رواية #وكر الأشتر الفصل السابع وخمسون 57 - بقلم الكاتبه سمو العراق

البارت الرابع
رواية .. وكر الاشتر
بقلمي .. نور سمو العراق

💔💔💔💔💔💔💔💔💔💔

-
عندما تحبين.
أحبي رجلا ثقيلا، رجلا لا يأبه للنساء، و لا يقف ضعيفا أمام جمالهن، رجل له هدف و رسالة في هذه الحياة، رجل علاقته محدودة بجنس حواء، أحبيه قوي الشخصية رزينا، هذا النوع من الرجال لا يمكن أن يخونك لأنك ستصبحين إستثناء و ستبقين في عينيه إستثناء مدى الحياة
أحبيه ثقيلا لا يأبه للنساء.  . 🌱♡_

تنوية ... اعتذر منكم احبتي عن التاخير لكن حالتي الصحية حالت بيني وبينكم وصدقا لحد الان مريضه وحتى مدا اكدر اركز واشوف الكتابه بس محبيت اخليكم تنتظرون اكثر

واشكر صديقتي الكاتبه المبدعه نورا ناصر على مساندتها ومساعدتها اليه اليوم بالكتابه رغم هي عندها رواية وكذلك روايتها صعبه وظروفها اصعب 🥺
Nora-Naser
....................................

سولين

انصدمت من جية امين لبيتنا المهجور واصلا هو شلون اندل المكان ومنو جابه اصلا گلبي ظل يرجف بسرعه احس روحي حتطلع

وذميت اخواتي شلون فرطن بيه وما انتبهن اله وخلنه يطلع وتأخر الوقت وهو عندي شلووون هيج ما ينتبهن لغيابه معقوله ما مهتمات اله

لزمته بحنية وحضنته كتله ... امين حبيبي انت شلون اجيت منو جابك وليش اجيت

رد عليه والدمعه بعينه واحسه مثل المهموم وما كأنة طفل لا عبالك شايل اطنان من الهموم على عاتقه .. اني اريد احجي وياج بموضوع

نزل الاشتر لمستواه واحتضن اكتافه وحجه وياه بلطف وهدوء ... امووني منو جابك لهنا انت شلون اجيت هذا المكان خطر مو اي واحد يوصله واكثر ناسه هتليه وطالعين من الطريق

امين والدمعه بعينة والعبرة خانكتة كال ... اندل اني اجيت اكثر من مره هنا ويه اخواتي وحفظت الطريق اجيت واندليت لان اني اريدكم تساعدوني

حضنته وگلبي ملهوف وابجي على دمعته .. عمري انت احجي شنو الي بيك شنو الي مضوجك

باوع للاشتر واستحة يحجي الاشتر حس بيه ما يكدر يحجي وهو موجود وكف كال .. يله اخذو راحتكم ان شاء الله ماكو شي

اول ما طلع الاشتر وهو بجة بسرعه وحضنه عبالك شمر كل همومة بحضني

لزمته من وجهه وحجيت برعب .. احجي حبيبي امين احجي شبيك يا عمري كول شكو شبييك

رد عليه كال .. ابوي شغلني ويه ابو سعدون

جنت منتظرته يكمل رديت عليه .. اييي وشسوه

نزل راسه بخجل واسف كال ... يريد يسوي وياي شغلات سخيفه شغلات فساد يكلي انزع ملابسك

فتحت عيوني مصدومة مرعووووبه احس الدنيا اسودت بعيني احس دخلت بمتاهه ضعت اديه ترجف من دون سابق انذار

رجفت شفايفي واني اباوعله .. شلوون يعني فهمني اكثر احجي

جان يرجف ويبجي وحالته تصعب على الكافر كال .. يكلي انت الي انطيك فلوس بس تعال وياي نسوي شغلات حلوه وانزع

عطت بيه بغضب ... خليييته

رد بسرعه ورجفه ... لا لاااا لاا لا والله ما خليته ما قبلت ضربني راشدي وكال اخلي ابوك يكتلك اكله بگت من المحل فلوس واخلي يجويك بيدك اذا ما تطيعني

رجع باوعلي وعيونه تترجاني ... واني ما اريد اكرهه حرام هذا سخيف لازم يموووت

وكفت متعصبه شديت على شفايفي اتمنى لو الزم ابو سعدون الا ادوس بمصارينه اقتله بيدي وما يشفه غليلي حقير زمال هيج يسوي طفل لك طفل يا حيوان يا نعال يا ساقط يا حشره

فركت وجهي بتوتر ورجعت بست امين وما خوفته كتله .. خلي يولي حبيبي والله بعد مستحيل اخلي يتقرب منك انت لا تخاف ابد اليوم ما اخلي يصبح عليه الصبح صدكني وثق بيه

