رواية #وكر الأشتر الفصل الرابع وخمسون 54 - بقلم الكاتبه سمو العراق

بارت اول من جزء الثاني
رواية.. وكر الاشتر
بقلمي .. نور سمو العراق

💔💔💔💔💔💔💔💔💔💔💔

مَاذا لَو أنَّ القلبَ الَّذي تكسِرُه يُحبُّه الله 🖤؟

...................................................

صفاء

باوعلي منهار مصدوم ... حااامل سس سولين حاامل لااا مو وكته

بلعت ريكي من الصدمة الي الجمت كل حواسي وما عرفت شنو احجي تباشت عندي الحروف كل شي تلاشه حتى شعوري

لزمت ايده حجيت وياه .. ان شاء الله يارب تعدي مرحلة الخطر وتصير زينه

تركني وراح عني وهو يمشي بخطوات كلها حزن ويأس كلها اذيه وهم وغم سارح بخياله تايهه ضايع بس هو بداخل همه وكأن محد يشاركة باحزانه غير نفسه

ظليت كاعد بمكاني مصدوم دايخ مثول كل شي جان صدمة بعدها ابتسمت واني متفائل اكيد راح تطيب وتصير زينه وهذا الطفل مثل المعجزه ودوه لجروح الكل

الانسان ما يكدر يحس بحجم الكون اذا جانت مشاعره متكدره بس راح يحسه بمشاعره راح يحس بحجم الكون

واني بصراحة فرحان بكد الدنيا والكون لان رغم الظروف ورغم كل شي اني فرحت بحمل سولين يعني راح اصير عم واخوي راح يصير احلى اب

ما مصدك يعني معقوله من بعد الكره والحقد وتيارات الحزن والجفا سولين تحمل من اخوي وتشيل الفرحة كلها ببطنها تشيل عائلته كلها تخلف منه طفل يشيل اسمة واسمها يربطهم اكثر ويقوي علاقتهم

مشيت رحت وراه شفته واكف عند باب غرفتها وهو يباوعلها من الباب وساند ايده على ركن الغرفه

حطيت ايدي على جتفه وهمست بحب ..مبروووك ابو ابو ابراهيم

باوعلي بسرعه بشرود وذهول كال ... هااا

ابتسمت بوجهه الاشتر وحجيت .. الحمدلله انت ليش ضايج بالعكس لازم تفرح انت تدري هذا الخبر نزل عليه مثل الصاعقه ما مصدك والله يعني راح تصير اب وتصير عندك عائلة هذا الشي كلش حلووو ان شاء الله سولين تصير زينه ويتم حملها بخير وسلامة

جر نفس وزفره وهو يكول .. ما ادري شكلك اني فرحااان طاير من الفرحة بس الي مكدر خاطري هي سوليين يعني انت تعرف وضعها وتعرف شلون متاذيه واصلا مريضه انوب الكهرباء الصابتها احس الطفل كلش مو وكته خاصه بوضعها هذا هسه كل شي ما يهمني لا طفل ولا اي شي هذا الكون كله ما عامني بكد ما تعمني صحة سولين هي كليتها تضررت الطفل شظل بيه

ابتسمت بحزن ..الله اذا قاسمهم الك يعيشون ويملون عليك كل حياتك

مسح وجهه بتوتر وبلل شفايفه بحيره محتار مصيبه نزلت على راسه ولو اني اشوف الطفل رحمة بس صدك ويه وضعها كلش مو وكته

لف ايده بباندج كال .. تصل عليه احس العظم انكسر من وكعت عليها

جاوبته ... اخذ الها اشعه شوفها احسن ما تسكط

رد عليه .. مو وكته مو وكته هسه بالي وعقلي وروحي كله عند سوليين خايف عليها خايف يصير بيها شي خايف ما تعيش خااايف

رديت عليه بتفائل.. والله تعيش اني مافائل وانت بس كول يا الله وان شاء الله ربك ما يقصر وياك

تنهد.. حشااا لله من التقصير والحمدلله على كل حال اني هسه اريدها بس تكعد بس تفتح عيونها وبعدين كل شي سهل وينحل

خلينه وطلعنه برا لكينه حجي اديب جاي لخاطرها ظل يحجي ويه اشتر وهو يكول .. هذا امتحان من ربك لا تجزع ولا تغضب ولا تمل كول الحمد لله بالسراء والضراء وحين البأس وكون راضي

رد عليه الاشتر وهو يكول .. تدري شنو الي يرضيني حجي ان رب العالمين يعرف بكل كل شي كلش ترضيني هالجملة ان الله يعلم كل شي

