هسه أنسيت?
چا والماتگدر بدوني 💔
راهب ابو غضب ج 2
//////بقلم زهراء الحسناوي /////////
صباحو حبايب گلبي واحلئ بارت لعيونكم
ترة بس اول بارتين اشلاع گلب البارتات الجايه الحماس فووول
لتنسن النجمه النشر حسب التفاعل يعني اذا شفت تصويت عالي ميهمني لو انشر 3بارتات باليوم 😅😍
انتن ومدة ايدجن 😂😂
شنو هلجداوة من الصبح 😂😂😂
يالله يابعد معاليجي جقن النجمه 😜
،،،،،،،،،،،،،،،،،
لارا،،بعد محادثتي الاخيرة ويه سارة قررت مستحيل اتاثر بكلامها خلص راهب طلع من حياتي نهائيا
دموعي علئ خدي مقهورة علئ حالتي راهب صعدني للسما بحبه وفجأة نزلني بقوة السابع ارض
من قوة الضربه احس كل جزء بيه بمكان
ليش ياراهب ?
صرت اعاتب طيفه بداخلي
مايوم اذيتك ليش هيج حرگتني بنار انتقامك ?
خذلتني
وخدعتني وسحگت مشاعري بحذائك
خليتني بعد كل ذاك الحب صرت اكرهك
واتمنئ ااذيك واحرگ گلبك بنفس النار الجاي تسعر بگلبي هسه
بليل متمددة بفراشي واذكر حجي سارة
گمت وگفت گدام المرايه
اباوع الوجهي صاير مثل الشبح ضعيف كلش عظام خدودي بارزة عيوني جواهن سواد موطبيعي من كثر السهر والقلق والتفكير
ملامحي كلها تعبانه كانه كبرانه عشر اسنين
صرت احجي ويه روحي
منو يسوة حتئ اسوي الخاطرة هيج بروحي ?
شخص لعب بحوالج لعب دمرج
سنه صار من عرفتي شوفي شگد خسرتي?
ولشوكت راح تخسرين اكثر ?
صح هسه مريض بس فترة ويرجع الحياته الطبيعيه
وينساج وتبقين انتي
عايشه بهذا الظلام وحدج
منا لمن تصحين علئ حالج يكون انفنه شبابج تحت انقاض مخلفات ضلم راهب
كافي اصحي علئ نفسج وعيشي حياتج
البسي
اطلعي
اتونسي
لاتضلين خاتله اهنا طول عمرج
الصار اعتبري درس قاسي الج
درس اتعلمتي منه ماتثقين ب اي شخص كائن من يكون لان الانسان السلمتي ثقتج طلع مايستاهلها خلاج مستحيل ترجعين تسلمين هاي الثقه مرة ثانيه
واعتبري هاي السنه الراحت من عمرج علئ الله العوض بيها
كافي ضعف وبجي ودموع ومن اليوم صيري قويه
الطعنات الماگدرت اتموتج خلنج صرتي اقوي
انسي. الصار وارجعي من جديد اگفي علئ حيلج اسندي روحج بيدج
واثبتيله كسرته الج زادتج قوة لااكثر
حلفت واخذت علئ نفسي عهد لاابجي ولااضعف مرة. ثانيه راح ارجع اقوئ من قبل
شحصلت من شخصيتي الضعيفه غير طياح الحض والقهر?
صح وگعتج موسهله
بس عيشي وحاربي وبينيله انتي اقوة من انو يكسرج
ثاني يوم گعدت من وكت احس روحي عندي طاقه ايجابيه الحمدالله بعد كل الماعناة العشتها بعد فترة طلاگي گدرة شويه شويه اعزز ثقتي بنفسي
واحاول اتخطاها بمرور الوقت
نزلت لجوة لگيت محمد يتريگ شافني ابتسم
بادلته الابتسامه گتله صباح الخير حمود ?
