تحميل رواية «وتين قلبي» PDF

#وتين قلبي

#بقلمي طيبة الربيعي

البارت الحادي والعشرون

(للكاتبة طيبة الربيعي)

طب شفتة طالع يخبل بالقاط وشكلة فرحان بس هيبتة كتلتني ابد مضحك، اجت عيني بعينة ابتسملي رديتهة بابتسامة، اجة باسني براسي ولبسني ذهب ومن هل سوالف وكعد شوية والسنوان تهلهل وخالتي تهوس والبنات يركصن بالنص، بس سرى و مرى و رهف لان الباقيات يستحن واكيد لان شهاب غريب عليهن، البنات يركصن واني كلش مرتبكة

حسيت بيد شهاب علة ايدي

شهاب ...فرحان فرحة ماتوسعني، بس ضجت حيل لان اتاخرن بالتحضير واني ماعندي شي بس البيت سويتلية تغييرات وجماعتي ساعدوني مقصرو، الحنة بالبيت بس العرس بقاعة اني اختاريت زيانهة حبيت اسويهة مفاجاة محد شايف التصميم بس اني وأمير، حجزت كيكة مال عرس من ارقة المكان(للكاتبة طيبة الربيعي) والاكل حجزتة من احسن المطاعم، والكيك مال معازيم من نفس المكان لان عجبتني تصاميمهم والاتكيت مالتهم، كل هذا جهزتة باسبوع بس الكيكة اطول لان تصميمهة صعب، اني مخلص بس ذني طولن اسبوعين واني كاعد علة اعصابي بديت ماحس بنفسي من اتعصب علة وتين موبيدي يعني صابر كل هل سنين مو سهلة، بيوم الحنة اخذوني اصدقائي سوولي حفلة بيناتنة ماقصرو شاركوني فرحتي وزادوهة، طلعنة بسياراتنة لبيتنة حتة احني وتين والبسهة ذهب، امي تكفلت بالذهب بنت اختهة ماشاءلله دللتهة دلال ماصاير واشترت ذهب خير من الله، عجبني حجل الماز تخايلتة علة رجلهة، اشتريت ثنين واخذت تراجي مال فراشة حيل ناعمات يلوكن لحبيبتي، اخذوني الشباب لبيتنة وانتظرو برة يدكون ويركصون طبيت شفت ابيوة بالحوش بست ايدة وراسة باركلي ونصحني ومن هل سوالف، طبيت تلكني بالهلاهل(للكاتبة طيبة الربيعي) واني بس اريد اشوف رويحتي، اوت ماشفتهة تخبلت بووويية هاي شني، مو جمال يربي هاي حورية والقرءان مابالغ، انضربت براسي من شفتهة بستهة براسهة شلون عطر يخبل، لبستهة ذهب واني كاعد علة نار هسه شصار لو العرس اليوم، لو الة حنة حتة اتشعوط اكثر من ما اني متشعوط، البنات كامن يركصن والنسوان يهلهن واشوف امي شلون فرحانة وتهوس، بعرسي وية ميساء ابد ماهوست ولا ضحكت، فرحت علة فرحة امي، اخذت ايد وتين لان شفتهة ترجف وشاروتهة

شهاب: روحي، شطالعة متكليلي قشطة وعسل

وتين ...من همس باذني هل كلام كزبر جسمي وخرت ايدي وحاولت اتلاشة الموقف سمعتة يضحك، شوية(للكاتبة طيبة الربيعي) وطلع بس قبل ليطلع شاروني مرة لخ وكال "باجر نشوف هذا الخجل هم يخليج توخرين ايدج مني"، معرفت شنو قصدة، بس من الخجل اني محتارة بنفسي، خلصت الحنة حسيت بنفسي جثة كلش تعبت، مرى بيومهة كلسع اطب للحمام تتقيء خالتي شكت بيهة حامل، لليل كلش كلبت معدتهة فد نوب وكلسع تستفرغ، أمير مو بالبيت بعدهم سهرانين الشباب، طلعت خالتي جابتلهة جهاز فحص حمل، فحصت طلع ثنين خطوط سرى كالت حاامل وكمنة نضحك ونركص وخالتي هلهلت وعمي علة صوتنة اجة كال خير خير كلتلة سرى افرح بابا حتصير جد، عمي بوقتهة الاابتسامة مافاركت وجهة ومرى خطية شكلهة تعبانة حقهة اليوم كلش تعبت، بوسهة براسهة وحط بيديهة مية الف لان ممشتري شي فجاة صارت، من رجع امير محجينة شي كلنة هية تحجيلة، صعد وطول دقيقتين سمعنة هلهولتة خربنة ضحك نزل شايلهة ويفر بيهة وخالتي تعيط عليه ومرى همينة تعيط وشوية وتبجي، بيومهة تونسنة ونسة مصايرة(للكاتبة طيبة الربيعي) وحمدت ربي علة هل عائلة النقية، من صدك عوضني بهل ناس الطيبة، خالتي بيومهة حجتلي شيصير بين المرة والرجال بليلة العرس، اني من الرهبة ضحكت كلتهة خالة وين اكو هيج حجي، كالت خالة هاي عود انتي دارسة وفاهمة ومتعرفين بهل سوالف شجاج، اني من صدك ماعرف بهيج سوالف محد حاجيلي من قبل وحتة بالجامعة مملاحظة هل سالفة، ياربي اني شورطني، لا شهاب حبيبي ميسوي شي برضاتي وهو كلي بس احضنج، لا ميسويهة تؤ، هاي اني شكد ثولة لعد شلون مخلصة دراسة وهالله هالله واني ممخلية ابالي انو كذا وكذا يصير بين المرة والرجال حتة ينتج طفل، بس شهاب ميسويهة(للكاتبة طيبة الربيعي)

بليل كلش شهاب متصل بية حارك التليفون حرك بس اني جنت نايمة كعدت الصبح شفتة بس مكدرت اتصل بي لان التهيت، ودانة امير للصالون همينة طلعت اخبل حتة اني متعجبة بشكلي، سوتلي مكياج ضرب علة عيني برزهة بالزايد، رجعنة امير والطريق كلة يتغزل بية ومرى وسرى يضحكن، همزين مشغل التبريد جان ساح المكياج وراح تعب ام الصالون ع الخالي بلاش، بالبيت لبسوني البنات البدلة وخالتي كامت تبجي وانوب اذكرت ماما اني متحملت همينة بجيت والبنات يسكتن بية كوة لزمت نفسي المكياج الة شوية يخرب، البدلة بيضة بيهة شغل فضي،(للكاتبة طيبة الربيعي) موديلهة هل سنة البدلات بيهن شغل فضي، من كدام فتحة بنص فضيحة وردانهة دانتيل مفضوح ومن الظهر فتحة جبيرة، كلش عجبتني وشهاب ميدري بيهة، لان من رحنة اشترينة رحنة بس اني وخالتي والبنات، عدلوني ورشولي عطر يبقة بمدة 24 ساعة، بس شنو الريحة غير تخبل هذا العطر وينة ليش مطلع من قبل ههههه، جوي مراة عمو مصطفى وبناتهة وهلاهل

جايباتلي ذهب، شوية واجوي الشباب طب شهاب وويا أمير ورائد، لبسوني البركع البنات قبل ليطب، طب لبسني الحلقة بيدي اليسرة ولبسوني ذهب وبعدها هوسات بهوسات واني بالي مسطور بالحجتليا خالتي، زفونة للقاعة وطول الطريق شهاب لازم ايدي بس محجة شي الف الحمدلله، وصلنة للقاعة اخذوهة دك وركص لحد مكعدنة ع الكوشة الشباب اخذو شهاب وطلعو للصفحة الثانية والبنات اخذو راحتهم وكذلك اني، ركصت وية البنات لحد متعبت، كعدت بمكاني كالو حيطب العريس، طب فدوة الطولة شكد احبة، اخذني من ايدي وكمنة نركص سلو بالنص علة اغنية سمعني نبضك اذكرت بيومهة من اخذني للبيت مسويلي مفاجئة وركصنة مثل هسه(للكاتبة طيبة الربيعي)

شهاب ...حركت التليفون بليل بس مجاوب، اتصلت بامي هم ماكو اتصلت بامير كلي نايمات تعبانات وبشرني بحمل مرتة باركلتة وفرحتلة حيل يستاهل اخوي، بس وين صايرة هاي اخوي الصغير يصير عندة طفل واني طكن براسي الشيبات وماشام ريحة اطفالي، الله لا يطيج ميساء ويحرمج مثل ماحرمتيني من الاطفال، ماشفت شي من وتين لان كلت للبنات يغطنهة طبينة اني والولد، بس التهيت البسهة الذهب مانتبهت علة وجههة من العرك اليصب، عبالك هاي اول مرة ازوج، من اخذوني الشباب ركصنة ركص ماصاير وامير اخوي عبالك هو المعرس ذب لحم، من رجعت لقسم النسوان وشفت وتين ماعرف شصار بية، معقولة هاي وتين، شنو من جمال شنو من حياء شنو من خجل، شأوصفهة، طماطة لو ركية لو فراولة، شأوصفهة ياالهي بس الك الكمال(للكاتبة طيبة الربيعي) لكن هاي خلقة واخلاق، اخذتهة من ايدهة لساني معكود من الشفتة، ركصنة سلو جريتهة لحضني وخلت راسهة علة صدري، اويلي يابة شكد احبهة

شاورتهة: شطالعة ولج شنو هاي

وتين بخجل: انتة طالع تخبل حبيبي

شهاب: بووية باع اللسان يااالهي، اليوم انهيج نهي

وتين ...يمة اذكرت كلام خالتي تخربطت احوالي

شهاب ...شو هاي انكلبت خلقتهة وكامت ترجف، يلة متعود علة مستحاهة، من خلصت الاغنية صفكولنة رجعتهة للكوشة وضليت يمهم شوية بعدين رجعت يم الولد

وتين ...طلع شهاب واني اختنكت مرى ورهف هونن علية شوية سرى تذب لحم بالنص حتة نستني، خالتي تصيحلهة متسمعهة ملتهية بالدك، عبالك(للكاتبة طيبة الربيعي) العرس طلع سم علية اني شورطني شجابني شلون راح تعدي هل ليلة، شهاب مبين شاد حيلة و منتظر علة اعصابة، ياربي شورطني عيني، لل12 بليل العرس مستمر لحد ماهلكنة هلك

