رواية راهب ابو غضب الفصل الحادي وستون 61 - بقلم Zahra_Alhussnawy

محتاجك تجيني اتگلي حالك زين
مااريدك تجي وتحجيلي ع الفرگه
انه بلياك چثه بلا جسد ضليت
بلياك النفس صدكني مااشهكه
محتاجك تجيني العمر ماينعاد
العمر خلصته كله امتاني للملكه
من گد مابجيت اعليك احس العيون
من تبجي عليك دموعي مختنگه
وصلت الحاله احجي من يمر طاريك
احاجي الليل الاسود والسمه الزرگه
شجرة انه بغيابك صبري هم محدود
صفيت اوگع بدونك وركه بااثر ورگه
لو اسمك يمر غصه انه احس بالروح
وعلئ طاري طيوفك تشتعل حرگه
لو مر بيه شامت ضل يضحك ومرتاح
الشامت لو يمر لامايسد حلگه
جنت احلم تدگ بابي واتلكاك
فزيت وسمعت الباب بي صفكه
ثاريني بعلم والحلم راح بعيد
مثل زاير يزور وماحضه بعلگه
نذر ناذر لشبكك شبگة ام مفقود
من تشبگ ابنها وهي ممصدگه 💔

راهب ابو غضب ج2

////بقلم زهراء الحسناوي ////

،،،،،،،،
السلام عليكم بنات
قبل منبدي بالبارت اترحمو الشهداء لبنان والعراق
الله يرحمهم برحمته الواسعه 😥

،،،،،،،،،،،،،
لارا،،صدمني من دزلي الصور
كعدت صرت اضرب علئ وجهي بدون مايسمعن
عزاااا بعيني فشلت روحي

بقيت الوب منين يجيني النوم وهو شمر عليه قنبله وراح نام

ماادري شوكت غفيت يمكن وجه الصبح
حسيت بفاطمه تگعدني فتحت تك عين نعسانه لان ماگدرت انام بسبب راهب

نهضت عدلت فراشي ونزلت لكيتهم كلهم كاعدين بالصاله
من فشلتي اتمنيت البس بوشيه ولايشوف وجهي
صبحت عليهم وعبرت للحمام غسلت ورجعت كعدت
اتمنئ ابقئ مدنكه مالي عين ارفع راسي

الحجيه،،يمه رويهب ورة الريوگ اريدك تاخذنه للسيد اني وبنت عمك

راهب،،اعذريني حجيه عندي شغله لازم اروح
انتي تندلين السيد خل ابو جاسم ياخذكم

محمد،،هذا هو اني اوديكم دام تندلين

لارا،،رفعت راسي اجت عيني بعينه كتم ضحكته مثل الجاي يتشمت اتمنيت ادير علي القوري الحار اريدة يحترگ مثل ماحرگ روحي بسبب تصرفاته المستفزة

رافد هم گال اجي وياكم انتو روحو للسيد واني ومرتي نروح نزور الامام زيد ابن علي عليه السلام
وفعلا اخذنه محمد

وصلنه البيت السادة ورافد راح يزور احنه دخلنه للبيت گعدنه بين ميجي السيد

شويه ودخل علينه رجال جبير وجها نوراني
باوعلي گال احجي بويه
بديت احجيله كلشي بخصوص السحر والاحلام

انطاني حرز وبخور واهواي شغلات للسبح من ضمنهن قطران الاسود المايعرف شنو قطران معناتها دهن السيارات المحترگ بس مقري علي ايات
مااعرف اهواي انطاني بطاله ماي للسبح وللرش

اخذناهن وطلعنه عمتي طول الطريق توصيني انتبه للعلاج وماانساه

رجعنه للبيت الظهر لگينه فاطمه مجهزة الغدة ماخلونه نطلع لمن اتغدينه
بس راهب ولاباوعلي ابد اتعجبت علئ نفسي صرت ادور النظرة منه بعد ماجنت اتفنن بصدي اله

كملنه الغدة وشربنه جاي ب الاربعه العصر رجعنه البغداد

يومين واني افكر ليش صار اسلوبه ومعاملته جافه
معقوله كرهني وشاف وحدة غيري?
مجرد الفكرة تحمس روحي حمس

