رواية #وكر الأشتر الفصل الستون 60 - بقلم الكاتبه سمو العراق

تكملة البارت السابق
رواية .. وكر الاشتر
بقلمي.. نور سمو العراق

💔💔💔💔💔💔💔💔💔💔💔💔💔

-الحياة، سلسلة إنطفاءات متواصلة.

.........................

سولين

طلعنه نركض على صوت الصريخ عبالي مدري شكو عبالي وجيهه وجنتها الجديده تعاركن مره ثانيه

اشتر كمز من مكانه وشمر البطانيه وراح يركض واني مثل السعدانه اركض وره خرررب احنه نموت على المشاكل والاكشن يمكن ذابين سرنه بفلم اكشن

اول ما طلعنه ونشوف ساهر يتهدد على مصطفى ومصطفى المسكين مصدوم صدمة حياته وهديوه عساس ساتره روحها وتبجي وتصيح ... اغتصبني مصطفى اغتصبني

وساهر يشيل روحة ويركعها بالكاع وهو يصيح .. ولك انت تغتصب بنتي انت هيج تسوي يا عار يا ابو النسوان هسه تصحح غلطتك ويه بنتي اليوم اذبحك والله اذبحك واشرب من دمك

مصطفى ثار عليه بعد ما جان بسبات وصدمة الجمت كل حواسه عاط بيهم وهو يكول .. انتم شبيكم عاقلين مخبلين شنو اغتصبتها بابا شبيكم تخبلتوا هسه اني عفت امة محمد كلها لزمت هديوه وحصرتها صدك جذب لهلدرجة ما عندي ذوق

ردت عليه امها وهي تصيح ... اييي انت اغتصبت بنتي انت السبب ولك شفتها عود مطلكة كلت خلي استغلها عبالك الشرف هيج عدنا مثل شرفك ضايع يا متستحي يا ابو الملاهي

رد عليها مصطفى ... عمي شسالفه شوكت لحكت اغتصب وانام حتى لا نازع بنطروني لا نازع قميصي شنو اغتصب بالهوا

شو انتم جذبتوا الجذبه وصدكتوها شسالفه ولكم هسه جنت كاعد ويه اخوي صفاء طلعت من غرفتها وهي حضنتني لزكت بيه مثل رجل العنكبوت اريد اخلص روحي منها ماكو

انوب شكت ثوبها وظلت تصيح عمي بتكم مو صاحيه انتم شنو تردون تورطوني بيها وهسه حتى لو نفرض اغتصبتها اكتل روحي وادفنها وما اتزوج هديوه

ساهر بغضب وامة لازمته ... لككككك فوك شينك گواة عينك انت صدك واحد ما تستحي والله اليوم اسويها حمام دم ما عاش الي يلعب بعرضي وشرفي ماااا عااااش انت غريمي يا مصطفى وما بينه غير الدم وبأي مكان اشوفك اني كتالك

مصطفى بعدم اهتمام.. خاب دروح مصدك هو وبنته اغتصبهم

وكف اشتر وجاوبهم بعد حالة من الصمت وهو يكول .. انتم شسالفتكم خابصين الامة بنص اليل يعني شلون بله ما نخلص من فضايحكم ومن سوالفكم يوم انت متزوج يوم ابنك سكران انوب هسه بنتك اغتصبوها شنو هالعائلة المنحطه الي انتم بيها

رد ساهر وهو يصيح .. ما تكول لاخوك اخووك هو السبب اغتصب بنتي والله اذا ما طلعتوا حقي اني اعرف شسوي ومن باجر اعرف شلوون اتصرف والعن ساعة السودة العرفتكم بيها

مصطفى بانزعاج .. خاب دروح اني نعست اروح لبيتنا انام عود من تنحل القضية خابروني

لطمت ساهر على گلبه وهو يصييح ... انوووب بارد انوب ماله شغل ولا عبالك زاني ولا عبالك مسوي شي بسيطه مصطفى يصبح الصبح لو ما يصبح

اتدخل صفاء وهو يكول .. يابه شسالفه ماكو اسرع من هيج حالة اغتصاب ولكم والله جان كاعد يمي شوكت لحك يغتصبها يعني شنو ماكو مقبلات كبل هيج مصطفى فات بالمفيد ترا هاي مصايره

مصطفى باستنكار ... والله عمي هاي لا صايره ولا دايره بس عند بيت جدك ذول يذبون خلي اروح البيتنا لا انوب يكولون اغتصبت وجيهه ههههه

ضحكت على كلامه فد واحد بارد واشتر شفته يكتم ضحكته من وره مصطفى صفاء ما سيطر وضحك على ردة فعلة وعلى كلامة

بس ساهر انهار صار عنده إنهيار عصبي بسبب كلام مصطفى وعدم اهتمامه وكذلك وجيهه وام سجاد طلن يزاكطن ويلطمن مصطفى جلطهن بردة فعله