محمد،،اليوم بيها حمود الله يستر
لارا،،سامع هذا المقطع ع اليتيوب كل مااشوفه اذكرك
حمود حبيبي حمود حمود حبيبي
گوم اكعد من النومه ياامحمد حمادة ههههههه
محمد،،والله اكره هذا المقطع ماادري ليش
لارا،،اليوم فضي روحك الي اذا ماعندك شي اريد اروح للسوگ
محمد،،محمد صلوات واخيرا قررتي اطلعين من سباتج الصيفي
لارا،،هههههه انته بس ادعيلي والله كريم
محمد،،والله ادعيلج ليل نهار الله يفرح كلبج
يالله بويه اليوم اني تحت امرج وبالخدمه
لارا،،انتظرني اسبح وابدل فدوة
محمد،،منتظرج يابه واصلا بعد وكت بس انتي كاعدة مغبشه
لارا،،بسرعه سبحت وطلعت بدلت وهم جنت ناويه اشتري ملابس للكلية لان بعد شهر يبتدي الدوام
امي اتگلي اللون الاسود هم اله دور يعكر البال
يقبض الگلب ويكرب الروح وخاصتا اذا انلبس فترة طويله واني صار 7اشهور لابسته احس حتئ گلبي صار بلون اهدومي
ردنه نطلع امي گالت اذا اشتريتي ملابس سود احرگهن شوفي روحج شصاير بيج وحتئ ابوج يتعذب بگبرة لان لابسه علي اسود گتلها ليش ماما انتي مولابسه?
سعاد،،اني مرتة ماما مايصير زحمه اذب الاسود وبعدها دورة السنه ماطالعه ولو قبل جنت اسمع من امهاتنه يگولن الاسود ينعصر مثل الماي الحار بحلگ الميت اذا انلبس فترة طويله الحزن واجب بس علئ اهل البيت عليهم السلام
طلعنه للسوگ ماخلئ لامحل ولامول ولامجمع يعتب علي يا مول يعرفه اخذني اله
ماخليت شي مااشتريته
خلصن افلوسي ومحمد يصرف من جيبه كل مااگله كافي
يگلي لومنج اسكت ماافتح حلگي هم سيارة بلاش وهم مشترة بلاش لو ادري هيج الطلعه والملابس اتفرحج جان من زمان احطج بالسدر وافتر بيج
ابتسمت ودنگت لو الفرح بالملابس والطلعه جان ماشفت واحد مهضوم وحزين
مايدري اني حتئ اذا وجهي يضحك
روحي تبجي دم غصب عني
محمد ينكت ويضحك
اضحك علئ سوالفه الله يخلي الي
كملنه واخذنه المطعم اتغدينه مارجعنه غير ب 2الظهر
دخلت امي بغرفتها اخذت الملابس وصعدت الغرفتي عفت محمد ينزل الغراض الباقيه
نزلت صعدتهن وسديت الباب
صرت اطلع واشمر ع الجربايه
مالي نفس اجرب اي شي
روحي تفور نار بصدري
گمت اشيل واشمر بنص الغرفه
لللللليش ماجاي افرررح ليييش ماااجاي اگدر اااانسه لللليش?
گعدت بالگاع وجهي نار مستحيل اضعف وابجي
صرت امسح بوجهي اريد الهوئ وگفت گدام السبلت
بعدني ماارتاحيت
عرفت انو راح تبقئ هاي الجمرة بداخلي للابد
جمرة بيدة خلاها بصدري بيدة حرگني وحرگ روحه
مرة الايام وابتدة الدوام وهلمرة اني مرحلة ثالثه والطلاب الجانو بقسمي صارو مرحلة رابعه
انقهر راحت سنه مني عشت بيها تعب وقهر يعادل سنين عمري كلها
اول يوم داومت جنت مرتبكه مثل طالب اول ابتدائي بعدة مستجد ع المدرسه
خايفه من نظرة الطلاب الي
لان بمجتمعنه المرة المطلقه بكل الاحوال هي الغلطانه
محد يگول زوجها بي الصوج لو مااتحملت العيشه لو تعامله صعب لو مااتفقو بينهم
لابالعكس اللوم راح ينذب عليها فقط
صار وقت المحاضرة دخلت كان من نصيب الدكتورة غادة انتهت المحاضرة وطلعت للنادي
اجت بسمه وعصام يمشي وراها شافتني فتحت عيونها مامصدكه وعصام الضحكه شگت حلكه
عصام،،بوووويه اگول الجامعه منورة اليوم
لارا،،گمت من مكاني سلمت عليهم واني اضحك مشتاقه التحشيش عصام
گتله بشرو ماتزوجتو?
عصام،،لاوالله بعدني منتظر هاي البومه توافق
اني اشوف تالي هذا الانتظار افطس بيوم العرس
بسمه،،يعني هسه اني بومه صرت??
