رواية راهب ابو غضب الفصل السادس 6 - بقلم Zahra_Alhussnawy

من افزعك؟
من خاض عالمك الجميل
وعاث فيه وروعك؟؟
من احزنك؟
من هز تحليق الطيور وأدمعك؟
من اطفأك؟
واعاد للدنيا الظلام ومزقك؟؟
ساكون دوماً إلى جانبك كي اسمعك

لارا،،بقيت گاعدة بالگاع ابجي وارجف رجليه مااكدر اوكف عليهن من الهبطه الاكلتها
معظم اهل السيارات وگفو ونزلو من سياراتهم اجو يمي اسمعهم يصيحون سلامات
بس جنت مدنگه وارجف وهذا طبعي اخاف بشكل موطبيعي تقريبا اخاف من كلشي الدرجة من اجوع لو اعطش بليل ماانزل ابد لان اخاف
حتئ من اطلع للسوگ لازم امي وياي وابقئ لازمه عباتها مثل الطفله راح اتگولون اتبالغين بس الله يشهد هذا طبعي حتئ من الحشرات الغير مؤذيه اخاف وانهزم منها شخصيتي جدا ضعيفه يمكن اليضربني راشدي انطي الخد الثاني

رفعت راسي من سمعت صوت ساندرا اتصيح من بعيد باوعتلها وعيوني مغوشه من الدموع كانه استنجد بيها تخلصني من الموقف والفشل

ساندرا،،لاراا يروحي خو مااتاذيتي ??

راهب،،العفو منج اختي بس اريد اخذها للمستشفئ خاف بيها شي

لارا،،ماباوعت بوجها لان الشمس بعيني وعيوني مغوشه گتله بصوت متقطع م ما مابيه شي هسه اصير زينه

ساندرا،،لارا باعيلي صدمج لو لا حتئ اذا تعورتي ناخذج للمستشفئ لتعاندين

لارا،،استندت علئ ايدها وگمت حتئ ازيل التراب الترس ملابسي ترس

صرت ابعد التراب سمعته گال

راهب،،اتفضلو وياي اخذكم ع البيت مااگدر اتركم بهذا الوضع وخاصتا اني السبب
واذا بيج شي يكون افضل نروح للمستشفئ

لارا،،رفعت راسي انتبهت الشكله صدمني هو عسكري ومااعرف شنو رتبته
بلحظه اتملكني شعور الخوف مااعرف ليش بس يمكن بسبب حدة ملامحه

گتله شكرا ماكو داعي وماصار شي بس اني انهبطت تكدر اتكمل طريقك مايحتاح توصلنه

حسيت ساندرا ندستني بعكسها

ساندرا،،اي شكرا الحضرتك بس خاف نسوي عليك زحمه

لارا،،خزرتها بس خلتني امام الامر الواقع ماگدرت افشلها گدامه برفضي

اضطريت اقبل لزمتني ساندرا لان الدوخه لازمتني
صعدنه بالكشن الورة وهو صعد يسوق
اول ماصعدت اشتميت ريحة عطرة تارسه السيارة عطر موطبيعي كلش حلو رفعت راسي اجت عيني بعينه دنگت

راهب،،ممكن العنوان بلا زحمه

لارا،،ساندرا انطته عنوان بيت اهلي لان بعدني متخورسه من الخوفه

ساندرا،،استاذ

راهب،،اسمي راهب

لارا،،شرگت بالهوئ وگمت اكح يبوو طلع حتئ اسمه يخوف مثل شخصيته اتحسه مجرم مو بالجيش واله رتبته

ساندرا،،استاذ راهب بغداد الجديده حي .......

راهب،،ماشي

لارا،،طول الطريق سكوت وصلنه قريب بيت اهلي جلئ صوته وكال

راهب،،هذا الكارت مالتي خاف الوالد يريد يقدم شكوئ لو شي ثاني

لارا،،باوعتله وهو عينه بالمرايه گتله شكرا ماكو داعي وماصار شي يستوجب الاتصال بحضرتك
يكفي اخذنه من وقتك وصلتنه لهنا

تركته ونزلت سمعت ساندرا تتشكر من عندة عفتها ودخلت للبيت اجت وراي

دخلت للاستقبال گعدت ع القنفه اعصابي ترجف متوترة علئ شنو ماجاي اعرف

اجت امي وساندرا حجتلها المقتل وامي خطيه ضلت اتلوب تريد تشوف الرجال حتئ تتعارك وياه
تالي كتلها يييوم ماله ذنب اني الغبيه صرت بطريقه
والرجال سوه جميل ويانه وصلنه لهنا وخلصنه ماصار شي

تركتها وصعدت الغرفتي نزعت قميصي وجاي البس انفتح الباب ودخلت ساندرا درت وجهي كملت لبسي وكعدت اعدل بشعري

