رواية راهب ابو غضب الفصل الخامس 5 - بقلم Zahra_Alhussnawy

هيج نتلاگة ضلع يشبگ ضلع
انخلي دگات الگلب ماتنسمع
من ابوسك اقفل اشفافي عليك
حتئ باجر بالزعل ماتنشلع

،،،،،،،،،،،،،

قصة راهب ابو غضب

للكاتبه زهراء الحسناوي

،،،،،،،،،،،،،،،،،،،،،،،،
لارا،،مرت الايام مخلصتها بين البيت والجامعه وحتئ طلب استاذ عمار نسيته ماحاطته ابالي
اتذكرت من شفته گدامي
اجت طالبه قبل المحاضرة گالت استاذ عمار رايدج بمكتبه

عرفت شيريد اترخصت من البنات ورحتله ساندرا عدها علم بالموضوع وفرحت من سمعت الخبر وصارت تقنعني اوافق اتگول الاستاذ يشبهج واذا قبلتي اكيد خلفتج تطلع تخبل مثلكم

دمغتها وگمت علئ تفكيرها بعدني مارجعتله خبر وهاي فكرت بخلفتنه

دگيت الباب ودخلت من شافني نهض من مكانه مد ايدة اتصافحنه وسمحلي اگعد

استاذ عمار،،شنو تشربين?

لارا،،شكرا استاذ ماكو داعي

استاذ عمار،،بشريني يمعودة ترة الله شاهد ليلي مانايمه احس گاعد علئ نار انتظر جوابج

لارا،،انقهرت علئ كلامه دنكت وگلت خل انطي جوابي خطيه مايستاهل اخلي ينتظر اكثر
گتله اسفه استاذ طلبك علئ عيني وراسي والف وحدة تتمناك
قاطعني بكلامه

عمار،،بس اني رايدج الج مارايد الالف

لارا،،اعتذر استاذ ماكو نصيب لان مامفكره ارتبط حاليا وشايله الفكرة من بالي اريد اكمل كليتي

عمار،،وبرايج هذا حل ?
زين اذا ارتبطتي بيه راح اگعدج بالبيت?

لارا اني استاذ جامعي مو متخلف واگعدج بالبيت وابطلج من دوامج
خلي يكون هذا الشي بعلمج
ع العموم ردت الجواب واخذته الله يسعدج بحياتج تگدرين تتفضلين

لارا،،حسيته انقهر من كلامه دنگ يباوع بالحاسبه بدون مايباوعلي كمت وطلعت من المكتب
بس حاسه بالذنب مااعرف ليش يمكن ضيعت من ايدي فرصه تحلم بيها كل ابنيه يجيها شخص كامل والكمال لله يعني استاذ مثقف ومن عشيرة معروفه بسمعتها الطيبه وغير كل هذا وسيم الابعد الحدود

رجعت الساندرا ومن حجيتلها غمتني

ساندرا،،يارب كون يجيج واحد يشبه عبسي

لارا،،عابت بيش طالبتني

ساندرا ،،لان انتي وحدة ثوله دباعي بنات الجامعه كلها تفك حلكها من يمر استاذ عمار ولج بس عطرة يجلط
والله اني لو مواختلاف الديانه جان رحت خطبته

لارا،،هههههههه خبله

ساندرا، ،مو اخبل منج

لارا،،رجعت للبيت ماجابت طاري ل اهلي علئ موضوع استاذ عمار لان امي ضعيفه كلش گدام هيج قسمه اكيد تنطيني بدون متسأل

بليل اتصلت ب اخوي مهند مشتاقتله صار كم يوم ماحاجيه وياه
بقيت اسولف وياهم هو ومرته وبعدها فتحولي كامرا حتئ اشوف بناتهم التؤام صوفيا وسيدرا

فدوه يخبلون مهند من سافر اتعرف علئ بنيه عراقيه لاجئه هي واهلها تشتغل موظفه بالمطار لان عدها الجنسيه الالمانيه وضابطه اللغه لان من زمان عايشين بالخارج

وبعدها اتزوجو بعيد عنه امي بالبدايه رفضت بس هو عاندها وسوه البراسه مرتين اجه ع العراق هو وزوجته ندئ واطفاله بس صارله سنتين ماجاي