حجي اديب .. دام هالشي يرضيك ثق بالله ان مراح يخيب ضنك وراح يجازيك على كد صبرك وراح ترجع مرتك وربك ديختبرك بيه

تنهد الاشتر وهو يكول .. الحمدلله على كل شي

لزمة حجي اديب وحجه وياه .. يله بويه روح عالج ايدك هاي اذيه للنفس حرام عليك لا تأذي نفسك وتخلي ربك يغضب عليك نفسك هاي مو ملكك امانه عندك من رب العالمين باجر تتحاسب عليها لا تهملها وتحملها السبب احنه ما نملك بهالدنيا اي شي حتى الروح مو ملكنا احنه نملك بس العمل الصالح

الاشتر .. مالي نفس والله ما الي نفس حييل مقهور احس شي بداخلي مكسور

حجي اديب .. ميخالف لازم تعالج نفسك حرام عليك

صدك رحنا اني وياه وحجي اديب سوه اله اشعة وطلع عنده كسر صغيير حييل وجبروها اله

جان حالته حاله ايده مكسوره وگلبه مكسور وكل همه سولين وطفلها تكوم بالسلامة

.....................

جيهان

جنت كاعده دا اسوي غدا وفافي تلعب بالموبايل شمرته بملل كالت .. اكلج اني ضجت اريد ارتبط اريد واحد يربطني ترا ما يصير هيج كلجن راح تزوجن واني اظل هنا مثل المطي يم ابوج حسن بيه

ضحكت .. تمام نشوفلج رجلج يربطج ونزوجج

اجت كعدت مقابلي بلهفه كالت .. اكلج صدك هو اني اذا ازوجت منو يظل يم اخويه امين معقوله نعوفه لوحده

جاوبتها باستنكار...عزا بعينج لج شلون نعوفه وحده اكيد اخذه يمي يعني عمو كر اهووو عمو كريم شنو قصدي زوجي كريم مراح يخليه لوحده وكذلك هو ابن عم أبويه يعني مبيها شي اذا كعد ويانه مو صح ؟

جاوبتني ... اي صح واني هم ما اتزوج الا اامن على اموني لان خطيه طفل مو مال نعوفه ونبهذله ويه ابوووي

وكفت بعدها صاحت بصوت ... اموووني حبيبي تعال امشي وياي نروح للسوك اشتريلك جنطه جديده وهم اشتري اصباغ مال شعر

راحت هي وامي ظلست الوحدي كملت الغدا ونظفت البيت اتصلت على كريم ماكو مجاوبني عفته ما لحيت بالاتصال

بس مرات اكيف من يتصل ويحجي ويايه بس هو مو دائما يتصل معرف ليش زعلاننه عليه بعد ما اتصل بيه

اندك الباب بعد ما راحت فافي رحت فتحته جنت لافه الحجاب وحالتي حاله وانظف اول ما فتحت الباب انصدمت من شفت ايو زوجتة السابقه جايه هي وامها انرعبت من شفتهن وحاولت اعدل نفسي

بلعت ريكي وهي ضحكت كالت .. اكدر ادخل لو لا

فتحت الباب ودخلن جوه كعدن وهن يباوعن للبيت رغم هو بنيان جديد بس لحد الان مو كله ملبوخ ولا مصبوغ بعده طابوك

حسيتهن منقرفات ولعبانه نفسهن جبتلهن مي ما شربن جنت متوتره وكاعده يمهن

كالت ايو.. اريد اسولفلج كل شي انتي  بكيفج بعد شوفي اذا تزوجتي كريم مراح ترتاحين تعرفين ليش لان لحد الان اني نفسي بيه ولحد الان احبه واريده ومستحيل اقبل باحد غيره هاي نقطه

نقطه ثانيه ترا هم اهله ما يحبونكم وحتى كوثر وحنان وام حسن يكولون عليكم قذرين وسخين حتى ميكم ما يشربونه وبيتكم وسخ وجايف

فتحت عيوني مصدومة من كلامها ومن حقارتها شلون هيج تنسب تهم باطله النه ومنو يكول كلامها صحيح يمكن تكون جذابه

رديت عليها بحزم ... انتي فد وحده جذابه وشنو يعني تردين مني اصدكج مثلا اني اعرف غايتج شنو

ضحكت بسخريه وهي تكول ... اممم زين اني شعرفني بابوج عصبي وبخيل وجلف ؟؟ وشعرفني هو قتل امج بسبب غسل العار

