رواية راهب ابو غضب الفصل العشرون 20 - بقلم Zahra_Alhussnawy

احببت رجلاً كان معي وماكان
رجلاً احبني ذات عمر.. ثم توقف عن ذلك دون أن يعلمني.. رجلاً كنت اذا مشيت خطوة سبقني بعشر مثلها.. بدأنا معا يدا بيد.. قلباً بقلب.. سبقني بخطوات عظيمة.. أحبني قبل حتى أن أعلم قلبي كيف يحب
سرت على الدرب متلهفة لهذه المغامرة الجديدة
أمر بالمراحل كافة.. تلك نظرة.. هذة ابتسامة.. تلك مكالمة.. هذه رسالة.. تلك همسه ذاك اعتراف.. واحببت.. احببت حتى نسيت نفسي. نسيت اسمي وهمي وماظل لي هم غيرة. أتعلمون ماذا حدث؟؟
ما أن وصلت لنقطة الحب حتى وجدت خطواته قد اوصلته لخط النهاية.. ذهب في رمشة عين.. دون أن يخبرني بشيء.. رحل وكفى
احببت رجلاً ما أن اخبرته بأنني وصلت لنقطة البداية
حتى وجدت يداه قد لوحت لي بالرحيل

لارا،،باوع بالموبايل عرف المتصل محمد اخوي باوعلي ورفع حاجبه شمر الموبايل ع المخدة يمي

راهب،،مااتوبين اله اجنزج بالعباس

لتخليني اخذ الموبايل منج وحتئ اخوج احرگة فاهمممه?

وهسه حضري روحج بعد ساعه نطلع للنجف

لارا،،گمت وگفت مااعرف اذا مااذبلي احجيايه اقهرة بيها گتله شنسوي بالنجف ?
اني اعرف بيت امك وخالتك اهنا

راهب،،لتجيبين طاري امي مفهوم

لارا،،ضحكت بااستهزاء گتله اني مااجيب طاريها بس للأسف علئ ابنها الي قارنها بوحدة بنت ليل
ماحسيت غير حاوط خصري ب ايدة لزمني وذبلي رجل وهو لازمني بحيث ماادري شوكت نمت وصار فوگي
رجع گلبي يدگ سريع اباوع بعيونه الجانن يباوعن لشفايفي

اقترب يم اذني وحرارة انفاسه بوجهي ورگبتي
بدون وعي غمضت عيوني ماادري ليش اضعف بيدة واكره هذا الضعف احس روحي مااگدر اسيطر علئ مشاعري

بس من حجه كلماته رجع احساس الكره الي

راهب،،اعرف ليش هيج تسوين قصدج تستفزيني مو؟؟

لارا،،دفعته عني بسرعه وعدلت گعدتي

لتقترب مني قربك يخليني اشمئز منك ومن گلبي الي بيوم حبك

راهب،،اني اشمئز منج ومن اهلج كلهم خلي هذا الشي ابالج

لارا،،تركني وطلع صرنه واحد يستفز الثاني
،بقيت گاعدة والباب مال الغرفه مفتوح
صعد بدل شويه ونزل گعد گدامي يشرب جاي سمعت صوت موبايله
اسمعه يحجي

راهب،،گاعد ولك حضر روحك شويه وانمر عليك

لارا،،نهض من مكانه لابس مدني قميص ابيض وبنطرون اسود رافع شعرة والمحبس والساعه بيدة
اليشوف شخصيته يگول هنيالها التاخذة

مايدرون بي مثل كفر الموبايل بس الغطه حلو وداخله مليان سواد بهرجة خداعة

باوعتله اخذ الموبايل والسويج واشرلي بمعنئ گومي

گمت اني لافه ححابي ولابسه جبه سودة وحجاب اسود وقررت البس اسود واتمنيت يسالني عليمن لابسه هذا اللون

وفعلا قبل مانطلع التفتلي وهو رافع حاجبه

راهب،،منو مات ?

