#وكر الأشتر الفصل الثالث وثمانون 83 - بقلم سمو العراق

بارت ٢٣
رواية.. وكر الاشتر
بقلمي.. نور سمو العراق

💔💔💔💔💔💔💔💔💔💔💔

:رهينة بمعـركة واخر سهم ضال ?
وانــت أتخـيل شكد رگـزت بيك ..

أتدركين؟
معنى أنكِ تضحكين؟
أن تميل شفتيكِ نحو الشمال ،
فتبعثر بميلانها كل الاتجاهات .

.........................

سولين

جنت مصدومة من كلامه وبحالة ذهول ولحد الان من يحجي هو اني ارجف حسيته صار غريب عليه مو مثل قبل شلون جنت وياه شلون متقبلته شلون احجي من دون ما احس حساب للكلمه هسه لا صرت اخاف واتردد

حتى الخجل سيطر عليه من غير الرجفه والرهبه ومع كل هذا وكل مشاعري اني جنت مسويه روحي مسيطره و واكفه بثبات مثل جبل ما يهزه ريح واني عكس الشي

رد عليه وهو يكول .. شنو تستحرمين ترا السالفه طبيه ما بيها استحرام هو تحليل بسيط وبالمجهر شنو قابل طالب منج تنامين وياي وتحفزيني حتى حرام

عقد حواجبي بغضب .. شنو هالكلام هذا الكلام عيب اني ما اريد اتعصب واخسر زبائن كتلك اني استحرم اذا تريد اخلي دكتور علي هو يسويلك الحليل

رد عليه ... لا ماكو داعي بصراحة اني من اجيت المختبركم لان مدحولي بيه وكالو علي مسوي عندكم تحليل والنسبه صفر هو مو صفر تلاثه بس قريبه للصفر

رفعت حاجب مستغربه.. يا علي

رد عليه .. مو مهم هسه تسوولي تحليل لو لا ؟

هزيت راسي برفض .. لا اذا تريد الدكتور يشتغلك

حط ايده على المكتب وهو يحجي بغرور .. زين ماكو وحده تساعدني للاثاره

باوعتله بقرف ولعبان نفس جاوبته .. استاذ ممكن تحترم المكان شويه ترا انت هنا بمختبر محترم مو عبالك ملهى لو هيته لو بيت مال دعاره حتى تدور وحده تسويلك اثاره

كعد بكل غرور كال .. تمام

اجه دكتور علي وهو يكول .. شنو سولين وين صرتي

خفت من شفته اجه وكلبي ظل يدك سريع باوعتله ورجعت باوعت للاشتر

ابتسمت بتشتت كتله ... لا هو المريض هنا يريد تحليل واني ما اكدر اسوي

علي عقد حواجبه وهو يكول .. تحليل شنو ؟

سكتت مجاوبته

وهو رد عليه .. تحليل دي ثري بس دتكول ما اعرف اسووي تفاجئت بصراحة

فتحت عيوني بدهشه ... هااااا تحليل دي ثري لاااا

علي رد عليه باستفسار .. شنو لا

بللت شفايفي بحيره وباوعت للاشتر اتوعدله بحقد... لا مو هيج هو ما راد تحليل دي ثري راد تحليل ايدز

فتح عيونه مصدوم من كلامي ورسم على وجهه ابتسامة تحدي ضحك كال ... هههههه جنت اتشاقه وياج شدعوه عليج كل شي تاخذي على محمل الجد

جاوبته وضحكت مجامله وضحكة مقهوره .. ما اعرف والله انت جنت جدي بكلامك مجنت اعرف دتضحك عليه للاسف ههه

ضحك كال .. ههههه لا عادي حبيت اللاطفج

علي ضاج منه وهو اصلا ما يعرفه سحب السرنجة وكذلك التيوب وهو يكول .. تفضل يابه شنو التحليل الي حاب تسوي

رد عليه وهو يباوعلي .. اريد اشوف نسبة دمي شكد لان نشف من وره المصايب اعتقد صار سبعه وصارت عندي انيميا حاده

تقرب منه وهو رفع كم قميصه وربط ايده ودخل السرنجة وسحب دم خلاه بالتيوب هو جان بس يباوعلي واني كلبي صار نار وعيوني جانت تعاتبه

تركته ورحت دخلت جوه تنهد وسحبت نفس عميق ليش هيج ديسوي وليش اجه اصلا لهنا شكد حقير وخبيث اريد اعرف شلون اله گلب هيج يسوي بيه اعرفه اجه حتى يخرب عليه شغل

مطلعت ولا حاولت اطلع وعلي دخل وهو يكول .. سولين اعتذر منج عن تصرف هذا الشاب مع العلم يعني وجهه جدي مو وجهه واحد يتشاقه ويضحك تفاجئت بصراحة

وحتى من سالته يعرف هو بالتحليلات ويعرف حتى بالادلة الجنائية بس ما اعرف ليش هيج تصرف وياج

سكتت مكتله ولا حجيت ان هو اني اعرفه وهو زوجي بس جانت روحي عنده وتحوم عليه وتاركتني

