تحميل رواية «وتين قلبي» PDF

البارت الأول

(للكاتبة طيبة الربيعي)

مرحبا، اني وتين يتيمة الأم و الأب شكلي حلو يكولون أشبه والدتي الله يرحمهة لان ماتت واني صغيرة ماذكر شكلهة زين بس اذكر مختطفات منهة لان الهم الوكعت بي نساني حتى شكلي، بشرتي حنطي باهت عيوني رصاصيات غامق حلكي وسط شفايفي ممليات شعري اسود فحم كصير يوصل تحت جتافي رموشي طوال بس حواجبي خفيفات حيل ماحفهن شحف منهن بس اخلي الخيط يطيرن خشمي(للكاتبة طيبة الربيعي)صغير على والدي الله يرحمة، ناعمة و ضعيفة شكد ما اكل ما اسمن لان جسمي يحركَ السعرات بسرعة واني حركة ماكعد هواية، المهم خلي احجيلكم قصتي بدت من عمري 8 سنين، عشت مأسات ما اتمناها لعدويني، جنت عايشة حياة حلوة وية امي و ابوية و كرايبنة يطلعون و يطبون علينة اربعة و عشرين ساعة اني وحيدة اهلي و هواي مدلليني يعني تكدرون تكولون اني بنت دلال بس ماتكبر و لا أعير أحد بدلالي جان عندي صديقة(للكاتبة طيبة الربيعي)بالأبتدائية حالتهم المادية شوية صعبة مجنت اخلي احد ينزل من قيمتهة مع انو البعمري ميهمهم مشاعر احد انانيين بس اني جنت فطنة و اراعي ظروف المقابيلي

الحاصل هاي صديقتي تجي يوم شبعانة و عشرة لا فجنت احسبلهة حساب من امي تسويلي اكل اخذة وياية للمدرسة و جانت تعرف بية اطيهة بس متسألني تخليلي الفين بجيبي الف الية و الف لصديقتي، بالبداية جانت تتجنب تكعد وية احد او بالاحرى مجانو يقدرون ظروفهة لان فقيرة حتى مرة وحدة من البنات البصفنة عيبت على صدريتهة لان قديمة اني وكفت بوجههة و رحت حجيت للمديرة جابت اهلهة، من ذاك اليوم اني وياهة صديقات

بالابتدائية سوية بس بعدين كسرني الوكت انكطعت اخباري(للكاتبة طيبة الربيعي)بيهة، يوم من الايام رجعت لكيت ابابنة صياح و نسوان تلطم و رياجيل يبجون اني خفت باوعت زين اي والله هذا بيتنة على فكرة المدرسة جانت قريبة على بيتنة اروح واجي مشي، المهم طبيت اخذوني بالاحضان و يبوسون بية و يبجون اني ماعرف شنو السالفة و طفلة خفت كمت ابجي اصيح ماما، اجتي خالتي اخذتني على صفحة سبحتني و مشطلتي بعدين بدلتلي واني  صافنة، كتلهة خالة وين امي بابا وين ليش تبجون بقت تبجي حضنتني و تبوس بية كالت راحو لدار حقهم اباوعلهة وين راحو و عافوني مستحيل ماما تعوفني كالت حبيبتي الله يرحمهم ماتو اني من الرجفة و الخوف ابتعدت عنهة و بقيت اصيح عليهة لاا ماما و بابا ميعوفوني انتو غلطانين هسه تودوني الهم معليية، بقيت اصيح بعدين تأكدت همة راحو ماكلكم شصار بية جثة و كاعدة بالمستشفى(للكاتبة طيبة الربيعي)اغمى علية ردت اطلع اهج ادور على اهلي مخلوني على هذا الحجي البيت متروس نسوان و زلم و كلهم كرايبنة، بعد كم يوم من الحادثة كعدو كلهم بالاستقبال واني كاعدة ع الدرج الي يفصلنة حايط بينة و بين الاستقبال، سمعتهم يحجون عني منو يتكفل بعيشتهة، فجاة كلهم اتبرو عمامي و كرايبي بس خالتي عاطت بيهم و كلتلهم جنتو مثل الفيران ابيتهم عايشين على خيرهم هسه تبريتو منهة هسه نسيتو عدكم بت اخو تفي على شواربكم، و من ذاك الوقت اني شبه انتهيت انعزلت عن العالم و بس خالتي بقت ابيتنة ادايريني لان محد كدر يطلعني يجرون بية بس فقدت الة ابقة هنا و بقيت بحالة صدمة سنتين بس اروح للدوام و ادرس لان خالتي مخلت شيء بنفسي صح حالتهم(للكاتبة طيبة الربيعي)المادية عادية بس جانت حاسبتني من جهالهة و على فكرة احنه عايشين بمنطقة راقية بس بعدين من صار عمري 10 سنوات لحت خالتي علية

خالتي: حبيبتي وتونة تقبلين اني عايفة جهالي هناك خطية منو يداريهم

وتين: ليش خالة روحيلهم

خالتي: حبيبتي وين اعوفج هنا وحدج وانتي طفلة و بنية حليوة، اذا تحبين خالة و تحبين بابا و ماما تجين وياية نعيش هناك يم عمو و اولاد خالتج ها عيني(للكاتبة طيبة الربيعي)

دمعت عيني بوقتهة معرفت شأكول بس كلت اني مالي احد و بس هية هاية الرئفت بحالي مع انو المفروض عمامي الشفية يتكفلون بتربيتي بس مع الأسف جانو بس ينفخون بريشهم كدام حلال ابوية، طبعا البيت جانو عمامي مزورين العقد مالتة و كاتبي بأسمهم ماعرف شلون سووهة بس طلعو ملعبين و خبرة بالنصب و الأحتيال، اني مجنت اعرف همة يريدوني يطلعونة من البيت هذا الحجي عرفتة بعدين من كبرت و بوقتهة خالتي مجانت رايدة تزيد علية القاط قاطين

قنعتني بأسلوبهة الحلو و أخذتني وياهة اوت مطبيت للمنطقة شفتهة قديمة مثل الخرابة بس يشهد الله من داخل بيت خالتي حلو و مرتب صح على كد حالهم لكن مستورين(للكاتبة طيبة الربيعي)

خالتي جانت تشم بية و تبوسني قبل لا انام لان هية و والدتي الله يرحمهة جانن حيل قريبات على بعض و روح بروح، امي اطلع اللكمة من حلكهة و توكلهة الخالتي و خالتي همينة هيج، المهم دخلت بيتهم استقبلوني بالاحضان زوج خالتي و ابن خالتي أمير و اخته سرى، كلش حبيتهم لان لطيفين وياية امير اكبر مني بأربع سنين و سرى اكبر من بسنة، ورة فترة تقريباً اسبوع بديت اخذ عليهم حبيتهم و صدك حسيتهم اهلي بس بهاي الفترة جانو عمامي مشاكل وية بيت خالتي معرفت على شنو لان ميحجولي شيء، بس بعدين عرفت انو عمامي و حتى عماتي صارو يطالبون(للكاتبة طيبة الربيعي)بورث ابوية، ابوية عندة كياعين بالكوت اخذوهن غصباً علينة خالتي مراة لا حول ولا قوة بس كالتلهم اخذو كلشي تريدون بس حق هاية اليتمية ميضيع و حوبتهة تبقة تركض وراكم لحد ماتوكعون، و صدك خالتي جانت مؤمنة بالله و رجلهة همينة و لان على كد حالهم محد وكف وياهم، المظلوم ميضيع حقة بس يتأخر

من انتقلت الهم جانو اخر ايام الدوام، اجتي العطلة جنت كلش فرحانة لان متعودة بالعطلة اهلي يطلعوني و نفتر بس تفاجئت بيت خالتي ميطلعون هواي مجرد سوك لو محل موطات اكثر شيء واني معترضت ابد بالعكس حتى الكعدة بالبيت وياهم ترد الروح عوضوني عن حنان اهلي بمعنى الكلمة بس يبقة كلبي مكسور برحيلهم، فد مرة جنت داللعب وية سرى بالحوش و أمير يلعب دعبل وية اصدقائة، جان يدخل شاب(للكاتبة طيبة الربيعي)طويل بي كل ملامح الرجولة ملامحة حادة حواجبة حادة عيونة سود فحم شعرة اسود بشرتة بيضة جسمة رياضي طويل،

طب سرى و أمير ركضو عليه يحضنون بي و هو يبوس بيهم اني حسيت نفسي تايهة ماعرف شسوي بقيت كاعدة فاكة حلكي و جانت الشمس طالعة ضاربة على عيوني و شصايرات يجدحن، جنت لابسة بجامة وردية و شعري خالتي مسويتلياه ضفيرة مايعة و خصلة نازلة على عيني، فات الشاب سأل سرى هاي منو و بهل أثناء طلعت خالتي للحوش شافتة بوستة و تلكتة بالاحضان و يا هلا و يا هلا واني بهل(للكاتبة طيبة الربيعي)حالة ينطبق علية مثل الاطرش بالزفة و طلع عمي همينة سلم عليه واني بكلبي اكول ولكم فهموني منين هذا، بعدين خالتي كلتلي تعاي سلمي على عمو اني مكمت بعدني مصدومة جان يسألهة منين هاي كلتلة ولك بت خالتك هو عقد حاجبة و اجة دنكلي بقةصافن بعيوني و اني بعدة حلكي مفتوح ورة دقيقة مد ايدة و ابتسم

شهاب: سلام

باوعت ليدة بعدين رجعت باوعتلة ماعرف شبية اتحنطت(للكاتبة طيبة الربيعي)

كال لامة و هو بعدة يباوع بعيني: يمة شنو خرسة

خالتي: لا يمة بس متعرفك تستحي، وتونة هذا شهاب ابني الجبير ابن خالتج سلمي عليه لتخافين

مديت ايدي و صافحتة وخرتهة بسرعة و ركضت ختلت بدشداشة خالتي كلهم كامو يضحكون بعدين طبينة كلنة كعدنة بالاستقبال اسمعهم يسألو شلونك وية مرتك هو يكللهم الحمدلله زين

شهاب ...مرحبا اني شهاب عمري 24 سنة ضابط مزوج حبيبتي مو عرف غريبة شفتهة بكلية صاحبي و عجبتني ورة فترة خطبتهة بعد ما فتحت تحقيق كامل وين اهلهة وين ساكنة ويامن تطلع و اطب منو صديقاتهة و الى اخره، عايش ابيت وحدي مو وية اهلي لان(للكاتبة طيبة الربيعي)زوجتي من نوع متحب العيال و امي بدورهة متحبهة لان مترتاحلهة ماعرف ليش سوالف نسوان، صح مطيهة حريتهة لكن متتعدة لو تجاوز على اهلي مرات من نروح نزور اهلي امي تثكل وياهة و تطيهة العين الحمرة واني اعذرهة لان متعرف البنية حق المعرفة و اهلهة مجرد سلام وي اهلي، مصارلي تلث سنين من مزوج و الحد الآن ماعندي اطفال صابر لان احبهة ميهمني يجوز بعدين الله يرزقنة ماكو خلل لا بية ولا بيهة رحنة فحصنة، الحمدلله، صارلي فترة مزاير اهلي لان ضابط و مسؤولية كلسع تطلعلي شغلة، سمعت بوفاة خالتي و زوجهة بانفجار بس مكدرت اروح جانو لازميني بالدوام،(للكاتبة طيبة الربيعي) خالتي من ازوجت راحت بعيد و علاقتي بيهة شبه انكطعت لان كلمن التهة بحياتة و اسمع اخبارهة من والدتي هية تروح تزورهة دائما و الاعرفة عدهة بنية بس ماشايفهة بحياتي، اطوني اجازة واني مصدكت كبل طفرت لاهلي بعد معاناة وي زوجتي ماقبلت تجي وياية وديتهة لاهلهة ماضغط عليهة حتى متحس بنقص مرات تشك بية عندي علاقات مع انو والله كاضيهة بالدوام و من انزل اجازة مافاركهة المهم ماكلت لاهلي راح اجي كلت اسويهة مفاجئة طبيت شفت أمير يلعب دعبل و اصدقائة وياه صراحة ضجت عندي اخت اني ماقبل ولد غربة بالبيت

بس مشيتهة لان الوضع برة تعبان احسن بالحوش ولا برة

من شافوني سرى و أمير ركضو علية بوستهم و شميتهم اموت عليهم، واني شايل سرى شفت وحدة كاعدة ع القنفة مال حوش و فاكة حلكهة و عيونهة بس شنو العيون الله يحرسهة شنو من حسن الشايلتة ماشاءلله بس منين هاي سألت سرى و بين ماسالتهة تلكتني امي و بعدين ابوية سألتهم منو هاي والدتي(للكاتبة طيبة الربيعي)كالت بت خالتك، ااه هيج خالتي عدهة بنية تخبل و مادري بس شبيهة مصدومة ماعرف شصار بية من شفت ذني العيون لكيت نفسي مدنكلهة و صافن بعيونهة يا الله شني حورية لو بنتي ماطلعهة باب الحوش، بعد ما حسيت على نفسي مديت ايدي اسلم عليهة ماكو البنية لا حس ولا نفس سالت امي اذا خرسة كالت تستحي امي كلتلهة سلمي لتستحين مدت ايدهة بس لزمتهة ترجف ماعرف ليش حسيت برجفتهة ادك بكلبي، شو هاي جرت ايدهة و ركضت ختلت ورة امي هههههههه فدوة لله تخجل، طبينة جوةواني عيني عليهة شلون هادئة تباوع ع التلفزيون و تباوع علية مدري تخاف مني ههههه احسن خلهة تخاف

امي: ليش مجتي وياك المسعدة

شهاب: يمة هسه عوفينة منهة احجيلي شصار و ليش هاي هنا(للكاتبة طيبة الربيعي)

امي: يمة ضيم ضيم الصار خابروني عمامهة كالو راحو بانفجار واني كل ضني الطفلة راحت وياهم بس طلعت بالمدرسة انتظرتهة على احر من الجمر طبت مثل الاطرش بالزفة متدري شنو السالفة من عرفت دخلت بصدمة و انكسر كلبهة عمامهة و عماتهة اتبرو من بت اخوهم ولا كانو هاية بت الغالي الجان مشبعهم من حلالة تالي اخذو ورث ابوهة وصفت البنية ع الحديدة حتى بيت ابوهة اخذو الميخافون ربهم

البارت الثاني

(للكاتبة طيبة الربيعي)

شهاب: ااه؟ كل هذا صاير واني ماعندي علم؟

امي: يمة ماردتك تشغل بالك ويانة يكفي دوامك و مناك زوجتك

شهاب: شلون ياخذون حلال ابوهة شنو الموضوع

امي: والله يا يمة حجينة وياهم ردنة ماكو قافلين حتى الغريب ميسوي سوايتهم و هاي صارلي سنتين وياهة يلة شوية طلعت من الرعب العايشتة

باوعتلهة شلون مندمجة وية الكارتون و سرى بصفهة نفس الحاله

شهاب: زين شنو راح تبقة هنا

امي: اي يمة هاي قطعة بقتلي من المرحومة مافرط بيهة

شهاب: يمة هاي باجر عكبة تكبر و هذا امير راح يصير رجال مشورب

امي: يا يمة مثل اخته شبيك انتة شكوكي بعدين البنية ماعدهة مكان تروحلهة اخذو حلالهة و صفت ع الحديدة تريدني اعوفهة بالشارع

شهاب: لا مو هذا قصدي بس يعني مايصير

امي: هسه منا لما تكبر الله كريم بعدهة طفلة حتى ما بالغة

ابوية: ابني شصار مرتك مناوية تحبل

شهاب: بيد الله يابه

ابوية: روحو فحصو مرة ثانية ترة مو حالة هاي

شهاب: يابة فحصت اكثر من مرة ماكو اي خلل بس يطول الحمل شسوي

ابوية: اذا بقيت على هاي الحالة ابني ازوج شو مامحصل شيء منهة غير النك

شهاب: لا يابة ماريد اكسر بختهة مامستعجل ع الجهال بعدني شاب

ابوية: زين اني اريد حفيد شلون بلة

شهاب: يابة هاي امي خل تخلفلك بعد

امي:لا يا معزة

ابوية: هههههههههه

شهاب: ليش بعدج بحيلج عروستنة

ضربتة بخفة وكالت: اسكت ولك

ابوية: بعدهة تستحي مو كلشي شفنة

شهاب: ها يابة ههههههههههههههههه

امي: خل اكوم احضر الغدة احسلي

شفت وتين غافية ع القنفة يالله ملاك حتى نومتهة هادئةابوية: يا نامت البت

شهاب: خل اوديهة للغرفة راح تتكسر هنا

ابوية: اي بوية اخذهة

كمت شلتهة شو هاي رأسان حاوطت ركبتي بأيديهة و دفنت راسهة بصدري سالفتهة سالفة هاي الطفلة ادور الحنان الفقدتة بعد موت ابوهة و امهة، خليتهة ع الفراش و غطيتهة باوعت بوجههة تمعنت بي: هاي العيون حرام يشوفهن واحد غريب

صاحتني امي نتغدة سألت على وتين كتلهة نامت، ردت ابات بس اتصلت بية ميساء تريد ترجع كتلهة شكو ليش كالت شتاقيتلك شنو متريدني، يالله شكد شكوكية، كتلهة خوش جايج، ودعت اهلي و رحت طبعاً لو ماحبهة جان ماصبرت عليهة تعرفني مادور سوالف مكسرة هية حلالي ماباوع لغيرهة لان عندي اخت اكول باجر عكبة من تكبر راح يباوعولهة بنظرة وصخة مثل ما اني اباوع لبنات الناس كما تُدين تُدان ولو اختلفت الأوزان هاية قاعدة ثابتة بحياتي

