رواية راهب ابو غضب الفصل العاشر 10 - بقلم Zahra_Alhussnawy

راهب ابو غضب

بقلم زهراء الحسناوي
،،،،،،،،،،،،،،،،،،،،

لوتدريني شتمنئ ?

اعله رجلك احط راسي

هيج اتخايل الجنه

.........................

لارا،،راهب هدني هددني

راهب،،كافي لاتصيرين طفله

لارا،،يحجي بهدوئ ولاكان مسوي شي لازم ايدي ب ايد وحدة والايد الثانيه لازم بيها الستيرن باوعت لعروگ رگبته عبالك تريد تنفجر

حجيت والدمعه نزلت من عيني
راهب الله يخليك عوفني هسه ساندرا تتصل ب اهلي وتقلقهم

راهب،،راح اترجعين قبلها لتخافين

لارا،،وصلنه گدام مشتمل صغير
نزل والتفت الجهتي فتح ااباب

راهب،،انزلي

لارا،،الله يخليك عوفني عندك حجي احجي اهنا

راهب،،اتنزلين لو انزلج بطريقتي?

لارا،،اجذب اذا اگول ماخفت نزلت ورجل اطگ برجل

لزم ايدي وسحبني وراه فتح الباب ودخل بقيت واگفه ماريد ادخل للبيت

ماحسيت غير جرني من ايدي ومشه واني وراه لازمني حيل

رجليه بادت من الخوف فتح باب المدخل وجرني دخلني وياه وسد الباب
التفتلي بعد ماشمر السويج ع الميز

راهب،،اااي ست لارا احجيلي شنو سالفة الصورة والمكياج لا وانوب ادزهاا وفرحانه بروحها

لارا،،كافي افتح الباب اريد اطلع

راهب،،موقبل مانصفي احسابنه

لارا،،بدة يتقدم عليه واني ارجع لورة
انضربت اباب المطبخ صار بوجهي مايفصلنه شي
رفع ايده يم راسي انتجه بيها ع الحايط
والايد الثانيه رفعها مرر اصابيعه علئ خدي
رجفه سرت بروحي قبل جسمي غمضت وهمست بصوت ناصي
را راهب خليني اروح

راهب،،فتحي عيونج وباوعيلي

لارا،،خ خليني اروح

راهب،،فتحيهن لارا

لارا،،فتحتهن علئ كيف شفت دموع بعينه منجمعه استغربت حالته

راهب،،ليش ماجاي تفهميني من اگلج احبج

لارا،،دنكت ونزلت دمعتي قبل دمعته
ااانته السبب

راهب،،لان اغار عليج خليتي الصوج بيه مو?

لارا،،ماسويت شي يستحق العقاب

راهب،،بنظرج مامسويه شي?
انتي تفهمين لو لا?
ولج اغااار ياامه الاسلام اغااااار لو واحد حط عينه عليج
اغااار لو واحد حجه وياج اغااار لو واحد غيري شاف ضحكتج ولج كل هذااا واتگولين مامسويه شي

عاقبتج حتئ اسويلج كرصة اذن اريد ترتيبج واناقتج الي بغرفتي وبس تتزينين الي اني وحدي

لارا،،رجف گلبي ومااعرف شجاوب

راهب،،ليش اليحبج تأذي?

لارا،،بجيت لان بعد ماگدرت اتحمل كتله والله جنت مخليه الك ردت تشوفني حلوة

راهب،،وليش انتي موحلوة ?
لارا اسمعيني زين
من اول يوم شفت بيها عيونج حبيتج

بنظري انتي احلئ وحدة وماكو داعي تتزينين وترحين للكليه لان مااتحمل اشوف واحد يباوعلج غيري

لارا، ،بقيت مدنگه مد ايدة رفع وجهي ب اصابعه
اقترب مني بحيث ماكو شي يفصلنه غمضت عيوني لان ماكدرت اتحمل اكثر دخت بعيونه وبعطرة وبقربه

