انا نسيتك
جملة اكررها على مسامعي في اليوم مليون مره. لا وبل اقنع نفسي بها لحد اللاحد
اقولها للجميع.. أكتبها في كل مكان.. استمتع اليها في الأشعار والأغاني.. اقولها دائما لصورتك الوحيدة التي لازلت محتفظة بها.. وأنام كل ليلة وأنا اتذكرك قائلة
انا نسيتك.. التقي بأصدقائنا القدامى.. ودون حتى أن يتحدثوا عنك.. أجدني اخبرهم عن أسطوانة فراقنا
للمرة العاشرة بعد أن اختلط علي العد فأعدت الحساب من جديد.. اخبرهم أيضاً عن نسياني وأنا فخورة بالإنجاز الوحيد الكاذب في حياتي.. وأعود مرة أخرى لمضجعي وأنا اتذكرك قائلة.. انا نسيتك
أنا نسيتك جملة منمقة لم اشعر بسخافة كلامي ألا
بعد لقائنا المتصادف.. فجئتك حاملة في كفي كافة مشاعري.. نظرت اليك وبأضطراب عميق اخبرتك لقد
نسيت كيف النسيان.. انا نسيتني ولازلت أذكرك
فتبآ لهذا القلب وتبا لشوك اعطيتة لهذا القلب وظل رغم ذلك يشكرك
لارا، جحضت عيوني مامصدكه اخوي يسوي هيج ادري يكره راهب ومن شافني بهذا وضعي اتحلف بي يخلي يدفع ثمن ضربه الي
بس مااتوقعته هيج يسوي مافكر بمستقبله وهو استاذ مدرس وتعبان علئ نفسه مافكر شيصير بي اذا انسجن اشلون يدمر مستقبله
اخذت الموبايل ونزلت ارجف احس طول عمري ماراح اكدر اخلص من عذاب راهب راح يبقئ ملاحقني دائما اذا كان يهددني بس ب ابوي
هسه صار يهددني بااخوي يعني يدمر عائلتي يدمرها
وگفت بالصاله وامي وابوي كاعدين تنطي علاج
اتنفس سريع مختنكه انفتح الباب دخل محمد
ردت احجي بس خفت ابوي يموت اذا سمع بالصار هو صحته صارت علئ كدة مايتحمل
اشرت ل محمد بعيوني دخلنه للاستقبال ماابيه احجي اكتفيت بس اشوفه الفيديو
من شافه وجها انخطف لونه گعد ع القنفه تعبان مايگدر ينهض
كعدت يمه گتله مافكرت باابوي?
مافكرت بمستقبلك??
رفع راسه باوعلي وعيونه مغوشات
محمد،،ردت اخذ ححقج منه
لارا،،انته ضيعت هذا الحق بسوايتك هاي
جنت اني صاحبت الحق اكدر ارفع دعوة وعندي كل الادله وابسط شي جسمي اگدر من تشوفني المدعيه راح تعرف متعرضه للتعنيف واحصل الطلاگ بكل سهوله بس انته بعملتك هاي رجعتني اله بدون مقابل
محمد،،ماااكو روحه انسي ارجعج اله
لارا،،جريت ايدة بستها ردت احجي دخلت امي
وبعد ملحتها تريد تعرف شنو السالفه محمد انفجر بيها وگالها تررردين تعرررفين شكوو
اممس رحت ونيتي اموووته بس مامااات
شوفها الفيديو گوة سكتناها رادت تصيح يبو وتلم الوادم
احنه شردنه عنهم حتئ لايسمعنه ابوي وهي تريد تخبصنه وتفضح السالفه
سعاد،،،ليش هيج يممه وللك ليش هيج?
هاي عود انته العاقل المثقف هييج تسوي?