كلعادة اوت ما طبيت لبيت اهلهة استلموني ليش راتبك صاير قليل ليش اجازتك بس اسبوع و ليش وليش طكت روحي اخذتهة و طلعت بدون ماحجي شيء و جي هية البنية الوحيدة على تلث ولد مدلليهة بس دلالهة مو مال الله بس فلوس يعني اكو دلال بالحب مثلاً والله شاهد مدللهة من كل النواحي بس اجتي هاي الفترة قللو رواتبنة القاصة مال معمل مجاي تكفي نريد نعيد ترميم المعمل جبير و مسكرب يعني هم عايشين بي و هم مسكرب فاحسن حل نرتبة و نعيد بناء بعض الشغلات بي لان لعبت روحنه

شوفو حتى بالسيارة تنك متنتظر لحد منوصل للبيت على يوم اسوي حادث من وراهة

ميساء: شبيك صاير متتحمل

شهاب: شتحمل شبيج انتي

ميساء: اي عيط علية عيط

شهاب: بابا ماعيط بس مجاي افهم شتريدن بالضبط مو جاي تاكلين و تشربين و اطلعين و تتونسين و ملابس و امة شكو بعد و اهلج شدخلهم فد يوم ادخلت اني بيهم

ميساء: غير يخافون علية يا حبيبي

شهاب: مني يخافون عليج؟ بشنو مقصر وياج؟؟

ميساء: شهاب صارلي شهر منتظرتك توديني اشتري ملابس و هسه تكلي ماعندي

شهاب: شسوي يا بنت الحلال غير قللو راتبي ابوك انهب مو اطيتج اليوم الصبح ميتين الف هو راتبي 900 نصة يطير للأيجار و ميتين الج و ميتين بجيبي و الباقي للحاجة

ميساء: هففف

شهاب: ها اطيج الميتين مالاتي و انتي تتصرفين بالمصرف؟ شنو رأيج؟ استغفرالله ياربي كافي خل نوصل بسلامة دنيا ليل

رجعنة للبيت راحت نامت بالهول استغفرالله ياربي استغفرالله هاي على كلشي اطنكر مجانت هيج شجاهة مادري، اووف تعبان لو تموت ماكوم اراضيهة الصباح رباح

وتين ...كعدت بليل على صوت خالتي تكعدني علمود اتعشة

وتين: اي خالة كمت

رحت شفتهة تودي اكل للسفرة و لازمة ظهرهة سودة علية وخرتهة كوة و كمنة اني وسرى نسوي هية بقا تدعيلنة بس وين هذا الاجة استحيت اسألهة ياربي كون رايح لان خفت منة بس مخنزر

شهاب ...الظهر دك تليفوني طير نومتي ردت اطكة بالكاع بس المتصل والدتي

شهاب: ها يوم صباح الخير

امي: صباح الخير وليدي شو صوتك مدري شلونة

شهاب: مو توني كاعد

امي: يا سودة علية كعدتك من نومتك حبيبي روح نام

شهاب: لا يمة جنت كاعد قبل لدكين، محتاجين شيء؟

امي: لا يمة سلامتك بس تعال اليوم عازميك ع الغدة و راح يجون بيت عمك مصطفى جيب مريتك و تعال

شهاب: خوش يمة هسه ساعة بيش؟

امي: بالوحدة وليدي

شهاب: خوش ب 2 و نص هيج اني و ميساء يمكم

امي: خوش يمة سلامتك

شهاب: بالسلامة تاج راسي

سديتة و كمت رحت للهول بعدهة نايمة هاي هية يعني حتى غدة ماكو همزين امي عازمتنة، كعدتهة و رحت للحمام فرجت و سبحت طلعت بالمنشفة بيتنة و نلعب بي ههههه شفتهة بالغرفة تبدل

هاي اذا ماصالحتهة راح تضل مطنكرة يعني اني اجي بس اسبوع مناك ضيم الدوام حر يكتل كتل و خطر اجي هنا اريح نفسي تالي هل مخلوقة تكلب خلقتهة، حضنتهة من ورة و بستهة من ركبتهة

شهاب: حبيبتي زعلانة

ميساء: وخر شهاب اريد ابدل

شهاب: نبدل سوة

ميساء: كتلك وخر

شهاب: و اذا ما اوخر؟

ميساء: هفف اريد ابدل

درتهة و بستهة بوسة طفت نار كلبي

شهاب: و هسه؟علكت ايديهة بركبتي و همستلي

ميساء: صافية

هاي يعني كمل هجمت عليهة حلالي و بكيفي حتى لو ميصير عدنه جهال اني راضي بيهة واني مو كد مسؤولية الجهال حالياً دوامي محير بس احبة و مخلص بي ماكدر اعوفة هذا حلمي حققتة بالدفرات، كتلهة معزومين بدلي طبعاً مرادت تجي بس شافتني جدي مجرأت تحجي تعرفني اذا اعصب ماشوف احد

كبالي، بدلنة و رحنة لبيتنة وصلنة ب 3 تقريباً جانو بيت عمي موجودين سلمنة عليهم و كذا ادور بعيني على وتين ماكو سألت امي كالت وكعت بالسطح و لوت رجلهة كاعدة بالغرفة بنفس الوقت طلعت من الغرفة متشبجة بركبة أمير و هو لازمهة من خصرهة و يمشيهة ماعرف ليش ضجت مهما يكون تبقة محللة عليه و هو جبير استغفرالله ياربي، شافتني جمدت بمكانهة هاي شبيهة صدك تخاف هيح اني اخوف، كلنةكاعدين بالاستقبال ميساء ملتهية وي بنات عمي ثنين و ابن عمي همام كاعد ويانة

امي بالمطبخ و وياهة سرى مدري اشاورت أمير و هو شاورهة يلة كملت مشيهة

وتين ...غسلت ملابسي بيدي و صعدت بالسطح اشرهن جان اكو سكراب تعرفون هذا شيء طبيعي بكل بيت عراقي السطح مسكرب مدري ليش داشر الهدوم انكطع الحبل ردت اسوي صعدت على حجرة جبيرة شديتة داريد انزل عثرت و انلوت رجلي صعدت خالتي تلطم و على صياحهة اجة عمي و امير و سرى طبعاً بس انلوت بس تعرفون خالتي بعد تخاف علية من النملة يمكن لان تحس بمسؤولية اكبر تجاهي، نزلني أمير لان عمي ظهرة مفطور ميكدر يشيلني(مع انو اني خفيفة المهم شالني امير و خالتي دهنت رجلي و لفتهة باندج لحت علية ابقة كاعدة ماسوي شيء كتلهة والله مابية شيء خالة بس مسمعتني بقت سرى يمي نسولف بعدين كتلهة روحي ساعدي خالة لتخليهة وحدهة لان اعرف ظهرهة يوجعهة و متخليني اكوم سرى خطية كبل كامت ساعدتهة بالاكل بعدين ضجت بس كاعدة ممتعودة سمعت صوت عرفت بيت اخو عمي جايين عدهم بنات ثنين و ولد واحد دخلو علية كلش حبابين بس وحدة منهن اسمهة هند جبيرة مبينة 18 19 مدري شلونهة تباوعلي بنظرات غيرة استهزاء معرفت شنو بالضبط لكن الثانية كلش حبابة اكبر مني بسنتين اسمهة رهف كعدت يمي تسولف شوية و راحت صاحوهة مدري منو اجة دخل أمير كلي تعاي اطلعج تكعدين يمهم ميصير تضلين هنا كتلة ماشي بس ساعدني اكوم جلبت بي و من طلعت رفعت راسي شفت ابن خالتي نسيت شسمة صراحةً خفت منة او مة خفت بس مادري جنة مراغب بوجودي هنا مدري ليش وكفت ردت ارجع كتلة امير رجعني استحي كلي لتستحين اني راح ابقة كاعد يمج مشيت وياه سلمت عليهم باوعت لهند يمهة وحدة من شافتني رفعت حواجبهة و عوجت حلكهة شبيهن ذني اني صغيرة المفروض ميباوعلي هيج كبر

عم شهاب: سلامات عمو شبيج

معرفت شلون اجاوبة أمير حجة ابدالي

أمير: عمو وكعت بالسطح و رجلهة انلوت

عم شهاب: سلامات

امير: الله يسلمك عمي

ميساء على نفس الخلقة: منو انتي؟

أمير: بت خالتي ميساء: شنو ماعدهة لسان اجاوب لو انبلع

خزرهة شهاب: ميساء! كومن ساعدن امي شعدجن هنا

عم شهاب: بنات يلة كبل للمطبخ

رهف: اي بابا أمرك

هند: مابية حيل اني

ميساء: ولا اني

شهاب: ميساء كومي يلة

ميساء: ماريد

خزرهة شهاب و كز على سنانة كامت بس زفرت قبل لتكوم و باوعت لوتين بحقد

شهاب ...طبعاً اني اعرف تفكير ميساء اكيد غارت من هل طفلة هسه من نرجع راح تستلمني اكس مربع و هسه تشوفون، شفت وتين عيونهة دمعت و شاورت أمير بس مدري شحجت وياه وتين ...شنو هاي التصرفات روحي احتركت شوية و تنزل دموعي اني ممتعودة هيج انهان شنو لسانهة نبلع شنو هل نظرات شاورت امير والعبرة خانكتني

وتين: امير اريد ارجع فدوة رجعني للغرفة

أمير: لتضوجين وتونة ذني مسمومات معليج بيهن ضلي يمي عيب عمي هنا عيب من شهاب جاي مناك علمودنة

همام: اي وتين شكد عمرج

وتين: عشرة

همام: فدوة باع هيج الخلقة يا كعدن وسكتن لحد تخلف(للكاتبة طيبة الربيعي)

أمير و هو يكرص خدهة: اي والله

شهاب ...استغفرالله هية حلوة صح صغيرة و ناعمة بس بيهة انوثة جاذبة، باوعت الهمام عكدت حاجبي الولد نزل راسة عرف قصدي اضوج حتى من يتغزلون ب يسرى بس هاي تختلف مادري شنو سالفتي

شهاب: وتين ليش متروحين يمهم بالمطبخ

وتين ...يمة باع نبرة صوتة جنة يريد يكوم يعلكني بالتيل مال كهرباء، اريد احجي بس ماكدر لازمتني العبرة

ابو شهاب: وليدي ما تشوف رجلهة شلون تروح يمهم، ها وهاي جابو الاكل يلة ابو همام تفضل تفضل

عم شهاب: يزيد فضلك خوية كعدو كعدو

أمير: وتونة تكعدين يمي خوش اني اوكلج

ضحكت وتين: لا اني اكل ترة رجلي المكسورة مو ايدي

أمير: فدوة لهل ضحكة هسه اشتهي اكل

اكتفت بضحكة بس مناك زوج عيون حادة تراقبهم

شهاب ...هاي شراح يخلصهة انوب يكرصهة من خدودهة شسالفتك شهاب حتى بأخوك تشك ميصير، جتي ميساء كعدت

البارت الثالث

(للكاتبة طيبة الربيعي)

بصفي بس عين علية و عين على وتين هاي صدك تحجي دخل ارجع للبيت اطلع حركة كلبي بيهة

وتين ...شكد أحب امير و سرى منا سرى توكلني و منا امير يضحكني اخواني المجابتهم امي بس طلع سم علية من نظرات هاية ميساء مدري شسمهة بس تخزر بية كاعدة ابيت ابوج اني نسدت نفسي

شهاب: امير كافي خل هية تاكل ايديهة سالمة انتة اكل

كلهم باعولة بس هو جان يباوع بعيون وتين و هية تباوع على امير و الدمعة بعينهة

ام شهاب: خلي يمة يدللهة غير خيتة شتريد منهم

ميساء: حبيبي اوكلك بيدي

شهاب ...باع هاي اني وين و هية وين شلون اكلب السفرة عليهم، كامت تاكل وحدهة بس بهدوء يمكن اللكمة بالجذب تدخل الحلكهة اووه اني شعلية يطبهة عرج، كمت اريد اطلع ادخن

ام شهاب: وين يمة شكلت

شهاب: عافيات يمة شبعت

وتين: أمير بعدين خل نروح نشتري مشتهية كيكة و عصير

أمير: اي بس كملي ماعونج و نروح ترة ماخذج

وتين: لا لا حخلصة

امير: يلة

سرى: ولكم و اني

وتين: انتي همينة هو اني اطلع بدونج

أمير: انتي هم سراوي

برطمت بالجذب: عبالي نسيتوني

أمير&وتين: ههههههههه

هند: ضحكونة وياكم

أمير: ماكو شيء يخصج بيني و بين خواتي

ميساء: من شوكت هل حفاظ على خواتك اموري شنو بدلتنة

أمير: ليش اني شوكت حاسبج اختي حتى ابدلج

كلهم ضلو يضحكون اما ميساء نار اشتعلت بكلبهة متروسة حقد على وتين

وتين ...حل بالكصة، ورة مخلصنة اكل شالو البنات السفرة و خالتي وياهن ردت اكوم مخلتني لان بس ميساء بقت كاعدة الحقيرة مو هاي ام رجلج حتى لو غريبة تساعديهة متشوفهة من تلزم ظهرهة كلبة! بدلت ملابسي لبست بجامة ثانية لان الدكان هيانة يمنة بالفرع لبست بجامة سودة و فانيلة نص ردن بيضة و نعال ابو الاصبع شعري شلتة كباية مخربطة أمير سوالياهة ههههههه اكيد تطلع مخربطة بس عجبتني و سراوي لبستني النعال بيديهة ياربي شكد اخجل و اضوج بس ذولة اهل الكرم على خالتي و عمي دانريد نطلع وكفنة صوت شهاب

شهاب: هاي وين

أمير: اخذهن يشترن

شهاب: و ماخذ البنية و رجلهة مكسورة، شنو انتي مو عساس رجلج توجعج

أمير: هنا الدكان مو بعيد و اني لازمهة و سرى همينة

شهاب: شنو متوازية اطلعين و بعدين شنو هذا لبسج انتي بنية ميصير اطلعين هيج

وتين ...اني طفلة عادي شنو هذا شبي وياية يمة كام خاف يأذيني ختلت ورة أمير

شهاب: خل أشيلهة لا توكع و تبتلون بيهة

أمير: اي خوش تعاي سراوي اكودج

سرى بمرح: ييي

وتين: ماريد اكدر امشي وحدج

و لا كأنو احجي شالني و شالني

شهاب: منريد طلايب

شهاب ...شو هاي شلتهة كبل جلبت بركبتي لان شلتهة بتك ايد عبالهة اوكعهة  ههههه فدوة شكد خفيفة عود مثل الجهال البقاية كلهم وصخ حتى ريحتهة مال وحدة نظيفة منين هاي البلوة الطاحت على روسنة صغيرة و تنكط شكر جا لو تكبر شلون هاي ما يصير تطلع و اطب خل تدخل السادس احجبهة و سراوي همينة خل تكبر بعد سنة هم البسهة الحجاب هذا عرض مو شوية و نظرات الوصخين مو قليلة

الستر حلو مو تخلف، اخذتهة بتك ايد و مجلبة بية تباوع ع الجكارة شلون ادخنهة باوعتلهة ابتسمت هية هم ابتسمت ااه شعجب

شهاب: شلونج بالدراسة

وتين: زينة

شهاب: عاد شاطرة لا

وتين: يي

فدوة لمحمد شلون تحجي بخجل

وتين ...من شالني عبالي راح يوكعني اخذني بتك ايد جلبت بي من الرهبة شايفين من فجاة واحد يشيلكم وفوك كل هذا بأيد وحدة تحسون عبالك كابوس من توكع و تفز من النوم(للكاتبة طيبة الربيعي)

باوعتلة شلون يدخن يجر نفس و يزفر كتلتني الريحة ردت اختنك علة شنو يخلي دخان يدخل خشمة مو زين شنو مخبل، سألني على دوامي شعجب هم يعرف يبتسم و هم يعرف يحجي عدل، لاحظت عندة مثل الطوبة بس منبلة بركبتة باوعت عليهة

وتين: شنو هاي؟

شهاب: شنو

أشرت بصبعي

وتين:هاي

شهاب: قصدج هاي البركبتي

وتين: اي

شهاب: ههههههه سؤال عجيب بس راح اجاوبج هاي يسموهة تفاحة ادم

وتين: شنو يعني

شهاب: سالفة طويلة من نرجع اسولفلجياهة

وتين: ماشي بس ليش اني ماعندي مثلهة

شهاب ...باوعت الركبتهة عدهة شامة بالصفحة فدوة

شهاب: انتي عندج الاحلة منهة

فتحت عينهة: شنية

شهاب: شامة ههههه

وتين: هاا 🙄

شهاب: والله

وتين ...وداني اشترالي علاكة كاملة مو بس كيكة و عصير انواع انواع و اخذ السرى همينة علاكة كاملة و أمير خطية مخذلة شيء لان هو مراد بس فرحان بينة، رجعنة للبيت و بعدة شايلني دخلني جوة يا بوية لو تشوفون نظرات زوجتة هاي شبيهة عزةة عبالك زعطوطة حاطة كورهة من كوري

ميساء: وين جنتو

شهاب: كومي سويلي جاي

ميساء تهمسلة: مو علساس ماعندك فلوس

خزرهة: حسابج بالبيت صايرة تجاوزين، يلة روحي سوي جاي

تنهدت و راحت اما هو ضل كاعد يمهم

شهاب: يمة

ام شهاب: ها يمة

شهاب: متحجبيهن ذني

ام شهاب: لا يمة صدك جذب بعدهن صغار شوف شكد ناعمات حتى ممبين عليهن

شهاب: ميخالف يمة ترة البنية من تصير 9 سنين المفروض تتحجب

ام شهاب: يمة خل يطكن شوية واني احجبهن ليضلك بال بس هاي مرتك خل تبطل تباوع هيج لوتين ترة اوكفلهة بالمرصاد