اتفاجئت بكلامها من گالت وهي تبجي

ندئ، ،لج عيني لارا اني حامل

لارا،،ضحكت عليها گتلها مبروك يعمري بس عليش تبجين هذا رزق من الله

ندئ،،حامل بتؤم مرة ثانيه

لارا،،حجتها وطگت من البجي واني خربانه ضحك عليها

ندئ،،اي عيني اضحكي قابل مثلي والله حتئ نوم ماشبعانه بسبب صوفيا وسيدرا

لارا،،دروحي عاد خل ابشر امي ههههه

ندئ،،عابت عود ردتها تواسيني

لارا،،غيرج يتمنئ هاي النعمه ندوشه كولي الحمدالله

تركتها ونزلت يم امي بشرتها وفرحت كلش بالخبر امي تتمنئ تعرس رافد ومحمد بس اخوتي رافضين يريحون گلبها ويتزوجون حتئ نسوانهم شويه يعيينها

لان اني مادايمتلها وفوگ كلشي طالبه هندسه ومرحله صعبه دراسه وقلق وشد اعصاب بالسبوع مرة وحدة اطلع والمكان الوحيد الي اروحله هو بيت ساندرا

ام رافد،،يوم الي ازوجج واحد مال وجاه والكل تحلف بي وافرح بيج

لارا،،ماما المهم يحبني واحبه مايهمني عندة افلوس لو لا عندي السعادة اهم شي

ام رافد،،اي اذا اخذتي واحد فگر يوكلج سعادة وتشبعين
لارا،،المهم اني مقتنعه

امي اعرف طبعا تحب المادة وضعيفه جدا امامها بحيث مستعدة تنطيني الشايب بس كون عندة افلوس

راهب،،يوم يجر يوم وانه متابعها وهلفترة صار وكت ترقيتي برتبة نقيب يعني حاليا تارك موضوعها بين مااحصل الرتبه

اتصل بيه عميد هاشم گال اجه امر بترقيتك انته وملازم اول قاسم

فرحت كلش لان هذا حلمي من زمان اطمح اكون انسان ناجح
قاسم عندة علم بالترقيه
بعد يومين رحنه الغرفة العميد هاشم جانو گاعدين لواء مظفر وكم ضابط حاضرين للتهئنه

ادينه التحيه وشدولنه النجمه الثالثه
اباوع قاسم الحلگ مفتوح اذراع من الفرحه بس اني عود الثكيل مالتهم بس فرحتي ماسايعتني
الكل باركلنه وطلعنه

گتله قاسم تعال اخذك المكان بمناسبة الترقيه

قاسم ،،ولك بعد وكت ع السهرة شجاك من الفرح خفيت

راهب،،انجب طايح الحض امشي وياي وانته ساكت
وفعلا اخذته ورحت بوجهي للامام موسئ ابن جعفر الكاظم عليه السلام

دخلت واستحيت ارفع راسي وادعي احس الامام واگف گدامي وخجلان منه
ردت اندعي واطلب منهم يعينوني ويساعدوني حتئ اخذ ثار ابوي بس خجلي جان اكبر بقيت ساكت ومدنك مثل مذنب معترف بذنبه وفشلان من روحه

هم ثگيل علئ گلبي وكل مااحصل رتبه اعلئ اصراري ع الانتقام يكون اشد

زرنه وصلينه طبعا صلاتي بس بالزيارات والمناسبات

رجعنه للشقه دخلت سبحت وبدلت طلعت لگيت قاسم جاهز قبلي

طلعنه ويه جماعتنه الضباط معزومين ع العشه

بس طول الوكت احس عيونها براسي مرات حتئ واني گاعد ويه جماعتي اتذكر عيونها
بداخلي اكو شي يهيالي انو هذا بسبب انتقامي منها

لارا،،تعبت نفسيتي كلش بسبب الدراسه لاطلعه ولامشيه وحتئ من اروح يم ساندرا نخلصها كتبنه بدينه

بعد كم يوم اتفقو طلاب گروبنه نطلع بعد الدوام نتونس المتنزة الزوراء
اتصلت ب امي انطيها خبر

وفعلا رحنه وساندرا اتريد اطير من الفرح افترينه شويه وجربنه كم لعبه اكثر شي احب سيارات هههههه احس نفسي بعدني طفله

بس ماتقربت من الالعاب المرتفعه مثل ديلاب الهوئ لان جبانه واخاف من المكانات العاليه احس نفسي يغمئ عليه منها

عصام،،يله ست لارا خل نصعد بسكة الموت

لارا،،عزااا لو اموت غير يسكت گلبي

ساندرا، ،عوفها هاي جبانه اني حروح وياكم

لارا،،صعدو الشباب واولهم عصام وساندرا
اتحرك القطار والصريخ صار بفلس

منا لمن انتهت اللعبه وكفو القطار ونزلو الجماعة دايخين عصام بس حط رجله بالگاع اتقيئ

