباله ولج تحجين عليه ولج تكولين عليه مجرمة يالمجديه روحي لابوج الفكر ولج اني من لفيتج لبيتي واني سويتج ادميه يا بت النعال

تعاركت وياها ام سجاد وهي تكول ... والله ما غيرج بت النعال وانتي اكبر مجرمة لا تنسين شلون انتي واخوج كتلتوا رحيق اخت الاشتر

فتحت عيوني مصدوم من كلامها ... شنووو انتي شتحجيين

وجيهه خافت هجمت عليها وسحلتها من شعرها وتعض بيها وترفس بيها وصار العياط بفلس اريد افرغهن ماكو

وهديوه فزعت لامها وسحلي وجيهه من شيلتها وترفس بيها وسجاد هد عليهن بسجينه خلاهن شردن كل وحده بغرفتها جان سكران

..........................

سولين

رحنه لمرسى الجادريه تونسنه شويه وكذلك رحنه لجسر الجادريه يعني مو معقوله نروح للجادريه وما نمر على الجسر الي نحبه

جان يوم حلو حييل جانت زهراء متونسه ويه اطفالها للعلم زهراء عندها ثنين ولد وبنيه البنيه هي جانت عند ابوها وجابها الاشتر والولد هي اجت وجابته وياها من البدايه لان يرضع على صدرها

كالت بخوف .. شو الحمدلله ايسر ما سوه شي ولا حجه شي شنو السالفه

اشتر رد عليها وهو يحرك بيده وغمز الها كلها ..سويتله لوي لسان و وبخته شويه يعني الأمور تمام لا تخافين

ضحكت وهي تكول .. والله حسيت براحه هسه

رفع حاجب وهو يكولها .. كوني مرتاحه خيتي لا تشيلين هم همج خلي عليه اني اتحمله تمام ؟

ابتسمت وهي ترد الجميل كالت .. والله ما اعرف شلون اشكرك فعلا انت سند يارب يحفظك اليه وما يحرمنه من بعض

حط اصبعه كدام شفايفه وهو يكول .... اششش هذا الكلام لا تحجينه اببببد ماكو داعي للشكر انتي اختي بنتي كل شي بالنسبة اليه اصلا اني مديون الج واريد اثبتلج ان اني كد المسؤولية

ابتسمت بفخر وهي تكول .. انت كد المسؤولية واكثر واني كولش فخوره بيك

باوعلي وضحك كال .. اي شنو الملك صافن شنو سالفته

ابتسمت .. لا ماكو شي بس حيل حابتكم سووه يعني شي كولش لطيف وهذا الشي فرحني الحمدلله من انلم شملكم مو هيج زنوبه

زينب ضحكت كالت .. اي صح يارب ومصطفى هم يرجع ويانه احنه لازم نتقوه اكثر ونشد نفسنا حتى ننجمع ولو اني لحد الان ما اكدر احجي ويه امي واكلها ان اني اريد ارجع ويه اخوي اشتر

باوعلها وهو يكول .. ان شاء الله بويه ان شاء الله كلنا نرجع سوه حتى مصطفى وما ظل شي اطرد ساهر وامة ونعيش سوه

رجع باوعلي وهو يكول ... بس اوكفوا خلي اسال مرتي عادي تكعدون يمنه لو لا ههههههههههه

باوعتله بقرف وانزعاج .. ليش يمه يا يوم اني حرضتك على اخواتك لو مقبلت يكعدن يمنه انت گوه گوه تريد تطلعني حيييه شكد انت تكرهني

جاوبني .. هههه حبيبي اي عادي الهرمونات ما تعرف شقه

جاوبته بانزعاج ... اي كله شامرها براس الهرمونات مخصماك بعد ما احجي وياك

تقرب مني وحضني على الجسر وهو يكول .. اشتريلج جبس تشمري على النوارس وتصالحيني

هزيت راسي بقبول ... اي عادي اصالحك قصدي اوفق اتصالح وياك

صدك راح اشتراشتره الي واحد ظليت اشمر على النوارس واخواته يضحكن عليه يكولن والله عمي زين مرتك ترضا بجيس جبس