شهاب ... كلت لامي خل البنات يلبسن لان الشباب راح يطبون، غطيت وتين من فوك اليجوة وتأكدت ماكو شي طالع منهة يلة كلت لامير خليهم يطيبون، طبو الشباب ردحو وهوسو من صدك فرحوني، كصينة الكيكة وبعدهة وتين ترجف شاورتهة

شهاب: شبيج ترجفين عمري

وتين: مابية شي

حقهة يعني هو اني وحدي متحمس، كل بنية بعرسهة تخاف مو شي ينخاف منة يعني، لليل كلش بوست راس امي وراس ابوي وصوني علة وتين وتحطهة(للكاتبة طيبة الربيعي) بعينك ومتزعلهة، ميدرون جاي يوصوني علة روحي، الزفة كبل لبيتي وهم ذبو لحم كبال البيت يلة راحو، شلتهة وهم جلبت بركبتي تخاف توكع ههههه ذكرتني باول مرة شلتهة من جانت صغيرة بس هل مرة شيلة مال زواج هههههه، خرب بعقلي صرت الثعلب المكار

وتين ...زفونة للبيت واني كلش خايفة كلت الخالتي ماريد اطب حاجتني بالكوة يلة اقتنعت، شالني واني من الخوف عبالي حوكع نسيت هذا شهاب الاسد يوكع نفسة وميوكعني، دخلني للغرفة ونزلني، وخر البركع وباسني بكصتي

شهاب ...بوية شنو هل حلا، كلش فرحان حيييييل طاااير

طلعت العلبة من جيبي وطلعت التراجي لبستيها وبعدهة ترجف

شهاب: كافي حبيبي علة شنو هل هزاز متكليلي ههههه(للكاتبة طيبة الربيعي)

وتين ...لبسني تراجي يجنن حتة مشكرتة من الخوف

شهاب: طبي اخذي دوش اخذي راحتج واني اطب وراج

بستهة براسهة: لتخافين عمري

وتين ...من كلي اخذي راحتج مصدكت كبل رحت للكنتور طلعت سيت نوم مثل مخالتي خبرتني ودخلت للحمام، اروح واجي

وتين: شسوي هسه شسوي، لا مفر وين اروح وين اختل، اختل جوة السرير؟ لا اكيد يلكاني، زين بالكنتور؟ اي اي بالكنتور مراح يشوفني، لا يا ميشوفني اكيد يلكفني، البس واطلع بس ماخلي يتقربلي وشيسوي خل يسوي، ماكو شي بالاجبار

نزعت البدلة واخذت دوش بالغسول ريحتة عطت، سرحت شعري وعفتة مفتوح مسحت المكياج(للكاتبة طيبة الربيعي) وغسلت وجهي وخليتلة مرطب بشرة مثل موصتني خالتي ريحتة تجنن، غيرت ملابسي الداخلية ولبست فوكاهن السيت، صح مفضوح بس مضطرة، علكت البدلة وطلعت بالكوة امشي

شهاب ...طبت وتين واني نزعت القاط ولفيت الخاولي علة خصري، انتظرتهة تطلع حتة اسبح واطلع العب لعب، شوية وطلعت فكيت عيوني، شيصبرني اني شعندي سابح، لا شلون غير عركان، طلعت بس ترجف وتغطي بروحهة ومنزلة راسهة، ههههه فدوة حبيبتي شكد احبهة خاصة هذا خجلهة من تخجل اصير طماطة، محبيت احرجهة طبيت للحمام بدون ماحجي شي بس اني اشتعل شعل، اخذتلي دوش ع السريع ع السريع ولبست شورتي وطلعت، باوعتهة هاي وينهة، اشوف شي يتحرك جوة الغطة ههههه عرفتهة راح تختل، تقربت علة(للكاتبة طيبة الربيعي)كيفي وشلت الغطة فزت وكبل وكفت علة حيلهة

وتين ...من شفتة بس بالخاولي زاد خوفي بالزايد، من طب اخذتهة فرصة

يتبع...

#وتين قلبي

#بقلمي طيبة الربيعي

البارت الثاني والعشرون

(للكاتبة طيبة الربيعي)

ختلت جوة الغطة بلكت عبالة نمت ويعوفني بس راح كلبي من جر الغطة كمت علة حيلي

وتين: لازكة بالحايط: شهاب والله اذا تقربت مني اصيح

شهاب بصدمة: ااه

وتين: والله، لتجي يمي روح

شهاب بعصبية: شلج بهل حجي، نزلي شنو هاي

وتين باصرار: شهاب الله يخليك اتركني، مانزل

شهاب بعصبية: مو وياج؟! نزلي

وتين: ماا ماااا

شهاب ...انصدمت بردة فعلهة بس حيل ضجت وطكت عندي العصبية، استغفرالله ياربي، لازم اعاملهة بهداوة حقهة(للكاتبة طيبة الربيعي)

شهاب: نزلي حبيبتي ماسويلج شي

وتين: احلف؟

شهاب: بالله رجال مشورب تخليني احلف، نزلي شهل مصخرة هاية

وتين: ماريد شهاب الله يخليك ماريد

شهاب: هو شنو المتريدين هسه اني شمسويلج

وتين: ماريد تجي يمي اوك؟

شهاب: مااجي بس نزلي

نزلت علة كيف شو هذا جرني ادفع بي ماكو

وتين: لا شهاب الله يخليك لااا اتركني

شهاب ...من نزلت كبل جريتهة لحضني كامت ادفع وتعيط عفتهة ركضت ورة الجرباية

وتين: كتلك لتجيي يمييي

شهاب: هاي صدك عود؟(للكاتبة طيبة الربيعي)

وتين: والله

شهاب: وتين شنو ماجي يمج، انتي تعرفين شنو المفروص يصيري بهل ليلة؟؟

وتين: اي اعرف لهذا السبب ماريد

شهاب: وشصخم لاهلي اذا سألوني، اكلهم والله ماعجبهة ماتررريييدد

وتين: ليش تعيط، اي ماريد شنو هية كوة

شهاب: ولج شنو متريدين!!!!! هية لعبة!!!

وتين: ماريد ماااريد

شهاب كام يروح ويجي يروح ويجي ويفرك بوجهة ويستغفر اخر شي طلع من الغرفة وطبك الباب حيل

شهاب ...هية هاي الجانت عايزة، شلون ليلة سودة، لو ما احبهة جان كسرتهة تكسر وعلي، كعدت بالاستقبال اهز برجلي، شلون بالله، اطب واخذهة(للكاتبة طيبة الربيعي) غصباً عنهة لو اكعد واسكت واكسر الشر بين ما يطلع الصبح تجي امي وتقنعهة، اووف اووف

وتين ...من طلع ركضت قفلت الباب يلة تنفست براحة، يمة مجرد التفكير بالشغلة يحسسني بالرهبة، تغطيت ونمت من التعب

شهاب ...نمت بعد تفكير تعب دماغي، كعدت علة صوت الباب يندك، كمت بسرعة اريد اطب للغرفة حتة البس شي بس هاي قافلتة، هل مرة هاجت اعصابي من صدك، فتحت الباب طلعت امي طبت تضحك واني دمي فاير

ام شهاب بقلق: هاي يمة شبيك معبس

شهاب: طبي يمة طبي(للكاتبة طيبة الربيعي)

طببتهة للهول وكعدت كبالهة

ام شهاب: شكو يمة خوفتني خوما بيكم شي، وتونة بيهة شي

شهاب: لا يمة وتونة عال العال بس ابنج المكرود طايح بيهة

ام شهاب: شكوو ولك احجي

شهاب بعصبية: اذا ماطبيتي وحجيتي وي بت اختج مايصير خير، البارحة تشرد مني وتعيط متريد اتقربلهة بالله هذا حجي هذا(للكاتبة طيبة الربيعي)

ام شهاب بقلق: لا حبيبي هسه افوت احاجيهة ليضل بالك، طبيعي يا يمة اي بنية بنية تخاف بهل ليلة انتة هم علة كيفك

شهاب: هو شنو التخاف بعبع اني، فوتي يمة حاجيهة ترة اخذهة غصب والكعبة

ام شهاب كامت: لا يمة شجاك، هسه احاجيهة والتريدة يجرالك حبيبي

طلعت ام شهاب للمطبخ خلت الريوك وراحت لغرفة وتين دكت الباب وتريد تفوت لكتة مقفول

ام شهاب ...بالله صدك جذب، شجاهن ذني بناتي، ذيج تخاف وهاي ماترضة شلون بية اني

دكيت الباب: يمة وتونة فتحي الباب اني خالتج

وتين ...سمعت صوت الباب يندك وصوت خالتي، كمت بالكوة(للكاتبة طيبة الربيعي)

وتين: اي اي خالة جيت

فتحت الباب شو خالتي طبت ضايجة وسدتة وراهة

ام شهاب: تعاي كعدي يمة تعاي

كعدنة ع القنفة: ها خالة

ام شهاب: شنو هذا الحجي السمعتة يا حبيبة

وتين عرفت: اي خالة شنو ماريد هية كوة، مجنت متوقعة هيج لازم يصير بليلة العرس

ام شهاب: لازم حبيبتي شلون تريدين طفل لعد، شلون تخلي يحبج ترة الرجال اهم شي عندة الفراش، هسه هو صح يحبج ويموت عليج وصابر كل هاي السنين بس من توصل للفراش وتمنعي مايشوفج بعيونة، حبيبتي ميحتاج كل هل خوف

ليلة وتعدي بعدها تتعودين، يلة كومي سبحي وعدلي روحج شحالتج يا يمة فدوة لطولج، كومي لبسيلة احلة ماعندج وكسبي بدلعج

وتين كامت تبجي وغطت وجههة بيديهة: ماريد خالة ماريد موبيدي اخاف اموت والله

ام شهاب انقهرت: لا يمة اسم الله عليج، ولج خالة ليش تخافين الشغلة مايحتاجلهة كل هذا الخوف