شهاب: اني احجي وياهة من نرجع

همام: يابة يلة منروح وراية دوام

شهاب: شني ولك توكم جيتو(

همام: لا والله يبنل عم عندي شغل و مناك امتحانات الفاينل مالحك

شهاب: شد حيلك هية اخر سنة تخلص

همام: انشاءلله

شهاب ...ودعنه بيت عمي و كعدنه نسولف و نضحك بالاستقبال بس ميساء ماعجبتني مادة بوزهة لا تضحك ولا تشاركنة بالسوالف، شجاهة ماجانت هيج

شاورتهة: فردي هل وجه عاد

همستلي: يلة خلي نروح نعست

شهاب: تونة جينة شسالفة

ميساء: من الظهر احنه هنا و هسه الساعة بثمانية ممليت من اهلك عشتو

شهاب: ميساء هذا اللسان اذا طولتي بعد اكصة افتهمتي و اليوم عاجبني ابات هنا ميعجبج اردج لبيت اهلج و ارجع

ميساء: لا عيني ابقة وياك ما أمن عليك هنا

باوعتلهة شحجي وياهة بالله رجعت اخذت نفس من الجكارة، وتين و سرى بالغرفة و أمير يمهن، جنت اسولف وي امي على موضوع وتين

و شلون عمامهة اغتصبو حقهة و كيعان ابوهة كلهة لغفوهة حطيتهة ابالي اخذ حقهة الحمدلله الله امكني بموقع بالدولة يعني اكدر اردلهة ولو قليل من حلال ابوهة بس خل يصفة بالي و اعرف)ارتبهة حتى العبهة عدل لان العرفتة من الوالدة عمامهة ملعبين و قفاصين درجة اولى، بين ماسولف اجة امير و وياه البنات بيدة البلي كلي تلعب كتلة خوش باوعت الوتين شلون فرحانة و تبوس بسرى يمكن تحب تباوع على اليعلب بلي، تباوعلي و تبتسم فرحانة

شهاب: تعاي بحضني

باعت الميساء البدورهة تخزر بيهة اطيتهة نظرة خليتهة تبعد نظرهة عن وتين لا حول ولا قوة إلا بالله صدك عقلهة صغير حاطة كورهة وي طفلة يتيمة

جنت كاعد بالكاع كدام التلفزيون جبير فتحتلهة حضني شهاب: تعاي كعدي اجتي ركض تنحت وكعدت ههههههههههه دارت علية باستني بخدي و رجعت تباوع ع التلفزيون، صحت السرى همينة ماريد افرق بيناتهن و كعدت بصفي منتجية على حضني و وتين كلسع تندار عليهة تبوسهة و ترجع تباوع شلعت كلبي كلسع تخليني اخسر و تضحك كمت اخسر علمودهة، ماحسيت ع الوقت باوعت للساعة فوك التلفزيون بالدعش ابوية متمدد ع القنفة و ميساء اطكطك بالعلج و والدتي راحت نامت لان ظهرهة يوجعهة حقهة تعبت اليوم سودة اعلية، حسيت رجلي انشلت باوعت لوتين غافية بحضني واني اكول ليش صوتهة اختفة و سرى همينة نايمة على رجلي و أمير يلعب وياية بلي كتلة طفي كافي بعد طفاه و شلتهن وحدة وحدة وديتهن للفراش ينامن سوية غطيتهن بوستهن و طلعت صارت بوجهي ميساء مجتفة ايديهة الصدرهة

ميساء: ليش هلكد تهتم بيهة؟

شهاب بأستغراب: منية؟

ميساء: هاي المكطمة

شهاب: وزني كلامج شنو مكطمة لا تنسين هاي بت خالتي ماسمحلج تحجين هيج عليهة يتيمة اسمهة مو مكطمة يلة روحي نامي بالبيت احسابج

عفتهة وطلعت بالحديقة طكيتلي جكارتين طبك، حيل متغيرة هل بنية المهم ثاني يوم رجعنة للبيت مردت افتح الموضوع بس جفصت بمصاريني ضربتهة راشدي وهاي اول مرة اضربهة لمت غراضهة و رادت اوصلهة لبيت اهلهة بالطكاك وصلتهة و رجعت حاجية لاهلهة و اني حجيت وي عمي كتلة تجاوز كال حقك خطية الرجال وكف بصفي بس امهة امهة وكحة فوك ما تهدي النار تخرب بيت بتهة بيديهة

مرت ايام ماقبلت ارجعهة لحد ما خليتهة تعتذرلي هية تبجي رجعتهة احبهة مو بيدي ولو صايرة لسان واني اكره ما اكره المرة الصوتهة عالي

وتين ...مرت سنين و شهاب يومية يجي يزورنة و اعتقد علاقتة بزوجتة صارت مشوشة و بيناتهم حزازيات معرفت شنو السبب لان ميهمني و كل ميجي يزيد تعلقي بي شفت بي حنان الاب و الاخ دائما يجي جايبلنة شغلات اني و سرى و على فكرة حجب سرى من دخلت اول متوسط بس اني متحجبت لان اختنك بي مو بيدي بس كدامة تحجبت و خالتي كالت نزعيمن هو مموجود حتى بالدوام انزعة لان اختنك والله مرة لبستة طول الطريق للمدرسة و حارة وكعت بالباب مال مدرسة الحارس(دز على خالتي و من ذاك اليوم هية تدري بية انزعة و بالرجعة امير يجيبنة لان يخاف علينة و سرى همينة حلوة عيونهة ناعسات كبار حلكهة مدور وردي و بيضة و شعرهة اسود عل جوزي حواجبهة ثخان سود و خدودهة ممليات يعني باختصار تخبل، مرات يجي شهاب الصبح يباوعلنة من فوك الي جوة و هذا الحجي صار عمري 15 دخلت خامس اعدادي ادبي، فد يوم اجة شهاب معصب وجهة ميتفسر عيونة بكصتة و جان جاي شكلة تعبان و وروحة طافرة محد كدر يحجي وياه غير خالتي اني و سرى بالغرفة نسمعة يعيط و يضرب بالحايط و بالبوب معرفنة شنو الموضوع طبعاً كاعدات وحدة بحضن الثانية من الخوف كلنة اكيد عرف بية نازعة الحجاب و إلا شنو هل عصبية المالهة داعي و خالة ايدي على كلبي هسه يدخل و يعلكني بالبنكة بس تفاجئنة مدخل بس يصرخ و يصيح بأسم ميساء عرفنة متعارك وياهة و صار اسبوع هو يمنة منعرف شنو السبب لا اني و لا سرى بس خالتي تعرف بس متحجي(للكاتبة طيبة الربيعي)

شهاب ...مرت سنين و وتين كبرت كدام عيني ويوم عن يوم تكبر و تحلة حجبتهة بس مفاد انوب زادهة الحجاب عفة كمت اخلي أمير يوديهن و يجيبهن واني انشغلت بالدوام صارت مسؤوليتي أكبر و كل هاي السنين اخطط شلون اوكع عمامهة بدون ميحسون و اقاضيهم بالقانون،  بهاي الفترة بديت اشك بميساء ضامة شيء جبير لان ختلاتهة كثرن و تنفر مني اني ضابط و طبيعة الضباط اذكياء و مكارين

البارت الرابع

(للكاتبة طيبة الربيعي)

علمود ازيح الشك من كلبي و اطمن كتلهة راح ابات خفارة بس هل يوم و باجر اجيج ضلي بالبيت و قفلي الباب زين رفضت بالبداية تخاف كتلهة لتخافين راح اخلي حرس ثنين يحرسون البيت المهم جذبت عليهة علمود افوت فجاة و اشوف شنو سالفتهة، رحت الصبح و رجعت العصر تقريباً فتحت الباب على كيف و طبيت و جنت متوقع ضامة شيء بقيت اراقبهة بسكوت محست علية اني بالبيت ساعة ساعتين ماكو شيء كلت يجوز اني الشك عماني خلاني اشك بمرتي و اخر لحظة ردت اطلع لمحتهة يم الثلاجة(طلعت حبوب من الدجة من المزهرية تفاجئت يعني الدوة بالثلاجة مثل حبوب وجع راس و هيج بس هل مرة شفتهة تشرب حبوب كومة رحت على كيف كتلهة شجاي تشربين كمزت راسان وكع كلاص المي من ايديهة ضلت تمتمت و تجر بالحجي جريت الشريط من ايديهة و قريت الباكيت حبوب منع حمل ظل عقلي واكف كتلهة ليش، مجاوبتني صرخت عليهة من شوكت تشربين! ماكو مجاوب اخر شيء كتلهة هسه اطلكج مظلين لحظة على ذمتي اني ماعندي مرة اجذب و تلعب بذيلهة كامت تبجي و تتوسلي و عرفت بيهة تشرب من بداية زواجنة يعني وكفت عقلي ليش شنو السبب والعباس ممقصر وياهة بشيء حاطهة بين عيوني و صابر وياهة ع الحلوة و ع المرة ثمن(للكاتبة طيبة الربيعي)سنين محروم من الاطفال هنا هناك ما فديوم فتحت الموضوع وياهة حتى ماجرح مشاعرهة هي هاي جزاتي 《 هَلْ جَزَاءُ الْإِحْسَانِ إِلَّا الْإِحْسَانُ 》الله كايل واني طبقت شرع رب العالمين بس ماجازتني بالاحسان بس اريد اعرف شنو السبب الخلاهة تشرب حبوب منع حمل شو احبهة و تحبني و برضاتهة وافقت بية الاعرفهة اهلهة ميغصبون و قبل لا اخطبهة حجيت وياهة و جانت طايرة من الفرح، لزمتهة كطعتهة تكطع شوهتهة طلعت حركة كلبي بيهة وديتهة لاهلهة مدماية شمرتهة بالباب و طلعت كبل لبيت اهلي طبيت فاير ماضل شيء كدامي ماكسرتة سودة اعلية امي انقهرت حجيتلهة كلشي و هية جان بنفسهة تشوف حفيدهة و تحملة بين ايديهة اني حرمتهة صوجي مانتبهت على حركاتهة شمدريني نايم و المي تجري من جواية، اني شهاب الينضرب بية المثل على ذكائي اعيش بجذبة ثمن سنين يا ظالمة ثمن سنين صابر علىاحتقارج لاهلي و احتقار اهلج الية بس بسيطة اعرف شلون اكسرج، بقيت يم اهلي سبوع من اشوف وتين ارتاح نفسياً هاي البنية تدخل الطمأنينة بكلبي ابرائتهة ابهدوئهة، من شافني بهل حالة هية و سرى هاي الجيبلي الاكل تحطة كدامي و توكلني و هاي التفرجلي و ذيج التحضرلي هدومي قبل لا اطلع للدوام بس محد تفك حلكهة وياية يخافن اعيط بيهن لان حيل جانت نفسيتي تعبانة مو سهلة انخدع ثمن سنين، فد يوم طلعت للدوام الظهر بس تفاجئت محفظتي مو وياية كلبت السيارة نكتت ملابسي نكت ماكو معقولة نسيتهة مدري بالي وين، رجعت فتت من يم مدرسة وتين و سرى لان صايرة بطريقي للبيت واني بالسيارة لمحت وتين و سرى يم دكان يشترن بس وتين مالابسة(الحجاب صعدت عندي للستار ردت انزل اشلع جلدهة من عضمهة و منا ولد واكفين بسيطة وتين كل هذا من ورة ظهري شنو شادلي كرون واني مادري صدك ردت انزل اسحلهة سحل بس لعنت الشيطان و ضميت حسابهة بالبيت رجعت للبيت انتظرت بالحوش اكبال الباب حاط ايدية ورة ظهري واروح منا و اجي منا وافرك وجهي و انعل الشيطان خاف اسوي شيء بيهة بعدين اندم عليه امي شافتني سألتني كتلهة لتدخلين طبي جوة تفاجئت من تصرفي بقت كاعدة ع القنفة البرة، عود اني مأمن أمير عليهن شنو مايشوفهة من تطلع زين بالردة مو هو يجيبهن و هسه وقت حلتهة اكيد يطلع من دوامة كبل الهن، بس بسيطة وين تروحين من ايدي مايخلصج مني اليوم غير ربج

وتين ...يومية شهاب يطلع قبلنة للدوام فأنزع الحجاب براحة و ميرجع الة لليل و مرات يبات هناك، اليوم مطلع الصبح فأضطريت البسة بس شنو غير صعدت حرارتي و حالتي صارت للأسوء اول مطبيت للمدرسة نزعتة و كبل للحمامات بللت وجهي و ركبتي و كعدت سرى تهفيلي ماعت روحي وراسي موتني، كال انو يروح الظهر الحمدلله يروح يعني اكدر ارجع بدون حجاب المهم طلعنة نشتري بين ما أمير يجي من كليتة جنت مشتهية كيكة و عصير اشتريت شربتة هناك لان حارتلي و مايعة روحي، ورة عشر دقايق اجة أمير فرحان طلع ماخذ درجة عالية بأمتحان الاحياء كولش شاطر ميهتم غير بدراستة، نمشي و نسولف اني و سرى فرحانات على فرحتة وصلنة للبيت فتح امير الباب من فوك وطبينة نضحك بس اختفت البسمة من على وجهي من شفت شهاب يمشي بالحوش ايديه ورة ظهرة و شكلة ميتفسر بس مو هنا المصيبة بقيت متحنطة ابمكاني ملابسة حجاب و من اجت عينة بعيني وكف محدق بية عرفت اليوم نهايتي على ايدة ماكو مفر، عبالي حيهجم علية و يكسرني بس أشرلي بيديه تعاي تعاي وراية، باوعت لخالتي مخطوف لونهة و رجعت باوعت لأمير و لسرى محد كدر يتحرك من مكانة رحت ورا و رجلية حسيتهن ثكلن

شهاب ...ظليت على نار انتظرهة تعتب حدود الباب بس ماأذيهة مايطيني كلبي، دخلت ورة شوية تضحك وياهم اجت عيني بعينهة جمدت بمكانهة تعرف نفسهة غلطانة اشرتلهة تجي وراية طبيت للأستقبال دخلت وراية قفلت الباب و تقدمت عليهة وكفت كدامهة ايد خالهة ورةظهري و الثانية مسحت بيهة على وجهي

وتين ...طبيت ورا منزلة راسي و افرك بيدية تمنيت بهل لحظة شعر ماعندي تمنيت الكاع تنشك و تبلعني تمنيت اتبخر ولا اشوف نظرتة هاية انقبض كلبي وية قفلة الباب وكف كدامي يمسح بوجهة ورجع خلة ايديه ثنيناتهن ورة ظهرة

وتين: م ...

شهاب: اششش، ولا كلمة، سمعيني زين

شوية شوية نبرة صوتة تعلة

شهاب: حجبتج بيدية علمود احميج من عيون قذارة المجتمع طيتج ثقة اظاهر زايدة عليج بهواي طلعت مخدوع بيج خنتي الثقة و عملتج هاي من ورة ظهري مانساهة راح تبقة محفورة بمكان معين بذاكرتي لا تشوفيني متساهل وياج و مدللج مراح ترتاحين من بعد اليوم منا و جاي راح تشوفين شهاب الثاني شهاب القاسي شهاب الضابط اليهابة الصغير قبل الجبير(وتين: والل ...

عاط بيهة: ولا كلمة!

وتين ...ماعرف شصار بية من عيط بوجهي حسيت جسمي ارتعش و دمعتي نزلت واني مدنكة

بصوت عالي: مو اهلج ماتو عبالج هذا الذيل يلعب براحتة لا اني موجود و هسه انتي تحت جناحي و ذيلج اذا لعب منا لو منا ينكطع اكطعة باسناني شفتي هواي دلال بهذا البيت مشايفتة ابيت ابوج بس منا و جاي انتي و الماكو سوة مدرسة انسيهة و اذا رجلج عتبت باب البيت تنشل اعتبري نفسج متي بعيني من ذيج اللحظة الشفتج بيهة يم الدكان بدون حجاب و نظرات الشباب ماكلتج من فوك اليجوة، امشي من خلقتي اختفي ماريد اشوف جهرتج منا و جاي اكلج بالغرفة مطلعين كدامي يلة ولي من خلقتي!

وتين ...كلامةمثل حديدة انضربت براسي براكين بداخلي اريد اطلعهة بس اكتفيت ابجي بصمت، شلون يحجي هيجي وياية صح يتيمة بس مجبرت احد ياخذني لاحضانة من جاب طاري اهلي حسيت سجينة و هشمت احشائي تهشيم رحت ركض الغرفتي حيل اذاني بكلامة طلعني بنت شوارع حكم علية بدون ميعرف السبب الخلاني انزعة كلامة كسرني هل مرة صدك حسيت نفسي يتيمة بكل ما تحتويه الكلمة من معنى، قفلت باب الغرفة حسيت بدوار بدلت و كعدت ع الجرابية مصدومة نزلن دموعي مثل البراكين من تهيج و تنفجر دفنت وجهي بالمخدة وصرخت بأعلى حسي لحد ما حنجرتي انكطعت ماسمع صوتي بعد

(للكاتبة طيبة الربيعي)

فتح شهاب الباب مال استقبال

ام شهاب: ولك يمة ليش هيج هاي الطفلة يتيمة ليش هيج تحاجيهة

جانت سرى تبجي و أمير وجهة اصفر على اخضر من خوفة على مشاعر وتين

شهاب: كلة من وراج دللتيهة زيادة و اذا يتيمة اليتيمة تصيع!

ام شهاب: ولك يمة هاي طفلة شتفتهم

شهاب: كافي يمة وانتة امير عود انتة زلمة البيت و مأمنك عليهن ثنينهن تخلي اختك بدون حجاب؟ وين غيرتك يبو الغيرة! ماعرفتك هيج ماعندك كلمة و تردهة

امير: شهاب ...