عصام،،لاحبيبتي حشه البومه انتي ططوة فگرها اقوة من فگر البومه
لارا،،ههههههه خربت ضحك وبسمه برطمت ضايجه ادري تتشاقه وياه بس يردون يضحكوني
بقينه انسولف ونضحك لمن ابدت المحاضرة الثانيه وكانت تصميم من نصيب استاذ عمار شافني انصدم مامصدگ بعدها ابتسم براحه طول المحاضرة يشرح ومبتسم عينه مني ارتبكت لان الطلاب حسو بهذا الشي كل مالتفت اشوفهم يباوعولي
ماصدگت تنتهي المحاضرة واطلع اخلص من نظراته ونظرات الطلاب
اجت طالبه گالت استاذ عمار يريدج
جريت نفس اطلب الصبر بعدنه ب اولها
اني سمعت بي اتزوج ومرته حامل بشهرها لان بنت خاله وطالبه ويانه مرحله ثانيه
گمت توجهت للمكتب مالته دگيت الباب اجاني صوته ياذن بالدخول
فتحت الباب ودخلت بس تركته مفتوح
نهض من مكانه مبتسم عينه مني اجه الجهتي اتجاوزني سد الباب واشرلي ع الكرسي اگعد
گعدت منصيه راسي گتله اتفضل استاذ گالو رايدني
خير اكو شي?
عمار،،مامصدگ رجعتي
لارا،،اتحمحمت گتله اتصور ردتني بشي ضروري ممكن اعرف شنو هو ?
عمار،،ردت اگلج نورتي الكلية برجعتج بس ليش نبرتج هجوميه ترة مجرد ترحيب استاذ الطالبته
لارا،،گتله شكرا استاذ اكيد هذا من ذوق حضرتك وبعدين الكليه منورة بوجودك
گمت اريد اطلع
عمار،،لارا عندي اهواي كلام وياج لتتصورين ناسي شي
لارا،،عگدت حواجبي گتله وشنو هذا الشي الصار حتئ ماناسي ?
غمض عيونه بتعب اجه وگف كدامي ادي بجيوبه
عمار،،حبي الج ولوعة گلبي بعدها نفس ماهي مااتغير شي
لارا،،دنگت ورجعت رفعت راسي گتله اعتقد هلموضوع انخصم من زمان وهسه حضرتك متزوج واكيد اهواي امور اتغيرت
وغير كلشي اني مطلگه والمجتمع مايرحم
عمار،،روحي هسه بعدين نحجي بين ماتهدين
لارا،،طلعت للنادي اجت بسمه كعدت يمي ماجبت طاري لكلام استاذ عمار
اجن بنات اثنين وحدة حامل بطنها شكبرها وكلش حلوة احلئ مني بقاطات اتباوعلي عيونها بيهن حجي مبينه بس مترددة تحجي ويه صاحبتها وتباوعلي سالت بسمه گالت هاي زوجة استاذ عمار
اتعجبت زلم امرهم عجيب كل هلجمال عندة وبعدة يهوئ غيرها
فزيت من صفنتي انضربت رجلي بقوة
رفعت راسي شفته شاب بطول الدنگه ضخم وطويل
همام،،اسف ماانتبهت
لارا،،بشنو يفيد اسفك انكسرت رجلي
باوعلي رفع حاجبه ابتسم بطرف شفته دار وجها مسح حلگة بيدة شواربه ملتحمات ويه لحيته المحددها
همام،،موگلت اسف يابه شتردين اسوي ?
لارا،،مرة الثانيه انتبه الخطواتك ترة بشر گاعدين
حط ادي ع الميز انحنه المستواي حجه بااسلوب مبين يستهزء
همام،،اذا مكسورة رجلج گومي اخذج للمستشفئ
لاتضلين تعوجين بحلگج ماعاجبج
لارا،،نهضت من مكاني استفزني كلامه گتله عيب هلحجي فوگ شينك كواة عينك فوگ ماانته صدمتني جاي تستهزء،حضرتك
همام،،،اللهم طولج ياروح ترة وصلت حدها وياج
لارا،،ردت انهض لزمت ايدي بسمه واعتذرت منه خزرتني بمعنئ عبري السالفه
هز ايدة تركنه وراح كعد يم جماعته گدامنه يتخازر وياي مخازر
بسمه، ،ولج تدرين هذا بنات الجامعه نصهن زحفن للولد ماتشوفين هيبته وشخصيته
دشوفي يشبه منو?