دخل علي وهو يحلل الدم ويباوع بالمجهر واني طلعت شفت الاشتر كاعد وعلامات الغضب واضحة على وجهه

باوعلي اول ما اجيت تركته ومشيت وكفت على الشباك الطويل بالمختبر وخليته صار وراي

كال بهدوء .. ما شاء الله لايك عليج اللابكوت صايره دكتوره

باوعتله صفنت بوجهه ثواني اسرني كلبي طار عليه ابتسمت بهدوء .. شكرا

كمل كلامه وهو يكول ... لابسه احمر شنو عيد الحب لو تنافس مال ثيران

جاوبته بحده وسرعه ... لا تنافس مال ثيران لان اكو ثيران راح تموت من القهر

ظل يباوعلي وبعيونه عتب وياريت يحجيلي هذا العتب اتمنى يعاتبني يفتح ويايه موضوع نحجي بحياتنا واشياء تخصنه

بس هو ما حجه ولا نطق اي كلمة عتب ولا فتح وياي موضوع وجيته لهنا ما اعرف شنو غايته بيها

كتله .. انت شنوو شعجب اجيت هنا يعني قلة مختبرات

جاوبني ... عاجبني اجي هنا

ضحكت بسخريه .. شنو لهلدرجة مهمه عندك حتى اجيت لمكان شغلي

جاوب بعدم اهتمام ... عادي انتي هم اجيتي المكان شغلي يعني تصرفاتنا مو مال كرامة

بللت شفايفي كتله .. تمام

رد عليه .. مرتاحة هنا ؟ يعني محد ديزعجج ؟

جاوبته .. يهمك امري ؟

رد بغرور وهو يكول ...انتي ام ابراهيم مهما كان بينا تظلين ام ابراهيم اكيد يهمني لامر

رديت عليه بخفوت .. بس مو حلوه منك تجي لمكان عملي وتطلب هيج تحليل وبعدها يطلع تحليلك مغاير

ضحك وهو يكول .. عادي ما بيها شي وبعدين قابل شبيها النسبه ؟

صحكت بسخريه وهدوء .. هه والله ما اعرف بصراحة هو انت مكبسل من اول ليلة حبلت المدام مو انوب صاحي اخذها مني نسبة مبيها شي

جاوبني .. لا فول فول متاكد منها من دون تحليل

رديت عليه بقرف .. غير الموضوع شنو مناوي تتزوج حتى تعزمنا ملينه من الصاج والكباب نريد اكل عرس

جاوبني .. لا تبت من النسوان كيدهن عظيم

هزيت ايدي .. محد كيده عظيم غيركم وهاي السمعه محد طلعه علينه غيركم انتم ....وانتم جنس ادم كدتوا بيوسف وذبيتوا بالبير ولطشتول كيدهن عظيم وكيدهن عظيم

رد عليه وهو يكول .. وانتن شمرتن يوسف بالسجن شنو الفايده يعني هم كيدجن عظيم

جاوبته بتحدي .. من كد الحب وديناه بتهلكة مو مثلكم من الحقد والغل والخبث والغيره سويتوا مصايب الدنيا كلها بيه حرمتوا من ابو حرمتوا من اهله خليتوا يعيش بمكان مو مكانه

ضحك كال .. اييي دكتور علي شلونه وياج خوما يمتعبج ومستغلج

رفعت حاجب أتساءل عن سؤاله

كمل كلامة وهو يكول .. اقصد استغلال بالعمل

جاوبته بثقه وفخر ... لا بالعكس كولش حباب ولطيف ويايه هو وعائلته اصلا إني كولش فرحانه بالشغل وياهم ودا اتعلم منهم واستفاد وهم ممقصرين ابد

رد عليه وهو يكول .. اي ما شاء الله انتي ابد ما تنسين الفضل

رفعت حاجب واني متعصبه... انت شنو تبسمر بيه لو شنو

ديحجي وطلعت رانيا من شافته انصدمت كالت .. هلاو

جاوبها وهو يكول ...هلا بيج

سكتت وهي تباوعلي مستغربه نزلت عيني وجريت نفس وزفرته

طلع علي وهو لازم نتيجة التحليل كال .. نسبة دمك كلش زينه ما شاء الله عليك نسبة طبيعيه

اخذ التحليل وانطه فلوس وهو يسلم عليه كله .. مشكور دكتور علي تشرفت بمعرفتك

جاوبه .. اهلا وسهلا بيك الي الشرف

طلع من المحتبر واني افور هو شعنده اجه وليش هيج ديسوي والله براسه منوال براسه خطه اكيد يريد يضرني لان شاف اعتمدت على نفسي هو تخبل زلم يموتون اذا طورنه من نفسنه يردونه نظل تحت رحمتهم

اتصلت بيه فصل الخط ورجعت اتصل طلعلي مشغول انتظرت شويه ورجعت اتصلت طلع خارج نطاق الخدمة

حتى موبايله مو صاحي مثله خبال حتى خبال عود ردت اتعارك وياه

......................