حسيته اقترب مني وهمس يم اذني

راهب،،فتحي عيونج لارتي ماريدج اتفكرين جبتج لهنا حتئ استغلج
صح گوة متحمل واني اشوفج بين اديه ومحروم منج
صدگيني ماضل شي واجيبج يمي واشبع شوف من عيونج الحلوة

لارا،،بدون وعي همست احبك والله

راهب،،اشتعل عمي بنار ونفط

لارا،،ضحكت وضربته علئ صدرة بعدني من حضنه وحجه وهو محاوط خصري

راهب،،هااا اتذكرت سالفه هو منو الزعلان. من منو ??
يعني فوگ ماهي زعلتي تجين انتي تاخذيها مني واتلوفين السالفه الصالحج وفوگ كلشي انتي ابو الراهي واني الاجي اصالح واتوسل

لارا،،ههههه مو صوجي صوجك حبيبي انته البديت

راهب،،ولج لاتتماوعين واتگولين حبيبي لاتخليني اغرد وتدرين بالساني من ينزل ع الترابي

لارا،،هههه لاسكتت سكتت بس رجعني لان اتاخرت

راهب،،راح ارجعج بس مااگدرة اتحمل بعد اكثر من هيج الاسبوع الجاي ادز امي لهلج كافي خل يجمعونه لا اخطفج وانعل والديهم

لارا،،فرحت وطار گلبي مامصدگه راح اصير اله رغم طبعه من هسه مبين صعب بس احبه موبيدي المهم اكون اله وبس

راهب،،رجعتها للبيت وبداخلي شعور بالنصر وهاي ثاني خطوة كسبت ثقتها من مااتقربت منها
الخطوة الاولها جانت اكسب گلبها وربحت الاثنين حبها وثقتها اهنا خلص دورها واجه دور راس الحيه ابوها

ثاني يوم كملت كل شغلي بخصوص جلال الحقير
وبقيت انتظر لحظة انهيارة بفارغ الصبر
ااي والله واجه وكتك ياجلال العار اذا مارجعتك ع الحديدة واخليك انته ومرتك تبيعون روبه وخبز للناس مااتسمه راهب

رحتله للمكتب مالته اريد اشوفه وهو بعدة مستمتع بخير ابوي قبل مااسحب الابساط من جواه واخلي يرجع فگر

دخلت اني وقاسم لابسين الزي العسكري
كرهت روحي من سلمت وخليت ايدي ب ايدة

جلال، ،اهلا وسهلا بيكم اتفضلو

راهب،،يزيد فضلك حجي بس ردنه انشوف البيوت العندك لان ناوي اشتري بيت بالمنطقه هاي

جلال،،والله ياابني حاليا ماجوه ايدي غير شقتين للايجار وبيت دبل فاليوم طابقين وهذا هم مقرر اقسمه اسوي مشتملين فوگ وجوه يعني تگدر فترة وتجيني اكون دبرتلك البيت

راهب، ،طلعنه من يمه بس بقيت بين يوم ويوم اروحله اشرب جاي وسوالف بحجة ايدورلي علئ بيت بس نيتي جانت اتقرب منه واكسب ثقته

بعدها هم بكم يوم رحنه اني وقاسم
گتله حجي انه متوازي اريد تشوفلي بيت بس كون زين وبناء حديث

جلال،،بالأول عندي طلب منك بما انو انته بالدوله

راهب،،اكيد حجي تفضل

جلال،،اكو واحد اجر بيت من عندي وسلمته البيت واستلمت ايجار اول شهرين
وبعدها ضل شهر يدفع وشهر شالع گلبي
فكتله يابه اذا هيج تشلع الگلب بالتسديد اني هم رجال علئ باب الله والبيت مو الي وانته راتبك خير من الله يعني موحالتك تعبانه وانمشيها الك وماناخذ منك كل شهر
اذا هيج اطلع من البيت وشوفلك بيت ثاني