وكفت مصدومة منهاره من كلامها شلووون وصل الها الخبر شلوون هيج يحجن موضوع يطعنن بامي حتى الميت ما خلصن منهن

صكيت على اسناني وحجيت بعصبيه ... امي اشرف من الشرف واشرف من كل وحده تجيب سيرتها بالباطل على لسانها وان شاء الله كل وحده تجيب امي بهيج سالفه الله يعاقبها ويطيح حظها

كالت بحقد .. اييي ترا يكرهونكم بعد على شنو لازكة بيهم وتدرين حتى ابو كريم مموافق على زواجة منج وما قبل وكله اذا تزوجتها ما ارضا عليك اليوم الدين ما اريد من بنات عامر لان ما يشرفن ولا ابوهن يشرف

حسيت دخلت بدوامة من كلامها حسيت دخت ودخنت كلبي ظل يرجف كعدت بخيبة امل كعدت وكلي وجع

يعني هيج القريب هيج المنه وبينه يحجي علينه ؟ لعد شلون بالغريب شراح يحجي وشنو يكول صدك الاقارب عقارب

الاشتر غريب واحسن منهم ما فد يوم طعن بامي ولا فد يوم قلل من قيمتنه وجدي هذا الرجال الكبير الي الناس تتنخه بيه هيج يرفضني لان ابويه ما يشرف نسبه

شحجي ؟ شنو الس ارده عليها كلبي احسه تكسر تفلش من كلامها بعد ما بثت سمها عليه

كالت بخبث .. بعد انتي بكيفج اني كتلج واذا تردين هاي بصمة سمعيها اسمعي شلون جدج يحجي على ابوج وعلى اهلج

باوعتلها بنظرات كلها حزن وانكسار

فتحت موبايلها وفتحت التسجيل جان صوت كوثر وهي تكول .. مستحييل يابه شلون توافق على زواج كريم من هاي المشوهه وبعدين يابه هذول عائلة منحطه يعني تخيل جد جهال اخويه يكون عاااامر اوووع مستحيل شنو هذا الوسخ وناسبه ولا تنسى مرته والصار

رد عليها .. واني ما راضي على نسبة عامر بس شسوي اخوج قافل الا عليه مستحيل اقبل بعامر نناسبه واني اعرفه افسد خلق الله ولا يشرف

سدت المقطع وهي تضحك كالت .. شفتييي للاسف يعني

بللت شفايفي بقهر .. مو مهم عندي كلهم المهم كريم يحبني وشاريني وانتي تدرين بيه وكله بسبب كوثر خربت علينه من زمان ولحد الان مصره تخرب بينه بس وصليلها كلامي وكليلها لو مهما تسوين مراح تحصلين على غايتج

اخذت موبايلها وجنطتها وطلعت وهي متعصبه بعدها دارت وجهها عليه وكالت والدمعه بعينها.. انييييي راح امووت متعرفين شكد جاااي اعاني بسبب كريم هو اول حب بحياتي وانتي اخذتي روحي ان شاء الله ما تتهنين

مسحت دموعها ومشت صفنت عليها ياربي اني شلون راح ارتاح شلون وكل هالحيايه بحياتي كرهت حتى روحي

رحت سديت الباب وراها واتذكر بنبرة صوتها ودموعها حسيت روحي نذله يعني شلون هي واضح تحبه بس اني هم احبه شلون ما اكدر اتنازل عنه

تنازلت مره واخذته هي بس هو طلكها ورجعلي وطلكها بسبب افعالها وسوالفها

ظليت متوتره وراسي صدع اتصل بيه شفته غلقت الخط وشمرة الموبايل على الدوشك واني بقمة انزعاجي ضجت حييل

عضيت شفايفي اريد اصبر نفسي كلامهم ثكيل عن امي عن اهلي عن كل شي ويظل ابويه هو السبب بكل شي دنعاني موتنه وصلنه لهاي المرحلة الناس تحجي عنه وتطعن بينه ومن اقرب الناس اله

رجع اتصل مره ثانية جان مكتوب عليه My Heart

هاي افيان كلتلي شنو تردين اكتبه كلتلها قلبي كتبته الي هيج يله احسن مكتوب بالانكليزي حتى اعرفه

ما جاوبته ما الي خلك مزاجي صار صفر بعد ما جنت متحمسه يخابرني

كلت ما احجي لافيان اكيد تهجم على بيت جدي وتعاركهم واني مالي خلك

.......................