صفاء

رحت لمصطفى المحظور من كل الاتجاهات حجيت وياه بخصوص خطوبته كال .. ان شاء الله الخميس الجاي

كتله... جاااا والحظر يعني تخطب وانت محظرر

جاوبني .. عادي واذا المهم اخطب وعود اجبرها تفتح الحظر وره الخطوبه هههههه

ضحكت .. هاي انت سالفتك مثل سالفة اخليها تكمل دراسه من نتزوج اخليها تبطل اجبرها هههههه

كال ... جااا شسويلها مسودنه ما تقبل اتصل عليها حتى من غير رقم ما تفتح خط

رديت عليه .. وانت ليش هيج تحبها انت خبل يعني هسه اريد شي بيها ينحب ماكووو مخلصتها وياك رزايل وحظر

جاوبني بحالمية .. هو غير رزايلها عسل مصفى

هزيت ايدي ... بالقران انت خبل

جاوبني بضحكة وهو يكول .. انت الخبل هو غير الحب يخبل ممجربه انت جرب وشوف حتى الرزايل عسل منها

شويه وما اشوف الا ام ماهر طلعت وهي تركض كالت .. عزااا صخام تعزينا وتصخمنه ربي دخيلك ربي دخيلك شلووون هيج ياربي شمسوين حتى هيج يصير بينه

ركض عليها مصطفى وهو يكول .. هااا ماما شكووو شصاير

عافته مجاوبته وركبت سيارتها وانطلقت

ضربته بغضب .. خاب انتي هيي شبيك شنو ماما انوب لا رحت وراها لا شفت شكووو ما تكلي ليش طلعت تركض وتصرخ

رجعت وهو يدخن باركيلته الإلكترونيه وهو يكول ...اندري بيها سألتها مجاوبت يعني شسوي اروح اركض وراها اتوسل بيها هي ما تريد تحجي

جاوبته باستغراب... انت ما تحبها

رد بعدم اهتمام .. لا احبها ولا اكرهها

صفاء .. زين ما عندك فضول تجاهها يعني ما تريد تعرف شبيها وشكو طلعت تصرخ

بعدم اهتمام جاوب ... هي اوفر شويه تسوي من الحبه كبه

سكتت مجاوبته شو هذا يكرهها وحاقد عليها ولا مبين هيج عبالي يحبها رجعت كتله .. العباس عليك انت ما تحبها

ضحك وهو يكول ... ههههععه شسالفه شبيك لا ما احبها والله ليش اجذب عليك

رديت عليه .. ليش

جر نفس وزفره كال ... ما ردتها اول ما اخذتني من حظن امي وحرمتني منها جنت ابجي على امي وهي تتخبل تضربني واستخدمت العنف ضدي حتى انسى امي وبعد ما اجيب طاريها يعني جانت كل ما اتذكر امي يجيني راشدي طياري يطير افكاري ينسيني حتى امي ههههههههههههاي خرب شلون ايام جانت خايسه

عقدت حواجبي .. يعني جانت تكرهك وتضربك ؟

ضحك وهو يكول ... هههههه ولك ايي اذا اذكر امي تبدي العقوبات سجن انفرادي راشدي جلاق لوي اذن وبعد شنو خلي اتذكر

بعدها اني اتعودت عليه وظليت اداري مصالحي كلتلها يمه واحبج بس كل من همه بداخله اني اجذب عليها وهي تجذب عليها ومشت الامور زي العسل كولة فافي

وبعدها تراهقنه ودحنه ورافكنه العفطيه والمغضوب عليه ولا الظالين انوب صارت سمعتنا زي الزفت كولة فافي والحمدلله بديت استدعيت سمعتي الزي الورد هههههههه

طلعت زينب للحديقه وهي تكول .. مصطفى مخابرت على ماما خابروها من بيت جدو وطلعت تصرخ

رد عليها بتفكير وهو يكول ... خاف وجيهه ماتت

ضحكت ... وشيموتها وجيهه لا لك ما اعرف دتصل بيها اني ما عندي رصيد

فتح موبايله وهو يتصل بيها فتح سماعه كال .. بله خلي نشوف شكووو

ما فتحت خط كال اخابر هديوه الاغتصبتها قبل ههههههه خرب عرضج هديوه انسجنت وسمعتي صارت بالطين وتالي طلعت مسويه عليه صادوه الجزء الثاني

هزيت ايدي هذا مصطفى لا احساس ولا مشاعر

اتثل وشويه واجاه صوت هدى وهي تكول ... هااا حبيبي مصطفى شلونك

جاوبها .. هسه احنه بيا زلك عوفي حبيبي كليلي شبيكم امي ليش طلعت تلطم وتصرخ

ردت عليه .. اندري شو هم ابوي واكي طلعوا يصرخون شسالفه ركبهم جني لو شني هههههه

غم الموبايل وهو يكول .. دروحي اسالي مرة ابوج شوفي شنو الوضع بدل هالتمضحك هذا

جاوبته .. اوك بيبي عنوني هسه اسالها

باوعلي بقرف وهمس .. عود تتدلع صارت عندي غثيان هسه ازوع عليك

ضربته بقرف من كلامه

راحت تسال مرة ابوها وهي تكول ... اكولج باجي مرة بابا لويش بابا وماما طلعوا يركضون شصاير هذا مصطفى الي اعتده عليه خابرني وديسال

