لارا،،بقيت گاعدة وابجي علئ حال ابوي وحالي الانگلب بيوم وليلة
اتمنيت راهب گدامي يمكن اموته ومايبرد گلبي
بقينه گاعدين للصبح نمت واني گاعدة بالممر ومحمد يروح منا ويرجع منا خطيه اخوي وحدة ورافد مانعرف شي عنه من يوم العافنه وراح
اتمنيته موجود ويعين محمد بشدتنه الوگعنه بيها
للصبح وضعه شويه استقر بعد الانسولين بس المصيبه گعد يصيح عيني مااشوف بيها
عمت عيني السكر ضرب عينه
الدكتور گال لازم ينضرب ابرة بعينه كل فترة حتئ ماتنعمي فد مرة
رجعنه للبيت امي ماحجت ولاسالتني اشلونه واشلون صار بالعكس نزلت علي دوسه ونص من گتلها ادخلي يم بابا شوفي شمحتاج
سعاد،،شوورت بي لان مد ايدة عليه انكسرت انشاءالله فوگ مخليت براسه خير يضربني
لارا،،كاافي يمه الخاطر الله احنه بيا حال
والله مابيه حتئ اجاوبج
انهضمت وبجيت حاجيتها واني انحب بصوت عالي
كلللل الصار قبل احنه دفعنه فاتورة الحساب هسسه احنننه الي دفعنه حساب اغلاطكم احنننه
معقووله يوصل بيكم الحال ادمرون عائله لجل الفلوس الي هي وصخ دددنيا
شووفينه شوفيينه زين شوفت عينج ذنب العائله وحوبتهم وكعت بولدج وبيييه ااني
وااحد هج والثاني شاف حياته والثاالث زين يعتبرنه احنه عائلته حتئ مانشوفه
وااني ياايمه ااني انكسرت وادمررت بسببكم
معقووله ?
جنتي دوم تحجين علئ مرة عمي وتذميها تالي طلعتو انتي وابوي هاجمين بيتهااا
تركتها وصعدت درجتين ماگدرت اكمل واصعد كعدت ع الدرج ودنگت لزمت راسي
ودموعي من عيوني للگاع
استندت ع المحجر وگمت صعدت دخلت الغرفتي
جانت الساعه ب7الصبح سمعت صوت موبايلي عرفته هو فتحت الجنطه رفعته شفت رقمه
كارها كلشي يخصه
فتحت خط وگتله
الله ينتقم منك وحوبتي ماتتعداك الله يدمررك
راهب،،اذا كملتي لغوة اني بالباب اطلعي
لارا،،غمضت عيوني اطلب الصبر من الله
صوتي مبينه بي بحة مال بجي
گتله بابا
بابا مااگدر اعوفه
راهب،،ليش تخليني افوت اجيبج سحل
لارا،،قسما بالله احط طلقه براسي واكتل روحي ترة ماكو شي اخسرة غير روحي والفضل الك خسرتني كلشييي
راهب،اسمعيني زين للعصر اجي اخذج وذيج الساعه لويموت ابوج هم مااعوفج انشاءالله وصلت المعلومه
لارا،،قبل مااجاوب سدة بوجهي شگد صرت اكرهك واشمئز من روحي لان حبيتك بيوم
وگفت كدام المراية نزعت الجبه من البارحه بيها احس جسمي قذر اباوع الرگبتي اثارة مبينه داكنه غمضت عيوني والدموع اتسابقن بالنزول ياربي شنو ذنبي
حتئ ادفع ثمن اخطائهم?