وتين: ماكدر مو بيدي خالة الله يخليج قنعي مااكدر

ام شهاب: هذا هو يمة هذا هو لتبجين كافي هسه اني احاجي(للكاتبة طيبة الربيعي)

ام شهاب ...هاي امانة عندي من اختي المرحومة ومايطيني كلب اجبرهة، مسحت دموعهة وهديتهة وطلعت لكيت وليدي كاعد ويهز برجلة من شافتي كام علة حيلة

شهاب: ها يمة

ام شهاب بتردد: يمة حبيبي خليهة هل ليلة بين ماتتقبل الموضوع، تخاف وكامت تبجي لاتكسر بخاطرهة وليدي

شهاب بعصبية: يمة شنو القصة، شلون يعني اني ازوجتهة اباوع عليهة، مو خلصت عمري كلة اتانيهة وهسه تكليلي تخاف وتبجي ماتريد شلج بهل حجي

ام شهاب: لخاطري وليدي يتيمة لا تكسر بخاطرهة، خليهة هية جم يوم وتقتنع تجيك برجليهة بس انتة لتجبرهة

شهاب: الصبر ياالهي، الفرج يا صاحب الفرج، خوش يمة جم يوم واذا ماعدلت اخذهة غصب وعلي

ام شهاب: لا يمة حبيبي اصبر الصبر مفتاح فرج، وداعتك تقنع بس انتة سهل الامور شوية

شهاب: اسهلهة ليش لا(للكاتبة طيبة الربيعي)

راحت امي واني طلعت الريوك اكلت لكمة جوعان، شراح يفكهة ولا متوقعهة هيج خوافة، مو جانت متحمسة اكثر مني واخذني البيتك وخلينة وحدنة وخليني بحضنك، طلعت نفاخة خرب حظي اي والله

من خرب حظي شبعت عفتة ع الميز خاف جوعانة وتجي عبالهة ماكو اكل، كمت فتت للغرفة همزين الباب مفتوح جان كسرتة، مالكيتهة سمعت صوت بالحمام عرفتهة بالحمام، طلعت ملابس وبدلت، اعدل بروحي كدام المراية جان تطلع باوعتلهة بخزرة ودرت وجهي وطلعت، الصبر يا الهي خل نشوف بالله جم يوم اذا ما فكت اخذهة يعني اخذهة، ورثتلي جكارة وكعدت ادخنهة بالهول، حتة طلعة ماكدر اطلع اذا شافوتي جماعتي شيكولون بالله عريس بعدة ممقبط يوم طالع برة(للكاتبة طيبة الربيعي)

وتين ...من طلعت خالتي طلعت دشداشة كصيرة وخاولي اريد اسبح شعري مغسلتة البارحة بقة بي اللمع، طبيت للحمام وفتحت الدوش علة مي دافية، ياربي ساعدني، احبة بس ماكدر ماكدر، احسة شي مقرف ويخوف شحال لو سواهة وياية غير اموت، يعني جان يسوي هيج وية ميساء؟؟ اوف ياربي طلعهة من بالي راحت الله ليردهة، يعني سرى هم سوة هيج وياهة رااائد، عزةةة شكد عيب، شورطني اني واستعجلت بالزواج امداني غير افتهم السالفة بالأول، سمعت صوت بالغرفة عرفتة هوة، لبست الدشداشة ولفيت شعري بالخاولي وطلعت، استحي اباوعلة بس اجت عيني بعينة خزرني وطلع، اووف كلشي ولا هاية النظرة شسوي هسه اني

اووي خلي قابل شسويلة مو الة يسوي وياية هل شغلة يلة يرضة، شنو هاية انوب، نشفت شعري وسرحتة عفتة مفتوح(للكاتبة طيبة الربيعي)

خليت مكياج شي خفيف وذبيت لمع علة صدري هيج خفيف ميبين هواية بس ينطي لمعة وبي ريحة تخبل، طلعت من الغرفة لان ميتة جوع علة الاكل مال العرس، فتت من الهول شفتة يدخن ويزفر الدخان بالهوة بهدوء، همزين مشافني مابية حيل هبطة ثانية، طبيت للمطبخ شفت ريوك ع الميز كيمر وكاهي وقشطة و مربة، اويلي يابة مربة، قضت عليه لحد مابطني كامت تأذيني، غلفت الباقي وضميتة بالثلاجة باوعتل بيهة متروسة حلويات وعصائر شجاني شبعت بالريوك، غسلت واخذت نفس قبل لا اطب للهول، دخلت باوعلي ودار وجهة، هاي صدك سواهة زعلة

تقربت وكعدت بصفة: شهاب

باوعلي يعني شرايدة

وتين بتردد: ممكن اطلب طلب

شهاب: شكو(للكاتبة طيبة الربيعي)

وتين بتردد: وديني لبيت خالتي

باوعلهة بخزرة وحجة بصوت حاد: انتي من كل عقلج لو تشاقين!

وتين باصرار: ليش اشاقة، اريد اروح لبيت خالتي

شهاب بعصبية: امشي كومي من يمي ماكو لا بيت خالتج ولا بيت عمج كووومي

وتين خافت: ايييه شبيك تعيط

شهاب فك عينة: تكومين لو شلون

كمت من يمة ورحت للمطبخ، علة شنو هل عصبية يعني من صدك ميت علة ذيج الشغلة، استغفرالله ياربي شلون شغلة هاااي، رجعت للغرفة رتبتهة وخابرت سرى حجيتلهة البداخلي لان غصة صارت بكلبي اريد ابجي بس دموع ماكو، حجيتلهة وكالت حقج بس ماكو داعي لكل هل خوف اني همينة خفت بالبداية ومخليتة يقربلي بس بعدين شفت الشغلة مو مستاهلة كل هل عرقلة والخوف، شتحجين انتي يا سرى متكوليلي شجابني اني شورطني، صارت صلاة الظهر صليت وهو همينة صلة وكلسع يخزر بية،(للكاتبة طيبة الربيعي) ووف ياربي حلهة من يمك

صليت وكمت اسوي غدة وهوة رجع علة نفس الكعدة يجر بهل سم وميلحك، انوب صاير نار ماكدر احاجي، سويت عجينة البيتزا وانتظرتهة تختمر وبين متختمر سويت الحشوة والصلصة، سويت البيتزا وخليتهة بالفرن بهل اثناء دك فوني خالتي اطمنت علية وهمينة ذبتلهة كم نصيحة وراحت، يعني خالتي همينة هيج سوت وية عمي🤔 مجنت متوقعتهة منهم، يعني ماما وبابا همينة هيج سوو وجابوني عزززةة، احسة شي مقززز ويييع، جيكت العجينة كسبت طلعتهة وقطعتهة صارن كل بيتزا خمس قطع، سويت ثنين يكفي و زايد همينة اني تلث قطع بالزايد تكفيني بس ويلي علة شهاب(للكاتبة طيبة الربيعي) ميكفي شي، رتبت الاكل وسويت زلاطة معكرونة وطلعت عصائر انواع، اخذت السفرة وطبيت للهول مباوعلي فرشت السفرة سمعتة يكول

شهاب: اسممي وحدج ماريد

باوعتلة بعصبية: اسمم وحدي ليش لا

جريت السفرة بعصبية وطلعت كام يعيط

شهاب بصراخ: بعد وبعد جان اخذتيلج راااشدي، دعيديها بعد لا ما ملصت اذاناتج، شايخة انوب ام لسان

مهتميتلة تغديت ورجعت للغرفة رديت الباب وكعدت ع السرير اكلب بالفون جتني رسالة من مراة أمير

بالرسائل

مرى: يول شلونهة ليلتكم حلوة هاا😉

وتين: سكتي وخليهة، كلشي مصار

مرى: يااا عزةة ليييش(للكاتبة طيبة الربيعي)

بهل اثناء عاط شهاب وكع التليفون من ايدية

وتين: بعدين احاجيج الاسد مالي يزأر

مرى: ههههههه تمام

ذبيت الفون وطلعتلة شفتة فاير

وتين: شكو

شهاب: راح يجون بيت عمج حضريلهم غدة بسرعة

وتين: ياا شلحك

كام وقبل ليطب للغرفة: مشكلتج

اشو طب للغرفة وعافني مثل الخبلة وحدي، هووف شهاب شجاك متكولي، رجعت سويت كص دجاج وشفت بعد اكو كص لحم هم كليتة وسويت نوعين زلاطات مال معكرونة وصدر دجاج ومال جزر، ركضت للغرفة شفت شهاب يكلب بتليفوني مهتميت طلعت ثوب ابيض ردان خفيف حلو وسويت شعري ضفيرة هندية ومن ردت ابدل طبيت للحمام بدلت وطلعت طبعا شهاب خزرني خزرة يا يابة ردت ابول عبة نفسي بوقتهة همزين ملحك يعيط علية لان دك الجرس، راح يفتح الباب واني منتظرة سمعت صوت عمي ومرتة طبو ووياهم رائد و سرى، رحبنة بيهم،اباوع لشهاب كوة يحاول يغطي علة غضبة واني(للكاتبة طيبة الربيعي) نفسيتي زفت بالكوة ابتسم، ورة شوية جوي بيت خالتي همينة كلهم، خرب حظي الاكل محيكفي

يتبع...