لارا،،بقت امي اتمعش براسها ادگ وتلطم واتصيح جنت بوحدة صرت بثنين قصدها جانت محتارة بس بسالفة ابوي هسه انضاف للقائمه محمد
اخر شي گتلهم ماعندي حل غير ارجع وياه
محمد ماقبل بس امي قنعته حزت بخاطري وانقهرت هاي ثاني مرة يقدموني قربان ل اخطائهم بحيث اول ماگلت ارجع ماعندي غير هذا الحل
هي ايدتني وكالت ااي يمه ارجعي احسن مايسجنون اخوج ويدمر مستقبله
العبرة منجمعه بروحي عفتهم وطلعت رحت گعدت يم ابوي جر راسي نيمني يمه حضنته وبجيت
مايگدر يحجي كلش كلامة جدا قليل
عرفت من امي صايرة بي جلطه خفيفه وعدت يعني مايتحمل جلطه ثانيه
بقه يمسد علئ راسي واني اشهگ بحضنه اتمنيت روحي بعدني طفله لاهم ولاغم لااحسب احساب هذا ولاذاك اعيش كل يوم بيومه اخر همي العابي
يمكن كبرت للمصايب جانن ينتظرني حتئ اكبر ويوگعن علئ راسي مثل الصواعق
گتله بابا الصبح يجي راهب ارجع وياه اني سامحته لان هو گلبه طيب بس اي واحد مكانه يشوف مرته بهيج وضع راح يشك وتصرفه ناجم عن حبه وغيرته
وسمعت البارحه متعرض الحادث واجبي ك زوجه اوگف وياه واساندة بمحنته
باس راسي انتبهت دمعته نزلت ع المخدة جريت ايدة بستها ادري مامصدگني
گتله لتخاف عليه لومااحبه مستحيل ارجعله
جنت بس اريدة يبرد گلبه
بقيت اسولف وياه لحد ماغفئ عفته وصعدت فوگ
اريد انام مااگدر انام خايفه من باجر شراح يسوي بيه?
ضحكت علئ روحي وبداخلي اكول تيتي تيتي مثل مارحتي اجيتي
بالله هسه شستفاديت من جيتي غير ورطت اخوي بمصيبه لومااجايه جان ماصار الصار بس اااخ مني
خلصت الليل البارحة افكر اشلون ارفع دعوة على راهب افكر اشلون انفصل عنه واحرگ گلبه تالي راح ارجع برجلية اله
انوب بقيت الووم بروحي ماگدرت انام واحس النوم جافناني من يوم العرفتك يراهب مانمت ولاعرفت الراحه بنومتي
ثاني يوم الساعه 10الصبح سمعنه صوت الهورن مال سيارته اتصل بيه گال اطلعي اني بالباب
لبست عباتي واخذت نفس غراضي الجبتهن وياي وطلعت امي جلبت بمحمد كالتله اذا لحگتها هسه املخ روحي وساعتها ابوك يموت بحرگته وانته السبب اباوع لخوي مثل الطير المذبوح كلشي مابيدة يسوي لابيدة يبقئ كاعد يتفرج علئ اخته ولابيدة يطلع وبسببه يموت ابوي
تالي ضرب الجام بيدة لمن انشكت
رحت علئ ابوي بوسته وطمنته واطمنت علئ صحته وطلعت التفتت علئ امي واني اوصيها اتضمد ايد محمد انجرحت
طلعت والعبرة خانگتني فتحت الباب صار بوجهي گاعد بالسيارة
دنگت وتوجهت اله فتحت الباب مال كشن الورة وصعدت بمجرد ما اتاكد مني صعدت شخطها
انتبهتله لاف معصم ايدة بشاش ابيض حاطها بحضنه والايد الثانيه يسوق بيها
راهب،،تنهزمين مني مو?
لارا،،ماحجيت بقيت ساكته بس نفسي السريع من الخوف فضحني
راهب،،بسيطه
لارا،،عبالي يرجعني للنجف اتفاجئت اخذني للبيت مالته اشكد اكره هذا المكان صرت من اشوفه اذكر الصار واكره روحي
نزل قبلي فتح الباب واني وراه بس رجليه وحدة اطگ بالثانيه
دخلت سمعت صوت السويج شمرة ع الميز اقترب مني بسرعه من خوفي اتراجعت لورة وعيونه متشخصه علي
ماحسيت غير بالم علئ خدي ضربني راجدي
بقيت ساكته رفعت ايدي مسحت دمعتي ولزمت خدي
عدلت وكفتي ردت اعبر دفعني وضربني مرة ثانيه
ماعاد للصبر احدود دفعته من صدرة بكل قوتي
كاافي كااافي حرام علييك وااالله ماعاد بيه حييل للضرب وللك جسمي كله يوجعني وگلبي ينززف ورووحي تنزف صررت مييته بسببك
موااخذت حقك اترككني
راهب،،مافكرررتي بالراح يصيررللج من انهزمتتي?
