رواية راهب ابو غضب الفصل الأربعون 40 - بقلم Zahra_Alhussnawy

راهب ابو غضب

///بقلم زهراء الحسناوي ////

،،،،،،،،،،،،،،،،،،
اششش وانتهئ الموضوع
ماراح اموت اخلافك
ياناكر المعروف
شوفني عرض اجتافك
كل عقلك امشي وياك?
هو انته ضلك عافك
كلشي انتهئ ومن هلوكت
ماعاش كلمن شافك 💔
،،،،،،،،،

مااحلل التقرة بدون تصويت 😂😂
كاتبه وكذا 😂😂

،،،،،،،،،،،،،،
لارا،،طلعنه من يم السيد متوجهين للسيارة طلع ورانه گوة يمشي
ماادري ليش التفتت علي خشمه طگ دم رفع راسه فتح باب السيارة ودخل جر كلنس وارتجه لورة حتئ يتوقف النزف

لاول مرة ماانقهر علئ حالته اذكرت كلشي صار بلحظتها اتملكني شعور الحقد كل الصار بي من ايدة
عاقبني بذنب غيري ماقدمتله غير كل المودة والحب وبالتالي شحصلت ?

كانت لحظات صعبه اعجز عن وصفها
واعجز عن كمية الالم الي مريت بيها

مايوم حطيت راسي ع المخدة اذا مااذكرت مواقفه المخزيه وياي موقف موقف

اغتصابه
وحشيته
همجيته
ضربه وشكه بيوم الاتهمني وكلعادة حملني ذنب بنت اخته
اذكر من ربطني بالدرج ويگلهم اريدكم اتفلون عليها

اهواي مواقف وتفاصيل تحز بخاطري من اذكرها
كل موقف بيهن كفيل يخلي گلبي مثل الحجر

صح ادعي القوة بس داخلي هش كلش ماعدت اتحمل اي شي
اتمنيت انهزم المكان بعيييد مابي بس اني اريد اتخلص من كلشي داير مدايري

فزيت من صفنتي علئ حضنه محمد جرني باسني

محمد،،لارتي ام عيون الحلوات لتضوجين انشاءالله الله يعوضج الاحسن منه

رافد،،يالله اليوم عازمكم علئ طلعه اتخبل دام ماكو احد ويانه انريد هلطلعه بس للاخوة

لارا،،اخوتي يحاولون يفروحني رافد يگرص خدي ومحمد يشاقه وياي
حمدت الله وشكرته عندي هيج اخوة صح فقرة ومايدورون مشاكل  مالهم دخل بكلشي بس مهما يكون يبقون سندي بالدنيه

مهند اجه ورة الفاتحه هو ومرته واطفاله الاربعه التؤام ماضل يومين وبيوم الثالث اتخربطن البنات فد مرة
مااتعلمن علئ جونه ولاعلئ الماي امهن اتگول جو المانيه ثلج والعراق يومين انشوينه شوي

تالي امي كالتله اخذ اطفالك وارجع لاتسوء حالتهم
وفعلا ثالث يوم اخذهم وسافر صار سفرة عادي عدنه لان استقر بعيد عن عيونه

مومثل اول ماسافر امي ضلت شهر تبجي وراه وباليوم الف مرة تتصل بي

اخذنه رافد للامام ابو الجوادين عليه السلام
طول الطريق مكابرة ودايسه علئ جروحي شكله مايروح من بالي من طلع من يم السيد وخشمه طگ دم

اخوتي راحو من جهة تفتيش الرجال
واني للنساء دخلت ابلع بريگي اليندسني اطگها بجيه بوجها
المفتشه تباوع بوجهي كملت ودخلت اتلگاني محمد

محمد،،فوتي زوري ومن اطلعين راح تلگينه اهنا انصلي

لارا،،دخلو للامام واني دخلت من المكان المخصص للدخول
اباوع الشباج صايرة علي قتال ناس فوگ ناس