لان اول مرة يصعد باللعبه وساندرا صنفتهم تصنيف
خطيه اتخربط وراح گعد علئ صفحه دايخ

اخذت لفات وعصاير ورحت كعدت يمه

اي استاذ عصام ماندري گلبك ارهيف فضحتنه بين العربان ههههههه

عصام،،احس گلبي صار بمكان معدتي ومعدتي صعدت بمكان گلبي وكل الغراض الباقيه اتغيرت مكاناتهن ههههههه

لارا،،ههههههه منو جابرك ع الضيم

عصام،،دنطيني لفه جعت لن اتقيئت

لارا،،گعدنه ناكل ونتفرج بعدها الكل رجع كل واحد البيته

بس رجعت ذبيت نفسي من التعب وهمزين باجر جمعه خل اشبع نوم

ماگعدت غير ويه العشه لگيت ابوي جايب سمج شوي ثواب علئ روح عمي

كل سنه ابوي يسوي ثواب لخو واهواي يحجي بي ومرات يگول هذا الخير العايشين بي بفضل عمكم ضياء
امي دائما اتغير الموضوع احس ابوي بداخله حجي وخايف يحجي وهلشي واضح من دمعته الي اتلالي من يذكر عمي ضياء

مرة گال عندة بنات ثلاثه بس مااعرف ليش مارحنه الهم وليش ماشايفين بيت عمي وبناته
احس اهواي اسأله غامضه واجوبتها مبهمه

وكل الاجوبه عند امي وابوي وحتئ رافد احس عندة علم بالموضوع بس ساكت مايحجي

مرة سالته كتله بابا ليش ماشايفين بنات عمي وليش منروح عليهم بس فاجئني اعتراض امي بصورة موطبيعيه اتنرفزت

ام رافد،،سدي الموضوع لارااا انتي ماعندج بنات عم فهمتيي
لان مرة عمج انسانه حقيررة وعينها فاررغه متحب احد ولاتريد واحد يزورها مرة رحنه وطردتنه من الباب وبعد حلفنه اني وابوج مانعتب بابهم

لارا،،بابا من سمعها زمخ بيها الدرجة خنست وماحجت بعد

جلال،،سعاااد ضبي السانج لاتخليني افتح الدفاتر القديمه كلهاا ترةة واصله حدهااا وياج
وصدگيني لو ضياء عندة ولد حتئ لو اصغر من لارااا جان انطيتها اله بدون وجع گلب

ولج انتي ادرة وحدة بيناتنه بالصااار كله
لسه شايل ذننب بحمل الجبااال اتمنئ يجي يوم وينزاح عن گلبي الحمل وارتاااح

لارا،،بوقتها تاكدت اكو شي صاير ومو شي سهل لا شي كلش جبير الدرجة ابوي يحجي ويرجف ودموعه بعينه

تركت الموضوع من يومها لان بساعتها ابوي وگع وصارت عندة ذبحة صدريه وامي طلبت انسد الموضوع نهائيا حتئ مانخسر بابا

اليوم احد كعدت من الصبح سبحت الجو بارد طلعت سنوني اطگطگ
شغلت الصوبه ومشطت وشسورت شعري جففته

لبست زي الكليه ورتبت نفسي خليت كحل حجر احبه لان يكبر العين اكثر وشويه حمرة بناتي ومسكارة
ترتيب بسيط مقارنتا بالطالبات الي يجن عبالك عرايس

سمعت هورن عرفته ابو منذر نزلت اخذت باكيت عصير ونستله لان جوعانه شيصبرني اتريگ بعد المحاضرة

اخذتهن بالجنطه اول ماصعدت فتحتهن واكلت

بعدها وصلنه للجامعه وابتدئ اليوم عادي بين المحاضرات والنادي وگعدة الگروب

انتهئ الدوام وطلعنه وگفت بالباب والخط بعدة ماجاي اتصلت ب ابو منذر گال السيارو عطلت مااگدر اجي

ساندراء،،لعد وين عمو ابو منذر?

لارا،،السيارة عاطله گال مااگدر اجيكم

ساندرا،،اهووو نسيت الكتاب ع الاستيج
حروح اجيبه بين مطلبينه تكسي

لارا،،ساندرا رجعت اتجيب كتابها واني واگفه گلت خل اتقرب شويه من الشارع حتئ اوگف تكسي

مااحس غير سيارة مضلله عاليه اجت ب اتجاهي سريعه من الخوف والهبطه گلت هذا هو صدمتني
وگعت بالگاع اني وكتبي

واديه خالتهن علئ عيوني عبالي متت

ماحسيت غير صوت رجولي خشن گال

راهب،،العفو خو مااتاذيتي

يتتتتبع