اخذت ملابس ونزلت دخلت للحمام مالي خلگ حتئ الروحي اتمنيت اگعد بمكان فارغ مابي بشر واصرخ بعلو صوتي اطلع القهر المكبوت بداخلي
احس ضجه بعقلي واصوات عاليه وصريخ كانه ولايه عايشه بروحي تضج بسكانها لاكن محد يسمع دويهم غيري بعد ماكنت عايشه بهدوء صرت اتمنئ اغمض عيوني بدون تفكير
دخلت للحمام وگعدت بالگاع صرت اجلف بجسمي اريد ازيح اثارة بس الاثار انطبعن بروحي ماكو شي يگدر يزيحهن
بقيت تقريبا ساعه گاعدة اشطف بجسمي
ماحسيت بالوقت واني اذكر لمساته وقساوته واهانته وكلشي صار
گمت واني گوة انهض عبالك شايله حمل الكون علئ متوني
اتمنيت ساندرا موجودة واكعد احجيلها وابجي بحضنها
كملت وطلعت لفيت شعري بدون تمشيط مابيه حتئ ارفع ايدي
ماماكله من غدة المشؤم البارحه ولحد الان واحس روحي شبعانه مااشتهي
دخلت الغرفتي اتذكرت كلامه وتهديدة اذا مارحت وياه راح يسجن ابوي واخوتي
وبابا حالته تعبانه مايتحمل يمكن من اول يوم يموت لاسامح الله اتذكرت حقارته وياي واتاكدت اذا مانفذت كلامه ماراح يرحم بابا واخواني
بلعت الغصه الي انجمعت بداخلي رفعت عيني شفت الجنطه مال السفر فوگ الكنتور
نزلتها وفتحتها صرت الم بغراضي وملابسي واحط بيها
مااريد شي بس اگعد واعاتبه واگله بشنو اذيتك
بشنو قصرت وياك لو بشنو ضوجتك
مشيت وراك مثل العميه
حبيتك بدون مقابل واتعلقت بيك الدرجة جنت اذا تطلب عيوني اگلك هاك اخذهن بدون تردد
شگد جنت اسمع من صديقاتي يحجن ب اولاد عمامهن وغيرتهم وتصرفاتهم ليش اني بيوم اليتحقق حلمي اكره شكو حلم حلمته بيوم انو يكون الي ابن عم انسند بي
مختنگه اتمنيت روحي انهزم من كلشي واروح اگعد بحظرة ابو الجوادين يبرد گلبي
نار مشتعله بروحي والم بصدري رهييب
گعدت بالگاع واني اتذكر سوالفه وياي
اتذكر كل كلمه حلوة منه معقوله يطلع مايحبني ويجذب عليه ?
معقوله كل هذا تمثيل واني الغبييه مصدگه يحبني
مهضومه الدرجه اليباوعلي ابجي
حلم كل ابنيه تطلع بالبدله البيضه من اهلها
ليش اني من دون الكل ادمرت كل احلامي
جنت احلم انزفلك بالابيض وصوت الهلاهل ورانه
هسه صرت الك وهم بالابيض بس الفرق جبير بين البدله والجفن
اجمع بالملابس دخلت امي
سعاد،،شجاي اتسوين?
لارا،،شوفت عينج احضر لجنازتي
سعاد،،هذااا اختيار ابوج واختيارج لو مامدخلي بحياتنه جااان ماصار الصار
لارا،،التفتت الها ولطمت علئ وجهي بثنين اديه
شسوووي اكككتل رووحي شااامه گفة ايدي بالسويتو ويه اهللله حتئ ابتعددد عنه?
اااانتو السببب بكلشي ترة رايحه الخاطركم الخاطر ابوي واخواني حتئ ماياذيهم
بقت امي تبجي وتلطم واني البيه مكفيني
ماحجيتلها عن الصار بيني وبين راهب البارحة
نزلت يم ابوي اسلم علي لگيته گوة مفتح
گعدت يمه بسته وبست ايدة وراسه گتله بابا اني رايحه
ولتضن انته ضلمتني لا بلعكس اني الي ضلمت نفسي
مااگدر ابقئ ولتخاف عليه رغم السواه راهب بس يحبني ومستحيل ياذيني
جنت اريد بس اطمن گلبه مايدري الخوف البداخلي اخذ من حيلي حيل
لزم ايدي ودمعته نزلت مااتحملت اشوفه بهلحال گتله بابا المهم انته بخير عادي اذب روحي بالنار اهم شي انته واخواني مابيكم شي
جنت اتمنئ مابي شي وصحتئ احسن من هسه جان طلبت منه يحجيلي كلشي اريد اسمع منه
ابوي بدون خجل احجيها شخصيته ضعيفه يمشي بكيف امي مرات احسها هي زلمت البيت وهو يمشي وراها وينفذ كلامها بدون نقاش
يخاف الحد الرعب من السجن
حتئ من مرات اتصادف طلعه لو نريد نروح المكان
ماكو داعي ناخذ رأي ابوي لان ندري الرأي والقرار الاول والاخير بيد امي
حجه بس بصوت گوة يطلع
جلال،،لات لاترحين ب بنيتي