سولين

احس بالم وجع بكل جسمي مثل المضروبه اعصار قوي وطالعه منه احس بوجود نقطه سوده ابتعد عنها وترجع الي ابتعد وارجع النفس النقطه حسيت برعشه بجسمي على اثرها كعدت وصرخت بصوت عالي صوت طالع من داخلي

باوعت بس اسمع صوت نبض القلب يدك والاجهزة الي موجوده بالغرفه كعدت الدمعه نزلت من عيني واخذت مسارها على خدي ما اعرف على شنو ابجي واصلا ليش ابجي

احس نفسي مثل المخموره راسي ما اكدر اشيله عبالك واحد دايسني بسياره محملة باطنان من الرمل ذهابًا وايابا

رفعت عيوني اباوع ليفوك اتذكر جنت باليلة ممطره وبعدها اخذتني صاعقه كهربائية شفت بيها واحد طوويل لازم جنطه طبيه جنت اباوعله اتوسل بيه ينقذني يرجعلي روحي بس جان ما يتحرك بس لازم الجنطه و واكف

باوعلي ودار ضهره عني ومشه بعدها اني ما حسيت على شي ما حسيت بروحي الا اني هنا

رفعت جف ايدي احسه يحركني شفته بي ماده لونها مثل البرتقالي ماده دهنيه الضاهر جف ايدي احتركت من الصعقه

تمغطت ضهري احسه مكسور يمكن من النوم باوعت للباب الغرفه جان شبه مفتوح لمحت طيفه

ابتسمت ومديت ايدي اله ايدي جانت ترجف همست من تحت الاوكسجين الي على خشمي .. ااا اشترر

مجان يسمعني ولا جان يحس بيه جان بعيد بس اني شفته حتى لابس نفس كل مره هو يحب الألوان الرماديه والسوده جان لابس اسود

مشه وبعدها رجع بصوره عكسيه وهو يباوعلي من الباب فتح عيونه بدهشه ورجع فتح الباب بقوووه ودخل

اجه عليه ملهوف مخطوف لونه يحمل كل المشاعر بداخله خوف وقلق حب ورهبه

حط ايده على راسي ويمسح على شعري همس بحب وهو يبوس جبيني .. سولينتي سولي الحمد لله الحمد لله من كعدتي شلونج طمنيني زينه اشري الي براسج

هزيت راسي بقبول رجع باس راسي وهو يهمس ... الحمدلله على السلامة يروحي ان شاء الله ما بيج غير العافيه

باوعلته ورفعت ايدي سألته بعيوني .. شبيها

لزمها دارها على ضاهر جفي باسه وهو يكول .. ان شاء الله ما بيها شي تطيب هسه ابوسها

باوعتله بعيوني واني اشكيله من وضعي ومن الوجع الي دا احس بيه

عينيها تخبرك مدى سوء ما مرت به قبل إنقاذها ،،...

باس عيوني وهو يهمس .. كل شي راح يكون تمام ثقي بيه

تنفست بوجع وكف كال عبالك يحاجي طفل .. سولي باعي هسه اجي بس اشوف الدكتور حتى يجي يشوف حالتج تمام ؟ ما أتأخر هسه لحظه واجي

هزيت راسي بقبول وهو خله وراح شويه ورجع دخل والدكتور وياه وخر الاوكسجين مني وهو يكول .. ها بابا الحمد لله على سلامتج خوفتينا عليج

جاوبته ببحه وتعب .. الله يسلمك دكتور اني شبيه

جاوبني وهو يفحص بيه بالسماعه كال .. ما بيج شي تتدليين شويه تردين تشوفين غلاتج عند الاشتر

ضحك الاشتر بفرحة ورد عليه .. ههه هي غاليه عندي مت زمان ماكو داعي تشوف غلاتها

ابتسمت بوجه بتعب وتنهدت تعبانه حييل

الدكتور .. ان شاء الله تظل هنا اربع ساعات اذا شفنا وضعها يتحسن تكدر تطلعها

ظلينه تقريبا اربع ساعات واجه صفاء دخل سلم عليه واجت اخته زينب هم سلمت عليه وظلت كاعده يمي فرحت من شفتها

بس ولا واحد من اهلي اجه احتمال محد يعرف بيه اني تكهربت وهيج صار بيه

جنت احجي وياهم وتعبانه كوه احجي وتنفس

وبعدها كتبلنا خروج طلعت من المستشفى على الشقه شكد حقير الاشتر من اتمرض ياخذني مكان حلو من اصحى يشمرني يم صورة سوادي يمه الزلم ما الهم امان

..................