ظل يضحك وياهن وبعدها كالن .. اكلجن والله صديقي عايد خوش ولد منو تقبل تزوجة وحده منجن تتزوجة حتى لو انتي زهراء احسن من رجلج هذا ابو نجمتين شايف روحة

ضحكت زهراء وهي تكول .. لا خويه اني بطلت بعد ما اريد اتزوج تبت من الزواج

باوع الزينب كلها .. وانتي زينب شنو رايج والله خوش ولد وترا رتبه بس هو شويه مسحول بشغله لان متخفي بس بعدين يظهر لا تخافين

هزت راسها زينب بنفي وهي تكول .. لا اريد اكمل دراستي ما اريد اتزوج يعني اصلا ما الي خلك انظف واغسل مواعين

رديت عليها .. هههههه ولج لا تخافين على نفسج هو اصلا يغسل مواعين وينضف وكل شي يسوي جان من نتعارك اني واشتر ندز عليه يجي ينظف البيت النه هههه تذكر اشتر

ضحك كال .. اي لا والله هو فد معدل حتى يعرف يگلي ويطبخ ويغسل مواعين ست بيت نادره هههههه

ظلينه نقنع بيها ونضحك وهي ميته من الضحك كالت .. لا لا ما اريد اتزوج وعود اذا نويت اتزوج زوجوني اله

بعدها ركبنه السياره ورجعنه للبيت لكناهم هدوء ما ادري شكو مع العلم عفناهم يلطمون

بس شويه وصفاء دك الباب واخذ الاشتر وطلع وياه ما اعرف شنو عندهم ومن رجع اشتر رجع مهموم وضايج وكل قهر الدنيا فوك راسه

...............................

جيهان

من بعد ما صارت العركة بين فافي وام مصطفى مشت الامور طبيعية وفافي عبالك ماكو شي شغلت اغاني وتحمست وكملت شغلها ويه النسوان والوضع كلش طبيعي

ابوي صار يومين محتفي من اخذ البانزين لحد الان وهو ماكو صكو كتلو الله اعلم ماكو حتى اني ظليت بقلق عليه

رغم كل شي بس يظل ابويه واظل بقلق عليه واحجي لفافي هيج تظل ترزل بيه وتسب بيه وتالي تغلط عليه وتغمني

اتصلت على رنا حجيت وياها على موضوع زواجها من جاسم بس هي مثره تفسخ الخطوبه ويتوسلون بيها ما تقبل ما طل واحد ما اجه عليها حتى تقبل بس هي قافله

بعدين كالت .. اني بصراحة اريد اسويله كرصة اذن حتى بعد ما يعيدها ويعرف اني شنو حنى بعد ما يتجاوز عليه ويحسب اليه الف حساب

ظليت اقنع بيها واحجي وياها ومن بعدها قفلت الخط منها بعد ما اجاني اتصال من كريم

رجعت اتصلت عليه كتله ..هااا كريم حبيبي اتصلت عليه واني جنت احجي ويه رنا

رد عليه ..اي والله اتصلت لكيته مشغول على العموم حبيت اكلج الاثاث وصل وسويته كله وهسه ان شاء الله ما ظل شي بس اليوم حجزت الج عند دكتور خاص بعمليات التجميل والحروق وان شاء الله اليوم نروح لان اني باجر التحق وحتى يحدد النه موعد العمليه من انزل نسويها شنو رايج

فرحت حييل ما اعرف شلون اتصرف من الفرحة اطييير انهار ابجي اصرخ ما ادري جاوبته بغرحة .. شكرا حبيبي يعمري انت والله ما اعرف شلون اجازيك احبك كريم احبك

ضحك وهو يكول .. يروحي انتي اموت عليج يله حظري نفسج حتى اجي اخذج وان شاء الله كل شي يرجع تمام واسويلج احلى عرس اخلي العشيره كلها تحجي بيه واجلط كل وحده رادت تخرب بينه