لارا،،ابتسمت بطرف شفتي وجاوبته

انته متت بالنسبه الي اواجبي البس عليك اسود

اقترب مني وباوعلي من فوگ لجوة ابتسم وهز راسه

راهب،،حلو عليج واتعودي علئ هذا اللون لان لون عيشتج الجاية وياي

لارا،،دار وجها عني ورجع التفتلي كمل كلامه

راهب،،ولو اني من شفتج لابسته فرحت عبالي جلال مات من الصبح كلت اوزع نذر الوجه الله

لارا،،بگلبي گلت يومك قبل يومه

تركني وطلع گدامي طلعت وراه گال

راهب،،اصعدي بالورة

لارا،،علئ اساس ميته حتئ اگعد يمك

راهب،،الضاهر جلدج يحكج اليوم

لارا،،صعدنه بالسيارة وبدة يسوق
وگفنه گدام الشقه القديمه مالته طلع نفس صاحبه بيدة جنطه
اجه فتح الباب وصعد

قاسم،،السلام عليكم

لارا،،رد راهب علي وعدل الجامه الجهتي
گال

راهب،،بلسانج عظم ماتردين السلام

قاسم،،راهب بدينه من الصبح اترك الابنيه

لارا،،احس اتفشلت وردت ابجي بصوت عالي
سمعت صاحبه گال

قاسم،،خويه ماعليج منه الاخ صاير ماينجرع حتئ وياي متزومل

راهب،،احترم نفسك حيوان

لارا،،ولاجنهم زلم يتناگرون

شويه وراهب سأله

راهب،،بشر اشلونه الوضع وياك ماسالتك البارحه

قاسم،،خويه ياوضع خالتك ام قاسم قافله هلمرة واتگول اذا ماعرست اروح اكعد يم ختام اختي

راهب،،چا ماتفضها وتعرس

قاسم،،ولك هي غير تريد تخطب بت خالي وقافله عليها

راهب،،چا ماتخطبها اذا خوش ابنيه واهلها خوش ناس وامك تحبها عليش تنتظر
لارا،،حسيته يبسمرني مااهتميت يتعمد يهيني
لان مبينه من نبرة صوته الاستهزاء

قاسم،،شوف البطران ولك بت خالي عمرها 19طالبه سادس اعدادي
بعدها طفله ويني وينها

راهب،،حلوو خوش حجي اقبل حتئ تربيها علئ ايدك

قاسم،،هو اني علئ هذا كبري واريد واحد يتبناني حتئ يربيني بيه حيل اربي الزعاطيط اني

راهب،،خاف يجي يوم تفك حلكك علئ هاي الزعطوطه

قاسم،،ههههههه كلشي يصير موبعيدة عد ربك

لارا،،بعد ساعه ونص تقريبا وصلنه للحلة سمعت قاسم گال

قاسم،،ترة متت جوع خل ننزل نتريگ

راهب،،يالله حتئ انه جوعان

لارا،،نزل بدون مايحجي اسمع صاحبه يگله خل مرتك تنزل ويانه وهو يجاوبه عوفها

نزلو اباوعلهم واشوف قاسم مبين يرزل بي لان وجها مايكصه الطبر

شويه ورجعو مااعرف شوكت لحگو ياكلون اني ربع ساعه ابقه اعلس باللكمة

صعدو بالسيارة وهو لبس نظارته موعاجبه العجب
قاسم بدون مايلتفت مدلي علاكه

قاسم،،هاج خويه جبتلج ريوگ

لارا،،جليت صوتي وگتله شكرا موجوعانه

قاسم،،اخذيها بعد اخوج ترة اني جبتها موذولاك الناس

لارا،،حتئ صاحبه يعرف يبسمر مثله
الاخ وجها مايكصه الطبر بسرعه حرك السيارة شخطها يمشي سريع علئ ساعه يگلبها بينه