ساندرا،،عيني شبيج ليش ماشكرتي الرجال موزين وصلنه

لارا،،ماكو داعي انتي كفيتي اوفيتي ويه هذا مرهوب مدري يرهب المهم بس اسمه يخوف

ساندرا، ،اي صدگ ذكرتيني

لارا،،طلعت الكارت من جنطتها كتلها عزاا بعينج ليش اخذتي شتسوين بي

ساندرا،،بصراحه ماگدرت ارفض وافشل الرجال
شفتي انتي اشلون هيبه وشخصيه بس ملامحه تجلط عبالك ممثل تركي لا والجسم يبووو علئ عضلاته اليشوفه يگول ملاكم

لارا،،رفعت حاجبي گتلها والله لوماخذتله صورة اهواي احسن

ساندرا،،من وراج مالحگت امداج

لارا،،عزاا صدك تحجين انتي

ساندرا،،والرب صدگ لج اني مدري ليش حضي يوگع گدامي المسلمين الصاكين

لارا،،ضحكت علئ سوالفها
گتلها ولج نبيكم داعي الكم بالجمال وفعلا انتو تخبلون احلئ من عدنه احنه كل 100جبار يطلع واحد حلو بيهم

بقينه نضحك وساندرا لازمه الكارت اخذته من ايدها قريته مكتوب

النقيب راهب ضياء الدين ياسر
انتبهت اسم الاب والجد اسم الاب نفس اسم عمو
والجد نفس اسم جدي
اجت ابالي فكرة بس بسرعه نفيتها لالا مستحيل اني الاعرفه عمو مات وماعندة ولد لان خلفته بس بنات اكيد تشابه اسماء لا اكثر اهوو هسه اني شخبصت نفسي بي وب اسمه

شمرت الكارت علئ ساندرا كتلها اشمري شنسوي بي

شو هاي فتحت المجر وخلته بالجرار

ساندرا،،يمكن يجي يوم تحتاجي قابل شايلته علئ كلبج اتركي اهنا

وفعلا تركت الكارت ونزلت اتغدينه وبعدها اجه اخوها اخذها

مر اليوم عادي لان التهيت اقرة عدنه امتحان باجر

ثاني يوم اجه ابو منذر اخذنه للكليه انتهت المحاضرة الاولئ واخذت ساندرا حتئ نتريگ بالنادي

اجت بسمه ويانه بالگروب وعصام وياها انضمو النه ع الريوك وكالعادة توگع العزيمه براس عصام

جنت منتبهئ علئ نظراته علئ بسمه اكيد معجب بيها بس طبعه مو شخص جريئ ويعترف بسرعه
عيونه فاضحاته اكل الابنيه بنظراته اخر شي اترخصت وراحت

وهو عيونه وراها اشرتله بيدي كطعت علي اللحظه
ههييي وين وصلت?

عصام،،الباب بيتهم ورجعتيني بالدفرات

لارا،،هههههه لعد متعترفلها يحضي

عصام،،خاف اطلع متوهم وماتطلع تحبني وساعتها اخسرها حتئ ك صديقه خليني ساكت احسن

لارا،،عرفته ضاج لان كاتم مشاعرة ومتردد يخطي خطوة خايف ينرفض وساعتها شعور الرفض اصعب بهواي من السكوت

عافنه وراح وساندرا راحت تجيب مرطبات
حسيت خيال صار فوگ راسي رفعت عيوني مبتسمه عبالي اجت ساندرا بس اتفاجئت

راهب،،تسمحيلي اخذ من وقتج كم دقيقه

لارا،،تفاجئت بجيته للجامعه واشلون عرف كليتي ومكاني بس بعد موقفه وياي لان وصلني للبيت ماحبيت احرجه لذالك تصرفت بكل ادب وياه
گتله اكيد اتفضل

جان لابس الزي العسكري ولابس النظارات نزعهن وحطهن كدامه ع الميز ويه موبايله وسويج السيارة

راهب،،ماصارلي فرصه اعتذر البارحه ع الصار وحسيت نفسي مقصر لذالك شفت من واجبي اجي واقدم اعتذاري مرة ثانيه

لارا،،دنكت كتله واني قبلت اعتذارك من البارحه
لان ماصار شي يستوجب الاعتذار وثانيا اني الي صرت بطريقك لذالك ماكو داعي تجي وتعتذر

راهب،،ليش احسج عصبيه ممكن تهدين

لارا،،ماانتبهت النفسي احجي بحدة لان اباوع البنات الموجودات بالنادي كلهن عينهن علينه

اجت ساندرا وهم اتفاجئت بوجودة

سلمت علي واني بس ساكته ومدنگه العب بمداليه الجنطه من التوتر مااگدر ارفع عيني بعينه تحس عيونه تخلي الشخص المقابل يهابه بدون وعي