خله وطلع وساهر هم طلع مدري وين راح اشتر راح وره مصطفى هو وصفاء لان خاف عليه كال.. خاف يغدرون بيه ذول مو امان

ظلينه احنه كاعدين وهديوه كاعده وهي تشرح ليلة الدخله اوه قصدي تشرح شلون اغتصبها مصطفى

كالت بثقه  وهي تتصنع الحزن .. طلعت من غرفتي دا اشرب مي وما اشوفه الا حظني من خصري وحصرني على الثلاجة مو حصره ظيييم

اريد اخلص روحي منه اريد ابعده عني ماكو ظليت اصرخ حط ايده على حلكي وايده الثانيه تداعب خصري بنعومة وذوبان ويشم بركبتي

وهو يكول .. هداوي احببج هدى اني مغرم بيج اني اريد اموووت عليج خطبتج من ابوج ما قبل يزوجني الج وتالي زوجج لابن خالتج وطلكج وهسه اريد اريد انام وياج يصير عدنه بيبي مثل ما اشتر راح يصير عنده بيبي

اني جنت مصدومة ومصطكة ما اكدر اتحرك ولا اكدر اسوي شي جان مقيدني باديه عضيته وخرمشته خليت دمة بطوله بس ما عافني الا اخذ الي يريده يله ارتاح

صفنت بكلامه مصطفى لا بيه خرموش ولا بيه عضه حتى ما مبهذل ولا بيه شي انوب جان لازم جكاره بيده هو صح مدخن بغرفة اخو بس هم لازم جكاره اني شفته

وكضت انوب هدى وهي تلزم بطنها كالت .. اووع يمه ما ادري شبيه بطني لعبت نفسيييي عزا بس لا انوب حامل

ضربتها امها على راسها وهي تلوم عليها كلتلها .. دنجبي شسالفه حبها ولبط انجبي وانلصمي خلينه نشوف حل لهاي المصيبه بلكي الله ويتزوجج ويفكنه منج

لزمت ايد امها وهي تكول .. صدك يتزوجني بس اكلج خاف يكتلني بيوم العرس لان فضحته فضيحة كدام الكل وهلي يموتني وااااي الله ما اتوقع اتزوج مصطفى اني جنت احب صفاء

وجيهه ردت عليها بانزعاج .. دمشي ولي روحي انطمري خلينه نشوف حل لمصيبتج يالمصيبه من غضب الله على راسج وراس الخلفج

سهاوي جانت كاعده فعلا ايجة كاعده مطلعه صدرها وترضع بابنها كالت.. انتي من كل عقلج يعني مغتصبه هي اكو وحده مغتصبيها هيج تسولف وتحجي وتسفط وبعدين ترا الولد من شفناه مو مال واحد مارس الزنا بصراحة يعني حالته و وضعه طبيعي بس الضاهر انتن عاجبجن الفضايح

وكفت ام سجاد بغضب وهي ترد عليها ... ولج شو انتي شايفه روحج زايده عن اللزوم وبعدين منو طلب رايج اصلا انتي زبالتيش وتتدخلين امشي ولي الغرفتج

ضحكت باستهتار وردت عليها... هههههههههههههاي وانتي منو وتطرديني لج اني سهاوي ام عبودي واصلا مبينه سوالفجن تردن تتهمن الولد باطل وهاي السالفه مبينه مثل عين الشمس

عفتهن يتعاركن ورحت والله هي هاي مرة ساهر الثانيه هم ممرتاحة الها مدري شلونها احسها مو راحة شكلها مو مريح يمه ظليت اخاف على رجلي منها

........................

صفاء

رجعت ويه مصطفى كال اشتر .. خليك وياه لان اخاف عليه من ساهر هذا فد واحد ادبسز ويغدر بيه ولو جبان ميسويها بس ميخالف خليك وياه

عاد اني خليت ورحت وياه لكيت ام ماهر واكفه ولازمة موبايلها مثل واحد منتظرله شخص ومنتظر شيصير وياه

كالت وهي تحضنه .. شكووو ماما صافي اشو وجهك اصفر شكو شصاير

ضحك وهو يكول .. صدك جذب معقوله مبين عليه وجهي اصفر اشو الموضوع ما همني ولا ردعني لعد وجهي شبيه صار اصفر صدك جذب معقوله وجهي يتفاعل اكثر من گلبي هههههه

ردت عليه امه .. ليش شكو شصاير ماما مصطفى احجي شسوولك صفاء واخو الاشتر احجي ماما

جاوبها بنص عين...لا والله اخوج ساهر وامه لدكو بيه الناقصه انوب سووني مغتصب بنت ساهر اييع هو اني لو اموت ما انام ويه هديوه الوسخة