#وتين قلبي

#بقلمي طيبة الربيعي

البارت الثالث والعشرون

(للكاتبة طيبة الربيعي)

لازم اسوي بعد بس شفت خالتي وياهة جدورة فدوة اروحلهة نقذتني طلعت مسوية غدة وجايبتة، بوستهة شاورتني كالت خلو كلشي طبيعي واليسألج كولي كلشي تم

كتلهة ماشي، التهينة سوالف وضحك عمامي ثنينهم جايبيلنة هدايا، عمي ابو شهاب لوحة خشبية جبيرة ومكتوب عليهة اية الكرسي وجايبلي كلادة ذهب مال الله وعمي ابو رائد جايبلنة تحفية جبيرة مكتوب بيهة الله محمد علي والية جايبلي همينة كلادة ذهب بيهة اسمي، تشكرت منهم ثنينهم وبوستهم وكذلك شهاب، خالتي جايبتلي سوار ذهب مال حسد وكلادة ذهب همينة مال حسد بيهة عين زركة، مراة عمي جايبتلي ثوابة ولشهاب جايبتلة ساعة اصلية البنات همينة سرى ومرى(للكاتبة طيبة الربيعي) جايباتلي سوالف مال بنات شسوار مشسوار، رائد جايبلي طوك مرصع بورد الوان وجايبلي ثوب يخبل من ذني الثوابة الخليجية، وأمير خرب عرضة ضحكني جايبلي لعابة و ومشط حتة امشط شعرهة يستهزء بية يكلي تضلين طفلة بعيني هههههه، فدوة لكلبة اخوية نظر عيني، كلش احب لمتنة تخبل حسيت براحة نفسية رغم الوضع متوتر بيني وبين شهاب، لليل يلة راحو وخالتي قبل لتطلع هية و مراة عمي دوخني بالنصايح ورجلج وماعرف شنو ولتستحين منة، وووه دخت من صدك، راحو كبل طبيت للحمام اخذت دوش وطلعت لبست بجامة كرزية فضفاضة والبدي ردان بس بالظهر(للكاتبة طيبة الربيعي) مفتوح وبالفتحة شريط اسود، شلت شعري كباية مخربطة مثل التسريحة ورتبت شكلي، كل هذا وشهاب يحجي بالتليفون، سمعتة يكول حيل بيهم يستاهلون، من خلص رحت كعدت يمة

وتين: وية منو جنت تحجي

شهاب ...اليوم كلة كاعد علة اعصابي وانوب تلبس بهل فضايح وتحرك ابو ابوية، هاي تاليتك شهاب حلالك كدامك وماتكدر تكربلة، جوي اهلي همزين غيرت جو شوية وطلعتهة من بالي، من راحو اجاني اتصال من واحد خالة يراقبلي الوضع مال عمام وتين ويخبرني بالحكم اليصدر، خابرني وكلي انحكم عليهم سجن خمس سنوات لان طلعت اوراقهم سودة نصابين ومحتالين، كلش فرحت يستاهلةن هل انذال شكالو لارواحهم من باكو حق هل يتيمة، من سديتة(للكاتبة طيبة الربيعي) جتي وتين كعدت يمي، ااخ الله شنو هل جمال النوب العطر اليخلي الواحد يخدر وينجذب الهة، يلة جم يوم واتصرف تهون شهاب تهون

شهاب كام: ميخصج

وتين ...كام يريد يطلع كمت لزمت ايدة

وتين: الى متى تبقة تعاملني هيج، شسويت متكولي شسوويت

رجع باوعلهة: من تعرفين غلطتج وتنوين تصلحي تعاي عود اوكفي كبالي وكليلي ليش تعاملني هيج

جر ايدة مني وطب للغرفة، كلش انقهرت وبليل راح نام بالهول، ثاني يوم همينة حاول وياية بس صديتة هم سواهة زعلة وكام يعيط ويكلي بسيطة، بالسبعة(للكاتبة طيبة الربيعي) جوي بيت عمو مصطفى وية بيت خالتي وباركولنة بس هاي هند الجلبة باركت لشهاب واني تباوعلي صفح، من باركتلة باستة بخدة كبل باوعت لشهاب خزرتة مهتملي وذب ميانة وياهة، حلفت اليوم متعدي علة خير بسيطة تحلل لنفسك وتحرم علية، صار  الليل راحو، طبيت للغرفة وانتظرتة يطب لان بقة برة يسولف وياهم، شوية وسمعت الباب انردت كمت طلعت من الغرفة ووكفت كبالة

شهاب ...مرن ذني الايام اعصابي هاجن فد نوب حلفت الة اخذهة غصب، بيوم السبعة جوي بيت عمي مصطفى وية اهلي وبيت عمهة، تفاجئت من هند باستني بخدي باوعتل الوتين تخنزر بية حلفت الة احرك دمهة وبديت اشاقي بت عمي وماهتميت الهة طول اليوم، اعرف بيهة ضاجت لان كلسع(للكاتبة طيبة الربيعي) تخنزرني واني مطنش، شايخة انوب تخنزر ام لسان، راحو الجماعة بليل طلعت بالباب وصوني عليهة ودير بالك عليهة ولتضوجهة هاي الكمرة، اي حقكم متدرون شلون مكعدتني علة الجمر، من راحو طبيت شو هاي واكفتلي متخوصرة

وتين: شنو هذا الصار بالله

شهاب: عينج لا افكسهة لا تخنزرين

وتين: شهاب لتخبلني، شلون تخليهة تبوووسك

شهاب بعصبية: هو شكو شبيج تعيطين

وتين: شلون متريدين اااعيط، تخلي احد غيرك يبوووسني

جريتهة من اذانهة: املص اذانتج والقرءان دعيديهة وشوفي(للكاتبة طيبة الربيعي)

دفعتني: اعيدهة بكد مااريد، لتحلل لنفسك وتحرم لغيرك

شهاب ...تعجبت من لسانهة، جنت علة نفسهة بنفسهة

وتين ...اني حجيت هيج وهو انكلب ثور هايج، جرني جر

ادفع بي ميتركني اخر شي شالني واني اضرب بي اريدة يعووفني مااكو

وتين: نزللللنيييي

طببهة للغرفة وقفل الباب وشمرهة ع السرير وصار فوكاهة

شهاب يشكك بملابسهة: صبرت عليج هواي اظاهر انتي مو ما مال احترام

وتين بخوف ادفع بي: لاااا شهاااب اتررركنييي

متركني ابد واخذ مني اليريدة، مهتم لدموعي ولا لتوسلاتي ولا للخنكة السببلياهة، بلحظتهة كرهتة، كرهتة وكرهت حبة وكرهت حبي الة وكرهت كلشي حوالية، حسيت بنفسي منتهية، استسلمت لمن اخذ اليريدة،  مابية اتحرك بس دموع

شهاب ...طلعتني عن طوري وخلتني افقد اعصابي منا اني رايدهة من الله حتة اخذهة، قاومتني بس ماتكدر توخرني(للكاتبة طيبة الربيعي)

اخذتهة وضليت وياهة لحد ماشفة غليلي، خليهة تبجي هية جابتهة الروحهة صبرت سنين وهية ولا هامهة، دللتهة دلال ماصاير وكل هذا ماغزر بعينهة، كمت للحمام سبحت وطلعت لكيتهة مغطية راسهة وتبجي

شهاب: كومي عاد كافي بجي، مصخيتهة ترة شجاج!!

وتين ...اسمعة يحجي بس ماجاوبة كلبي محروك، كام يشمر بالحجي تالي متالي عافني وطلع، كمت للحمام جلفت نفسي جلف، حقير نذل اكرررررهككك، رجلية كوة امشي عليهن طلعت شلت الفراش ذبيتة بالغسالة وشغلتهة

شلت ملابسي البالكاع شفتهن مشككات وشحالهن، بسيطة شهاب لحظة ماكعد يمك تحلم تشوفني بعد، شلت ملابسة القذرة شمرتهن بالحمام مغسلتهن، نشفت شعري بس دموعي منشفن، شيفيد البجي يا وتين، بمنو بعد تثقين اذا اقرب الناس الج اقرب الناس لكلبج سوة هيج شتترجين من الغريب لعد، طلعت هدوم وبهل اثناء دخل شهاب

شهاب ...طلعت من الغرفة طكيتلي اربع جكاير وحدة ورة اللاخ، مثل الشريط اشتغل كدام عيني السويتة وياهة، ساعة اكول تستاهل هية الخلتني اسوي هيج واجبرهة ساعة اكول شلون فرطت بيهة وماصبرت لحد ما الله يفرجهة، ضليت حاير شلون اراضيهة والسويتة مو شوية، اخر شي كلت اعوفهة هية تهدأ وتعرف غلطهة، طبيت للغرفة شفتهة اطلع هدوم(للكاتبة طيبة الربيعي) والفراش فارغ لا غطة ولا جرجف

شهاب: هاي شنو، شجاي تسوين

وتين: ميخصك

شهاب: وتين لا تتخبلين وتخبليني عليييج، شنو هاي الهدووم

عفت البيدي واحجي ويا واشر بيدية: لحظة مابقة يمك بعد اني تسوي هيج بييية، جااان استحييييت وعزر بعينكككك

شهاب يحاول ميفقد اعصابة: اهدي وسمعيني

وتين بعياط: مااسمع مااسمععع

رجعت اخذت الهدوم اريد ابدل جان يجرهن من ايدي ويشك الثوب بالنص ويشمرة بالكاع

شهاب: اكلي تبن واركدي، طلعة ماكو رجليج اكصهن

وتين تبجي: مابقة يمك والله، اخذني البيت خالتي اخخخذني مااريدك(للكاتبة طيبة الربيعي)

شهاب ...اتخبلت كامت تبجي غطت وجههة ووكعت بالكاع تبجي بصوت عالي، تكطع كلبي عليهة شلون افرط بيهة وهاي اني الربيتهة وتعبت عليهة، نزلت يمهة كومتهة من زنودهة

شهاب: كومي اخذج كومي كافي بجي

دفعتة: اطلع خلي ابدل

شهاب ...جريت حسرة وطلعت دكيت علة امي وكتلهة راح اجيب وتين، امي ضلت تعيط علية شسويتلهة وشسويتلهة

كتلهة اخذتهة ارتاحيتي اخذتهة ومن حقي محد يفك حلكة ويحجي، طبكتة واخذت السويج وطلعت انتظرهة بالسيارة ورة عشر دقايق جتي وبيديهة جنطة صغيرة، اظاهر ناوية تبات، الصبر يا ربي اطيني صبر حتة ماابتلي بيهة(للكاتبة طيبة الربيعي)

وتين ...بدلت واسمعة يحجي بعياط بالفون عرفت وية خالتي، طكيت بالبجي واني ابدل واحجي وية روحي مثل المخبلة، طلعت جنطة صغيرة وخليت بيهة هيج شي بسيط ع السريع ع السريع بس اريد اطلع منا احس بخنكة، اخذتهن وطلعت شفتة بالسيارة دخلت وطبكت الباب حيل