لارا،،وشعليه بي
بسمه،،لج بس باعي الله عليج مو
يشبه الشهيد ابو بكر الله يرحمه
لارا،،الله يرحمن برحمته الواسعه
اسكتي انتي الثانيه ليسمعج خطيبج يوزعج لفات
بسمه،،هههههه لابس وراه احجي مرة گلت ذوله شياكلون وهيج يخبلون عبالك اتراك شو ولد عمامي كلهم عبالك مجرمين الحواجب مطبرة واحدهم اتگول عبسي
لارا،،ههههههه راح اتصكين الولد بعين
بسمه،،عزا بعينه عبالك شارد من الجنه
السنه اجه للكليه من اهل العمارة جان تارك صارله 3سنوات
لارا،،ماانتبهت للولد كلش لان مايهمني شكله
گتلها اشلون يرجع بكل بساطه وهو تارك 3سنوات ?
بسمه،،يمعودة تلگين اله واسطه قويه بالدوله
لارا،،والله ماادري بس شو اني تركت سنه وحدة ومن ردت ارجع انشلع گلبي لان رقنو قيدي
ورادو يحولوني علئ كليه اهليه
لو ماجاي قرار من الوزارة بترجيع المرقنه قيودهم جان ماشفتيني هسه اگبالج
من گمت صارت عيني بعينه بدون قصد انتبهلي رفع حاجبه وباوعلي من فوگ لجوة كانه يستهزء
مااهتميتله عفته ومشيت
صرت كل مااجي للجامعه لازم يصير گدامي
يضل يتخازر وياي
مااعرف ليش
اليوم لبست تنورة سودة قصيرة بس موكلش وياها حذا افلات وقميص ابيض وسترة سودة
شافني خزرني مر من يمي سمعته يحجي بدون ماواحد ينتبه بس اني سمعته كانه متقصد اسمعه
همام ،حلوة الحشمه للبنيه
لارا،،التفتت ردت اجاوبه بس لگيته بعيد عني بمسافه
باوعت علئ لبسي كلشي مابي وبالعكس محتشم اكو بنات مع احترامي للزينات حدث ولاحرج جايات العرس موالجامعه
مرت الايام وراهب ماشفته ولاسمعت صوته وهيج مرتاحه مااريد اشوفه وارجع اضعف سارة تتصل بيه كل فترة وتحاول وياي بس مااگدر بعد السواه بيه مرات اشتاقله واكره روحي اتمنئ انسا واعيش حياتي
بس مااگدر احسه مرض مستحيل اشفئ منه
استاذ عمار نظراته زادات صارت تزعجني فوگ كلشي اكثر الطلاب يدرون بيه مطلقه يعني اصغر تصرف محسوب عليه صرت ابتعد عن الكل الشخصين الوحيدين الاحجي وياهم عصام وبسمه
صرت انعزاليه بشكل موطبيعي
جنت گاعدة اجت نفس الابنييه الحامل
وكفت فوگ راسي شكلها مرتبكه گمت من مكاني سلمت عليها گتلها اتفضلي رايدة شي
مريم،،ممكن اخذ من وقتج دقايق?
لارا،،اكيد حبيبتي اتفضلي
مريم،،لاموهنا تعالي يمي للقاعه فارغه
لارا،،مشت واني وراها دخلنه للقاعه اكو كم بنيه گاعدات
اتجاوزناهن ورحنه بالاخير گعدنه مستغربه شنو تريد مني
گعدت گدامي منصيه راسها
گتلها اتفضلي بشنو اگدر اخدمج
مريم،،اني زوجة استاذ عمار
لارا،،اهلا وسهلا بيج حبيبتي اعرف انتي زوجة استاذ عمار بس مااعرف ليش طلبتيني
رفعت راسها تفاجئت الدمعه بعينها دنگت وگعت دمعتها رفعت ايدها مسحت عيونها
لزمت معصمها قلقت علئ وضعها سالتها
احجي حبيبتي شبيج وليش تبجين??