قاسم،،يواشك شنو السالفه ترة هلوحيد ل امي وبعدني ماشفت وجه الله وعرست

راهب،،لتخاف العار مايموت

قاسم،،بويه ليش تخليني اغردلك وفشلة المكان محظور

لارا،،رجعو يتناگرون مثل الارويسيه اتعجب اشلون صاحبه مايزعل منه علئ كمية الغلط والاهانه
خليت العلاگه يمي مااكلت منها شي بس هم فشله ماگدرت ارجعها وافشل الرجال طلع احسن من صاحبه وفكر بيه
الساعه 12الظهر دخلنه للنجف وبالتحديد للكوفه
صار بوجهي منارة الامام مسلم ابن عقيل فدوة ل اسمه عيوني لالت بيهن الدموع وشكيتله بدون مااوصل الحضرته وازورة حسيته من بعيد يسمعني

وصلنه الفرع وكفنه كلنه گدام بيت وقاسم سلم وراح للبيت الگبالنه دخل يمكن هذا بيتهم طلعو موبس اصدقاء حتئ جيران

مشه كدامي واني وراه
بس الخوف رجع اتملكني دگ الباب فتحه ولد شاب يطلع بگدي

ضرغام،،هله خااال مشتاقين

راهب، ،هله بويه اشلونك

لارا،،الولد بقه صافن الضاهر مايعرف الضيفه الاجتهم غصب عنها

دخل للبيت واني امشي وراه مدنگه اتلكتنه ابنيه حلوة قبل لااتسلم علئ راهب باوعتلي تباوست وياه وعينها مني عرفت اسمها من سلم عليها گالها فطومه

كملنه طريقنه الداخل البيت والابنيه والشاب يمشون ورانه وهو گدامنه

التفتت للبنيه كالها

راهب،،امي وين?

فاطمه، ،تصلي جوة

لارا،،فتح الباب شفت مرة لابسه جادر الصلاة وگاعدة ع السجادة تسبح بسبحتها

ماحسيت غير لزمني من متني دخل يمها وهو لازمني وصلنه يمها دفعني للگاع گعدت يم رجليها واني احس فشلة الدنيا انجمعت فوگ راسي

بس الدمرني كلامه من گالها

راهب،،تذكرين قبل اسنين گتلج يجي يوم واخليج ملكة والخدم جوة رجليج تخدمج

اجه هذا اليوم وجبتلج بنت چتال ابوي خدامه جوة نعالج

لارا،،ماگدرت اتحمل اكثر دنگت ودموعي تنزل لازمه جنطتي بيدي واعصر بيها اتمنيت تنشگ الگاع وتبلعني
اتذكرت من جاب ذيج الاسمها سعديه علئ اساس امه وهي مو اكثر من بنت ليل حسيت بالذل والمهانه اتمنيت ميته ولايجي هذا اليوم

المرة فاتحه عيونها اباوعلها مصدومه وكذالك حال الموجودين. البنت والشاب اليمها

ام احلام،،م منو هاي ي يمه??

راهب،،هاي تصير بنت جلال الجلب

لارا،،نفسي يصعد وينزل والالم رجع بصدري
شجان ذنبي حتئ اوكع بهيج موقف
االمرة ماتعرف شتحجي متفاجئه علئ مصدومه يمكن ماعدها علم ابوي عنده بنت وفعلا رجعت سالته

ام احلام،،ج جلال عمك?
ب بس جلال ماعندة بنات

راهب،،همممم گالت عمك يمممه ماااعندي عمم رحمه الدينج لاااا اتگولين عمممك مايشرفني هذا الجلب يكوون عمي وبعددين عندددة بس وحدة واخذتهااا منه اريدد احرگ گلبه بيهاا خل يضوگ شوويه من وجع گلوبنه الضوگها النه

ام احلام،،اصخااام الصخم وجهج امل

لارا،،التفتت عليه وگالت

ام احلام،،وولج عممه صدك انتي بنت جلال ?