شهاب: اشش ماريد اسمع شيء منكم يمة دكي هذا الكلام لوحة بحيطان البيت اذا شفتهة كاعدة ويانة ع السفرة لو متواجدة كدام عيني ما تلومون الة نفسكم خلة و طلع، دخلت سرى للغرفة شافت وتين دايرة ظهرهة للباب حاضنة المخدة و صوت شهكاتهة تكطع الكلب كلهة حسرة و كسرة، بدلت و حضنتهة من ورة وصارت تبجي وياهة و تلعب بشعرهة اما وتين مثل الجثة بس عيون تصب

شهاب ...اااخ ااخ عمي نسوان لو بلوة ولكم اني شهاب انخدع من ثنين نسوان لا و الثانية زعطوطة ماعابرة سن البلوغ بس هينوتين هين لا ما امشيج ع السراط المستقيم و اخليج ترجفين من خيالي ما يسموني شهاب، بس مجان اكو داعي اجيب طاري اهلهة هو اني من الحركَة عرفت اسيطر على لساني زين مني ماذبحتهة و شربت من دمهة، اجاني اتصال من ابو ميساء رديت بثكل همزين طلعت منهم حتى احجي وياه بخصوص الطلاك، رديت كلي تعال عندي حجاية وياك، بدلت شخطت السيارة و رحت بعدة دمي فاير(ام شهاب: يمة وتونة كومي اكليلج لكمة

سرى: يوم عوفيهة اني وياهة بعدين ناكل

ام شهاب: ميصير يمة ماماكلة شيء من الصبح

سرى: ميخالف ماما بعدين

عضت شفتهة و اشرتلهة تعوفهم وحدهم خطية المرة طلعت محجت شيء اما امير ضل كاعد بالغرفة و ايديه على راسة مجان اكو داعي شهاب يحجي وياهة هيج مهما يكون طفلةشهاب ...وصلت البيتهم و دكيت الباب طلعولي اخوتهة متنكين اني هم رديت السلام بثكل دخلت كعدت بالصالة اجة ابوهة كلي اعذرنة و البدر منهة غلط جبير وامسحهة بوجهي ماجنت اعرف و من هل كلام كتلة مختصر الحجي ميساء ماتدخل بيتي بعد ورقة طلاكه توصللهة باجر اذا مو اليوم

كلي قبل لا تسوي شيء ثنينكم تندمون عليه بعدين اسمع منهة السبب الخلاهة ترتكب هل اثم كتلة انتة كلتهة بلسانك "أثم" و الأثم ربك ما يغفرة تريدني اني بشر عادي اغفرلهة ولا كانو حرمتني من الاطفال ثمن سنين فوك كل هذا صابر عليهة و حاطهة على راسي، المهم دخلت و ابوهة عافنة وحدنه كتلهة سمعي يا بنت الناس اني ماجاي ارجعج و الطلاك ماتراجع عنة، كبل وكعت على رجلي تبجي و تتوسل اسمعهة دفعتهة عني و كعدت كتلهة احجي شعندج حتى باجر عكبة ماظلمج كدام الله و الخلك كعدت بصفي و اخذت ايدي كالت ميساء: والله سويت هل شيء خارج عن ارادتي و الكاظم ابد مخنتك لو حبيت غيرك بالعكس جنت اتمنة اجيب منك طفل يحمل اسمك من بطني بس شربت حبوب لان ابداية زواجنة رحت للدكتورة كالت رحمج تعبان مو مال يحمل طفل و اذا حبلتي...

البارت الخامس

(للكاتبة طيبة الربيعي)

لو يسقط و يفجر رحمج و بهل حالة لازم ينشال لو تموتين بالولادة صدكني احبك و اموت عليك

وخرت ايدي من ايدهة: لج انتي شتحجين غير تكليلي بوكتهة! غير تحجين ماضمين علية! مو كتلج اني احبج ماريد جهال طالما انتي يمي و شجم مرة كتلج اذا مصار عدنة اطفال مو مشكلة نتبنة الايتام خير من الله هم نكسب اجر و هم نربي! شلون اضمين علية واني مفرفح عليج اخاف اكسرج بحجاية!

تبجي و تحجي: والله كتلك خفت على نفسي

صرخت: جا غير تكليلي يعني لو كايلتلي اخليج تحبلين!!! ولج تتوقعين مني اعوفج! حلفتلج ع القرءان لو مني الغلط اتركج تتهنين بحياتج و اذا عندج العقم اضل وياج لآخر نفس يدخل ريتي، هية هاي جزاتي! اضمين علية و تعيشيني بوهم ثمن سنين يا ساقطة جهرتج ماشوفهة بعد و هسه رايح اطلكج و فلوس المؤخر تجيج لان اعرفج تموتين ع الفلس الاحمر تكتلين نفسج

خليت و عفتهة تبجي و تتوسل ماطلكهة?

كعدت وتين بالكاع بصف الصينية كوة ادخل اللكمة بحلكهة و دموعهة تجري و تشهك ورة تلث لكم اربعة بطلت تاكل لان شوية و تتقيء اذا كملت

شهاب ...هية مو بس غلطت كسرت كلمتي و اليكسر كلمتي يشوف وجهي الثاني، لو كايلتلي يابة شهاب اني ماريد البس الحجاب يمكن افكر اوافق مدامهة ممقتنعة بس تنزعة من ورة ظهري لا حيل جبيرة، سرى كلتلي مماكلة من البارحة كلبي انكسر عليهة لهذا السبب رحت عطت بيهة حتة تاكل، خلصنة ريوك وجنت ابدل حتة اروح للدوام اضل اسبوع

اجازتي طولت، دخلت سرى مرتبكة

سرى: شهاب ممكن احجي وياك

شهاب يعدل ياختة كدام المراية: كولي سرى شعندج سرى: بخصوص وتين خلي ...

شهاب: شش لجيبيلي سيرتهة

سرى: فدوة شهاب بس اسمعني والله ظلمتهة

شهاب: سرى!

سرى نزلت راسهة وكالت: ماشي

شهاب: خلصت الأكل؟

سرى: ةةة شسمة ، يي

باوعلهة شهاب عرفهة جذبت، رش عطر اخذ موبايلة الجكاير و المحفظة و نزل

سرى ...يبووو مصدكني واني ماعرف اجذب، نزل معصب نزلت ورا خاف يسويلهة شي ولو هو يخاف عليهة اكثر من روحة

وتين ...جنت اريد اودي الصينية دخل شهاب كمت ارجف والصينية بيدي

باوع شهاب للصينية شاف الاكل بعدة

شهاب: اني شحجيت؟!

وتين باعت لسرى بنظرات تحتاج مساعدة تنجيهة بس سرى متكدر تدخل و حتة لو ادخلت مراح تكدر تهدي شهاب

شهاب: ليش مماكلة؟!

وتين صارت تمتمت: هذا شسمة

صرخ: ليش!

فزت وتين نزلت دمعتهة بصمت: ماشتهي والله

شهاب: اني شحجيت قبل شوية شحجيت؟

وتين: بس ماريد هية كوةشهاب: ها عيني؟! صايرة لسان و تراددين هم من شوكت هاي يابة

وتين: مو قصدي والله

شهاب: اش كافي و عساج ماكلتي انشاءلله

و عافهم و طلع لشغلة

سرى ...سودة اعلية كامت تبجي وتين اخذت منهة الصينية وديتهة بوستهة وامي همينة واستهة كلتلهة لتبجين هو يحبج بس حقة شافج نازعتة من ورة ظهرة المفروض من البداية تحجيلة، هم صح كلام ماما المفروض من البداية نكولة بس هو جرحهة لأهلهة حيل صعب و الي عرفتة علاقتة خربامة بميساء ماعرف بعد يبقة وياهة لو يطلكهة لان يبات يمنة هل ايام و ماسمعة يحجي بالفون وياهة، كوة قنعت امي وتين تاكل سوتلهة لفة دجاج فلستة الهة بالكوة اكلتة و دموعهة تصب

شهاب ...اخ يا علة كلبي بعدني ماشافي من ميساء طلعتلي وتين كرهني بالجنس اللطيف عمي يا لطيف هذا بس الله اللطيف، ولصت لديالى واني روحي طافرة و منا الدوام راح يزيد علية بس فكري يم وتين شلون خالفت كلامي شلون!

وتين ...مر يومين و شهاب بالدوام واني ممداومة لان ميقبل بعد ماكدر اسوي شي من دون ماحصل الموافقة منة(للكاتبة طيبة الربيعي)

سرى ...جنة كاعدين اني و وتين بالغرفة سمعنة صوت ناس وتين مهتمت جانت صايرة بس تصفن، طلعت شفت ناس وامي و ابوية شكلهم مينوصف طبيت سلمت و امي اشرتلي يعني اضيفهم

ام شهاب: شعجب هسه يلة اذكرتو عدكم بت اخو

عم وتين: يا جماعة انتو تعرفون اني طلعت للخارج من زمان بسبب طمع اخوتي و كل الصار مسمعت بي الة قبل فترة اخوي الجبير خبرني تفاجئت و حجزت اقرب حجز

ابو شهاب: يعني ماتعرف ابنت اخوك انباك حلالهة ماكلك هية بدون اهل لان هية بتنة و شايليهة فوك راسنة الله شاهد و حاسبينهة مثل جهالنة بس البنية تبرو حتة عمامهة و مافكرو بنية معابرة العشر سنين وين تروح وين تعيش

عم وتين: سمعت سمعت بس شنو سالفة الحلال يا حلال؟(للكاتبة طيبة الربيعي)

ابو شهاب: ابو وتين الله يرحمة

الكاعدين: الله يرحمة

ابو شهاب: جان عندة كيعان بالكوت و محلات ثنين هنا ابغداد من مات اخوتك نهبوهن مدري شلون بس عدهم واسطات عالية مافكرو بهاي اليتيمة حتة بيت ابوهة الهنا سجلو باسمهم

عم وتين: ااه؟ شوكت هذا الحجي

ام شهاب: هذا الحجي من قبل 7 سنين جنت كاعدة وياهة ابيت ابوهة كلت ماطلعهة منة لان هية رادت تبقة تشم بي ريحة اهلهة بس فجاة اجانة خبر لازم نفرغ البيت و تاكدنة من شفنة العقد اظاهر التخطيط من قبل لياخذ الله امانتة

ابو شهاب: بس وتين بتنة و لا عبالكم ماعدهة اهل احنه اهلهة و هية مو بعازة احد مادام الله موجود

هم وتين: والله ماعرف شكللكم مقصرتو اخذتوهة بالاحضان بوقت المفروض عمامهة الياخذوهة بس صدكوني لو اعرف بكل هذا جان ما خليتهم يلعبون بذيلهم و يرتكبون هل أثم

ام شهاب: بعد صار الي صار و بنت اختي مو بحاجة احد(للكاتبة طيبة الربيعي)

عم وتين: واني هسه رجعت ماكو داعي تبقة يمكم بعد وانتو عدكم ولد و يحلون عليهة مارضة بنت اخوي تضل بمكان بي شباب مشوربين عذروني على كلامي اعرفكم خوش ناس بس احنه ناس ملتزمين

ام شهاب بقلق و خوف: شلون يعني؟

عم وتين: يعني جاي اخذهة يمي

ابو شهاب: بس انتة هم عندك ابن جبير

عم وتين: اعرف و فكرت بهذا قبل لا اجي

ابو شهاب: و شنو الحل؟

عم وتين: يزوجهة على سنة الله و رسولة وهوة ابن عمهة و اولة بيهة

ام شهاب بصدمة: شنو؟!

ابو شهاب: احنه منقرر نيابة عنهة

عم وتين: اعرف الخيار يرجعلهة و اذا مرادتنة و اصرت تضل يمكم مامنعهة بالعكس أامن يمكم واني يومية ازورهة و اعوضهة عن حنان العم الماحصلتة من عمامهة الباقين(للكاتبة طيبة الربيعي)

ام شهاب: مستحيل تاخذوهة هاي بتي اني ربيتهة و كبرتهة وية جهالي

عم وتين: ماغصبهة اني تجي وياية كتلكم خل تجي نحجي و اذا عجبهة تجي وياي هلة بيهة و ازوجهة لرائد يحطهة بعينة

سرى ...بعد مقدمتلهم طلعت كعدت يم الدرج اسمع شيحجون، صدمني السمعتة مستحيل ياخذوهة لا ابد هاية اختي

وتين ...جنت كاعدة طبت خالتي بس شكلهة ميتفسر و الدموع لازكة بجفنهة

وتين: خير خالتي شبيج

باستهة و مسحت على شعرهة: حبيبة خالتج اجة شخص عليج لازم تشوفي

وتين بأستغراب: منو؟(للكاتبة طيبة الربيعي)

ام شهاب: تعاي طلعي كاعد ينتظر بالهول

وتين: ماشي بس البس حجابي

ام شهاب: لا لتلبسين

وتين باستغراب: شلون؟

ام شهاب: مو غريب تعاي

طلعت ورة خالتي واني مستغربة منيلي كرايب الاعرفة كلهم طماعين و كلاب

(للكاتبة طيبة الربيعي)

يتبع...🌺🌺🌺

البارت السادس

(للكاتبة طيبة الربيعي)

منو يذكرني بعد كل هاي السنين، طبيت ورة خالتي شفت رجال جبير سلمت و كعدت بنص خالة و عمو

عم وتين: شلونج عمو وتين

باوعت لخالتي ادور جواب بعينهة

ام شهاب: وتونة هذا عمج جان مسافر متذكري لان جنتي صغيرة من طلع للخارج

وتين: عمي؟ ههه شعجب اذكرتني بعد كل هاي السنين

عم وتين: حبيبتي عمو تعاي اشمج انتي بقيتي من ريحة المرحوم حتة مالحكت اودعة و ماجنت ادري بشي الة قبل جم يوم محد خبرني ضمو علية

وتين: يعني انتة عمي؟

عم وتين: اي عمو اني عمج الصغير

ابو شهاب: كومي بوسي عمو كومي هذا عمج مو غريب

كمت هو كام وياية حضني حيل و بجة بس اني محضنتة بعدني مستغربة

عم وتين: اوف يا عمو الصار لهلج كسرني بس ابوج جان عندي صلة قوية بي من طلعت للخارج و انكطعت اخبارة عبالي تغير حالة حال اخوتي بس طلع متوفي واني مادري بشي

دمعت عيني اذكرت بابا حبيبي و ماما و ارجع و الومهم ليش عافوني، هذا امر ربي بس مو بيدي اشتاقلهم ابد ميروحون من بالي

رجع عم وتين كعد وكعدهة بصفة

عم وتين: شوفي عمو اني جيت و يجوز متصدكيني بس وروح المرحوم وداعة ترابة لو ادري جان ماضليت بالاردن تكة وحدة، وهسه اني جاي اعوضج اريدج تجين يمي و بيتي مفتوح الج شتكولين؟

ردت ارفض بس اذكرت كلام شهاب و اهانتة الية وشلون عيرني بأهلي، باوعت لخالتي شكلهة يوحيلي ارفض باوعت لعمو نفس ردة الفعل البوجه خالتي، رغم الحياة السعيدة العشتهة وياهم كلام شهاب خرب كلشي و مراح ابقة هنا بعد لازم اروح وية عمي صح ماعرفة و ماعرف شنو طبعة بس الأعرفة اني ماريد ابقة هنا بعد

وتين: عمو اجي وياك

انصدمو الي يسمعون ومن ضمنهم سرى الي خلت ايدهة على حلكهة و نزلت دمعتهة

باسهة عمهة وكال: حبيبتي عمو وعد مني اعوضج و عمامج الله يعثرهم علة عملتهم السودة، من بعد اذنكم اني اخذ بنت اخوية بعد متكون مستعدة

ام شهاب: اكيد مثل متريد الشور شورهة

عم وتين: لعد كومي حضري غراضج عمو حتة نروج

وتين: اوك رحت للغرفة بسرعة دخلت سديت الباب كوة جريت النفس بجيت بحركة دخلت سرى و عيونهة مورمات

سرى: يعني تروحين و تعوفينة

حضنتهة حيل و كمنة نبجي

وتين: سرى احبكم والله

بعدتني: لعد ليش تريدين تروحين

وتين: ...

