_وشاء الحب_
( بقلم بسمة البياتي)
_البارت الحادي عشر _
العصر تمشينا البيت جدة حسنة
الحلو حتى هين گرابتنا كلهم ملمومين بمنطقة. وحدة وناس قريبة من ناس
من شفت جديتي بالفرأش تريد تكوم رجلها ماتعينها طلعت الدنيا من عيني ركضت حضنتها ودموعي ودموعها تجري
حسنة... يبعد حيلي اووف هساع ردتلي روحي ياريحة الغالية
... بوستها من ايدها وراسها
بعد روحي جدة لو تدرين شكثر مشتاگتلج
صفية... يولي مو بس انتي مشتاگتلها احنا هم مشتاگيلها خلي نسلم عليها
... بعدت من حضنها سلموا علية بقيت گاعدة بسدها
حسنة.... هالمرة طولتوا علية واني هالتشوفوني ما اكدر أجي السامرى
اصيل...حگج علينا والله ماندري بوضعج ودوم من نخابرج ماتكوليلنة
وتدرين البنوات مدارس وانوب التهينا بالبناء.وبخطوبة شاهر
.... معذورين بنيتي عجل شاهر وينوا عليش ما جة وياكم تا باركلوا
نعيمة.... ماكدر يجي جاعد. يشرف على العمال ومنا شغل المحلات هو ونافع والولد مخبوصين خبيصة
ابتسام... عليش گاعدة وحدج بالغرفة عجل حرمة هادي وينها
.... يمة كلمن لاهي بحالوا من يجي العصر تخلي عبايتها براسها وتاخذ بنواتها وتسير على اهلها وخواتها
اصيل.. وتعوفج وحدج هين بلجي احتاجيتي شي
... الله مايگطع بنيتي جارتنا هي وبنواتها ماممقصرات من تطلع هدى يجن يمي يدارني الدنيا بعدها بخير وبنات الحلال جثير
نعيمة... يعني الغربة احن عليح من بزرج بنواتج وين ولدج الي واحدهم يأكل بي السبع شهر ومايخلص وينهم ميحاسبون نسوانهم ويدزون بنواتهم يمج
... خيتي عظم بني ادم ثجيل كلمن يگول ياروحي
والشهادة لله ايهاب وحرمتوا من هما هين شايليني بعيونهم ومداريني الله يرضى عليهم ويملي حضنهم جهال
وبنواتي يجن بين نوبة ونوبة ومايقصرن
العزيزة لو بعدها موجودة ماجان صار هذا حالي
فيروز...الكل عيونهم مدمعة على حال جدة خشيت بحضنها
وبجيت اني بدال العزيزة جدة روحي ترخصلج
.... عساج سالمة يبعد جدتج نفس الحنية من اشوفج اشوف لمياء جدامي
امنة... اليوم ماكو عذر تجين ويانة البيتي تبقين الحد مايرجعون اهلي واذا گولتي لا من صدك ازعل وبعد ما افوت هالبيت
... يولي شيجيبني دحجي حالي بالشافعات اكوم واگعد
... احنا نساعدج اطلعي غيري جو لاتظلين حابسة روحج بالغرفة شنو ماضجتي من هالحياطين
فيروز.... اخذنا جدة حسنة ورجعنا البيت خالة امنة
ورة العشا الگربة جو يتعللون ويعزمونة نروحلهم
باليل جدة حسنة اخذت العلاج ونامت
اصيل... يمة شبيج اليشوف صفنت يكول هموم الدنيا على گلبج
... عجل الجاعد يصير بحسنة مو هم
خايفة يجي يوم وحالي يغدى مثل حالها
أبتسام... خلف الله عليج يعني احنا مثلهم
احنا وبنواتنا خدامات التراب رجليج
اصيل... دام عايشة واشم النفس اداريج بعيوني
.... جاعد اخجل من الله لان فضلت خلفة الولد
والله بكرموا رزقني بنوات ماكو بحنانهن
اصيل...امي ظلت تجي جينا يمها نحب ايدها وراسها لمتنا الحضنها وتحب بينا
فيروز... اختنكت طلعت گعدت بالحديقة جت نجوى يمي
... عليش گاعدة وحدج لساعج تفكرين بابا
... لا ولا ابالي مقهورة على جدة اريد اظل هين اداريها
.. ششنو شگاعد تگولين وين تظلين وتتركيني ديربالج تعيدين هالكلمة
... يولي نصي حسج شبيج نرعصتي
ليش ما گاعد تفهميني جدة بحاجتي اريد ادريها
وبنفس الوگت متاكدة اذا رجعت وياكم تنعاد نفس المآساة ويا شاهر
... لا ما اتحمل افارگج وبابا نافع وماما ما اتصور يريضون
... ساعديني اقنع ماما
نجوى الله عليج اكفي وياي بقيتي هين احسن حل الي والجدة والشاهر
. يولي يعز علي فراكج بس ميخالف اساعدج لاتبجين
..... حضنتها يبعد عمري
انتي هم لاتبجين اني خما راح ابقى هين العمر كولو من يرجع خالي ايهاب وحرمتوا ارجعلكم
.... ان شاء الله عمري
... طبينا جوة وهالآيام كضينها من بيت البيت معزومين
ماظل الرجعتنا غير يومين ماما وخالاتي يطلعن صبح وعصر للسوك يجيب صوغة الگرابتنا بسامراء
باليل كعدنا اني ونجوى جدام ماما
اصيل... خير ياطير گلبي يلجمني من تگعدن جدامي هالگعدة ادري وراها سالفة
فيروز... دخيلج لا من هسة تصعبين الكلام علية
... والله عرفت سالفتجن مابيها حظ
اي احجي اطربيني
... بدون مقدمات اريد اظل هين
.. وين هين؟!