اتمنيت اوصل للشباك اشمر روحي وابجي

رفعت عيني نزلن دموعي شفايفي ترجف من عبرتي
بلعت الغصه وگتله سيدي ومولاي مهضومه واجيتك اذا الي خاطر عدكم اهل بيت النبوة بس اريد اوصل يمك

بالله العظيم ماشفت غير اكو طريق بين النسوان صار خفيف كلش بحيث. اگدر ازور براحتي
فتت وجسمي كله يرعش لزمتني البردة ثلجت اطرافي

لزمت الشباك وحنيت راسي علي اشهگ بالبجي
صرت انحب بصوت عالي متناسيه النسوان اليمي
مدخله اصابعي بالشباك وابجي گلبي يوجعني

اكو كم مرة ربتن علئ،متوني يشفقن ويستخطن حالتي
ماابتعدت غير لمن شفت روحي صرت احسن وبداخلي شي برد

طلعت للمغاسل غسلت وجهي عيوني ورمن من البجي
رجعت صليت وطلعت لگيت محمد ورافد منتظريني مكملين صلاتهم وگاعدين

اخذنه بعدها علئ مطعم شگد حاولو اكل بس نفسي منسدة مااكلت
محمد،،لارا حضري نفسج باجر الصبح اخذج حتئ يطلگج بالمحكمه

لارا،،هزيت راسي مابيه احجي
بس بداخلي النار موجرة شلحگت اتزوج حتئ اطلگ?
اتمنيت ماشفتك ياراهب ولاالله حطك بطريقي
اتمنيت بذيج الساعه موافقه علئ استاذ عمار ولاماخذتك

،،،،،،،،،،،،،،،،،،

راهب،،من يوم المات ايهم واني مالي روح حتئ امشي
مرات احسه عقاب من الله علئ السويته بلارا لان ضلمتها وياي بسبب حقدي علئ ابوها

من اخذتها لهلها بعدني مامحرك سيارتي طلعت مرة تركض تريد اتفزع العالم شافتني اجت بااتجاهي تركض گالت خاله الحگ بنت المرحوم وگعت لاتحرك ايد ولارجل واخوتها اخذو ابوهم للمغيسل ماكو احد تعال اخذها للمستشفئ

دخلت مفزوع مااشوف گدامي لگيت النسوان متكومه فوگ راسها اتغسل بوجها فاتحه عيونها بس ماتحجي
زمخت بيهن ابتعدن عنها شلتها وطلعت اركض للمستشفئ بالف ياعلي يالله وصلنه
طول الطريق اگله يارب اخذ عمري وخليها

مابيه حيل افگد عزيز مرة ثانيه اسوق وكل ثانيه التفت عليها اريد اخليها تحجي مسلهمه عيونها علئ كيف فاصله ماتسمعني

وصلت للمستشفئ فتحت الباب اخذتها ودخلت اركض للطوارئ التمت عليها الاطباء
وبعد الكشف والتحاليل جانت النتيجة صادمه الي

ذبحة ?
اني السبب كللله مني

بقيت الوم بروحي لان وصلتها الهيج حاله
دخلوها الغرفة العنايه طبيب يروح وطبيب يجي واني روحي اتلوب عليها احسها امي وراح افقدها

صرت مثل المخبل افتر طلعت للسيارة مختنگ حركت ومشيت عيوني تجري عليها
سبحانك يارب عيوني يبجن للانسانه الي حلفت بيوم ابجي عيونها الي حلفت اكسرها وااذيها
تالي كسرت گلبي وروحي بطيحتها

مستعد ابوس راسها حتئ اتسامحني بس خل ترجعلي وكلشي مااريد

جريت نفس طالع من روحي اااخ الله ليش اني من زغري مشلوع گلب
هو المشلوع گلبه يرتاح ?
لاوالله مايرتاح

