أحنه المالگينه انسان
كلش مستعز بينه 💔
لارا،،ارتعد گلبي من نبرة تهديدة ومبين فعلا يسويها رغم هلشي ماتراجعت عن قراري وكملت طريقي
وصلنه لهلي ساعه 10الصبح تقريبا انطيت الكروة للرجال واتشكرت منه راح واني التفتت علئ باب بيتنه
غوشت عيوني بالدموع دگيت الباب ب ايد ترجف بس بقوة
دقايق وسمعت صوت محمد كانه بر الامان اجاني صوته يصيح منووو اجينه
من فتح الباب وشافني اتسعت عيونه مصدوم بدون ولاكلمه شمرت روحي بحضن اخوي حضني قوي يريد يفهم مني السالفه مااگدر احجي بس اناشغ بحضنه
بعدني من صدرة ودخلنه جوة وهو ضامني بحضنه
اتلكتني امي من شافتني انصدمت وضربت علئ صدرها
سعاد،،يممممه بنتي عزااا العزاني
لارا،،علئ صوتها طلع ابوي بس بقايه ابوي انسان متهالك تعبان ضعفان ولاجنهن اسبوعين من عفتهم مبين كبران عشر اسنين قبل لايوصلني دمعته سبقته كعد ودموعه تجري كلهم حاضنيني ونبجي بصوت عالي
محمد،،هوو سوة هيج مووو?
لارا،،هزيت راسي بمعنئ اي
طفر محمد من مكانه يتوعد يموته اليوم
بس ابوي لزمه يمنعه
جلال،،اكعد يابه خل نفتهم منها
لارا،،بعد ماارتاحيت حجيتلهم كلشي صار امي بس تتوعد وتتحسب وتغلط عليهم وابوي ساكت اما محمد اتحسه گاعد علئ اعصابه من شرايينه البارزة وقبضة ايدة
للوحدة الظهر واني متمددة ع القنفه بالصاله مابيه حيل انهض بعدها من تعب الطريق نمت عيني غفت بدون مااحس لان الليل كله بقيت سهرانه
گعدت علئ صوت امي تتصل بمحمد مايعرفون وين راح والي فهمتة من امي طلع من ساعه وحدة الظهر وهسه المغرب وهو ماكو بعده ماجاي
مااعرف ليش گلبي انقبض خفت يكون سوة الراهب شي وساعتها ماراح يرحمنه كلنه
للساعه 12بليل ياالله رجع بس مايحجي اتقرب مني جر راسي باسه
محمد،،ماعاش الي يأذيج واني عايش عندي اوسدة التراب ولايلمس شعرة من اختي
لارا،،مافهمت شنو يقصد بس كلامه خوفني
صعدت الغرفتي دخلتها باقيه علئ حطيتها
اخذت ملابس ودخلت للحمام سبحت
جهازي غلقته بعد مااتصل بيه من شردت خفت يرجع يتصل
لذالك بقيته مغلق كملت سبح ورجعت للغرفه بس اكو حسرة مختنگه عبالك هم بكبر الجبال نايم علئ صدري
ردت انام ماگدرت لان شبعانه نوم بس من عرفت راهب الهذا اليوم انتبهت الروحي ولامرة غمضت عيني بليل دوم ابقه سهرانه للفجر
ماادري شوكت غفيت يمكن ويه صوت العصافير ياالله نمت
فتحت عيوني راهب واگف فوگ راسي يبتسم ب استهزاء نمل جسمي وثگل الساني اريد احجي مااگدر
مد ايدة علئ شعري سحلني بقوة من شوغت گلبي لزمت ايد
فززيت مرعوبه اتلفت بالغرفه مااگدر اكوم اباوع بكل ركن متاكدة جان اهنا مستحيل يكون حلم هسه شفته بعدها حرارة ايدة بيدي
بقيت گاعدة خايفه ولاجنه حلم عبالك حقيقه وراهب جان موجود يمي
بعد مدة هدئت وارتاحيت من اقتنعت هذا مجرد كابوس انتبهت ع الساعه صايرة ب10 الصبح
جوعانه ماماكله شي وعندي علاج مال عيني وايدي لازم اخذة
نزلت اهلي بعدهم نايمين دخلت للمطبخ حطيت القوري ع النار وطلعت بيد وحدة كاسه مال قشطه
احس توني اتنفست الحريه وجودة يسببلي قلق نفسي وتوتر
من البارحه لسه اسأل نفسي من گعد من النوم ومالگاني شسوة ?
اتمنيت اشوف ردة فعله وتصرفاته حتئ اتشمت بي
واگله ترة ماخايفه كسرت كلمتك وانهزمت منك
بعدين ارجع اكول لوماخايفه ماجان مجرد شفت رقمه بطني مغصتني من الخوف
بعدها گعدو اهلي بس الغريب محمد متوتر عينه
عينه ع الباب شكيت صاير شي
للعصر ابوي كال اخذج الدكتور يجيك وضعج حتئ نطمن علئ وضع عينج گتله مااروح لان الدكتور الرحتله مبين شاطر حتئ عيني اليوم وضعها كلش زين والدم منجمع متقلص الحجم مال النزف بداخلها
بليل كملنه عشه وصعدت الغرفتي اتمدد وهم وقت علاجي
الفضول يقرة عندي الف اريد اعرف شصار وراي بس بمنو اتصل ?
اخر شي اجت علئ بالي سارة ماعندي غيرها اكيد قاسم حاجيلها لان راهب مايضم عنه شي
اتصلت بيها اتاخرت يالله جاوبتني اكيد من شافت الرقم غريب ماعرفتني
من سمعت صوتي اتفاجئت
سارة،،وللللج هااااي الاميرررة الشاردة
لارا،صدگ ضحكت گتلها اني الاميرة الشاردة ?
