رواية راهب ابو غضب الفصل الحادي عشر 11 - بقلم Zahra_Alhussnawy

لارا،،ثاني يوم من رجعت من الكلية اتصل راهب گال بليل راح اجيب امي واجي
بس مااريد اهلج يكون عدهم علم بعلاقتنه خاف واحد منهم يعارض

گتله صار ماراح احجي بس انته اشلون تتقدم الوحدة ماتعرفها??

راهب،،موشغلج بنيتي

لارا،،مااعرف علئ شنو ناوي

العصر دخل ابوي

جلال،،بابا لارا جبت ترتيبات حطيهن بالثلاجه بليل عدنه خطار

لارا،،ماعبالي يقصد علئ راهب وامه بگلبي گلت وين يعرفهم خاف عازم واحد من جماعته

كملت تنظيف البيت وامي سوت العشه واني وگفت يمها اخبط بمواد الكيكه

سعاد،،شنو هذا النشاط اليوم شكو?

لارا،،خرب عرفتني وراي سالفه كتلها موزين اساعدج وبعدين اليوم اشتهيت كيكه

كملتها وحطيتها بالفرن بعدها كملت الكريم ودخلته للثلاجه بين ماتستوي الكيكه
كملت وطلعتها خليتها بصحن وانتظرتها تبرد صار المغرب دخلت للحمام ردت اسبح لان بعد ماللحگ وراي اسحب شعري وارتب نفسي وازين الكيكه

اسمع امي اتصيح

سعاد،،ولج يممه دنيه المغرب مايصير تسبحين ايگولون يعكد ذيالج الشيطان وماتعرسين خليها وره العشه واسبحي

لارا،،ابتسمت علئ سالفة امي حجيت بصوت ناصي بيني وبين نفسي كتلها اشعل صفحة الشيطان اليوم وبعنادة بعد ساعه يجي حبيبي يطلب ايدي

دخلت سبحت بسرعه وسحبت شعري طوله وسط مااحب الشعر الطويل ودائما اگصه قصير
يطلع كلش حلو ويه لونه البي خيط شگار

دائما بابا يگلي انتي طالعه علئ امي حلوة ماخذة كل صفاتها حتئ لون عيونها

بعدها لبست اتراك جسمي موكلش ضعيف مليان رفعت اطراف شعري بقراصه خليت كحله حجر وشويه مرطب شفايف
ومعطر باوعت النفسي بنظرت رضا

نزلت لگيت امي مكمله العشه

سعاد،،نعيما اووو هاي شطالعه ?

لارا،،هههههه ليش ماما قابل يوميه مبهذله?

سعاد،،انتي دوم حلوة بنيتي بس اليوم اول مرة تحطين شي لوجهج وابوج واخوج موجودين?

لارا،،اتذكرت الكيكه او بالاصح نهزمت من سؤالها طلعت الكريم وبديت ازين بيها كملت ودخلتها بتبريد الثلاجه حتئ ليموع الكريم

جنت كاعدة علئ نار احس الساعه ماتمشي
ماجنت اضن انو كل هلوقت محسوب من عمري وانو هاي اخر ايامي ويه الفرح والسعادة

كملنه عشه وابوي كل شويه يتغزل بيه ورافد بس مبتسم واخالي هم يحجي بدون معنئ

صارت الساعة 8وربع اندگ الباب احس گلبي رجف واطرافي ثكلن من التوتر عبالك بايگة والكل يدري بيه

طلع رافد يفتح الباب ابوي كاعد بالاستقبال واني وامي رحنه للصاله
همه سدوالباب الي بجهتنه
دخل رافد وراه مرة لابسه عبايه وشيله ومبين عمرها ب 50سنه

رافد،،يمه اجه خطار
اتفضلي حجيه

سعديه،،يزيد فضلك ابني

لارا،،گمت وره امي وامي كدامي سلمت عليها ودخلتها حتئ تگعد يمنه رافد راح للمطبخ وصاحلي

رحت كال سوي چاي وجهزي صينيه حطي بيها كاسات ماي
احس امشي ع الغيم مو ع الگاع
رحت بسرعه حطيتله ماي  اخذهن وراح للاستقبال
رجعت اخذت ماي للمرة وقبلها حطيت القوري ع النار

انطيتها الماي وهي تباوعلي ومبتسمه

سعديه،،صلاتك يامحمد عين الحارة باردة
انتي لارا ??