جاوبتهد كالت بعدم اهتمام ... تحسين بسيارته صاعد وبيها بانزين مو يهرب بانزين وماخذت بيبتج وجيهه وياه وشارب جكاره بسياره وطكت عليه السياره احتركوا بيها وهسه هم بالمستشفى ربج هم بالمحطة مطفينهم بسرعه قبل لا يصيرون فحم

احنه افتهمنه الموضوع وهي اجت كالت .. هاا صوفي بيبي واخوها تحسين يمكن راح يموتون محتركين تكول باجيتي اوووي دا اتكطع من القهر عليهم

كلها مصطفى يله باااي

ومرت ابوها تصيح .. تمشين وياي للحفافه اميش واحف خاف يموتون حتى بالفاتحة اطلع حلوه

هديوه .. خوش اني هم اريد احف

كطع مصطفى الخط وهو يكول .. يردن يطلع حلوات المسعدات

اتصلت امه وهي تكول ... هااا صافي تعال بسرعة حبيبي احنه بالمستشفى امي حالتها خطره وخالك تحسين تشوهه وجهه وكل جسمه

جاوبها .. خوش خوش هسه اجي هاي شوفي مو كلنه مو حجينه يابه لا تهربون بانزين بسياراتكم لا تهربون قنادر بس منو يسمع النصيحة اذا اهلج يعبدون الفلوس

ردت عليه امه وهي تكول بغضب .. انت شبيك ما تكلي شبيك من كل عقلك الناس جاي تموت وانت مستلمنه رزايل ونصائح

مصطفى .. جااا شسويلهم شنو قابل اني حركتهم هم ما يكعدون على العموم الله يشافيهم ويخفف عنهم اوووف الحرك ما ينحمل كون يموتون احسن من هذا العذاب

سحبت التليفون منه وقفلت الخط ... لك كافي شبيك انت لا تعرف تواسي ولا تعرف تحجي ما تكلي شبيك شارب نفط

رد عليه وهو يكول .. يابه ما اعرف اتاثر هي كوه على العموم يله خلي نروح اني وياك للمستشفى نقوم بالواجب هذا خالي وجدتي ترا هه

هزيت ايدي واخذته ورحنه للمستشفى شفتهم هناك واشوفهم بحالة سيئة حالها تبجي الكافر الانسان شكد يطغى وشكد يتفرعن وتاليها الله ما ينسى شسوه هذا الانسان وشعمل وشظلم يمهل ولا يهمل حشاا لله

طلعت من المستشفى وباذاني صوت رحيق وهي تصرخ تصررح بصوت عالي وموجوع من حرق جسمها

ابتسمت بحزن شلون هيج الله بدل صريخها بصريخهم وبدل وجعها بوجعهم وبدل حزنها بحزنهم والله على كل شي قدير

كل شي عاشته هم عاشوا وتشوهه جلدهم و وجههم صاروا يخوفون الله ينتقم من كل ظالم وطاغي حسبي الله ونعم الوكيل

اجه اليوم الي بيه ينذل الطاغي وينهدم بنيانه وينذل ويعرف ان الله موجود والظلم ظلمات يوم القيامة هذا جزاءة بالدنيا وجزاء الاخره اعظم واهول

....................

سولين

رحت للجامعه اليوم موعد استلام النتائج وصلت لهناك ودخلت للقسم هو طبعا اني امتحنت دور ثاني وهذا الامتحان مصيري امتحنت اربع دروس دور ثاني

انطيتهم بطاقتي واسمي طلعت الاستاذة نتيجتي كالت .. للاسف طالعه بواحد

رمشت بعيوني ممستوعبه خايفه ومهبوطه بلعت ريكي كلتلها ... هاي شنوو ليش راسبه لا فدوه مو مال اعيد السنه اني مجاوبه اريد اعترض

جاوبتني بدون نفس وهي تكول . تعترضين على شنو هي درجتج هاي والاعتراض بعشرة إلف

جاوبتها .. عادي ادفع نمونه بس كوه انجح مو مال اعيد سنه واني اريد بس اتخرج

كالت .. ماما افضل حل تحملين هاي الماده للسنه التجي وترحين مرحله جديده بعدها تمتحنين بهاي الماده فقط الي حملتيها وهوايه هيج طلاب

تشكرت منها ورحت شمرتها بالزبل النتيجة كلت اكلهم ناجحه مو مال محمله خلصتها ذيج الفتره ادك والطم على اشتر وساحله روحي تالي انوب رسبت صدك لو كالت فافي مخلصتها اين انت يا يوسف يوزرسيف

بس والله حرامات قبل احس جنت نفسي بدوامة تخبلت عليه لا ليلي ليل ولا نهاري نهار صرت ما اعرف شلون اتصرف بس مراقبه حسابه وارسله والطم عليه انوب دمرت مستقبلي همزين صحيت على روحي

طلعت رحت للبيت كلتلهم ناجحه ظليت ويه ابراهيم ابوس بيه واحظنه العب وياه وبعدها رحت للمختبر دايخة ولعبانه نفسي وحال الظيم حالي لان اليوم مداومة شفتين