رد عليه برجاء والدمعه بعينه ... هو كال باجر لازم تجي ونسوي هاي الشغلات ويكلي اشوفك شغلات بالموبايل حتى تتعلم وتصير الي

هو يحجي هيج واني احس امعائي تتكطع روحي تتعذب انهاريت احس صار عندي انهيار عصبي من هالكلام

هزيت راسي برفض.. مستحيل اخلي ياذيك مستحيل لا تخاف صدكني اليوم اخلي يندم على هاي سالفته

حضني وهو يبجي  وتمسك بيه حييل عبالك اني حبل النجاة اله كال ..لا تعوفيني خليني يمج ما اريد ارجع هناك ما اريد اظل يم ابوي

بللت شفايفي بحيره ... لا متظل صدكني انت اليوم راح تروح ويايه وهسه اتصل بالبنات واحجي وياهن

فرح حييل وظل يكمز من الفرحة ... اييي اييي همزين بعد ما اروح راح اظل يمج ويم عمو الاشتر

ابتسمت رغم الحزن الي بداخلي بسته ولزمت ايده وطلعت لكيت الاشتر منتظرنه يم صورة سوادي صافن على سوادي وحاط ايده على خصره ويباوعله عبالك يحقق وياه

لزمت ايده باوعلي بسرعه كتله .. هاي شنو شو صافن على سوادي تذكرته من شرحته لو شنو

ضحك كال ... لا وين مشرحة صدك جذب امشي امشي حتى لو سوادي ناسي مشرحينه هم تذكري انتي

ابتسمت ركبنه بالسياره كال .. هسه وين نروح نوصل امين لبيت اهلج ؟

هزيت راسي برفض جاوبته .. اريده يروح وياي لبيتك تقبل ؟

رد عليه بسرعه ... اخلي بعيوني بس لازم نخابر اخواتج لا يظلن بقلق

جاوبته .. اي هسه ادز رساله لجيهان والفافي

صدك دزيت الهن رساله وظليت صافنه وافكر حتى من يحجي ويايه الاشتر احس روحي مو وياه حتى عاط بيه من كد ما عقلي مشتغل ويفكر بهاي السالفه الي ما اعرف شلون راح اخلص منها

من عاط عليه درت وجهي ... هاي شبيك ليش تصيح ؟

رد عليه .. احجي وياج وبالج مو يمي مدكليلي شبيج شكو صاير شي

هزيت راسي بنفي وسكتت محجيت

.....................

جيهان

جنت كاعده بالبيت اشتريت شغلات حلوه وملابس جنت ارتب بيهن بس بالي مشغول عند امين هو راح للمدرسه بس اشو تاخر

وكفت شمرت الملابس ورحت على افيان ركض كلتلها ... اكولج فافي اشو امين تأخر مو صدك هسه بيش الساعه

هي باوعت للساعه وهي تخبلت كالت ... عزززا صدك لج الساعه هسه بيش ولج وين راح هذا

راحت تركض لبست صايتها ونعالها وطارت للمدرسه تجيبه تأخرت وهي ماكو انوب شويه واجت تلطم كالت ... ماكوو مدري وين راح يمه والعباس اليوم العب لعب اليوم افلش المدرسه على راس ابوي

وكفت متخبله ضربت على صدري ... عزااا لج صدك تحجي شوفي خاف راح منا منا شوفي وين صار خرب لج شنووو وين صار

ردت عليه وهي متعصبه ... انهزم من وره ابوووج مشغله وكاسر ظهره ويه ابو سعدون السكط خليني اروح اهد على ابو سعدون اشك حلكة واجي

راحت تركض واني ركضت وراها لزمتها ... ولج شوفينه امين وين صار عوفيني من ابو سعدون انعل ابو لابو الخلفه

جاوبتني وهي تكول ... اروح اصيح بالجامع ماكو غير حل ولج ما خليت مكان ما رحت عليه وماكو الطفل فص ملح وذاب ما ادري وين راح

اجتها رساله على موبايلها وهي عاطت ... هذا مصطفى شايفه البطران هو هذا البطران يدز رسايل هو اني ويني وين الظيم

اخذت موبايلها وهي طلعت باوعت للرساله فتحتها شفتها من سولين فتحت الرساله شفتها كاتبه .. لا تخافن بنات امين عندي لا يظل بالكم باليل اجيبه ان شاء الله

فتحت عيوني مصدومة ومرعوبه ... ياااا عزا شنو شوداه الها ياربي

راسلتها اتصلت ماكو متجاوب ما اعرف شنو الي بيها 

اجت مره ثانيه فافي من الشارع وهي تلطم كالت ... ماكووو ماكووو الولد راااح يربي وين صار كلبي راح يوكف