لارا،،هزيت راسي واني مبتسمه
تركتها ورجعت للمطبخ حضرت استكانات جاي وصحن كيك اجه رافد اخذهن

رافد،،والله وكبرت لارا واجتها الخطابه

لارا،،حجاها وهو مبتسم احس گلبي راح يطلع من التوتر
واستحيت ارجع يم المرة بقيت واگفه بالمطبخ مرتبكه
سمعت صوت امي تصيحلي رحت يمها

سعديه،،تعاي خاله اگعدي خل انشوفج ليش خاتله

ام رافد،،حجيه هسه مااگدر انطيج كلمه خل انشوف رأي ابوها واخوتها والبي خير يقدمه الله

لارا،،شويه ودخل رافد گال للمرة يصيحولج برة

راحت المرة بعد ماسلمت وحمدت باابنها گدام امي

من راحو استحيت ابقئ يم اهلي ردت اصعد الغرفتي بس استوقفني صوت ابوي

جلال،،انتظري بابا

لارا،،رجعت واني مدنگه راح گعد يم امي وصاحلي رحت كعدت يمه جرني باس راسي

جلال،،كبرت بنتي وصارت عروس
اسمعيني بابا الناس اجو يطلبون ايدج مني واني ماگدرت اردلهم جواب بسرعه قبل مااخذ موافقتج
بالنسبه للرجال خوش زلمه ومايتعيب وكامل من كلشي ونقيب بالجيش واله سمعته وصارلي فترة من عرفته وماشفت منه اله كل خير

خاف اتگولين ابوي انطاني بدون ماياخذ رأي
اذا قابله حتئ نرجع للزلمه جواب لان مستعجل يريد العرس يتم بهذا الشهر

لارا،،گلبي يرجف ومعدتي مغصتني فشلانه من ابوي واخوي واكف يسمع جوابي دنگت وابتسامه علئ شفايفي

رافد،،،يابه ماتشوفها الوجنات غدن حمر والابتسامه شاكه الحلگ

جلال،،هههههه يعني نگول مبروك

رافد،،يابه صح الرجال مبين اله مكانته ومركزة بس هم الاحتياط واجب لازم نسأل عنه

ام رافد،،شتسأل ليش هي اكو احلئ من هاي القسمه الام مدندشه بالذهب وابنها نقيب وحالتهم ميسورة
اگلك ابو رافد هو هذا نفسه الاشترة البيت منك?

جلال،،اي هو

ام رافد،،يعني حالته الماديه عال العال وهم بيتج وحدج والافتهمته من امه ماعدها غيرة ابو مات بحرب91

وهي بقت گاعدة علئ ابنها مااتزوجت

جلال،،اريد اسمع الجواب منها ياسعاد

لارا،،دنكت وكتله بصوت ناصي التشوفه بابا

امي طگتها هلهوله وابوي حضني وباسني

سعاد،،خابر الولد وردله الجواب

جلال،،بويه طارت الطيرة شو متوازيه انتي عبالك انتي العروس موبنتج
الصباح رباح وباجر بااذن الله اردله الجواب
خو ماهسه توهم طلعو واتصل اكلهم موافقين شيگولون بالله ماصدگو ?

لارا،،عفتهم وصعدت الغرفتي لگيت 12مكالمه فائته من راهب

ورسائل اهواي ع الماسنجر اول ماشفتهن اتصل

راهب،،بنت الاوادم وين جنتي واني گاعد علئ نار

لارا،،هههههه وليش گاعد علئ نار

راهب،،غير منتظر الجواب وابوج شگال?

لارا،،لتتوازة باجر يرجعلك الخبر

راهب،،ولو اني ماخذ الاوكي من زمان

لارا،،ياااا ومنو گالك موافقه?

راهب،،غير اذا ماوافقتي ابوج احرگه

لارا،،راااهب بعدنه بااولها وهيج تغلط

راهب،،لارا لاتخليني اسبج فضيها وجاوبيني ترة اعصابي تلفت

لارا،،اممم مااگول انتظر الباجر

راهب،،هذا هو براحتج لتجاوبين بس خلي ابالج جواب ابوج مايهمني اذا اقتنع لو مااقتنع انتي الي وماتصيرين الغيري لوتنطبگ السما ع الگاع

لارا،،ردت احجي سدة بوجهي هذا اشبي?
شو اتشاقه وياه گلبها صدگ زعل وراح

ماگدرت انام من الفرحه واني اتخيل نفسي عروس بالبدله البيضه انزف الراهب

ثاني يوم ابوي رجعله الجواب وانطا موافقتي
ابوي راد يروح يسأل بس امي ماقبلت گالتله نقيب اسمه شگدة شكبرة تريد تروح تسأل علي وهنه بس انجومه هويه

ابوي هم اقتنع واخوتي بيهم طبع هادئين الابعد الحدود مالهم راي لان القرار الاول والاخير بيد امي وابوي

استغربت اليوم مااتصل بيه يمكن زعلان مني

للعصر رجع ابوي واتفاجئت من گال بعد يومين عقد السيد
رافد،،يابه موااشوفه مستعجل??