... بالرمادي اداري جديتي بين مايرجع خالي
.... لا اكيد انصابيتي براسج فوتي نامي ولاتحجين وياي بهالسيرة
.. ماما ابوس ايدج سمعيني بعدني شحجيت وتعصبتي
... فيروززززز وتالي
... يعني عاجبج حال جدة متبهذلة ومن ايد الايد
... واليسمعج يگول نادر وتشوي البيضة جوة ابطها يولي لاتحجيني بيضة ماتعرفين اطگينها بالدهن
نجوى. هي صح ماتعرف تطبخ بس تعرف تلملم وتنظف لاتظلمينها
... هو منو يشهد للعروسة
... يكولون امها تشهد بس هساع امها گاعد تكسر بيها واطلع خياساتها ولازم وحدة منا تكف وياها ودافعلها
... فان حظج كومي من جدامي وانتي مصگوعة انسي السالفة
.. بجيت بقهر عليش مگاعد تفهميني بروح الغالية لاترديني سمعتي جديتي شگالت لو هي هين ماجان صار هذا حالها احلفج بصداقتكم وبترابها عوفيني يمها
.... عليششش تحلفيني شلون ورطة هاي
فهمي بنتي خالج مايجي منا البين ما تولد مرتوا وانتي عندج مدرسة وبعدين شلون يجي من گلبج تفارجينا
....على عمى عيني فراكم بس للضرورة احكام
خليني هين والمدرسة اترك السنة وسنة الاخرى اني ونجوى نصير بنفس الصف ويومية نحج بالتلفون وتطمنون علية
امنة... صح ضد تتركين السنة بس كلامها عين العقل خالتي تستاهل اليدريها ويحن عليها
... حتى لو اقبل نافع مايقبل خوالها عدهم شباب وفيروز ما عادت زغيرة
... سدج امين هو منو اليجيها وهادي ماعندوا ولد كبار واني اظل عيني عليها وادز بنواتي يمها من تضوج وهي هم تجيني
... احجي ويا نافع والله كريم بلجي يوافق
... كمزت على ماما بوستها
... هاا يولي فرحتي مكيفة على فراگنة
...لاتحجين هيج ماكو بنية تكيف تفارگ امها
وكلها مدة وارجع الحضنج
... اوووف من هساع گلبي عطب
ديلا خلي اخابر نافع گبل لاينام
... شبلاج يولي عليش تبجين
نجوى.. اشو السالفة من صارت صدوك الغصة وكفت بلاعيمي
..... لاتعلون گلبي انتي بجهة وماما بجهة
والله بالگوة حابسة دموعي ولو بجيت اغرگ الغرفة
.... حضنتها اذا بقيتي لاتكطعين بية ويومية تخابريني
... ان شاء الله بعد عمري
اصيل.. من فتحت السالفة ويا نافع تعصب ورفض بدون مايناقش
حجيتلوا على حال خالة حسنة والوضع الهي بي
نافع... ما اكدر اقتنع شلون أأمن اعوفها بغير محافظة وهي بهذا العمر
. لاتخاف عليها فيروز سبعة وخالة حسنة وامنة يمها يديرون بالهم عليها
ادري بيك تحب خالة حسنة الخاطرها والخاطر المرحومة وافق
.... الله يرحمها برحمته الواسعه
ماشي عمري خلي تبقى ووصيها اديربالها على روحها ودوم تبقى يم بيبيتها طلعة لبيوت خوالها وخالاتها ممنوع حدها بس البيت امنة
... ماشي حبيبي لاتوصي حريص راح احجي وياها وافهمها
جيت الفيروز وبلغتها موافقتوا وصيتها جثير وبداخلي غادية نار
نجوى... رجعنا السامراء الحزن مبين علية وعلى ماما مو مثل اول مارحنا فراحنين
اول مرة افارگ فيروز گضيت الطريق كولو ابجي
وصلنا للبيت محد هين رغم التعب تشكلنا نظفنا
وخطية عمة احلام جابتلنة الغدة