فافي

رجعت من السوك ولكيت جيهان الفاهيه ماده البوز شبرين مطنكره طنكورتها واصله لابو سعدون شبيها شكو ما ادري ولو هي هيج دومها تلطم من لطم عليها يأجوج ومأجوج ان شاء الله ويييع اكره الناس السلبيين

خليتها تلطم وحدها لان احجي وياها اكولها شكو شبيج ما تحجي طبها نعال عاد ما عندي وقت لهيج ناس صح هن اخواتي بس ما احب الناس التدلع هسه احجي شكو بدون تدلل وتدلع وييع ما لايگ الها

هاليام مصطفى صاير ادمي مو مثل قبل صاير يمشي عدل قبل جان يمشي عكس اتجاه الجاذبيه صاير مؤدب خوش انسان

بس يظل عنده حركات صبيانيه ما تعجبني لكيته دازلي رساله قبل ساعتين كاتب .. هااا وينج اليوم ماكوو اريد انام

رديت عليه .. ادري مخلفتك وناسيتك ما تنام شنو احي الوليلك لو اقرالك قصه قبل النوم

رد عليه بنفس الثانيه .. اكتب كلمة تردين بعشرين كلمة شنو هالقابليه ما اعرف

جاوبته .. هسه بلا هالكلام احجي عندك شي

هو .. ما اريد حتى احجي سديتي نفسي حتى من الحجي

رديت عليه بملل.. هسه شكوو احجيي

جاوبني .. تعاركت ويه امي واجيت اخذ رايج يعني اني غلطان لو لا ؟

جاوبته .. لا حشاك من الغلط حتى لو غلطان نكول مو غلطان هيج احنه عنصرين

ضحك كتب.. ههههه اييي عفيه هييج ويلومني لان احببج

رفعت حاجب من رسالته مستغربه كتبت .. تحبنيي

رد عليه .. اي والله احببج بحيث اني تركت حياتي القديمة اوويلي شلون جانت وناسه كلها دك وركص وعربده ولتجئت الحياتج كلها نكد ودك ولطم ورزايل

جاوبته .. هههه والله هذا الموجود بالعكس اني مشيتك على طريق العدل بعد ما جنت غاط بالمنكر والفسق والفجور متعيني عليك راح ابجي

رد عليه .. هسه اسمعي موضوعي باعي امي تريد تخطبلي مره وحده من صديقاتها الفايخات وحده سنكوحة على كولتج وموتتني تنك براسي تزوجها تزوجها واذا ماكو اخطبلك وحده ابوها مقدم بالجيش يعني بالمختصر ناويه عليه عساس تتيد تفرح بيه

جاوبته .. اي خليها تفرح بيك شكو بيها يمعود صدك جذب عود اعزمني بعرسك مليت من اكل البركر اريد اكل اعراس عضامة اني

رد عليه .. احجي صدك والله ما اريد غيرج

صفنت بكلامه حسيته يضحك عليه ممعقوله هيج جاوبته .. عوف الشقه مصطفى جديات ليش ما تتزوج على ذوق امك

جاوبني .. اريد على ذوقي اريدها كون هيج مثلج حتى شنو الحياة تصير اكشن ماكو وقت للعربده بس صدك الله يساعدني عليج اذا تزوجت

جاوبته .. مصطفى

كتب بسرعه ... يا نظر مصطفى انتي

ارتبكت ما عرفت شلون ارد تنهدت كتبت .. انت صدك عود تحبني

رد عليه .. والله حييل احبج تعودت عليج يعني انتي اذا كلتي تعال اخطبني اجيج هسه بطياره

كتبت .. طياره تكرفك كووون حتى من اريد اصدكك وتجفص بنص السالفه ما اكدر اصدكك

ضحك.. ههههه شبيج الطف الجو الج بس والله عادي شكو بيها اجي اخطبج بطياره احط على سطح بيتكم

رديت .. اي حتى اني واختي العروس واخوي متعيني عليهم نصير تشريب جوه طيارتك عمي دكعد وسكت وينه وين الطياره تريد تنهبنه

جاوبني .. تخيلي نتزوج اني وياج وانتي تغنين

ضحكت بمزح.. هههههه حمستني ولك تعال اخطبني

رد عليه .. انتي تحبيني

جاوبته .. امممم ما ادري اني اكره كل الزلم ما عدا نسيبي وانت دام اخو نسيبي يعني عندك واسطة احتمال احبك ليش لا ههههه