لزمته وهي تكول ... هاي شنو صدك يعني انت اغتصبت هدى احجي ماما ميخالف حتى لو ازوجها الك شهر واطلكها بس خلينه نفض الموضوع

ضحك وهو يكلها .. هسه لو صدك اغتصبها والله ما اتزوجها لو تموت

ردت عليه .. ماما مصطفى تعال انت سكران انت مو بطلت سكر شنو هاي لك ماما بطل سكر شوف شلون اغتصبت بنت ساهر هسه شلون نخلص من هاي المشكلة شسويت يا عيني

عافها وصعد فوك وهو يضحك واني صعدت وياه كال بتنهيده ... خلي اروح اافتح الحضر من افيان اضحكها على سالفة اليوم

فتحت عنها الحظر وعقد حواجبه كال .. بعدها حاضرتني شكد حقيره وزماله بسيطه اذا ما اغتصبتج فلا اطلع مصطفى

ضربته واني اضحك ... هههههه ولك انجب شنو تعودت على الاغتصاب

غمزلي وهو يكول .. ملك الاغنصابات اغتصب امة محمد كلها هههه

هزيت ايدي على كلامه .. هذا الولد ما تصير اله جاره ابد انوب يتمضحك الاحساس عنده مشيول هههه

نمت يمه وهو شلون ينام نومة مال مدللين ماخذ الجربايه كلها واني مشمور بزاوية الجربايه ومعتكف على نفسي

كعدنه الصبح تقريبا بالعشره هو صاح على الشغاله العندهم سوت النه ريوك اشكال والوان كل ما تشتهي الأنفس والله كعدت اكلت وياه ونسولف ونضحك

نزلنه جوه واشوف اام ماهر كاعده حاطه رجل على رجل وهي تشرب كهوه

كشرت عن ملامحي من شفتها وانقرفت اكرهه حيل مستفزه ومكروهه وما تنطاق

كالت .. ماما حبيبي مصطفى لا تروح بعيد لان خالك ساهر متحلف بيك لان اغتصبت بنته

ضحك كال ... ههههههه بالعباس اذا ما يسكت مني اروح اغتصبه

ضربته .. هيييي عيب شبيك

دنطلع وما انشوف الا الشرطة والدوريه استوطنت المكان وهم يكولون ... وين المدعو مصطفى خالد شياع

رفع حاجب وهو يكول ... اني خير شكوو

رد عليه الضابط وهو يكول .. عليك استدعاء والقاء القبض بتهمة اغتصاب هدى ساهر

فتح عيونه مصدوم وهو يكول .. عمي صدك جذب هاي خبله لحد يصدكها جذبوا الجذبه وصدكوها هي هديوه شنو واغتصبها

لزمة الضابط وهو يكول .. امشي وهناك انطي اقوالك

وكفت ام ماهر وهي تكول .. ابني مسويها ابني مستحيل يغتصب ادعاء باطل اكيد وحتى لو مغتصبها احنه عائلة بينه وان شاء الله هو يتزوج هدى ماكو داعي للزواج

باوعلها وهو يكول .. لا يمه بالعباس اقبل بالسجن ولا اتزوج هديوه

اخذو الشرطه للسجن واني ظليت محتار ظليت امشي وراه سريع واحجي وياه .. لا تخاف مصطفى والله ما اخليك هسه اكول لاشتر ان شاء الله ما يقصر اكيد تطلع لا تخاف

رد عليه .. خووش مو تتاخر ترا اني مو مال سجون بس هم مستحيل اتزوج هديوه المخبله

اخذو بسيارة النجده واني رحت بسرعه للاشتر حتى انطي علم بسجن مصطفى واتهام ساهر اله

.....................

سولين

رحت للجامعه عندي امتحان خلصت امتحان وطلعت خابرت على اشتر كال .. شويه مشغول خليج بالجامعه وشويه واجيج لان مصطفى مسجون ورحت وراه هسه اجيج

رديت عليه ..لا خليك وياه لا تجي اني راح اروح لاهلي مشتاقه لاخواتي صار هوايه مشايفتهن

جاوبني ... لا لترحين وحدج هسه ادز واحد من الولد هو يجي ياخذج

رديت عليه.. ماكو داعي ترا اندل لا تشغل بالك

قطع كلامي بنفي .. بابا كتلج لا هسه ادزلج صفاء هو يوصلج

انزعجت ... اي لا تصييح عليه شبييك

جر نفس وزفره كال.. ممصيح شبيج لعفو الحب بس اعصابي تلفانه بسبب عملة ساهر وبنته يله هسه ثواني ويكون يمج صفاء

قفلت الموبايل وظليت منتظره صفاء يجي تقريبا ربع ساعه واتصل عليه كال .. يله خويه اني واكف بالباب اطلعي حتى اخذج لاهلج