جريت نفس بفرحة ... احبببك كريم اموت عليك اني صح مرات اضوج واتعثب وانقهر بس ارجع احبك اكثر واكثر انت حبي من الطفوله انت كل شي الي ورغم كل شي انت ما تخليت عني

رد عليه بهيام وهو يكول .. شلون اتخلى عنج اصلا كلهم مباريات وديه بس انتي المونديال يا حلو انت

ضحكت ... هههههه غزل رياضي

كال .. ديله ولج حظري نفسج جايج اذا اجيت ولكيتج ما مكملة اروح الوحدي وما اخذج ههههه

رديت ... ههههههههه وشلون يحدد العمليه الدكتور يله يله هسه ابدل بسرعه

قفلت الموبايل منه ورحت حضنت افيان وابوس بيها اشمها وهي ابد ما عندها رومانسية ابد دفرتني وطردتني

مع العلم سولفت الها عن سبب فرحتي بس هي ام صكبان ما عندها اي حس درامي ابد عندها حس اكشني

كملت تبديل وانتظرته على احر من الجمر حتى يجي وهو اصلا ما طول بسرعه اجه اخذني و وصلنه للدكتور حدد بيها العمليه التجميليه ومثل ما راد هو وره ما ينزل من دوامة نسوي العمليه ومن اطيب ان شاء الله اتزوج

وجنت عبالك مو رايحة للدكتور جنت عبالك رايحة للجنه لان موضوع التشوهه كلش ماذيني وجان حلمي ان اسوي عمليه وارتاح من الصار وياي واتخلص من تنمر الناس عليه والبس بكيفي لان دائما اكون مقيده بالبس واخاف يطلع من جسمي شي وارجع اسمع تعاطف واسمع تنمر

.................،.،،،،

سولين

مر يومين الاوضاع طبيعية بس شنو ام سجاد ابد ما تطلع من غرفتها معتكفه على نفسها و وجيهه مكتوله وصايره الهم بالنعل

جنت فرحانه اني اسرح وامرح بالبيت لان كل وحده كاعده بغرفتها وهذا الشي مفرحني واسعدني طبعا ان شاء الله دوم نايمات بغرفهن وما يطلعن

واشتر فرحان كال .. اليوم اخذج للسونار اسويلج سونار اريد اعرف البيبي شنو جنسه حتى نبدي نجهز للبطل

جاوبته .. انت عادي اجيب بنيه مووو ؟

باس شفايفي وهو يكول بهدوء .. كلش عااادي اصلا اكيف المهم تمام الخلقه وطفل يملي علينه حياتنا ونكثر العائلة

رديت عليه بمرح ... ان شاء الله بنيه يارب

ظل يضحك وبعدها قررنا نروح للسونار هو ظل يحجي ويه ام السونار على انفراد ما عرفت شحجه وياها

وبعدين هي اخذتلي سونار كالت .. الطفل ما شاء الله وضعه تمام بس هو ما مبين لان كاعد على مقعده بس لا تخافين ولادتج طبيعية وامورج تمام

من كملت هو اخذني كال ... ها بشري شنو ولد بنيه

ابتسمت باسف .. والله ما  اعرف تكول ممبين لان كاعد كعده ان شاء الله يندار من اجيب لان كالت ولادتج طبيعية

لزم ايدي وباسها كال .. ميخالف يا عمري المهم ولادتج طبيعية والامور تمام واكيد ما راح اقصر وياج وادخلج أرقى مستشفى

ضحكت على كلامه بفرح وسكتت مجاوبته

رجعنه للبيت ودخلنه اول ما دخلنه واشوف تجمع العفطيه كلهن كاعدات عفتهن ما اهتميت الهن بس هن شنو يردن ياكلني حتى عماتهم موجودات

هو سحبني وكعد يمهن ولزم ايدي ويبوس بيها ويكول .. تروحلج فدوه كلها عشيرتي كلها شلع قلع تروحلج فدوه