سرى: وتين بسبب شهاب موو؟

وتين: لا سرى بس اني طولت هنا ماريد اثكل اكثر 7 سنين مو شوية و عمي اجة بعد اريد ابقة يمة لان يشبه بابا الله يرحمة

سرى ضلت تبجي و وتين تبوس بيهة و تبجي دخلت الخالة بوست وتين وهمينة تبجي حضنتهة وتين

ام شهاب: وتونة خاف قصرنة وياج فد يوم عذرينة خالة انتي بنيتي و بيتي مفتوح الج لا تروحين

وتين: لا خالة محد مثلكم دللني والله و مشفت منكم شر بس اني اريد اعيش وية عمي و هذا قراري

ضلن يبجن و يبوسن ابعض بعدين بدت وتين تحضر ملابسهة و غراضهة و من ضمنهن الهدايا الجان امير يجيبهن الهة، بجت هواية بعدين مسحت دموعهة و طلعت ودعت عمهة ابو شهاب و اول مرة تنزل دمعتة مسحتهن بيديهة و بوست ايدة و راسة، أمير طالع ميدري بشي و جانت وتين تتمنة تودعة تبوسة و تشمة بس مموجودوتين ...طلعت و روحي بقت يمهم بس روحتي هاية احسن الية و الهم ماانسة سنيني الحلوة وياهم و الدلال مالة شهاب

شهاب مادري شنو البي مميز يخليني احس بالامان يمة و كلبي يكوم يدك سريع من اسمع صوتة لو يصير قريب عليةصح كلامة جرحني بس اني جان المفروض احجيلة من البداية، ماانسةة شلون جان يفرنة بكل مكان و الي يجيبة السرى يجيبة الية، اووف اني مكتوبلي ماستقر ولا اتهنة لازم فرحتي يخربهة فد حدث، وصلنة لبيت عمو جبير كلش فتت وية عمي استقبلونة مرة شوية جبيرة و ولد شاب

ام رائد: يا هلا بوتين فدوة لكلبج كبرانة

وتين بخجل: وبيج خالة

رائد: نورتي البيت

وتين: تسلم(لعم وتين: ام رائد اخذيهة ترتاح هسه بعدين نحجي

اخذتني مراة عمي لغرفة جبيرة حلوة و مرتبة، بيهة سرير مال نفر و ميز ابو المراية و كنتور بي تلث بوب ابيض و لون الغرفة وردي فااتح، كالتلي اخذي راحتج بعدين نحجي وطلعت، صحيح بيت عمي و بي ريحة بابا بس حسيت نفسي غريبة واريد ارجع بس كرامتي فوك رغبتي، صفطت ملابسي بالكنتور و بدلت ملابسي لملابس بيت و الحجاب ضميتة، سويت شعري ضفيرة و بقيت كاعدة ماعرف شسوي حتة تليفون معندي الهي نفسي بي لان شهاب ميقبل اني و سرى يصير عدنه فون يكول بعدجن صغار، يا ترى منو هذا الشاب يمكن ابن عمي اكيد ابن عمي لعد منو غيرة، بعد تفكير عميق غفيت ع الجرباية

سرى ...لحد هسه اني ابجي علة وتين يعني هسه اني راح ارجع وحدي ماعندي اخت اشكيلهة لو اتعارك وياهة، فزيت علة صوت الباب مال حوش انفتح ركضت هذا أمير

ركضت حضنتة: أمير

أمير: سراوي؟ شبيج؟؟

بعدت عنة: وتين(أمير بفزع: شبيهة وتين، احجي

ام شهاب: ها يمة جيت تعال طب

طب أمير كلتلة سرى اخذهة عمهة بموافقتهة

أمير: شلووون! مستحيل وتين تعوفنة و تروح

ام شهاب: بعد هذا الصار يمة لحد يخبر شهاب وهو بالخطر مناقصة مشاكل

وتين ...كعدت الصبح صنطة البيت مابي حركة يمكن نايمين ممتعودة الصبح هيج هدوء ابيت خالتي صوت امير من يعيط علينة حتة نكعد و منأخرة على دوامة(لان هو يوصلنة مشي بعدين تكسي للكلية، طلعت بهدوء امشي علة اطراف اصابعي غسلت و رجعت لغرفتي سديت الباب وكعدت افكر هاية اول مرة ابات ابيت غير بيتنة و بيت خالتي، ممتعودة و البارحة كوة غفيت، بقيت انتظر تقريباً نص ساعة و اندك الباب دخلت مراة عمي

ام رائد: كاعدة؟

وتين: اي خالة صباح الخير

ام رائد: صباح النور حبيبتي يلة تعاي نتريك توة عمج كعد

وتين: ماشي

طلعت وية خالة بس ممرتاحة شلون حاكل وياهم استحي

ساعدتهة خلينة الاكل ع الميز، اشو ياكلون ع الميز؟ شعجب؟

المهم كعدنة واجة ابن عمي عرفت اسمة رائد من امة كالت هسه يجي رائد

رائد: صباح الخير

الجميع: صباح النوررائد ...مرحبا اني رائد مخلص جامعة دكتور عمري 26 رجعت وي اهلي للعراق لان ابوي قرر يفتح محل هناك واني هم جيت اساعدة و بنفس الوقت مليت من الغربة، من سمعت بالصار وي عمي تأذيت لان شفت والدي مكسور و امي تواسي بي و الدموع داكة طابع بعيونهة، بس الصار بعمي و زوجتة بكون و السوو عمامي الباقين بكون ثاني يعني بت اخوهم نبذوهة كلهم والله شنو خالتهة معتنية بيهة، صدك جذب خربت الدنيا خوما خربت بت عمي يتيمة و ابيت مو بيتهة صح خالتهة مو غريبة بس ميجوز السمعتة عدهة ثنين ولد مشوربين مو هلله هلله، والدي قرر وي امي يجيبوهة تعيش يمنة واني ازوجهة موافقت بالبداية بس بعدين قنعني والدي و كال بت عمك و يتيمة ميصير تروح لغريب ميخاف الله بيهة و يعذبهة علة انو ماعدهة اهل يسندونهة، واني وافقت بعد عناء لان صغيرة 15 سنة شمعرفهة بالدنيا، كتلة بشرط ازوجهة بس كدام العالم،ماتقربلهة لحد متكبر و تعبر ال 18، تقبلو الشرط و الوالد راح جابهة من دخلت عبالي حورية مو بشر والله جمال صح الاوربيات شكر و عيون ملونة بس دمهن جامد مو مثل بت عمي سمارهة وي لون عيونهة فد شي، الله يحفظهة من العين فدوة شكد محبوبة ثاني يوم صبحت عليهم وجانت كاعدة بس مبين تستحي حقهة بيوم و ليلة عرفت عدهة عم حنين بعد 7 سنين من وفاة اهلهة

سرى ...مرن 6 ايام علة روحة وتين شهاب كل ميخابر يطمن علينة ميسأل عليهة ابد بس احسن امي كالت اذا عرف بروحتهة احتمال يعوف شغلة و يجي و تصيرلة مشكلة هذا ضابط شغلة مو لعب، واحنه همينة محد حجة اني صار واهسي زفت بالدراسة و التسألني عليهة بالمدرسة اكللهة مريضة ضاربتهة فلاوزنة بالغضم و مرات اتهرب لان تخنكني العبرة اذا حجيت ابجي لا ارادياً، أمير همينة مو مثل قبل يضحك و يسولف مخلص وقتة بين الدوام و الطلعة ميدخل للبيت الة ينعس حتة ميفكر بوتين، جنة مثل الثلاثي المرح صح أمير جبير بس(للكاتبة طيبة الربيعي) ميحسسنة انو اني و وتين صغار بالعكس يعاملنة مثل الاميرات هم دلال و هم معتبرنة فاهمات، ابوية بس ساكت و امي يومية تشبكني و تبجي و تكول كلة بسبب شهاب لو محاجي وياهة بهل طريقة مجان وافقت تروح ويةعمهة، و صحيح لو محاجي وياهة شهاب مجان راحت لان يقين تحبنة و حتة من نبات ابيت عمي تلح علة خالتي نرجع لان مترتاح ابيت الغريب، الله اليعلم هسه تعودت لو لا تاكل تشرب تنام براحة؟ كل هاي الأسئلة ادور ابالي اتمنة احجي وياهة ماعدهة فون، ثاني يوم اجة شهاب من الدوام طب سلم و كعد شوية ويانة سألو امي و ابوية علة شغلة و من هل سوالف بعدين صعد لغرفتة و منزل الة بوقت الغدة، بابا بالشغل و أمير طالع اليوم عطلة وبس اني وامي و شهاب ع السفرة

شهاب: اكلت؟(للكاتبة طيبة الربيعي)

باوعت لامي حسيتهة ارتبكت

شهاب: شبيج انطرشتي؟!

سرى كامت تمتمت: م ماادري

شهاب: شنو مادري شبيكم ساكتين متحجون

ام شهاب: يمة وتين راحت وي عمهة

شهاب وكعت من ايدة الخاشوكة و باوع لمة قاطب حاجبة

شهاب: شنو؟

ام شهاب: اي يمة اجة عمهة ياخذهة وهية راحت ويا بموافقتهة

شهاب: يا عم هذا؟! ومن شوكت راحت اني رجل الكرسي بالبيت ؟! ليش ماعندي علم!

ام شهاب: علة كيفك يمة شبيك عمهة رجع من السفر و مجان يدري بالصار و من سمع بوفاة اخو و مرتة و عرف بتهم حقهة مأخوذ اجة ياخذهة محد جبرهة تروح هية رادت(

كام شهاب و صار يعيط

شهاب: شنو راحت شنو عمهة رجع من شوكت يحبونهة و يردونهة!!! ليش ماكلتولي ليش ماحجيتو!!!!

سرى صارت حمرة علة صفرة من شافت شهاب بهل شكل

سرى ...شهاب صار مثل الثور الهايج شمر الاكل و كام يعيط اني خفت مو منة! لا! خفت علة وتين شراح يسوي بيهة ياربي سترك

ام شهاب: وين رايح يمةة

شهاب: رايح اجيب بت اختج! مو هية الدنيا فلتانة تروح بكيفهة، انعل ابو الدلال يابو اليدلل البنات!

سرى ...صعد شهاب ورة خمس دقايق نزل مبدل صحنة عليه امي صاحت لتروح بس مسمعهة طبك الباب حيل

سرى: يمة يمة اطيني تليفووونج بسرعةة

ام شهاب: ليش يمة

سرى: ماما بس كليلي عندج رقم عمهة؟؟

ام شهاب: اي موجود شتسوين بي ولج فهميني؟؟؟

سرى: ماما بعدين

ركضت فوك دكيت علة الرقم يدك يدك ورة اربع رنات جاوب صوت خشن

رائد: الو؟(للكاتبة طيبة الربيعي)

سرى: الوو عمو

رائد: تفضلي منو؟

سرى: عمو اني بت خالة وتين ممكن احجي وياهة ضروري

رائد: ثواني .....وتيين!

وتين ...جنت كاعدة بالمطبخ اخلي اكل لطيور الحب جابهن عمو الية، سمعت رائد يصيحلي كمت ركض

وتين: ها جيت

(للكاتبة طيبة الربيعي)

يتبع...🌺🌺🌺

البارت السابع

(للكاتبة طيبة الربيعي)

اطاني الفون وكال: بت خالتج

و راح، كبل جاوبت عرفت سرى مشتاقتلهة موووت

وتين: سرى!!

سرى: وتونة حياااتي

وتين: وييينج مشتاقتلج ليش متسألين علية

سرى: ولج سمعيني مو وكت اشتياق هسه

وتين: شكو ولج خالة بيهةة شيي عمو بي شيي!!

سرى: لج شهاب توة عرف رحتي كلب الدنيا و هسه بطريقة لبيت عمج علمود يرجعج فدوة لتعاندي رجعي وياه لان كلش عصبي و خايفين ليسوي شي

وتين: شنو

سرى: سوي الكتلج عليه هسه من تجينة افهمج

وتين: ماشي ماشي(للكاتبة طيبة الربيعي)

سرى: يلة روحي حضري هسه من اشوفج نحجي

وتين: ماشي مع السلامة

سرى: مع السلامة

من كالتلي هيج سرى كلبي كام يدك سريع يعني شهاب مجان يدري؟ صارلي سبوع هنا اني استغربت مسأل علية مع انو عمو و خالة جانو يومية يحجون وياية، شفت رائد اطيتة الفون تشكرت منة و صعدت لغرفتي سديت الباب وكعدت ع الجرباية اجر النفس بالكوة يعني شهاب راح يجي!

رائد ...اليوم مارحت للدوام لان منتظر اتصال ضروري من هولندا علمود يدزولي اوراقي مال دكتورا و اتفق وياهم ع العنوان، طبعا يتصلون علة تليفون والدي لان بعدني ماجايب سيمكارت و تلفوني سادة حاطة بالغرفة استعملة علمود النت فقط، دك التليفون رقم مكتوب عليه حسن جاوبت طلعتلي بنية صوتهة كلة انوثة تكلي عمو! بلة اني عمو صدك جذب(للكاتبة طيبة الربيعي)

طلعت بت خالة وتين اطيتهيا و طلعت من الهول حتة تحجي براحتهة بس ضجت شنو عمو هية لو تشوفني تكول عمو غير اشنقهة، بعدين جابتة وتين شكلهة ميتفسر محبيت اسالهة و ادخل اخذت الموبايل و رجعت للهول انتظر

شهاب ...من طلعت من بيتنة واني معصب علة وتين لان متاكل لحد هسه فكري كلة بيهة حتة الوياي بالدوام لاحظو من يسألوني اكللهم مشاكل عائلية، انتظرت الاسبوع يخلص بفارغ الصبر حتة اشوفهة صح الي هسه شايل عليهة بس تبقة وتين كلبي ماكدر اذا ماشوفهة، مسألت عليهة من حجيت وي اهلي حتة يعرفون مو اني التنعمل هل عملة السودة من ورة ظهرة، رجعت للبيت الصبح حيل تعبان فتت سلمت جانو كاعدين ماعدا امير و وتين مسألت كبل لغرفتي سبحت و بدلت غفيت شوية بعدين نزلت اتغدة والدي جان رايح للشغل و امير سالت كالو طالع، من سمعت بوتين رايحة مصدكت بس شفت امي تحجي بكل جدية، يعني صدك رايحة! هنا محسيت بنفسي الة اني شاخط السيارة و بطريقي لبيت عمهة بس لحظة اني حتة ماعرف بيتهم وين اتصلت بأمير(للكاتبة طيبة الربيعي)

شهاب: اطيني عنوان بيت عم وتين

أمير: شنو ليش

شهاب: اطيني العنوان بسرعة لتستجوبني

أمير: ماشي سجل يمك ...

اطاني العنوان سديتة و توجهت البيتهم

أمير ...من نبرة صوتة عرفت رايح يرجعهة حتة مسلم من اتصل كبل اطيني العنوان، ترخصت من اصدقائي ورجعت للبيت

أمير: شنو يمة شهاب ليش راد عنوان بيت عم وتين

ام شهاب: راح يجيبهة

أمير: شنو يجيبهة شو هو اكلهة حاصل فاصل شيجيبهة مستحيل ترضة ترجع ويا

ام شهاب: والله مادري يا يمة علواه لو ترجعلنة البيت مالة حس بدونهة

أمير: انشاءلله(للكاتبة طيبة الربيعي)

شهاب ...وصلت للمنطقة باوعت ع العنوان شفت بيت جبير مبين طاكين الجماعة، هسه يلة اذكرو اليتيمة الباكو حلالهة و شمروهة من بيت ابوهة؟! ركنت السيارة كدام البيت ونزلت دكيت الباب ورة شوية طلعلي شاب ابيضاني معضل، خرب يعني وتين عايشة تحت سقف واحد وي شاب غريب!!!!!! اني اعلمج يا وتين اصبريلي اذا ماربيتج من جدة وجديد ماطلع شهاب والقرءان

رائد: سلام عليكم تفضل

شهاب كالب خلقتة: انتة منو

رائد: ههه اعتقد انتة الداك بابي المفروض اني اوجهلك هل سؤال

شهاب: هذا مو بيت عم وتين؟!

رائد: اي بيتة انتة منو

شهاب: اني ابن خالتهة

رائد: اهلا تفضل اني ابن عمهة

شهاب ...يل كعبة انوب ابن عمهة

شهاب: وين وتين صيحهة

رائد: دفوت هسه كول يا الله شبيك مستعجل

طبيت واني روحي شايطة اذا لزمتهة غير اشرب من دمهة(للكاتبة طيبة الربيعي)

و هذا عايش وياهة بنفس البيت اسبوع كامل اسبوووع كاااامل اووف يل كعبة، دخلني لأستقبال جبير و فخم

رائد: تفضل

شهاب: وين وتين؟!