علاجي بديت اخذة والله العظيم حسيت براحه موطبيعيه قبل كنت احس شايله هموم الدنيه علئ متوني گوة امشي
بس من استخدمت علاج السيد ارتاحت نفسيتي
بس كان اصعب شي هو السبح ب الدهن الاسود مقزز بس سبحت بي لان اريد اتخلص من السحر

ثالث يوم اتصلت عمتي انطتنه الموافقه مامصدگين ابد انو يجي يوم وتنصلح الامور بين العائلتين
احسه مثل الحلم المستحيل يتحقق بس قدرة الله حققته وصار واقع

امي اتفقت ويه عمتي بعد اسبوع لو عشر ايام نروح نعقد سيد

علاجي انتهئ وصرت احس بلهفه موطبيعيه الراهب صرت اتمنئ من كل گلبي نرجع البعض

صرت اشتاقله اتمنئ اشوفه
بليل افتر بالغرفه والموبايل بيدي
اروح وارجع اريد احجي وياه ومترددة

اخر شي اتصلت شويه واجاني صوته يحجي بثگل

راهب،،نعم

لارا،،ا اشلونك ر راهب

راهب،،تمام بخير بس ولازغرا بحضرتج منو وياي?

لارا،،احس سجينه نامت بگلبي خنگتني العبرة
گتله بصوت يرجف
م ماعرفتني?

راهب،،لو اعرفج ماگتلج منو انتي

لارا،،خلص اعتذر باي
حجيتهن بسرعه بسرعه
وسديته مختنكه ودموعي تجري معقوله حتئ صوتي بعد ميعرفه?

ردت انام ماگدرت روحي تفور من القهر ودموعي ماسكتت ابد

بعد عشر ايام حضرنه نفسنه ورحنه اني ومحمد اشترينه حلقه وعبايه وكم شغله وياهن من لوازم گطع المهر محمد طاير من الفرح

اني اشتريت فستان طويل مستور بس ردانتاته كيبور من جوة ماروني والصدر والردانات اسود
شي مرتب وحلو

ثاني يوم موعد العقد طلعنه الساعه ب 10من بغداد وصلنه ب1الظهر هم لگيناهم مجهزين الغدة وفطومه حافه ومرتبه طالعه اتخبل من شافتنه انهزمت استغربت لان احلام وزهرة ماجايات
گلت بعدين اسأل فاطمه عليهن

دخلنه گعدنه بالصاله كلنه والحجيه فرحانه وتسال امي اذا تعبت من الطريق
دقايق ونزل راهب من الدرج عطرة وصل قبله
لابس دشداشه بيضه طالع صدك هيبه
شخصيته تخطف الانفاس عيوني وحدهن مركزات بتفاصيله
اريد التفت مااگدر ارفع نظري عنه
والثاني مرة يسلم عليهم ويتعداني

عيوني غرغرت بالدموع وهو ولايمه يسولف ويضحك ويه اخواني
جابو الغدة حتئ مااتغديت انسدت نفسي اريد اگوم اذبحه بسبب برودة

للعصر اجن كم وحدة من جارات الحجيه ومن ضمنهن ام قاسم وسارة

سارة،،واگول اليوم منورة المنطقه تالي ست لارا يمنه

لارا،،هههه فدوة الكلبج بس موالهلدرجه

سارة،،يگول قاسم كلمة التنگال ههههههع

لارا،،ههههههه ها يعني اتجامليني?