لزمتها بهدوء ورديت عليها ... لا تخافين حبيبتي هو عند سولين

ردت وهي متعصبه ... انعل ابوج لابو سولين ولجن نشفتن ريگي صدك جذب احجن الولد وين من دهر صابجن

اخذت الموبايل مني وهي تكول ... خلي اخابرها العن والديها هاي بت النعال صدك تحجي مو حتى كلبي وكف من الخوووف

بهالاثناء دخل ابويه وهو متعصب كال ... وين امين شنو لهسه ابو سعدون يكول ما اجة شلون بيه هذا الاغم ليش ما يروح يشتغل هذا المخنث مرافك النسوان من امداك وامده اخواتك

ردت عليه افيان .. الولد هج ماكو انهزم اندور عليه من الضهر لهسه وماكو وين راح الله اعلم

باوعتلها كرصتها همست .. ولج مو كالت سولين موجود عندي

كرصتني .. اسكتي خلي اجلطه

هو ظل يلطم ولجن شلووووون وين راح الولد من غضب الله على راسجن وراس الخلفجن اني شوكت اخلص منكم ومن ضيمكم انت ناوين عليه ناووين تموتوني وهذا المطي وين راح عود ردت استفادلي منه كم فلس

خله وطلع يركض لزمتها كلتلها .. ولج افيان ليش ما حجيتي اله ليش ما كلتي عند سولين

ردت عليه بعدم اهتمام وهو تشغل اغنيتها المفضله مظلومة صحت بصوت كالت ... خلييي خليي يحس بالقهر جا مو صارلي ساعه الطم جني وحده ميت رجلها اسم الله على صافي لان هو زوجي مستقبلًا بأذن الله

جان ابوي يروح ويجي ويكول ... هااااا ما اجه ولجن برابيج موتني اذا اليوم ما اجه امين اشحتجن بالشارع

ردت عليه افيان ببرود .. ماكو ما اجه هذا البيت كدامك وشوفه

ابوي بقهر ... بالعباس اليوم اميين اذا الزمه الا اموووووته الا ادفنه بالبيت والعن الخلفه بسيطه بس خلي الگاه

طلع من البيت كرصتها حييل وصكيت على اسناني ... ولج كولي لابوج الرجال راح ينجلط مدكليلي شمنتظره

عاطت بيه .. خاب دخلي ينجلط بعد احسن

ظليت الوم عليها واحجي وهي خابرت نسيبها حجت وياه كالت .. هلا بالنسيب الكفو والله الما عنده نسيب يسيب

كملت كلامها وهي تكول ... فدوه اروحلك ابو ابراهيم العلم اريدك تتصل بابوي ودكوله انت اجيت للمدرسه واخذت امين وياك لان متحلف بيه عاد احنه ما عدنا سند غيرك بالهدنيا فخلي السالفه براسك وساعدنا

ضحكت وهي تكول ... اروحلك فدوه اني واخواتي الحيايه تسلم والله ما قصرت

قفلت الخط وراحت مدت راسها من الباب جانت هوسه بالباب وكلها تدور كالت ... هااا مالكيتوو وين راح يربي

دخلت وهي تضحك كالت ... يمه مااات مااات عامر راح ينجلط جلطة ثلاثية الأبعاد عساه يربي

استغفر الله ودخل ابويه وهو يتصل كال .. هاااا عندك زين شعنده هااا انت اخذته من المدرسه عازمه عندك جااا صدك جذب تعزم المزعطه واني ابو مرتك ما تعزمني

كمل كلامة وهو يكول .. اشكرك ما اكدر اتجاوز عليك وكلامك على راسي

عرفناها طبعا رزالة وابويه متقبلها برحابة صدر

........................

سولين

من بعد ما رجعنه للبيت نزلنه من السياره كدام قصر بيت جده جان قصر ابد ما اكول عنه بيت

لزم ايدي ودخلنه واني لازمة امين بيدي ورجلي موتتني من الوجع سانده بروحي باشتر واعرج بيها

اول ما دخلنه و وجيهه صارت بوجهنا هي ومرة ابنها ساهر جانت ذيج داكة التاتو اسوود وملامحها مال وحده منافقه وجذابه بس خلي تولي متهمني

كالت بعصبيه وجيهه ... هذا انوووب منو جايبنيه وياكم بيت هو لو بيت كح ...