مريم،،اني اعرف انتي لارا الجان رايدها عمار قبل لان تقريبا كل اهله وعمامي عدهم علم جان يحب طالبته اسمها لارا
جان يحجي بيج گدامي واني عروس عبالك ديحجي الصديقه عن علاقته
جنت اغار بس ماكرهتج لان ماعندي شي وياج وثانيا حبه من طرف واحد وانتي رفضتي العلاقه
بس اني شنو ذنبي من يوم الرجعتي وهو تصرفاته باردة وياي البارحه يگلي اذا اتقدمت الها وقبلت احطجن كل وحدة ابيت
لارا،،ضحكت گتلها وانتي تبجين علمود هلسالفه?
مريم،،اني احبه بس هو مايبادلني نفس الحب گلبه وروحه معلگات بيج
لارا،،لزمت ايدها گتلها خل انطيها الج من الاخير
قبل من جان اعزب رفضته
ومستتحيل اقبل بي بعد مااتزوج وعن قريب يجيكم طفل
اشفتيني انتي?
ارتاحي واطمني لان ماصار كم شهر من طلعت من تجربة زواج فاشله مستحيل افكر بالزواج حاليا
وفرضا فكرت فمن سابع المستحيلات افكر بعمار لان متزوج
اباوعلها ضحكت من بين دموعها اتقربت باستني بخدي يربي شگد فقيرة المفروض يبوس ايدة وجه وگفه لان عندة هيج نعمه مثل مرته حبابه ومتفهمه وضعه
ماتدري اني اكره المرة التاخذ رجال متزوج من زوجته ماادري شتحس
ماتفكر بيوم اكو انسانه راح تدعي عليها من تتوجه بصلاتها ماتفكر انو راح تهدم بيت وعائله بسبب عينها الفارغه ودنائه نفسها علئ رجال برگبته مرة واطفال
رجعت للمحاضرة بالي مويم الاستاذ نهائيا ماصدگت اكمل واطلع للبيت
بعد كم يوم هم دز عليه رحت بس جنت ناويه اوكفه عند حدة شنو ذنبها مرته مخليها عايشه بنار غيرتها وهو موهامه شي
رحت بس خايفه افقد اعصابي وافضح روحي دكيت الباب ودخلت
من شافني ابتسم
گتله نعم استاذ اتفضل
عمار،،لارا،،بدون لف ودوران ترة مامصدگ رجعتي ومرات احسها حوبتي رجعتج لان نفسي بيج
لارا،،انتفضت من كلامه وگفت علئ حيلي
استاذ عيب هلكلام انته رجال متزوج وزوجتك تحبك موحلوة بحقها تجازيها هيج
عمار،،ومنو يمها زوجتي وبعدين هي تعرف كلش زين اني احبج ورايدج من زمان ودائما اگلها لوبعد خمسين سنه ترجع لارا هم عندي امل تصير الي بيوم من الايام
لارا،،كورت ايدي اريد انفجر اكره الخيانه وكرهتها بيوم الدخل راهب وجايب وياه غزل اتذكر نار الغيرة الاشتعلت بداخلي
گتله شوف استاذ وخلي كلامي دوم ابالك
مااقبل بيك لوكنت اخر رجال ع الكرة الارضيه
تعرف ليش ?
لان رجال متزوج وقريبا تصير اب وزوجتك تحبك
رفضتك من كنت اعزب ومستحيل اقبل بيك بعد ماصرت رجال متزوج وعندك مرة
مو اني التبني سعادتها علئ تعاسة غيرها ولااني التهدم بيت انسانه كل همها اتحس ولو شويه بحب زوجها الها
اتمنئ اتكون هاي اخر مرة ادز بيها عليه
ومرة الثانيه اذا انفتح هيج موضوع اعتبرني انقلت الغير كليه بسببك
عفته مصدوم خرطت الحجي بوجها ماانطيته مجال يحجي
امشي وادردم زلم مالكم امان مرته جوة ايدة ويفكر بغيرها
صرت بنهاية الممر ردت اعبر ومااحسيت غير انضربت واطشرت كتبي
گعدت الم بيهن واني روحي فايرة منا عمار ومنا هذا العمود الانطخيت بي
گتله واني مدنكه وحتئ ماانتبهت علي منو
ادري مااتشووف گدامك ناس تعبر
اعمئ خو موو اعمئ
همام،،هذا منو الاعمئ?
يتبع...قرائة ممتعه
تابعوها 😍
😥
😥
😍😥
ماادري ليش حبيت الاغنيه 😥
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!