سارة،،هههههه لاوالله فرحت بجيتج

لارا،،ضلينه نسولف ونضحك بعدها صعدنه نجهز فطومه لكيناها لابسه فستان زيتوني علئ جسمها بس من جوة منفوش طالعه اتخبل

ابد ماشفتها قبل هيج لابسه متغيرة جذريا ماقبلت تروح للصالون گالت اني احط مكياج خفيف احلئ
بس خايفه وترجف

اني هم بدلت ورتبت شعري تركته مفتوح بس رفعت اطرافه
مالبست حجاب لان ماكو احد غريب
دخلت عمتي گالت ياالله انزلن اجه السيد
اباوع فاطمه صارت صفرة من الخوف واخذها الرجيف

هدئناها اني وسارة ونزلنه جوة النسوان كلها گاعدة
بعدها سمعنه صوت راهب گال السيد راح يعقد
فطومه كعدت يم الباب وبدة يقرة وهي تردد وراه

اتعالت اصوات. الهلاهل وانطش الجكليت
راح السيد والعالم وبقينه بس احنه فاطمه خلت حجاب علئ راسها بعدها تستحي مدنكه
دخل راهب واخواني وراه

اتقرب الفاطمه باس راسها وباركلها
صدفه اجت عيني بعينه

دار وجها للحجيه

راهب،،حجيه ادعي ل ابنج يعرس بلكت يلگه التريح باله

الحجيه،،يوم المنه اوليدي افرح بيك

راهب،،يمه اريدها كتكوته صغيرة اربيها علئ ايدي

لارا،،يحجي واني احرگ بروحي عرفت نساني واكو اباله شي ثاني
الدمعه وگفت بطرف عيني
وهو يسولف ويضحك مو مهتم

مالگيت روحي غير حاجيت امي كتلها منبات اليوم نرجع البغداد

سعاد،،ياا ليش يمه خلينه متونسين

لارا،،من حجيت باوعلي ورجع التفت لعمتي
يگلها اريدها حلوة كون

عضيت شفتي من القهر ردت افشخه
دگيت رجلي اله نرجع البغداد
رافد من شافني ضايجه گال هذا هو نرجع

وفعلا شگد اتوسلت عمتي حتئ نضل بس اني رفضت وكلشي طلع من عيني
بحال كشخت حتئ يشوفني

اخذت الطريق كله اكل بروحي
حلفت بعد مااتصل بي ولالي شغل براهب نهائيا

اتفقت امي ويه عمتي العرس بعد شهرين يعني بدايه سنه2020
مرت الايام محمد قرر الاسبوع اليجي يروح للنجف حتئ يعقد محكمه

قبل روحته للنجف بليل كال لارا روحي وياي فشله اروح وحدي
گتله مااروح وفعلا كنت مقررة مااروح ولااريد اشوفه
امي صادفت مالها خلگ وماراحت
من شفت محمد لح ياخذني وياه قبلت

حضرت ملابسي من الليل لان هم ياالله نطلع من وكت حتئ نوصل قبل ماينتهي دوام المحكمه

وفعلا گعدني من غبشه يمكن من فرحته حتئ مانايم
لبست بنطرون اسود وتيشيرت نيلي طويل
رهمت شال وياه وحذا افلات

لبست فوكهم العبايه واخذت جنطتي بيدي وطلعت محمد ينتظرني

وصلنه للنجف الساعه ب10ونص الصبح
وصلنه البيت عمي نزل محمد واني وراه مدنكه
دك الباب شويه وطلع راهب احس معدتي انمغصت
اتمنئ اعرف ليش اخاف وانهبط من اشوفه

سلم علئ محمد وهو يگله هله بالنسيب
واني ولاكأن يشوفني ولاحتئ سلم عليه

حاط ايدة علئ ظهر محمد ويحجي وياه
دخلو گدامي واني وراهم اتمنيت ماجايه

اتلكتنه عمتي اكلتني بالسلام السانها ايخبل عكس ابنها العكرة
نزلت فطومه لابسه وجاهزة مخلصتها صامت لان تخجل من محمد
لگيناهم مجهزين الريوگ الحجيه ماقبلت نروح اذا مانتريگ

فطومه حضرت الصينيه وراهب صعد الغرفته
گعدنه اني ومحمد نتريگ
شويه ونزل لابس الزي العسكري
يربي اشبيه افقد من اشوفه اصير مااعرف شنو اتصرف وغير عيوني الي يعاندني ويباوعن الهيبته وكشخته