رد عليها الاشتر بهدوء واستنكار ... لا لا لا احترمي نفسج سهمج وقسمج من البيت مال كح .. بس احنه مكانه نظيف وشريف وما نلفي بس الناس الطيبه خو ما مثلج ملثيه يأجوج وماجوج والمغضوب عليهم ولا الظالين

جاوبته بغضب عارم ... ومنووو هذا انوب شعدنه روضه لام علينه مزعطة العالم

مشه بعدم اهتمام وسحبنه وياه كلها ... وانتي شدخلج

دخلنه للبيتنا كتله بغضب .. هي هاي شبيها جنها بطريق بس تصيح ليش ما تحترم نفسها وتسكت اييع

امين كال بخوف .. هاي المره ما تقبل اكعد يمكم عادي اظل يم عمو عايد بذاك البيت هي طردتني

لزمه اشتر بحنية وهو يكول .. حبيبي البيت بيتك لا هاي ولا الاكبر منها تكدر تطردك مالك شغل بيها هي والنعال

اندك الباب بقوه الاشتر و وكف وطلع بسرعه فتحت الباب واني جنت وراه جان ساهر يدك بالباب قوي اشتر كال .. خير شكو محتاج شي

رد عليه ساهر بغضب .. منو هذا الطفل وانت شنو كل شويه وجايب الك واحد وجاي ليكون انت عبالك عايش لوحدك بهذا البيت ترا احنه هنا وياك فاحترم نفسك ولا تظل كل شويه وجايبلك واحد

جاوبه الاشتر ببرود ..كملت كلامك

ساهر صفن وما حجه شي

الاشتر بدون ما يرد عليه سد الباب بوجهه ورجع دخل جوه

وساهر تخبل ظل يزاكط وهو يكول.. ولك اني عمك تسد الباب بوجهي لك بسيطه يا اشتر اذا مارندمتك ما اطلع ابن امي وابوي

باوعلي الاشتر بانزعاج وكال .. هذا الجايف شلون واحد يسد حلكة

جاوبته .. اندري بس لازم واحد ما يسكت اله عباله من تسكت تخاف منه

رد عليه .. خلي يولي شنو اخاف منه اطيح حظه وحظ الخلفه زبالتيش

سكتت مجاوبته صدك اني انتبهت على نفسي احرض بيه وهو مشتغلهم على البارد طاح حظي شكد حييه عزا لا اسم الله ما اريدهم يتكاتلون اني لان بصراحة اخاف على زوجي

هو راح دخل سبح وبدل واحنه اصلا متغدين بس خطيه امين عندي اكل من البارحة حميته اله واكل شويه غسل وراح نام ودخل بنومة عميقه

بدلت اني و وكفت على البلكون جنت محتاره شنو اسوي شنو الي احجي امين شلون بيه شسوي محتاره الله يحيرني

حسيت بيه احتضن خصري وضمني الصدره وهو يكول .. شبيها حبيبتي شو احسها ضايجة اليوم

رديت عليه ببتسامة حزينة .. ما اعرف شنو اكولك بس موضوع امين ضوجني

دارني عليه وهو يكول .. احجيلي شنو شبيه منو مضوجة ؟

بللت شفايفي بحيره والدمعة بعيني .. ابو سعدون يتحرش بيه وهو مهزوم منه

باوعلي مصدوم ومتفاجئ كال بغضب .. لا يا عار يا زمال شلون اله نفس شلون يسوي هيج شي الادبسز العار والله الا اطيح حظه على سالفته هاي

لزمت ايده بتوسل واني ابجي ... فدوه اشتر اريدك تعاقبه اريدك تنتقم منه هذا العار حرك كلبي على اخويه ودمر نفسيتي يعني اكو هيج رجال جبير بكده هيج يسوي بطفل

جر نفس وزفره وهو يكول .. هذا عنده شذوذ جنسي يشبع رغباته بالاطفال
ويستعمل وياه القوه والسيطره

رديت عليه والدموع تنزل مثل المطر .. يريد يشوفه افلام اباحيه وشغلات مو زينه بالموبايل

جر نفس وزفره كال .. اي حركة او اي اثاره عن طريق الافلام الاباحيه او حتى الصور والقصص الاباحيه  وكذلك نزع ملابس الطفل هو تحرش جنسي للطفل ويتعاقب عليها بالقانون

لزمت ايده وارجف .. كلهن يريد يسويهن هذا القذر اني شسوووي شلون اخويه راح تتعب نفسيته راح يضيع

مسح دموعي وهو يكول .. لا يروحي لا تبجين والله اليوم ابو سعدون ما يصبح اخليه يتمنى الموت وما يلكاه بس هالعيون الحلوه لا تدمع