جة بابا نافع سلمنا علية
سالنة على فيروز ومبين من وجهوا ضايج عليها
تغدينا وكملنا وبابا لساعوا ما جاي ومايدري فيروز بقت اهناك
ورة الظهر سمعت حسو كمت من الفراش طلعت من الغرفة ماما وجدة گاعدات ويا فتحلي ايدوا وهو يضحك
... هلا بالعمر شلونج يبعد ابوج
.... اشتاگيتلك جثير
... مو بكثري
اصيل... احميلك الغدة
... لا متغدي روحي ارتاحي من شكلج تعبانة
شوفي امي غفت هين هههه
نجوى... طلب استكان جاي رحت اصبيتلوا الغريب لساعوا ما سأل على فيروزة
شرب الجاي ونجضع تاينام غرفتنا مقابيل الربعة عينوا على الباب
العصر بابا نافع راح للمحلات
سوينا عصرية وبابا لساعوا نايم
قادر... اكول البيت عليش منور طلعت نعيمة الحلوة هين
... فان حظك مو نعيمة بكدك ههههه تعال احبك يمصگوع اشتاكيت للسوالفك
.... لاتقشمريني بالبوسة وشوفيني شجبتيلي وياج بالحرام افضحكم اذا ما جايبين شي
. الهداية الظهر انطيانهن الامك
... لا والبخت يمكن حلومة قفصت عليها
... يول احترم حلومة شنو
اليوم عشاي هين اشتاگيت الأكلج ول اصيل
شاهر... شبيك هرجت البيت بحسك اليگول اموتينك من جوعك
... حگي اجوع من الضيم والگراب الزاتو براسي محلات وروح هين وتعال هين وشوف العمال شيحتاجون جيبلهم
... غصبن عليك بكد الثور غير نستفاد منك
.. خلف الله عليك خالي ما اكدر ارد عليك
ول نجوى عجل تكج وينها شو مامبينة
.. مو هين بقت بالرمادي
تفاجأت بردة فعل بابا كعد لحيلو وزگح بعصبية
... شششششنو يعني ظلت بالرمادي
نعيمة.... بسم الله عليش تزكح
ظلت اداري حسنة
... لاتخبلوني شنو ادريها كومة ولد وبنوات واحفاد عدها عليش تبقى فيروز يمها
اصيل. خوية حال خالة بالضيم محد بحالها الكل هاملينها وضعها يصعب على الكافر
... هالحجي مايوكل خبز يمي بنتج ماعادت زغيرة شلون تعوفيها وتجين
... حجيت ويا نافع ووافق
.. اهاا خوش والله واني اخر من يعلم
قادر... عوف البنية براحتها جاعد يكولولك جدتها تعبانة شبيك ششت علينا اليسمعك يكول ظالة بيت غريب
نجوى... بابا شبي عليش ما يعوفها بحالها
طلع للحوش يدخن
وكفت باب المطبخ ادحج علية
جة قادر وكف بصفي
اكولك شبي بابا لا يرحم ولا يخلي رحمة الله تنزل
... أكص ايدي وازتها للجلاب اذا ما يطلع أبوج عاشگها
... لا مو الهدرجة هو دوم هيج مايقبل وحدة بينا تظل وحدها اهناك
سمعنا بابا يحجي ويا خالة حسنة
عزززا شراح يسوي
فيروز... جدة تقرأ قرآن واني بيدي تلفونها العب بي دك بيدي من قريت الأسم روحي جفلت مو بس گلبي حرت ما ادري شسوي
جدة صدقت كالت منو الجاعد يتصل
هااا هذا شسمة
... يولي منو ناوشينا گبل لاينگطع يمكن ايهاب
... هااا لا مو خالي ايهاب
هذا خالي شاهر
ناوشتوا الجدة
... هلا يابو طول الحلو شلونك يول
عساك دوم بخير
اني تحت رحمتوا
اذا مشتاگلي عليش صارلك مدة گاطع وماتجي تشوفني
.... جدة تحجي ويا واني اعضعض بصابيعي من التوتر والخوف
.... يمة فيروزة هاج خالج يريد يحجي وياج