شهاب: الباااب، مو مشتريهة ابلاااش انييي

مجاوبتة ارتاحيت لان حركت اعصابة طول الطريق يدخن ويغلط علية ويهدد واني دموعي يحجن، وصلنة لبيت خالتي نزلت ركض دكيت الباب طلعو عمي وخالتي وامير، كبل ارتميت بحضن خالتي ابجي(للكاتبة طيبة الربيعي)

ام شهاب: اسم الله يمة حبيبتي شجااج

ابو شهاب: شكو شهاب شصاير

قفلت السيارة وطبيت: ماكو شي يابة

ام شهاب اخذت وتين وطبت، بقو امير و ابو شهاب يم شهاب

ابو شهاب: شنو ماكو بوية شبيهة مرتك

شهاب: تتعاير يابة، عيارة النسوان ماتعرفهة، امير طب جيبلي مي ريكي ناشف

امير: اي

طب امير(للكاتبة طيبة الربيعي)

ابو شهاب: تعال طب نكعد بالحديقة

دخل شهاب وية ابو وكعدو بالحديقة، جاب امير المي لشهاب

شربة كلة وخلا ع الطبلة، امير صاحتة مرى طب جوة

ابو شهاب: احجيلي وليدي، اضم علة ابوك، احجي ولا تستحي

شهاب: يابة والله اخجل احجي، شحجي شكول

ابو شهاب: لا تخجل وليدي جا غير اني ابوك، اذا مو الي تحجي المن تحجي واطلع البكلبك، احجي بوية احجي

شهاب دنك: يابة اخذتهة غصب

ابو شهاب بصدمة: شلوون؟!

شهاب ضل مدنك محجة

ابو شهاب: شجاك شهاب هاي عود انتة الجبير واعتمادنة عليك تحط عقلق بعقل هل يتيمة

شهاب: يابة صابر عليهة اسبوع كامل، هسه تفكهة هسه تفتهم وتعقل هسه تتقبل ماااكو، كل ماجي يمهة تخاف وتركض مني، شنو مو رجاال بعينهةة

ابو شهاب: يعني انتة ماماخذهة من اول يوم

شهاب: لا، بيومهة ضلت اطفر وتعيط مارضت، هم فوتتهة وخابرت امي بوقتهة من اجتي وهم حاولت تحجي وياهة وتقنعهة بس مارضت، ضليت انتظر اسبوع تالي متالي طولت لسانهة وصار الي صار

ابو شهاب: باوعلي شهاب، صح انتة ابني وبزري الجبير واحترمك ومارفضلك طلب، وخال كلمتك فوك كلمة الكل حتة امك، بس يا ابني السويتة غلط اكبر غلط، نسيت هاي يتيمة وتنجرح من الريشة، وليدي الله سبحانه موصينة بالمساكين والايتام،(للكاتبة طيبة الربيعي) والامام علي وصانة بيهم وجان اب الهم وهسه وبعد، كسرت بخاطرهة وكسرتك مو هينة، جان المفروض تصبر مثل ماصبرت كل هاي السنين، اشوفك شلون طفر كبلنة كلنة اذا وكعت لو انجرحت، لا عبالك اني وامك غشمة ومانعرف بيك تحبهة، لو مانعرف بيك تحبهة وتصونهة جان ماطيناكياهة صدكني حتة لو ابنة، حاول تصلح الكسرتة يا ابني قبل لا يكبر جرحهة ويصعب دواه، خليهة عدنة جم يوم بين ما تهدة وتفكر بعقلانية، صح هية جبيرة وفاهمة مو هالله هالله بس تبقة المرة يا ابني هشة تنجرح من نسمة الهوة اذا لاحتهة، هل تشوفني اني وامك عشرة عمر شكد صارت مشاكل بس ما فد يوم خليتهة تنام زعلانة علية(للكاتبة طيبة الربيعي)

صح اهلي مجانو يحبونهة لان بنت بغداد بس كدرت تكسب والدتي وبطريقهة كسبت ابوي واخوتي، تدري ليش؟ لان شوفتهة حبي كول وفعل مافد يوم كتلهة انتي غلطانة، و من تغلط اعلمهة

يتبع...

#وتين قلبي

#بقلمي طيبة الربيعي

البارت الرابع والعشرون

(للكاتبة طيبة الربيعي)

جانت امك كلشي ماتعرف بالشغل مدللة اهلهة بس اني علمتهة وياهة وياهة لحد ما صارت وحدهة تتصرف، من يومهة اني اعتمدت علة امك، من طك براسي الشيب وصحتي ادهورت ماخفت تدري ليش لان اعرف امك بمية زلمة محد يكدرلهة هل تشوفهة شلون ربتكم وتعبت عليكم ومداريتني ومامخليتني اعوز علة احد، وتين هم نفس الشي بس هاي من يوم يومهة معدلة ماتحتاج بس لسان يسايسهة

مرة مرتين لحد ما هية تكوم تحس علة غلطهة

شهاب ...كلام ابوي ريحني خلاني احس بغلطي، وتين ماغلطت مثل غلطتي كل المشكلة جانت تخاف وحقهة مو سهلة وهية بنية، بوست ابوي وتشكرت منة ورجعت للبيت حتة ماطبيت جوة وحجيت وية امي(للكاتبة طيبة الربيعي)

وتين ...دخلتني خالتي حجيتلهة كلشي ضجات وكامت تحجي علة شهاب بس كالت انتي هم غلطانة وهذا خوفج الزايد عم عليج، بيومهة نمت بحضنهة وثاني يوم جتي سرى رائد جابهة بس متدري اني هنا، محجيت شي مرى حجتلهة سرى ضاجت مني لان صديتة اكثر من مرة وخليتة ينتظر اسبوع، بقيت اربعة ايام وبهل ايام حسيت علة غلطي وكلت شلون انكر كلشي سوا علمودي علمود شغلة سواهة من حقة بس كل ما في الأمر انو اني رفضت ومتقبلت الفكرة، اتفقت وية خالتي والبنات انو اسويلة مفاجئة، بهل ايام رحت للدكتورة لان بديت انزف انطتني علاج وكالت استمري عليه وانشاءلله متشوفين شر، خالتي خلت عقلي يفتر لتخلي يروح من ايدج ولتعوفي يحتاج للنومة ويروح لغيرج اني تخبلت وكلت حتة لو هو رجال واكيد يندفع ويروح لغيري اذا بقيت(للكاتبة طيبة الربيعي) اصدة، بيومهة وداني أمير لمحل مال كيك اختاريت اطيب وحدة وشكلهة لا بأس بي، اخذت كرزات ومن هل سوالف ترست سيارة أمير، واخذت لشهاب عطور يحب يتعطر واخذتلة بعد كم شغلة رجالية، من رجعنة للبيت جانو بيت عمو مصطفى موجودين وهند تباوعلي بشماتة اكيد عرفت بالصار مينضم عليهة شي هاية، مهتيملتهة

صار المغرب صليت وكلت لأمير يذبني ابيتي، اخذني وكلي اني راح انتظرج لحد ماتجين تاخذين الغراض كلهن، كتلة تمام، صعدت وبيدي الكيكة وعلاكة مال قواطي، فتحت الباب علة كيف وطبيت الباب مفتوح مال مطبخ، استغربت مو بالعادة يخلي الباب مفتوح خاصة دنيا ليل كلشي يصير، طبيت وخليت الغراض ع الميز ذبيت حجابي وعدلت شعري كدام المراية مسرحتة، جنت لابسة ثوب نازك مورد ردان بي تجة ومخصر علة جسمي، اعرف راح اكل رزالة معدلة بس كلشي يهون لعيون حبيبي، وكفت كبال باب الغرفة اريد(للكاتبة طيبة الربيعي) افتح الباب كلشي بية جمد من سمعت صوت مال بنية، خليت اذني ع الباب اتسنط وكلشي بية كام يرجف، اسمع صوت عذب صوت يحجي بهداوة، اسمعهة تكول "حبيبي فدوة الكلبك"، رجلية صارن هزاز، هذا الصوت سامعتة بس ويييين، فتحت الباب بقوة وياريتني مااجيتت وياريتني مفتحتة، شفت شهاب عاري الصدر نايم وورا ميساء لابسة سيت نوم وتهمس بأذنة

شافتني تفاجئت

ميساء: وتين

عفت يدة الباب وركضت للمطبخ جريت حجابي وخليتة علة راسي شلون ما جان وركضت طلعت

أمير ...منتجي علة السيارة اكلب بالتليفون انتظر وتين، شوية وطلعت وتين شعرهة نصة طالع وعيونهة تجري وترجف(للكاتبة طيبة الربيعي)

أمير غطة شعرهة بالحجاب: ولج شبيج

وتين تبجي وتحجي بالكوة: وديني أمير رجعنييي اهئ اهئ(للكاتبة طيبة الربيعي)

أمير: ولج شكو فهميني

وتين بعياط: اكلك رجعنننننيي

امير: يمعودة صوتج صعدي صعدي

صعدتهة وصعدت والطريق كلة تبجي وتصيح خاين نذل كلشي مافتهمت حرام، دخلنة للبيت همزين بيت عمي مصطفى جانو رايحين، امي شافتهة تبجي تخبلت ومن حجت وتين السالفة تخبلنة كلنة اولهم اني طلعت اريد اروح اتعارك ويا واكتلهة لهل ساقطة بس مرى اجرجر بية وتكلي الله عليك لتروح خفت عليهة حامل ليروح يصير بيهة شي(للكاتبة طيبة الربيعي)

وابوية وكع من طولة رشينة عليه مي يلة صحة وامي تلطم وتكول الله يشيلج ميساء الله ياخذج ام السحورة، رشيت مي علة وجهة لابوية يالله صحة كوة بحجي كال خابرليا هل ناقص خابرة خل يجي، اتصلت بي رد

شهاب: الو

أمير: شهاب تعال للبيت

شهاب باستغراب: خير صاير شي

أمير: والله الأخبار عندك ياخوي، تعال ابوي يريدك

سديتة وضليت كاعد يم ابوي ومرى تهفيلة

وتين ...طبيت للبيت حجيت الخالتي واني ابجي كامت تعيط وتدعي علة ميساء، اني فقدت وعمي وكع من طولة ركضنة عليه صحة وكال لامير يتصل بشهاب يجي والافتهمتة حيجي، متحملت دخلت للغرفة وخالتي دخلت وراية(للكاتبة طيبة الربيعي)

