الفصل التاسع

رواية ورطه عن طريق الخطأ الجزء التاسع 9 بقلم هاجر خالد ورطه عن طريق الخطأرواية ورطه عن طريق الخطأ الحلقة التاسعة —الحق يازعيم بسرعه بقا . —إيه في إيه كل الخبط دا . —انت لسه هتسأل ، تعالى بسرعه اسمع الأخبار»قالت جملتها وهي تركض إلى الأسفل ، جلست أمام التلفاز وقامت برفع الصوت حيث كانت تقول اخبار اليوم……..

—Der Geschäftsmann Kevin Ramzi wurde wegen Betrugs und Täuschung verhaftet. Außerdem stellte die Polizei fest, dass er für alle Betrugsfälle der vergangenen drei Jahre verantwortlich war. ( تم القبض على رجل الأعمال كيفين رمزي بتهمة النصب والأحتيال ، كما أن اتتضح لرجال الشرطه أنه المتسبب في كل عمليات النصب على مدار الثلات سنوات الماضيه………) —انت إللي عملت كدا يازعيم.

—مكنتش ناوي اعمل والله بس بعد الحركه اللي عملها معايا دي قولت اطربقها على دماغه بقا . —كان الزعيم يشعر بالراحه والانتصار بعد أن تمت مهمة في الانتقام وكان يفكر في شيء ما و…..: إيه سرحان في إيه ؟ —كان ذلك سؤال هاجر الذي قطع شردوه ، فقال : لأ ولا حاجه . اه انا حجزتلك الطياره خلاص هتمشي بكره. —طيب انا هقول ايه لخالتو ويونس لما ارجع ؟

—عادي قوليلهم إنك حصل ظروف والفتره اللي مروحتيش فيها الشركه جابوا حد مكانك وقررتي تنزلي احسن . —تفتكر هيصدقوا؟ —اممم مش عارف انتِ أدرى. —طيب انا هطلع احضر حاجتي بقا….. —تمام . ” بعد مرور ثلاث ساعات ” —بقولك يازعيم ينفع ادي الورقه دي لإدوارد يجيبلي الحاجات اللي فيها ، عشان لو رجعت من غيرهم خالتو هتموتني. —ينفع طبعا…..استنى. —نادى الزعيم على إدوارد وأخبرته هاجر بما تريد فقال إدوارد بطريقه عربيه مضحكه: اشطا يا هاجر .

—رحل إدوارد فقال الزعيم بإستغراب : اشطا يا هاجر!!!! عرفها منين دي يخربيتك . —قالت بفخر : انا اللي عملتهاله. —لأ ونعم التعليم بصراحه . —شكرا يا زعيم. ثم قالت بتساؤل: و انت كدا هتعمل ايه…..يعني خلاص اظن إنك خلصت كل اللي كنت قاعد عشانه هنا. —ايوا خلاص ، بس في حاجات تانيه هخلصها عشان ابقا في السليم. —حاجات إيه دي؟؟ —لا متشغليش بالك انتِ ، المهم بس عاوزك لما ترجعي تاخدي خطوه علاطول في موضوع العمليه .

—إن شاء الله لما انزل هقول لخالتو ويونس وبعدها اشوف . —تمام. المفروض حضرتك تدخلي تنامي لأن طيارتك هتبقا الفجر . —والله يازعيم المكان هيوحشني ، مع إنها كانت ايام ما يعلم بيها الا ربنا . —لا والله!!! —لا لا بهزر…….يلا بقا تصبح على خير يازعيم . —وانتِ من أهل الخير. …………………………..………….………..…………………..…………….. ” الساعه 5 أمام المطار ” —كان يقف الزعيم ومعه إدوارد وچاك ، ودع كلا من إدوارد وچاك هاجر والزعيم أيضا ،

فقالت : خلاص بقا ياجماعه مش بحب الوداع . —ابتسم الزعيم ثم قال بخبث متسائلًا : ألمانيا هتوحشك يا هاجر . —قالت هاجر وهي تنظر حولها لمدة ثواني: ايوا مع إني ملحقتش اشوفها . —وانتِ كمان هتوحشيها اوي . —كان ذلك رد الزعيم فقالت له هاجر بخبث أيضًا : اههه ألمانيا…..ماشي ، سلام بقا يا ألمانيا عشان الطياره هتطلع خلاص. —خلي بالك من نفسك واول ماتنزلي مصر ت……. —قاطعته هاجر قائله : هشوف موضوع العمليه حاضر متزهقناش بقا .