جلال،،اكيد يستعجل ياابني الرجال بدون مرة مايرهم وامه مرة جبيرة تريد التخدمها
وبعدين انه شرطت علي شرط وهو قبل گتله ممنوع تبطل من كليتها
ولو اني ردتها تتخرج وبعدين يالله ازوجها بس اجت قسمتها واشوف مالگه احسن منه نسيب

لارا،،صعدت الغرفتي واتصلت بي وين الحگ اجهز نفسي بيومين
اول مادگ جاوب اجاني صوته الجهوري

راهب،،نعم

لارا،،اممم اليوم نعم ماكو حبيبتي

راهب،،اسألي نفسج شنو السبب

لارا،،راهب ليش مستعجل خليها الاسبوع اليجي عاد اكون كملت كلشي

راهب،،گلت يومين يعني يومين بس فهميني انتي صدگ تحجين ?

لارا،،شحجي?

راهب،،لارا انتي مامحروگ گلبج مثلي
انتي باردة وانه مشتعل نار اريد بس اجيبج يمي

لارا،،خجلت منه بقيت ساكته

راهب،،الخوينسه مالتي

لارا،،وياك

راهب،،جا ليش ساكته

لارا،،بس يومين مالحگ

راهب،،اهووو شچلبتي
عندج باجر بطوله وعگب باجر هم نص نهار يعني تلحگين وزيادة وهم خل اگلج ترة ماعندي غير امي واختها يجن وشكم واحد من اصدقائي
يعني مختصرة بيناتنه

لارا،،امري لله

راهب،،شيجيب عگب باجر وتصيرين حلالي

لارا،،ياله حروح لان انته اذا بقيت شويه تنزل ع الترابي

راهب،،وعلي بس يعقد السيد وتصيرين حلالي ااخ منك يلساني يالله روحي قبل لاانزل بالغميج

لارا،،خررررب متجوز
سديته بسرعه

اجتني رساله كاتب

راهب،،حضري نفسج ماضل شي واحاسبج عليهن وحدة وحدة

لارا،،ابتسمت علئ كلامه جنت اضن يقصد غير شي يعني شي مثل تفكيرة المنحرف ماجنت اعرف الجحيم الينتظرني

ثاني يوم الصبح رحنه للسوگ لان امه اتصلت باامي گالتلها بنفس اليوم مشيه وعقد وتلبيس ذهب
يعني تجي المشيه والسيد وياهم
اجرت بدله زيتوني منفوشه تركيه كلش حلوة

ورحنه حجزنه الصالون الباجر كملنه كل التجهيز رجعنه لگينه ابوي جايب كراتين كيك وعصاير وكرزات الباجر

رجعت اتصلت بساندرا اجت هي وجوليان ساعدني بتنظيف البيت
لليل يالله راحن گلبنه البيت ع البطانه نشتغل ونتمرگص فاتحين ديجي وحاطين اغنية هيدي هيدي لاابوي ولاخوتي بالبيت لذالك خذنه راحتنه حتئ امي تهوس ويانه

ثاني يوم اتفقنه وياهم المشيه ساعه 5العصر
رحنه قبل الموعد بساعتين للصالون

حفتلي ومكياج خفيف وتسريحه بسيطه مااحب المكياج القوي
رسمت عيوني وجرتهن طلعن كلش حلوات امي كاعدة وتصلي علئ محمد ام الصالون گالت اريد اخذلج صورة حتئ اخليها واجها حلوة للمحل
بس رفضت وامي هم رفضت ماقبلت گالت عاد بس صورة اعلكها بالمرايه بنص المحل حتئ النسوان يشوفن الترتيب

هم ماقبلت الان الدنيا مو امان وحتئ ماخليت امي تاخذ صور بجهازها بس بجهازي

طبعا ساندرا وياي ماتركتني وهم رتبت نفسها ترتيب حلو بناتي
اتصل ابوي گال فضنها الناس علئ جيه

اجه رافد رجعنه للبيت اتفاجئت اخوتي مزينين الصاله نشرات ونفاخ مخليها تخبل

ماعزمت اهواي بس اهل ساندرا وبسمه وكم بنيه وياي بالكلية وامي عزمت كم وحدة من جاراتها