ام شهاب: ولا يهمج يمة ولا يهمج والله لاطلعهة من خشمة لا ابني ولا اعرفة بعد

اني محجيت شي بعد احس نفسي جسد بلا روح، بوقتهة الكره الشلتة بكلبي علة شهاب مينوصف، كرهت الساعة السودة الحبيتة بيهة واني اعرف بي ماخذهة علة حب، مفكرت بيهة ابد، مفكرت بيوم يحنلهة، الله ليطيك شهاب مثل مكسرت كلبي اريد من الله يكسر كلبك

شهاب ...خمسة ايام ماحن كلبهة ولا رفعت التليفون وحاجتني، كل مرة اريد اتصل بيهة واكول كافي نزلت نفسي بما فيه الكفاية خل هية شوية تتعب علية،نبع الحنان:

تمرضت ثالث يوم وطكت حرارة بحلكي وبلاعيمي طككن، صوتي مال نشلة وعيوني ادمع من وحدهة، مشتاقلهة مامتعود ابتعد عنهة كل هل مدة واحنه زعلانين، رجعت من الدوام وثاني يوم ضليت نايم للمغرب سمعت صوت الصلاة بس ماكمت احس جسمي نحلان وعيوني ماينفكن(للكاتبة طيبة الربيعي)مادري شكد مر علة نومتي، دك تليفوني فزيت مثل كل مرة اتوقعهة وتين بس مع الاسف اخوية امير، شو هذا يحجي بثكل ويكلي الاخبار عندك، ضل بالي سحلت نفسي سحل للحمام اخذت دوش حتة اصحصح بس ضلن عيوني حمر وذبلانات، لبست تيشيرت زيتوني وتراكسود اسود ومشطت شعري ع السريع مانشفتة اخذت السويج قفلت باب البيت حركت السيارة وبوجهي لبيت اهلي، طبكت السيارة كبال البيت ودخلت اوت مافتت للاستقبال ابوية اجة علية يصيح

ابو شهاب: ولك مافاد بيك الحجيييي، تمشي بالحراام موو

ولك هاي تاليتي اربي واتعب ويجي واحد نااقص مثلك يررووح تعبببي

شهاب بالكوة يحجي بلاعيمة طاكة: شكو يابة شنو القصة

ابو شهاب تقرب يريد يضربة بس أمير وكف كبالة

امير: اهدة يابة اهدة(للكاتبة طيبة الربيعي)

شهاب ...استغربت هاي اول مرة ابوي يسويهة ويريد يضربني حزت بداخلي حيل انقهرت

ابو شهاب: ولك جان استحيت وخفت الله بهل يتيمة، من اليوم لا انتة ابني ولا اعرفك واذا عتبت باب البيت اتبرة منك ليوم الدين من باجر تولي للمحكمة اطلكهة فااااهم

شهاب بعياط وصوتة مطبك: هوةة شكووو، لا تخبلوووني

أمير: اهدة يابة اهدة، شهاب اطلع بالحديقة هسه اني افهمك

أمير بالكوة هدة ابو شهاب وبهل اثناء طلعت ام شهاب وهم كامت ترزل بشهاب

ام شهاب: حرام هل شوارب موجودة بوجهك، ماتستاهلهة وماتستاهل تعبي بيك روح يبن بطني لاتجي وتشوفني وجهك بعد(للكاتبة طيبة الربيعي)

شهاب بعياط: يمة شببببيكم شكووووو

أمير بعياط: يمة كاافي، تعال شهاب تعال ويااي

أمير ...من شفت شهاب بهل حالة كوة يحجي وصوتة مطبك ومبين مايدري بشي لعب الفار بعبي، اخذتة للحديقة وحجيت

أمير: شهاب خوية شرجعهة ميساء فهمني شلون كدرت تسوي هيج بحق وتين، مو جانت محضرتلك مفاجاة وفرحانة تريد تصالحك

شهاب: أمير لا تضل تخربط بالحجي، فهمني الموضوع شنو ميساء شنو صخام شنو

أمير باستغراب: يعني ماجنت وي ميساء اليوم

شهاب ضحك: شبيكم شاربين شي اليوم شلك بهل خرابيط

أمير: شهاب ترة الموضوع جدي، جنت وياهة لو لا

شهاب: ولك شجابني عليهة، شجابهة بالموضوع اصلاً كلشي ماجاي افتهم حراام(للكاتبة طيبة الربيعي)

أمير: وتين حضرتلك مفاجاة ووديتهة لبيتكم حتة تصالحك وجانت طايرة من الفرح، طبت فرحانة ولابستلك احلة اللبس بس طلعت تبجي وشعرهة طالع وتعيط وتكول خاين، من رجعتهة البيتنة حجت وكالت شفتة ويا ميساء نايمة بصفة بملابس فاضحة

شهاب فك عينة وحلكة: صدك تحجي عود؟ هاي شوكت

أمير: هو قبل شوية

شهاب فرك وجهة ورجع باوع لأمير: وينهة وتين

أمير: جوة، فهمني شهاب شنو الموضوع

شهاب: يابة وروح كل ميت لا جايب ميسياء ولا شايفهة من يوم الطلكتهة كلشي ماعرف عنهة وشكم مرة خابرتني تتوسل بكل مرة اسدة بوجههة واطي حضر للرقم وهم تجيني من غير رقم، شلون شافتهة يمي واني وحدي بالبيت ونايم مالي خلك

أمير: والله سالفة تحير، قابل وتين اجذب

شهاب: شلون اجذب هية هاي هم جذبة ينسكت عليهة

شهاب ...تخبلت من الحجي السمعتة عرفت السالفة بيهة أنة(للكاتبة طيبة الربيعي)

طبيت والدي عيط علية ويطرد بية ووامي ماحجت بس تباوعلي بعتب

شهاب: بس احجي وياهة خل تطلع، احجي وياهة وااولي

ابو شهاب: ماااكو تحلم تشوفهة بعد

أمير: يابة اكو انة بالموضوع، شهاب ماشايفهة الميساء من يوم الطلكهة ولا حاجي وياهة، خل يفتهم من وتين

ابو شهاب: شلون يعني ماحاجي وياهة، يعني البنية اااجذب

شهاب: لا يابة مجذب، بس اريد افتهم منهة خلوني احجي وياهة وافتهم الله يخليكم حتة حيل ماضل بية(للكاتبة طيبة الربيعي)

شهاب ...سمحلي والدي احاجيهة، رحت لغرفتهة القديمة دكيت الباب وطبيت شفتهة حاطة راسهة بين رجليهة وتبجي

وتين ...اسمعهم برة يعيطون واني كلبي يتكطع، سمعت صوتة لشهاب رغم السوا كلبي اتكطع علة صوتة المطبك كوة يحجي، سمعتة يكوللهم اريد اشوفهة وعمي يمنعة، ابجي بحركة وادعي من الله يكعدني من هذا الكابوس المرير، انفتحت الباب وانسدت حسيت بأحد كمبص كبالي

شهاب ...دنكت عليهة ومديت ايدي ارفع راسهة، رفعتة واشوف عيونهة الحلوات دم، مادري شنو الموضوع وليش هيج صار شنو القصة

شهاب: وتين عيوني الج وكلبي وروحي كلهة الج، فهميني وين شفتيهة، شفتيهة يمي؟؟

وتين ...اباوعلة وعيوني ينزفن دم، بكل عين صلفة يكلمني ويسألني(للكاتبة طيبة الربيعي)

وتين: يعجبك من انقهر وابجي؟ تريد تنتقم مني لان منطيتك الي ردتة؟ شهاب من كل عقلك تجي كدامي وتسألني ع الاقل احترم مشاعري، راعي مشاعري مثل مااني اراعي مشاعرك

بكل عين صلفة تسألني اذا جانت يمك لو لا

شهاب ...شوية شوية صوتهة يعلة لحد ما بالاخير عاطت

وتين بعياط: تريد تأذيني؟؟!

شهاب: شش شش كافي عمري الله يخليج كافي، ابشنو اقسملج لا شايفهة ولا جاي يمهة من يوم الطلكتهة، وداعة امي ونظرهة ماعرف شنو الشفتي وشنو الصار

وتين: روح شهاب، روح ابعد عني انجرحت منك بما فيه الكفاية، لتنكر خلاص، الغلط مني من البداية مفكرت بيوم تحنلهة لانهة حبك الاول

كمت باوعت بالحايط ع الدجة اكو قرءان، جبتة وكعدت علة ركبي كبالهة وحطيت ايدي عليه

شهاب: وحق هذا كتاب الله وحق كلماتة وحق كل سورة واية وحرف بي ماشايف ميساء من يوم الطلكتهة ولا احبهة ولا جايبهة يمي، وحق هذا القرءان يا وتين يا بنت كلبي ونظر عيني كلبي ما يحب غيرج ولا يشوف وحدة غيرج(للكاتبة طيبة الربيعي)

يتبع...