بهل أثناء دخل والد رائد

ابو رائد: يا اهلاً و اسهلاً منو الشاب؟

رائد: يابة ابن عم وتين

كبل صافحة عم وتين وكال: لك شهااب موو؟

شهاب: اي عمي شهاب

ابو رائد: ايي كبران صاير زلمة ولك ماتذكرني جنت صغير من طلعت اني للخارج

شهاب: والله يا عمي ليش الجذب ماذكر البارحة شأكلت(للكاتبة طيبة الربيعي)

ابو رائد: ههههه تفضل اكعد تفضل

شهاب ...كعدت لان عيب منة الرجال مبين كريم

شهاب: عمي ماريد اطول اني جاي اخذ وتين

ابو رائد: ليش وين؟

شهاب: للبيت يعني وين

ابو رائد: شنو زيارة قصدك

شهاب: لا ترجع وياية ماكو داعي تضل هنا بعدابو رائد: بس وتين تريد تضل هنا وين المشكلة و هذا بيتهة قبل ليكون بيت عمهة

شهاب: شوف عمي وتين بت خالتي واني ربيتهة علة ايدي و عايشة معززة مكرمة ابيت اهلي ماريدهة تطلع منة ماطول اني اشم الهوة واني مادري بيهة رايحة محد مخبرني جيت اليوم مالكيتهة بالبيت وهسه جاي ارجعهة البيتهة

ابو رائد: بس هية جتي بأرادتهة و متطلع منا اذا مو برضاتهة(للكاتبة طيبة الربيعي)

واني عمهة مو غريب

شهاب: عمهة بعيني و علة راسي بس مو جاي ورة سبع سنين مدري شكد تذكر عدك بت اخو وهاي اني احجيهة كدامك وتين تبريتو منهة كلكم(للكاتبة طيبة الربيعي)

و مالكت غير امي تاخذهة بالاحضان اخوتك ماقصرو نهبو حلال ابوهة نهب ومحد كلف نفسة طول هل مدة و سأل عليهة احنه ما نريد اصلاً احد يسأل عليهة لان معززة مكرمة ابيت خالتهة ماسمح لأكبر واحد يجي ياخذهة لو ابوهة يكعد من الكبر هسهابو رائد: شوف شهاب اني افتهمك وانتة ابن خالتهة و تعبتو بتربيتهة عاذرك هسه انتة منفعل بس صدكني ماعرفت الة قبل فترة وكبل رتبت اموري حتة ارجع اعيش هنا علمودهة لخاطر ارجعهة لاحضان عمهة وهذا ابني رائد شاهد علة كل كلمة تطلع من حلكي وروح المرحوم والدهة وتين عزيزة علية اكثر من روحي لان اخوي جان الوحيد اليسأل عني و مقدر ضروفي وابد ماكطع بس قبل سبع سنين من انكطعن اتصالاتة و من اتصل ماكو مغلق كلت هذا هو حالة حالهم تغير علية وحشو براسة بس بعد هل سنين حاولت اجيب اخبارة بالكوة و أضطريت اتصلت بأخوي الجبير و خبرني بالصار والشي الماعرفة هو باكو حلال اخوي و الصراحة اني ماكدر اسوي شي حتة ارجعة لان اخوتي طماعين واني شردت من طمعهم ماعندي سند هنا حتة ارجع النهبو(للكاتبة طيبة الربيعي)

شهاب: بس مو معناتها تاخذهة من عدنه وتين ربت علة ايدية ذني شايفهن مو بيوم و ليلة اخليهة تروح اذا اهلي رضو اني مارضة وهية عرضي اني ماريدهة تعيش ابيتك وانتة عندك زلمة مشورب يحل عليهة اني اخاف عليهة من نسمات الهوة شحال لو تبتعد مادري بيهة وين ماوين شتسوي متسوي اثق بيهة بس ماثق بالداير مدايرهة واحجيلكياهة لان اني رجال محافظ و اخاف ربي ماخاف علة اختي بكد ماخاف علة وتين وهسه اجيت برجلي اخذهة وياي

ابو رائد: خوش شوف اني مامنعهة منكم بس اني فكرت بهل سالفة ليكنلك فكر بس اذا ماتريد ترد وياك محد يجبرهة

شهاب: صيحهة و الله كريم

ابو رائد: كوم بابا صيحهة

رائد: صار يابة

شهاب ...انوب كام يصيحهة ااخ يابة بس خل نطلع سالمين منا يصير خير(للكاتبة طيبة الربيعي)

رائد ...حيل ضجت من هذا شهاب جاي جنة هداد زين شنو هل معزة العندة لوتين مو معقولة يعزهة هيج لله، بس كلامة صحيح شنو بيوم و ليلة جينة ناخذهة بعد سنين محد سائل عليهة، لهذا اني محجيت شي لان الولد شمايكول عندة حق، صحت والدتي كالت منو هذا كتلهة ابن خالتهة بعدين ابوي يفهمح هسه صيحيلي وتين، كالت ماشي هسه اصيحهة رجعت للهول

كعدت وكلت: هسه تجي

شهاب ...اجة ابن عمهة كال هسه تجي، صارلي سبوع ماشايفهة صح مشتاقلهة بس حيل ضايج منهة بعدهة سالفة الحجاب ترن براسي، ورة شوية طبت و لابسة حجاب ارتاحيت خفت لطب بدون حجاب بوقتهة ماضمن نفسي شسوي

وتين ...جنت حيل مرتبكة شهاب حيجي، بقيت بالغرفة ورة محضرت جنطتي اعرف اذا مرحت ويا تصير مشكلة شهاب عصبي الي يلاسنة ينحفر كبرة بساعتهة، كاعدة و اهز برجلي و ااكل بأضافري من سمعت صوتة اجة عبالك روحي رجعتلي نبض كلبي سرع واحس بمعدتي رقاصات يركصن، ورة شوية اجتي مراة عمي كالت ابن خالتج هنا و عمج يكول تعاي،(للكاتبة طيبة الربيعي)مصدكت اني كتلهة اي ماشي ، لبست حجابي لان اذا ملبستة هههه يصير كتلي عمل شعبي، نزلت هية نزلت كدامي طبت للمطبخ واني اخذت نفس عميق و طبيت احس رجلي ثكيلة كوة امشي

وتين: سلام عليكم

الكاعدين: وعليكم السلام

مرفعت عيني بعين شهاب ابد مااكدر

ابو رائد: تعاي عمو كعدي ماكو غربة(للكاتبة طيبة الربيعي)

رحت يم عمو كعدت واني بعدني مرافعة راسي خايفة من نظرة شهاب رغم الرزالة الحصلتهة منة وكلامة الجارح الوجهة الية بعدني ماكدر اكرهة

ابو رائد: عمو انتي بتنة و البيت بيتج بس اجة شهاب يريد يرجعج واني ماخلي ياخذج اذا مو برضاتج فيا عمو كليلي الصراحة و لتخافين تردين تضلين هلا بيج ماتردين ماجبرج وهذا بيت عمج مفتوحلج شوكت مايعجبج تعاي فهسه شتكولين تروحين لو تضلين؟

رفعت عيني و اخيراً شفتة مشتاقتلة موووت، ماعرف هذا شيسمو بس من اشوف شهاب احس برجفة بكلبي و احساسي كلة يتخربط

وتين: لا عمو اني اريد ابقة يمك(للكاتبة طيبة الربيعي)

شهاب ...مرفعت عينهة بعيني ضليت أهز برجلي بس محافظ علة غضبي و اذا مرجعت وياي اكلب الدنيا و ماكعدهة، من رفعت راسهة صدت عينهة بعيني اويلي هاي العيون العذبتني ماعرف اتصرف من اباوع بعينهة، عيونهة ضيااع بس ضياع حلو كلة سعادة، من خيرهة دارت لعمهة وكالت لا اضل هنا

روحي شاطت بالزايد متحملت بعد

شهاب: شنو تضلين هنا؟! هذا مو بيتج انتي ذاكة بيتج!

رائد: ليش تصرخ عليهة القرار راجعلهة!

شهاب: انتة لا تدخل مالك حق تحجي!

ابو رائد: صلو ع النبي شباب شجاكم! مو اني كاعد!

وتين ...كلش خفت ماعرف شلون طلعت مني واني ماريد ابقة بس كبريائي يمنعني انو اروح ويا، بس من شفتة تعصب عرفت نهايتي راح تكون علة ايدة اذا مرجعت ويا

شهاب: وتين كسري الشر وكومي جيبي غراضج وامشي وياي

ابو رائد: شهاب استهدي بالرحمن مو كلنة ماتطلع من بيتي اذا مو برضاتهة

وتين بخوف واضح: لا خلاص عمو ارجع وياه اني موافقة(للكاتبة طيبة الربيعي)

ابو رائد: عمو لتخافين توج كلتي تبقين هنا يمي محد يجبرج تروحين

وتين: لا عمو اني اريد ارجع بس استحيت منك

ابو رائد: لا حبيبتي انتي بنيتي ليش تستحين التردي يجرالج بس ضلي لتخافين من احد اني بحمياتج

وتين: تسلم عمو بس هذا قراري اني اريد ارجع يكفي تحملتوني ااسبوع يتبع...🌺🌺🌺

البارت الثامن

(للكاتبة طيبة الربيعي)

كامل واني حبيتكم الله شاهد بس مكدرت اتعود الة ابيت خالتي

ابو رائد: خلص عمو التردي يجرالج و خلي ابالج اني مراح اعوفج وشوكت متحبين تجين هلا بيج البيت بيتج

وتين: تسلم عمو

باوعت الشهاب خزرني و أشرلي اروح، رحت نزلت جنطتي وبهل اثناء جتي مراة عمي

ام رائد بأستغراب: علة وين وتونة؟(للكاتبة طيبة الربيعي)

حضنتهة: شكراً خالة ستقبلتوني هاية الفترة بس اني حرجع وية ابن خالتي لبيتهم

ام رائد: ليش حبيبتي خوما ضجتي من عدنة

وتين: لاا لا بالعكس والله حبيتكم من كل كلبي بس تعودت علة بيت خالتي وشفتهة صعبة اعيش ابيت غير بيتهم

ودعتهم كلهم حضنت عمي و مرتة و رائد صافحتة كلي تعاي زورينة عود مو تكطعين، ودعهم شهاب بس من ورة خشمة اخذ الجنطة من ايدي خزرني دنكت وصعدت

شهاب ...احترك فلمج وتين اصبريلي بس نرجع، انوب تصافحة يالكعبة واني معلمهة حتة الية متصافحني، مشيت سريع اريد بس اوصل افتهم منهة شنو معناتهة تطلع تعيش ابيت ناس يعتبرون غربة(للكاتبة طيبة الربيعي)

وتين ...وصلنة واني بنفس الوقت فرحانة وايدي علة كلبي خايفة من ردة فعل شهاب، نزل الجنطة وكلي

شهاب بحدة: متفوتين منتظرة افرشلج السجادة الحمرة !

وتين بتلعثم: لا....

شهاب: طبي!

فزيت من صك علة اسنانة وكلي طبي، طبيت تلكتني سرى حضنة بعض

سرى: وووتيين

وتين: سرووش حياتي شكد اشتاقيتلج افييش

سرى: فدوة اروحلج بعد لتروحين و تعوفينة

وتين دمعت عينهة: ابد

امير: هلا والله برويحتي

شبكتة: أمير

امير: شلونج وتونة

وتين: زينة بشوفتكم اميري(للكاتبة طيبة الربيعي)

طبينة للاستقبال تلكتني خالتي بوستني وكامت تبجي اني متحملت كمت ابجي وحضنتهة حيل وهية كذلك

ام شهاب: يمة هسه ردت الروح للبيت بعد روحي لا ترحين ضلي هنا يم اهلج وناسج

وتين: حبيبتي خالة والله مكدرت بدونكم هاية الايام رغم تعاملهم الحلو وياية محد قصر بس تبقون انتو اهلي متعودة عليكم

طب شهاب: تعاي وراية

راح ينتظرهة بالغرفة مالتهة وايدي ورة ظهرة يروح ويجي ويفرك بوجهة

وتين ...خفت كلش مباوعلي كلي تعاي وراية و مشة باوعت الخالتي خايفة كلتلي روحي لتخافين يحبج ميسويلج شي

خالتي يا يحبني هو انتي دتشوفي شلون هايج كلتهة بكلبي ودخلت للغرفة اجة علية عبالي يضربني بس قفل الباب واني ماكدر ارفع راسي اخاف اشوفة

شهاب: اي عيني آنسة وتين شنو هذا الصار بدون علمي؟!(للكاتبة طيبة الربيعي)

وتين: ...

شهاب: رفعي راسج واحجي

وتين ترجف: ...

عاط بيهة: مو وياج!

فزت رفعت راسهة وعيونهة مليانة دموع: ها

شهاب: ها هسه انوكل لسانج مو طلعتي مو هينة بعدج بكد الفصمة واطلعين عن شوووري!

وتين: والله مو قصدي شي

قاطعهة بصياح: شنو هو الموووقصدددي!!!

كامت تبجي تقرب منهة رجعت ليورة: ها تخافين مني هيج صارت اني صرت اخوف واني مو خوش ولج ربيتح علة ايدي هاي السنين ماغزر بعينج؟ تروحين لبيت عمج الماعرف يدورج ويسأل علة بت اخو شبيهة مابيهة الة بعد هل سنين من كبرتج علة ايدية يجي ع الخالي بلاش ياخذج؟ ولج جان غزر بعينج ووكفتي وغزر الزاد والملح كليلي ليش رررحتييي!!!!(للكاتبة طيبة الربيعي)

وتين: اهئ اهئ انتة متريدني هنا بعد واني همينة ماااريدك!

شهاب رفع حاجبة مستغرب ومهضوم من كلامهة: هذا الحجي الية؟

وتين بصوت شبه عالي: اييي

شهاب: خوش سمعيني يا وتين بعد لساني ميطخ بلسانج انسي عندج ابن خالة اسمة شهاب بس يضل هذا بيتج ومكانج بعد براحتج تردين تروحين روحي محد يجلب بيج واذا امي فكت حلكهة وعارضت اني اسكتهة

طلع شهاب مهضوم وعصبي اخذ جكايرة وموبايلة وطلع

الكل واكف يراقب سمعو الكلام لان تسنطو وسرى كامت تبجي وأمير مابيدة شي وهمينة ضاج وام شهاب انقهرت

وتين كامت تبجي

وتين ...اكيد زعل مني بس والله ماقصد يعني هو كلامة اذاني وفوكاهة هو اليزعل

طبو سرى وامهة سرى شبكت وتين وكامت تبوس بيهة مشتاقتلهة ووتين همينة وام شهاب همينة تبجي وتحضن بوتين وتكللهة انتي ريحة الغالية انتي البقيتيلي منهة(للكاتبة طيبة الربيعي)

وتين تبجي وتشهك بحضن خالتهة

شهاب ...اخذت السيارة وطلعت لبيتي مخنوك، هاي تاليتهة ربيتهة علة ايدي وما فد يوم مديت ايدي عليهة، صياحي عليهة من حرصي وخوفي لا تغلط، كبرت كدام عيني وعيوني تراقبهة بكل خطوة واذا وكعت لو عثرت كلبي يفز يكمزلهة كبلي، هاي تاليتهة، هاي جزاتي، اسوي خير وترجعلي ضربة بنص كلبي، مرة من مرتي ومرة من السكنت كلبي من الله، اااخ لو يرجع بية الزمن ماخلي كلبي يكرب لجنس حواء

لو عايش بالحرام اشرفلي، طبيت للبيت ماطابلة صارلي شكد

شمرت روحي ع القنفة البالهول وورثتلي جكارة، اشرب واباوع للسكف

شهاب: ليش ولج وتين ماغزر بعينج، اخ ربي شلون بية اضل اني اكل بروحي وهاي طفلة ما بعقلهة حكمة، اضل الوم بروحي و اخاف عليهة وهية ضاربتني بعرض الحايط، الفرج يا صاحب الفرج

ضليت اربعة ايام ابيتي يتصلون بية ماجاوب لا البيت ولا الدوام، عزلت روحي وافكر بحالتي شجاني اني الضابط شهاب اني الزلمة توكعني زعطوطة؟ ههه هنة كلهن نفس الشي مو ذيج جبيرة وعقل وتين ...اربعة ايام وشهاب ماكو، يتصلون بي ميجاوب كلبي نار عليه، اول واحد تنفتح عيني عليه اول من يخاف علية اكثر من روحة، صح يحاسب هواية بس كلش طيب ويانة خاصة وياية ميخليني زعلانة يوم واحد، بس اني وشهاب؟ مستحيل، ممكن مفكرني صغيرة بس اني مو صغيرة اني واعية من اول يوم(للكاتبة طيبة الربيعي)شفتة اجاني احساس غريب معرفت اوصفة ولا اعرف اوصفة، شي غريب بس فريد من نوعة شي جميل، البيت كئابة لان شهاب ماكو، مداومت لان قررت اني لازم اروح من بيت خالتي اني داحس نفسي عالة رغم معاملتهم الطيبة وياية، اعرف يحبوني بس لازم ابتعد لان هذا الحب ديأذيني، اي حب شهاب،اني احب شهاب مو بس احبة اعشقة عشق زليخة ليوسف، كل ماقرة قصة حب زليخة ابجي شلون جانت تحب النبي يوسف بس تعرف طريقهة لكلبة مستحيل، شهاب متزوج ويحب زوجتة والاسوء يكبرني بهواية وماعتقد يباوع لوحدة بكد اختة الصغيرة واصغر همينة، شهاب تبقة(للكاتبة طيبة الربيعي)وحدك بكلبي، للأبد، وعد، اليوم الرابع لشهاب وهو ماكو بيت عمي خابرو وكالو حيجون، من اجوي تفاجئت بطلبهم جايين يخطبوني لرائد، انقبض كلبي بس ماكو غير حل كدامي، لازم ابتعد لازم، كلت الخالتي اني موافقة ضاجت مني ورزلتني وكالت ماخليج اطلعين من هذا البيت انتي زعطوطة ومتعرفين شدتحجين، كتلهة لا اني بكامل قواية العقلية واعرف شنو داحجي، حاولت اقنعهة بس مقتنعت خبرت عمي ابو شهاب انو اني موافقة همينة مقبل ورفض موافقتني، اضطريت اني اتصرف وطبيت حتة اكول لعمي اني موافقة علة رائد، طبيت وتفاجئت بطبة شهاب بنفس الوقت اجت عيني بعينة هاية العيون اشوف بيهة حنان مشايفتة(للكاتبة طيبة الربيعي)عند امي، بس مدامت النظرة خزرني افتهمت قصدة تراجعت قبل ليشوفوني ركضت الغرفتي سديتهة ولزمت كلبي اليدك بسرعة الضوء

سرى ...جنت ابدل دخلت وتين وسدت الباب هاية شبيهة جنهة خايفة

سرى: شبيج

وتين: هاا، اجة شهاب

سرى: صدوووك

وتين: والله، بس لطلعين ميقبل

سرى: اوك المهم اجة الف الحمدلله

وتين ...باوعت لسرى شتقصد؟ اووه هسه اني بيا حال شراح يخلصني واني من اشوفة كلشي يتخربط بية(للكاتبة طيبة الربيعي)

شهاب ...طبيت للبيت شفتهة توهة تريد اطب للاستقبال فرحت بشوفتهة بس اذكرت طولة لسانهة وتصرفهة من ورة ظهري خزرتهة واشرتلهة بعيني تروح، راحت طبيت سلمت وكعدت

عم وتين: اي وينهة وتين

ام شهاب: هسه تجي

شهاب: من رخصتكم

الجميع: اخذ راحتك

اعرف بيهة بالغرفة دكيت الباب واني حالف ماخليهة تروح لغيري، فتحتلي الباب سرى

شهاب: طلعي سرى عوفينة وحدنة

بوستني واني همينة بستهة براسهة، طلعت سديت الباب وراهة ودرت علة وتين لازكة بالحايط وصوت دكات كلبهة واصل يمي