رجعت للمستشفئ المغرب لگيت واحد من اخوتها موجود وصلت يمه خنزر بوجهي اجه بسرعه انطاني لطمه علئ وجهي اختل توازني
بس ماضربته دفعته

رافد، ،اطللع لااخليك فرجه للعالم

راهب،،اشوفها واطلع

رافد،،شخليت بيها انته حتئ تشوفهااا
اررربع اشهر حارمها من الجيه النه مااات ابوي وهو يلهج باسمها

راهب،،يحجي ويدفع بيه عيني علئ باب الغرفه الموجودة بيها
اجه الدكتور طلب منه نسكت لايطردنه شفت الوضع متازم رجعت گعدت برة
اتمنيت انام بحضنها  اشم عطرها
ردت بس مرة بحياتي انام مرتاح

بيوم الاخذتها للفندق يمكن اول مرة افرح بحياتي من كل گلبي
بس اني شخص انكتب علي الحزن والتعب والاذيه طول عمرة

بقيت مناطرها اباب المستشفئ اربع ايام لاليلي ليل ولانهاري نهار حتئ دوام ماداومت اخوتها ياهو اليشوفني يتعارك وياي توصل للعرك والضرب واني بعدني بمكاني مااريد اعوفها

اذا اناملي ساعه ارجع للشقه اوقت الموبايل ساعه ساعتين اسبح وارجع النفس مكاني
بيوم الرابع وبسبب كلام اخوتها وعركهم عرفت خلص كلشي وبعد الصار مستحيل ترجعلي

خامس يوم عرفت طلعت لان رحت وسالت گالو حالتها استقرت لان جانت كل ماتصحئ تدخل باانهيار عصبي اتنام ع المهدئات

يوميه اتصل الموبايل مايوگع من ايدي علئ امل بس اسمع صوتها حتئ ارتاح
بس الضاهر گلبها قسئ ماتريد تريحني واطفي ناري

ايام مرت تعبت بيها كلش بدونها اتخلت عني ب اكثر فترة جنت محتاجها بيها اتمنيت اخذها وانهزم اطلع خارج العراق بس اذكر امي واختي محد الهن
وصلت المرحله افكر اخطفها واجيبها يمي

شهور واني مستقتل علئ شوفتها لاحنت ولاانقهرت علئ حالتي
ردت بس. انسئ ماجاي اگدر رجعت للشرب اشرب لحد ماافقد وهم ماانساها اضل اهذي بااسمها

صرت اروح البابها مثل فقير يستجدي عطفها
بس بالمقابل اتلقئ الرفض والضرب من اخوتها جنت اكدر اضربهم بس كل اليسوو بيه استاهله لذالك اسكت مااحجي الخاطرها

مثل كل يوم بليل الزم الجهاز واضل اتصل بيها
ادز رسائل يطلع مرئي ادري تريد تعاقبني وتعذبني بهلطريقه وفعلا نجحت بيها

اتصلت جاوبت اختنگت وبجيت اتمنيت تنقهر علئ حالي والله اروح اجيبها لوبحلگ الاسد بس كلامها مثل سجينه نامت بگلبي

اتفقت وياها ثاني يوم نطلگ
ماتدري بهذا القرار طلگت الدنيا ومابيها

جنت اباوع بعيونها التمس اتحن وتسامح بس جانت جامدة بكلشي نظراتها وگفتها عيونها الجنت اشوف بيهن كل البرائه
هسه اشوفهن مليانات حقد

طلگتها وطلعت احس راح اوگع ارتفع ضغطي ونزف خشمي اخوها قبل مااطلع نتر گال باجر انطلگ بالمحكمه ال ....

،،،،،،،،

لارا،،ثاني يوم الصبح لبست وجهزت نفسي اسحل بروحي سحل
اتصل رافد گال اذا كملتي اطلعي اني بالباب

اخذنه ورحنه للمحكمه گعدنه بين مايدخلونه
رافد راح للحمام گال دقايق وارجع
جنت مدنگه رفعت راسي شفته دخل من الباب لابس عسكري لابسه نظارته نزعها وباوعلي

گلبي رجع يدگ بقوة رغم الحقد البداخلي

وگف گدامي جر نفس قوي رفعت راسي صارت عيني بعينه كانه اتحدا بالجاي يصير

راهب،،ماالله هداج ?