بس جنت طالعه حلوه دخلت للمختبر شفت علي ورانيا موجودين سلمت عليهم ودخلت لبست اللابكوت وبدين اشتغل

شفت علي متردد وبداخله كلام وكل شويه يجي يوكف يمي ويحجي ويايه يلاطفني ويرجع لمكانه

وحييت برانيا وهي بينهم لغز واحس بيها تشجع بيه حتى يجي يحجي ويايه

بعدها هو تشجع كال ..سولين ممكن احجي وياج شويه

بللت شفايفي بهدوء وقلق .. اي تفضل احجي

جر نفس وزفره كال .. لا على انفراد

بلعت ريكي بخوف وتوتر .. يعني شلون على انفراد وين ؟

كال .. يعني مثلا مطعم او بارك اي شي بكيفج

رديت بخجل .. اذا تريد تحجي احجي هنا اسمعك

جر نفس وزفره كال.. لا ما اكدر هنا شويه الموضوع خاص

توترت حيل جاوبته .. والله بصراحة ما اعرف شكولك بس اخاف تصير مشاكل اليه انت تعرف اني منفصله

رد عليه كال .. اي اعرف وكالت الي رانيا الشخص الي ذاك اليوم اجه هو زوجج وصار عندي فضول اعرف شنو شغله

جاوبته .. بالطب العدلي

رد.. اي شنو

رفعت اكتافي بعدم معرفه .. هو بالطب العدلي

سالني .. جنايات ؟

جاوبت ... ما اعرف

هو سكت راح يكمل شغله واني هماتين كملت شغلي بعدها كعدت يم رانيا سالتها .. رانيا فدوه اخوج شيريد مني بالضبط

كالت باستغراب.. شنو يريد ما اعرف بصراحة بس لا تخافين ترا اخويه امين يعني مواضيعه كلها حلوه

ضحكت .. يا حلوه غير انهبطت يكول تعالي اريد اكعد يمج شويه عندي موضوع ويريد كوفي او بارك واني تعرفين استحي هو بوجودج واستحي مو نكعد انوب سوه

ردت عليه بتفهم وهي تكول.. شكو بيها ترا احنه مو صغار واكيد المواضيع الخاصه تنجحي بمكان عام او خاص بعيدا عن كل الاطراف واخويه هيج هو انسان سراني وامين ومعروف بالصدق والطيبه

ابتسمت ... شنو دتكتبين انشاء هههههه

ضحكت ... هههههه لا والله بس هي هاي صفات اخويه بصراحة واني مو امدح بيه لان اخويه لا بالله بس هو فعلا هيج قمة بالأخلاق والادب

جاوبتها ... ترا والله اعرف وفعلا اني جربته باكثر من شغله هو امين وشخصيته قويه وكذلك مؤدب واخلاقه كولش راقيه

كالت بنص عين .. يعني اذا هيج ليش ما ترحين وياه بفد مكان خاص ؟

تنهدت .. ما اكدر اني اخاف اخاف اشتر يشوفني وتتأزم الامور اكثر ما هي متأزمة

رفعت حاجب وهي تكول .. من كل عقلج يعني انتي صدك تحجين ؟ انتي فعلا مو منطقيه يعني طلكج وذلج وخلاج تتوسلين بيه وتالي عافج وما سال عنج انوب هسه انتي خايفه يشوفج صدك تحجين

بلعت ريكي .. اييي صدك احجي لحد الان هو بداخلي لحد الان ما اكدر انسى ولا كلمة منه ولا اكدر اتخطاه ابد

تنهدت كالت .. ما اعرف شكلج بصراحة بس انتي هيج دتهينين نفسج وتذليها ترا محد يموت وره تحد حاولي تتخطي حاولي تنسي و فكري بحياتج خوما راح تظلين هيج ترا العمر يمشي وانتي لحد الان نتظري تالي يضربج بوري ويروح يتزوج غيرج

وهنا حتنصدمين صدمة حياتج تذوب روحج من الحزن مثل الشمعه مراح تنلمين بعد ولا تصيرين مثل قبل وراح تظلين طول عمرج تحسين نفسج ما عندج انوثه ولا عندج شخصيه لان تزوج قبلج قبل لا انتي تتزوجين يعني تخلى عنج قبل لا انتي تتخلين

تعرفين شنو لازم تتزوجين انتي تتغدين بيه قبل لا يتعشه بيج

جاوبتها .. ما اكدر ! تدرين ليش لان ما كاطعه الامل بيه ترا محد شاف اشتر بعيون سولين محد صح اكو هوايه شغلات سلبيه بس يظل احن عليه من ابويه وعوضني عن حنيته حماني واحترمني تحمل عصبيتي ومزاجيتي وهرموناتي وخبالاتي احنه واحد مكمل الثاني هو تحملني واني تحملته

بينه كيمياء ما صارت عند الكل حبنا نزرع بين اشواك وبين ابشع الظروف جنت ما احبه ما اطيقه اكره كل شي بيه وصرت اموت عليه احب حتى خطوبتنا الي تمت ب ١٢ باليل