لارا،،لاااا مافكرت لان جاان فكرري اخلص منك وبس
واللله علئ گد حبببي الك كرررهتك
راهب،،واااني حبيتج
لارا،،بقيت صافنه بوجها
راهب،،لاتباوعين هيج اااي حبيتج واااحبج ارتااحيتي هسه من عررفتي?
لارا،،ابتسمت ودموعي تجري هزيت راسي كتله راهب يحب مستحيل ?
نزلت دمعه من عينه
راهب،،ليش مستحيل
لارا،،اتقربت منه وخانكتني العبرة رفعت اصبعي خليته علئ صدرة گتله لان اهنا ماكو گلب يعرف يحب اهنا اكو صخرة جمااد مايعرف شنو معنئ الحب
صرت احجي من بين شهكاتي گتله هذا مابي مشاعر ولايحس هم سمعت بيوم جماد عندة احساس?
راهب،،هيج اتشوفيني?
لارا،،مسحت وجهي گتله انته الخليتني هيج اشوفك
گعد بالكاع رفع ايدة يفرك بوجها
نزلها علئ عيونه ضغطهم باصابيعه كانه يسكن الالم
گعدت گدامه بس موقريبه ماينسمع غير صوت سحبة انفاسنه وعبرتنه
راهب،،حبيتج من اول يوم شفتج بس جنت اجذب روحي واقسه علئ گلبي حتئ اكدر اطلعج من بالي
حبيتج وبنفس الوقت كارهج لان ابوج جلال
جنت دائما اخلي هلسبب كدامي حتئ اقسئ عليج ماردت احبج حاولت بس ماگدرت
من اذكر ضحكاتج وياي بالخطوبه اكره روحي واشتاقلج واشتاق الضحكتج
اشتاق المعة عيونج ولهفتج الشوفتي
بعد الصار ماجنت اشوف بعيونج نفس اللهفه ولا لمعة حب صرت اقسئ اريد ارجعج مااعرف اشلون
حبيتج بس جنت اكابر اكره حبي لان ابوج نفسه الدمر عائلتي
احبج صح بس من اذكر بيوم يصير جد اولادي ابوج اكرهج
احس روحي بدوامه عقلي يرفضج وگلبي رايدج
من شفت الرقم شكي سيطر علئ تفكيري وصرت اتصرف بدون وعي
لارا،،نهض من مكانه كعد گدامي جر ايدي حطها علئ گلبه
راهب،،اسمعيهن ?والله بس يمج احس بي ينبض
لارا،،حجاها ونزلت دمعه من عينه
المشكله ماصرت افرزن بين الحقيقه والتمثيل
جان وياي احسن من هسه بفترة خطوبتنه وبالاخير طلع مجرد تمثيل حتئ يكسبني
گتله بصوت بي بحة وگوة اجمع الكلمات
ا اتفكر اصدگك?
ابتسمت بطرف شفتي گتله بعد مايكدر يضحك عليه التمساح بدموعه صدكت مرة وحدة اكون اكبر غبيه اذا رجعت صدكتك
غمض عيونه بتعب مسح دموعه وجر نفس گعد بصفي ورجه راسه لورةع الحايط
راهب،،انتي القاسيه مواني
گتلج فرصه وحدة
لارا،،بعد اذيتك مالك اي فرصه
تركته وگمت دخلت للغرفه النمت بيها اول مرة شفت زوليه جريتها فرشتها سديت الباب وگعدت بس روحي مشتعله اتمنيت يعوفني صعب اكمل طريقي وياه
المغرب طلع وقفل الباب من برة ضحكت عباله انهزم مرة ثانيه
ورة شويه رجع جايب عشه فتح الباب حط الاكل گدامي طلع وسدة وراه
جريت العلاگه صدگ جوعانه لان بدون غدة شفته جايب دجاجه شوي ومقبلات وببسي وبطل ماي بارد