لكفني اباوعله رفع حاجبه مامهتم گعد كدامنه ع القنفه
يحجي بموضوع المحكمه وهاي الامور
شويه وگال هم ياالله لان متواعد ويه جماعة اهناك بلكت يكملون الاجرائات كلها اليوم
وفعلا رحنه اني واخوي بسيارتنه وهو وفاطمه بسيارتهم

دخلنه للمحكمه كلها تاخذله تحيه سيدي وسيدي
اباوع كم بنيه اكلنه اكل بعيونهن
احس دخان طلع من راسي الغيرة صعدت فول وهو ولايمه الموضوع
اكو محاميه اتلكتنه كلش حلوة ومرتبه
وكفت تسولف وياه وتضحك بصورة عاديه بس اني گلبي اتشعوط من الغيرة

باوعلي خزرته ودرت وجهي اسمع بس صوت ضحكاته وياها مدري عليمن فاطس من الضحك

اخر شي اني كعدت علئ صفحه وهو دخل ويه محمد وفاطمه يكملون الاوراق
شويه وطلع وحدة باوعلي مد ايدة الجيبه طلع باكيته سحب جگارة اورثها
اخذ منها نفس ونفث دخانها لفوگ

اتخيلت نفسي احترگ مثل الجگارة گدامه وهو الحارگني
ردت يباوعلي حتئ لوبنطرة وحدة مثل قبل بس الضاهر راهب اتغير ونساني

للساعه 12طلعنه من المحكمه وبعد نص الاجرائات ماكامله گالو باجر نكملهن
كلش ضجت معناتها راح انبات يمهم
كرهت روحي لان مايباوعلي ولا يحاول يتودد مثل قبل

رجعنه للبيت عمتي مجهزة الغدة فطومه بدلت ونزلت تحضر ويه عمتي اني هم گمت وياهن اساعدهن

فرشنه السفرة وكلنه گعدنه نتغدة
كل شويه استرق النظر اله عله بس المحه يباوعلي
بس يمكن حتئ مايشوفني موجودة گدامه

كملنه الغدة واصلا مااكلت شي مجرد انقش

الحجيه،،اكلي يمه جنج عصفور مااكلتي شي

لارا،،ردت احجي سبقني بكلامه

راهب،،اتركيها حجيه الياكل بضرسه ينفع نفسه

لارا،،محمد راح يغسل من حجه ماكان موجود صدگ انهضمت ردت ابجي صار يتفنن اشلون يفشلني

گمت غسلت بس روحي طافرة اتمنيت ارجع البغداد

العصر عمتي اقترحت علينه نزور الامام علي عليه السلام
گالت لمحمد اخذ اختك وخطيبتك وروحو زورو
اني رفضت لان عيب اروح وياهم خليهم ياخذون راحتهم

گتلها عمه مااروح اني فاطمه رادت اروح وياها خزرها محمد
ضحكت علي لان اخوي مبين وكح من هسه يتخازر

فاطمه راحت سبحت وبدلت حتئ يرحون
شويه ونزل اخوها الغضب لابس وكاشخ عطره يهف گدامه

فاطمه اجت يمي لابسه عبايتها تريد تروح
وگف قريب علينه گالها

راهب،،فطومه ادعيلي وياج بلكت تخلص شغلتي اليوم

لارا، ،حجاها وراح اخذ سويجه وطلع
الفضول كتلني گتلها ليش شكو شعندة اخوج من شغله?

فاطمه،،مو اتعرف عله بنيه وناوي يتقدملها هسه حيروح يفاتح ابوها بالموضوع واذا وافق حتئ ياخذلهم مشيه يطلبها من ابوها وعمامها

لارا،،هي تحجي واني مثل خنجر مسموم نام بنص گلبي
عيوني بسرعه غوشن بس ماسمحت لدموعي تنزل وتفشلني كدامهم

همه راحو واني اترخصت من عمتي گتلها صاعدة انام لان نعسانه وتعبانه من الطريق

بمجرد مادخلت للغرفه اطلقت العنان لدموعي
وبراسي يتردد كلام فاطمه
معقوله انتهينه وراح يتزوج وحدة ثانيه??

يتتبع ،،قرائه ممتعه