ضحكت وهي تكول .. ادري شنو خطوبه امنيه ذكرتيني بهاي العالم الي من تدك ب ١٢ ويكولون اللهم تلك الأمنية

ابتسمت وكعدت بحماس اسولف الها عن خطوبتنا بحالميه ورومانسيه انوب سولفت الها شلون باسني اول مره وظليت ابجي وتعاركت وياه ومتندمة لان هيج تعاركت

حسيت بيها ضاجت وابتعدت عني وراحت تكمل شغلها استغربت منها ليش ما تسمع مني معقوله تغار مني لان علاقتي جانت حلوه باشتر

اهووو شسالفه ما احب هيج سوالف

جان علي يفتر عليه وكل شويه فات مني وهو بصراحة للامانه يجذب وانيق بس ما اكدر احبه اني مغشي على عيوني مغشي على عقلي اني مستحله ومستعمره صايره بلد محتل الغازيني هو اشتر سبب دمار وخراب وصرت دوله منكوبه

خلص دوامي وطلعت قبلهم صفطت عليه سياره ونزلوا منها اثنين واحد ضعيف كثير ناعم والثاني طويل اسمر راسه مصفح لازمين كتب واوراق وكفوني خفت منهم كال واحد منهم .. انتي ست سولين عامر ؟

صفنت ورجليه صارت خيوط جاوبته ... هااا ليش ؟

رد عليه وهو يكول بجمود .. احنه من المجلس البلدي وكذلك من الصحه كالو ان انتي تشتغلين بمختبر هنا وانتي مو خريجة بكالوريوس وما عندج اجازه

خفت خوووفه من كال هيج بلعت ريكي وظليت امتمت جاوبته ... هاااا لاااا مو هيج

قطع كلامي وهو يكول .. هسه عوفينا من هذا الكلام حاجيني ؟ انتي سولين عامر

جاوبته .. هاا اي اي هي اني سولين بس يعني اني ممشتغله مجرد اجي ويه صديقتي هو مختبر ابوها اطور مهاراتي

رد عليه .. تم هو اصلا الدوام مخلص ان شاء الله نجي ونشوف اذا اكو خرق قانوني او لا ونعتذر منج ست

جاوبته واني ابلع بريكي .. لا عادي بالعكس اهلا وسهلا بيكم

عفتهم ورحت بسرعه بسرعه بحيث ما اعرف شلون امشي ركبت فورتات حتى ما اعرف وين رايحة وبأي طريق جنت خايفه ارجف عزا لو ماخذيني جان هسه اني بالسجن هسه شلون يربي بس لا انسجن بعد ما اداوم ما بيه كوه جامعه السمعه

.....................،....،

افيان

جنت كاعده بأمان الله العب بوليد نسيبي احبه على حب نسيبي مو على حب اختي

شفت مقطع ثنين يتعاركون بنيه ورجلها وكاتبين اهم شي بالعلاقه الزوجيه التفاهم ضحكت ودزيته السولين كلتلها هاي انتي واشتر ههههه جان المقطع لهيا شعيبي وطارق العلي

جاوبتني بسرعه وهي تكول ..يعني كل ما احاول انساه تذكريني بيه انتي شنو هالخباثه

ضحكت .. ههههه والله مو بيدي بس بصراحة كلش يشبهونكم من جنتوا تتعاركون يهيونه

دزتلي سمايل طالع دخان من خشمه وراحت مجاوبتني

شويه واندك الباب طلعت واني شايله برهومة كلر متعيني عليه شفته اشتر ضحكت كتله .. هلااا ابراهيم هذا ابووك بوسه وسلم عليه احترام الوالدين واجب ابوي عامر جان بيه حيط وبكره وابره وجنت احترمة واموت عليه ومقدرته متعيني عليه

جاوب اشتر بملل وهو يكول .. بعدج لحد الان ما تكطعين من تحجين هههه شلونكمً

رديت عليه بضحكة .. والله يا عيني لازم اتعود على الحجي راح اتزوج اخوك يطلعلي گلب بصف گلبي

اخذ ابراهيم من ايدي وظل يبوس بيه ويشمه وبعدها دخل كعد يم امي ويسولف وياها عن استئناف الجلسه وكذلك حجه وياها عن اهل علاء لان هو وكريم دزوا اله لعشيرته گوامة وراح يجون يفصلون امي فصل تستفاد منه حتى تكدر تعالج نفسها وتعالج جيهان وتعالج تسواهن لان بيها حاله نفسيه مخبله موصاحيه

يعني بين قوسين الفصل راح للدكاتره كل شي ما حصله مثل هاي الا حظت برجيلها ولا اخذت سيد علي

وكلها ان شاء الله الحق العام ما يضيع صح هو ادعى الجنون بس محكمة الجنايات والادله الجنائية ثبتت ان هو ما يعاني من اي مرض نفسي وهذا الملف مزور وان شاء الله ينسجن وحقج يرجعلج

امي تشكرت منه واني جنت ادعي ياربي اختي الخيه تجي حتى بلكي يشوفها ويصيرون مثل الهنود تارتاا تا تيري ميري ريري بيري ويرجعون لبعض وين الله