سويتلي لفه اكلتها لان وراي علاج مايصير بدون اكل اذا اخذته معدتي فارغه تاذيني واذا مااخذته تهيج ايدي والوجع ماينحمل
صرت اسوي لفات اصغار واكل شبعت ولميت الاكل سديت العلاكه اخذتها وطلعت رحت للمطبخ لگيته كاعد بس المطبخ عبارة عن دخان انتبهت شفت گدامه بطل بي شويه
انخمش گلبي رفع وجها عيونه دم وگف اترنح مثل المومسيطر رجع گعد لزم راسه بيدة ويضغط حييل
انهبط گلبي من صاح راااسي
بقيت جامدة لااگدر اتقرب منه ولااگدر اعوفه دنگ وسند راسه بيدة
جر نفس ونهض انصدمت من شفت قطرات دم علئ فالينته
انتبهت خشمه ينزف فز كلبي وبدون وعي رحتله لزمت ايدة جريته للمغسله ماحجه شي دنگ راسه غسله وعدل وكفته يباوعلي بقهر جنت اتحاشه نظراته
راح گدامي للصاله اتمدد نام وكتف ادي نومته المعتادة
ماادري اشلون يشرب بدون اكل وهو عندة ضغط اكيد ضغطه ارتفع
نضفت الميز وشمرت البطل بالسطل مال الزبل
كملت ورحت يمه ردت اعبرة سمعته يون
التفتت شفته داير وجها الجهة القنفه ويون بحجي مامفهوم اتقربت منه حطيت ايدي علئ راسه غادي نار
بقيت حايرة شسوي وشتصرف لاعندي علاج انطي ولااعرف شسوي بهيج حاله كل الاعرفه اليهبط ضغطه يحطون جوة رجله مخاد بس هو ضغطه مرتفع شسويله حتئ يهبط?
اخذت موبايله ردت اتصل بس بي رمز ندسته مرة مرتين ماكو مايجاوب مكرفص ويصيح بردان غطيني
رحت جبتله غطه غطيته بيد وحدة مااگدر افتحها
اتلمسته حرارته ارتفعت اكثر
عدل نومته علئ ظهرة وبعدة مكتف ادي فتح عيونه باوعلي وهو گوة مفتح وعيونه غاديه دم
همس من بين شفايفه بكلمه خلتني ارتعش
راهب،،احبج
لارا،،دنكت وعيوني غوشن صرت مااصدگ بكلامه خايفه اصدكة وبالاخير يطلع جذب
رحت جبت دوشگ مديته بالكاع وحجيت واني اعدل بالفراش گتله انزل نام جوة
عدل كعدته بدون ماينهض نزل بالفراش وسحب الغطه اتغطه لفلف روحه
بقيت گاعدة علئ صفحة اباوعله صار يختض لزمته النفاضه
سمعت صوت موبايله يتصل شفت المتصل قاسم بالبدايه اترددت اجاوبه بس بعدها اتصل مرة ثانيه فتحت خط اجاني صوته يرعد
قاسم،،ووولك عاار وين وليت. وجرحك بعدة اخضررر
اررجع عوفها يومين وروح جيبهاااا
لارا،،صاحبه نفسه هم انهد فرد هدة واني ساكته جليت صوتي كتله اخويه اني لارا
قاسم،،ا العفو خويه اعذريني بس راهب يمج?
لارا،باوعتله بعدة وضعه تعبان ويهذي
گتله اي يمي ويمكن ضغطه مرتفع
قاسم،،خو مانزف خشمه?
لارا،،نزف قبل شويه
قاسم،،خرررب بغيررته گتله ضغطك يصعد لاتروح
هسه انتو وين?
لارا،،بغداد?
قاسم،،يعني بالشقه هسه جايكم
لارا،،لالا خويه موبالشقه بالبيت الاشتراه من بابا
قاسم،،هذا هو خيتي لاتخافين بس اعصريله ليمونه بكلاص ماي حتئ يستقر الضغط واكو عندة حب ضغط بجيبه انطي حبايه
خو ماشارب?