دزلي بصمة وهو يتنهد ... احبببج والله وداعة روحي احببج

سكتت ما اعرف شبيه مشاعري جامده ما تتحرك معقوله محسوده هههه ياهو يحسدني ثووول

مجاوبته بعدها ظليت افكر اني ليش هيج اتهرب من مشاعري وما اصارح نفسي اني حتى لو احب مصطفى مدا انطي النفسي فرصه حتى اتقبله او اعيش وياه حالة حب

بسبب ابويه وعلاقته ويانه وعلاقته ويه امي صرت اكره اي شي اسمة رجال اكره حتى الزواج

وبعد كلام مصطفى كدر يأثر بيه رغم اثر بيه بس اني ما انطي النفسي فرصه ولا اكدر استجيب ودائما اطرد هالاشياء من خيالي

بس ما اعرف ليش كلام مصطفى استحوذ على تفكيري وصرت اسرح بخيالي وافكر بيه رغم استبعده بس كل شويه والكاه ماخذ حيز كبير من تفكيري

عزااااا بس لا احبه لا ونبي اتبره من نفسي ويني وين الحب اني والحب منلتقي ابدا

....................

سولين

حين تشكو لك بؤسها أبعد الهمزة فقط

جنت كاعده على القنفه لابسه روب قديفه ثكييل ومتدفيه ومتحضنه نفسي وكاعده هو جان كاعد مقابيلي ويحجي وياي .. بس اكلي هاي لفه انتي لازم تتغذين مو زين عليج

جاوبته بتعب.. ما اريد ريحتها مو طيبه زفره

رد عليه وهو يخليها على الميز .. تمام دام لعبانه نفسج منها بلا ما ناكلها مو شرط

فتح العصير كال .. زين اشربي هذا العصير زين الج

باوعتله بقرف .. لا ما اريد دتلعب نفسي من هوايه اكلات

تنهد بحيره وقلة صبر رجعه كال .. يله تمام المهم راحتج

تقرب مني كعد بصفي باوعتله بسرعه همست .. عطر طيب

ابتسم .. صدك الحمدلله هالمره مو ضدي

استغربت .. شنو الي مو ضدك

رد عليه بارتباك وتوتر.. لا لا ماكو شي يعني قصدي تحبين شي يخصني

نزلت راسي بتعب ما اعرف شبيه بسرعه بجييت هو تخبل رفع راسي كال بصدمة وذهول وخوف .. ليش تبجين بيج شي يوجعج شي

جاوبته بالم ... لااا بس احس تعبانه ضايجة راسي يوجعني لعبانه نفسي كل شي بيه تعبان مختنكة ما اعرف شنو البيه بالضبط

مسح دمعتي وهو وباسني بطرف شفتي كال .. وين تردين اخذج احجيلي مطعم لو نروح الجسر الجادريه لو نروح للزياره انتي وين تردين اخذج

جاوبته .. اليوم ازدحام ما اكدر اروح للزياره اريد مكان فارغ وهادئ

رد عليه .. تمام خلينه نروح لبياره الشام او الجسر الجادريه بكيفج

رفعت اكتافي بعدم معرفه .. ما اعرف بكيفك

كال بحماس .. يله خلي اساعدج بالتبديل حتى نروح

وكفت مشيت خطوات حسيت ما بيه حيل امشي ولا بيه حييل اروح درت وجهي عليه وباوعتله بتردد

وكف كال ... هااا سولين شو وكفتي محتاجة شي اجي اساعدج

جاوبته .. ما اكدر اروح شو تعبانه ما الي خلك للطلعه

تقرب مني وشالني كال .. تعالي نسولف احسن من الطلعه

دخل بيه للغرفه مددني وتمدد بصفي غطاني كال .. اي احجيلي شلون راح تسيطرين على الامتحانات وانتي ولا حرف قاريه

جاوبته .. ما اداوم هاي السنه ما بيه حييل واصلا كل شي فاتني مو مال اداوم

جاوبني بنفي قاطع .. لا داومي امتحني واني اخليهم يساعدونج وكذلك انتي اقري ترا ماده قليله مو هواي تكدرين تسيطرين

ابتسمت .. انت تحب الدراسه اكثر مني

رد عليه .. بصراحة لو ما الدراسه اني ما وصلت لهنا ولا كدرت اوكف على حيلي يعني هسه اني بسبب دراستي صدت محقق جنائي سري وهذا الشي اني افتخر بيه

رديت عليه .. يمكن انت اختصاصك حلو بس هي وينها التعينات

جاوبني .. لا تكولين هييج تجي فرص وينفتح باب فرج بس المهم انتي عندج شهاده تكدرين تسندين نفسج بيها