—دفعها الزعيم إلى داخل المطار قائلًا : تصدقي إنك رخمه…..يلا امشي بقا يارب الطياره تفوتك. —ضحت هاجر و تحركت نحو الداخل تلوح بيدها لتودع الزعيم قائله : مع السلامه يا زعيم. —كان الزعيم ينظر لها متأثرًا ، فهو لا يريدها أن تذهب ، يريد أن تبقى معه ، فقد غيرت فيه هذه الفتاه اشياء كثيره في هذه الفتره القصيره ، كان يدور في عقله الكثير من الأفكار ، كان مشوش كثيرا لكنه لوح بيده لها قائلًا : مع السلامه يا هاجر.

( تحركت هاجر إلي الداخل ولكن ظل الزعيم يراقبها بنظره حتى اختفت من أمامه ، ركب سيارته وتحرك بها ، وهاجر أيضًا صعدت إلى الطائره وجلست في مقعدها بجانب النافذه التي كانت تنظر منها وتفكر في اشياء كثيره منها عملية القلب التي تقلقها كثيرًا و……..والزعيم أيضًا ، لا تعرف لماذا تفكر به ولكن كانت تشعر أنها لا تريد أن تتركه وتذهب ، رغم شخصيته الغريبه وغموضه كانت ترى فيه شيء جميل……ظلت تفكر وتفكر حتى غفت جفونها و…….. ) —هاجر!!!!

—وحشتيني ياخالتو. —انتِ جيتي ازاي ، وكلمتنيش ليه كنت بعتلك يونس يجيبك من المطار و……. —هقولك كل حاجه بس دخليني بقا يا دودو دا انا جايه من سفر . —حبيبتي تعالي ادخلي….. —دخلت هاجر و داليا ( خالة هاجر ) جلسوا على الأريكة فقالت هاجر : هو يونس مش هنا ولا إيه. —لا نزل مع ندى عشان بيشتروا حاجات للشقه . —وحشوني اوي العيال دي .

—متوهيش في الكلام وقوليلي ، ايه اللي جابك وليه مقولتليش إنك جايه دلوقتي ، في حاجه حصلت معاكي هناك ، حد ضايقك طيب حد…… —قاطعتها هاجر قائله : محدش عملي حاجه يا دودو والله متقلقيش ، انا بس مرتحتش هناك والفتره اللي كنت تعبانه فيها هما شافو حد غيري في الشركه وكمان مقدرتش اقعد من غيركم بصراحه. —نظرت لها داليا بشك ثم قالت : مش صدقاكي يا هاجر بس هسيبك دلوقتي عشان انتِ شكلك تعبان بس . —حبيبتي يا دودو ، ها هتغديني ايه بقا .

—حظك النهارده انا عامله ورق عنب و….. —هاجر!!!!!!! —كان ذلك صوت يونس المتعجب عندما دخل إلى الشقه ووجد هاجر ، فقالت هاجر بهزار: هو في ايه ياجماعه مستغربين ليه كدا ، شكلكم مكنتوش عاوزيني اجي انا عارفه . —بس يا بت انتِ ،انا جيتي ازاي اصلا ومكلمتنيش ليه ، هو في حاجه حصلت . —لأ بقا انا مش هحكي تاني ، احكيله انتي ياخالتو. —اخبرت داليا يونس بما قالته هاجر ، فقال يونس بطريقه

جعلت هاجر تشك في أمره : مش مشكله الشغل المهم انك رجعتي ، من ساعة مامشيتي مش لاقي حد يصالحني على ندى . —كان يبدو على ملامحه عدم الشك في كلامها ، ظنت هاجر أنه يعرف شيء لكنها خيبت نظنها تماما ، ثم ردت عليه قائله : لا انا زهقت منكم اعتبروني مرجعتش احسن . —لا انسي دا انا هستلمك لغاية ما نخلص كل تجهيزات الفرح والشقه. —انا بقول نقوم ناكل احسن بعد كدا نشوف الحوار . ثم نظرت الى داليا قائله : ولا إيه ياخالتو .

—صح ياحبيبتي ، قومي غيري هدومك عقبال ما احضر الاكل ، وانت كمان يايونس يلا . —ذهبت هاجر إلى الغرفه وابدلت ملابسها ، وكذلك يونس ، ثم اتجهوا إلى تناول الغداء مع داليا ، بعد الانتهاء جلس الثلاثه أمام التلفاز ، فقالت هاجر بتردد : انا عاوزه اتكلم معاكوا في موضوع . —داليا بقلق : قولي يا حبيبتي موضوع ايه . —يونس بهزار : إيه وافقتي على شادي ولا إيه. —بس رخامه يايونس ، طب والله اخلي ندى تكند عليك .

—لا خلاص ياستي انا اسف ، اتفضلي قولي . —بدأت هاجر في 1 2الصفحة التالية مدونة كامومنذ 4 أيام 0 8 دقائق