لارا،،هو شرب واتخربط
قاسم،،زمال ولايتوب
هذا هو بعد اخوج لاتنطي علاج خاف موزين
اني هسه طالع جايكم البغداد
لارا،،سديته منه گلبي ماينطيني اتركه
رحت جبت ماي وكعدت يمه غسلت ايدي ومشيتها علئ وجها فز لزم ايدي بعدها عنه
راهب،،عوفيني بردت
لارا،،گتله بصوت ناصي حتئ تفكك الصخونه خليني اغسلك
ماحجه شي رجع كتف ادي ودار وجها الجهتي نايم علئ ظهرة
اخذت الطاسه ورحت يم رجلي رفعت الغطه عنهن غاديات نار اخذت خاولي رحت اريد اغسله ضليت محتارة اني هم ايدي ملفوفه تالي فرشته ع المغسله ورشيت علي ماي اخذته ورحت خليته علئ رجلي
رجعت اخذت خاولي ثاني صغير غسلته وخليته علئ وجها
اخلي الخاولي علئ وجها من ارفعه ناشف وصاير حار
ماادري شگد حرارته مرتفعه
شويه وجالت روحه يريد يتقيه گعد انتجه بيدة علئ صفحه نهض بسرعه للحمام اسمعه يتقيه
رحت وكفت بالباب دقايق وهو علئ وضعه اتخربط فد مرة
كتله اسبح حجيبلك ملابس سديت الباب وصعدت للطابق الثاني اختنگت والهضمه ترست روحي
اتذكررت اهنا لزمني واهنا سلبني كللشي بدون رحمه
بلعت الغصه واتوجهت للكنتور ماكو اهواي ملابس
لگيتله ملابس داخليه اخذتهم ونزلت دكيت الباب
سمعت صوته
راهب،،فوتي
لارا،،فتحت عيوني حتئ وهو مريض عقلة يفكر شاخط بقيت بمكاني فتح الباب درت وجهي سحبهن من ايدي تركته ورحت كعدت بالصاله شويه وطلع يجر بروحه جر خطواته مامستقرة
لازم الخاولي ينشف بشعرة ويمسح بوجها
توجه للفراش اتمدد واتغطه
سحبت الغطه منه گتله وخرة شويه خل يبقئ جسمك بارد حتئ تفكك الصخونه
راهب،،مااگدر بردان
لارا،،رجع اتغطه مااعرف شسويله شكله مثل الطفل اليتعزز علئ امه من يتمرض
للساعه 12 سمعت الجرس عرفته هذا قاسم
ردت اگوم استوقفني صوته
راهب،،وين تردين ارجعي اني افتح
لارا،،گوة نهض يمشي بثگل راح فتح الباب واني وراه اخذت العبايه من المعلاكه لبستها دخل هو وراه يمشي قاسم
قاسم،،ولك ازمال اكو واحد يسوي سوايتك هبطتني نص الليل
راهب،،شجابك?
قاسم،،الحظ الاغبر جابني صوجي مصادقلي مطي مايعرف يتصرف
لارا،،واگفه علئ صفحه وهمه واحد يرزل بالثاني انتبهلي قاسم
قاسم،،اشلونج خويه اعذريني ماانتبهت
لارا،،ابتسمت ورحت جبت ماي انطيته وراهب گال سويلنه عشه
حميت الدجاجه وخليتها بالماعون حضرت وياها مقبلاتها حطيتها بصينيه اتلكاني راهب بيدة جكارته حطها بحلگه واخذ الصينيه من ايدي
اباوعله وجها احمر حتئ عيونه حمر من الصخونه
عافني وراح
بقيت بالمطبخ واسمعهم يتناگرون
قاسم،،موگتلك لتروح خليها كم يوم شوف وضعك اشلون تعبان وايدك بعده جرحها جديد اشلون اجيت ليش راسك يابس مثل التيس تعاند
راهب،،كافي انلصم
قاسم،،والله بيه رفسه ارفسها الك اله اگلب خلقتك مطيح حضي وراك النهار كله
تعال اهنا نسيت سالفة التصوير طبعا ادري عندك الفيديو المحذوف ماتريدني اعرف منو ورة السالفه
راهب،،قاسم اتزوهر واسكت وارتاح مااعرف منو ضربني وماعندي التصوير
لارا،،جريت نفس براحه اول مرة ماينطي بيه كدام احد
بقو يحجون للوحدة ونص يالله راح قاسم للشقه مالته والصبح نرجع كلنه للنجف
اتمددت ع الزوليه بالغرفه وهو نايم بالصاله كدامي فارشتله بالگاع وجها الجهتي يباوعلي بتعب يغمض ويفتح علئ كيف
ورة اشويه انتبهتله يمكن نام باوعت للساعه 2وربع
گمت حتئ اشوف حرارته بعدها لونزلت
ثنيت روحي وخليت ايدي علئ گصته
فتح عيونه اتوترت ردت ابتعد لزم ايدي
راهب،،ابقي يمي

تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!