سكتت مجاوبته ظل يحجي وياي يتلمس بشعري ويتغزل كال .. سولين انتي هم تحبين تصيرين ام

جاوبته بقلق وخوف .. مو هسه يعني اني وضعي حيل متأزم وكذلك ما عندي قابليه لكل شي وهم اريد ادرس احس كلش مو وكته بس اكيد احب اكون ام

ابتسم كال .. ان شاء الله تصيرين احلى ام

خفت من كلامة اول مره يسألني هيج سؤال وأول مره يحجي ويايه بهيج موضوع ما اعرف ليش وشنو غايته.

معقوله اني حامل !! بس لا ما اعتقد لان اني جنت نايمه مستشفى ونضربت وتاذيت وعلى رفسة الاشتر هسه لو حامل بخمسة توم هم خمستهم وكعوا وما ظل الهم اثر

زين ليش لحد الان الهرمونات ماكو معقوله تخربطت من نام ويايه الاشتر عزا بعينك خربطت حتى الهرمونات

اندك الباب هو طلع سمعته يحجي هو وصفاء ما طلعت ظليت نايمة مكدر اكوم ظهري يوجعني

انوب بعدين وكفت شو تاخروا واني فضولي قاتل دا اطلع سمعته يكول ... ما اكدر افاتحها بالموضوع هسه اريدها ترتاح لان الموضوع يمكن يكدر خاطرها ار ما تتقبله اصلا هي مزاجها تعبان متكدر تتقبل الوضع

استغربت عن شنو ديحجي وشنو الي ديصير منو هاي ام مزاج تعبان عشتو

........................

جيهان

كريم ديتصل واني ما اجاوبه اخر شي كتب رساله .. عود انتي ليش متجاوبين اني بظيم حالي هناك وانتي ما تردين شنو زعلانه لان ما رديت عليج مره وانتي اتصلت عليج الف مره ما رديتي

تنهدت رجعت اتصلت بيه وهو جاوب بعدني مكايله الو وهو استلمني بالرزايل ... انتي عود ليش ما تردين

جاوبته .. ما ادري الموبايل مجان يمي

رد عليه بغضب .. انتي صدك ما تستحين لج اني من القلق احس روحي طلعت وانتي تكولين والله الموبايل مجان عندي

رديت عليه بخوف .. لا مو هيج بس اني

جاوب وهو بقمة غضبه .. لا انتي ولا شي بس انتي تسوين هيج لان ما رديت عليج ولج يعني اني بشغل ودا افكك مفخخه وعلى ساعه تنفجر عليه شلون افتح عليج خط كولي شلون

جاوبته بحزن ونبرة بكاء .. هسه ليش تصيح شبيك هسه اني حجيت شي يعني شكوو انت متعرف شصار

رد عليه بعد ما هدء من ثورته كال .. تبجين

مسحت طرف عيني جاوبته بحزن وصوت مخنوك..لااا

تنهد كال ... مو قصدي ازعلج والله بس والله ظليت بقلق عليج كلت معقوله مسوي شي حتى ما تفتح خط وبعدين كلت مو معقوله شكد اتصلت ليش ما ترد

بلعت ريكي جاوبته ... صارت وياي ظروف ما اكدر احجيها هنا من اشوفك احجيلك تمام

رد عليه .. تمام حبيبتي واني اعتذر اخاف ضوجتج بعصبيتي بس والله ضجت وخفت خاف صاير شي

جاوبته .. اني هم اعتذر منك مجان لازم اقفل موبايلي

تنهد كال .. لا ماكو داعي للاعتذار بس انتظريني اليوم انزل ان شاء الله باليل اجي اشوفج تمام

جاوبته .. اهلا وسهلا بيك تنور بكل وقت

رجع تنهد كال .. جيهان بعدج زعلانه مني والله مو قصدي حبيبتي انتي

رديت بضحكة حزينة ... لا والله ما زعلانه ومنتظرتك اليوم

ظل يحجي ويايه وبعدها قفل الخط لان راح ينزل لبيتهم

اني حضرت نفسي وجلفت البيت بقاصر عزا بعينهم يوميه ننضف ويكولون علينه خايسين صدك ما يستحون

لبست گلبيه لونها وردي فاتح وشال بلونها وخليت مكياج خفيف وانتظرته هو خابرني كال .. اني وصلت

ما اعرف احس كلبي طار طار من الفرحة ما اعرف شنو الي صار بيه ارجف متوتره عبالك اول مره اقابله خرب اني شكد احببه