#وتين قلبي

#بقلمي طيبة الربيعي

البارت الخامس والعشرون

(للكاتبة طيبة الربيعي)

وتين ...انصدمت بألي سواا

وتين: شلووون تحلف ع القرءااان متخااف علةة نفسك ليصير بييك شييي

شهاب: ماخايف علة نفسي تدرين ليش، لان حطيت ايدي واني صادق بالحجيتة

كمت رجعتة ورجعت كمبصت كبالهة

شهاب: حطي كلامي ترجية بأذنج، الحق ميبقة مضموم لابد يجي يوم ويظهر وحبل الجذب كصير، اني رايح البيت اهل ميساء واريد افتهم اذا حجيج صحيح، اني مصدكج واعرف الشفتي حقيقة لان اثق بيج واعرف بيج تحبيني مثل مااني احبج، بس ذاك الطرف اني كلبي يلعب منة، وانتظري يا نظر عيني يجيج الحجي

عفتهة مصدومة وطلعت(للكاتبة طيبة الربيعي)

شهاب: يابة يمة ثنينكم ظلمتوني وماخليتوني ابرر موقفي، اني رايح هسه وراجع بيدي الاثبات اني مامسوي هذا السمعتو، بس بساعتهة اني هذا البيت بعد ماطبلة ولا اعتب بابة مثل ما امرت بوية

عفتهم واحد يباوع للثاني وطلعت، اخذت سيارتي وكبل البيت اهل ميساء، اني اعرف ميساء ماتسكت، قبل زواجي بيوم خابرتني وكالت ماخيلك تتهنة، الثولة حركت نفسهة بنفسهة، طبكت السيارة كدام الباب ونزلت شفت اخوهة كاعد بالباب وي جماعتة من شافتي ترخص منهم واجة وكف كبالي

اخو ميساء الوسطاني: خير شهاب، شعندك هنا

شهاب: صرف جماعتك عندي حجاية وياك تخص المحروسة اختك

باوع الجماعتة كلهم ياولد روحو انتو واني اجي وراكم، كامو همة ورجع هوة باوعلي

اخو ميساء عاقج حاجبة: خير

شهاب: صارت مشكلة جبيرة بيني وبين بت خالتي الي هية مرتي حالياً والمسببة هل مصيبة اختك ميساء، ماعرف اني شلون طبت لبيتي وشلون نامت علة فراشي بصفي(للكاتبة طيبة الربيعي)

اخو ميساء بعصبية: وزن كلامك واحجي عدل شهاب شنو هل خربطة

شهاب: اني موزن كلامي واعرف كلش زين شحجي، بس سؤال وينهة هية؟

اخو ميساء: وانتة شلك دخل، شلون تحجي هيج اختي شجابهة عليك

شهاب: يعني اني اتبلة عليهة؟

اخو ميساء: اي تتبلة، هذا حجيك مال ساقطين

شهاب ضحك: مشكور ومقبولة منك، وصل الحجي الوالدك و الهة، خلوهة تبعد عني وعن بيتي، لتسببلي مشاكل لان بساعتهة راح اتصرف بطريقتي

بهل اثناء طلع ابو ميساء وتفاجئ بوجود شهاب

ابو ميساء: شهاب؟ شتسوي هنا

شهاب: وعليكم السلام، جيت استفسر منكم ميساء شجابهة البيتي اليوم

ابو ميساء انصدم وطكن عندة الدمارات، كلي طب هذا الحجي يرادلة كعدة، طبيت وياهم للاستقبال جوي اخوتهة الباقين، سردتلهم كلشي كام الصغير يريد يضربني يكلي شدتحجي بس الولد لزمو وابو عاط بي(للكاتبة طيبة الربيعي)

ابو ميساء: عمي استر علينة واني اخذ حقك لا تحجي لأحد هسه اخابر عمهة يجيبهة وافتهم منهة

و صدك دك علة عمهة وكلة خل واحد من الولد يرجعهة، ضليت كاعد علة اعصابي طبعاً اول مرة اتصرف بهداوة بس بداخلي بركان لو اشوفهة اشرب من دمهة، ساعة يلة وصلو

دخلت هية وابن عمهة، ابو ميساء تشكر منة وبعدها الولد راح

ميساء من شافتني وجههة كام يطي الوان وتباوعلي وتباوع لأخوتهة، ابوهة كلهة تعاي كعدي وكال لاخوانهة يطلعون، مارضو بس عاط بيهم يلة طلعو، ضلينة بس احنه التلاثة

ابو ميساء: ولج هذا الحجي صحيح؟؟

ميساء: شكو بابا

شهاب: اسمحلي عمي، ميساء هاي شكم مرة حذرتج ماتكربين صوبي؟ شكم مرة دكيتي علية وكتلج عيشي حياتج وانسيني؟(للكاتبة طيبة الربيعي)

صارت صفرة وباعت لابوهة الي بدورة مصدوم وتعصب بالزايد

كام جرهة من زندهة: شوكت متصلة بيج ولج

ميساء: ااي بااابا اييي

ابو ميساء: اااحجي

اني ضليت كاعد وابواعلهم جان بوسعي اكوم اوخرة منهة بس استمتعت بالمنظر، كام يعيط عليهة ويكلهة احجي وهية تنكر لحد ماسطرهة براشدي معدل شفة بي غليلي

ابو ميساء: ولج احجي زماااالة اااحجي

ميساء تبجي وتحاول توخر من ابوهة: والله والله احجي بس عوفني

دفعهة ع القنفة ورجع كعد يمي

ابو ميساء: احجي يالله، الله ياخذج انشاءلله ويخلصني من عارج

ميساء: والله اني معلية، بنت عمك هند الي دبرتلي كل هذا وخططتلي الروحة، رحت بتت يم بيت عمي والبنات غطن علية اخذت تكسي واجيت البيتك

ابوهة كام كسرهة تكسر، اني خليت وطلعت عفتهم نارهم تاكل حطبهم، بس ماضل بية صبر من سمعت بنت عمي الحافرتلي هل حفرة، حركت السيارة وبوجهي البيت عمي(للكاتبة طيبة الربيعي)

طلبت احجي وياهة علة انفراد كلهم استغربو بس يثقون بية، حجتلي كلشي من هددتهة احجي لعمي ولهمام كلشي، كلتلتي ميساء جانت تطلب منهة الاخبار التخصني اول بأول وهية من حقدهة علة وتين جانت توثل الاخبار بكل رحابة صدر وجانن متفقات من البداية يوكعنهة بس ماكدرن لان وتين ماتطلع واطب هواي واذا تطلع اني محاوطهة من كل الجهات، ومن عرفن بسالفة عرسي بدن يخططبن يخربن بيناتنة وميساء بيوم الخابرتني جانت ناوية تاخذ صورة وتين وهية مصلخة وتفضحهة عن طريق هند الي بدورهة جانت متفقة وية ميساء تاخذلهة صورة من تبدل البدلة، بس سرى ومرى منتبهات عليهة وبدون متحس ممخليات وتين تبدل كدام احد بس كدامهن، وحجتلي شلون متعلمة تفتح البوب(للكاتبة طيبة الربيعي) بالسيم وطابة نازعة صايتهة حتة وتين تشوف سيت

النوم، تخبلت اني شنو من نسوان خرب باليوم العرفتهة بي وازوجتهة ودخلتهة لحياتي، ماجانت هيج هاي كل ماتكبر تخرف، حجيت العمي علة عملتهن ثنينهم، صكطهة اسكط

عفتهم وطلعت همام مجان موجود بعد ماعرف درة لو لا، بيومهة مانمت براحة طلع الصبح دك تليفوني امي ماجاوبت بعدها ابوية جم مرة هم ماجاوبت، غلقتة وشمرتة ماعرف وين، ضليت بالبيت يومين ماطلع وتليفوني غالقة ماعرف شي عن العالم البرة، الظهر ثالث يوم اندك الباب كمت من فراشي بكسل صحت منو، اخوي امير كلي اني أمير، فتحتلة الباب وطبيت طب وراية شايل بيدة علاليك

أمير: يا خوية ليش ماجاوب ضل بالنة عليك، شصاير بحالك شجاك متكلي

شهاب: خير أمير شعندك جاي

أمير: اعتبرهة طردة هاي؟ بس ماطلع كاعد هنا علة كلبك، جبتلك غدة امي كلبهة نار عليك وعمي اجة صارت مصيبة شكبرهة ابوية رزلة كلة ماعرفت تربيهة، عمي خطية لو تشوفة وجهة صار اصفر واعتذر من ابوية، البارحة يلة تصالحو وهند همام مكسرهة تكسر وهمينة اجة اعتذر من ابوي وامي وحجة وي وتين واعتذر منهة، كال شهاب لايزعل علية ماعرف بالسالفة كلهة ولو ادري جان موتتهة، يدك عليك يكول مجاوب وهم اجاك يكول مايفتح الباب(للكاتبة طيبة الربيعي)

شهاب: وتين شلونهة

أمير: وتين، خليهة سكتة، من ذاك اليوم لهذا اليوم قافلة علة روحهة حتة ابوي ماتفتحلة، جتي سرى يلة قنعتهة تفتح الباب وهم مارضت احد غيرهة يطب، مرى تكول سرى حجتلهة، تكول وتين تبجي دم عليك وتستحي تباوع بوجه احد تكول اني سببت هل مشكلة بين شهاب واهلة

شهاب مقهور: هية شعليهة، غير ذنيج الكحا..

أمير: لك والله شلون صلخة صالخيهة اهلهة الميساء، ناهيهة نهي ومايخلوهة تعتب باب البيت

شهاب: تستاهل العاهرة

أمير: ماناوي ترد للبيت

شهاب هز براسة لا(للكاتبة طيبة الربيعي)

أمير: والله ابوي وامي كلبهم نار عليك وابوية كلسع يوصيني يكلي لا تكطع بأخوك لان من يدك عليك مجاوبة، وهسه قبل لا اجي كلي قنعة خل يرجع واذا مارضة اني اجي وطز بصحتي

شهاب: صدك

أمير: والعباس وهسه منتظر مني مكالمة

شهاب: هسه ابدل واجي وياك، اني هم مشتاقلهم حيل

أمير بمكر: مشتاقلهم لو مشتاق لحضن ذاكة😉

شهاب: سافل، انتظرني اسبح صارلي يومين ماسابح

أمير: واني اكول منين هاي الريحة العاطة

شهاب ضربة: سافل ماتصيرلك جارة

شهاب ...من سمعت الحجي علة وتين فز كلبي عليهة يايابة شكد مشتاقلهة بس كون ماتطلعلنة مشكلة زايدة، وانوب ابوي صحتة مدهورة ومايكدر يطلع منا لهنا من ورة ظهرة(للكاتبة طيبة الربيعي)