شويه وسمعنه صوت الهورنات يعلن عن قدومهم لزمت گلبي احسه يريد يطلع من الخوف

طلعت امي تتلگه النسوان وفعلا مثل ماگال مااجن غير اثنين نسوان امه اما الثانيه اول مرة اشوفها بنيه كلش حلوة

دخلن سلمن والابنيه تباوعلي صفح ماعجبها ولحد الان ماعرفت هاي منو اله امه گالت هاي غزل اختي الزغيرة

اگول راهب عليمن طالع يخبل اذا هي خالته صاكه

اسمع صوت الزلم بالاستقبال
بعدها اجه ابوي گال قربوها للباب السيد راح يعقد
حطن علئ راسي شال واتقربت يم الباب گعدت ع الكرسي
السيد بدة يقرة بعدها گال رددي وراي
رددت اخر كلمه وانطيت موافقتي اشتغلت الهوسات امه گلبت البيت بالهوسات والهلاهل انتبهت علئ خالته عيونها مدمعه يووو خطيه دموع الفرح لعد شگد علاقتهم قويه هي وابن اختها
بس مبينين نفس العمر هي وراهب اكيد بيبيته تخلف علئ كبر

بعدها السيد عقد الراهب وهم هلاهل وجكليت وصديقاتي يباركن واني لحد هاي اللحظه مامصدگه فرحانه واخيرا صرت حلاله
بس ليش بداخلي خوفه ?مااحس بفرحتي كامله

شويه وگال ابوي راح يدخل يلبسها الذهب
صديقاتي لبسن ححاباتهن بس ساندرا بقت يمي

دخل هو بكامل اناقته وهيبتة اوسامتة الي تخطف الانفاس
امه باركتله والنسوان كذالك گعد يمي واني احس راح يغمئ عليه
النسوان تگول طالعه تخبلين بس من شفته گلت اني متاكدة هو احلئ مني بهووواي

باوع علئ امه واشرلها طلعت من جنطتها علبتين مال الحلقات

راد يلبسني ايدي ترجف لزمها وعصرها حيل
خزرته غمزلي

بعدها طلعت علبه واتفاجئت بالگلادة جانت عبارة عن مداليه زنجيل مثل السبحه وبالنهاية اسمه
مكتوب بالذهب (راهب)
كلش عجبتني
وتفاجئت شوكت لحگ يسويها ?

اتقرب مني لبسها الي وهمس يم اذني

راهب،،واخيرا دخلتي عالم راهب

لارا،،ابتسمت وهو ابتعد
بعدها گال ل امه لبسيها الباقي
كملنه تلبيس الذهب والحفله انتهت

والزلم الاجت وياه هم راحو بقينه بس اهلي وامه وخالته وساندرا

دخل رافد گال خطيبج بالاستقبال ادخلي يمه

بسرعه لزمني المغص خايفه اباوع امه تضحك بس خالته خازرتني مااعرف شبيها بعدين كلت يمكن هذا طبعها

رفعت بدلتي وطلبت من ساندرا تصعد الغرفتي تجيبلي شال احطه علئ متوني استر صدري بي

دخلت شفته كاعد حاط رجل علئ رجل باوعلي ورفع حاجبه  زاد ارتباكي اكثر دنگت
وگف علئ حيله واتقدم اتجاهي بكل هدو واحس نظراته كصتني من فوگ لجوه

صار مايفصلنه شي لزم ايدي قربني منه والايد الثانيه سد بيها الباب وراي بحيث وجهي صار بصدرة عطرة مله روحي ودخت كوة واگفه
نزل نظراته الي رفع وجهي باصابيعه

راهب،،مبروك

لارا،،صوتي اختفئ من الخوف وهذا المخليني احبه هو شخصيته القويه الابعد الحدود

جاوبته بصوت ناصي مبروك
حسيت ايدة ورة ظهري قربني من صدرة اكثر صرت بحضنه دنگ بكل هدوء طبع قبلة خفيفة علئ شفايفي
ابتعد عني واني مغمضه شعور حلو مااريد افتح
همس يم اذني

راهب،،لارا
لارا
فتحي عيونج بعدنه ماگلنه حلال وانتي ذبتي بين ادية

لارا،،ضعت بهدومي من الفشله ردت اگله كله صوج امك منو گالها تخلف واحد مثلك شكله يخلي الواحد ينسطر اني موبس انسطرت حتئ انثولت

بس الفشله الاكبر من سحب الشال ونظراته  تسللت لفتحة البدلة مد ايدةبسرعه لزمتها امنعه

راهب،، كلشي بيج حلالي وخري ايدج