.... فهيت ورجف جسمي تناوشتوا منها خليتوا على اذني وغمضت
همست بصوت يرجف الو
.... انعل سسسسسساس اهلج بس اجي افين حظج صايرة تلعبين بكيفج الظاهر محد بعينج
... طار الخوف مني تركت جدة وطلعت من الغرفة
ششششبيك عليش تزگح
... هم عندج لسان وتحجين تهيري باجر جايج وبنت ابوج ولا تجين وياي
... لا والله ما اجي مو بكيفك عندي اهل قبلوا وخلص ما منتظرة اخذ اذنك
.... بنت الكلب دخلي اجي واششششششوفج منو الماعندو سلطة عليج
.... صميت اذني من صياحوا والفشار بحياتوا ما غالط علية هيج
من القهر غصيت بالبجي من سمعني ابجي سكت سديت التلفون
بالگوة وكفت دموعي رجعت التلفون الجدة
تدثرت ونمت
من بعد هذا الاتصال ما حجيت ويا
التهيت ويا جدة اداريها واشوف طلباتها
نجوى وماما يومية يحجن وياي وخالة امنة ماعايفتني العصريات تسير علينا تطمن علية وتشوفني خما ضايجة
نجوى كالت بابا اعصاب محد يكدر يحجي ويا كلمة
و قليل يرجع للبيت
بيوم الحجة وياج راد ثاني يوم يجي يرجع
عماتي حجن ويا وبالكوة عافج
حرت ويا شاهر عليش مجلب بية خلي يعوفني بلكي انساه وارتاح من حبو
تعلمت اسوي اكل جدة لان كولو سلك لو شوي اشياء، خفيفة حتى الحمام اني اسبحها
ملابسها ونظافتها كلها من مسؤوليتي
افرح من اشوف الفرح بعينها ومن ترفع ايدها وتدعيلي
حرمة خالي وبنواتها مالي شغل بيهن دوم طالعات مايكعدن بالبيت
من عرفوا راح اظل هين ما ضاجوا كيفوا حتى يخلصون من مسؤولية جدة
بنوات خالي وحدة اكبر مني بسنة والاخرى ازغر مني بسنتين
قبل لا اجي للرمادي اخذت النتيجة ومدري شلون نجحت
صرت صف رابع اعدادي واكيد هالسنة راح اتركها
من كعدت من النوم البيت وصخ والمواعين على السنك والهوسة تارسة البيت ومحد موجود شلون يطلعون والبيت بهالوساخة
تشكلت ونظفتوا من فوك ليجوة
كولت يمكن صايرة عدهم شغلة ضرورية وطالعين
بعدها بيومين تكررت نفس السالفة
لا عاد لهين وبس لو يموتون ما انظف زبالتهم عفت البيت مثل ما هو بزبالتوا
بس نظفت غرفة جدتي وسويتلها غداها
الظهر من رجعن الوجوه انگلبت
سارة... ادري على ايدج نقش الحنة عليش مانظفتي البيت مو تدري نرجع تعبانات
سرور.. يمكن متعودة ابيتهم على الوصاخة
.... اني مو خدامة حتى انظف زبالتكم والحمد لله بيتنا اليدخلوا مابودوا يطلع منو من النظافة مو نطلع نفتر بالسوك ونعوف الوصخ الرؤوسنا
سارة.... شنو قصدج ولج احنا وصخين
... حبيبتي الحر تكفي الأشارة
اشو هذن هدن علية
عاد اني ما كولت لا لزمت الجبيرة من شعرها والزغيرة انطيتها دفرة ادعبلت بالكاع
والله با الله هذن ويامن لعبن
كعدت فوگاها وكفخات على راسها هلست شعرها
الزغيرة طلعت تركض تصيح امها
واني بهالوضع وصياحي وصياحها واصل السابع جار
سمعت صوت من قوتوا جفلت وبسرعة صديت علية
شعري على وجهي نازل اريد اركز بالشكل ما اكدر .......
يتبع
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!