وفعلا طلعت سلمت عليه ورحت اني وياه بالطريق اخذت الهن اكل من المطعم وفاكهه وشغلات لاموني وصلنه للبيت وهو راح بعد ما نزلني

استقبلني اخواتي وهن حييل فرحانات يبوسن بيه ويحضنني ممصدكات اجيت عندهم اني هم صار فتره ما اجيهم تعبانه ودراسه وملتهيه اتعارك ويه عيالي عشتوو

راحت جيهان بسرعه وهي متحمسه صبت الغدا الجبته واني بدلت وغسلت لبست من ملابس جيهان وتغدينه سوه

سولفت وياهن كلتلهن .. البارحة غير صارت النه طكة وطيح غير مصطفى عساس اغتصب بنت ساهر والبنيه تصرخ وتلطم واليوم مصطفى ذبوه بالسجن ورفع عليه ساهر دعوة القاء القبض وهسه هو بالسجن

بسرعه افيان فتحت عيونها مصدومة كالت .. صدك عود يعني مصطفى اغتصب بنت ساهر ولج خاف سكران

رديت عليها .. لا ولج منين سكران لا سكران ولا شي بس اشتر يكول انهام باطل والهم نية بهاي السالفه

هزت راسها بنفي .. لا والله ماكو شي يتهم شخص باطل وماكو دخات من دون نار وهو مصطفى هي هاي سوالفه يموت على النسوان يتنفس نسوان يدعي ربه تمطر نسوان

ضحكت ... ههههه لا ولج هو اصلا يكره بنت ساهر ولا يحبها بس ما اعرف شنو الي صار ويمكن مثل ما يكول تهمه باطله يردون يخلونه يتزوج بنتهم بعد ما اتطلكت من ابن خالتها

افيان بغضب .. انعل ابوها لابو ابن خالتها هسه راح اتخبل مغتصبها لو لا كليلي حالتها شلونها حتى اخلي ام عبدالله صديقتي تحلل الي الوضع لان ما اتحمل اصبر

باوعتلها بنص عين .. وانتي شدخلج بيه اذا مغتصبها او لا بشنو يفيدج الموضوع ليكون تحبين مصطفى

ردت بقرف .. لاااا اوووع مو استايلي بس يعني غير اخو نسيبي واحنه لازم نوكف للنسيب بالشدات لان هو ممقصر ويانه

رفعت حاجب بشك .. هااا الخاطر نسيبج مووو ؟

ردت عليه .. اي يكلبي الخاطر نسيبي اصلا لما عنده نسيب يسيب لعد شعبالج

بعدها نفخت بملل وهي تكول .. هسه شلون يا مصطفى  اتظل بالسجن بس يله هادي السجن يسوي زلم خلي يصير رجال ويكعد بالسجن احسن ما يكعد بالملاهي ههههه

سكتت منها وعفتها ظليت اسولف ويه جيهان كالت وهي فرحانه ... كريم راح يسويلي عمليه بس يرجع من الدوام اني حيل فرحانه يعني واخيرا راح اعيش مثل العالم

بستها واني فرحانه ...يعمري انتي ان شاء الله من تسوين عمليه تعالي عدنا هناك ببيتي اني اداريج

ردت عليه برفض.. لا يعمري مشكوره متقصرين بس والله اكيد ميقبل كريم ان شاء الله اظل هنا هم فافي متقصر واني هم ما ارتاح اله ببيتنا

ابتسمت بوجهها وجريت نفس .. يعمري ان شاء الله ما اقصر وياج وكل يوم اجيج بس سوي العمليه وارتاحي من همها وهم عندي فلوس راح ادزهن الج اذا محتاجة

ضحكت وردت عليه .. لا ممحتاجة وهم عندي فلوس الحمد لله مو تعرفين اني وافيان نشتغل وجمعت كم فلس وهم راح انطيهم لكريم

ابتسمت بوجهها ورحت دخلت جوه اباوع للبيت احسه يخنك بيه احس روح امي لحد الان بيه مدا اقتنع امي ميته ولا اقتنع ان هي ماتت وعافتنا ومن اتذكر ان اني ما شفتها اندفنت ولا شفتها نزلت للگبر هذا الشي يطمني ويخليني اصدق احساسي ان هي عايشه بس هي راحت ترتاح وترفهه عن نفسها

اختنكت والعبره خنكتني اريد امي احس ان اني بحاجة امي وكل شي يصرخ بيه يريد امي

اريد اكولها اني حققت حلمها ومثل ما رادت اني صرت هياته اني دا اداوم جامعه وادرس واصير احسن محلله

اريدها تكون موجوده اريدها تجي تفتخر بيه وتجي وقت ولادتي تشوف حفيدها راح اسويها بيبي

كعدت على الارض واني ابجي اشم ريحتها بالبيت اريدها تكون موجوده وقت ولادتي ما تقصر وياي اوووف يمه وينج محتاجتلج اني خايفه والله خايفه اريدج وياي

.......................