لارا،،مامصدگه اتخلص منك

شفته غمض والتفت الجهة باب القاضي رجع باوعلي واتحسر

راهب،،هيج كارهتني?

لارا،،اكثر ماتتصور مااصدگ ارجع حرة

راهب،،استفزني كلامها گتلها مادام فرحانه بالطلاك الج كلمتين مني خليهن ترجية باذنج

خاف عبالج اطلگنه كلشي انتهئ?
لاوداعت عيونج من اليوم ابتدئ كلشي

لارا،،عافني ودخل ارتعد گلبي بسبب كلامه فوگ كلشي سواه بعدة يهدد

كملنه اجرائات الطلاگ انتهئ كلشي هلمرة

طلعنه للبيت گلبي ياذيني صعدت گبل الغرفتي شمرت الجنطه نمت واتغطيت صرت اشهگ بالبجي
عاضه اصبعي حييل مااريد يطلع صوت شهگاتي

مو هذا الردته ليش مامرتاحه ليييش?
من هذا اليوم بدت تجتاحني المشاعر المتناقضه
ساعه احطله الف عذر بالسواه بيه وبااهلي
وساعه اكرها واحقد علي لان ضلمني بحقدة

بقيت لليل بفراشي كل ماتجي امي تريد انزل اگلها عوفيني

صدري ياذيني مختنگه جريت الموبايل دخلت علئ حسابه
بقيت اباوع علئ صورته دموعي تنزل
كل مااحاول اقنع روحي اكرها الكه گلبي هايم بي
اتمنيت اموت واخلص

قربت الصورة علئ وجها صرت امرر اصابيعي عله خدة
عيونه عبالك يباوعلي عبالك جاي يشوفني
صرت احجي وياه بدون وعي امسح بدموعي واحجي

ليش سويت هيج بيه ?
حبيتك والله حبيتك تالي دمرت الگلب الحبك
دمرتني انته
بشنو اذيتك جاوبني ?
لاتباوع وتسكت جاوووب

مايوم جرحتك بكلمه
مايوم اذيتك بشي
لعد ليش نهيتني باانتقام مالي غرض بيييي
بشنو جرحتك جاوبني ?
سلمتك گلبي ومشاعري وانته شسلمتني ?
گلي لاتسكتتت شسلمتني ?غير وجع الگلب والاذيه والدموع والقهر شسلمتني?

احجي بحرگة گلب اتمنئ اگابله ونتعاتب اني وياه
اتمنئ كدامي واگف ويسمع مني
دگ الموبايل رقمه
ارتبكت ماردت اجاوب بس شي بداخلي يحثني افتح خط
جاوبت اجاني صوته مخنوگ بعبرته

راهب،،ش شوكت ارتاح فهميني
ليش مشلوع گلبي من دون الشباب ?

لارا،،اسمع ودموعي تجري سادة حلگي بيدي قوي مااريدة يسمع صوت المناشغ
بلعت ريگي جريت نفس گتله كل الصار من ايدك
اقتنع اني وياك انتهينه

راهب،،محتاجج حيل

لارا،،انتهينه

راهب،،مقتنعه انتهينه?

لارا،،انته شتشوف?