بس هي الططوه ططوه وين تاخرت لزمها ازدحام اطول من حرب صفينالله ما يريد يجمعهم

هو اجاه اتصال وراح مخبوص بسرعه وهو يكول .. ماتت لو بعدها حالتها خطره زين شتريد مني يله تمام جاي اريد اشوف شتريد هاي المجرمة

طلع ظل تقريبا خمس دقايق واجت سولين متحمسه وهي تكول .. وينه وين راح

هزيت ايدي.. راح ومشه شكد ططوه الله ما يريدكم تنجمعون هي كوه بعد لازم واحد ينسى الثاني لو يريد يجمعكم جمعكم وانما يقول للشي كن فيكون وانتم كل شي ماكوو ارضي بالامر الواقع ما تنجمعون هسه لو تطلعلج كرون

عافتني وراحت غمتني شكد حقيره كلتلها .. اكلج مدري منو تريد تموت يمكن سالي ودزت عليه تريده يبريها الذمة ههههه عزا بس لا بينهم شي

سولين عقدت حواجبها وهي تكول .. شبيها سالي لا هاي صل ما تموت بله خلي اخابر صفاء وافهم منه

راحت دخلت جوه اخذت ابنها تبوس بيه جا شلون ما تبوس بيه ريحة يوسف زوليخة انهارت

...........،،،......

جيهان

وكفت گبال المراية باوعت لروحي واتلمس وجهي واماكن الي بيها آثار الحروق بجسمي واتذكر كل كلمة من كريم عبالك ترن باذني..

من كال ارجع فورتات حتى اجمعلج فلوس العمليه هالجملةة تدور براسي ولااكدر انساهه او اتجاوزها كل شويه تمر بذاكرتي وتعصر گلبي

حمدت الله امي موجودة بحياتي وحمدت الله ماسويت عملية بفلوسه من هسه يعيرني..

جنت فرحانة حييل أمي حتسويلي العملية وفرحانة أكثر امي عايشة وكل شوي ابوس بيها موقفها ويايه هذا رفع مكانتي وحسسني بقيمة نفسي اكثر وحسيت بوجود اعظم سند للانسان بعد الله وهي الأم...

سمعت صوت خالة تسواهن تصيح وصوتها كولش عالي لفيت روحي ولميت شعري وطلعت

توجهت الهه خيرج خالة ليش معصبة وعليمن يمعودة الدنيا ماتسوة لا انوب يطلعلج تجاعيد

باوعت امي عدهه صفطات فلوس وتكلب بيهن متعجبة

عاطت خالة تسواهن ولج ابوج الي جان يرفس مثل المطي وموتنه جوع نصبح ونمسي على هالكعكات اليابسة مثل خشمه

طلع عنده فلوس ومشغلهن عند جماعة وهسهة دكوا الباب وجابوهن دشوفيهن شون سفطات سفطات ابن المدهور

واحنه جانت الخبزة اليابسة حسرة علينا الله يبسله راسه إن شاءلله

انوب ماتسكت وانيى وماما وحدة تباوع للثانية وكاتمين الضحكة

كتلها خالة غير رزق واجانا مفروض تفرحين وكون مال حلال

امي هزت راسها وكالت اي مال حلال ماتشوفين رجع لاهله

كتلها صدك اي والله واحنه اهله

راحت خالة تسواهن وكعدت بصف الحايط ويم صينية بيها قوري الجاي واستكاين وورثت الهه جكارة وبعدهه تدردم على عامر كالت كو.. يبجي بباب العباس جنه عجوز عرب

اخر شي كالت هم زين عويمر بالسجن والفلوس اجن عبن مايستاهلهن اجن وهو مخيس بالسجن هسه ينجلط بالسجن ويموت راح شكه عمره

جاوبتها رزق وجاي الله يريد يرزقنا بعد شنريد

باوعتلي كالت تعاي ام الرزق خوش جاي تعاي شربي وصبيلي وصبي لامج ودعي على ابوج الفڪر

ضحكت وكابلتها وكعدت وبداخلي مصدومة بالفلوس اليى اجن اليوم وابتسم

صبيت جاي وشربنا واسمع تليفوني يرن

رحت امشي على كيف واحس اعرف منو جاي يتصل
واروح واطل بالشاشة واشوفه هو مثل توقعي

انتهت الرنة واني ملحكت افتح خط تركته عالميز ودرت اريد اروح واتصل مرة ثانية خليته يرن ثواني يله فتحت خط..