افيان

انقهرت من حجت سولين عن مصطفى وكالت مغتصب بنت ساهر يالمعفن يالتافهه يا ابو النسوان ما لكيت غير هديوه الخبله عاشكة الكل

من طاح حضك يا مصطفى هو انتم هيج الزلم تركضون وره كل شي يييع لعبت نفسي منه بعد لو يموت ما اتزوجة المقرف ابو الحرام

متعيني على حظي كل ما يريد يكعد تطلعله سالفه تشگ ابو السالفه

ختليت بنفسي اني من اضوج لو اعارك لو اكعد احف النسوان بدون ما اكطع هيج اجلطهن جلط ما اخلي ولا شعرايه

جنت ضايجة ومتعصبه واحف مثل وحده مخبله حييل حييل زلغت وجهه المره زلغ

اتصل موبايلي اكثر من مره مجاوبت هو عليمن اجاوب منو يتصل بيه قابل مصطفى ابو اغتصابات

نفخت بضجر ورفعت الموبايل شفته رقم غريب استغربت هذا رقم منو ما اعرفه صار فضول تجاهه الرقم

فتحت خط بسرعه واجاني صوتها العنجوقي وهي تكول ... الو افيان مو حبيبة ابني مصطفى

كشرت عن ملامحي وييع هاي العوبه هم مصدكة روحها هي وابنها وديت عليها بسرعه ... هووووب هوووب هوووب انتي شبيج تخبلتي شنو حبيبة ابنج وين كاعدين اكي بتركيا لو باسبانيا عيني احنه بالعراق العظيم بنص الأعراف والتقاليد وابنج لا احبه ولا اريده وييع من زينه عاد

ردت عليه بقرف ...اوووي شكد مليقه على كيفج هسه اني شحجيت مجرد كتلج حبيبة ابني هو انتي غير ليل ونهار تتصلين بيه قابل اني مكذبه

تعصبت اكثر من كلامها .. شوفي عيني هو ابنج لازكلي وبعدين ابنج مو اغتصب بنت ساهر وهسه هو بالسجن روحي حطيلج محامي يطلعه من الحبس بدل ما كاعده تغثين بيه شلون عائله كلهم ازعاجات

ردت عليه ... لج شنوو انتي منين عرفتي ابني اغتصب هدى وراح يتزوجها لان القانون وياها

جاوبتها بقرف .. شدخلني اني وبعدين هو انتم سيرتكم على كل لسان ويتزوجها ما يتزوجها طبكم مرض اعزموني ان شاء الله اجي ادك واركص معرس العزيز

كالت بحده بعصبيه وخبث .. ماكو غير اختج الحيه المسمومة هي الي فضحت ابني وبنت خاله ترا عيب عليها كولش عيب هاي اسرار بيت ميصير تطلع بس انتن بنات منافقات والنفاق والدجل بدمجن وهمزين الله خلصني منج وان شاء الله ابن اخويه الاشتر يخلص من اختج

رديت عليها .. مالي خلك ارد عليج بس بصراحة تستاهلين زيج نسيبي يتخلص منج ومن عشيرتج وما يتخلص من اختي الحب والحرب هاي

قفل الخط قبل لا تجاوبني ما الي خلك الها ولا لسوالفها معاجبها انوب ابنها سيرتو بقت على كل لسان كولة اخوانه المصريين

رجعت احف واكط واهلس بس بصراحة ما اعرف ليش ضجت لعد هو مو جان يكولي احبج واريد اتزوجج انوب شو اول ما زعل مني راح دنت نفسه على بنت ساهر واغتصبها شكد ساقط وادبسز

هو هذا مال حب المسربت انوب مسجون شكو صفه معفنه بيه خريج سجون خريج ملاهي شراب عرگ يحب النسوان بعد شنو من يروح فدوه النسيبي جكاره ما يشرب

...................

صفاء

رجعت للاشتر بعد ما وصلت سولين عند اخواتها دخلت للمركز جان الاشتر موجود هناك وكذلك سالي وعايد وحجي اديب وابنه

كال اشتر هسه الضابط كال .. ادخل عليه وشوف شنو القضيه واكيد لازم ناخذ اقواله ونقدمة للطب الشرعي وكذلك هدى لازم تتقدم للطب الشرعي وتتعرض للفحص الطبي حتى نعرف اذا جان اكو موجود بصمة داخل الرحم

كمل كلامه وهو يكول .. بس كون هذا الكلام ما يوصل لساهر حتى ما يسوي شي من ورانه هي من يتم استدعائها بالمحكمة راح الطبيب الشرعي يحدد الها موعد بالطب الشرعي حتى يثبت صحة اقوالها ونظل ننتظر تقرير كامل من الطب الشرعي بخصوص هالموضوع