لارا،،رفعت عيني الها وباوعتلها بقهر هزيت راسي بمعنئ اي لمرة ضلت تضرب علئ رجلها وانوب ضربت علئ وجها احتارت شتسوي مبينه ماقابله علئ تصرف ابنها الحقير

ام احلام،،وولك ييمه اكعد وفهمني اشلوون ?
ولك اشلون خطفت بنت الوادم وجبتهااا??

راهب،،لتخافين ماخطفتها

ام احلام،،يبووووو عليج امل ااابنج نهببب بنت عمهه

راهب،،شنوو السالفه يمممه ترة لاخاطفهاا ولاناهبها

ام احلام،،چااااا اشلوون جبتهاا من اهلهااا وللك اشلون جبت بنتتت النااس واجيت??

راهب،،اتزوجتها

لارا،،بقت المرة جامدة ماتتحرك وعيونها جاحضه علئ ابنها
فجأة غمضت وكعت علئ صفحه اول واحد ركضلها راهب حطها بحضنه وجر الجادر منها وشمرة والبنيه تبجي والاسمه ضرغام ركض جاب دولكه ماي انطاها الراهب

اخذها من ايدة وفتح الشيله نزعها اله اباوعلها واختض جسمي يرجف اول مرة اشوف هيج شي عبالي ماتت
صار ياخذ ماي ويغسل بوجها والولد يفرك بديها

تالي شالها بحضنه وطلع يركض والبنيه مااعرف شوكت ركضت لبست عبايه وجابت عبايه ثانيه

كمت علئ كيف وراهم رجليه وحدة اطگ بالثانيه علئ ساعه تضربني جلطه من الخوف والتوتر والقلق

خلوها بالسيارة والابنيه وياها بس الولد زمخ بي راهب ماخلا يروح كاله ضل بالبيت محد اهنا

رجعت گعدت بمكاني وابجي بدون صوت احس وجهي يحركني من كثر مابجيت المفروض هاي احلئ ايام حياتي ايام زواجنه اتكون المفروض هسه اكون سعيدة وفرحانه حالي حال اي بنيه

بس شو اني كلشي صار عكس وياي لالبست بدله ولاانزفيت ولا لبست ولافرحت جابني واجه مثل الفصليه
حتئ الفلوس الانطاهن الي مالحگت اجهز نفسي يادوب اشتريت كم غرض

بس من اجيت جبت بقيه الفلوس وهنه اصلا ماخذنه منهن غير شي بسيط وحتئ الذهب جبته

الولد بقه كاعد برة مادخل للبيت واني بقيت جوة علئ گعدتي راهب دمر الكل حتئ امه ماسلمت منه

بقيت بمكاني وادعي للمرة لاتموت ويبليني بموتها وساعتها مايرحمني اذا هو موت ابو صار قبل لاانولد اني واجه انتقم مني انوب اذا كملت السبحه وماتت امه ويه جيتي لاذيج الساعه يعدمني بدون مايرفله جفن

للساعه خمسه العصر ياالله رجعو دخلو وجانت المرة مدنگه گوة تمشي مبين عليها التعب راهب لازمها من جها وبتها من الجها الثانيه يگودون بيها

رفعت راسها باوعتلي بقهر ودنگت رادو ياخذوهاا علئ غير غرفه ماقبلت وگالتلهم عوفني اهنا اايوم اريد كلشي افهم

كعدوها بالصاله راد منها اتمدد ماقبلت بقت كاعدة

راهب،،يمه ارتاحي اليوم وباجر افهمج

ام احلام،،لااتگول يممه واريد هسسه تفهمني

راهب،،يمه لاتعاندين رحمه لتراب ابوي

ام احلام،،وحگ علي وصلت حدها وگلبي علئ ساعه يسكت احجيلي هسسه وريح گلبي

راهب،،شحجيلج يمه ?
اتزوجتها وجبتها وخلص??