اترخصت منهم وگمت حطيت جنطتي علئ متني وتوجهت للقاعه اكو طالب غثيث وخفيف بشكل يصچم الرايحه والجايه واهواي اتقدمت بي بلاغات ويرجع بسبب الواسطات
مرات اسمعه يشمر حجي بس اتجاهله

مريت من يمه سمعته گال

امير،،بووويه امووت ع الاخضر والجوه الاخضر ااخ لو يطيح بيدي شيخلصه مني

لارا،،احس رجليه وحدة اطگ بالثانيه ردت التفتت ارزله لان مبين يعاكس
مااحس غير انزنگ من قميصه وانمطل بالگاع والاسمه راهب گاعد علئ صدرة يضرب بي بوحشيه گمت ارجف والطلاب التمو يفكون بينهم بس شو هاذا مثل الجبل ماينزاح حتئ من شالو شال الولد وياه وطاحله ضرب خلئ حلگه يبز دم

اجت العمادة والدكاترة وهو مستمر يغلط ويهد يريد يسحلة مرة ثانيه

جرو المكتب العميد گوة وامير اخذو وياهم

اني اجت بسمه اخذت كتبي ودخلتني للحمامات ارجف من المنظر والموقف لان الكل شافني يعني اني سبب العركه بقيت اذب ماي علئ وجهي رفعت اديه اشوفهن يرجفن مثل السعفه

بسمه،،اهدي يمعودة يطبه مرض بلكت ينفصل ويكفينه شرة

ساندرا،،بس يستاهل اكل كتله تسوة عمرة

لارا،،ار اريد اطلع للبيت فدوة

ساندرا،،وين اطلعين وعدنه امتحان اگعدي واسكتي واصلا السالفه مبينه هو يوميه يسوي مشكله اكبر من راسه ويرجع

لارا،،طلعنه وبالطريق صار بوجهي امير ماخذ كتبه بيدة ويتخازر وياي مخازر

بس وجها مگلوب گلاب من الكتله المعدله الاكلها

بعدها طلع وراه النقيب راهب يمشي ب كل اتزان بخطوات واثقه سحب نظارته لبسها واتصافح ويه العميد واجه يتقدم ب اتجاهنه

راهب،،اعتذر بنات ثاني مرة هاي يصير موقف موحلو
يمكن راح اتگولن عني ابو مشاكل

لارا،،درت وجهي عنه مااعرف شحجي

ساندرا،،شكرا استاذ لو اتحب انگلك سيدي

راهب،،مابيناتنه هلرسميات انشاءالله شتحبين اتصيحلي صيحيلي

ست لارا خو ما بعدج خايفه لان شفتج ترجفين

لارا،،لا مابيه شي، ،جاوبت بسرعه تركتهم ومشيت وهو طلع من الكليه صعد سيارته وشخطها وساندرا نزلت دوسه ونص برزالتي

ساندرا،،وثول حتئ ثول شبيج مسطورة الرجال ثاني مرة ينقذج من موقف وانتي مثل البومه مبوزة بوجها حتئ ماشكرتي لان خلصنه من الحشرة امير

لارا،،انتفضت من كلامها
قصدج مرة حاول يصدمني وشي عادي يعتذر وهلمرة مامجبور يسويله عركه كدام امة محمد ويحطني بهيج موقف سخيف شوفي الحجي الراح يطلع عني منا وجاي بسبب امير الحقير

ساندرا،،لالتخافين الكل يعرفون هو شنو وانتي شنو اكيد محد يحجي عليج ولج بومه اتمنيت اني بمكانج اواحد مثل نقيب راهب ينقذني. اله اطگ اصبعتين بالجامعه

عيب اتصرفتي وياه بهلشكل المفروض تتشكرين من الرجال علئ تصرفه وياج

لارا،،رجعت للبيت مالي خلگ وموقفه ابالي من اتذكر ضربه ال امير يكزبر جلدي عبالك يضرب حيوان موبشر گدامه

بقيت الوب بفراشي حاسه نفسي غلطانه بسبب تصرفي مهما يكون هو دافع عني واتعارك بسببي

فتحت الجرار طلعت الكارت اخذت موبايلي ردت اتصل بس بسرعه اتراجعت وشمرت الموبايل وبداخلي اگول شغله راحت اولت اي شخص بمكانه يسوي نفس السواه لذالك ماكو داعي اعتذر

بقيت صافنه ع الكارت شي بداخلي يحفزني حتئ اتصل
لزمت الموبايل ودگيت الرقم وانطيت اتصال

توترت وخفت وبسرعه رفضت واني گلبي يدگ خرب حضي هو شخص عادي ومجرد اتصال حتئ اعتذر ليش كل هلتوتر والقلق

فزيت من صفنتي علئ صوت موبايلي رفعته وانصدمت هذا رقمه اي رقمه بس شبسرعه اتصل بقيت مترددة اجاوب لو مااجاوب

قرب تنتهي مدة الاتصال دست OKجاوبت اجاني صوته

راهب،،الو اتفضلي

لارا،،خررب بالحض قبل مااحجي عرف اني بنيه
گتله بصوت واضح بي التوتر
احم الو استاذ راهب اني لارا

راهب،،لارا ?