مهما يصير يضلون اهلي وكلبهم علية، سبحت حسيت بنشاط بس بعدة المرض البية ماطاب، بدلت ورحنة لبيت اهلي والغدة اخذنا ويانة، كلت هنا اكل يم هلي حتة اللكمة تنزل براحة، طبينة امي تلكتني بالاحضان تبوس بية وتحضن وتبجي، بوستهة براسهة وايدهة واعتذرت منهة، طلع ابوي الدمعة بعينة كلي ظلمناك ابني سامحنة بوستهة براسة وبيدة وكتلة يابة انتو سامحوني ع التقصير، طبينة جوة وامي تخلي بهل اكل كدامي ومتلحك، طلعت سرى من غرفة وتين وهمينة بوستني وكامت تبجي وانوب اجتي مرى رحبت بية وكالت رجع البيت نور، كتلهم اريد اشوفهة، سرى كالت ذيج بالغرفة ميتة بجي، عفتهم ورحت دكيت الباب(للكاتبة طيبة الربيعي)

وتين ...من عرفت بشهاب مظلوم كرهت نفسي وسديت الباب علية مردت اشوف احد استحي واني السببت كل هذا خليت عمي يطردة وخليت خالتي اجرحة بكلامهة، معرفت بوقتهة اني شريد، بس الاعرفة اريد اموت وتمنيت هل خنكة البية تخنكني لحد الموت حتة اخلص، تلث ايام اني وحدي وبس لسرى افتح الباب وابجي بحضنهة واشكيلهة همي، شهاب مأاجة والعرفتة من سرى مريض واصلا ميحاجي احد ولا يفتح الباب لأحد، شكد حقيرة هل ميساء الله

ينتقم منهة انشاءلله هية وهند انشاءلله حوبتنة اني وشهاب تطلع بيهن لحد هسه اني عقلي واكف من عملتهن، شنو من بنات شنو من كلب(للكاتبة طيبة الربيعي) شايلات الله ياخذهن ويجيرنة من امثالهن حيااات،

بيوم سرى نامت يمي فزينة علة اصوات تجي من الهول عرفنة شهاب اجة، كالت تعاي نطلع كتلهة ماريد بيا عين اشوفة، حاولت وياية بس رفضت وجنت متأكدة حيجيني

بقيت منتظرتة علة نار لحد ما الباب اندكت كلبي كام يدك الفين بالثانية، صحت بصوت ناصي

وتين: فوت

جنت واكفة افرك بيدي وعيوني تجري من فات وشفتة بقيت اباوعلة شلون تعبان سودة بوجهي متحملت ركضت حضنتة بقوة وابجي

شهاب ...سمعت صوتهة اليهيج كل خلية بجسمي، فتت وسديت الباب، شفت كمري الضاوي بس ذبلان، عيونهة الوكعني بشباكهن من اول نظرة وارمات حمر دم، ضليت اباوعلهة وهية تباوعلي لحد ما ركضت لحضني شبكتني وتبجي بصوت عالي، حضنتهة حيل وبستهة بركبتهة(للكاتبة طيبة الربيعي)

وتين تبجي: حبيبي سامحني

شهاب: افيييش يا بعد روح حبيبج، اشش انتي سامحيني يا عمري سامحيني ع السويتة بيج

وتين: احبك اموت بيييك ومسامحتك من زماان ياا بعد طوولي

شهاب: من فدوة الطولج يروح شهاب وعشيرتة، ولج ماضل بية صبر بفراكج انحرمت حتة من الهوة حيل ماضل بية

وتين: سودة علية يا عمري انتة اسم الله عليك بية ولا بيك

قاطعهة: واذا صار بيج غير اموت بكاعي، مشتاقلج ومشتاق لريحتج عمري وجلاويي ومعلاكي

وتين: بعد كل هلي وناسي مو بكدي، مشتاقتلك بكد رحمة ربي علينة(للكاتبة طيبة الربيعي)

رفعت راسهة بيدية ومسحت دموعهة

شهاب: نروح البيتنة ونتعاتب، هنا مو المكان المناسب، شتكولين

وتين بابتسامة: كل مكان انتة بي وياية مناسب

خليت شفتي علة شفتة ماعرف منين اجتني الجرئة بستة بقوة بس مو بقوة بوستة

شهاب ...باستني خلتني اذوب بيهة، ماصدكت جريتهة علية وضليت ابوس بيهة نزلت لركبتهة حسيت نفسي راح افقد بعدت عنهة هية ذبلانة واني ذايب وياهة

شهاب: بدلي بسرعة راح انتظرج بالسيارة

وتين: تمام(للكاتبة طيبة الربيعي)

بستهة بسرعة وطلعت، شافوني كامو يضحكون خرب شكد فشلة، كلت لأمي تحطلنة اكل وادزة بيد وتين اني طالع انتظرهة بالسيارة، عفتهم وطلعت دايخ ماعرف شحاجوني بس اسمعهم يضحكون وأمير يذب حجي، طولت واني مشتعل شعل شوكت تصير بيدية لا ماخليهة تحس بضلوعهة يطكن، شوية واجتي وجههة يلالي جنهة نسمة هوة حلوة، طبت للسيارة خلت الاكل ليورة وباعتلي تبتسم واني ضايع بعيونهة

وتين بابتسامة وبمياعة: يلة خل نروح لبيتنة

اخذت ايدهة بوستهة وشغلت السيارة، فتحتلهة اغنية "صورتلي الدنيا جنة"،والطريق كلة ابوس بيدهة واشوف الفرحة بعينهة(للكاتبة طيبة الربيعي)

وتين ...بدلت دخلت خالتي بستهة بيدهة وكتلهة راجعة اني خالة سامحيني كالت انتي سامحينة خالة باستني وهمينة نصحتني حتة مينعاد الغلط نفسة، بوستهم كلهم ودعتهم وطلعت لحبيبي الي جان ينتظرني بالسيارة فدوة لطولة اروح، فتحلي اغنية "صورتلي الدنيا جنة" رحت بغير عالم وية هل اغنية وحبيبي يمي، عرفت شكد ماسوة شي بدونة وشلون جنت بلا روح ابعدة، عاهدت نفسي ماتركة مهما يصير واطيعة بكلشي يكولة، وصلنة للبيت نزلنة لازمين ايد بعض اوت مطبينة للبيت شالني جلبت بركبتة بس هل مرة مو خوفاً وانما حباً ومطمنة لاني بحضنة باسني بخدي ودخلني للغرفة

شهاب ...جلبت بية مثل كل مرة وشاورتني "هل مرة مو خوفاً حبيبي وانما حباً" بستهة بخدهة واخذتهة للغرفة ضلينة اليوم كلة بحضن بعض والليل كضينا نتعاتب لحد ما ملينة وكمنة نضحك

وتين ...اختفة الخوف البداخلي وحبيبي خلاني اطيعة بهداوتة وحنيتة، الليل كلة نتعاتب لحد ما جرينها سوالف ضحك، عيشني عيشة الأميرات(للكاتبة طيبة الربيعي) مخلاني احتاج شي وبكل جية يجيهة من الدوام يجيني لبيت خالتي متلهف وياخذني للبيت يغركني بحنانة، مرن شهرين بديت اتشهة كلشي اشوفة اشتهي يعني تخيلو حتة التربة مال صلاة كمت اكلهة وهو يمنعني لان موزين تسوي حصو بس شسوي، خالتي من درت بية هلكد اتشهة اخذتني للدكتورة حللت طلعت حامل وبيومهة شهاب طار من الفرح وكلسع يشيلني يحسسني اني طفلة، فعلاً اني طفلة، طفلة شهاب، هو الي علمني ع الدلال وخلاني اشوف حالي واني يمة، سرى همينة بنفس الفترة كامت تتشهة ومراة عمي وخالتي اخذوهة للدكتور وهمينة طلعت حامل ورة كم يوم اخذونة للنجف بتنة بفندق الولد متفقين كلمن ياخذ مرتة ويزورهة هية والابطنهة حتة تصير بركة بخلفتنة، اللمة كلش حلوة وخالتي مدللتنة تلاثتنة(للكاتبة طيبة الربيعي) متفرق بيناتنة ابد الجيبة الية اجيبة السرى والمرى، والاجيبة السرى اجيبة الية والمرى، ومرى همينة كذلك، عمامي خاسو بالسجن يستاهلون ابد محن كلبي عليهم، شكد دزو ناس علينة يتوسلون ارفع شكوتي حتة يخف عنهم الحكم اظاهر هواية مشتكين عليهم بس ابد متنازلت وشهاب واكف بسدي فدوة اروحلة سندي ونظر عيني، بس عمي ابو رائد طلع يستاهل اشم بي ريحة بابا واحسة يخاف علية اكثر من روحي، شكد احبة واحترمة بس مو بكد عمي ابو شهاب يبقة هوة الأصل(للكاتبة طيبة الربيعي)

مرى ولدت ولد يخبل عيونة ملونة عليهة وأمير طاير بي معافة ثانية عاف شغلة وكابلة لحد ماعمي رزلة وهمينة بالكوة يروح للاسواق يفتحهن

شهاب ...من سمعت راح اصير اب الفرحة ماوسعتني وضلينة طول التسعة اشهر نتعارك اني ووتين ع الاسم اني اريد قائد وهية تريد ميسر، اني ماصدكت يطلع الجنس ولد وهية تريد تسمي، من جابت رحت اني بسكوت سجلت اسمة قائد وبيومهة تعاركت وياية وكوة تحجي من الالم ههههه، بتنة ابيت اهلي اسبوع بين ماترجع وتين بعافيتهة وماحاجتني طول الاسبوع ومن رجعنة للبيت صالحتهة جبتلهة كيك من الكرادة تموت وتتكرهب ع الكيك، من جبتلهة يلة صالحتني(للكاتبة طيبة الربيعي)

اموت علة خبالاتهة، ورة اسبوع جابت اختي سرى بنية ماشاءلله جنهة اجنبية لو ما هية الحامل بيهة جان كلنة رائد خاينهة هههههه، شكرة عبالك اجنبية، ولهنا بعد منحجي بالباقي واكيد قصتنة منتهت لان الحياة موكفت لحد هنا، وتين غركتني بدلالهة رغم اني رجال مشورب وعمري بالتلاثينات بس من اصير وحدي وياهة احس بنفسي مراهق ومرات احس اني طفلهة المدلل، الرجال شما كبر وشيب يضل طفل بعين امة ومرتة، ومحلاة الطفولة بحضن وتين كلبي❤(للكاتبة طيبة الربيعي)

النهاية

أنتهت قصتنه انشاء الله عجبتكم أريد ارائكم