راهب،،تذكرين شكتلج بيوم من الايام?
گتلج مايفرقنه غير الموت

لارا،،عوفني اعيش حياتي كافي لحد اهنا اهواي خسرت اشياء بسببك واولهم مستحيل اثق بشخص طعني الف طعنه مرة ثانيه

راهب،،ليش تتعمدين تقهريني فوگ القهر التارسني ترس

لارا،،هذا لاشي من قهري وناري البصدري
خليتني اكرهك واكره كل جنس ادم
ومن اليوم اني وياك انتهينه واقتنع بالشي الصار واتعايش ويه وضعك

لان انته ورقه سودة بحياتي وارح احرگك
واحرگ كلشي يخصك

سديته منه وغلقت الجهاز اتمنئ اشلع گلبي واحط حجارة بمكانه خايفه بعد كل الصار اضعف مرة ثانيه

مرت الايام وجانت اطول ايام عشتها بحياتي
احس الوقت مايمشي بطيئ اليوم كوة يخلص
عشت بيهن متقوقعه علئ نفسي
لااطلع لاامشي يادوب اكل لگمه ومرات اتغذة ع النستله

اگلب بالموبايل اباوع مقاطع ع اليوتيوب
بنات تخبل عايشات حياتهن ومستغلات
كل لحظة بعمررهن واني راح يصير سنه من عرفت راهب لسه دافنه روحي بالضلمه
حتئ صرت من اطلع للشمس عيوني تحرگني
من گد ماخاتله بدون مااطلع
امي تصعدلي تنصح لمن تتعب

عوفي
مايفيدج
انسي
عيشي حياتج
راح اكو الف واحد بمكانه يتمنون اضفرج
وغير كلشي دمرنه وابوج مات بسببه
عاش اخر ايامه يحلم يشوفج لو يسمع صوتج

افلوس ابو ورجعتله اخذ الورانه والگدامنه
ومااكتفئ اله دمرج عليش باقيه تحبي وذابحه روحج اطلگتي منه يروح چلب اسود يجي چلب ابيض

گعدت علئ حيلي كتلها كل الصار بينه انتو سببه
لو ماقادكم جشعكم لفلوس عمي جان ماوصلنه هلمواصيل
ترة اني مسامحته بكلشي سواه لان حقه من گد الضيم الشافه بحياته گلبه وروحه اتشبعن بالحقد والكره والقسوة
اني تركته لان ماعدت اثق بي
تركته لان تعبت ياامي تعبت حسو بيه

تركتها ودرت وجهي ابجي علئ حضي
عافتني وطلعت شتريد تحجي وشدافع عن نفسها
وهي الي زنت براس ابوي حتئ ينصب علئ عمي
رافد مرة حجالي كلشي لان جان جبير بوقت المات عمي عمرة 10سنوات يفتهم

حتئ ابوي عاش عمرة كله عايش ويه الذنب دوم اشوفه يبجي
وكل مرة يحاول يريد يروح البيت عمي بس خايف من المواجهه ويه عمتي وبناتها
بليل متمددة بفراشي سمعت صوت الموبابل رفعته شفت المتصل سارة عبالي مثل كل مرة تتصل اتحشس حتئ اتضحكني
بس انصدمت من گالت

سارة،،انتي انسانه بلاگلب
عبالج بس انتي تعبتي وتعذبتي?
عبالج بس انتي ضحيه ?
بالعكس اني اشوف راهب الضحيه الاكبر بينكم انتو الاثنين
من يوم طلاگم وقاسم ساكن وياه بالمستشفئ
لارا اصحي علئ نفسج قبل ماتخسري وساعتها مايفيد الندم
راهب مريض كلش ومحتاجج

لارا،،جريت نفس كتلها لتخافين فترة ويتجاوز كلشي

سارة،،منين جبتي هاي القسوة ?
مع الاسف عليج لان ماتستاهلين واحد يحبج مثل راهب
ولج يحجيلي قاسم عن حبه الج اگول هنيالها يحبها هلگد
رغم حبه طلگج مايريد يخسرج بسبب مرضج والذبحه الصابتج
لوتدرين بحالته جان نسيتي كلشي وسامحتي
ترة بنادم مامعصوم عن الغلط وراهب غلط وعرف غلطه وين وحب يصححه
انطي فرصه اخيرة