فتحت عيوني خجلانه همست ... عزااا اشتر عيب

رد عليه .. خيولن طبهن مرض

شويه وانفتح الباب دخل ساهر هو ومرته الثانيه بعد هو شلون يخاف انكشفت الحقيقه وصارت الامور واضحة وصار لازم يواجههم بزوجته الجديده

دخلت جانت بيضه حييل شاحبه وشعرها مصبوغ اصفرر طووخ وشويه سمينه وجانت لابسه قاط اسود وقميص بطول الستره ابيض ومخطط بأسود ولابسه كعب هالي جانت صاحبة مفاتن بارزه والذهب لابسته كيلوات شكلها مألوف احس شايفتها بس وين ما ادري يمكن بالملهى هخخخخ

هن من شافنها هجمن مثل القرود المفترسه وكفن متعصبات كلله ... هااا ساهر هااا جبتها المسعده جبتها الساقطه

جاوبهن ببرود ... كافي هاي سهاوي ما اقبل اي واحد يحجي وياها ام عبودي هاي كافي مثل ما ام سجاد مرتي هي مرتي

باوعت الهن بانتصار ورفعت حاجب ورسمت على شفايفها ابتسامة خبيثه

كالت بدلع .. يله عيني سهورتي اريد انام تعبانه تعرف بيه هسه اجيت من المصرف

هلا هلا المسعده طلعت موظفه بالمصرف تكت فلوووس

اشتر ما كدر يسكت كال .. مبروك يابه ام عبودي ان شاء الله منج المال ومنه العيال

باوعله ساهر بعدم رضا واخذها ومشه بيها وهي جان طالع صدرها كعدت تغطي بروحها هي مبينه بنص الثلاثينيات يعني ثلاثينيه جاده

هن ظلن يكصن بيها ويغلطن و ام سجاد هجمت على ساهر ومرته  وبعد احنه دخلنه لغرفتنا عفناهم يدكون ويلطمون وحدهم

......................

صفاء

جنت كاعد بالبيت مالتنه الجديد جان السويت مالتي ماثث بأحسن الاثاث واخيرا صار عندي مكان اكعد بيه واستقر بيه الحمدلله اخويه اشتر ما قصر وياي  جابلي كل شي حلو وعلى ذوقي

اتصل عليه مصطفى كال ... اريد اجيك وين انت

رديت عليه .. بالبيت تعال خليني اعمر اركيله وندخن سوه

جاوبني ..يله جايك نص ساعه واني يمك

عدلت الغرفه ورتبتها وعمرت اركيله وانتظرته يجي وفعلا نص ساعه واجه دخل للغرفه كعدنه نسولف ونضحك واندخن

كال .. اني ضايج ومقهور هاي افيان حظرتني واني هم حظرتها بس اني ضايج تعودت عليها

رديت عليه.. ههههه يمعىد تعال اتزوجها واكعد ويانه

باوعلي بنص عين كال ... اي انوب تكعد يم الاشتر ويمعد يرزل بيه هو ونسيبنه ويطيح حظي خليني محترم نفسي احسن

ضحكت ... هههههههههه لا هو يحب اخوات مرته

وكف وهو يكول .. يله خلي اروح عندي مشوار

طلع من السويت بس ما طلعت وراه جان الجو بارد ومتعاجز

ماكو تقريبا عشر دقايق وتكب العيطه والصريخ اختلست عبالي احتركنه

ركضت بسرعه اصلا ما لحكت  حتى اطلع واشوف هدى ثوبها مشكوك وتصرخ وتلطم ومصطفى واكف مصدوم

كالت وهي تبجي واهلها طلعوا يوكضون ويردون يعرفون شبيها ما يعرفون

كالت .. ولكم الحكولي الحكو اليه اغتصبني

نهاية البارت .. يتبع

كونوا انتم كونوا بخير ..احبكم 💔

البارت قصير اعرف ان شاء الله باجر اكمله 😍

لا تنسوا التصويت والمشاركة بكم نكتمل❤️