حضنته من دون سابق انذار شكر على عطفه ومساعدته اليه وهو بادلني الحضن

كال .. خلي امين عدنا هالفتره واليوم حقه ما انام عليه  لا تهتمين وخلي راسج بارد

جاوبته ببتسامة ... ونعم منك والله ادري بيك ما تقصر

كال بخبث .. عليج فاتورة ديون مموفيتها عود ليش ما تسددين ؟

عقدت حواجبي ... فاتورة شنوو ؟

تقرب مني اكثر وهو يكول ...فواتير البووس شكد مطلوبه وما موفيه

ضحكت ... هههههه تستاهل الف بوووسه

رفع اصبعه وهو يكول ... من الالف وحده

رفعت اصابع رجليه ونسيت كل شي بسته بشفايفه بوسه عذبه زاحت كل اوجاعي عني وغمرتني وياه بحالة حب ورمانسيه

سحب شفايفه من شفايفي وهو يكول ... شرط على هالبوسة ابو سعدون اليوم حتى مرته ما ينام وياها بعد اموت الاول والتالي ( غمزلي ) وهو يضحك

مفتهمت قصده بس جنت حيل متحمسه للراح يسوي بابو سعدون

بعدين هو اتصل بعياد وهو يكول ... عايد يابه اريدك اليوم تجيني باليل عندي موضوع وياك واريد كزاره وياك يعني ضروري كزاره يكون موجود

قفل الخط وهو يكول ... يله تعالي انام ونرتاح حتى باليل نشوف شراح نسوي يالملك انت

ابتسمت ورحت وياه نمت بصفه وهو جان يتلمس بملامحي ويكول ... اريد طفل حلو خشمة مثل خشمج تمام

ضحكت كتله .. ان شاء الله

كال ... اي شلونها الجامعه اليوم

جاوبته بحماس .. حلووه والدكاتره متعاونين كلهم يعرفونك وساعدوني هوايه وشرحولي المواد واخذ صوره هسه ارسلها الك على واتساب

رسلتله الصوره وهو اخذ موبايله وشافها جاوبني وهو يكول .. يا اعز چتال

باوعتله وضحكت حضنته وبداخلي دفا غامر

.....................

صفاء

رحت لمصطفى مليت تعبت من هدى بنت ساهر غير عود كعدت ويه اخوي الاشتر شو هاي كل شويه واجت وهجمت عليه .. مسويتلي كيكة مسويه دولمة وتجيب وتنكل عليه

كلت خلي اتلاحك روحي واطلع من البيت لا تهجم عليه انوب شيخلصني وانوب كل شويه وكالت ترا اني مطلكة ضاله بدون رجل كلتلها .. جا شسوي الج

شفت نيتها مو صافيه خليت وانهزمت بريشاتي انوب يرحون يلزكوها بيه الي خلك هديوه وابوها

رحت لكيت مصطفى كاعد بالباب خابرته واتفقنا نروح كوفي اخذته ورحنه كعدنه هناك جان يدخن اركيله ويسولف عليه كال .. اريد اجي واتصالح ويه الاشتر بس امي تعاركت وياي وكالت اذا رحت وحجيت وياه لا انت ابني ولا اعرفك

جاوبته ... وانت مهتم لامك

باوعلي بغموض كال .. ما ادري هسه المهم كلت اروح من وراها انت شنو رأيك

رديت عليه ... اي تعالي مالك شغل بيها رس بيها من وجيهه خبيثه وكلها حقد

جان يباوع بموبايله كال ... اشش اشش لا تحجي فافي خلطه اتصلت عليه مشتاقلها

غميته .. من طاح حظك هسه طلعت مواضيع فافي اهم مني يالتافهه

مجاوبني وهو يرد عليها بخدر ... هلا بالحووووووب هلا بالكل الدنيا وناسها شلونج

جان صوت الموبايل واضح جاوبته .. زينه زينه كل شي ما بيه اكل واشرب وانام عرج ما يطكني

باوعلي منقرف من اسلوبها بس شيسوي ما يكدر يحجي تاكله وتشربه

كملت كلامها وهي تكول.. ابشرك اليوم بعت هوايه خلطات واشتغلت والله وجهك خير عليه

عض شفته وهو يكول .. بالعافيه يعمري وجهي فعلا خير عليك

جاوبته بعدم رضا ... اي مو عساس خلطت خلطات مكاني وصبغت وهلست النسوان مكاني

رد عليها ببراءه واستنكار وهو يكول .. غيير انتي كلتي وجهك خير عليه

جاوبته .. اجاملك يعني شلون ما يصير نجامل

ضحك وهو يكول .. اي وين سيارتج

ردت عليه وهي تكول .. عطلت مدري منو حسدها

ضحك.. ههههه شقصدج ولج

جاوبته ومسويه روحها ما تدري ..  ما ادري عطلت فجأة عين وما صلت على النبي عين وصابتها

ضحك وهو يكول ... احبببج المخبله مالتي

ردت عليه .. واني هم شويه ظليت احبك حتى جيرانه ماتت ورحت الهم لطمت واجيت وجبت الك منهم هديه من الفاتحة