وهو معاند مايقبل يطلع ولايقبل يسدد وحاير وياه وصاحب البيت مايروحله يجي يريد الفلوس مني وهسه مااعرف شسوي

راهب،،هذا هو حجي اعتبر الشغله مگضيه
بس انطيني اسمه وعنوان البيت

وفعلا اخذنه العنوان واخذت جلال بس احس امشي وياه علئ اعصابي كارها كره العمئ اشوف دم اسنوني من اشوفه بس ماعندي غير هذا الحل حتئ اتقرب منه

دگينه الباب طلع واحد من شافنه ويه جلال انخطف لونه وضل يمتمت گتله كل شهر الايجار يوصل للسيد جلال وشوكت ميقرر تترك البيت اتركه بدون نقاش وغير هذا الحجي اشمرك بالسجن اخليك تعفن
وهو ضل يتوسل وانو ماتتكرر بعدها تركنا ورجعنه وصلنه جلال العار للمكتب مالته طلب من عدنه ننزل ويضيفنه بس گتله غير مرة

بعد اسبوع رجعناله علمود البيت

جلال،،يااهلا وسهلا بالشباب نورتونه
احمد احمد يابه جيب باردات للشباب

راهب،،شكرا حجي بس احنه جاينك علمود شغلة البيت

جلال،،مگضيه شغلتكم انشاءالله

راهب،،حجي انه لو ماسامع عنك خوش انسان ومحترم وشغلك نضيف جان مااجيتك

جلال،،علئ راسي ابني بس لحد الان مالگيتلك بيت
وماعندي غير البيت الطابقين الحجيتلك عنه وهذا اذا اتريد ابيعه الك ف سعرة كلش غالي

راهب،،وهو هذا الاريدة واجيت اعرف سعرة لان ناوي اشتري واذا انقسملي حتئ ننتقل نعيش بي اني والوالدة

جلال،،صار ابني تدلل هسه اخذك للبيت تشوفه بعينك حتئ مااتگول قشمرني

راهب،،لاحجي حشاك من التقشمر
بگلبي اگول دين الجذب واالقشمرة انته

اخذنه للبيت شفنا موبيت فلا طابقين والحديقه يسرح بيها الخيل كلش جبيرة بيت حلو وراقي

گتله حجي اشتريت لان كلش عجبني

جلال،،توكلنه علئ الله بس اشلون راح تدفع المبلغ

راهب،،حجي راح ادفعلك ربع المبلغ لان حاليا ماجوة ايدي غير بس ربع الفلوس
اكتب عليه صك وبالمكاتبه مال المداور مال البيت سجل هلشي

جلال،،ابني انتو بس شوفتكم كلمه

راهب،،كدرت اكسب ثقته بهاي الفترة وحتئ من اگعد يمه يبقئ تليفوني يتصل لواء فلان وعميد علان لذالك هو گالك ذوله بالدوله اكيد كلمتهم وحدة مايدري اني صارلي اسنين اطبخله علئ نار هادئه وحتئ اجيته بجنسية مزورة بس النغل قبل لانروح للكاتب طلب هوياتنه
اخذ هوية قاسم قراها وبعدها اخذ هويتي
اول ماقرة الاسم اباوعله وجها صار ينطي الوان

رفع راسه گال

جلال،،اسم ابوك ضياءالدين ياسر

راهب،،اي حجي ليش بي شي الاسم

اباوعله غمض وجر حسرة گال

جلال،،اسم ابوك وجدك يذكروني بالاعزاز

راهب،،كورت ايدي ردت انطي لطمه اله اخرب معاني وجها بس گدرة اسيطر علئ اعصابي مااريدة يشك بشي
ابتسم بتعب وگال
جلال،، لو مااسم عشيرتك واسم امك المختلفات جان گلت عنك ابن اخوي

راهب،،حجي ولايهمك اعتبرني ابن اخوك

جلال،،تسلم ابني ربي يحفظك
خلص امشي ننقل البيت بااسمك والمبلغ الباقي سددة براحتك شوكت مايصير عندك