واجاني صوته بعد ما جر نفس وزفره
شلونج جيهان

جاوبته بثبات زينة

رد شنو مناويه تحنين شدعوة هلگد قاسية انت ِ

گتله الحياة وياڪ علمتني على القسوة

جاوبني لا اني اعرف يجي يوم وترجعين جيهان القديمة

كتله بتكبر قصدك المكفخة؟؟ لا انت تحلم ماكو هيج شي

جاوب بنبرة معترضة
مكفخة شنوو جيهان كولي يالله من شوكت انت مكفخة عندي

ضحكت باستهزاء لااا هههه لعد هاي اخر مرة شنوو تسميها

كال بجدية عكس كلامي الي مليان سخرية
لاتبالغين جيهان هو

مخليته يكمل كتله لا ماابالغ هو راشدي هنتني بي وطيرت نص وجهي شدعوة عليه قابل شنو اني ومنو اصلا

تنفس بقهر كال المهم اني حجزت الج حتى نراجع علمود العملية

كتله بسرعة لا ماكو هيج حجي انت سمعت كلام ماما لو لا؟

كال سمعت بس اني رجلج واني مسؤول عنج ويمي تسوين العملية

وغير كل هذا اني حبيبج صديقج اني كلشي الج

كتله باستفزاز شوف كلام ماما كله صح غير اني ارجعلك

كال انت على شنو ناويه جيهان

جاوبته بتلاعب ناويه انساك

رد بعصبية والله متكدرين

باصرار كتله جرب وشووف اذا ماناسيتك ياكريم اصلا انت صرت متهمني

كال بغضب شلون بالله تنسين

بسلاسة رديت اطبع گلبي عالنسيان وانساك بلا تعب

تنهد وكال جيهان انت منو يحرضج عليه مو يسمعج كلام منو يردلج

جيهان انت فرحتي وانت ضحكتي وياج انسى همومي وتعبي لا تحرميني منج جيهان اني منتظر ارجعج اليوم قبل باجر لا تتعبيني أكثر مما اني تعبان

جاوبته بنبرة مسيطرة انت ردتها هاي، كريم ماخليتلي اعتبار ابد واني تعبت من الزواج هذا وبعد ماتحمل مالي طاقة اتحملك واتحمل اهلك صراحةة يعني، بدون زعل

اني انسانة مرهقة تعبانة وعانيت هوايه بحياتي وو وياك انت بالذات عانيتةهوايه واشوف مالها داعي نستمر اذا استمرينا مراح نرتاح وتستمر المشاكل

لا انت مو طبيعية جيهان ابد مو طبيعية دتحجين وعبالك اني مااعنيلج شي بس وحق الي خلقج ما اتركج حتى لو ارجعج غصبا عليج لو ماادري، شسووي بس ارجعج ارجعج

وسد الخط بوجهي

........................

سولين

خابرت على صفاء دا افهم الموضوع وهو خطيه ما قصر طلعت مو سالي طلعت وجيهه محتركة وتريد تموت وتريد من اشتر يبريها الذمة هو وصفاء

الله يشافيها ما النه شغل بيها

رجعت للشغل بعد ما طمنتني رانيا كالت لا منكلهم تشتغل هنا نكلهم تدريب عندها واخويه علي هو يعرف شلون يحل الوضع الج

المهم داومت هماتين رتبت روحي وخليت مكياج خفيف ورحت

اول ما وصلت وعلي اجه وياي نزل من سيارته جان لابس قاط اسود وقميص ابيض ابتسم بوجهي وسلم عليه

كال .. سولين قبل لا ندخل لامختبر هذا الكافي بالطابق الارضي خلينه نكعد بيه واحجيلج عن الموضوع الي ردتج بيه

انحرجت منه كولش واني اصلا استحي منه رحت وياه بس جنت حيل متردده

كعدنه على الكراسي والطاوله مقابيلنه طلب كهوه مره وكيك ظل يسولف مواضيع عامه وتخص الامر الي اجه من المجلس البلدي وهو كال حليت الموضوع

بعدها كال وهو يحرك اصبعه بهدوء على طرف الفنجان وعيونه مركزه بالفنجان كال .. سولين

بلعت ريكي بحسره كتله .. هااا

جاوبني .. اريد احجي بموضوع يخصني ويخصج يعني هذا الموضوع ان شاء الله نتخطاه سوه اريدج تفهميني وافهمج تمام

هزيت راسي بقبول كال .. اني تعرفين منفصل بس بصراحة السبب مو من زوجتي اني السبب بعدم الانجاب لان عندي النسبه ضعيفه قريبه للصفر

فتحت عيوني مصدومة بعدها حطيت ايدي على عيوني بفشله شبيهم هاي الايتم ويه النسبه

كمل كلامه وهو يكول .. بس بصراحة مستحي من الموضوع زوجتي جانت قابله بس اني مموافق مو من طبعي احرمها من امومتها وهي من حقها تكون ام

هديت راسي بقبول وهدوء كال .. بصراحة اني طالبج للزواج لان انتي ام وعندج طفل وممحرومة من الامومه وصدكيني راح اكون اله اب واخ وصديق صدكيني راح تعيشون احلى عيشه ومراح اقصر

احس انضربت بوكس بنص بطني وكوه ابلع بريكي رفعت عيوتي وشفته من بعيد واكف بطولة الفارع وقابض على ايده بغضب وشاد على شفايفه همست بصعوبه وبصوت اقرب للخفوت ... اشتررررر

نهاية البارت ... يتبع

كونوا انتم كونوا بخير ... احبكم 💔

لا تنسوا التصويت والمشاركة بكم نكتمل

نور سمو العراق ك