لارا،،ردت احجي گال

راهب،،اهااا لارا اتذكرتج نعم اتفضلي

لارا،،مااعرف ليش ضجت لان ماعرفني احس روحي التوتر اختفئ لان ماكو داعي الهذا الشي كتله بنبرة اشبه للحدة
نعم استاذ اني لارا الي

قبل مااكمل گال

راهب،،الي اتحرش بيها الولد اي تفضلي

لارا،،اتنرفزت من طريقة كلامه گتله اعتذر لان اخذت من وقتك بس حبيت اشكر حضرتك لان لو مااني السبب ماجان اتعاركت بالكليه علمودي

راهب،،لا وردة ماصار شي اي شخص بمكاني يسوي نفسي واكثر

لارا،،اوك استاذ اشكرك علئ وقتك وتصبح علئ خير

وقبل مايجاوب سديته

وشمرت الجهاز واني ادردم واقلد علئ كلامه

رجعت احاجي نفسي هو رجال لايعرفني ولااعرفه شدعوة سببت النفسي كل هلتوتر والقلق والخوف

سمعت صوت موبايلي فتحته شفت طلب صداقه ع الفيس
دخلت بدون ماانتبه وجان انصدم بصورته رجعت ايدي رجفت واني اباوع علئ صورته الجانت كلش قريبه عبالك ملتقطها اله مصور محترف

دخلت ع الرسائل شفته كاتب

راهب،،ماكملت كلامي حتئ اتسدي بوجي هاي وحدة وياج

لارا،،ماعرفت شنو قصدة رجع طلع جاري الكتابه

راهب،،ليش ساكته

لارا،،ايدي ترجف كتله شحجي?

راهب،،اي شي

لارا،،مثل شنو

راهب،،بكيفج

لارا،،بس ردت اعتذر

راهب، ،موگلنه خلص واعتذارج مقبول ماناويه تتخطين مرحلة الاعتذار

لارا،،كلامه مااعرف شيقصد بي گتله شتقصد??

راهب،،ولا شي المهم تصبحين علئ خير ولتسهرين اهواي

لارا،،هو منو حتئ يحجي وياي هيج وليش مكبرة راسه واعتذر منه
طلعت من المحادثه بعد اذا حجيت وياك اطلع غبييه

شمرت الموبايل ع المخدة ورجعت جريته صار عندي فضول استكشف البروفايل مالته
دخلت علئ صفحته ناشر  صورة هو وشخص ثاني واثنينهم نفس الزي العسكري ومبين من وكفتهم اصدقاء مقربين
اهواي صور اله بالزي  بس صورتين بالزي الخليجي وحدة لابس دشداشه بيضه واشماغ وعبايه سودة علئ متونه والسبحه بيدة واگف يم سيارته والثانيه لابس دشداشه خليجي ولاف الاشماغ لفه خليجية

بقيت مركزة بملامحه بشرته الحنطيه وحواجبه الي عبالك سيوف لون عيونه البنيات او بالاصح عسلي
شواربه كثيفات خشمه عبالك منحوت

هزيت راسي انفي الافكار عليش مركزة بي هلگد

اجتني رساله ع الماسنجر

راهب،،ليش لسه متصل ?

لارا،،بسرعه طفيت الشبكه وطلعت من الفيس مثل الشاردة
رجعت ضحكت علئ،عقلي اني شبيه ?
وسمعت كلامه خررب عقلي
وهو منو واخاف منه لو اسمع احجايته وهو ماصار يومين من شفته

راهب،،عرفتها راح تتصل حتئ تعتذر لذالك جنت انتظرها اجاني رقم غريب جنت حاس ومتاكد هي
ثواني وانگطع الخط قبل مااجاوب

ههه شكلج مترددة بس ياالله المهم توگعين بيدي

حجيت وياها واتعمدت استفزها عجبني العب بااعصابها

سدته بوجهي اتمنيت يمي يمكن اخلي دمها بطولها من حرگة گلبي
دخلت ع الكاشف شفت رقمها رابطه بي فيس دخلت علئ صفحتها كاتبه اسمها مدللة ابوها

ضحكت ب استهزاء

قرريباا اطلع هذا دلالج من خشمج
ست لارا جلال العار