لارا،، گتلها بس اسالج سؤال
نفرض انتي بمكاني
تقدمين حبج وتسلمين گلبج ومشاعرج الشخص
تمشين وراه مثل العميه
يسمعج اجمل كلام الحب والغزل
يحسسج انتي بگلبه وبس
تالي يطلع كل هذااا جذب بجذب وتمثيل
ووولج يبجي يبجي ويگلي بعدين جنت امثل
اتخيلي شيصير بيه ?
اااثق بي لولا?
اني اجاوبج
رجعت ثقيت بي مرة ثاني ورجع طعني وهلمرة الطعنه جانت اقوة

بالبداية يهينج ويعذبج ويضربج بدون رحمه
يربطج للدرج مثل الحيوانه
وغير كلشي يهددج باهلج بالصاعدة والنازله وحارمج 7شهور تشوفيهم
كلللل هذا الذكرته وانطيته فرصه جديدة ودست علئ كرامتي الخاطرة
وهم مثل ماگلتي گلت بنادم مامعصوم عن الغلط
ورجعت سلمته گلبي وثقتي من جديد

تاللللي سوة المصيبه الاكبر منها
شيصير بحالج
من يدخل وهو متزوج عليج وانتي بعدج عروس
تتحملين لوماتتحملين?
جاوبيني تتحملللين?

تعبت سارة والله تعبت احس راهب كسرني كسرة
مستحيل اگوم منها مرة ثانيه

سارة،،الله بعظمته ويسامح
انطي فرصه اخيرة وابدو حياة جديدة مابيها مشاكل
والحاجز الجان بينكم راح وانتهئ والله انتقم منها
شر انتقام علئ موت ابنج
ليش تصيرين انانيه ماتفكرين اله بنفسج

لارا،،يعني هسه اني صرت انانيه ?
سارة اني هذا حدي ويه التعب لان زواج مابي ثقه مستحيل يستمر
ولتنسين من بداية زواجنه اساس العلاقه هشه انبنت ع الانتقام بنظرج يستمر هلزواج?

سارة، ،خلص براحتج مااضغط عليج
بس اتمنيت اترجعون البعضكم ترة راهب مخلي حياته جحيم لوتشوفي تبجين علئ حاله

لارا،،الله يصلح حاله بدوني

سارة،،نهيت الاتصال ويه لارا ومبينه قافله هم حقها بس مااگدر انطي براهب لان هو هم اتعذب

التفتت فزيت قاسم ثاري جاي بدون ماانتبه واگف وراي يتصنت

قاسم،بشري شگالت ??

سارة،،خرررب شجاك زين ماسكت گلبي

اتقرب مني حاوط خصري بثنين ادي

قاسم،،دحجي شگالت?

سارة،،انته. بس وخر واني احجيلك تدري بيه طايح حضي بس تشبگني مااهدك بعد ههههه

قاسم،،والله مرتي صايرة منحرفه واني رجال فقير
ترة اذا ماعفتيني اروح اگل ل امي عليج

سارة،،صرت اقترب علي وهو خربان ضحك يرجع لورة وصلت يمه سكت مااعرف شيصير بيه من يكون قريب مني اتمنئ ابقئ بحضنه

اقتربت منه بسته وردت ابعد بس هو بلحظه حكم قبضته علئ خصري

قاسم،،وين تردين ?
ترة انتي الجبتيها النفسج تتحرشين بيه

سارة،،لاحبيبي جاي اتعزز عليك جاي افكر اخذ حقي الشرعي منك

قاسم،،طايحة الحظ ولج خليتي بيها حقوق?
سمطتي عم عمي

سارة،،ههههههه والله صوج امك منو گالها اتخلف شكر لمه مثلك

اتقربت منه وعيوني بيها نظرة شيطانيه العب بحواجبي
طفر من يمي خربان ضحك صاح بصوت عالي

قاسم،،يماااااااا الحگي ابنج ولج يمااا