راهب،رحنه سجلنه البيت بااسمي بعدها اخذته هو وقاسم غديتهم بمطعم

وبگلبي اگول اكل توني قطيتك قطة عمرك وانشاءالله الضربه الثانيه اتكون القاضيه

بعدها رجعنا للمكتب وطلعنه بوجوهنا البيت سعديه

قاسم،،ذذذيب بالعباس ذيب عمي حتئ انه دمعت من شفتك تحجي ويه الرجال

راهب،، وليش دمعت

قاسم،،لان اول مرة اشوفك مؤدب وصاحب اخلاق عاليه

راهب،، طايح الحض اشگالولك عني

قاسم،،ولك سگط لو مادافنينه سوه جان مااحترگت روحي وانته مخلصها شرب ونسوان

راهب،،دنجب يخوي وخل نفرح بهذا الانجاز العظيم
اليوم السهرة للصبح وانعل والديك اذا گلت نرجع من وكت

اباوعله فتح حلگه مصدوم

قاسم،،وهو منو اليجيبنه سحل غيرررك

راهب،،وصلنه البيت سعديه اتلگتني غزل

غزل،،يعيون غزل مشتاقتلك وانته ولاتجي غير لمن نخطر علئ بالك

راهب،،دوم انتي على بالي بس تعبان واريد انام ساعتين وبعدها نسهر سهرة حلوة

غزل،،يؤمر امر سيادة النقيب نسهر لعد شورانه

راهب،،ذبيت روحي بملابسي نمت ماگعدت غير علئ لمسات دافية فتحت عيوني تخيلتها لارا گدامي
نسيت الگدامي وحدة ثانية تختلف عنها بكلشي

ابتعدت مااعرف شجاي يصير بحالي وليش من اتخيلها لارا افقد اعصابي

تركتها وگمت بدلت وطلعت الساعه ب 1بليل تركت قاسم ورجعت للشقه
بقيت گاعد للصبح واحش بالجگاير حش

لارا،،رجعني للبيت واني طايرة طيور من الفرح احس ثقتي بي صارت ثقه عمياء
يحبني ويمي وماحاول يلمسني لان انسان محترم وابن اصول ماراد يتقرب مني بالحرام

للعصر اجت ساندرا حجيتلها كلشي

ساندرا،،يممممه الحب يمه خطف وكذا لعد اني ليش محد يخطفني?
بس عابتلج وگعتي گلبي من مالگيتج منتظرتني

ردت اتصل بخاله اسالها عنج بس اترددت گلت خاف اجاها راهبها وراحت وياه

لارا،،هههههه اي والله راهبني كلششش

بس ماتدرين شگد كبر بنظري قاطات ولج صرت احببببه بجنون

ساندرا،،اخبال حتئ اخبال مو اني سامعه بالحب يسوي العجايب لذالك مااتقربله

لارا،،علئ طاري الحب ليش منقرب بسمه من عصام ترة والله حتئ هي مبينه اتبداله نظرات الاعجاب بس هو الي خايف ومتردد

ساندرا،،لدخليني بينهم مالي شغل اذا تردين انتي اتبرعي واجمعيهم

لارا،،عابت مو انتخئ بينه عود اخواته

ساندرا،،خررب دائما تحرجيني بكلامج زين ميخالف نساعدهم قابل شورانه هو تاليتي اجمع بيكم واني ابقئ الاشبينه مالتكم واضل محمضه بدون عرس

لارا،،هههههههه لاساعتها احنه نحاول نجمعج بواحد ميت هو وباقيه امه

ساندرا،،طاحضج وين انجمع بي اذا ميت

لارا،،بقينه نسولف ونضحك
ثاني يوم بالكليه عود ردنه نقربهم شولگيناهم گاعدين يضحكون سوة