ابوج مامطول حتئ ادمرين نفسج الخاطرة
اني قابل انسجن لاترحين
لارا،،شحجي وشگول وهو ماتركلي خيار اخذ مني كلشي بدون مايرفله. جفن
بعد السواه راهب بيه صرت متوقعه منه كلشي يسوي ذا مانفذت كلامه ورحت وياه موبعيدة عندة يتصل ب ابوي وايگله اخذت بنتك بس حتئ يقهرة ويتفنن بتعذيبنه
رجعت بست ابوي كانه اودعه تركته وطلعت
حتئ لو يزعل مني اهم شي يعرف الجاي اسوي الخاطره
طفيت الضوة وطلعت صعدت نزلت جنطتي صارت الساعه ب4اتصل بيه
راهب،،اطلعي
لارا،،ماجاوبت سديت الموبايل اخذت جنطتي ونزلت
محمد موبالبيت راح يشتري علاج بس امي من شافتني ضربت علئ رجلها وگامت تريد تتطلع تتعارك وياه
لزمتها
سعاد،،اتركيني. اطلع اطيح حضه وحض ااامه ابن الفگر
لارا،،يممه الخاطر الله كافي لايسمعج ابوي خليني اروح قبل لايگعد وثانيا بعد العرفته ترة احنه الفگر وعايشين بخيرة وخير عمي
ابوس ايدج هلله انهالله ب بابا ترة مريض مايتحمل اكثر ديري بالج علي
تركتني وگعدت تبجي وتعض بااصابعها ندم هذا اليسمو ندم بعد فوات الاوان بشنو يفيدني ندمها بعد ماصرت اني ضحية اعمالهم
اخذت جنطتي وطلعت متوجها للمجهول الحياة اختاريتها باارادتي بدون مااعرف شنو الجان مضموملي وشنو ينتظرني بحياتي ويه راهب
طلعت لگيته گاعد بالسيارة منتجي ع الباب. بعكس ايدة وعينه عليه
فتحت الباب الورة وصعدت وحشكت جنطتي يمي
ماحجه ابد اول ماسديت الباب شخط السيارة
الطريق كله ساكت واني هم دايرة وجهي عنه للجامه
وصلنه گدام البيت الي سلب بي اعز مااملك
اختنگت بمجرد ماوگفنه بالباب نزل وباوعلي رفع حاجبه
راهب،،مالج نيه اتنزلين?
لارا،،فتحت الباب ونزلت دخل ودخلت وراه اجذب اذا اگول ماخايفه
بالعكس اذا جنت قبل بس اخاف منه هسه مجرد وجودة يرعبني
دخل گدامي يتصرف بشكل طبيعي موهامه حياة الناس الدمرها بسبب حقدة
صعد لفوگ واني علئ وگفتي باقيه
شويه ونزل بس بالداخليات شايل بيدة خاولي وملابس درت وجهي عنه
اكو غرفه جبيرة بس مابيها افراش بس دوشگ ومخدة ممدودات بالگاع يمهن نفاضه مليانه گطوف مال جگاير وسيار مربوط بالكهرباء بي شاحنه
گعدت ع الدوشگ بعد ماسديت الباب مالي نفس اشوف وجها عجيب الحب ذاك كله بيوم وليله اتحول الكرة
شويه وفتح الباب مبين سابح لابس بس بجامه وفالينه تعلاگه سودة
راهب،،گومي اكلي
لارا،،سويت روحي افتح بالجنطه گتله ماااريد
راهب،،مشكلتج
لارا،، طلع وسد الباب بقيت گاعدة ل 11بليل اسمع بس صوت حركته بالبيت تعبت واتمددت اتذكرت الصار بيه بسببه بجيت وصرت اجر النفس گوة امنيتي اعاتبه اريد اعرف وين حبه?
مالگيت روحي غير گمت من مكاني فتحت الباب وطلعت لگيته متمدد ع القنفه وبيدة جگارته يشرب وهو متمدد ومخلي وحدة من ادي جوة راسه
التفتلي بهدوء ورجع دار وجها وگفت گدامه ودموعي تجري ومختنگه اريد احجي ومااعرف. منين ابدي
گتله بصوت يادوب اني اسمعه
ليش?
رجع باوعلي گعد وخله الجگارة بالنفاضه
نهض صار وجهي بوجها
راهب،،ولسه تسألين ليش?
لارا،،واني شنو ذنبي?
راهب،،ذنبج بنته
لارا،،لحد هاي اللحظة واني اگول اكرها بس من صرت گدامه كانه ادور بعيونه علئ راهب الحبيته
لان مستحيل هذا الانسان الواگف گدامي يكون هو
بدون وعي لزمت وجها بيدي واباوع بعيونه
بلعت ريگي گتله وينه??
وين وديت راهب?
راهب ماياذيني مستحيل تكون انته
راهب،،لا اني واتعودي علئ هذا الشي
لارا،،نزلت ايدي وباوعت بعيونه كتله عندي الك سؤالين جاوبني عليهن
قبل جنت اتگلي احبج وبنت گلبي ومن سالتك يجي يوم وتعوفني تذكر شنو گلت?
گلت للوحه مااعوفج ولااذيج ومايفرقنه غير الموت
راهب،،خوش امثل مو?