عقد حواجبه .. شنو الهديه من الفاتحة بس لا جبتيلي صحن تمن ومرك

ضحكت وهي تكول ... لا جبتلك جكاره من الفاتحة تدري يوزعون جكاير المرحومة تحب الجكاير تدخن من ضيم كلبها ما خذتلها واحد سكير ويحب النسوان وظلت تدخن

ضحك وهو يكول .. هو انتي هداياج لو استكان جاي لو جكاره ماكو شي راقي وبعدين ولج شقصدج بالسكير ويحب النسوان

جاوبته ... لا ما الي قصد وبعدين الهدايا مالتي منتج وطني واني احب المنتجات الوطنية انتيكة

ضحك كلها .. المخبله مالتي احبببج

ردت عليه كالت ... صدك مصطفى اني ليش من اسولف وياك انت بس تضحك شكووو؟

رد بحب ولهفه وهو يكول ... غير انتي ونستي والله احبببج باعي عفت الملاهي وكل شي الخاطرج وباجر رايح للزياره ادعيلج وادعيلي بعد شتردين

ضحكت وهي تكول .. بعد شريد دعاء يجيني جاهز شكرا عيوني صافي متقصر هوايه تدعيلي

مصطفى ... راح تدخلين الجنه على الجاهز

افيان ... شنوو راح تدعيلي استشهد حتى كبل ادخل الجنه

ضحك ... ههههههه اسم عليج يرويحتي

افيان .. اممم دام صاير حباب بعد ما اعزمك على جاي اعزمك على كهوه شوف اني شكد جلفه وجحفه وكرميده بس دا اقدم تنازلات الخاطرك

مصطفى.... ههههههههههههههههه فدوه للسانج الحلووو

جاوبته ... اهوووو باي ظل يتغزل مع السلامة

قفلت الخط بوجهه وهو يضحك كال بلهفه ... ههههه احبها مخبله راح اخطبها صفاء مظل شي واخطبها ادللها دلال والله احتار شسويلها اوووف

ابتسمت عليه جاوبته .. ان شاء الله يارب يكتب الكم السعاده بكل خطوه بحياتكم

ضحك كال .. يارب ان شاء الله يوم الالك ونذب لحم اني وافيان بعرسك

خابرني اشتر كال تعال اريدك ما اريد تسهر لنصاص اليالي لازم ترجع من وكت عندي شغلتين خلي ارجعك للبيت تظل يم سولين

رحت للشارع وصفت اله المكان واجه اخذني منه هو وياه عايد وكذلك صديقه كزاره استغربت من وجودهم وياه

مشينه بالسياره جنت احس اكو شخص بالسياره بالصندوك

الاشتر كلهم بامر .. شوووف اريدك تركزلي بين رجليه اريده يعطل كلش واريدك تخبزه خبز تزوعه العافيه شلونه مزاجك ؟

جاوبه كزاره وهو يكول ... والله مزاجي متعكر متعارك ويه المره وزعلانه عند اهلها واذا الزملي واحد الا ازوعه العافيه

اشتر بجمود .. تمام عندك ابو سعدون زوعه العافيه ولا تقصر

وكف وكلهم .. يله نزلوا عندي شغل

هم نزلوا من السياره وطاحوله دفرات وجلاليق ورفسات وهو يصرخ وهذا كزاره زنده شعرضه وايده جنها هاون الله يساعد ابو سعدون عليه راح صدك يزوعه العافيه

مشه بسرعه ونزلني يم بيت جدي كال .. انزل ظل يم سولينا ودير بالك عليها وشوفها خاف تريد شي ترا خطيه حامل حس بيه شتطلب كلها ادللي تمام

جاوبته باستنكار .. ادري شني محملني مسؤوليه رادت تاكل وكضيت حلكها عمي شتطلب سولين حاظرين هههه

ابتسم وهو يكول .. اي خطيه وهسه انت انزل عندي موعد ويه خالها بخصوص موضوع امها بس لا تحجي الها شي

نزل واكدت اله ان مراح احجي

.......................