عصام،،هله بنات اقدملكم حبيبتي بسمه

لارا،،بقينه فاتحين احلوگنه

ساندرا،،انجمعو بدون منجمعهم عابت

عصام،،اذا انتضرجن بسمه تعرس وتخلف واني بعدني منتظر

بسمه، ،هههههه كافي ترة خجلت

عصام،،فديت الخجلانه اني يله حبي نعوفهن ذني عواذل

لارا،،عابت اي والله عود الليل كله نفكر بطريقه تقربكم

عصام،،لابعد اخوج لتعبين نفسج انفكت الجبسه وحجيت لحگت مستقبلي

لارا،،هههههههه بيها الخير همزين ماانتظرتنه
بقينه شويه كاعدين بعدها دخلنه للمحاضرة

صارت الساعه ب 1طلعنه من الكليه
رجعنه للبيت بس احس ضايجه لان ماشفته اليوم صعدت الغرفتي واتصلت بي

وبسرعه اجاني صوته الماخذ عقلي

راهب،،حبيبتي

لارا،،يروحي

راهب،،ولج يم الغيرة لاتحجين هيج ترة گلبي رهيف موحمل رومانسيه

لارا،،هههههه راهب اسألك سؤال

راهب،،جواب يروح راهب انتي

لارا،،ليش احبك هلگد?

راهب،،اااخ الله مو اگلج ناوية ااتجلطيني
بويه انه ميت بيج واحسب للايام احساب حتئ اجيبج الفج بحضني

لارا،،متت خجل
راااهب

راهب،،عيونه وگلبه وكيانه انتي

لارا،،بعد عندي سؤال

راهب،،ههههه ياللله اسألي ام خشم

لارا،،انته تحبني?

راهب،،ترة راح اجي ابسطج

لارا،،وينطيك گلبك تبسطني?

راهب،،بعدج طفله علئ هلسوالف ابسطج بطريقتي الخاصه

لارا،،والله حروح لان دوم هيج تحجي

راهب،،هههههه تعاي عمي بطلت بعد مااحجي مسويه عليه حصار

لارا،،هههههه موهسه ارفع عنك الحصار

راهب،،طفلتي انتي

لارا،،ترة مااحب اتگول عني طفله

راهب،،فديت مرتي الصغيرة ام عقل الجبير
والعدها رصعات يخبلن مال عض

لارا،،راااهب والله ازعل اذا تحجي هيج

راهب،،ينطيج گلبج ماتحجين وياي??

لارا،،لعد بطل سوالفك

راهب،،بويه بطلتهن بس خل اجيبج يمي ويصير خير

لارا،،ابتسمت علئ سوالفه وسديته اجتني رساله فتحتها كاتب

راهب،،انهزمي جبانه خوينسة راهب

لارا،،بقيت مبتسمه بداخلي فرحه ماسايعتني
اول مرة شخص يهتم بيه مثل راهب
ويحبني الهاي الدرجه بحيث اتعلقت بي بفترة قصيرة عبالك اعرفه من اسنين

بعد يومين صادف يوم جمعه فاجئني من گال

راهب،،لارتي ترة هذا حدي بعد مااتحمل بدونج
حضري نفسج اليوم بليل نجي اني وامي نطلب ايدج

لارا،،هههههههه گول والله

راهب،،اي وداعتج قابل مجذب عليج

لارا،،هههههههه مامصدكه راح اطير

راهب،،اشوفج متوازيه اكثر مني

لارا،،عزاااااا شگد فشله بقيت ساكته واحس الحرارة صعدت الراسي راحت الهيبه والثگل

راهب،،شو خنستي?

لارا،،م مو هذا شسمه

راهب،،فديت الخجلان كون يمي واشوف الخجل ياابوية خليها سكتته

لارا،،وكلعادة ختمها بجمله من جمله المنحرفه

سديته واني گلبي يدگ سريع احس مومسيطرة علي مااصدگ اغمض وافتح واصير كلي ملكه وبين ادي

راهب،،رجعت راسي ع الكرسي
اااي ياجلال مابقئ شي واحاسبك واخذ حگي منك مربع
وبنتك بگد ضحكها راح اخليها تبجي دمم

يتتتتتتبع