باوعت الفافي مشغله اغنيه واغني بفراكه سهر ضنيت اخلص اليوم اشو الله بغيابه ذب عليه نوم .. اول مره انام هواي عكس من جان هو وياي صعب نسيانه شربة ماي وانه شايل جنت همه

تنهدت هالبنيه هي والرومانسيه زيرو ولا فد يوم سمعتها تسمع اغنية بيها حظ

اندك الباب واني صارت خبصه بداخلي ما اعرف وين اروح وين انطي وجهي ركضت بسرعه باوعر للمرايه انوب رحت فتحت الباب

اول ما فتحت الباب ابتسم وجان شايل بوكيه ورد احمر كال .. الورد للورد شلونه الحب

ابتسمت اخذته منه وايدي ترجف كتله.. شكرا شكرا تفضل ادخل

دخل جوه كعد همزين افيان اشترت النه قنفه من بيت ابو سعدون وحده تندعيهم فلوس مال حفافه وما انطنها وصبغ راحت جابت قنفتهم واجت ساومتهم شكد ما تكعد راحة

كعد على القنفه اني خليت الورده على الميز وهو سحبني من ايدي كعدني على رجله

جسمي كله تصلب وتيبس همست بعد ما بلعت ريكي .. ككك شنو هااي لا يجي بابا

جنت كاعده على رجله وايده على خصري باوعلي بهيام كال .. وشعنده داخل علينه شهالقلة الذوق هاااي

ابتسمت بتوتر .. بس ميخالف

همس بذوبان .. مشتاقلج تدرين

نزلت راسي بخجل واهز برجلي بتوتر كال .. ليش متوتره واديج باااارده خليني ادفيهن

لزمت ايده صدك ايده حاره واديه مثل قالب الثلج ابتسمت كتله .. ما اعرف صدك اديه بارده

رفع راسي وباسني بشفتي حييل واني صرت ارعص وارجف صدك جني استكان الرمادي ما اكدر اثبت بس ارجف

همس باذاني وهو حاضني كال .. ابيع الدنيا واهلها واشتري حضنه منج

ابتسمت وكلبي يرجف الله يساعده دكاته صارت الف

باوعلي بغضب وعقد حواجبه كال ... ليش عود ما تردين عليه والله تعصبت بوقتها لو لازمج لا اخنكج

تنهدت وجاوبته ... مو كتلك هو صار ظرف بعدين افهمك هسه ما اريد ازعجك

رد عليه ... لا ازعجيني اني احب الازعاج

عضيت على شفايفي ومتوتره ما اعرف شلون احجيله وشلون اسولف اله واشكي من اهله واحنه بعدنا هسه انخطبنا وانقرت فاتحتنا

....................

سولين

جنت كاعده محتاره احس اكو شي بيه يمكن حامل بس كل مره استبعد الفكره صايره تلعب نفسي من اشياء بس شلون والله اني جنت بالمستشفى واخذت علاجات حتى لو حامل وكع ممعقوله يظل ممعقوله والله

اشتر جان مموجود ومحد بالبيت بعدها انفتح الباب دخل هو واخته زينب اجت خطيه فرحانه سلمت عليه وكعدت وهي تكول .. كلت لماما رايحة الصديقتي سولين كالت روحي لو تعرف بيج زوجت الاشتر الا تنجلط هههه

ضحكت على كلامها ... ههه ليش متقبل

ردت عليه وهي تباوع للاشتر وترفع بحواجبها .. لا متقبل عندها ثار ويه اخويه ههه

ابتسمت على كلامها والاشتر تنهد كلها .. هم يجيها يوم المدام

هي تنهدت ونزلت راسها كالت .. بس هي هم الها فضل علينه ربتنا اني ومصطفى وما قصرت

رد عليها .. ما الها اي فضل اصلا هي ساس البله اخذت مصطفى من حضن امي ويتمته منها

سكتت مجاوبت وحاولت تغير الموضوع كالت .. اي شنو شلونج البيبي شلووونه يعمري عليه

الاشتر فتح عيونه مصدوم من كلامها واني باوعتله مستغربه ومتسائلة كلها .. زينبب

ردت عليه بضحكة .. شنووو متدرين حاامل ؟ گلي صفاء

نهاية البارت ... يتبع

كونوا انتم كونوا بخير .. احبكم 💔

لا تنسوا التصويت والمشاركة بكم نكتمل ❤️😍

تابعوا هذا الحساب فضلا Ass55z