بعد ما تطممت على امين هو ظل عند سولين بس اني ما عرفت ليش هو راح السولين رغم خابرتها وردت افتهم منها شي بس هي ما حجت اي شي

بعدها اتصل بيه كريم كال .. باجر موعد العقد مالتنا

اني ضجت وظليت احجي كتله .. غير تنطيني خبر من زمان هسه شلون احظر نفسي

رد عليه كال .. عادي يابه مو الا تحظرين انتي حلوه من دون كل شي خلينا نخلص من العقد حتى ما يصير شي خلينا نستعجل

سكتت محجيت شي بعد ما اكدر عليه احس كلمته ماشيه عليه مدري هو هيج شخصيته مدري اني فقيره ومنطيته مجال

وفعلا ثاني يوم رحنه اني وياه للمحكمة لبست ملابس حلوه لبست قاط ماروني وجواه قميص ابيض وشال بيج وكذلك حذاء بيج فافي اشترتهم الي جانوا كولش حلوات

وجان كولش معجب بيه ونظراته حلوه اليه كلها حب ودفا

طلعنا من المحكمة بعد ماخلصنا عقد  وهو لازم ايدي فرحان ويضحك

لابس نظرات سودة زايدته وسامة وستره سوده وجواهه قميص ابيض

اني ووياه و الدنيا ماتسعني من الفرحة عبالك شايلني ونحلق فوك الغيوم هيج اني من اصير بقربه.

صعدنا للسيارة نزع النظارات ،  لزم ايدي وباسهه
ويباوعلي فرحان
كال حبيبتي ان شاءالله الله يقدرني واسعدج وافرحج وان شاءالله الله يكتب النه احلئ ايام سوئ

ابتسمت واني اباوعله ان شاءالله يارب الله يحفظك الي

هز راسه وكال امين،  ترك ايدي ولزم الستيرن وظل يسوق شغل اغنية اليسا
الفرحة الي انا فيها دي كلها ترجع ليك
خلتني اطرب وياهه وفعلا كلماتها تنطبق علينا
اثنينا.

اخذني الواهس وصرت اردد وياها من صدك فرحانة اني وهو يباوعلي ومبتسم.

بعدها كتله حترجعني لبيتنا ?

جاوب لا حبي اليوم عازمج يمنه بالبيت.

هزيت راسي ودنكت اعصر باصابعي

هو خله ايده علئ جتفي حس ال بيه شنو

كال شبيج حبيبتي مترتاحين ابيتنا انت؟ 

جاوبت لا بس احس نفسي شويه ثكيلة

جاوب لا جيهان لتكولين هيج بيتج هذا وبعد جم يوم انت تصيرين الملكة بي لتهتمين اني مراح اخلي احد يكدر عليج ويضوجج.

خليت ايدي علئ ايده كتله متقصر حبيبي يكفيني انت عن الكون كله وان شاءالله اني عند حسن ظنك بيه.

اخذ كف ايدي ولزمهه وتشابكت اصابعنا سوئ وهو ديسوق ورجع شغل اغاني رومانسية تمنيت ماانزل من السيارة ونبقئ نفتر اني وياه بشوارع بغداد.

وصلنا لبيتهم ونزلت بس متثاقلة ماحب المح وجوهن وهن يكرهني من يوم الي خطبني وهنه كلما يشوفني احسهن مايطيقني.

دخلت وسلمت عالكل جدو كال لكريم
هاا خلصتوا عقد
جاوب بفرحة اي يابه وصارت مرتي شرعا وقانونا.

جدو كال الف الف مبروك
وصاح ام حسن حنان شنو وين الهلاهل وين الجكليت ليش ماكو فعاليات.

حنان ذلت تباوعلي وتخزر وكالت ماعرف اهلهل
وام حسن هلهلت بس مو بحماس وبسرعة كطعت الهلهولة حتئ ما وصلت للكراج.

انقهرت كلش ليش هيج هنه وياي اتذكر ايو شكد جانن يحبنهه لو يحبن الحيايه المسمومة دواهن.

هو اجه يمي واخذ كوب الكهوة مني وخلاهه عالطاولة ولزم ايدي وتوجه بيه للغرفة
قبل منصعد حنان كالت بطريقه متكدر تلزم نفسها بعد
ووين رايحين؟ 

التاف عليها نص التافته
كللها شنوو تودين ناخذ الاذن منج يله نروح

جاوبته بفشلة لا بس راح نخلي الغدا بعد شويه

كاللها وهو لازمني ويصعد بيه عود من تصبون صيحوا علينا
لو لتصيحون تزعجونا دزوا مسج عالوتساب.

باوعتله مستحية،  ابتسم وغمزلي
ماكدرت الا ابتسم

دخلني لغرفته جانت مليانه بعطره
كعدت علئ السرير

هو نزع سترته واجه يمي طوق اكتافي وضمني كلي اله
خليت راسي علئ صدره و غمرتني ريحته

غمضت عيوني ماريد اشبع من هاللحظة وهو حضني بعنف واصابعي علئ صدره اتلمس تقاطيعه.
حسيت بحرارة جسمه وحتئ نبضات قلبه

حسيت هنا فعلا هو الي ومايفرقنا شي  جنت ارتشف الحب منه ارتشاف وارتوي.

وخرت راسي من صدره وهمست كريم
باوع لحلگي وعبالك تأثر بهاي الهمسة.