ام احلام،،وهو شنو الخلص وشفتهمت حتئ خللص?

منو راح وياك خطبهاا?
وشوكت خطبتها
وشوكت لحگت تتزوجها?

واشلون انطوها الك بدون مااروح وياك?

راهب،،ابوها واحد عار وامها چلبه مال افلوس شتتوقعين منهم ?
اكيد يشمروها بدون مايسالون لذالك جان سهل اقشمرهم

لارا.. كل كلمة يحجيها سهم حار يخترق صدري

ام احلام،،للليش هيج يممه عللئ بختك
ليش ضيعت حگي هيج كدام ربك للليش
طوول هاي السنين واني اگول يجي يوم وربي ينصفني وياخذ حگي وحگ ابوك من جلال
تاالي خليته هوو صاحب الحگ بسوايتك هااي

عشت عمرري وااني يووميه ادعي واگول يارب خليني واكفه بين اديك مظلومه ولاظالمه
جنت يوميه افكر بذاك اليوم واگول شيجيب يوم المحاسب كدام الله عز وجل واگله بقهر واني مهضومه يرربي هذاا الضيع ابو بيتي ودمر عاائلتي

وعيشنه بهضيمه طول عمرنه ردته ياخذ حگي وحگ ابوك من جلال

تااالي خللليته هو صاحب الحگ
طول عمررري واني اگول مظلووومه
تالي طلع ابنييي ضااالم

راهب،،مو كافي ?

ضرغام،،بيبي كافي لايرجع. الضغط يصعد

ام احلام،،من عساني بالموت يبيبي ولاشفت هليوم الاگشر هذا

لارا،،عجبي علئ راهب يحجي بكل هدوء وامه تفرفح بس مبين گاعد علئ اعصابه من عروگ ادي وجها انگلب احمر تالي عافنه وطلع ماسمعنه غير رگعة الباب وراه

الولد هم طلع والاسمها فاطمه ماحجت ولافتحت حلكها بس دموعها تحجي عنها
حطت المخدة واتمددت گالت البتها جيبيلي البيرغ مال ابو فاضل اريد اشد راسي بي
راحت بتها جابته انطته ل امها والمرة اتعصبت بي
رغم حالتها مبينه حيل تعبانه بس مبينه ماراح تترك الموضوع اله تفهم كل السالفه
بهاي حالتها وفكرت بيه

ام احلام،،يمه فاطمه اخذي ابنية عمج خاف تريد تروح للحمام تتوضه وكت صلاة

لارا،،صدك جنت محتاجه اروح للحمام الابنيه مشت گدامي واني وراها وكفت يم الدرج اشرتلي
علئ باب فتحته ودخلت جان عبارة عن ممر وعلئ الجهتين حمامات منهن غربي ومنهن شرقي تصميمهن وبانيو للسبح
اتمنيت املي الحوض وانام بنصه ازيح تعب اليوم الكسر ظهري

غسلت وتوضيت وطلعت مالگيتها الابنيه واكفتلي
رجعت النفس الغرفه شفت المرة حاطه مخدة وعليها تربه تصلي بالگاع ماتكدر اتگوم حقها الخبر اجاها فجأه
القهرني من شفت دموعها تصب وهي تصلي شگت گلبي ونغزته

فرشت السجادة وگعدت يمها والعجيب اثنينه نبجي وماينسمع غير صوت المناشغ واثنينه ادموعنه بسبب نفس الشخص

كملت هي وبعدها اني حبيت ابقئ گاعدة ومدنگه علئ سجادتي حسيت بخشوع وجسمي برد
كل مرة اصلي عادي بس هاي اول مرة ابجي من كل كلبي واني موجها وجهي لله عز وجل