وتين ...اندكت الباب فتحتة سرى سمعت صوت شهاب كلبي كام يدك اسرع واسرع خفت ليعيط علية او يرزلني، انوب سرى طلعت وسد الباب هو وراهة وتقدم علية ماعرف شصار بحالي نزلت راسي خايفة دموعي تخوني وتنزل(للكاتبة طيبة الربيعي)

شهاب ...نزلت راسهة عرفتهة خافت مني وراح تبجي، حافظهة اكثر من روحي، مديت ايدي جوة حنجهة ورفعت راسهة صارت عيني بعينهة وعيونهة مدمعة وترجف

شهاب: وتين

وتين بخوف: نعم

شهاب: وافقتي مو؟

مجاوبتة اخاف من ردة فعلة، ماريد مشاكل خلاص

شهاب: يعني وافقتي

تقربت من اذنهة كلش وهمست: تخلي يصفن بعيونج مثلي؟

وتين ...نفسي انكطع، كلشي وكف، داسمع صحيح لو صرت اتخايل؟ هاية الجملة خيال لو واقع

رجعت باوعت بعينهة: راح يحبج مثل ما اني احبج؟

لحظة شديصير، اعترف يحبني؟ شهاب يحبني مثل ما اني احبة؟ مستحيل هذا حلم مو واقع مستحيل شهاب يحب زوجتة، شهاب ميحبني(للكاتبة طيبة الربيعي)

شهاب: روحي الله وياج الله يسعدج ويوفقج بس بعدج صغيرة مو مال زواج، وافقي بس لتزوجين هسه كبري يلة وتين لتخلين تعبي يروح ع الخالي بلاش، تعبت حتة اكبرج واشوفج مهندسة، مو هذا حلمج؟ حققي قبل لتزوجين واني طالع من هذا البيت ابقي هنا بيتج هذا

شهاب ...احس روحي مخنوك والكلام يطلع من حلكي ثكيل، وين وديت نفسي لمتاهة، حبيت طفلة عمرهة 15 سنة واني رجال عمري 29، ورطت حالي بس حجيت البكلبي احسن

خليهة تعرف احبهة حتة لو متفتهم هسه من تكبر راح تعرف كل قساوتي وياهة من حرصي عليهة، بستهة براسهة وجريت نفس من ريحتهة، عفتهة اريد اطلع(للكاتبة طيبة الربيعي)

وتين: شهاب

وكفت بس مدرت عليهة خايف لا اسمع كلام يقهرني

وتين ...سمعت كلامة فرحت مو بس فرحت طرت طرت، يعني الاحبة يحبني؟ شكد محظوظةةة لعد اني، نسيت ميساء ونسيت انه مزوج، باسني وراد يطلع صحتة وكف بس مدار ركضت وكفت كدامة باوعت بعينة شفتهة تلمع، تلمع يعني يحبني صدك، شبكتة بكل قوتي وكمت ابجي

وتين: لتروح شهاب اني ماريد غيرك، احبك اكثر من حبك الية لتفكرني صغيرة ومافتهم بالعكس افتهم كلشي تكولة وتعني

شهاب ...من وكفت كبالي وحضنتني تفاجئت بس كلامهة خرب كياني لا يا الله صدك يعني تحبني

بعدتهة وباوعت بعيونهة: وتين انتي طفلة ومتعرفين شتحجين(للكاتبة طيبة الربيعي)

عفتهة واريد اطلع بس جرتني وعاطت

يتبع...🌺🌺🌺

البارت التاسع

(للكاتبة طيبة الربيعي)

وتين: اني مو طفلة! احبك والله اني احبك انتة اريدك انتة ماريد غيرك

اباوعلهة شلون تحجي بحركة وعيونهة مدمعة، اباوع لايديهة شلون تحاجيني وتأشر بيهة، بلا وعي جريتهة وبستهة لكيت نفسي محلق فوك السمة وبس هية وياية، ماهمني الغلط الجاي اسوي كل همي هية يمي بين احضاني مختلطة انفساهة بانفاسي والاهم من كل هذا تشاركني نفس المشاعر، ابتعدت عنهة من حسيت بيهة دفعتني بصدري مباوعت بعينهة كبل شبكتهة(للكاتبة طيبة الربيعي)

شهاب: افيييييش يا وتين كلبي

وتين ...جان الكلام يطلع بحركة من حلكي، كلت شيصير خلي يصير المهم خلاص اعترفت بحبي الة، نشليت معرفت شسوي وشحجي من جرني لصدرة وباسني، حسيت نفسي بعالم مجهول بس حلو، رغم هذا ضجت وبعدتة حراام هذا الديسوي حرام، دفعتة كوة وخر مني وحضني واني شبه مشلولة واحس بجسمي كلة يرجف، هذا اليصير بالافلام صار وياية؟ معقولة؟

شهاب ...حاضنهة لان شوية وتوكع وتين كلبي ههههه البت ترجف رجفة مو طبيعية بعدتهة ورفعت راسهة بيدية

ابتسمت: وتين حبيبي كافيوتين بخجل: هاا

شهاب: ههههه راح تموتين شبيج هية بوسة

رجعت دنكت: شهاب حرام ميصير

رجع رفع راسهة: ادري ويا حلاة الحرام وياج

شفتهة صارت صفرة البنية هههههه(للكاتبة طيبة الربيعي)

شهاب بجدية: راح اطلع تجين وراية ساترة نفسج وحجابج علة راسج، تفهمين عمج وهذا ابنة الناقص انتي مموافقة ومتفكرين بالزواج بعدج صغيرة، اذا شفت شعرة وحدة طالعة منج لساني ميطخ بلاسنج صار معلوم؟

وتين بخجل: اي صار

بستهة بكصتهة وطلعت، اويلي يابة شكد مرتاااااح، طبيت للاستقبال تعذرت منهم وكعدت ورة شوية طبت وتين تفحصتهة من كل الجوانب الحمدلله مستورة وكلشي مطالع منهة كعدت بصف امي واشوفهة تتلاشة تباوعلي ههههه خجلانة بعد روحي

وتين ...من طلع شهاب كوة جريت النفس، لزمت كصتي حرارتي مرتفعة شصااار شسويت شهاب مو يكفي اعتارفك الية صخمتهة بالبوسة، لحد الآن ممستعوبة عبالك انطاني مخدر، لا هو مخدر اصلا، سترت نفسي لفيت الحجاب وطلعت طبيت للهول سلمت وكعدت يم خالتي مالي عين اباوع لشهاب، عمي بدأ(للكاتبة طيبة الربيعي)يسالني اذا مرتاحة وماعرف شنو واني اجاوبة علة كد السؤال بعدة الصار يمر كدام عيني مثل الفلم، بس سؤال عمي جذب انتباهي باوعتلة واني متاكدة من قراري

وتين: لا عمو ماريد

شفت عمي تغيرت ملامحة بس مو غضب جان مستغرب

وتين: عمو اني اشكرك هواية واعرف الدسوي بدافع الحب ومن خوفك وحرصك علية بس عمو اني بعدني ممقبطة ال 15 وبعدني مملحكة اشوف شي من حياتي حتة ارتبط بهل عمر، اتمنة تتفهمني اني مرتاحة هنا يم بيت خالتي وعشت وتربيت هنانة ماكدر بيوم وليلة ابدي حياة جديدة وياكم، هذا مو معناتة اني ماحبك وماقدر الدسوي علمودي ابد بالعكس احبك واشوف بيك بابا صح ماتذكر هواية بس احس(للكاتبة طيبة الربيعي)بيك مثل بابا ومن اشوفك احس براحة نفسية بس اني متعودة هنا وخاصة بيت خالتي ممقصرين وياية يطلعون اللكمة من حلكهم ويخلوهة بحلكي، عمو ابو شهاب ممقصر وياية يعاملني احسن من معاملتة لجهالة، خالتي ممحسستني هية خالتي انام بحضنهة وتلعب بشعري مثل ما ماما جانت تسوي شهاب مو بس ابن خالتي ابوية واخوية وكلشي بالنسبة الية ماكدر اوصفة من خوفة وحرصة علية اكثر من روحي، امير ماعندي كلمات توصف طيبتة وياية وخوفة علية مينام الليل اذا تمرضت، وسرى، سرى مو بس اختي سرى روحي معلكة بيهة، كلهم ممقصرين وياية واحس نفسي عايشة بجنة وداير مدايري مو بشر عاديين، بشر بمزيج ملائكي، عمو اني اعزك واحبك هواية واتمنة متاخذ بخاطرك مني مقصرت واني اريدك دائما تجي تزورني واني همينة اجي ابات يمكم كانما اهلي بس هنا ملاذي الوحيد وهنا راحتي اتمنة متفهمني غلط

عم وتينبكل رحابة صدر: عمي فدوة اروحلج ولكلامج هذا انتي صدك ترباية ابوج وثبتيلي انتي نسخة مصغرة منة الله يرحمة ويجعل مثواه الجنة، عمي ضلي واني ابد مراح اعوفج يومية اتواصل وياج وتجين يمي تباتين وتتونسين وهذا رائد هم اخوج اي شي تحتاجين لتترددين اطلبين منة اذا اني مموجود(للكاتبة طيبة الربيعي)

وتين: اشكرك عمو متقصر

عم وتين: اشكركم حافظتو علة بنيتي وماقصرتو بتربيتهة وعلة حجيهة هذا كلبي ارتاح كلش واطمنت هية مرتاحة مو بس حجي

ابو شهاب: بعيوني هذا واجبنة و وتين بنيتي وانتة هم ماقصرت ربي يسهل امرك ويرزقك من عالي سماواتة

عم وتين: الله يخليك تسلم

ابو شهاب: بس بقت شغلة، شلون تضل يمكم وماشاءلله شهاب و أمير زلم مشوربين يعني لتفتهموني غلط بس اني ردتهة لرائد حتة تبقة كعدتهة يمي حلال

شهاب: يعني شنو قابل نزوجهة لواحد بينة، حتة لو ولد خالتهة وتين صغيرة معابرة ال 15 مو مال زواج ولا هاي السوالف، واني واخوية مانلعب بعرضنة خلي بالك مرتاح(للكاتبة طيبة الربيعي)

ابو شهاب: حقك ابو رائد بس ولدي مايتواجدون هواي بالبيت اصلا شهاب ينزل جم يوم ويروح اسبوع اسبوعين و بس هاي الفترة هو بايت عدنة والا عندة بيتة وامير يا بالدوام يا يدرس وي جماعتة

ابو رائد: مطمن من ناحيتكم بس تعذروني بنت اخوي عزيزة والله شاهد لو غيركم ماخليهة لحظة بس لان اعرفكم انتو شنو ومنو(للكاتبة طيبة الربيعي)

ابو شهاب: صح لسانك خوية تسلم

وتين ...اباوعلهم شلون يحجون واباوع لعمو

دمة محترك علية، حسيت صدك عندي قطعة حنينة بقت من بابا الله يحفظة انشاءلله، بدو يسولفون ماعرف شنو من هل سوالف مال سياسة، بدون قصد اجت عيني علة شهاب شفتة يأشرلي اكوم، ترخصت منهم وكمت للمطبخ شفت سرى ترتب الصينية مال ضيافة بستهة بركبتهة تتنرفز من هل حركة ويكزرب جلدهة، كمزت جانت احتركت

سرى: نعلا علا شرفج صدك عود

وتين: هههههههه شبيج فزيتي مو تعرفيني اني

سرى: كلبة مو اضوج، جان احتركت وراحت ايدي الحلوة الجميلة(للكاتبة طيبة الربيعي)

وتين: سندرلا علة كيفج هدي هدي، انتي اضيفين لو انيسرى: لا اني ولا انتي مابينة حيل شهاب وخبالاتة، هسه تجي ماما وهية تضيفهم

وتين: عيب شنو عدهة ثنين بنات وهية تضيف خطية ظهرهة معليج بشهاب قابل شمسوين ناهبين، انتي فوتي اني اخافسرى: ها ام حلك مو تكولين معلينة بشهاب، انتي فوتي همة جايين عليج اني شدخلني

وتين: دروحي انتي فدوة يكفي الرزايل الاكلتهة عادي تترزلين مرة بعدين يجيبلج حلويات بليل، شبيج حتة ناكل ونباوع فلم

سرى: اقنعتيني صراحةً، دطفي الطباخ بين ماروح البس حجاب

وتين: ماشي(للكاتبة طيبة الربيعي)

رائد ...استغربت وتين موافقت، بس حقهة وحقهم كلهم لان بعدهة صغيرة، ليش اجذب ارتاحيت من رفضت ومبين هذا شهاب عينة عليهة شفتة شلون اشرلهة تكوم وهية ماطولت ثانية ترخصت وراحت، اشوفة ميحبهة بعين وصخة لا اشوفة يخاف عليهة ويحافظ عليهة يمكن اكثر من اهلة كلهم

بس الاعرفة مزوج صارلة هواي شنو القصة، شوية وطبت بنية ماشاءلله شلون خلقة بس لا هاي الحجت وياي بالتليفون، من كالت تفضل عرفتهة هية نفس الصوت بعدت عيني منهة لان شفت شهاب يخزرهة و يأشرلهة يمكن حتة تروح، قدمت و طلعت، ضلينة لليل سوالف وضحك بس وتين وهاي البنية ماطلعن بعد بس من ودعونة طلعن سلمن، رجعنة للبيت ابوي ضل يحجي يكول اشوفهة مرتاحة عدهم ومدلليهة كلبي مرتاح،(للكاتبة طيبة الربيعي)صعد ينام هو وامي واني اتمددت بالهول احجي وية صاحبتي بس فكري يم اخت شهاب، ليش ما ارتبط وانهيهة بزواج؟ شو شهادة وعندي وشغل عندي ومليت من العزوبية اريد جهال، سديت التليفون ونمت

سرى ...من دخلت شهاب خزرني اطلع قدمتلهم وطلعت كلبي شوية و يوكف، رجعت للمطبخ رزلت وتين رزالة معدلة وهية الفطيرة تضحك، من راحو سوينة عشة اني و وتين وماما تشرف علينة خاف نحترك، بعدها ممقتنعة انو كبرنة علة هل سوالف

وتين ...راحو بيت عمي واني وسرى سوينة عشة واخذنا للهول كعدنة ناكل وشهاب متنك شعجب غير المفروض يفرح(للكاتبة طيبة الربيعي)

ضل بالي يسولفون واني مو يمهم ورة مخلصنة عشة غسلنة المواعين اني وسرى نسولف ونضحك فجاة اجانة صوت شهاب درنة ثنينة واشوف شكلة معقوج كلت هسه حيصيحني يرزلني بس تفاجئت من ضاح سرى

شهاب: انتي، تعاي وراية

وراح، باوعتلي سرى خايفة واني وحدي خايفة راحت صعدت اني كملت الباقي رتبت المطبخ ودخلت للغرفة انتظرهة بالي يمهة

سرى ...من صاحني شهاب خفت والله ممسوية شي، صعدت ورا كلي سدي الباب وتعاي، جان هو واكف وجتف ايديه ليورة هاي الحركة يعني اكو سالفة تخوف

سرى بخوف: ها(للكاتبة طيبة الربيعي)

شهاب: ووجعا وسم انشاءلله، شلون اطلعين كدامهم؟ اني شمعلمج؟ مو محذرج اطلعين كدام رجال غريب؟

سرى: والله مو بيدي، وتين مقبلت تطلع لان انتة مانعهة و ماما صاحت اي وحدة بينة اطب تضيف لان هية متكدر كوة كاعدة يمهم لان ظهرهة يأذيهة، شلون قابل منضيفهم عيب

شهاب ...من طبت سرى شاطت روحي واشوف رائد شلون يباوعلهة خزرتهة وتحلفتلهة ادوس ابطنهة اليوم، كاعد علة اعصابي و بالعشة كوة اسممت، تحملت وتحملت لحد ما شالن السفرة رحت غسلت وصحتهة من طبت كتلهة تسد الباب حاجيتهة بس ردهة اقنعني، صح لو وتين طالعة جان اتصرفت غير تصرف هو اني منا كاعد علة اعصابي من طبت تحجي وي عمهة شحال لو قدمت وابتسمت لهذا الطرن(للكاتبة طيبة الربيعي)

شهاب: هل مرة سماح مرة ثانية متعيديهة، وتين وين

سرى: ذيجة جوة

شهاب: خوش يلة نامن باجر اخذجن البيتي تنضفنة حتة تباتن يمي

سرى بفرح: يااااي صدك

شهاب ابتسم: اي يلة روحي

سرى ...فرحت كلش لان مرايحة البيتة بس مرتين بسبب مرتة جانت تخبث وياية من اروح، بس وينهة هية اشو لا حس ولا نفس، اي بعد احسن هيج ونخلص منهة غير العب لعب، بست شهاب ونزلت اوت مطبيت للغرفة تلكتني وتين ولونهة مخطوف

وتين تتفقد سرى: ها بشري شسوالج خوما ضربج بالله باعيلي

سرى بعدت ايدهة: لا ولج تعاي خل نشوف شنلبس باجر(للكاتبة طيبة الربيعي)

وتين: ليش

سرى: حياخذنة شهاب البيتة انبات يمة وهم انضفلة خطية اظاهر ميساء مموجودة صارلهة فترة

وتين: هاا ماشي، اشو مالهة حس شصاير

سرى: علمي علمج، بعد احسن يمعودة خل تنكلع كم يوم نرتاح ابيت اخونة

وتين ...اخونة؟ هههه اخوج حياتي

وتين: اي صحيح، يلة نعست ترة تعبانة

مخلينة سالفة تعبت علينة قبل لنام، كعدت الصبح سرى بعدهة نايمة هاي عود خبصتني انام حتة اكعد من وكت، كمت غسلت البيت سنطة بعدهم نايمين، رحت كعدت سرى شلعت كلبي يلة كعدت، سوينة ريوك وسرى راحت تصيح شهاب ورة شوية نزل مكشخ و معطر شكلة فرحان ع الاخير(للكاتبة طيبة الربيعي)