حجي اديب رد عليه .. تمام بويه هسه انت خلي لاخوك محامي وخلي يستدعوها ورفع عليها تهمه بالقذق والتشهير وانساب تهمة باطله وقول الزور

اشتر ... اي هو ان شاء الله تتقدم بنت ساهر للطب الشرعي وهو يحدد اذا تم هتك العرض لو لا وكذلك اني خصصت فريق من المباحت والتحريات يعالجون القضيه

الضابط صاح على اشتر وراح وياه حتى يحقق بقضية مصطفى ظل وياه مده وبعدها طلع وهو شايل جنطته كال .. يله خلصت ان شاء الله باقرب واحد ياخذون مسحه من هدى وكذلك من مصطفى لان القضية ما تحتاج شهود كون محد شاهد على الاغتصاب

طلعوا هم واني ظليت جوه طلبت منهم اشوف مصطفى شويه ودخلوني عليه زياره جابوه اليه

باوعلي بحزن وهو يكول .. شفت الحقراء الانذال شسوو بيه بهذلوني بالسجون جنت واكف الهم مثل السيف وهسه باعوني خلوني اعادي اخوي الاشتر واكون ضده وكل سالفه يخلوني بيها واكون بحلك المدفع تالي هيج يسوون بيه كل شي سوو خلوني اكون ضد اشتر واحاربه

نفخ بقهر وهو يكول .. هسه عرفت اوادمي عدل عرفت الي يكرهني من الي يحبني بسيطه يصير خيير خلي اطلع من السجن واني اعرف شلون اتصرف

جاوبته واني اواسي .. لا تنقهر ولا تضوج اشتر مراح يخليك صدكني هو راح يسوي كل شي لخاطرك ومن هسه ديشتغل

باوعلي وهو يكول .. شنو علاقته هو بالتحقيقات اشو خلوني بغرفه الوحدي واجه هو وكعد يحقق وياي واخذ كافة اقوالي وكال بعد كل شي يعتمد على تقرير الطب الشرعي 

وكذلك طلب ملابسي الي صارت بيها الحادثه وما عرفت ليش طلبهن بس لا يسويلي سحر هههه

ابتسمت على كلامه جاوبته ... الله كريم اني مناكد مدام اشتر وره القضية راح تربحها وغصبا عن خشم الكل

سكت وبعدها اخذو راح للسجن واني رجعت ويه عايد لمكان الشغل

................................

جيهان

بعد ما راحت سولين جنت كاعده احف بالنسوان متحمسه حيل اريد احصل بعد فلوس حتى نسوي العملية

افيان دخلت عليه وهي مبدله كالت .. حبي رايحة للسوك اتسوك ابوج انوب ماكو بس لا مات راح اجيب وياي استكاين خاف انوب يردون جاي للفاتحة واحنه ما عدنا استكاين ههههههه

تعصبت عليها ..كافي ولج عيب عليج مهما يكون هذا ابوج شلون تسولفين بفاتحته

ردت عليه .. ابوو بس بالجنسيه للاسف يله باااي اجيب شغلات واستكاين واجي

عفتها راحت وكملت النسوان واجيت انظف بالبيت اندك الباب صحت على امين .. اموني حبيبي افتح الباب شوف منو اجه

راح فتح الباب واجه يركض كال ... بيبي ام حسن اجت هي وكوثر يردنج

خفت ما اعرف ليش واحس صارت هجمة بصدري كلبي ظل يوجعني رجفه اعتلت أطرافي فجاة بلعت ريكي ورحت

استقبلتهن وهن عادي سلمن عليه وكعدن دزيت امين جاب الهن عصير واجه ظيفتهن

كالت ام حسن .. شنو شوكت العرس كريم ما يحجي ويانه زعلان على زعلتج

جريت نفس وزفرته جاوبته .. ما ادري والله بعد ظلت يمه الله كريم شوكت ميريد نعرس نعرس

رفعت حاجب كوثر وهي تكول .. زين شلون تعرسين وانتي لحد الان جسمج مشوهه يعني اني تشوف العروس تهتم بروحها قبل شهر او شهرين اشو انتي كل شي ماكو

جاوبتها بسخريه ... لا تخافين حبيبتي ان شاء الله هذا الأسبوع نسوي العمليه

ردت باستهزاء وضحكة كالت .. ومنيلج فلوس العملية

بللت شفايفي بحيره وجاوبتها ببتسامة مجاملة .. عندي فلوس وكريم كال اذا احتاجيتي ادفعلج ما بينه فلوس

ام حسن .. عيب المره تاخذ من خطيبها فلوس العمليه وهي بعدها لحد الان ممتزوجته احس ما عندها كرامة

كوثر .. اي فعلا ما عندها كرامة وعيب عليها اصلا بس ترا مو كل وحده عنها كرامة ولا كل وحدة عندها عزة نفس مثلنا