كملت سمعتها كالت

ام احلام،،قبل الله بنيتي

لارا،،دنگت وغمضت عيوني بقهر مابيه احجي

ام احلام،،اذا خلص المغرب فوتي اسبحي وارتاحي حتئ نتعشئ وبعدها عدنه حديث طويييل

لارا،،هزيت راسي بالموافقه سحبت الجنطه البيها ملابسي طلعت اتراك نيلي التيشيرت طويل مثل الزي الهندي
وياه حجاب وملابس مااعرف لبس دشداشه

اندليت الطريق فتت للحمام بس سبحت بسرعه وطلعت لكيتهم ينقلون بالاكل ردت ادخل صار بوجهي توة راجع باوعلي من فوگ لجوة ودخل للغرفه
دخلت وراه وامه باوعتله ودارت وجها
كعد يمها جر ايدها وهي بسرعه سحبتها
رجع راد يبوس راسها ماخلته

راهب،،يمي تعبان والله تدرين مااتحمل زعلج

ام احلام،،لو صدك ماتتحمل زعلي جان فكرت بنتيجة افعالك

لارا،،باوعتلي وكاالت

ام احلام،،اكلي يمه شكلنه انه وياج مضلومين بالدنيه قبل الاخرة

لارا،،مجرد كلمات حجتهن بس جانن كفيلات يجمعن الدموع بعيني
غصه ابلعومي واكفه مهضومه واللگمه من ابلعها احس يسمعون صوت بلعت عبرتي وياها

لافه راسي بالخاولي لافته لورة رگبتي مبينه

باوعتله بدون ماانتبه خنزر بوجهي واشر علئ رگبتي بمعنئ غطيها
مااهتميتله ورجعت دنگت انقش بدون نفس

ام احلام،،اكلي يايمه وانته لاتضل تتخازر ويه البت
تعاي بنيتي اكعدي يمي من هاي الجها

لارا،،يستاهل فشلته كدامنه
اخذت ماعوني وكعدت بصفها صارت تفلس لحم وتحط علئ ماعوني بس مااكلت مااشتهي

كملنه العشه وفاطمه جابت الصينيه خلت بيها المواعين والاسمه ضرغام شالها اخذها للمطبخ

وهو هم اخذ السويج وطلع گالها رايح اتاخر يم قاسم
ماجاوبته مبين زعلها ثگيل

ام احلام،،يمه جيبي لختج مشط

لارا،،شكد حبيت الكلمه منها جنت اتمنئ عندي اخت
كتلها شكرا جايبه مشط وياي

وخرت الخاولي مشطت ولفيت شعري وخليت الحجاب ب اهمال علئ راسي بس بالي يمها من شكلها مبينه كاعدة علئ نار تريد تعرف كل السالفه

جلت صوتها وحجت

ام احلام،،وهسه فهميني كلشي صار واشلون ابوج انطاج بدون مااني اروح اخطبله واشلون اجيتي وياه

لارا،،كعدت احجيلها من يوم الاتعرفت علئ راهب الحد هذا اليوم بس ماجبت طاري اغتصابي ماردت المرة اتموت بقهرها واتحمل ذنبها

بس كتلها جابني بدون عرس مجرد عقد سيد ومحكمه
وحجيتلها اشلون جاب بنات الليل حتئ يخطبني
جان هذا اصعب جزء بكل الي صار لان حسيت نفسي مالي قيمه عندة الدرجة يقارني بيهن وينزلني المستواهن جنت احجي بعبرة ودموع

طول ماجنت اقص عليها سالفتي
جانت تضرب علئ رجلها ومدنگه تمسح دموعها بشيلتها الي زايدتها وقار

انتبهت ع الساعه صارلنه تقريبا ساعتين ونص نحجي

انفتح الباب ودخل راهب

رفعت امه راسها وگالت

ام احلام،،هله بسيادة النقيب المحترم
الماخذ الگواويد يخطبووله

امه الگوادة الچبيرة وخالته بنت الليل
بس ليش مااخذت الطبال مالتهن بااعتبارة اخوك الجبير