سارة،،عزااا بعينج اي والله شاردة وزلمتج راح ينجلط. من وراج
لارا،،جريت نفس گتلها يعني وصلج الخبر ?
سارة،،اي والله لان رجلج حالته فد مرة ضغطه البارحه الصبح مفول فد مرة حتئ خشمه كل شويه وطگ دم
تالي للظهر ياالله جابه قاسم من المستشفئ
لارة،،مادري ليش گلبي انقبض رغم كل الاذيه الأذى السببه الي كتلها وهسه اشلون صار
سارة،،اسمع الفايخه شتگول هو الياكل طلقه تايها اشلونه وضعه?
لارا،،فتحت عيوني مصدومه طلللقه طلقه شنوو سارة احجي راهب اشبي?
سارة،،والله ماردت احجيلج بس اني متاكدة هسه هو محتاجج لان البارحه بليل قاسم اخذه گاله نروح اخذك نگعد علئ شط الكوفه تغير جو
من رجعو قاسم دخل للبيت وراهب ابابهم واحد نزل من سيارته بيدة اسلاح رمه علئ راهب وانهزم حتئ مايعرفون منو هو
لارا،،صرت مثل المخبله ابجي بصوت عالي كللله من ورااي احجيلي سارة ابوس ايدج رااهب رااهب خو مابي شي?
سارة،،لتخافين يروحي والله مابي شي والرصاصه اجت شخط بايدة صح خيطوها. بس الحمدالله موجرح جبير اله خبزة عند الله بعدة
لارا،،علئ صوتي اجت امي مخترعه گتلها سارة لتجذبين عليه بداعة امج خو مابي شي
زين هو حاط كامرات بالباب وداير مداير البيت اكيد شاف الرمه علي وعرفه
سارة،،وهي اهنا الحلقه المفقودة لان قاسم من اجو جماعتة. من المركز طلعو كشف رادو التسجيل بس رجلج حاذفه مدري وين مودي لان الساعه الصار بيها اطلاق النار ماموجودة ضمن تسجيلات الكامرة
لارة،،بقيت ادك والطم بدون مااحجي وياها احس فقدت
سديته بوجه سارة واتصلت براهب بس اريد اسمع صوته حتئ گلبي يرتاح نسيت كل ذاك الضرب والشك والاهانه صرت افكر بحالة وبس
اتصلت يدگ مايجاوب يمكن عشرين مكالمه وماجاوبني حالتي تعبت وامي يمي من گتلها فتحت زيجها تندعيله بالموت
ماحجيت وياها شرد اگول ?
سعاد،،كاافي ذبحتي روحج ويطبه مرض عسنه بالموت انشاءالله موافلوسه رجعتله عليش لازگ بيج
هو وامه الحقيرة شوف شمسوين بحالتج رحتيلهم مثل الوردة تالي اليشوفج هسه يكول ساحكها لوري
يمممه ياامل اكرهج وامووت منج انتي وبزرتج
لارا،،اني گوة گاعدة علئ اعصابي وانوب امي نزلت دوسه ونص بالدعاوي
انفجرت بيها
كااافي يممه كاافي برروح بيبي كافي
تررة صارلي اسبوعين يم امل التحجين عليها والله ماذكرتج ولاحتئ جابت طاااريج بكلمه وحدة موزينه ترة انتي الحاااقد عليها موووهي
ااانتي الدمرتي بيتهااا موهي
ااانتي الاخذتي حلالها موووهي
كاافي ياامي كافي حقد عليهااا ترة شفت بيهاا الحنيه الماشفتها عندددج
كعدت بالكاع حطيت راسي بين رجليه وصرت ابجي
سعاد،،متاكدة مسويلج غسسسيل دمااغ كللشي يطلع من ابنهاا العار هو الضحك علئ عممه واخذ افلوسه شتترجين منه?
لارا،،بعدها الها عين ومحملة راهب ذنب اغلاطهم بالماضي
رفعت راسي گتلها مااخذ غير حقه منكم ترة راهب رجع افلوس ابو لااكثر ولااقل
بس حقدة عما الدرجة راد يحرگ گلبج وكلب ابوي بيه اني
يعني اني الدفعت ثمن غلطتج وغلطت ابويه
سعاد،،والله لاحسينه المخج متاكدة كلشي يطلع من امل بنت الفگر
لارا، ،عافتني وطلعت تندعي علئ عمتي وعلئ راهب
واني احس كاعدة علئ نار اريد بس اسمع صوته واطمن علئ صحته
جريت الموبايل واتصلت هم ماجاوبني
اتمددت جريت الغطه حضنته وكمت ابجي رفعته غطيت وجهي اكتم صوت شهكاتي
سمعت نغمة الموبايل تعلن عن وصول رساله ع الماسنجر
طفرت من مكاني عيوني مغوشه مسحتهن اريد اباوع الرساله شنو
قريت اسم راهب فرحت بس بمجرد ماشفت الفيديو كلشي بيه رجف وارتعد
هذا راهب واكف بالباب يريد يدخل
وگفت سيارة بصفه شبهت عليها لان اعرفها بس ماصدكت الحد ماشفت الشخص الجان حامل اسلاح ونزل رمه علئ راهب
همست وشفايفي ترعش
م محمد ?
راهب،،شفتي منو الرمه ?
باجر،،الصبح اجيج اخذج اذا مارجعتي وياي
معناتها مدلل امج ينحكم اعدااام
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!