خجلت حيل من شفت نظراته المثارة
دسيت وجهي بصدره

رفع وجهي من حنجي باوعلي ثواني بجراة
وتقرب وصارت انفاسنا وحدة وباسني علئ حلكي
بكل جرأة بحيث خجلت كلش وغمضت مو كادرة اخلي عيني بعينه.

واندكت الباب بقووة خرعتني ابتعدت عنه بسرعة

هو ظل يضحك عليه ورجعني يمه ولزمني من اكتافي
كال لو مو يندك الباب لو يتفلش متوخرين من يمي افتهمتي

كتله واني اشر عالباب موو عيب خاف يشوفونه واحنه هيج.

كال بصوت عالي خلي يشوفون اني اريدهم يشوفون.

وقرب وجهه من وجهي وباسني بنهم.

اني حسيت صخنت بلحظتها لان حركاته جريئة وخفت لا ميسيطر علئ نفسه.

بعدها سحبني ومددني وامتد ويايه وحظن حييل خفت حييل دفعته حييل وبقوه
خليته وطلعت وهو ورايه يضحك. ويكول اني اعلمج بسيطة.

عدلت ملابسي عالدرج وشالي ورحت للمطبخ  شفتهن مغيمات وخو حنان بيدهه سجينة خفت تكتلني بيها هلكد ماجانت نظراتها تخوف.

كتلهم بقلق وتوتر ساعدكم بشي؟

كوثر شمرت الماعون كدامي عالميز وكالت للسفرة
ودي
جانت تحجي بنبرة امر.

اخذته ورحت شفت كريم كاعد واني عيد وجابه العباس ركضت كعدت يمه وخليت الماعون بالسفرة
كعدت عاقلة عبالك طالبة خايفة من معلمتها.

همس يم اذني شبيج؟ 
باوعتله اضحك كتله ولا شي.

هو من شاف كوة لازمة نفسي عن الضحك اطمان عليه

هسه اني عبالك طالعة من معركة شبيه اضحك والله ماادري.

........................

سولين

جنت هسه كاعده من النوم وامين صار يومين عندي خطيه صفاء ممقصر ياخذه للمدرسة ويجيبه ابد ما يخلي الوحده والاشتر ابد ممقصر وياه

جنت اني بالي كله عند ابو سعدون وشصار وياه اشو الاشتر ماكو ما حجه شي عليه ولا فاتحني بالموضوع شسوي ياربي

شفته واكف ديبدل يروح ما اعرف وين كتله واني اعدل بقميصه .. شنو وين رايح

رد عليه ... عندي شغل مهم بالجنايات ان شاء الله بس اخلص ارجع من وكت او اذا تردين اخلي صفاء ياخذج لاهلج بكيفج

جاوبته .. لا لا اطل هنا شعندي اسد الباب واكعد وهماتين صفاء هنا

كملت كلامي واني متردده وفشلانة ... اشتر شصار على ابو سعدون

رد عليه بفخر .. ضربته بين رجليه خليته يفتخر برجولته هههههه

عقدت حواجبي .. شنو قصدك يعني كتلته

جاوبني وهو يبوس بخدي كال ... بعد حتى ما الا نيه يتحرش موتت كل شي بيه عطل ابو سعدون

ضحكت وكمزا بفرح ... ابو سعدون العطلان هههههه يعمررري انت احبببك والله هذا الشي فرحني فرحني حيييل

حضني وهو يكول ... عطلته الخاطر عيونج

ضحكت على كلامة وهو طلع كال بعد ما حط ايده على بطني .. ديري بالج على نفسج ينفسي وعلى وليدي

ضحكت ... تدلل انت و وليدك

رفع ايده وهو يكول ... يارب هرومانتج تظل دوم هيج سعيده ومن دون مشاكل

عضيت شفتي واني اخفي ابتسامتي كتله .. من نرجع نتعارك على كلمة مشاكل قصدك اني ام المشاكل

هز راسه باسى وطلع من البيت اني جنت وياه وصلته للباب الشارع

اول ما رجعت وصارت بوجهي مره ساهر وهي تكول ... انتي عود شنو ماخذه البيت حاصل فاصل

جاوبتها بعدم اهتمام .. والله بيت زوجي اسرح وامرح بيه والماعاجبه كدامة اربع حياطين يا حايط يعجبه يركع راسه بيه

تخصرت وهي تكول ... لاااا والله

جاوبتها ... اي والله

هجمت عليه وهي تصييح ... العرجة ام رجل المكسوره اليوم افهمج شلون اركع راسي بالحايط

نهاية البارت ... يتبع

كونوا انتم كونوا بخير... احبكم💔

لا تنسوا التصويت والمشاركة بكم نكتمل 🥺