لارا،،فتحت عيوني مصدومه بعدني ذيج الغبيه الرافضه اتصدگ
گتله ومن اخذتني من باب الجامعه للشقه وبيومها بجيت انته لان مانتحاجه اسبوع
معقوله حتئ دموعك تمثيل?
دنگ وجها المستواي يحجي وهو يباوع بوجهي
راهب،،سامعه بدموع التماسيح?
جانن دموع تمساح يحاول يكسب ثقة فريسته حتئ يسهل علي الانقضاض عليها وافتراسها بسهوله
لارا،،باوعتله بنظرت استحقار وبدون تردد گتله
حاسب روحك رجال?
لان اني سامعه بالرجال مايتمرجل علئ عرضه وخاصتا اذا جانت من دمه ولحمه وبنت عمه
جحضت عيونه مصدوم بحجايتي
ماحسيت غير لزمني من رگبتي وعصرها حيل احس عيوني نطت
باضافري صرت اخرمش بيدة تركني ياالله حسيت روحي سحبت نفس بس اشهگ مختنگه
لزمني من شعري قربني منه ويعت براسي
راهب،،عيدي شگلتي?
لارا،،ابجي ولازمه ايدة البشعري و وخرر عني
راهب،،موقبل ماتعيدين كلامج
لارا،،بس گلي انته منو لان ماجاي اعرفك
راهب،،تدرين شغله? اللحظة اتندمت ع السويته بيج بس هسه وبعد الحجيتي من اليوم اعتبريني كابوسج
وحگ الحسن اذا اتجاوزتي مرة ثانيه
ل ارجع عليج واراريج الرجوله شنو
انتي الجبتيها النفسج لذالك اتحملي اليجرالج
لارا،،باوعتله وعيوني مليانه دموع گتله صح جبتها النفسي
مويگولون اليغلط يتحمل نتيجة افعاله ?
واني غلطت من دخلتك بحياتي وراح اتحمل نتيجة هاي الغلطه
جنت احجي واباوع بعيونه
راهب،،عيونج لا افگسهن وخل اسمع صوتج واني اعلمج
لارا،،دفعني وطلع رگع الباب وراه
گعدت بالگاع لميت رجليه الصدري وصرت ابچي بحرگة بيومها ماگدرة انام بقيت گاعدة للفجر گمت فتحت الباب علئ كيف ماجان موجود يمكن نايم بالغرفه فوگ
طلعت غسلت وتوضيت ورجعت صليت بس عندي لويه ومغص من الجوع
رحت للمطبخ مااندل الغراض اخر شي لگيت علاگه بيها صمون اخذت نص صمونه
خليت بيها خيارة وملح لان احس هبوط عندي
لزمت اللفه وايدي ترجف من الجوع
اگول يمكن اوگع قبل مااخلي اللگمه بحلگي
صار يومين ماماكله
رجعت للغرفه اكلت وشربت ماي يالله حسيت ضغطي استقر
فتحت الجنطه طلعت موبايلي مغلق
فتحته وشفت اهواي رسائل من محمد
اتصلت بي حتئ اطمنئ اول مااتصلت جاوبني بلهفه
محمد،،لاراا وين انتي?
لارا،،انهضمت بس مابينت لان مااريد اخوي ينقهر ويسوي شي الراهب ويدخل السجن بسببه
گتله لتخاف مابيه شي والله
محمد،،احجيييي وين انتي وشسوالج هذا الحيواان
لارا،،محمد والله مابيه شي وداعة بابا
الله يخليك دير بالك علئ ابونه لان مريض
لتخلي يضوج وبرد گلبه بكلامك ترة موزين علي ينقهر
محمد،،لارا رااح انجلط مانايم بالكعبه افكر بيج
لارا،،مااتحملت وبين بصوتي نشيج العبرة
گتله خيي كلشي مابيه ومااگدر ارجع واذا رجعت معناتها بابا يدخل السجن وهو بهذا وضعه
محمد،،وهوو منو ضيعننه غير امج واااابوج ولللج بالع المووس وساكت بسببهم لو مامخافة الله
جان من زماان شردت منهم
لارا،،الصار صار مانگدر نغير شي بعد بس امانه الله بابا ترة امنه مامهتمه بصحته
محمد،،وعد ارجعج واخذ حگج منه لو اعرف انعدم
يالله روحي خويه والله يجازي امج وابوج الي ضيعونه ونعلو حضنه
لارا،،سديته منه واني امسح بدموعي انفتح الباب ودخل بسرعه وهو عاگد حواجبه ومضيگ عيونه
راهب،،ويامن جنتي تحجين??
لارا،،ابتسمت ب استهزاء گتله ويه صاحبي عندك مانع?
بدون مقدمات سحب الموبايل من ايدي
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!