باوعتلها بشك .. شنو قصدج اذا قصدج عليه فاني احب اكولج ان اني وكريم واحد والفلوس كلها ما تهمنا وبعدين فلوسنا واحد اذا جان هو دفعلي او اني دفعت اله بس ياريت الي يحجي بالكرامة يكون عنده كرامة

ام حسن ما عجبها الكلام كالت .. بس تدرين انتي محد يريدج من بيت ابو كريم يعني ما مرغوبه بس كريم جبرنه

ضحكت .. المهم كريم يحبني ويرغبني والبقيه عادي مو ذات اهميه حتى لو ما حبوني احترم رأيهم بيه

كوثر وكفت وهي تكول .. ليش اروح للحمام ممكن

وكفت دا اروح وياها ام حسن جرتني كالت .. عوفيها تروح وحدها شكو رايحة وياها اكعدي خلي احجي وياج

كعدت وكوثر راحت كالت .. شوفي يمه احنه مو ما نحبج انحبج بس بصراحة ضجنه لان انتي اخذتني ابنه منه وهذا الشي تعبنه وضوجنه نريده ويانه بالبيت ليش راح بغير بيت اريدج تخابري وتقنعي حتى يرجع للبيت

ابتسمت بسخريه .. والله يا بيبي اعرفج متحبيني او يمكن تحبيني بس كوثر متخليج تتقبليني المهم بالنسبه لموضوع نكعد وياكم بصراحة اني ممتقبلته ولا راح اقبل بيه لان اعرف الناس شنو وشلون علاقتهم بيه واذا اصلا كريم راد يكعد وياكم اني مراح اوافق

عضت اصبعها وهي تكول .. ايييي عرفتج والله عرفتج وحده بربوك خبلتي الولد وسودنتي عليج واصلا متلوكيله  وتالي طلك مرته ولزك بيج وهاي غايتج تبعدينه منه وتستفردين بيه انتي واخواتج

ضحكت ... هههههه موضوع مرته ما اتدخل بيه هم ما تفاهموا مالي شغل شغلة ثانيه مال اخذته منكم من زمان وهو عزل بايات ما كلتي اخذته منه جنتي تتلوكين الها تلوگ

هي تخبلت و وكفت وهي متعصبه ومنهاره كالت .. ولج ادبسز حيوانه حشره شلون تكولين تتلوگين تلوگ ولج شنو اني لوگيه

اجت كوثر تركض وهي تصيح .. شكووو شكوو شصاير يمعودين شصاير

ردت عليها ام حسن وهي تكول .. متستحي هاي فد وحده ادبسز تكلي انتي لوگيه تتلوكين لايو

باوعتلي كوثر بغضب عارم وهي تكول .. لا يا متستحين يا عديمة الكرامة والاخلاق محد غيرج لوكيه والله انتي تربية عامر شيطلع منج مثلا اكيد تربيه سز شلون الج نفس وتغلطين على بيبتج مره كبيره مو بكدج

بلعت ريكي بقهر وعصبيه.. انتي مالج شغل لا تتدخلين اني مو قصدي لوكيه بس هي تفرق بيني وبين ايات تمصلح الها وتني تدوس عليه ليش بله شنو الفرق لو اعوف اني شمسويه الجن جان ارتاح كلبي

كوثر جرت ام حسن وهي تكول .. امشي عمه  امشي تترجين من عائلة عامر اذا الام زانيه  وكح والاب طايح حظ قابل شيطلعن بناته معصومات

اني تخبلت من كالت هيج احس بانهيار عظيم تكسر بصدري صرخت بيها بكل غضب ... امشييي اطلعي براااا اطلعي يا ادبسز اسم امي لا تجيبينه على لسانج يا ادبسز يا حقييره

طردتهن من البيت وروحي ترجف ظليت ابجي بصوت عالي وامين من شافني هيج خطيه انهار ظل يبجي ويسكت بيه اريد اتنفس ما اكدر اختنكت حيل تاذيت  احس الاوكسجين انكطع

اني لو اخواتي يعرفن بكوثر هيج تغلط على امي والله يذبحنا ويموتنها واني كل مره اسكت لخاطر كريم بس لا هالمره زغدت عن حدها ومستحيل اكدر اسكتت

لان فعلا تعبت وظليت اخاف من المستقبل شلون اعيش وياهن وهن كل شي يسون ضدي ويكوهني ويستصغرني

...................