تريكنة سوية بس ابد مباوعتلة استحي خاف جانت عايزة، كعدو خالتي وعمو شهاب كللهم حاخذهن يمي يوم يومين اونسهن وارجعهن

يتبع...🌺🌺🌺

البارت العاشر

(للكاتبة طيبة الربيعي)

خالتي فرحتلنة وكالت ونسهن ولجيبهن الة لمن يشبعن، عمو همينة قبل بس امير ضايج ماعرف ليش ملحكت اسالة لان شهاب خبصنة، بدلنة اني لبست ثوب ردان بيجي مشجر حلو وسرى لبست ثوب ضيق ماروني بس فوكا سترة طويلة بيضة، لفينة شالاتنة واخذنة اللازم وطلعنة، طبعا شهاب كالعادة تفحصنة من فوك الي جوة، رغم مستورات بس شكلة معاجبة الوضع، وصلنة للبيت اوت مطبينة شهاب كال رايح اجيب غدة من برة لتسون اكل، من طلع نزعنة ولبسنة ملابس بيت شديت راسي بوصلة وسرى رفعت ردانتهة شكلنة يضحك عبالك بنكلاديشيات، نضفنة البيت جان وصخ الى درجة يعني حتة ملابس شهاب وملابسهة لميساء وصخات، هاي صارلهة شكد مجاية؟ وينهة؟(للكاتبة طيبة الربيعي)جنت ارتب غرفتهم وشفت صورتهم مال عرس ضجت بس مو من حقي هية مرتة مو اني، بس اني احبة مو بيدي اشوف بي ابوية واهلي كلهم، سمعت صوت شهاب وراية مسحت دموعي وكمت

شهاب ...فرحان بيهن ثنينهن، بس بوتين اكثر احسهة ملكي هسه ومحد يكدر ياخذهة مني، رحت جبت غدة وطولت لان لزموني اصدقائي ولد المنطقة صارلي هواي ماشايفهم، اخذت دجاجدتين مشويات محشايات واخذت مقبلات وقواطي ببسي اني ماشرب ببسي اخذت لبن، جبت حلويات لليل وكرزات اعرفهن يحبن هيج سوالف، من طبيت(للكاتبة طيبة الربيعي) تلكتني سرى اخذت العلاليك كالت راح اعزلهن، اباوع وتين ماكو طبيت الغرفتي شفتهة كاعدة علة اركبهة وبيديهة صور عرسي، جريت نفس وصحتلهة كامت بسرعة ودارت عليهة اشوف عيونهة حمرة

تقربت عليهة وتلمست خدهة: شبيج

وتين بابتسامة: مابية شي، جبت الاكل؟

شهاب: اي، تعاي كعدي فهميني ليش جنتي تبجين

وتين: مابية شي والله دخل بعيني تراب وعيوني دمعت(للكاتبة طيبة الربيعي)

شهاب: وتين علية؟

باوعت للصور شلتهن من الكاع وشمرتهن بالزبالة

وتين: يااا ليش

شهاب: وجع، معليج انتي، تعاي خل نتغدة

جريتهة واخذتهة للمطبخ كعدت اسولف وياهن وهنة يحضرن الغدة اباوع لوتين شاردة اعرف وين بالهة خل يجي الليل من تنام سرى اخذهة يمي وافهمهة، تغدينة وسوالفهن حلوة هاي تحجيلي علة مسلسلاتهة المفضلة وهاي علة الافلام التحبهن دوخني بس ميخالف لازم اخصصلهن وقت هملت نفسي وهملت بيت اهلي بسبب ميساء الله لا يطيهة انشاءلله عيشتني بجذبة مو هيمنة حسبي الله ونعم الوكيل، ماريد اذكرهة هل نذلة الله ياخذ حقي منهة، اتصلت بالمعمل كتلهم ماجي هل تلث ايام واصلا هية اجازتي بس جنت محبرهم سابقاً اجي، صار الليل وهنة يسولفن(للكاتبة طيبة الربيعي)

شهاب: كومن لا ادفرجن دوختني خرب بالعلات مسجل

سرى: يا عشتو هو احنه شحجينة

شهاب: ام لسان كومي سويلي جاي

وتين: لااا، عوف الجاي هسه خل نباوع فلم سوية وناكل حلويات

شهاب ابتسم: بكيفجن يلة

كامن ثنينهن يتعاركن هاي تريد فلم رومانسي وهاي تريد رعب صحت بيهن

شهاب: لو تختارن لو اروح انخمد واعوفجن

وتين: لا خلاص حناخذ الرعب

سرى: لا حبيبتي الرومانسي

وتين: مو بكيفج اني اختاريتة من البداية

سرى: معلية اني اريد رومانسي(للكاتبة طيبة الربيعي)

شهاب كام: انعل ابو الورط نفسة وياجن، دروحنردت اروح جرني ثنينهن وكعدني، ضحكت من كل كلبي واشوفهن ثنينهم يخنزرن ابعض، كمت فتحت فلم كوميدي وربطت الحاسبة بالتلفزيون، كعدن ثنينهن الحمدلله خفت العبوسية، ياكلن ويباعن بالبداية ماكو ضحك اشو ذني بنص الفلم وفطسن وهاي سرى متخبلة شوية وتختنك خو وتين ماحجيلكم، طلع الببسي من خشمهة، والله مافرحان بالفلم بكد مافرحان بوجودهن، نهاية الفلم فتحت الضوة واشوف وتين حمررررة و سرى تخرع من الضحك

شهاب: يلة كومن نامن شسويتن خرب

وتين: لا عفية خل نسهر اليوم شنو يومية انام من وكت(للكاتبة طيبة الربيعي)

شهاب: ام حلك كومي باع الساعة ب 12

سرى: حبااب حبااااب

ثنينهن كامن يباعن ابرائة ومبرطمات ضحكت وكتلهن اليوم سماح، ركضن علية طفرن وكعني بالكاع، لا هاي هية راحت الهيبة، دفعتهن مني كوة وكمت طفيت التلفزيون وسديت الحاسبة

سرى تأشر بنصهن: تعال هنا خل نسولف

شهاب: هم اتسطرني

وتين: لا لا هل مرة انتة سولفلنة

شهاب: ترة لحيتن هواي(للكاتبة طيبة الربيعي)

سرى: شبيك هسه خلينة متونسين

انكسر خاطري عليهن حقهن صارلي هواي ماملين وياهن، تمددت بنصهن وتين تلعب بشعري و سرى ادغدغ بيدي علة كيف واني اسولفلهن علة بطولاتي هههه، يايابة شكد يسألن سطرني غير المفروض بس يسمعن؟ لا ابد، بالاخير ماسمعت حسهن باوعت سرى نامت علة ايدي و وتين عبالك جابريهة تصحصح

شهاب: وتين لتنامين اريدج، خل اودي سرى واجي لتروحين

وتين شبه نايمة: اوك

وتين ...اوتنست بشكل اليوم ونفسيتي ارتاحت رغم سالفة ميساء قالقتني بس احس شهاب هو اماني و حيوجد حل لهل مشكلة، يسولف واني شبه نمت لان كلش تعبت اليوم من كلي انتظريني لتنامين كوة حاولت اصحصح، اخذ سرى واني كمت وديت الغراض بالمطبخ الصبح اعزلهن هسه لو يكولولي ابوج طلع من الكبر ماروح، رجعت للصالة شهاب اجة

شهاب: كعدي وتونة(للكاتبة طيبة الربيعي)

كعدت واني خايفة من الحيكولة

شهاب: باعي راح اكلج شغلة بس ماريدج تحجين بيهة ابد فاهمدي؟

وتين: وعد(للكاتبة طيبة الربيعي)

شهاب: اني ميساء طلكتهة

شهكت: عزةة

شهاب: وجع خل اكمل، ميساء جذبت علية جذبة كلش جبيرة وماريد احجي بيهة بس الاعرفة ومتاكد منة ماكو خط رجعة بيناتنة، واني من اول يوم شفتج بي خشيتي كلبي ماعرف شلون بس صدكيني حلفت بيني وبين ربي ماعوفج لغيري حتة لو صغيرة اكبرج علة ايدي ومن تكبرين وتعرفين الصح من الغلط اقوي علاقتي بيج وانهيهة بزواج، هسه ابد ماريدج تفكرين بية لو تشغلين بالج بالحب ابد ازعل عليج والله، تركزين بدراستج واذا معدلج مو بالتسعينات ماحاجيج ولا اجي للبيت واخليج تشوفيني، كبري طبي جامعة ولكل حادث حديث بس لا عبالج ناسي سالفة الحجاب وسالفة طلعتج من البيت من دون علمي بعدني شايل عليج ومنتظر تبرير يبرد كلبي(للكاتبة طيبة الربيعي)

وتين ...ماعرف اضحك ابجي، يعني هيج بدون مشاكل يكتمل حلمي و يصير واقع؟

وتين: شهاب وداعة ماما وبابا الله يرحمهم

شهاب: الله يرحمهموتين: مو بيدي نزعت الحجاب، يعني انتة جبرتني ومتقبل اطلع لباب الحوش بدونة، بس مسألتني ليش متريدي، محاولت تفهم مني كبل حكمت علية

شهاب: وليش يابة هيج الحجاب يبزز؟(للكاتبة طيبة الربيعي)

وتين: مو هيج والله، تدري اني شكم مرة تخربطت من ورا؟ وفوك هذا الشمس التضرب علة راسي، الحجاب يخنكني مو بيدي اختنك شكد حاولت اتعود عليه بس مكدرت هذا الحجي مداصفطة بكيفي اسال خالتي اسال سرى او اكلك اسال امير، رأستأن كبيت عليه بدون متفهم منة ليش محجة من نزعتة

شهاب ...مو صدمة بس فشلة، غلط مني استعجلت وغلط مني جبرتهة بس هم صوجهة ماحجت قبل لا تزيد الطين بلة

ارتاحيت نفسياً تأكدت مانزعتة بدون سبب، مايحتاج اسال لا امي ولا اخوتي لان اعرف بيهة مجذب ومتعرف اجذب

شهاب: ماشي يابة اسفين ونعتذر سيدنة ماجنة نعرف السبب

وتين: ههههههههه، خلاص اني همينة غلطانة محجيت السبب من البداية بس صوجك

شهاب: ااه؟(للكاتبة طيبة الربيعي)

وتين: والله، متنطي مجال الة كلمتك تمشي

شهاب: كومي لا ادفرج كمتي تجاوزين

وتين: شوف وهذا اكبر دليل، متتحمل

شهاب: دكومي نامي باجر وراجن تعب

وتين: ليش؟

شهاب: روحي نامي هسه الله كريم لباجر

وتين: الله عليك كول

شهاب: وج مو اكلج روحي نامي؟ يلة كدامي

وتين: ماروح وماروح الة تكلي شنو

شهاب: ااه، ولج والله صايرة راس يابس، كومي نامي

وتين: بسيطة شوف منو يكعد وياك بعد

شهاب: هههههههههه ام حلك

وتين: متصبح علة خير

شهاب: وانتي بالف خير بعد جبدي

وتين ...كمت فرحانة ياربي الف الحمدلله، نمت مرتاحة بس حلفت ماكوم الصبح مدام مكلي شكو، نشوف الى متى تبقة تمشي كلمتك علينة سيد شهاب

شهاب ...كعدت الصبح مرتاح نفسياً ومعنوياً، صارلي هواي منايم مرتاح وكاعد فرحان، كمت غسلت وكلت اشوف الاخبار بين ميكعدن البنات خطية ماكعدهن الساعة(للكاتبة طيبة الربيعي)بالتسعة هسه وهنة نامن متأخرات، طكيتلي بيضة احتركت بالطاوة كوة اكلتهة شربت مي سمعت صوت سرى وراية

سرى: صباح الخير

شهاب: صباح النور

سرى: يااا غير تكعدني اسويلك، هاي شمسوي

شهاب: لا عادي كلت اطكلي بيضة بين متكعدن ماكعدتجن حتة تشبعن نوم ورانة تعب

سرى: ليش

شهاب: اطلعجن غير، كعدي وتين خل نتريك حتة نروح

سرى: ليش من الصبح بعد وكت

شهاب: بين منتريك وانتن تحضرن يصير الظهر، اخذجن للامام ومناك افرجن

شبكتة: الله يخليك النة يارب ويحفظك

شهاب: هجم بيتج يل مصلحجية، روحي كعدي وتين

سرى: هههههههههه، اوك

سرى ...رحت اكعد وتين متكعد اكلهة كومي تكلي عوفيني، عفتهة وطلعت شهاب سالني اذا كعدت كتلة متقبل ورحت اسوي ريوك(للكاتبة طيبة الربيعي)

شهاب ...جتي سرى كالت متكعد متريد، شلون شغلة هاي مو كتلهة تكعد من وكت, دكيت الباب ماكو جواب مرة مرتين صحت وتين كعدي ماكو، فتحت الباب وطبيت الغرفة ظلمة والسبلت مشتغل، والله عمي حقهة ماتكوم اني اوت ماطبيت نعست، باوعتلهة شلون نايمة وشعرهة كوشة

عطت: وتيييين!

فزت: هااا شكووو

شهاب ضحك: سلامتج، يلة كومي كسولة

وتين: صدك جذب هو هيج اليكعد، سترك ربي

رجعت نامت

شهاب: مو وياج؟! كومي يلة

وتين: ماريد، رجاءا سد الباب وراك

ااه هاي شنو، والله لسان صايرة هاي لان اعترفتلهة بحبي؟ صدك لو كالو النسوان استغلاليات، تقربت جريت الغطة عاطت

وتين: شنيييية(للكاتبة طيبة الربيعي)

شهاب: ام حلك صايرة لسان، كومي لتخليني استعمل وياج غير اسلوب كومي يلة

كامت تأفاف والة شوية تنضرب بالباب مطفية، ضحكت من كل كلبي، خرب شكد فاهية وفطيرة، رجعت للمطبخ لكيت سرى تفرش السفرة، المطبخ حار كتلهة تفرش بالهول ناكل، كعدنة بالهول شوية وطبت وتين تباوعلي صفح، ههههه فدوة لله، كعدت بصف سرى شوية شوية كامن يضحكن ويوسلفن

شهاب: لتغصن كافي

باعتلي وتين صفح ههههه، ادري بيهة ضاجت لان ماكتلهة وين اخذهن

سرى: سكتنة سكتنة(للكاتبة طيبة الربيعي)

وتين ...اسوي نفسي ضايجة بس مضايجة😂 ابيع ثكل وهو المربيني😐 يلة اهم شي حسن نيتي، ورة مخلصنة ريوك شلنة السفرة اني و سرى رتبنة كلشي ورحنة نحضر، حسب مكالتلي انو حنروح للكاظم ومناك مدري وين ياخذنة، يعني يكول السرى و ميكولي بسيطة، صارت صلاة الظهر صلينة وبدينة نبدل، كلسع وشهاب صايح مخلصتو وسرى تكلة بعد

شهاب ...صلينة وادور راحن يبدلن، ساعة ساعتين وهنة ماكو اصيح عليهن سرىاجاوبني وتكلي بعدنة، اخر شي طبيت عليهن لكيتهن مبدلات بس حجاب ماكو ويتعاركن علة مدري شنو ركزت لكيتهة شيشة عطر، جريتهة منهن

شهاب: خايبات صدك عووود! واني منتظرجن بهل حر و مسموط ابو ابوي وانتن كاعدات تتعاركلي علة عطر؟؟؟

سرى: متخليني اخلي منة

وتين: جذابة والله هية متخليني اخلي منة

سرى: انتي جذابة مو ااني

وتين: لاا انتي، ليش اجذبيين

سرى: مااجذب انتي اااجذبين

شهاب عاط خلاهن يخنسن: كافي! راح اطلع، دقيقتين اذا مالكيجن نازلات ابطل وارجعجن لبيت اهلي(للكاتبة طيبة الربيعي)

حط العطر ع الميز: ثنينجن تخلن منة والتكثر اسمط حلكهة براشدي، مفهووووم!

وتين&سرى بخوف: مفهوم

شهاب ...عفتهن ونزلت، خاب شنهاي، لعبن روحي الله يعيني ربي عيني، مطولن خمس دقايق نزلن هنة وغراضهن، انوب يضحكلي والله عجيييب، توهن يتعاركن وخابصات الامة

وتين ...خفت من شهاب كلش لان شكلة عصب من صدك، عافنة وطلع سرى انطتني اخلي، خليت وانطيتهيا واتفقنة منتعارك لان بعد غلطة وحدة ننكتل، نزلنة وصعدنة بالسيارة اني ليورة وسرى ليكدام، وصلنة للكراج القريب ع الامام، شهاب دخلو لان عندة باج مال ضباط، نزلنة لبسنة عباياتنة واني فوك الحجاب اجتي العباية، جانت عايزة التمت، حسيت بدوخة لزمت سرى وشهاب يمشي ورانة(للكاتبة طيبة الربيعي) محاوطنة منا ومنا واذا فتنة بازدحام يطبكنة ثنينة بحضنة، شكد اضوج من تحكمة بس احب حفاظة علينة، وصلنة للامام اني وسرى فتنة من جهة النساء و شهاب الرجال، فتنة كوة لزمنة الشباك عليه كتل، دعيت من الله يوفق بيت خالتي واحد واحد و يوفقني ويجمعني وية شهاب بالحلال ويديمة هو وعمي وخالتي خيمة فوك روسنة، كمت ابجي من اذكرت عمو عبالك اذكرت بابا، دعيتلة من كل كلبي وتمنيت امامي الكاظم فدوة لاسمة يوصل لبابا والماما انو اني مرتاحة ومناقصني غير وجودهم، دعينة وصلينة