سولين

من بعد ما رجعت للبيت اجه اخذني صفاءجان اشتر مموجود وزهراء كاعده ببيتنا يعني ما واحت عند وجيهه وجنانيها البرابيگ

طلعنا كعدنه اني وياها بالصاله نباوع فلم اجنبي و وعود ام سجاد حزينة انتهكوا شرف الشريفه العفيفه بنتها الخبله

وذيج مرته سهاوي ظاله تفتر عليه ايجة الجسم مدبدب والصدر طالع والشعفه صفره خفت على رجلي منها يعشكنه الايجات مدري ليش

اجه الاشتر مبين تعبان رحت سلمت عليه وهو كعد يسولف ويانه عن مصطفى ولو هو ما يسولف احنه نسأل وهو يجاوب باختصار كطع گلبي احس الطفل ظل يعيط ببطني من الاستفزاز

شويه ودخلت عمته هي وقاطها وشعرها كله من البداية طالع مكطع من القصر والصبغ كالت بعصبيه وهي تطك بكعبها ... اشتر عمه اني اريد اشكي الك من مرتك لان حيل ما تستحي وعيب الي تسوي عيييب يظل مصطفى حماها وبمثابة اخوها والسوته حيل عيب

تفاجئت وانصدمت من كلامها هاي شدتحجي هو اني شمسويه شنو ذابه تهمة على مصطفى

رد عليها اشتر من دون ما يفهم الموضوع كلها ... والله بصراحة مرتي مسموح الها حتى تطيح حظكم عادي يعني ما اشكيي اي واحد يجي يشتكي منها اصلا اشجعها عليكم

جاوبته بخبث وحركة كلب وهي تكول ...بس مصطفى اخووك اخووك يعني عيب عليها تروح تحجي كدام اخوتها وتكلهن اغتصب بنت خاله ترا البيوت اسرار لازم واحد يحفظ السر وعيب عليها تشوهه سمعتنا

اشتر بعدم اهتمام وهو يشغل جكارته .. لا عادي عادي

كمل كلامه وهو يكول .. وبعدين شنو السالفه ليش تاخذون الأمور بجدية وتعقدون الامور اخذو الامور بصورة طبيعية وروح رياضيه وانتم همين يعني سمعتكم مشوهه من زمان وين الجديد ؟

ام مصطفى .. بس عيب عليها انوب اختها هاي الحفافه افيان لعبت لعب بذاك الفشار والغلط وتكول انتم ساقطين عائله منحطه واريد اخلص روحي منها ماكو

اشتر .. هههههههه افيان اي افيان لسان كفو منها تعجبني

اني محجيت وياها ولا رديتها لان مالي خلكها واشتر غسل شراعها يعني ماكو داعي اتعارك اصلا مو صدك ؟

اخذني كعدني كلها ... اووه لا تزعجونه الطفل مالنه ما يتحمل ضوضاء ومصطفى لا تخافين على سمعته اصلا هي من زمان وسمعته مشوهه هسه نحاول نرجعها احسن من قبل

كعدت على القنفه واني اضحك عليه همست .. عادي احببك

مد خده اليه وهو يكول .. حبيني

استحيت واني ابتسم لزمت ايده وهمست  .. ابوسك بالغرفه تتدلل

سحبني وهو يكول ... امشينه للغرفه

.................

رنا

رحتت لبيت جدو بعد ما جابو الغرفه اخذني اخويه حارث الهم شفت الغرفه عجبتني جانت ام حسن وكوثر مو هنا ما اعرف وين

وحنان مطنكره وتحجي تكول .. شفتي حظ جيهان كريم يريد يسوي الها عملية والله عمي خوش مسعده ومرتاحة على الحاضر اجت واخذت كريم

رديت عليها.. يمعوده شسالفه  تحسسني كريم سلطان زمانه واخذته جيهان وبعدين انتي شدعوه عليج قابل ماخذه رجلج افرحيلها شبيج

باوعتلي بقرف وراحت كعدت يم الحجي مالتها

اجه جاسم كعدت وياه ظلينه نسولف ونضحك ونتشاقه وبعدين راح كال .. عني زباين جايين للسنتر يردون بدلات

عفته راح سفطت ملابسي بالكنتور لان ما ظل للعرس شي وحتى حجزت صالون وبدلات طبعا بدلات من جاستن اجرت هو عساس جايبها من تركيا وخايفه بس لا هم يبدل البدله

شويه واسمع صوت صريخ وعياط ولطم نزلت بسرعه اركض شفت بيبي ام حسن تصرخ وتعييط وتبجي وكوثر وراها تبجي

وجدو يحجي وياها بخوف وقلق ... شبييج خووويه احجي شصاير احجي خوفتيني وقلقتيني

ردت عليه وهي تبجي وتنوح ... شحجي شكول اني ام حسن تالي عمري تغلط عليه وحده زعطوطه وحقيره مثل هاااي

عقد حواجبه وهو يكول ... منوووو؟؟ ياهي هاي ما رايده روحها اكث لسانها والله

جاوبتها والدموع شلال ...جنتك جيهان

نهاية البارت ..يتبع

كونوا انتم كونوا بخير ... احبكم 💔

لا تنسوا التصويت والمشاركة بكم نكتمل ❤️